မောင်မောင်စိုး ● တရုတ်နိုင်ငံခြားရေးပေါ်လစီနှင့် မြန်မာပြည်ငြိမ်းချမ်းရေး (နိဂုံး)

February 27, 2017

မောင်မောင်စိုး ● တရုတ်နိုင်ငံခြားရေးပေါ်လစီနှင့် မြန်မာပြည်ငြိမ်းချမ်းရေး (နိဂုံး)
(မိုးမခ) ဖေဖော်ဝါရီ ၂၇၊ ၂၀၁၇

● မြန်မာအစိုးရသစ်နှင့် ၂၀၀၈ ခြေဥ
တဖက်တွင်လည်း ၂၀၁၅ ရွေးကောက်ပွဲတွင် NLD ပါတီ အနိုင်ရပြီး ၂၀၁၆ မတ်လကုန်တွင် အာဏာလွှဲပြောင်းယူသည်။ ၂၀၀၈ အခြေခံဥပဒေအရ ရွေးကောက်ခံ အရပ်သားအစိုးရနှင့်တပ်မတော်တို့ကြားတွင် လုပ်ပိုင်ခွင့်ကိုယ်စီရှိနေကြပြီး တပ်၏ အခန်းသည် အလွန်အရေးပါသည်ကို အားလုံးသိကြပြီးဖြစ်သည်။ စစ်ဗိုလ်ချုပ်ဟောင်းများဖြစ်ကြသော သမတဦးသိန်းစိန်နှင့် ကြံ့ခိုင်ရေးပါတီ အစိုးရလက်ထက်တွင် ထိုပြဿနာသည် သိပ်မကြီးလှဟုဆိုနိုင်သော်လည်း အရပ်သားစစ်စစ် NLD အစိုးရ လက်ထက်တွင်မူ ထိုပြဿနာသည် အတိမ်းအစောင်းမခံသည့် ပြဿနာဖြစ်လာသည်။

မြန်မာပြည်နှင့်ဆက်ဆံသော သံတမန်အားလုံးသည် NLD အစိုးရအားလည်းကောင်း၊ တပ်မတော်အားလည်းကောင်း၊ ဆက်ဆံမှုပြုကြရသည်မှာ ရှောင်လွှဲ၍မရသည့် လက်တွေ့ကျသည့် ဖြစ်ရပ်ဖြစ်နေသည်။ ဤသို့သောအခြေအနေအောက် တွင် တရုတ်တို့အနေနှင့်လည်း အစ်ိုးရနိုင်ငံခြားရေးဝန်ကြီးဌာနချင်းဆက်ဆံရေးသာမက တရုတ်စစ်တပ်၏ ဆက်ဆံရေးပါလိုအပ်နေသည့်အချိန်တွင် တရုတ်နှင့်မြန်မာပြည်ကြား ၂ + ၂ ဆက်ဆံရေးကို ထူထောင်ခဲ့သည်ကိုတွေ့ရသည်။

● ၂+၂ ဆက်ဆံရေး
တရုတ်အစိုးရဘက်မှ နိုင်ငံခြားရေးဝန်ကြီးဌာနနှင့် ကာကွယ်ရေးဝန်ကြီးဌာန ၂ ခုနှင့် မြန်မာအစိုးရဘက်မှ နိုင်ငံခြားရေးဝန်ကြီး ဌာနနှင့် ကာကွယ်ရေးဝန်ကြီးဌာန ၂ ခုပေါင်းတို့ နှစ်နိုင်ငံကြား ပုံမှန်တွေ့ဆုံဆွေးနွေးသည့် အစီအစဉ်တရပ်ကို NLD အရပ် သားအစိုးရတက်ပြီးသည့် ၂၀၁၆ ခုနှစ်တွင်စတင်ခဲ့သည်။ ၂၀၁၆ ခုနှစ် နိုဝင်ဘာလ ၂၅ ရက်နေ့တွင် နေပြည်တော်၌ ၂+၂ ပထမဆုံးအကြိမ်တွေ့ဆုံမှုကို ပြုလုပ်ခဲ့ပြီး နယ်စပ်တည်ငြိမ်ရေးပြဿနာက ရှေ့တန်းရောက်ခဲ့သည်ဟုဆိုပါသည်။

၂၀၁၇ အတွင်းတွေ့ဆုံမှုကို တရုတ်ပြည် ယူနန်ပြည်နယ် ခွင်းမင်မြို့၌ ဖေဖော်ဝါရီလ ၇ ရက်နေ့က ကျင်းပခဲ့သည်။ ထိုဆွေး နွေးပွဲတွင် နှစ်ဖက်စလုံးမှ ဒုနိုင်ငံခြားရေးဝန်ကြီးများတက်ရောက်ခဲ့သကဲ့သို့ တရုတ်စစ်ဖက်မှ တရုတ်ဗဟိုစစ်ကော်မရှင် ဒုတိ ယညှိနှိုင်းကွပ်ကဲရေးမှူးတက်ရောက်ပြီး မြန်မာစစ်ဖက်မှ အမှတ် ၁ စစ်ဆင်ရေးအထူးအဖွဲ့မှူး တက်ရောက်ခဲ့ကြသည်။

ထိုဆွေးနွေးပွဲတွင် တရုတ်မြန်မာဆက်ဆံရေး တိုးတက်ကောင်းမွန်လာသည်ကို သုံးသပ်ခဲ့ကြပြီး မြန်မာပြည်မြောက်ပိုင်း ဒေ သပြဿနာကို ကောင်းမွန်စွာဖြေရှင်းရန်လိုအပ်ကြောင်း ဆွေးနွေးခဲ့သည်ဟု ဆိုပါသည်။ တရုတ် မြန်မာနယ်စပ် တည်ငြိမ် အေးချမ်းရေးကို ထိမ်းသိမ်းခြင်းသည် နှစ်နိုင်ငံ ဘက်စုံ မဟာဗျူဟာမိတ်ဖက်ဆက်ဆံရေး ခေတ်သစ်ကို တွန်းအားပေးရန် အလွန်အရေးပါကြောင်း နှစ်နိုင်ငံမြောက်ပိုင်းအခြေအနေများနှင့်ပတ်သက်၍ နှစ်နိုင်ငံ အနီးကပ်ဆက်သွယ်မှုများထားရှိပြီး နယ်စပ်ဒေသထိမ်းသိမ်းရေးကို ပူးပေါင်းဆောင်ရွက်သွားမည်ဟု ဆိုသည်။

အဆိုပါဆွေးနွေးပွဲတွင် တရုတ်နိုင်ငံဘက်မှ ပြောကြားသည်မှာ မြန်မာပြည်၏အရေးကိစ္စတွင် ဆိုင်ရာဖက်အသီးသီးက ထိန်း ချုပ်ကာ မြန်မာနိုင်ငံမြောက်ပိုင်းငြိမ်းချမ်းရေးကို အမြန်အကောင်အထည်ဖေါ်ဆောင်ရွက်ပြီး တရုတ်မြန်မာနယ်စပ် တည်ငြိမ် အေးချမ်းအောင် အမြန်အကောင်အထည်ဖေါ်ဆောင်ရွက်စေလိုကြောင်း မြန်မာနိုင်ငံငြိမ်းချမ်းရေးဆွေးနွေးမှုများကို ထောက် ခံကြောင်း အဆိုပါငြိမ်းချမ်းရေးဆွေးနွေးမှုများမှတဆင့် မြန်မာပြည်ငြိမ်းချမ်းရေးနှင့် အမျိုးသားပြန်လည်သင့်မြတ်ရေးကို အမြန်ဆုံးရရှိစေလိုကြောင်း ပြောကြားခဲ့သည်။

အဆိုပါဆွေးနွေးပွဲတွင် မြန်မာဘက်မှ ပြန်လည်ပြောကြားသည်မှာ ငြိမ်းချမ်းရေးလုပ်ငန်းစဉ်တိုးတက်မှုနှင့် ၂၁ ရာစုပင်လုံ ဒုတိယအကြိမ်အတွက် ပြင်ဆင်ထားမှုများအား ရှင်းပြခဲ့ပြီး လက်တွေ့ကျသောဆောင်ရွက်မှုများဖြင့် မြန်မာပြည်မြောက်ပိုင်းတည်ငြိမ်အေးချမ်းမှုရအောင် ဆောင်ရွက်သွားမည်ဖြစ်ကြောင်း မြန်မာနိုင်ငံပြည်တွင်းငြိမ်းချမ်းရေးလုပ်ငန်းစဉ်အားဆက်လက်တွန်းအားပေးဆောင်ရွက်သွားမည်ဖြစ်ကြောင်း မြန်မာနိုင်ငံအနေနှင့် တရုတ်နိုင်ငံမှ ပြီးခဲ့သောကာလတလျောက် ထောက်ခံကူညီခဲ့သည်ကိုကျေးဇူးတင်ကြောင်း မြန်မာနိုင်ငံငြိမ်းချမ်းရေးလုပ်ငန်းစဉ်တွင် တရုတ်မှ အပြုသဘောဖြင့် ဆက်လက် ပါဝင်စေလိုကြောင်း ဆင်ဟွာ Xinhwa သတင်းဌာနမှ အကျယ်တဝင့် ဖော်ပြခဲ့ပါသည်။

အဆိုပါ နှစ်နိုင်ငံ၏ ၂+၂ တွေ့ဆုံမှုအား ၂၀၁၇ ခုနှစ်အတွင်း နောက်တကြိမ် တရုတ်ပြည်တွင်ပြုလုပ်ရန် သဘောတူခဲ့ကြသည် ဟု ဆိုပါသည်။ ၂၀၁၇ နှစ်ဆန်းတွင်ပြုလုပ်ခဲ့သည့် နှစ်နိုင်ငံ ၂+၂ တွေ့ဆုံမှုတွင် တရုတ်နယ်စပ်တည်ငြိမ်အေးချမ်းရေး မြန်မာပြည်မြောက်ပိုင်းအရေး မြန်မာပြည်ငြိမ်းချမ်းရေးဆွေးနွေးပွဲအရေးတို့ ရှေတန်းရောက်နေသည်ဟု ဆိုရမည်။

● တရုတ်အထူးသံတမန်
တရုတ်အစိုးရနိုင်ငံခြားရေးဝန်ကြီးဌာနသည် ဦးတည်ချက်သည် နှစ်နိုင်ငံချစ်ကြည်စွာဆက်ဆံသည့်အခြေခံပေါ်မှ တရုတ် မြန်မာ ကုန်သွယ်မှုမြှင့်တင်ရေး မြန်မာနိုင်ငံ တရုတ်ရင်းနှီးမြှုပ်နှံများအား ကာကွယ်ခြင်း၊ တိုးမြှင့်ခြင်း တရုတ်၏သေနင်္ဂဗျူ ဟာစီမံကိန်းဖြစ်သည့် မြန်မာပြည်ဖြတ်မည့် အနောက်ဘက် ပိုးလမ်းခါးပတ်တို့တွင် အာရုံစိုက်ထားခဲ့သည်။ သို့သော်လည်းထိုစီးပွားရေးရည်မှန်းချက်များ အကောင်အထည်ဖေါ်ရေးအတွက် အဟန့်အတားဖြစ်နေသည်မှာ တရုတ်မြန်မာနယ်စပ်တ လျောက် မတည်ငြိမ်မှုများဖြစ်သည်။

လက်ရှိဖြစ်ပွားနေသော လက်နက်ကိုင်ပဋိပက္ခများအရ ကချင်ပြည်နယ် ရှမ်းပြည်မြောက်ပိုင်းတွင် KIA/MNDAA/TNLA/AA အဖွဲ့ ၄ ဖွဲ့နှင့်ဖြစ်ပွားနေသောစစ်မီးအား ငြိမ်းသတ်ရန်လိုအပ်နေသကဲ့သို့ ထိုမီးစမှတဆင့် ၎င်းလက်ရှိ မြန်မာပြည်နိုင်ငံရေး ပြဿနာကို ကောင်းမွန်စွာဆွေးနွေးဖြေရှင်းနိုင်ခြင်းမရှိပါက ဝ ဒေသနှင့် မိုင်းလားဒေသသို့ စစ်မီးတောက်ကူးစက် နိုင်သည် ကိုလည်းကောင်း၊ ကောင်းစွာသဘောပေါက်ထားသည်ဖြစ်ရာ တရုတ်တို့သည် မြန်မာပြည်ငြိမ်းချမ်းရေးဆွေးနွေးပွဲများကို အာရုံစိုက်လာခဲ့ကြသည်။

ယခင် ဦးသိန်းစိန်လက်ထက် မြန်မာပြည်ငြိမ်းချမ်းရေးဆွေးနွေးပွဲများတွင်ပါဝင်ရန် တရုတ်မှ အထူးသံတမန်တဦး ခန့်အပ် ခဲ့သည်။ တရုတ်နိုင်ငံခြားရေးဝန်ကြီးဌာန၏ အာရှရေးရာ အထူးသံတမန်အမည်ဖြင့် ခန့်အပ်ခဲ့သော်လည်း ထိုသံတမန်၏ အဓိက အာရုံစိုက်မှုမှာ မြန်မာပြည်ငြိမ်းချမ်းရေးလုပ်ငန်းကို အထူးအာရုံစိုက်ခဲ့သည်ကို တွေ့ရသည်။ ဦးသိန်းစိန်လက်ထက်မြန် မာပြည်တွင်းရှိ ငြိမ်းချမ်းရေးဆွေးနွေးပွဲများ တိုင်းရင်းသားများပြုလုပ်သည့် လိုင်ဇာ/လော်ခီးလာညီလာခံများတွင် ကုလ သမဂ္ဂအထွေထွေအတွင်းရေးမှူး၏ အထူးကိုယ်စားလည်နှင့်အတူတကွ ပါဝင်တက်ရောက်ခဲ့သည်ကို တွေ့ရသည်။ ၂၀၁၆ ခုနှစ်ထဲတွင် ကုလသမဂ္ဂအထွေထွေအတွင်းရေးမှူး၏အထူးကိုယ်စားလှယ်သက်တမ်းပြည့်သွားပြီး ထပ်မံခန့်အပ်ခြင်းမရှိ တော့သော်လည်း တရုတ်သံတမန်ကတော့ တက်ကြွစွာလှုပ်ရှားဆဲဖြစ်သည်။ လက်ရှိ တရုတ်အထူးသံတမန်မှာ မစ္စတာဆွန် ကော့ရှန် (Mr Sun Guoxiang) ဖြစ်ပါသည်။

မစ္စတာဆွန်ကော့ရှန်သည် ၂၀၁၆ ခုနှစ် NLD အစိုးရတက်ပြီးနောက် တိုင်းရင်းသားလက်နက်ကိုင်အဖွဲ့များက ၂၀၁၆ ဇူလိုင် လကုန်ပိုင်းတွင် ကျင်းပပြုလုပ်သည့် မိုင်ဂျာယန်ညီလာခံသို့လည်းကောင်း၊ သြဂုတ်လကုန်ပိုင်းတွင်ကျင်းပသည့် ၂၁ ရာစု ပင်လုံ ပထမအကြိမ်အစည်းအဝေးသို့လည်းကောင်း တက်ရောက်ခဲ့သည်ကို တွေ့ခဲ့ရသည်။ ထိုနောက် ၂၀၁၆ ခုနှစ် နိုဝင် ဘာလကုန်ပိုင်းတွင်ဖြစ်ပွားသော မြောက်ပိုင်းမဟာမိတ်တို့နှင့် ဖြစ်ပွားသည့်စစ်ပွဲအပြီးတွင် ပို၍ သိသိသာသာ သွက်သွက် လှုပ်ရှားလာသည်ကို တွေ့ရသည်။ ထိုမြောက်ပိုင်းစစ်ပွဲသည် တရုတ်မြန်မာကုန်သွယ်ရေးလမ်းကြောင်းကို ထိခိုက်စေသည် သာမက တရုတ်တို့၏ အနာဂတ်စီးပွားရေးရည်မှန်းချက်များကို ထိခိုက်စေနိုင်သည့်အပြင် တရုတ်နယ်စပ်တလျောက် စစ်မီး ပိုမိုကြီးထွားလာနိုင်သည့်အခြေအနေ ဖြစ်ပွားမလာစေရန် တားဆီးလို၍ ဖြစ်ကြောင်းသုံးသပ်ရပါသည်။

● တရုတ်အထူးသံတမန်၏တွေ့ဆုံမှုများ
၂၀၁၆ ခုနှစ် နိုဝင်ဘာလကုန်တွင်ဖြစ်ပွားသော မြောက်ပိုင်းစစ်ပွဲစတင်ပြီးနောက်ပိုင်း တရုတ်တို့၏လှုပ်ရှားမှု ပိုမိုသွက်လက် လာခဲ့တော့သည်။ ၂၀၁၆ နိုဝင်ဘာလအတွင်း တရုတ်ပြည်သို့ အလည်အပတ်ရောက်ရှိနေသော ဒေါက်တာတင်မျိုး ဝင်း ခေါင်းဆောင်သည့် ငြိမ်းချမ်းကော်မရှင်နှင့် တရုတ်နယ်စပ်ရှိ တိုင်းရင်းသားလက်နက်ကိုင်များဖြစ်ကြသော KIA/TNLA/MNDAA/AA မြောက်ပိုင်းမဟာမိတ် ၄ ဖွဲ့ UWSA နှင့် မိုင်းလား အဖွဲ့ ၂ စုစုပေါင်း ၆ ဖွဲ့နှင့် ခွင်းမင်မြို့၌ ၂၀၁၆ ဒီဇင်ဘာ ၁ ရက်/ ၂ ရက်နေ့များတွင် တွေ့ဆုံရန် တရုတ်နိုင်ငံခြားရေးဝန်ကြီးဌာနမှ စီစဉ်ပေးခဲ့သည်။ UWSA နှင့် မိုင်းလားအဖွဲ့တို့နှင့် ငြိမ်းချမ်းရေးကော်မရှင်တွေ့ဆုံခဲ့သော်လည်း မြောက်ပိုင်းမဟာမိတ် ၄ ဖွဲ့နှင့်တွေ့ဆုံရေး မအောင်မြင်ခဲ့ပေ။

သို့သော်လည်း တရုတ်တို့လက်လျှော့မသွားဘဲ ၂၀၁၆ ဒီဇင်ဘာ ၂၀ ရက်နေ့တွင် မစ္စတာဆွန်ကော့ရှန်နှင့် မြောက်ပိုင်းမဟာ မိတ် ၄ ဖွဲ့တို့ ငြိမ်းချမ်းရေးကိစ္စ ထပ်မံတွေ့ဆုံခဲ့ကြပြီး ၂၀၁၆ ဒီဇင်ဘာ ၂၁ ရက်နေ့တွင် တွေ့ဆုံဆွေးနွေးရန် အသင့်ရှိကြောင်း မြောက်ပိုင်းမဟာမိတ်က ကြေညာချက်ထုတ်ပြန်ခဲ့သည်ကို တွေ့ရသည်။

၂၀၁၇ ဇန္နဝါရီလ ၁၀ ရက်နေ့တွင် မစ္စတာဆွန်ကော့ရှန်သည် တရုတ်သံအမတ်ကြီး မစ္စတာဟုန်လျန် (Mr. Hong Liang)လိုက်ပါ၍ မြန်မာ့တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်နှင့် နေပြည်တော်တွင် လာရောက်တွေ့ဆုံ ခဲ့သည်။ ကာကွယ်ရေးဦးစီးချုပ်နှင့်အတူ ဗိုလ်ချုပ်ကြီးမြထွန်းဦး၊ ဒုဗိုလ်ချုပ်ကြီးစိုးထွဋ်တို့လည်း တွေ့ဆုံရာတွင်ပါဝင်ခဲ့ သည် ဟု ဆိုသည်။ အဆိုပါတွေ့ဆုံမှုတွင် မြန်မာ့ငြိမ်းချမ်းရေးကိစ္စရပ်များအား အဓိကထားဆွေးနွေးခဲ့သည်ဟု ဆိုသည်။

မစ္စတာဆွန်ကော့ရှန်သည် ၂၀၁၇ ဇန္နဝါရီလ ၁၇ ရက်နေ့တွင် ဝ နယ် ပန်ဆန်းသို့သွားရောက်ပြီး ဦးပေါက်ယိုချမ်းခေါင်း ဆောင်သော UWSA ခေါင်းဆောင်များနှင့်တွေ့ဆုံဆွေးနွေးခဲ့သည်။ တဖန် ၂၀၁၇ ဇန္နဝါရီလ ၁၉ ရက်နေ့တွင် တရုတ်ပြည် ခွင်းမင်မြို့ ၌ မစ္စတာဆွန်ကော့ရှန်နှင့် မြောက်ပိုင်း မဟာမိတ် ၄ ဖွဲ့တို့ ဒုတိယအကြိမ် ထပ်မံတွေ့ဆုံပြီး ငြိမ်းချမ်းရေးဆွေးနွေး ပွဲကိစ္စများအား ဒုတ်ိယအကြိမ် ထပ်မံဆွေးနွေးခဲ့ပြန်သည်။ ဤသို့ တရုတ်သံတမန်၏ လွန်းပြန်ခရီးများကို တွေ့မြင်ခဲ့ရသည်။

● လက်ရှိ တရုတ်ပေါ်လစီ
လက်ရှိတရုတ်ပေါ်လစီမှာ တရုတ်နိုင်ငံခြားရေးဝန်ကြီးဌာနမှရှေ့ဆောင်ပြီး တရုတ်စစ်ဖက်က နောက်မှရံပေးနေသည်ဟု ဆိုရမည်။ တရုတ်သံတမန်သည် တရုတ်နယ်စပ်ရှိ တိုင်းရင်းသားလက်နက်ကိုင်အဖွဲ့များအားလုံး ငြိမ်းချမ်းရေးစားပွဲဝိုင်းတွင် ပါဝင်သွားရေးကို ရှေးရှုလုပ်ဆောင်နေသည်ကို တွေ့ရသည်။

၂၀၁၆ ခုနှစ် ဒီဇင်ဘာ ၁၁ ရက်နေ့တွင် တရုတ်လွတ်မြောက်ရေးတပ်မတော် အနောက်ဖက်စစ်နယ်ဝန်းတပ်မှူး (Western Theatre Command) ဗိုလ်ချုပ်ကြီး ကျောက်ဇုံးချိ (Zhao Zongqi) နှင့်အဖွဲ့သည် မြန်မာပြည်သို့ရောက်ရှိခဲ့သည်။ တရုတ် ပြည်တွင် စစ်နယ်ဝန်း ၅ ခုခွဲခြားသတ်မှတ်ထားပြီး အနောက်ဖက်စစ်နယ်ဝန်းသည် ယခင် ချင်တူးစစ်ဒေသနှင့် လန်ကျိုး စစ်ဒေသကို ပေါင်းထားခြင်းဖြစ်ပြီး ယူနန်ပြည်နယ် စစ်ချွမ်းပြည်နယ် တိဘက်တို့ပါဝင်သည်ဟု ဆိုပါသည်။ တရုတ်စစ်ဖက် ဗိုလ်ချုပ်ကြီး ကျောက်ဇုံးချိနှင့် မြန်မာစစ်ဖက်မှ ဒုကာကွယ်ရေးဦးစီးချုပ် ဒုဗိုလ်ချုပ်မှူးကြီးစိုးဝင်းတို့သည်၂၀၁၆ ဒီဇင်ဘာ ၁၂ ရက်နေ့၌ နေပြည်တော်တွင်တွေ့ဆုံခဲ့ကြပြီး တရုတ်နယ်စပ်တည်ငြိမ်ရေးနှင့် ရှမ်းမြောက်ပဋိပက္ခတို့ကို ဆွေးနွေးခဲ့ကြသည် ဟုဆိုပါသည်။

လက်ရှိအချိန်တွင် တရုတ်စစ်ဖက်သည် တရုတ်နိုင်ငံခြားရေးသံတမန်၏ ဆောင်ရွက်ချက်အောင်မြင်နိုင်ရေးအတွက် နောက် မှနေ၍ ထိမ်းထိမ်းသိမ်းသိမ်းဆောင်ရွက်နေသည်ဟု ဆိုရမည်။ အဘယ်ကြောင့်ဆိုသော် မြောက်ပိုင်းစစ်ပွဲအတွင် နယ်စပ် လုံခြုံရေးထိပါးသည့်ပြဿနာများအား ၂၀၁၅ ခုနှစ် ကိုးကန့်စစ်ပွဲကာလကကဲ့သို့ တင်းတင်းမာမာ တုန့်ပြန်ခြင်းမပြုခဲ့ပေ။ မြောက်ပိုင်းစစ်ပွဲကာလအတွင်း ၎င်း၏နယ်နမိတ်အတွင်း မြန်မာဖက်မှ ဗုံးဆံကျခြင်း၊ အရပ်သားထိခိုက်ခြင်းများအား ထိန်း သိမ်းကိုင်တွယ်ခဲ့သည်ကို တွေ့ရသည်။ တရုတ်နှင့်ချောင်းသာခြားသည့် မုန်းကိုး၌ ပြင်းထန်စွာ တိုက်ပွဲဖြစ်နေသည့်ကာလ၌ တရုတ်ပိုင်နက် မန်ဟိုင်းရှိ တရုတ်နိုင်ငံသားများရော၊ မြန်မာဘက်မှပြေးလာသည့် စစ်ဘေးဒုက္ခသည်များကိုပါ နယ်စပ်နှင့်ဝေး သည့် ကျယ်ဖန့်၊ မန်စီ မြို့များဆီသို့ ပို့ဆာင်အကာကွယ်ပေးခဲ့ပြီး မြန်မာအစိုးရနှင့် တပ်မတော်အား ပြင်းထန်သည့်ကန့်ကွက်မှု မပြုခဲ့ပေ။

တရုတ်စစ်တပ်က ၂၀၁၅ ခုနှစ် ကိုးကန့်စစ်ပွဲကာလထက် များစွာပျော့ပြောင်းမှုပြသနေခြင်းသည် တရုတ်နိုင်ငံခြားရေးသံ တမန်၏လုပ်ဆောင်မှု အောင်မြင်နိုင်ရေးအတွက် တရုတ်တို့၏ပျော့ပြောင်းမှုကိုပြသနေခြင်းဖြစ်သည်ဟု ဆိုနိုင်ပါသည်။ တ ဖက်တွင်လည်း တရုတ်သံတမန်သည် မြန်မာစစ်ဖက်မှ အကြမ်းဖက်အဖွဲ့အစည်းများအဖြစ်သတ်မှတ်ထားသည့် မြောက် ပိုင်းမဟာမိတ် ၄ ဖွဲ့အား တရုတ်ပြည်တွင်းသို့ဖိတ်ခေါ်၍ ငြိမ်းချမ်းရေးစကားဝိုင်းတွင် ပါဝင်နိုင်ရေးကြိုးပမ်းနေသည်ကို တွေ့ရပေသည်။ ဤကား လက်ရှိ တွေ့မြင်နေရသည့် တရုတ်ပေါ်လစီအခင်းအကျင်းဟု ဆိုရပေမည်။

ထို့ပြင် တရုတ်အထူးသံတမန် မစ္စတာဆွန်ကော့ရှန်၏ လှုပ်ရှားမှုများအားလည်းဆက်လက်၍ မြင်တွေ့ရပါက အံ့သြဘွယ်ရှိမည်မဟုတ်ပေ။ လက်ရှိ အချိန်တွင်တရုတ်နိုင်ငံခြားရေးဝန်ကြီးဌာနမှ မစ္စတာဆွန်ကော့ရှန်သည် UWSA အပါအဝင် မြန်မာပြည်မြောက်ပိုင်း တရုတ်နယ်စပ်မှအဖွဲ့အားလုံးအား ဆွေးနွေးပွဲစားပွဲဝိုင်းတွင်ပါဝင်နိုင်ရေး NCA လက်မှတ် ထိုးရေးတို့အတွက် တွန်းတွန်းတိုက်တိုက်လုပ်နေမည်ဆိုပါက အံ့အားသင့်စရာရှိမည်မဟုတ်ပေ။ တရုတ်နိုင်ငံခြားရေးဝန်ကြီး ဌာန၏ပေါ်လစီသည် တရုတ်နယ်စပ်တည်ငြိမ်ရေးနှင့် တရုတ်အမျိုးသားအကျိုးစီးပွားကို ရှေးရှုသည် မဟုတ်ပါလော။

တချိန်တည်းတွင် မြန်မာအစိုးရနှင့်တပ်မတော်အနေနှင့်လည်း မြန်မာပြည်အရှေ့မြောက်ပိုင်းရှိ UWSA နှင့် မိုင်းလားအား NCA လက်မှတ်ထိုးစေရေးအတွက် UWSA အပေါ် တရုတ်တို့ တိုက်တိုက်တွန်းတွန်း ဖိအားပေးမှုကို လိုလားနေသည်။ တရုတ်တို့၏ ဖိအားပေးမှုဖြင့် UWSA နှင့် မိုင်းလားတို့NCA ထိုးရေးကို လိုလားနေပုံရသည်။ ထို့ကြောင့်လည်း နှစ်နိုင်ငံ ၂+၂ အစည်းအဝေး၌ မြန်မာနိုင်ငံငြိမ်းချမ်းရေးလုပ်ငန်းစဉ်တွင် တရုတ်တို့ အပြုသဘောဖြင့် ဆက်လက်ပါဝင်စေလိုကြောင်း မြန် မာဖက်ကပြောဆိုခဲ့ခြင်း ဖြစ်ဟန်တူသည်။ တရုတ်အစိုးရ၏စီးပွားရေးရည်မှန်းချက်နှင့် မြန်မာအစိုးရ၏နိုင်ငံရေးရည်မှန်းချက် အစပ်အဟပ်တည့်နေပုံရသည်။

မည်သို့ဆိုစေကာမူ မြန်မာပြည်ပေါ်၌ မည်သို့ပေါ်လစီကျင့်သုံးမည်ဆိုသည်ကို အဓိကအဆုံးအဖြတ်ပြုနိုင်သည်ကတော့ တရုတ်ပြည်ကွန်မြူနစ်ပါတီ နိုင်ငံတကာရေးရာဌာနကြီးဖြစ်သည်ဆိုခြင်းကိုတော့ သတိမူထားရန် လိုအပ်ပေလိမ့်မည် ဖြစ်ပေ သည်။

 

ပြီးပါပြီ။

မောင်မောင်စိုး
ဖေဖော်ဝါရီ ၂၂၊ ၂၀၁၇ ရက်နေ့တွင် ဧရာဝတီမြန်မာပိုင်း၌ဖေါ်ပြပြီး ဖြစ်သည်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သူတို့အာဘော်, မောင်မောင်စိုး

One Response to မောင်မောင်စိုး ● တရုတ်နိုင်ငံခြားရေးပေါ်လစီနှင့် မြန်မာပြည်ငြိမ်းချမ်းရေး (နိဂုံး)

  1. U U lin on February 27, 2017 at 11:47 pm

    ဆရာ့သုံးသပ်ချက်များ လျှော်ကန်သင့်မြတ်လှပါ
    သည် လို့သာပြောတတ်ကြောင်းပါခင်ဗျား

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ

By

 မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ (မိုးမခ) ဧပြီ ၂၊ ၂၀၁၇ ကမ္ဘာဟာအကြမ်းပညာနဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး ချမ်းမြ စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်