ဇင်လင်း ● တိမ်တောင်သဖွယ် မင်းရေးကျယ်နေဦး မည့် ပြည်တွင်းငြိမ်းချမ်းရေး

February 23, 2017

ဇင်လင်း ● တိမ်တောင်သဖွယ် မင်းရေးကျယ်နေဦး မည့် ပြည်တွင်းငြိမ်းချမ်းရေး
(မိုးမခ) ဖေဖော်ဝါရီ ၂၃၊ ၂ဝ၁၇

ယနေ့ မြန်မာနိုင်ငံတွင် ဖြစ်ပွားနေသော ပြည်တွင်းစစ်ပဋိပက္ခကြောင့် စင်ပြိုင်ပါတီအဖွဲ့အစည်းအသီးသီးမှ စစ်သည်များရော၊ မြေစာပင် တိုင်းရင်းသား ပြည်သူပြည်သားများပါ လူ့အသက်များ အလဟသ သေကျေပျက်စီးနေရသည်။  တပြည်လုံး အပစ်ရပ်ရေး စောစောကြေညာနိုင်လျှင် ဓားစာခံပြည်သူနှင့် စစ်သားများ သေဆုံးဒဏ်ရာရသူအရေအတွက်  အမြောက်အများ လျော့ပါးမည်မှာ သေချာသည်။ စစ်ပွဲများရပ်နိုင်ပြီဆိုလျှင် စစ်ဒဏ်ခံ ပြည်သူလူထု ဆင်းရဲဒုက္ခများ ချုပ်ငြိမ်းမည်ဖြစ်သည်။ အကျိုးမဲ့ဖြုန်းတီးနေသော စစ်စရိတ်များလျော့ချနိုင်မည်။ ၎င်းဘဏ္ဍာငွေများကို ပြည်သူလူထုအတွက် အမှန်တကယ် လို အပ်နေသော ကျန်းမာရေး ပညာရေးတွင် ထိထိရောက်ရောက် သုံးစွဲနိုင်မည်။ သို့ဆိုလျှင် အစိုးရ၏ ဆင်းရဲမွဲတေမှု လျှော့ချ ရေးစီမံချက် ခြေလှမ်းစတင်နိုင်မည် ဖြစ်သည်။

စစ်ဖက်ဆိုင်ရာ ရာထူး အခွင့်အာဏာနှင့် အကျိုးစီးပွားရရှိ စံစားနေသူများအနေဖြင့် တနေ့တွင် မိမိတို့ထံသို့လည်း စစ်၏ ဆိုးကျိုးများရောက်ရှိလာမည်ကို မြင်သင့်ကြသည်။ ကြောင့် အပြစ်မဲ့ပြည်သူ အမြောက်အများ သေကြေ အနာ တရဖြစ်ရသည်ကိုသိပါလျှက်နှင့် စစ်ပွဲများရပ်တန့်ရေးကိုဆန့်ကျင်၍ ကိုယ့်နေရာ အာဏာတည်မြဲရေးအတွက် လူ့အသက် ပေါင်းများစွာကို စတေးနေကြသည်မှာ ရိုင်းစိုင်းရက်စက်လွန်းလှသည်။ ပြည်သူ့ဘဏ္ဍာငွေအရင်းအမြစ်တို့ကို စစ်ပြုရာ၌ အချည်းအနှီးဖြုန်းတီးပစ်ခြင်းမှာ ဆင်ခြင်တုံတရား ကင်းမဲ့ရာကျပေသည်။ စစ်ကြောင့် ပြည်သူတို့၏ ဆင်းရဲဒုက္ခနှင့် ဆုံးရှုံးနစ် နာမှုများကို အဖွဲ့အစည်းအသီးသီးမှ စစ်ရေးခေါင်းဆောင်များနှင့်တကွ အဆင့်ဆင့်ပါဝင်ပတ်သက်သူ စစ်ဗိုလ်စစ်သားများ၊ တာဝန်ရှိသည့် နိုင်ငံရေးခေါင်းဆောင်များအနေဖြင့် ကိုယ်ချင်းစာတရားရှေ့ထား၍ ပြန်လည်သုံးသပ်သင့်ပေသည်။ မြန်မာ နိုင်ငံအနှံ့ရှိ လက်နက်ကိုင်အဖွဲ့အစည်းအားလုံးသည် ပြည်သူလူထု၏ စစ်ရပ်စဲရေးတောင်းဆိုသံများကို အထူးဂရုပြု နားစွင့် သင့်ပေသည်။  ပြည်သူလူထု၏ဆင်းရဲဒုက္ခနှင့် နစ်နာဆုံးရှုံးမှုများကို စာနာထောက်ထား၍ လက်နက်ကိုင်အဖွဲ့အစည်း အသီး သီးက ပြည်သူလူထု၏ ငြိမ်းချမ်းရေးဆန္ဒကို ဖြည့်ဆည်းပေးချိန် တန်ပြီဟု ဝေဖန်မှုများရှိနေသည်ကိုလည်း  သတိပြုသင့်သည်။

လက်ငင်းဖြစ်ပေါ်နေသည့် နိုင်ငံရေးအခြေအနေ (Political Scenario) ကိုလေ့လာကြည့်လျှင် ဒေါ်အောင်ဆန်းစုကြည် က ငြိမ်းချမ်းရေးရေချိန်ကို အားစိုက်ဆောင်ရွက်နေသော်လည်း၊ အခြားတဖက်တွင် တပ်မတော်က စစ်ရှိန်ကို မြှင့်တင်နေကြောင်း တွေ့   နေရသည်။ ယနေ့အဓိက စစ်ရေးပဋိပက္ခ ထိပ်တိုက်တွေ့နေရသည့်အကြောင်းရင်းမှာ ၂ဝဝ၈ ဖွဲ့စည်းပုံကိစ္စဖြစ်သည် ဟု နိုင်ငံရေးအကဲခတ်များက သုံးသပ်သည်။ ၎င်းဖွဲ့စည်းပုံကို တပ်မတော် တင်းတင်းမာမာ ခုခံကာကွယ်နေသည်။ တိုင်းရင်းသားခေါင်းဆောင်အများစုက ထိုဖွဲ့စည်းပုံအရဆိုလျှင် စစ်မှန်သည့်ဒီမိုကရေစီ ဖက်ဒရယ်ပြည်ထောင်စု မဖြစ်ပေါ်နိုင်ဟု အ ကဲဖြတ်ကြသည်။ NLD ကလည်း ၎င်း၏ ၂ဝ၁၅ ရွေးကောက်ပွဲကြေညာချက်တွင် ဖွဲ့စည်းပုံကိုပြင်မည်ဟု ဆုံးဖြတ်ထားသည်။ လက်ရှိဖွဲ့စည်းပုံကို အခွင့်သင့်၍ ပြင်ကြမည်ဆိုလျှင် တပ်မတော်ကို စစ်တန်းလျားသို့ အရင်ဆုံး ဂုဏ်သိက္ခာရှိစွာပြန်ပို့ရေး ဆွေးနွေးလာဖွယ်ရှိနေသည်။ တပ်မတော်သည် ပြည်သူ့ဆန္ဒအရ နိုင်ငံရေးကဏ္ဍမှ သိက္ခာရှိစွာ ဆုတ်ခွာပေးရမည်။ သို့ဆို လျှင် တကယ့်အရပ်သားစစ်စစ်အစိုးရများ ပေါ်ထွက်လာမည် ဖြစ်သည်။ သို့မှသာ စစ်ပွဲများ အမှန်တကယ် ချုပ်ငြိမ်းမည်။ ငြိမ်းချမ်းရေးလည်း အမှန်အကန် ပေါ်ထွန်းနိုင်မည် ဖြစ်သည်။ သို့သော် အထက်၌ဆိုခဲ့သည့်အတိုင်း ပြည်တွင်းစစ်ကြောင့် စီးပွားဖြစ်နေသူများက စစ်ရပ်စဲရေးကို အပြင်းအထန်ခုခံနေကြသည်။ ယင်းအုပ်စု၏ ခုခံငြင်းဆန်နေမှုကို မည်သို့ကျော်လွှားကြမည်နည်းဆိုသည့်မေးခွန်းကို အဖြေရအောင်စဉ်းစားကြရန်လည်း လိုပေသည်။

လက်ငင်းဖြစ်ပေါ်တိုးတက်မှုတခုမှာ ဖေဖေါ်ဝါရီလ ၂၃ ရက်နေ့တွင် ညီညွတ်သောတိုင်းရင်းသားလူမျိုးများ ဖက်ဒရယ် ကောင်စီ UNFC ကို နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့်တွေ့ဆုံရန် အစိုးရဘက်က ဖေဖော်ဝါရီ ၁၆ ရက်နေ့က တရားဝင်ဖိတ်ကြားခဲ့သည်ဟု ဆိုသည်။ ဖိတ်ကြားစာကိုလက်ခံရရှိထားကြောင်းနှင့် တွေ့ဆုံမည့်အချိန်နှင့် စပ် လျဉ်း၍ UNFC အစည်းအဝေးတွင် ဆုံးဖြတ်ပြီးပါက အစိုးရထံအကြောင်းပြန်မည်ဟု UNFC တွဲဖက်အတွင်းရေးမှူး ဦးထွန်း ဇော် လွတ်လပ်တဲ့အာရှအသံကိုပြောကြောင်း သိရသည်။ ဖိတ်ကြားသည့်ကိစ္စကို UNFC ဘက်က ယေဘုယျလက်ခံကြောင်းနှင့် အဓိကအားဖြင့် အချိန်ညှိရန်လိုမည်ဟု ဆိုသည်။  (နောက်ဆက်တွဲသတင်းများအရ မတ်လ ၁ ရက်နေ့ တွေ့မည်ဟု ဆို သည်။)

အစိုးရဘက်က ဖေဖော်ဝါရီလ ၂၃ ရက်နေ့တွင် ‘ငြိမ်းချမ်းရေးလုပ်ငန်းစဉ် ရန်ပုံငွေဆိုင်ရာပေါင်းစပ်ညှိနှိုင်းရေးအဖွဲ့’ JBC အစည်းအဝေးကျင်းပရန်ရှိပြီး၊ ၎င်းနောက် UNFC ခေါင်းဆောင်များအား တဆက်တည်း ဒေါ်အောင်ဆန်းစုကြည်နှင့် တွေ့ ဆုံနိုင်ရန် ကမ်းလှမ်းထားခြင်းဖြစ်သည်ဟု ဆိုသည်။ ထို့ပြင် UNFC အဖွဲ့၏အဆိုပြု ချက် ၉ ချက်နှင့် ပတ်သက်၍ဆွေးနွေးရန်  ‘ငြိမ်းချမ်းရေးကော်မရှင်’ နှင့် ‘နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ်အဖွဲ့’ (DPN) အဖွဲ့ လေးကြိမ်မြောက် တရားဝင်တွေ့ဆုံပွဲကိုလည်း ဖေဖော်ဝါရီလ ၂၃/၂၄ ရက်နေ့များတွင် ပြုလုပ်သွားရေးလည်း အစိုးရဘက်က ကမ်းလှမ်းချက်ထဲ တွင် ထည့်သွင်းထားသည်ဟု သိရသည်။

ဖေဖော်ဝါရီလ ၂၃ ရက်နေ့တွင် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့်တွေ့ရန်  အစိုးရ၏ ဖိတ်ကြားချက်နှင့် စပ်လျဉ်း၍ KIA ဒုစစ်ဦးစီးချုပ် ဗိုလ်ချုပ်ဂွမ်မော် (UNFC အဖွဲ့၏ DPN ဒုတိယခေါင်းဆောင်) အား VOA က ၁၈-၂-၂ဝ၁၇ နေ့ကတွေ့ဆုံမေးမြန်းရာခဲ့ရာတွင် တွေ့ဆုံမှုကိုလက်ခံကြောင်း၊ တွေ့ဆုံရန် ၎င်းတို့က စတင်တောင်းဆိုခဲ့ခြင်းဖြစ်ပြီး၊ တွေ့မည့် ရက်ကို ညှိနှိုင်းသတ်မှတ်ကြမည်ဖြစ်သည်ဟု ဆိုသည်။

တဘက်တွင် တပ်မတော်က ထိုးစစ်များဆင်နေသည့်ကိစ္စနှင့်စပ်လျဉ်းပြီး ဒေါ်အောင်ဆန်းစုကြည်က တားမြစ်နိုင်မှုမရှိသည့် အချက်ကို ထောက်ပြနေကြသော်လည်း၊ အခြားတဘက်တွင် ဒေါ်အောင်ဆန်းစုကြည် ရင်ဆိုင်နေရသောအပိုင်းကို တိုင်း ရင်းသားခေါင်းဆောင်များဘက်က မည်သို့သုံးသပ်ပါသလဲဟု VOA ၏ မေးခွန်းကို  ဗိုလ်ချုပ်ဂွမ်မော်က အောက်ပါအတိုင်း ဖြေကြားခဲ့သည်ကို တွေ့ရသည်။

“ဒေါ်အောင်ဆန်းစုကြည်ရဲ့လုပ်ဆောင်လိုတဲ့ဆန္ဒကို ကျနော်တို့ သံသယမရှိပါဘူး။ ဒါပေမဲ့ ကျနော်တို့ပြောခဲ့တဲ့အတိုင်း ၂ဝဝ၈ အခြေခံဥပဒေအောက်မှာ တပ်မတော်ကို ဘယ်သူမှထိန်းချုပ်လို့မရပါဘူး။ အဲဒီတော့ တကယ်လို့ ဒီနေရာမှာ ဒေါ် အောင်ဆန်းစုကြည်လိုပုဂ္ဂိုလ်မဟုတ်ပဲနဲ့ တခြားတယောက်ဖြစ်တယ်ဆိုလို့ရှိရင် ပြည်သူလူထုအနေနဲ့ရော EAO အနေနဲ့ရော သည်းခံနိုင်မလား၊ ဟိုသည်းမခံပဲနဲ့ တခုခုထလုပ်မလားဆိုတဲ့အပိုင်းကို အဓိကထောက်ပြတာဖြစ်ပါတယ်။ ဒါကြောင့်မို့လို့ ဒီကိစ္စက ကျနော်တို့ နည်းနည်းရှုပ်ထွေးပါတယ်။ အဲတော့ ဒီလိုလက်မှတ်ထိုးလိုက်ခြင်းအားဖြင့်သော်လည်းကောင်း၊ အခု သွားနေတဲ့ ငြိမ်းချမ်းရေး process (လုပ်ငန်းစဉ်) တွေအရသော်လည်းကောင်း၊ ဒီ ၂ဝဝ၈ အခြေခံဥပဒေကျတော့ရော၊ တ ကယ်ပဲ ကျနော်တို့က ပွင့်ပွင့်လင်းလင်း ပြုပြင်နိုင်ကြမလားဆိုတဲ့အပိုင်းကလည်း ကျနော်တို့ နောက်ထပ်ဆွေးနွေးရမယ့် ခေါင်းစဉ်တွေဖြစ်ပါတယ်”  ဟု ဗိုလ်ချုပ်ဂွမ်မော် ဖြေကြားခဲ့သည်။

ဒေါ်အောင်ဆန်းစုကြည်တိုက်တွန်းလျှက်ရှိသော NCA စာချုပ်တွင် လက်မှတ်ရေးထိုးမည့်အလားအလာနှင့်ပတ်သက်၍ လည်း VOA အား ဗိုလ်ချုပ်ဂွမ်မော်က ယခုကဲ့သို့ ဖြေကြားခဲ့သည်။။

“NCA လက်မှတ် ထိုးမလား၊ မထိုးဘူးလားဆိုတာကို တိုက်ရိုက်မေးခွန်းတွေနဲ့မေးပြီး တိုက်ရိုက်ဖြေလို့ မရပါဘူး။ ကျနော်တို့ ဟိုတခြား အထောက်အကူပြုတဲ့အချက်တွေ၊ ပြီးလို့ရှိရင် ဆွေးနွေးပြီးမှ ကြိုတင်သဘောတူထားရမယ့်အချက်တွေ ရှိပါတယ်။ ဒါ ကျနော် ဥပမာ နှစ်ခုလောက် ပြောချင်ပါတယ်။ ပထမအချက်ကတော့ ဥပမာ တနိုင်ငံလုံး အပစ်ရပ်စာချုပ် ချုပ်ပြီးလို့ ရှိရင် အစိုးရကသော်လည်းကောင်း၊ တပ်မတော်ကသော်လည်းကောင်း တနိုင်ငံလုံးမှာ စစ်ဆင်ရေးလှုပ်ရှားမှုတွေကို ရပ်ဆိုင်း လိုက်ပြီလို့ ကြေညာပေးနိုင်မလားဆိုတဲ့ မေးခွန်းဖြစ်ပါတယ်။ ဒီဟာက အခုထက်ထိ မကြေညာနိုင်သေးဘူးလို့ တပ်မတော်က ငြင်းဆိုနေဆဲ ဖြစ်ပါတယ်။ အဲဒီတော့ တနိုင်ငံလုံး အပစ်အခတ်ရပ်စဲရေးလုပ်ထားပြီလို့ မကြေညာသေးဘဲနဲ့ ကျနော်တို့က လက်မှတ်ထိုးမလား၊ ဒါ ဥပမာတခုပေါ့နော်။ နောက်တခုက ကျနော်တို့ လက်မှတ်ထိုးပြီးလို့ရှိရင် ကျနော်တို့ နှစ်ဘက်တပ် ပိုင်း ပြန်လည်နေရာချထားရေးကို ဘယ်လိုလုပ်မလဲဆိုတဲ့အပိုင်းကို ကျနော်တို့ လက်မှတ်မထိုးသေးတဲ့အဖွဲ့ကိုမပြောပါနဲ့ လက်မှတ်ထိုးပြီးသား ရှစ်ဖွဲ့တောင်မှ အခုထက်ထိ ညှိနှိုင်းလို့မရသေးပါဘူး။ ကျနော်တို့ ကေအိုင်အိုအနေနဲ့ကတော့ နှစ်ဘက် တပ်စခန်းတွေ ဘယ်လိုနေရာပြန်ချထားမလဲဆိုတာ ၂ဝ၁၂ ဇန်နဝါရီ ၁၇-၁၈ ဆွေးနွေးစဉ်ကာလမှာ တရားဝင်စာနဲ့ တင်ခဲါ တယ်။ ၂ဝ၁၃ မေလ ၂၉ ရက်နေ့ ဦးအောင်မင်းတို့ကို ကျနော် တကြိမ်စာနဲ့ ကျနော်တို့ တင်ခဲ့ပါတယ်။ အဲတော့ ၂ဝ၁၂ က တည်းက တင်ထားတဲ့အဆိုပြုချက်ဟာ အခုချိန်ထိ ကျနော်တို့ မဆွေးနွေးရသေးဘူး၊ အဲတော့ ဒီလို တပ်ပိုင်းဆိုင်ရာ ကိစ္စရပ်များကို ဘာမှမဆွေးနွေးဘဲနဲ့ ဒီ NCA ကို လက်မှတ်ထိုးမလားဆိုတဲ့ ဒီလို ဥပမာမျိုးရှိပါတယ်။ အဲတော့ ကျနော်တို့က လိုအပ်တဲ့ကိစ္စများကို ညှိနှိုင်းပြီးတော့ ထိုးနိုင်တဲ့အဆင့်ရောက်ရင် လက်မှတ်ထိုးဖို့ဖြစ်ပါတယ်” ဟု ဖြေကြားခဲ့သည်။

ကရင်အမျိုးသားအစည်းအရုံး (KNU) နှင့် ကချင်လွတ်မြောက်ရေးအဖွဲ့ (KIO) ခေါင်းဆောင်များ လိုင်ဇာ၌တွေ့ဆုံခဲ့ကြပြီး လက်ရှိ အခြေအနေကို နှစ်ဦးနှစ်ဘက် ဆွေးနွေးခဲ့ကြကြောင်း DVB သတင်းအရသိရသည်။ နှစ်ဘက် နိုင်ငံရေးအကြံပေး အဖွဲ့များ ဖေဖေါ်ဝါရီ ၁၅ ရက်နေ့က လိုင်ဇာတွင် တွေ့ဆုံခဲ့ကြခြင်းဖြစ်ပြီး၊ ဖေဖော်ဝါရီ  ၁၆ ရက်နေ့တွင် KNU ဥက္ကဋ္ဌ ဗိုလ် ချုပ်ကြီး မူတူးစေးဖိုးခေါင်းဆောင်သည့် ကိုယ်စားလှယ်အဖွဲ့နှင့် ကေအိုင်အို ဗဟိုကော်မတီဝင်တို့ တွေ့ဆုံခဲ့ကြကြောင်း သိရ သည်။ ဖေဖော်ဝါရီ  ၁၆ ရက်နေ့တွင် KIO သည် KNU ကရင်အမျိုးသားအစည်းအရုံးနှင့် ပူးတွဲကြေညာချက်တစောင်ထုတ်ပြန် ခဲ့ရာ၊ လတ်တလောဖြစ်ပွားနေသော လက်နက်ကိုင်ပစ်ခတ်တိုက်ခိုက်မှုများရပ်စဲပြီး ကတိကဝတ်များနှင့်အညီ ငြိမ်းချမ်းစွာ အဖြေရှာရန်၊ နိုင်ငံရေးဆွေးနွေးပွဲများတွင် ပါဝင်သင့် ပါဝင်ထိုက်သူများအားလုံး ပါဝင်လာနိုင်ရေးအတွက် နည်းလမ်းရှာဖွေကြ ရန်၊ သက်ဆိုင်သူအားလုံး ဝိုင်းဝန်းလုပ်ဆောင်ကြရန် တိုက်တွန်းကြောင်း ထည့်သွင်းဖော်ပြခဲ့သည်။

တချိန်တည်းတွင် ဖေဖော်ဝါရီ ၁၇ ရက်တွင် နိုင်ငံရေးပါတီ လေးပါတီဖြင့် ဖွဲ့စည်းထားသည့် နိုင်ငံရေးပါတီများ ညှိနှိုင်း ပူးပေါင်းဆောင်ရွက်ရေးကော်မတီ (KPCC) အနေဖြင့် KIO က NCA လက်မှတ် ရေးထိုးသည်ဖြစ်စေ၊ မရေးထိုးသည် ဖြစ်စေ၊ လာမည့် ၆ လအတွင်း လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲကျင်းပနိုင်ရန် အစိုးရနှင့် ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ (UPDJC) အား အပြင်းအထန်တောင်းဆိုသွားမည်ဟု KPCC  အဖွဲ့ဝင် အမျိုး သားကွန်ဂရက်ပါတီ (KNC) ဥက္ကဋ္ဌ ဒေါက်တာ အမ်ကောန်လက ပြောကြောင်း The Daily Eleven သတင်း၌ တွေ့ရသည်။

ဒေါက်တာ အမ်ကောန်လ က “၂၁ ရာစုပင်လုံ ပြည်ထောင်စု ငြိမ်းချမ်းရေးညီလာခံ ကျင်းပတယ်ဆိုတာ အန္တိမရည်မှန်းချက် က အခြေခံဥပဒေ ပြင်ဆင်ပြောင်းလဲရေးဖြစ်တယ်။ အဲဒီအခြေခံဥပဒေ ပြင်ဆင်ပြောင်းလဲရေးဆွဲရေးအတွက်ဆိုရင် လက် နက်ကိုင်အဖွဲ့အစည်းဖြစ်တဲ့ EAO တွေမှာ တာဝန်ရှိသလား၊ ကျွန်တော်တို့ ဥပဒေဘောင်ထဲမှာနေတဲ့ တိုင်းရင်း သားလူထု တွေရဲ့ လုပ်ပိုင်ခွင့်ကော မကြည့်ဘူးလားဆိုတဲ့ မေးခွန်း ပေါ်ပေါက်လာပါတယ်။ ကျွန်တော်တို့ ပါတီတွေရဲ့ခံယူချက်ကတော့ ဥပဒေဘောင်ထဲမှာ နိုင်ငံတော်အစိုးရနဲ့အတူ ပြည်ထောင်စုမှာနေသော တိုင်းရင်းသားများအားလုံးသည် ကျွန်တော်တို့ရဲ့ ဆောင်ရွက်ချက်၊ ပြည်သူတွေရဲ့ဆောင်ရွက်ချက်သည် အဓိကလို့ ကျွန်တော်တို့ယူဆပါတယ်။ အဲဒီတော့ EAO လက်မှတ်ထိုး တာ မထိုးတာနဲ့ ကျွန်တော်တို့ကို ကန့်သတ်ထားတာသည် ဒါမတရားသောစံနှုန်းများလို့ ကျွန်တော်တို့ ယူဆပါတယ်။ ဒီ UPDJC နဲ့ NLD အစိုးရကို ကျွန်တော်တို့ အပြင်းအထန်တောင်းဆိုတော့မှာ ဖြစ်တယ်။” ဟု ဆိုသည်။

NCA စာချုပ်အရ ကျင်းပသည့် လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲများအား ဦးဆောင်ခွင့် ရှိသူများမှာ ‘တိုင်းရင်းသား လက်နက်ကိုင်အဖွဲ့များ’ နှင့် ‘တရားဝင်နိုင်ငံရေး ပါတီများ’ ဖြစ်သည်။ လက်ရှိတွင် အစိုးရနှင့် UPDJC ၏ ဆုံးဖြတ်ချက်များအရ NCA လက်မှတ် ရေးထိုးထားသည့် တိုင်းရင်းသားလက်နက်ကိုင်များ၏ နယ်မြေများ တွင်သာ ကျင်းပ နိုင်သည့်အနေအထားဖြစ်သည်။ ကချင်လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲအတွက် အကြိုဆွေးနွေးပွဲများ ကို  မြစ်ကြီးနား၊ ဗန်းမော်၊ ပူတာအို၊ ချီဖွေ၊ မိုးကောင်း၊ ဖားကန့်၊ ရန်ကုန်၊ မန္တလေး၊ နေပြည်တော်၊ လားရှိုး စသည့်နေရာ ၁ဝ ခုတွင် ပြုလုပ်သွားရန်ရှိကြောင်းလည်း သိရသည်။

ဤအတောအတွင်း၌ပင် ‘ဝ’ ပြည်သွေးစည်းညီညွတ်ရေးပါတီ (UWSP) ဌာနချုပ် ပန်ဆန်းမြို့တွင် NCA  လက်မှတ် မထိုးရ သေးသော တိုင်းရင်းသားလက်နက်ကိုင်တော်လှန်ရေးအဖွဲ့များပါဝင်သည့် တိုင်းရင်းသားခေါင်းဆောင်များ ထိပ်သီး အစည်း အဝေးကို ဖေဖော်ဝါရီလ ၂၁ ရက်နေ့တွင် စတင်ကျင်းပမည်ဟု UWSP အဖွဲ့ ပြန်ကြားရေးဌာန တာဝန်ရှိသူ ‘ကျောက် လျောက်ဖူ’ က RFA ကို အတည်ပြုပြောကြားကြောင်း သိရသည်။ ၎င်းက ဖိတ်စာထဲ၌ တိုင်းရင်းသားခေါင်းဆောင်များ ‘တတိယအကြိမ်ထိပ်သီး အစည်းအဝေး’ ၂၁ ရက်နေ့မှ ၂၃ ရက်နေ့အထိကျင်းပမည်ဟုသာ ဖော်ပြထားပြီး၊ မည်သည့်အ ကြောင်းအရာများ ဆွေးနွေးမည်ကို မသိပါဟု ဆိုသည်။ ငြိမ်းချမ်းရေးဖြစ်စဉ်ကိစ္စ ဆွေးနွေးမည်ဟု ယူဆကြောင်း ၎င်းကဆို သည်။ ထိပ်သီးအစည်းအဝေးကို UWSP ကဦးဆောင်ကျင်းပခြင်းဖြစ်ပြီး NCA စာချုပ် လက်မှတ်မထိုးရသေးသည့် မြောက် ပိုင်းမဟာမိတ် တပ်ပေါင်းစုဝင်များဖြစ်သည့် ကချင်လွတ်မြောက်ရေးတပ်မတော် KIA၊ ရှမ်းပြည်တိုးတက်ရေးပါတီ SSPP၊ အမျိုးသားဒီမိုကရေစီ မဟာမိတ်တပ်မတော် မုိုင်းလားတပ်ဖွဲ့ NDAA၊ မြန်မာအမျိုးသား ဒီမိုကရေစီမဟာမိတ်တပ်မတော် ကိုးကန့်တပ်ဖွဲ့ MNDAA၊ တအာင်းပလောင် အမျိုးသားလွတ်မြောက်ရေးတပ်မတော် TNLA နှင့် ရက္ခိုင့်တပ်မတော် AA အဖွဲ့တို့တက်ရောက်မည်ဟု သိရသည်။

တတိယအကြိမ် ပန်ခမ်းထိပ်သီးဆွေးနွေးပွဲသို့ ဝ နှင့် မိုင်းလားအဖွဲ့တုိ့က ပူးတွဲကျင်းပခြင်းဖြစ်ပြီး ကချင်လွတ်လပ်ရေး အဖွဲ့KIO၊ တအာင်း ပလောင်အဖွဲ့ TNLA၊ ကိုးကန့်အဖွဲ့ MNDAA၊ ရှမ်းပြည်တိုးတက်ရေးပါတီ SSPP၊ ရခိုင်တပ်မတော် AA စသည့်အဖွဲ့များမှ ခေါင်းဆောင်များတက်ရောက်ကြကြောင်း ဖေဖော်ဝါရီ ၂၂ ရက်နေ့ RFA သတင်းအရသိရသည်။ ကရင်နီ တိုးတက်ရေးပါတီ KNPP နှင့် မွန်ပြည်သစ်ပါတီ NMSP တို့ တက်ရောက်နိုင်ခြင်းမရှိသော်လည်း ၎င်းအဖွဲ့အစည်းများ၏ စာတမ်းများကို ပေးပို့ခဲ့ကြသည်ဟု ဆိုသည်။ ၎င်းဆွေးနွေးပွဲတွင် တက်ရောက်နေသော ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC အဖွဲ့ခေါင်းဆောင်မျာသည် လာမည့် မတ်လ ၁ ရက်နေ့တွင် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် တွေ့ဆုံမည်ဖြစ်ကြောင်း သိရသည်။

ထို့ကြောင့် တတိယအကြိမ် ပန်ဆန်း ထိပ်သီးအစည်းအဝေးဆုံးဖြတ်ချက်များသည် လာမည့် မတ်လတွင်ပြုလုပ်မည့် ၂၁ ရာစု ပင်လုံ ဒုတိယအကျော့အစည်းအဝေးအပေါ် အထူး သက်ရောက်ဖွယ် ရှိနေသည်။ ဖေဖော်ဝါရီ  ၁၆ ရက်နေ့က KIO နှင့် KNU ပူးတွဲကြေညာ ချက်ထုတ်ပြန်ခဲ့ရာ၌  လတ်တလော ဖြစ်ပွားနေသော စစ်ရေးပဋိပက္ခများ ရပ်စဲပြီး ကတိကဝတ်များ နှင့် အညီ ငြိမ်းချမ်းစွာ အဖြေရှာရန် လိုလားကြောင်း၊ နိုင်ငံရေးဆွေးနွေးပွဲများတွင် ပါဝင်သင့်သူအားလုံး ပါဝင်နိုင်ရေး ဝိုင်းဝန်း လုပ်ဆောင်ရန် တိုက်တွန်းကြောင်း ထည့်သွင်းဖော်ပြသည်။ ပြန်လည်ခြုံငုံသုံးသပ်ပါက တနိုင်ငံလုံး  ပြန်လည်သင့်မြတ် ရေးအတွက် မတူကွဲပြားသည့်သဘောထားများကို သင့်မြတ်အောင် အစိုးရကဦးဆောင်ညှိနှိုင်းပေးရမည် ဖြစ်သည်။ မတူကွဲ ပြားသည့်သဘောထားဆိုရာ၌ လက်နက်ကိုင်အဖွဲ့အစည်းများနှင့် အစိုးရအကြား၌သာ ကွဲပြားသည်မဟုတ်။  မတူကွဲပြား သည့် သဘောထားများသည် ပုံစံအမျိုးမျိုးဖြင့် နိုင်ငံအနှံ့တွင် ရှိနေသည်။ နိုင်ငံရေးအရ၊ လူမျိုးရေး အရ၊ ဘာသာရေးအရ၊ လူမှုရေးအရ မတူကွဲပြားသည့် သဘောထားအမျိုးမျိုးရှိနေသည်။ ဒီမိုကရေစီဝါဒကို ယုံကြည်လျှင် ဗဟုဝါဒ (Pluralism) ကို လက်ခံနိုင်ရမည်။ မတူကွဲပြားသည့် သဘောထား အယူအဆများကို ငြိမ်းချမ်းသည့်နည်းဖြင့် ဖြေရှင်းနိုင်သည်ဆိုခြင်းကို ဘက်အသီးသီးက ယုံကြည်ရန်လိုသည်။ သို့မှသာ ငြိမ်းချမ်းရေးဖြစ်စဉ် သည် ငြိမ်းချမ်းစွာ တိုးတက်ဖြစ်ထွန်းနိုင်ဖွယ်ရှိသည်ကို တပ်မတော်အပါအဝင် သက်ဆိုင်သည့်တာဝန်ရှိသူ ခေါင်းဆောင်အားလုံး သတိပြုရမည်ဖြစ်သည်။ မည်သို့ဆိုစေ လက် ရှိအခင်းအကျင်းအရ မြန်မာ့ ငြိမ်းချမ်းရေးကိစ္စသည် တိမ်တောင်သဖွယ် မင်းရေး ကျယ်နေဦးမည်သာ ဖြစ်ပေသည်။

Photo credit : aljazeera


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
My Friend Tin Moe By Maung Swan Yi - Selection of MoeMaKa Articles

Tags: , ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ဇင်လင်း, သူတို့အာဘော်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ဂျူနီယာဝင်းရဲ့ မြန်မာနေ့ရက်များနှင့် ပန်းများ စာအုပ် ထွက်ပြီ

By

ဂျူနီယာဝင်းရဲ့ မြန်မာနေ့ရက်များနှင့် ပန်းများ စာအုပ် ထွက်ပြီ (မိုးမခ) မတ် ၂၄၊ ၂၀၁၈...

Read more »

ဇော်အောင်(မုံရွာ) ၏ ပြည်မြန်မာ မီးထိန်ထိန်သာဖို့အရေး မိုးမခဆောင်းပါးများ (ထွက်ပြီ)

By

ဇော်အောင်(မုံရွာ) ၏ ပြည်မြန်မာ မီးထိန်ထိန်သာဖို့အရေး မိုးမခဆောင်းပါးများ (ထွက်ပြီ) မိုးမခစာအုပ်စင်၊ ဖေဖော်ဝါရီ ၂၈၊...

Read more »

 ဦးခင်မောင်လတ်(MA) နဲ့ ဒေါ်ခင်မျိူးချစ် – အင်္ဂလိပ်စာတတ်လိုသော် စာအုပ် ထွက်ပြီ

By

ဦးခင်မောင်လတ်(MA) နဲ့ ဒေါ်ခင်မျိူးချစ် – အင်္ဂလိပ်စာတတ်လိုသော် စာအုပ် ထွက်ပြီ (မိုးမခ) ဖေဖော်ဝါရီ ၅၊...

Read more »

ဒေါက်တာခင်မောင်ဝင်း (သင်္ချာ) – သင်္ချာအတွေးအခေါ်သမိုင်း ၊ ဂိမ်းသီအိုရီနှင့် အတွေးအမြင်ဆောင်းပါးများ 

By

ဒေါက်တာခင်မောင်ဝင်း (သင်္ချာ) – သင်္ချာအတွေးအခေါ်သမိုင်း ၊ ဂိမ်းသီအိုရီနှင့် အတွေးအမြင်ဆောင်းပါးများ  မိုးမခစာပေက ထွက်ပါပြီ။...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်