ကိုသန်းလွင် – ရူးဆိုးတစ္ဆေ

February 15, 2017

ကိုသန်းလွင် – ရူးဆိုးတစ္ဆေ 
(မိုးမခ) ဖေဖော်ဝါရီ ၁၅၊ ၂၀၁၇
(၁)

လောကသဘာဝနှင့် လူ့အဖွဲ့အစည်း၏ လိုအပ်ချက်၊ ချို့ယွင်းချက်များကို ထောက်ပြရန်မှာလွယ်ကူပါသည်၊ သို့သော်အပြုသဘောဆောင်ရန်လိုအပ်သည်၊ လူ့ယဉ်ကျေးမှု တည်ဆောက်ထားပုံနှင့် ဖြစ်ပေါ်တည်ရှိမှုကို မကောင်းမြင်ခြင်းမှာမလိုလားအပ်ပေ၊

မဟတ္တမဂန္ဒီက လူ့သမိုင်းသည် အကောင်းဘက်သို့သာ တိုးတက်ပြောင်းလဲရမည်ဟု ဆိုခဲ့ပါသည်၊ လူ့ယဉ်ကျေး မှု၏နှစ်ပေါင်း ၃၀၀၀ ကျော်သမိုင်းကို ကြည့်လျင်လည်း အကောင်းဘက်သို့ပြောင်းလဲလာမှုများကို မြို့ကြီးပြကြီး များနှင့်၊ လူတို့၏ သက်တောင့်သက်သာနေနိုင်လာခြင်းကိုကြည့်၍သိနိုင်ကြပါသည်၊

(၂)

လွန်ခဲ့သော ဇန္န၀ါရီလ ၂၀ရက်နေ့ကအမေရိကန်နိုင်ငံ၏ ၄၅ယောက်မြောက် သမ္မတကြီးအဖြစ် မစ္စတာ ဒေါ်နယ် ဂျေ ထရန့်မှာကျမ်းသစ္စာကျိန်ဆို၍ ရာထူးလက်ခံခဲ့ပါသည်၊ ၁၉၈၉ ဆိုဗီယက်နိုင်ငံကြီးပြိုကွဲသွားပြီး သည့်နောက် ကမ္ဘာတွင် တခုတည်းသော အင်အားကြီးနိုင်ငံအဖြစ် ကျန်ရစ်ခဲ့သည့် အမေရိကန်နိုင်ငံအစိုးရကို ဦးဆောင်သူမှာ ကမ္ဘာတွင်အကြီးဆုံး၊ အမြင့်ဆုံး သြဇာ၊ အာဏာကို ပိုင်ဆိုင်သူဖြစ်ပါသည်၊ အမေရိကန် နိုင်ငံ၏ နျူကလီယာ လက်နက်များကိုအသုံးပြုရန်အဆုံးဖြတ်ပေးနိုင်သည့်ရာထူးဖြစ်၍လည်းသမ္မတသစ်၏ အပြုအမူသည် ကမ္ဘာကြီး ၏ အဆိုးအကောင်းကိုဖန်တီးပေးနိုင်သည်ဟုဆိုနိုင်ပါသည်။

၂၀၁၆ခု နိုဝင်ဘာလ၈ရက်နေ့ သမ္မတရွေးကောက်ပွဲ မဲရလါဒ်များကို ကျေငြာမည့်အချိန်ထိ သူ့ကိုနိုင်လိမ့်မည်ဟု ယုံကြည်သူများများစားစားမရှိခဲ့ပေ၊ စစ်တမ်းကောက်လိုက်တိုင်း သူနိုင်လိမ့်မည်ဟု မည်သည့် မီဒီယာဌာနကမှ ဟောကိန်း မထုတ်ခဲ့ပေ။

မစ္စတာထရန့် ၏လုပ်ရပ်များကိုကြည့်ရသည်မှာ ရန်သူအသစ်တွေပိုမိုတိုးပွားလာအောင် ဖန်တီးနေဟန်ရှိသည်၊ မွတ်စလင် ရ နိုင်ငံမှလာသူများကို ၀င်ခွင့်မပေးရဟူသော အရေးပေါ် အမိန့် အရ ခရီးသွားသူအမြောက်အများ လေဆိပ်တွင်ပြဿနာများစွာတက်ကုန်သည်၊ ရှေ့နေချုပ်မှာ အလုပ်မှရပ်နားခံ လိုက်ရသည်၊ တရားသူကြီးတဦး မှ သူ့အမိန့်ကို လိုက်နာစရာမလိုကြောင်းအမိန့်ထုတ်ပြန်ခဲ့ရသည်၊

ထရန့် က သားမက်ဖြစ်သူကိုအိမ်ဖြူတော်၏ စီနီယာအကြံပေးအရာရှိအဖြစ် ခန့်အပ်လိုက်ရာမိမိဆွေမျိုး မိသားစု ကိုဦးစားပေးသည့်(Nepotism) ၀ါဒကိုဗြောင်သုံးလိုက်သလိုဖြစ်နေသည်၊ သူ့သမီးဖြစ်သူ၏တံဆိပ်ဖြင့်ရောင်းချ သောကုန်ပစ္စည်း ၃၁ မျိုးကို (Nordstrom) ကုန်တိုက်ကြီးက ဖယ်ရှားသဖြင့် ထိုကုန်တိုက်ကို (Twitter) တွစ်တာမှတဆင့် အပုတ်ချနေသည်၊ ထုံးစံမှာ သမ္မတ လုပ်မည့်သူတို့သည် မိမိပိုင်စီးပွားရေးလုပ်ငန်းများကို လုံးဝအဆက်ဖြတ်လွှဲပြောင်းကြရသည်၊ သူကလုပ်ငန်းအ၀၀ကိုသူ့သားများအား လွှဲအပ်ပါသည်ဟုပြောနေသည်၊

သူ့တွင် နိုင်ငံပေါင်း ၂၅ နိုင်ငံ၌ကုမ္မဏီပေါင်း ၁၄၄ ခုမျှရှိနေရာမိမိ၏ရာထူးကိုအလွဲသုံးစားလုပ်မှာ မဟုတ်ဖူးဟု ဘယ်သူမျှ မယုံကြည်ကြပေ၊ ထို့ပြင် နိုင်ငံတော်ကိုအုပ်ချုပ်သည်ဆိုခြင်းမှာ မိသားစုပိုင်ကုမ္ပဏီတခုကို အုပ်ချုပ် သည်နှင့်လည်းမတူပေ၊ မိမိပိုင်ကုမ္ပဏီမှာမိမိထင်မြင်သလိုစည်းကမ်းသတ်မှတ်နိုင်သည်၊ ဖွဲ့စည်းအုပ်ချုပ်ပုံ အခြေခံဥပဒေနှင့်အုပ်ချုပ်ရသော နိုင်ငံတော်ရေးရာများမှာ ကုမ္ပဏီအုပ်ချုပ်ခြင်းထက်ပိုမိုရှုပ်ထွေးပါသည်။

အမေရိကန်နိုင်ငံ၏ ဖွဲ့စည်းအုပ်ချုပ်ပုံ အခြေခံဥပဒေမှာ သမ္မတလုပ်သူကို ဘရမ်းဘတာ မအုပ်ချုပ်နိုင်အောင် အကွာအကွယ်အဟန့်အတားများဖြင့် ပြည့်စုံစွာ ရေးဆွဲထားသည်၊ 25th Amendment ဆိုသည့် အချက်မှာ အမေရိကန်သမ္မတကို ရာထူးမှဖယ်ရှားနိုင်ခြင်းများနှင့်ဆိုင်သည်၊ ၁၉၇၀ခုနှစ်များဆီက သမ္မတ ရစ်ချပ်နစ်ဆင် လက်ထက် ၀ါးတားဂိတ်ကိစ္စတွင် ဒီမိုကရေစီလူ့အဖွဲ့အစည်းနှင့်အတူ မီဒီယာနှင့်သူခန့်အပ်ထားသော ၀န်ထမ်း များကပင်သူ့ကို ဖြုတ်ချခဲ့သော အဖြစ်အပျက်များ ရှိခဲ့ပါသည်။

အနည်းဆုံး ၃နှစ်ခန့်အချိန်ယူ၍ စေ့စပ်ညှိနှိုင်းခဲ့ကြရသော ပစိဖိတ်၁၂ နိုင်ငံပါဝင်သည့် ကုန်သွယ်သဘောတူမှု စာချုပ် (TPP) မှနှုတ်ထွက်ကြောင်းကျေငြာခဲ့သည်၊၊ မက္ကစီကို နိုင်ငံ နယ်နိမိတ်တလျှောက် အုတ်တံတားကာ ရမည် ဟုအမိန့်ပေးခဲ့သည်၊ မြောက်အမေရိကားနိုင်ငံများ၏ ကုန်သွယ်ရေး သဘောတူညီမှုစာချုပ်(NAFTA) ပတ်ဝန်းကျင်ထိမ်းသိမ်းရေးပဲရစ်သဘောတူညီမှု စသည်တို့ကို ဖျက်သိမ်း ပြစ်မည်ဟု ပြောဆိုချက်များရှိနေရာ ၄င်းတို့သည် ကမ္ဘာကြီး၏ တည်ငြိမ်နေသော နိုင်ငံရေးအခြေအနေများကို ထိခိုက်ပျက်ပြားစေတော့မည် ဖြစ်သည်၊

အီရန်နှင့်သဘောတူစာချုပ်ကိုလည်းဖျက်သိမ်းရမည်ဟုလည်းကောင်း၊ ဂျပန်၊တောင်ကိုးရီးယား၊ တိုင်ဝမ်စသည့် နိုင်ငံများ၏ လုံခြုံရေးကို တာဝန်ယူထားခြင်းကို ပြန်လည်သုံးသပ်မည်ဟုလည်းကောင်း ဆိုထားရာ ထိုနိုင်ငံ အားလုံးက မိမိကိုယ်ပိုင် နျူကလီယာလက်နက် ထုတ်လုပ်ရေးကို စဉ်းစားလာဘွယ်ရှိနေသည်။

(၃)

ကျွန်တော်သည် ဒေါ်နယ်ထရန့်၏ အပြုအမူများကို မြင်တွေ့ရသောအခါ ကျွန်တော်တို့ တက္ကသိုလ်ကျောင်းသား ဘ၀ ဖီလိုဆိုဖီသင်ရိုးညွှန်းတန်းပါ ပြင်သစ်တွေးခေါ်ပညာရှင် ရူးဆိုး (Jean Jacques Rousseau-1712-1778) ၏အကြောင်းကိုသွားပြီးသတိရမိပါသည်၊ သူ့အယူအဆမှာ “လူသည် မူလအခြေခံကကောင်း၏၊ သို့သော် ပတ်ဝန်းကျင် လူ့အဖွဲ့အစည်းကသူ့ကိုဖျက်စီးလိုက်ကြသည်” ဟူ၍ဖြစ်ပါသည်၊ လူ့အဖွဲ့အစည်း ဆန့်ကျင်ရေး (Anti Social) ၀ါဒဖြစ်ပါသည်၊ သိပ္ပံနှင့်လူ့တန်ဘိုးသည် တခြားစီဖြစ်သည်၊ နက္ခတ္တဗေဒသည် အယူသီးသော ဗေဒင်(astrology) မှလာသည်၊ မျှော်လင့်ချက်ကင်းမဲ့သောစိတ်ဝင်စားမှုမှ ရူပဗေဒဘာသာရပ်ဖြစ်ပေါ်လာသည်၊ လူ့ကျင့်ဝတ်ဆိုသည်မှာ မာနကြီးသူတို့၏အလုပ်ဖြစ်သည်၊ ပညာရေးနှင့်စာပုံနှိပ်စက်သည် လူကို ဆိုးကျိုးသာ ဖြစ်စေသည်၊ “လူယဉ်ကျေးများကို အရိုင်းအစိုင်းနှင့် ကွဲပြားအောင် လုပ်သော အရာမှန်သမျှသည်မကောင်း” ဟု ခေတ်ယဉ်ကျေးမှုကိုဆန့်ကျင်သော အတွေးအခေါ်များဖြစ်ပါသည်၊

ပြင်သစ်အနုပညာအကယ်ဒမီမှ “သိပ္ပံနှင့်အနုပညာသည် လူ့ဘောင်ကိုအဘယ်သို့ကောင်းကျိုးပြုသည်” ဆို သောခေါင်းစဉ်ဖြင့် စာစီစာကုံးပြိုင်ပွဲ တခုဖိတ်ခေါ်ခဲ့ရာ ရူးဆိုးကထိုအယူအဆကိုပြောင်းပြန်ယူ ထားသော အရေးအသားဖြင့် ပဌမဆုကို ဆွတ်ခူးခဲ့ပါသည်။

သူ၏(Social Cotract) စာအုပ်မှာ ပြင်သစ်ပြည်သူများအတွက် သမ္မာကျမ်းစာအုပ်သဘွယ် အားကိုးရာဖြစ်ခဲ့ပြီး ၁၈ရာစုနှစ်က ပြင်သစ်တော်လှန်ရေးကြီးကို ဖြစ်ပွားစေခဲ့ပါသည်၊ တော်လှန်ရေးအောင်မြင်ပြီးသောအခါ ရူးဆိုး ၏အလောင်းကို နိုင်ငံ၏ ကယ်တင်ရှင် ဟီးရိုးအဖြစ်ဖြင့် ဂုဏ်ပြုသဂြိုလ်ခဲ့ကြသည်။

ရူးဆိုး၏အယူအဆများသည် ယနေ့အမေရိကန်လူနေမှုစနစ်ကြီးသည် ဆုတ်ရုတ်ပျက်စီးနေပါသည်၊ ၀ါရှင်တန်မှ နိုင်ငံရေးသမားများသည် အလိမ်အညာများသာဖြစ်သည်၊ အမေရိကန်ကုန်သွယ်ရေးမှာ မတရားသောစာချုပ် များကြောင့်နစ်နာနေသည်၊ ပြင်သစ်ရာသီဥတုထိမ်းသိမ်းရေးသဘောတူညီမှုမှာ အနှစ်သာရမရှိ၊ ရုရှားသမ္မတမှာ ဒီမိုကရက်တစ်ပါတီကလူများထက်ပို၍တော်သည်၊ စသော ဒေါ်နယ်ထရန့်၏ အယူအဆများနှင့် ဆင်ဆင်တူပါ သည်၊ အထူးသဖြင့်အမေရိကန်နိုင်ငံသမ္မတ အသစ်၏ လက်ရှိလူနေမှုစနစ်ကြီးတခုလုံးမှာ ခြစားပျက်စီးနေကြ သည်ဟူသောအမြင်မှာစိုးရိမ်စရာအလွန်ကောင်းသည်။

ဘာထရန်ရပ်ဆဲလ်က သူ၏ အနောက်နိုင်ငံ ဖီလိုဆိုဖီသမိုင်းစာအုပ်တွင် ရူးဆိုး၏အယူအဆများသည် ဟေဂယ် မှတဆင့် နိုင်ငံရေးသမားများစွာတို့ကို လွှမ်းမိုးခဲ့ပြီး ဆိုဗီယက်နိုင်ငံမှ အာဏာရှင်များနှင့် ဂျာမဏီမှ ဟစ်တလာ စသော အာဏာရှင်ခေါင်းဆောင်အမြောက်အများကိုဖြစ်ပေါ်လာစေခဲ့သည်ဟု ကောက်ချက်ချခဲ့ပါသည်၊ တဖက် တွင် လူ့ယဉ်ကျေးတို့၏ ကျင့်ဝတ်များကို ဖေါ်ထုတ်ခဲ့သူ ဂျွန်လော့(ခ) (John Locke) ၏ အယူအဆများက ရုစဗဲ့ နင့် ၀င်စတန်ချာချီ တို့ကဲ့သို့သော ခေါင်းဆောင်များပေါ်ထွက်လာခဲ့သည်ဟုဆိုပါသည်၊

ရပ်ဆဲလ်က နိဂုံးချုပ်ထားသည်မှာ “အနာဂါတ်ကာလတွင် ရူးဆိုး၏ တစ္ဆေကို ဘယ်သို့သော မကောင်းဆိုးရွား များက ကိုးကွယ်ဆီးကပ်ကြလိမ့်ဦးမည်ဟုသူမတွေးရဲပါ” ဟုဖြစ်ပါသည်။

ကိုသန်းလွင်

Ref: History of Western Philosophy by Bertrand Russell pp 660.


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကိုသန်းလွင်, သူတို့အာဘော်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

ဒေါက်တာခင်မောင်ဝင်း (သင်္ချာ) – သင်္ချာအတွေးအခေါ်သမိုင်း ၊ ဂိမ်းသီအိုရီနှင့် အတွေးအမြင်ဆောင်းပါးများ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ် ထွက်ပြီ

By

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ်...

Read more »

မိုးမခလစဉ်မဂ္ဂဇင်း ဇွန် ၂၀၁၈ ၊ တွဲ ၅၊ မှတ် ၂၊ အချိန်မီ ထွက်ပါပြီ

By

  မိုးမခလစဉ်မဂ္ဂဇင်း ဇွန် ၂၀၁၈ ၊ တွဲ ၅၊ မှတ် ၂၊...

Read more »

ရဲဘော် မောင်တူးရဲ့ သက်ရှိပန်းချီ

By

  ရဲဘော် မောင်တူးရဲ့ သက်ရှိပန်းချီ  (မိုးမခစာအုပ်စင်) မေ ၃၊ ၂၀၁၈ ခေါင်းစဉ်...

Read more »

မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ

By

  မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်