မောင်စွမ်းရည် – စာကြည့်တိုက်ရန်ပုံငွေ ဈေးရောင်းပွဲ

February 4, 2017

 

မောင်စွမ်းရည် – စာကြည့်တိုက်ရန်ပုံငွေ ဈေးရောင်းပွဲ
(မိုးမခ) ဖေဖော်ဝါရီ ၄၊ ၂၀၁၇
အမေရိကန်ပြည်ထောင်စု၊ နယူးယောက်မြို့ရဲ့ ရပ်ကွက်တိုင်းမှာ စာကြည့်တိုက်တွေရှိပါတယ်။ ပြည်သူ့ စာကြည့်တိုက်လို့ခေါ်တဲ့ အများပြည်သူအသုံးပြုဖို့ ပြည်နယ်အစိုးရက တည်ထောင်ဖွင့်လှစ်ထားတဲ့ စာကြည့် တိုက်တွေဖြစ်ပါတယ်။

အမေရိကန်စာကြည့်တိုက်ဆိုတော့ အမေရိကန်တွေအသုံးပြုတဲ့ အမေရိကန်ဘာသာစကားနဲ့ ရေးသား ပုံနှိပ်ထားတဲ့ စာအုပ်တွေပဲအဓိကထားရှိတာဟာ ဓမ္မတာပါပဲ။ အမေရိကန်ပြည်ထောင်စုမှာ လူမျိုးတရာ့တစ်ပါး မက နေထိုင်ကြတဲ့နိုင်ငံဖြစ်လေတော့ တချို့စာကြည့်တိုက်တွေမှာ အမေရိကန်(အင်္ဂလိပ်)ဘာသာစကားနဲ့ ပုံနှိပ် ထားတဲ့ စာအုပ်တွေအပြင် တခြားဘာသာနဲ့စာအုပ်တွေလဲရှိတတ်ပါတယ်။ တရုတ်ဘာသာစကား၊ ကုလားဘာသာစကား ဆိုတာမျိုးပေါ့။ ၀ါရှင်တန်က ကွန်ဂရက်စာကြည့်တိုက်လိုဟာမျိုးမှာတော့ ဘာသာစုံရှိဟန်တူပါတယ်။ အဲဒီမှာ ဗမာလူမျိုး မများဘဲနဲ့ ဗမာစာကြည့်တိုက်ထားပါတယ်။

နယူးယောက်မြို့မှာ ဗမာလူမျိုးနဲ့တိုင်းရင်းသားတွေ တော်တော်များများရှိနေပါတယ်။ ကျွန်တော်တို့တစ် တွေရောက်စကတည်းက ဗမာစာကြည့်တိုက်၊ စာဖတ်ခန်းဖြစ်ဖို့ အမျိုးမျိုးကြိုးစားခဲ့ကြပါတယ်။ အထူးသဖြင့် ဗမာပြည် ရှစ်လေးလုံးအရေးတော်ပုံမဖြစ်ခင်ကတည်းက ဒီမှာကျောင်းနေ၊ ဒီမှာအလုပ်လုပ်နေကြတဲ့ ‘ရွာနေပြေထိုင်’လို ပုဂ္ဂိုလ်တွေနဲ့ သံဃာတော်တွေ ပါဝင်ဦးဆောင်ကြိုးစားခဲ့ကြတာ ဖြစ်ပါတယ်။ မဟာပိသုဒ္ဓါရုံဆရာတော် ဦးပါမောက္ခ၊ ဦးဝင်းရှိန်၊ ကိုမိုးချမ်းစတဲ့ ပုဂ္ဂိုလ်များပါဝင်ဦးဆောင်ခဲ့ကြပါတယ်။ ကျွန်တော်ကတော့ စာပေ၀ါသနာ ပါတဲ့အပြင်၊ စာကြည့်တိုက်ကိုလဲ ရန်ကုန်တက္ကသိုလ်မှာ သင်ယူခဲ့ဖူးလို့ သူတို့နဲ့အတူ အကြံပေးဥာဏ်ပေးအဖြစ် ပါဝင်ခဲ့ပါတယ်။

ကျွန်တော်ကံကောင်းတာက ကျွန်တော်အမေရိကားကိုရောက်စအခါမှာပဲ အမေရိကန်အစိုးရ ‘ဒုက္ခ သည်’ပညာရှင်အဖြစ် မြန်မာစာဌာနနဲ့ မြန်မာစာကြည့်တိုက်ရှိတဲ့ မြောက်အီလီနှိုက်တက္ကသိုလ်ကို ပို့လိုက်တာပါ ပဲ။ စာကြည့်တိုက်ကို ဒေါ်မေကြည်ဝင်းဆိုတဲ့ မြန်မာအမျိုးသမီး စာကြည့်တိုက်မှူးတစ်ယောက်က ဦးဆောင်ကြိုး စားခဲ့တာပါ။ အဲဒီမှာ (Center For Burma Studies) ဆိုတဲ့ မြန်မာမှုလေ့လာရေးဌာနလည်း ရှိပါတယ်။ ဗုဒ္ဓဆင်းတုတော်တွေနဲ့ ၃၇မင်း နတ်ပြခန်းတွေလဲ ရှိပါတယ်။ မြန်မာစာဌာနမှာတော့ ကျွန်တော်တို့  မန္တလေးတက္ကသိုလ် ကျောင်းထွက် မြန်မာစာဆရာကြီး ဦးစောထွန်းရှိပါတယ်။ ၀န်ကြီးချုပ်ဟောင်း ဦးနု၊ ဒေါက်တာသန်းထွန်း(သမိုင်း ပါမောက္ခ)၊ ဒေါက်တာအောင်သွင် (သမိုင်းပညာရှင်)၊ ဒေါက်တာတိုးလှ (သမိုင်းပါမောက္ခ)၊ စာကြည့်တိုက်ပညာရှင် ဦးသော်ကောင်းစသူတို့ရောက်ရှိလေ့လာဖူးခဲ့ကြပါတယ်။

ဗမာကျောင်းသား၊ နိုင်ငံရေးခိုလှုံသူတွေ ထောင်ချီရှိတဲ့ အင်ဒီးယားနားပြည်နယ်၊ ဖို့(တ်)၀ိန်းမြိ့မှာလဲ ပါဂျူးတက္ကသိုလ်မှာ မြန်မာစာ စာအုပ်ခန်းထားရှိတယ်လို့ကြားဖူးပါတယ်။ မလေ့လာဖူးပါ၊ နယူးယောက်မှာ စာကြည့်တိုက်ရှိဖို့က ကျွန်တော်တို့တစ်တွေ စမ်းတ၀ါးဝါးပဲ လုပ်ခဲ့ရတာပါ။ ပထမဆုံးလုပ်တာကတော့ ဦးဝင်းရှိန် အိမ်ရှိတဲ့ အခန်းပိုလေးတစ်ခုမှာ လုပ်ဖို့ပါပဲ။ ဒါပေမဲ့ ပိုပြီးကျယ်တဲ့ မဟာဝိသုဒ္ဓါရုံ ကျောင်းမှာပဲလုပ်ဖြစ်သွားပါ တယ်။ ဆရာတော်ဦးပါမောက္ခက သူ့ကျောင်းမှာရှိတဲ့ ‘သိမ်’ကို စာကြည့်တိုက်လုပ်ခွင့် ပေးပါတယ်။ ဗမာအိမ်တွေ မှာ တချို့ကစာအုပ်တွေထားစရာမရှိလို့ လမ်းဘေးအမှိုက်ပုံးထဲကို စွန့်ပစ်လေ့ရှိပါတယ်။ ဆရာတော်က အဲသလို စာအုပ်မျိုးတွေကို အလှူခံထားလိုက်တာပါပဲ။ ဒကာမကြီးတစ်ယောက်ကလည်း စာအုပ်စင်လိုသလောက်လှူပါ တယ်။ ဆန့်သလောက်ပဲပေ့ါ။ နံရံကပ်စာအုပ်စင်လေးတွေပါပဲ။ သိပ်မကြာပါဘူး။ စာအုပ်တွေများလာလို့ မျက် နှာကျက်ပေါ်တင်ရ၊ ကြမ်းပေါ်ပုံရဖြစ်တော့တာပါပဲ။ ဒါကိုကြည့်ရင် နယူးယောက်မြို့မှာ စာဖတ်ဝါသနာပါသူတွေ မနည်းလှဘူးဆိုတာ သိနိုင်ပါတယ်။ ဒါ့ကြောင့် ပိုပြီးကျယ်တဲ့ ခြေလှမ်းသစ်ကိုလှမ်းကြရပါတယ်။

၂၀၁၆မကုန်မီ မှာပဲ ဆရာတော်ရဲ့ကျောင်းမှာ အစည်းအဝေးခေါ်ရပြန်ပါတယ်။ ကိုမိုးချမ်း ဦးဆောင်ခေါ်တာပါ။ သူက နယူး ယောက်မြို့က အစိုးရအရာရှိတွေ၊ အမတ်တွေစတဲ့ ပြည်သူ့ကိုယ်စားလှယ်တွေနဲ့လည်း အဆက်အဆံရှိပြီး နယူး ယောက်မှာ ပညာသင်လာတာဆိုတော့ ‘ဘိုလိုမွတ်သူ’တစ်ဦးလည်း ဖြစ်ပါတယ်။

အစည်းအဝေးမှာ စာပေ၀ါသနာပါသူစုံပါတယ်။ နယူးယောက် မြန်မာလူငယ်အသင်းက ကျောင်းသား လူငယ်အဖွဲ့ကိုယ်စားလှယ်များလဲ တက်ကြွစွာပါဝင်ကြပါတယ်။ သူတို့က စာပေဟောပြောပွဲလုပ်တဲ့နေရာမှာ ရော၊ စာကြည့်တိုက်ရန်ပုံငွေရှာကြမှာရော တက်ကြွစွာ ကူညီကြပါတယ်။ ဗမာပြည်မှာ စစ်အစိုးရအာဏာရှင် အုပ်စိုးတဲ့ကာလမှာ ကျွန်တော်တို့ကို စစ်အစိုးရဆန့်ကျင်သူတွေဖြစ်လို့ မဆက်ဆံရဲသူတွေကလည်း ခုတော့ ဆက်ဆံပါဝင်ပူးပေါင်းလာကြလို့ ၀မ်းသာရပါတယ်။(သံရုံးကပုဂ္ဂိုလ်တွေပါဝင်အောင် ဗမာပြည်က သမ္မတကြီးထံ မေတ္တာရပ်ခံရပါအုံးမယ်) ဒီအစည်းအဝေးကပဲ ရန်ပုံငွေဈေးရောင်းပွဲလုပ်ဖို့ ဆုံးဖြတ်ပါတယ်။

ဒီနှစ် (၂၀၁၇)၊ ဇန်န၀ါရီ(၈)ရက်၊ တနင်္ဂနွေနေ့ကပဲ ဈေးရောင်းပွဲလုပ်တော့ နှင်းအသည်းအသန်ကျ ထားလို့ လမ်းမသာခဲ့ပါ။ ဈေးရောင်းပွဲလုပ်မယ့်နေရာလဲ ဘေးပတ်ဝန်းကျင်နဲ့၊ လမ်းပေါ်မှာနှင်းဖုံးနေလို့ သုံးပါး ကျောင်းခေါ်မဟာဝိသုဒ္ဓါရုံဓမ္မရံသီကျောင်းကိုပဲ အရေးပေါ်နေရာရွေ့ပြောင်းရပါတယ်။ ဈေးရောင်းစရာနေရာ မကျယ်ပြန့်လို့ ‘စတုဒီသာဈေးရောင်းပွဲ’လို့ ကိုမိုးချမ်းက နာမည်ပေးပြီးတော့ အားလုံးအစားအစာတွေ စတုဒီသာ ချကျွေးလိုက်ပါတယ်။

ရန်ပုံငွေစေတနာအလျောက် ထည့်လှူသွားကြတာ ဒေါ်လာ ၅ ထောင်နီးပါး ရလိုက်ပါ တယ်။ (ထမင်း၊ ဟင်း၊ ခေါက်ဆွဲမျိုးစုံ၊ ကြာဇံကြော်၊ ကြာဆံဟင်း၊ မုန့်ဟင်းခါး၊ မုန့်တီ၊ တို့ဟူးသုပ်၊ ကောက်ညင်း ပေါင်း၊ ငချိပ်ပေါင်း၊ အချိုရည်၊ ကော်ဖီစသဖြင့် စားဖွယ်သောက်ဖွယ်အစုံအလင် ရောင်းချကြပါတယ်။) စာကြည့် တိုက်က ‘မင်းတို့တစ်ထောင်ထည့်ရင် ငါတို့တစ်ထောင်ထည့်မယ်၊ မင်းတို့တစ်သောင်းထည့်ရင် ငါတို့လည်း တစ်သောင်းထည့်မယ်၊ ရန်ပုံငွေပြည့်စုံရင် စာကြည့်တိုက်မှာ မြန်မာစာအုပ်စင်ထားပေးမယ်’လို့ ကတိစကားရရှိ ပါပြီ။ ဒါ့ကြောင့် တရားဝင်မြန်မာစာကြည့်တိုက် (စာအုပ်စင်) ထားရှိနိုင်တော့မှာ။ နောက်မကြာခင် ထပ်ပြီးရန်ပုံ ငွေဈေးရောင်းပွဲလုပ်ရင် ငွေကြေးပြည့်စုံသွားမှာ၊ စာအုပ်တွေအလှူခံဖို့၊ စာနယ်ဇင်းတွေ အလှူခံဖို့ လစဉ်စာအုပ် စာနယ်ဇင်းတွေ ဗမာပြည်က သယ်ယူပို့ဆောင်ဖို့စတဲ့ အလုပ်တွေလည်း ကျန်ပါသေးတယ်။ အားလုံးကူညီညာ ၀ိုင်းလို့ မှိုင်းမကြရင် ဒို့ဗမာတွေဂုဏ်ယူစရာ၊ ဗမာစာအုပ်စင်ကို အောင်မြင်ဖြစ်မြောက်တော့မှာပါ။ သတင်း ကောင်း နောက်ဆက်တွဲ စောင့်မျှော်ကြပါခင်ဗျား။

ကျွန်တော်မောင်စွမ်းရည်ပါ။
၂၀၁၇-ဇန်န၀ါရီ၁၇

စာကြွင်း ။ ။ ကံကောင်းတာက ဗမာပြည်၊ ရန်ကုန်တက္ကသိုလ်၊ စာကြည့်တိုက်ပညာဌာနက၊ စာကြည့် တိုက်ပညာ မဟာဝိဇ္ဇာ၊ (M.A. In Library Science) ဘွဲ့ရ၊ အမျိုးသမီးတစ်ဦးလည်း မဲပေါက်ရောက်ရှိလာပါ တယ်။ သူကလည်း ကူညီမယ်လို့ လက်ကမ်းပါကြောင်း။) စွမ်း


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:မောင်စွမ်းရည်

One Response to မောင်စွမ်းရည် – စာကြည့်တိုက်ရန်ပုံငွေ ဈေးရောင်းပွဲ

  1. Catwoman on February 4, 2017 at 6:02 pm

    Everyone should be able to speak English if they live in new york

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ

By

  ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ (မိုးမခ) နိုဝင်ဘာ ၁၅၊ ၂၀၁၇ ယခုစာအုပ်မှာ...

Read more »

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်