ထက်ခေါင်လင်း (Myanmar Now) ● တောဆင်ရိုင်းတွေကို အသတ်မခံရခင်ကတည်းက ကာကွယ်ပေးဖို့ လိုလာပြီ

February 17, 2017

ထက်ခေါင်လင်း (Myanmar Now) ● တောဆင်ရိုင်းတွေကို အသတ်မခံရခင်ကတည်းက ကာကွယ်ပေးဖို့ လိုလာပြီ
(မိုးမခ) ဖေဖော်ဝါရီ ၁၇၊ ၂၀၁၇

တောဆင် သတ်ဖြတ်ကုန်သွယ်မှုမှာ နောက်ကွယ်ကပါဝင်သူတွေကို ဖော်ထုတ်ဖို့ ခက်ခဲနေပါတယ်

 

ရန်ကုန်၊ ဥက္ကံ (Myanmar Now) – ပြီးခဲ့တဲ့ နိုဝင်ဘာလအတွင်း ရန်ကုန်တိုင်း ဥက္ကံမြို့နယ်ထဲက ချောင်းစောက်နဲ့ကျောက်ပြင်သာရွာနှစ်ရွာကြားမှာ စီးဆင်းနေတဲ့ ဆားငန်ချောင်းထဲ အရေပြားခွာခံထားရတဲ့ တောဆင်ရိုင်းကိုယ်လုံးတခု၊ နှာမောင်းမ ရှိတော့တဲ့ ဦးခေါင်းပြတ်တခု မျောပါလာရာမှာ အနီးအနားက ဒေသခံတွေ ထိတ်လန့်တကြားဖြစ်ခဲ့ရပါတယ်။

ဆင်မုဆိုးတွေ ပဲခူးရိုးမထဲ တောလိုက်နယ်မြေ ချဲ့ထွင်လာခဲ့ကြရာကနေ အလွန်အေးချမ်းတဲ့ဒေသတခုမှာ အခုလို မြင် ကွင်းမျိုးတွေ စတင်ပေါ်ပေါက်လာခဲ့တာပါ။

ဆင်မုဆိုးတွေဟာ ချောင်းစောက်ကျေးရွာအုပ်စု အုပ်ချုပ်ရေးမှူးဟောင်းနဲ့ ချိတ်ဆက်လုပ်ဆောင်ခဲ့တယ်လို့ လက်ရှိ အုပ်ချုပ် ရေးမှူးက ရှင်းပြပါတယ်။

“သူတို့တွေ (ဆင်မုဆိုး) ကျွန်တော်တို့ရွာနားကို ပြီးခဲ့တဲ့နှစ် ဖေဖော်ဝါရီလလောက်ကတည်းက စတင်စတည်းချတာ။ စ ရောက်တုန်းကတော့ လိပ်ပြာဥတို့ ဘာတို့ လာရှာသလိုလိုနဲ့ ကျွန်တော်တို့ရွာနဲ့ ၃ မိုင် လောက်ဝေးတဲ့ ပဲခူးရိုးမအစပ်က လယ်ကွင်းထဲမှာ တဲထိုးနေကြတာ” လို့  အုပ်ချုပ်ရေးမှူး ဦးကျော်လှိုင်ဝင်းက ဆိုပါတယ်။

“အခု အဖမ်းခံနေကြရတဲ့သူတွေဟာ တောဆင်ရိုင်းတွေကို ပစ်ခတ်တဲ့မုဆိုးတွေ မဟုတ်ဘူး။ မုဆိုးတွေကို ရိက္ခာထောက်ပံ့ ပေးတဲ့သူ၊ လမ်းပြပေးတဲ့သူ၊ သယ်ယူပို့ဆောင်ပေးတဲ့သူတွေ ဖြစ်ဖို့များပါတယ်”

 

ရဲတပ်ဖွဲ့က ဆင်မုဆိုးလို့ ယူဆထားသူတစ်ဦးရဲ့ ဓာတ်ပုံကို ပြသနေတဲ့ ချောင်းစောက်ကျေးရွာအုပ်စု အုပ်ချုပ်ရေးမှူး (ဓာတ်ပုံများ – ထက်ခေါင်လင်း/Myanmar Now)

မြန်မာနိုင်ငံအတွင်း တောရိုင်းဆင်တွေကို တရားမဝင်သတ်ဖြတ်ကုန်သွယ်နေမှုတွေမှာ  အဓိကပုဂ္ဂိုလ်တွေဟာ နောက်ကွယ် တွေမှာသာရှိနေပြီး ဆင်သတ်မုဆိုးတွေ၊ ပါဝင်ပတ်သက်တဲ့ ဒေသခံတွေဟာ စားဝတ်နေရေးခက်ခဲလို့သာ ကျူးလွန်ကြ တာဖြစ်တယ်လို့ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနရဲ့ ဒုတိယညွှန်ကြားရေးမှူး တယောက်ဖြစ် တဲ့ ဒေါက်တာနိုင်ဇော်ထွန်းက Myanmar Now ကို ပြောပါတယ်။

တောဆင်ရိုင်း သတ်ဖြတ်မှုဖြစ်စဉ်တွေမှာ လွတ်မြောက်နေသူတွေကို စုံစမ်းဖော်ထုတ် အရေးယူဖို့ သစ်တောဦးစီးဌာနရဲ့ အင်အားတခုတည်းနဲ့ မလုံလောက်ဘဲ သက်ဆိုင်ရာ အဖွဲ့အစည်းတွေရဲ့ ပူးပေါင်းပါဝင်မှု လိုအပ်တယ်လို့ ဒုတိယညွှန်ကြား ရေးမှူးက ဆိုပါတယ်။

ဥက္ကံရဲစခန်းမှူး ရဲအုပ် သန်းနိုင်က ဒီဒေသမှာ တောဆင်ရိုင်းကိုပစ်ခတ်တဲ့ မုဆိုး ၂ ဦး အပါအဝင် ၁၁ ဦး လွတ်နေတယ်၊ ဆင်မုဆိုးအဖွဲ့ဝင်တွေလို့  ယူဆရသူ  ၉ ဦးကို ဖမ်းဆီးရမိထားတယ်၊ အဲဒီထဲမှာ ချောင်းစောက် ကျေးရွာအုပ်စု အုပ်ချုပ်ရေး မှူးဟောင်းလည်း ပါဝင်တယ်လို့ ပြောပါတယ်။

“ဘယ်သူဟာ ဘယ်အခန်းကဏ္ဍမှာ ပါတဲ့သူဆိုတာကို  အတိအကျပြောလို့ မရသေးဘူး။ အခု ဖမ်းဆီးခံရတဲ့သူတွေမှာလည်း ဝန်ခံတဲ့သူရှိသလို ဥပဒေကို လက်တလုံးခြားလုပ်ပြီး ဝန်မခံတဲ့သူလည်း ပါကောင်းပါမှာပဲ” လို့ ရဲအုပ်က ဆိုပါတယ်။

ဆင်သတ်မှုကို ဥက္ကံရဲစခန်းမှာ သားရိုင်းတိရစ္ဆာန်များ ကာကွယ်ထိန်းသိမ်းရေးဥပဒေ ပုဒ်မ ၃၇ (က) နဲ့ အမှုဖွင့်ထားတယ်လို့ ရဲအုပ်က ပြောပါတယ်။ ဒီပုဒ်မဟာ ဒဏ်ငွေ ကျပ် ၅ သောင်းကနေ ထောင်ဒဏ် ၇ နှစ်အထိ ချမှတ်နိုင်သလို  ဒဏ်နှစ်ရပ် လုံးလည်း ချမှတ်နိုင်တဲ့ပုဒ်မပါ။

● တောဆင်ရိုင်းများ သတ်ဖြတ်မှု
မြန်မာနိုင်ငံမှာ   ကမ္ဘာလုံးဆိုင်ရာ မျိုးသုဉ်းလုနီးပါး မျိုးစိတ် ၂၃၃ မျိုး ကျက်စား နေထိုင်တဲ့ ဂေဟစနစ်များ၊  နေရင်းဒေသများ ရှိနေတယ်၊  အဲဒီထဲမှာ မျိုးသုဉ်းလုနီးပါး အန္တရာယ်ရှိတဲ့ မျိုးစိတ် ၃၇ မျိုး၊ မျိုးသုဉ်းဖို့ အန္တရာယ်ရှိတဲ့ မျိုးစိတ် ၆၅ မျိုး ပါဝင်နေ တယ်၊  မျိုးစိတ်ကြွယ်ဝတဲ့ ဒီနိုင်ငံမှာ မြေနိမ့်အပူပိုင်းသစ်တောတွေ၊ ဒီရေရောက်သစ်တောတွေလို  ကမ္ဘာလုံးဆိုင်ရာ ခြိမ်း ခြောက်မှုနဲ့ ကြုံတွေ့နေရတဲ့ ဂေဟစနစ်တွေရှိတယ်လို့ သားငှက်ထိန်းသိမ်းရေးအဖွဲ့ (မြန်မာနိုင်ငံ) Wildlife Conversation Society – WCS ရဲ့ ပြီးခဲ့တဲ့လက ထုတ်ပြန်တဲ့ အစီရင်ခံစာမှာ ဖော်ပြထားပါတယ်။

 

ဆင်သတ်မှုမှာ ပါဝင်တယ်လို့ ယူဆရသူတို့ကို ရုံးထုတ်စစ်ဆေးတဲ့ ဇန်နဝါရီ ၂၇ ရက်နေ့က တိုက်ကြီးမြို့နယ်တရားရုံးကို သွားရောက်သူများ

နိုင်ငံမြေပြင်ဧရိယာရဲ့ ၅ ဒသမ ၆ ရာခိုင်နှုန်းရှိတဲ့ သဘာဝထိန်းသိမ်းရေးနယ်မြေ ၃၆ ခု ရှိတယ်၊ ဒါတွေကို  ကာကွယ် ထိန်း သိမ်းစောင့်ရှောက်ရေးအတွက် ၂ဝ၁၆-၂ဝ၁၇ ဘဏ္ဍာနှစ် နိုင်ငံတော်ဘဏ္ဍာငွေရဲ့ ၀ ဒသမ ၂ ရာခိုင်နှုန်းမျှသာ သုံးနေတယ်လို့  အစီရင်ခံစာက ထောက်ပြပါတယ်။

၂ဝ၁၆ ခုနှစ်အတွင်း တောဆင်ရိုင်း သတ်ဖြတ်မှုအတွက် ဖမ်းဆီးရမိတဲ့ အမှုပေါင်း ၉ မှု အထိ ရှိပြီး ပြစ်မှုကျူးလွန်တယ်လို့ ယူဆရသူ ၂၂ ဦးကို ဖမ်းဆီးနိုင်ခဲ့တယ်၊ ဆင်ရဲ့ အစွယ်၊ အစိတ်အပိုင်းတွေကို သယ်ဆောင်တာ၊ လက်ဝယ်ထားရှိတဲ့ အမှု ၄ ခု ရှိပြီး   ၅ ဦး ဖမ်းဆီးနိုင်ခဲ့တယ်လို့ သယံဇာတနှင့် သဘာဝပတ်ဝန်းကျင် ထိန်းသိမ်းရေး ဝန်ကြီးဌာနရဲ့ ဒုတိယညွှန်ကြားရေးမှူး တယောက်ဖြစ်တဲ့ ဒေါက်တာနိုင်ဇော်ထွန်းဆီက ရရှိတဲ့မှတ်တမ်းတွေအရ သိရပါတယ်။

၂ဝ၁၁ ကနေ ၂ဝ၁၅ အတွင်း တောဆင်ရိုင်းသတ်ဖြတ်မှု၊ အစိတ်အပိုင်းတွေကို သယ်ယူမှု၊ လက်ဝယ်ထားရှိမှုပေါင်း ၂၂ မှု ရှိခဲ့တယ်လို့ အဲဒီ မှတ်တမ်းတွေက ဆိုပါတယ်။

၁၉၉၄ မှာ ပြဋ္ဌာန်းခဲ့တဲ့ သားရိုင်းတိရစ္ဆာန်များနဲ့ အပင်များကာကွယ်ရေးနှင့် သဘာဝနယ်မြေများ ထိန်းသိမ်းရေးဥပဒေပါ ငွေဒဏ်၊ ထောင်ဒဏ်တွေဟာ ခေတ်စနစ်နဲ့ လျော်ညီခြင်းမရှိတော့တဲ့အတွက် နိုင်ငံတကာကပါ လက်ခံနိုင်အောင် ပြင်ဆင်ပြီး အဲဒီဥပဒေကြမ်းကို ပြည်ထောင်စုလွှတ်တော် တင်ပြထားတယ်လို့ ဒေါက်တာနိုင်ဇော်ထွန်းက Myanmar Now ကို ပြောပါ တယ်။

မြန်မာပြည်မှာ တောဆင် အရေအတွက် ၂,ဝဝဝ ကနေ ၃,ဝဝဝ ကြားမှာရှိတယ်လို့  ဇန်နဝါရီလက နေပြည်တော်မှာ ကျင်း ပခဲ့တဲ့ တောဆင်ရိုင်းဆိုင်ရာ ဆွေးနွေးပွဲတက်ရောက်တဲ့ပညာရှင်တွေ၊ ဌာနဆိုင်ရာတွေက ခန့်မှန်းကြပေမယ့် သေသေချာ ချာ စာရင်းကောက်ယူနိုင်ခြင်း မရှိနိုင်သေးဘူးလို့ သစ်တောဌာနအရာရှိဟောင်း WCS ရဲ့ မြန်မာနိုင်ငံတာဝန်ခံ တောဆင် ရိုင်းကျွမ်းကျင်ပညာရှင် ဦးစောထူးသာဖိုးက ဆိုပါတယ်။

“အခုဆို မြန်မာနိုင်ငံမှာ တောဆင်ရိုင်းအထီးတွေ သိပ်မကျန်တော့ဘူး။ အမတွေပဲ များနေပြီ” လို့ ဦးစောထူးသာဖိုးက  ပြော ပါတယ်။

“ဟိုတုန်းကတော့ ဆင်စွယ်ကို အဓိကလိုက်ကြတာ။ အခုနောက်ပိုင်းတော့ အရေပြား၊ နှာမောင်း၊ ခွာ၊ အသား၊ ဆင်အံ၊ ဆင် သို (ဆင်အထီးလိင်အင်္ဂါ) တို့အထိ ကုန်သွယ်နေကြပြီ။ ရှမ်းပြည်နယ်၊ မိုင်းလားဒေသမှာဆို ဆင်သားရေအခြောက် ပုတီး လုံးအထိ လုပ်လာကြပြီ”

မိရိုးဖလာ တိုင်းရင်းဆေးတချို့မှာဆိုရင်လည်း ဆင်သားရေကို ပြာချပြီး နှမ်းဆီနဲ့ရောကာ နှင်းခူနာများကိုလိမ်းကြသလို ဆင်အံကိုသွေးပြီး မျက်နှာအသားလှအောင်၊ ပွေး၊ ညှင်းတို့လို အရေပြားရောဂါတွေအတွက် အသုံးပြုကြတာလည်း ရှိတယ် လို့ သူက ဆက်ပြီးရှင်းပြပါတယ်။

 

ဆင်သေ မြှုပ်နှံခဲ့ရာ မြောင်းမကြီးရေထိန်းတံခါး ဝန်းကျင်ကို ပြသနေတဲ့ ဒေသခံများ

မြန်မာ့အိမ်နီးချင်း တရုတ်နိုင်ငံဟာ ဆင်စွယ်ရောင်းဝယ်မှုကို ပိတ်ဆို့တဲ့ ဥပဒေပြဋ္ဌာန်းလိုက်တာကြောင့် အရှေ့တောင်အာ ရှနိုင်ငံတွေ  အလွန်သတိထားရတော့မယ်၊ မြန်မာနိုင်ငံလို ဥပဒေစိုးမိုးမှုအားနည်းနေတဲ့ နိုင်ငံတွေအနေနဲ့ ဆင်စွယ်နဲ့ ဆင် ခန္ဓာကိုယ် အစိတ်အပိုင်းတွေကို အများအပြား တရားမဝင်ရောင်းချနေတဲ့ ဈေးကွက်ကြီး ရပ်ဆိုင်းသွားအောင် လုပ်ဆောင်ဖို့ မလွယ်ကူသေးဘူးလို့ လန်ဒန်အခြေစိုက် သားရိုင်းတိရစ္ဆာန် တရားမဝင်ရောင်းဝယ်မှု တားဆီးကာကွယ်ထိန်းသိမ်းရေးအဖွဲ့  (TRAFFIC) ရဲ့ အကြီးတန်း ဆက်သွယ်ရေး အရာရှိ  အဲလိဇဘက်ဂျွန်က Myanmar Now ကို အီးမေးလ်နဲ့ ပြောပါတယ်။

“မှောင်ခိုသမားတွေအနေနဲ့ တားဆီးပိတ်ဆို့မှု အနည်းဆုံးလမ်းကြောင်းတွေကို ရွေးချယ်မှုတိုးမြှင့်လာတယ်။ စစ်ဆေးရေး ဂိတ်တွေကိုရှောင်ဖို့ နည်းလမ်းအသစ်တွေ၊ လမ်းကြောင်းအသစ်တွေကို ရွေးချယ်ကြသလို တခြားနိုင်ငံတွေကိုလည်း ဈေး ကွက်အသစ်တွေ ချဲ့ထွင်ကြမှာပါ။ ဒါ့ကြောင့် အရှေ့တောင်အာရှက နိုင်ငံတွေအနေနဲ့ ကြိုတင်ပြင်ဆင်မှုတွေ လုပ်ဆောင်ဖို့ နဲ့ သတိပိုမိုထားကြဖို့ လိုအပ်နေပါပြီ” လို့ သူက ဆိုပါတယ်။

● ကာကွယ်တားဆီးရေး
အစိုးရသစ်အနေနဲ့ တောဆင်ရိုင်းထွက်ကုန်တွေကို ဈေးကွက်မရောက်အောင် တားဆီးတာထက် တောဆင်ရိုင်းတွေရှိရာ နေရာကို ဆင်မုဆိုးတွေဝင်လာတာနဲ့ တားဆီးထားသင့်တယ်လို့ ဦးစောထူးသာဖိုးက ပြောပါတယ်။ ကိုယ့်နိုင်ငံထဲက တော ဆင်ရိုင်းတွေကို ဆုံးရှုံးသွားမှာကို ကာကွယ်နိုင်တာကြောင့် ဒါဟာ ပထမအဆင့် လုပ်ဆောင်ရမယ့်ကိစ္စဖြစ်တယ်လို့  သူက ဆိုပါတယ်။

ဒါ့အပြင် ကြားပွဲစား အဆင့်ဆင့်ကိုလည်း ဖြတ်တောက်တားဆီးနိုင်ဖို့လိုသလို နယ်စပ်ဈေးကွက်ကိုလည်း ထိန်းချုပ်နိုင်ဖို့လို တယ်လို့ သူကဆက်ပြောပါတယ်။  ဘေးမဲ့ကာကွယ်ထိန်းသိမ်းရေးသစ်တောအတွင်းက သားရိုင်းတိရစ္ဆာန်ဆိုင်ရာ ထွက် ကုန်တွေ ဈေးကွက်ထဲသွားနေတာကို ကာကွယ်လာနိုင်ပေမယ့်  တခြားသော ဘေးမဲ့မဟုတ်တဲ့ သစ်တောကြိုးဝိုင်းတွေထဲ  တောဆင်ရိုင်း အများအပြား သတ်ဖြတ်ခံနေရတယ်လို့ သူက ဆိုပါတယ်။

“ပွင့်ပွင့်လင်းလင်းပြောရရင် ဟိုးအရင်တုန်းက ရဲတပ်ဖွဲ့နဲ့ ပေါင်းပြီးလုပ်စားခဲ့ကြတော့ လွတ်ထွက်သွားတာပဲ။ အခု ဥပဒေစိုး မိုးရေးအရ ရဲကနေ သေသေချာချာဖမ်းမယ်ဆိုရင် မိစရာအကြောင်းရှိပါတယ်။ အခုလည်း အစိုးရဌာနက ဒီလုပ်ငန်းကို တော် တော်လေး ဇောက်ချလုပ်လာပါတယ်” လို့ သူက ဆိုပါတယ်။

“သစ်တောဝန်ထမ်းတွေ အင်အားဖြည့်၊ သစ်တောရဲတွေထားပြီး တားဆီးမယ့်အဖွဲ့တွေ အင်အားတောင့်တင်းလာမယ်၊ ကြားပွဲစားတွေကိုထိန်းဖို့ သတင်းထောက်လှမ်းမယ့် ရဲလုပ်ငန်းတွေကို တိုးမြှင့်မယ်၊ ဈေးကွက်က မဝယ်နိုင်အောင် နိုင်ငံခြား အစိုးရတွေနဲ့ပေါင်းပြီး တားဆီးနိုင်မယ်ဆိုရင် တဖြည်းဖြည်း လုပ်နိုင်မှာပါ”

ဆင်သတ်မုဆိုးတွေဟာ အုပ်ချုပ်ရေးမှူးဟောင်းနဲ့  ဆက်သွယ်ပြီး လွန်ခဲ့တဲ့နှစ်ဆန်းပိုင်းထဲက ဒီနေရာမှာ အခြေချလာတာကို အာဏာပိုင်တွေ မသိခဲ့ဘူးဆိုတဲ့အချက်ကို   မယုံနိုင်ဘူးလို့ ချောင်းစောက်ကျေးရွာအုပ်စု အုပ်ချုပ်ရေးမှူးဖြစ်သူ   ဦးကျော်လှိုင် ဝင်းက ပြောပါတယ်။

ဆားငန်ချောင်းထဲကို ဆင်သေမျောလာမှ ရဲတပ်ဖွဲ့နဲ့ အုပ်ချုပ်ရေး တာဝန်ရှိသူတွေ၊ သစ်တောအဖွဲ့တွေ လာတော့မယ်ဆိုတာနဲ့ ဒီအုပ်ချုပ်ရေးမှူးဟောင်းဟာ ဆင်မုဆိုးတွေကို ရှောင်ခိုင်းနိုင်တဲ့အထိ သတင်းကြိုတင်ရရှိခဲ့တာကလည်း သံသယဖြစ်စရာ ကောင်းတယ်လို့ သူက ဆိုပါတယ်။

ဥက္ကံမြို့မရဲတပ်ဖွဲ့ စခန်းမှူးကလည်း ဆင်သတ်ဂိုဏ်းနှိမ်နင်းရေးကို အထူးလျှို့ဝှက်လုပ်ကိုင်ခဲ့ရတယ်လို့ Myanmar Now ကို ရှင်းပြပါတယ်။

“ကျွန်တော် ဖမ်းရမယ့်လူစာရင်းကို ညလုံးပေါက်စဉ်းစားသုံးသပ်ပြီး  စာရွက်ပိုင်းလေးမှာ ချရေးတယ်။ ဒီစာရင်းကို ကျွန်တော့် တပည့် နယ်ထိန်းခေါင်းဆောင်တောင် အသိမပေးရဲဘူး။ ပေါက်ကြားသွားမှာစိုးလို့။ ဒါတောင်မှ ပထမဦးဆုံး ဖမ်းတဲ့နေ့မှာ ၄ ယောက်ပဲမိတယ်။ နောက်မှ ကျန်တဲ့သူတွေကိုမိတာ” လို့ သူက ဆိုပါတယ်။

အဲ့ဒီလိုအခြေအနေတွေကြောင့် သားရိုင်းတိရစ္ဆာန် တရားမဝင်ကုန်သွယ်မှု နာမည်ကြီးခဲ့တဲ့ အာဖရိကတိုက် နိုင်ငံတချို့လို  အဖြစ်မျိုး ဒီမှာ မကြုံတွေ့ရအောင် လုပ်ဆောင်ဖို့ လိုမယ်လို့ ဦးစောထူးသာဖိုးက သုံးသပ်ပါတယ်။

“ဥပမာ … အာဖရိကတိုက်က ဇင်ဘာဘွေလိုပေါ့။ အခုဆို တော်တော်ကို ထိန်းသိမ်းလာနိုင်ပေမယ့် ဆင်အကောင်ရေက သိပ်မကျန်တော့ဘူး။ ကာကွယ်နိုင်ပြီ၊ တားဆီးနိုင်ပြီဆိုတဲ့အချိန်လည်းကျရော ဘာမှမကျန်တော့ဘူး” လို့ ဦးစောထူးသာဖိုးက ပြောလိုက်ပါတယ်။     ။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းဆောင်းပါး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း သြဂတ်စ် ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

မိုးမခနဲ့ ပတ်သက်သမျှ

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း OKKW ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်