နန်းခမ်းဟေမာန် ● ပအိုဝ်းကိုယ်ပိုင်အုပ်ချုပ်ခွင့်ရဒေသ တွင် မြင်းစီးပြိုင်ပွဲပြုလုပ်

February 14, 2017

● ပအိုဝ်းကိုယ်ပိုင်အုပ်ချုပ်ခွင့်ရဒေသ တွင် မြင်းစီးပြိုင်ပွဲပြုလုပ်

(မိုးမခ) ဖေဖော်ဝါရီ ၁၄၊ ၂၀၁၇

ရှမ်းပြည်နယ်၊ ဟိုပုံးမြို့နယ်၏ ဒုတိယအကြိမ်မြောက် မြင်းစီးအားကစားပြိုင်ပွဲကို ဖေဖော်ဝါရီလ ၁၂ ရက်နေ့အထိ သုံးရက် ကြာ ပြုလုပ်ခဲ့သည်ကို တွေ့ရသည်။

ရန်ပုံငွေနှင့် ကုန်ကျစရိတ် ကမကထပြုမှု အခက်ခဲများရှိသည့်ကြားမှ ပြုလုပ်သည့် ပြိုင်ပွဲကို အနယ်နယ်အရပ်ရပ်မှ မြင်းစီး အားကစားဝါသနာရှင်များ လာရောက်ယှဉ်ပြိုင်ကြသည့်အတွက် ဝမ်းမြောက်ကြောင်း ပွဲကျင်းပသူ ဟိုပုံးလေးကုမ္ပဏီ ဒါရိုက်တာ ဦးခွန်ထွန်းထွန်းဝင်းက ပြောသည်။

“ကျွန်တော့မှာက ရန်ပုံငွေလည်းမရှိသလို စပွန်ဆာလည်းမရှိဘူး၊ ဝါသနာအရမြင်းစီးပြိုင်ပွဲပြုလုပ်တာ’’ ဟု ဦးခွန်ထွန်းထွန်း ဝင်းက ပြောသည်။

“အနယ်နယ်အရပ်ရပ်က မြင်းစီးဝါသနာရှင်တွေကို တောင်းပန်ချင်တယ်။  နေဖို့စားဖို့ ဘာမှမစီစဉ်ပေးရဘူး။ လာမယ့်နှစ်ကျ ရင် မြင်းစီးလာပြိုင်တဲ့သူတွေအတွက်၊ မြင်းနေဖို့နေရာတွေ၊ လူတည်းခိုဖို့အတွက်နဲ့ ထမင်းတွေကအစ စီစဉ်ဆောင်ရွက် ပေးဖို့ အစီစဉ်ရှိပါတယ်’’

ပအိုဝ်းကိုယ်ပိုင်အုပ်ချုပ်ခွင့်ရဒေသ ပြိုင်ပွဲသို့ မန္တလေး၊ ချမ်းမြသာစည်မြို့နယ်မှ လာရောက် အားဖြည့်သော ကိုငယ်လေးက မျိုးဆက်သစ်များကိုလည်း မြင်းစီးပြိုင်ပွဲ ဝင်ရောက်လိုသည်ဟု ဆိုသည်။

“ကျွန်တော့်သားလေးကို ထူးချွန်တဲ့ မြင်းစီးသမားဖြစ်အောင် မြေတောင်မြောက်ပေးတဲ့အနေနဲ့ လာရောက် ယှဉ်ပြိုင်ခြင်းဖြစ် တယ်’’ ဟု ကိုငယ်လေးက ပြောသည်။

“မန္တလေးကနေ ဒီကိုလာဖို့ ကားခတင် သုံးသိန်း ပေးရတယ်။ မြင်းက နှစ်ကောင်၊ မြင်းထိန်းဖို့အတွက် လူတွေနဲ့ စုစုပေါင်း ၉ ယောက် လာတာ။ ဒီရောက်တော့ သူများတွေက ထမင်းအိုးတွေ ပန်းကန်တွေကအစ ယူလာပြီး ချက်စားတာလည်း ရှိတယ်၊ ကျွန်တော်တို့က ခုမှလာဖူးတာဆိုတော့ မယူလာမိဘူး။ ဝယ်စားရတော့ အသွားအပြန်စရိတ်က ၆ သိန်း ကျော်လောက် ကျ မယ် ထင်တယ်။  ဒီရောက်တော့လည်း အိပ်ဖို့က မိုးကာကို တဲထိုးပြီး အိပ်ကြတာပေါ့။ ဝါသနာအရ လာတာဖြစ်လို့ ဘယ်လို အိပ်အိပ် ရပါတယ်။ ထမင်းစားဖို့ရန် စီစဉ်ပေးရင်တော့ ကောင်းတာပေါ့ဗျာ’’

ဒေသခံ အများအပြား လာရောက် ကြည့်ရှုအားပေးကြသည်ကို တွေ့ရသည်။

ပြိုင်ပွဲအမျိုးစား ၆ ခုမှာ အကြီးတန်း၊ အငယ်တန်း၊ ဒုန်း၊ အသားကျ၊ အသားကျမြန်မာခြေပြေး၊ မြင်းအကတို့ ဖြစ်သည်။

မြင်းစီးပြိုင်ပွဲနှင့်အတူ ထောပတ်သီးအထူးပြု သစ်သီးဝလံ ပန်းမန် ဟင်းသီးဟင်းရွက်ကုန်စည်ပြပွဲကိုလည်း ပြုလုပ်ခဲ့သည်။

မြန်မာနိုင်ငံမြင်းစီး အားကစားအဖွဲ့ချုပ် နာယက ဖြစ်သူ ဦးပြုံးမောင်မောင်လည်း ပြိုင်ပွဲသို့ လာရောက်အားပေးသည်ကို တွေ့ရသည်။

“နိုင်ငံမှာ မြင်းကောင်းမြင်းသန့် ပေါ်ထွန်းလာရေးနှင့် မြင်းစီးဝါသနာရှင်များ မြင်းစီးအားကစားသူရဲကောင်းများ ပေါ်ထွန်းလာ ရေး တွက် ရည်ရွယ်ချက်အနေနဲ့ ပြိုင်ပွဲများ ကျင်းပဖို့ ရည်ရွယ်ထားပါတယ်။   မြန်မာနိုင်ငံ မြင်းစီး အားကစားအဖွဲ့ အနေနဲ့ ပြိုင်ပွဲမှာ ပထမရရှိတဲ့ ၆ ယောက်ကို ရန်ကုန်နဲ့ ကျိုက်ထီးရိုး ခရီးစဉ်အနေနဲ့ ပူးတွဲချီးမြင့်ပြီး ဟိုပုံးလေးမှာ ဆက်လက်ပြီး ပြိုင် ပွဲများကျင်းပနိုင်အောင် ကူညီဖို့ရှိတယ်’’ ဟု ဦးပြုံးမောင်မောင်က ပြောသည်။

ဟိုပုံးလေးမြင်းစီးကွင်းတွင်  ပြုလုပ်သော ထိုမြင်းပြိုင်ပွဲတွင် မြင်းကောင်ရေ ၄ဝ ယှဉ်ပြိုင်ရာ  ပထမဆု ရွှေတစ်ကျပ်သား၊ ဒုတိယဆု ရွှေသုံးမတ်သား၊ တတိယဆု ရွှေငါးမူးသား ဆုချီးမြင့်ပေးခဲ့ကြောင်း သိရသည်။

ဤသတင်း ရေးသားသူ နန်းခမ်းဟေမာန်သည်   ပအိုဝ်းတိုင်းရင်းသားဘာသာဖြင့် ထုတ်ဝေသော The People’s Voice ဂျာနယ်မှ ဖြစ်ပြီး ရန်ကုန်မြို့ Myanmar Now ရုံးတွင် အလုပ်သင်သတင်းထောက်အဖြစ် ခေတ္တ လုပ်ကိုင်ခဲ့သူဖြစ်သည်။

မြင်းပြိုင်ပွဲ မြင်ကွင်း (ဓာတ်ပုံများ – နန်းခမ်းဟေမာန်/Myanmar Now)

 


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းပဒေသာ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)