ဖြိုးသီဟချို (Myanmar Now) ● ရွှေ့ပြောင်းတောင်ယာကို အစားထိုးမည့် အမြဲတမ်းစိုက်ခင်း

March 1, 2017

 ဖြိုးသီဟချို (Myanmar Now) ● ရွှေ့ပြောင်းတောင်ယာကို အစားထိုးမည့် အမြဲတမ်းစိုက်ခင်း

(မိုးမခ) မတ် ၁၊ ၂၀၁၇

ဖလမ်း-ထလန်ရောင်ကျေးရွာ (Myanmar Now) – ဆောင်းအကုန် နွေအကူးကာလ ချင်းပြည်နယ်၊ ဖလမ်းမြို့နယ်၊ ထလန်ရောင်ကျေးရွာဝန်းကျင်တွင် မြင်တွေ့နေရသည်က သစ်ပင်ခြုံနွယ်တို့ကို ခုတ်ထွင်မီးရှို့ထားပြီး စိုက်ပျိုးရန် အသင့်ဖြစ်နေပြီဖြစ်နေသည့်  ရွှေ့ပြောင်းတောင်ယာခင်းများဖြစ်သည်။

ရွာရှိ ရွေ့ပြောင်းတောင်ယာ လုပ်ကိုင်ကြသူများတွင် ၅၆နှစ်အရွယ် ဦးဆွေးဒုမှုန်းလည်း တစ်ဦး အပါအဝင်ဖြစ်သည်။     ပြည်နယ်၏ မြို့တော် ဟားခါးမြို့သို့ တစ်နှစ်တစ်ကြိမ်ပင် သွားရောက်လေ့ မရှိသူ၊  သားသမီး ၆ဦး၏ဖခင် ဦးဆွေးဒုမှုန်းက  မိသားစု စားဝတ်နေရေး အတွက်    တောင်ယာ လုပ်ကိုင်ရန် သစ်ပင်ကြီးငယ်များကို ခုတ်ထွင်ခဲ့ရသည်မှာ နှစ်စဉ် သုံးလေးဧက အနည်းဆုံး ရှိသည်။

“အမြဲတမ်းစိုက်မြေ မရှိခင်တုန်းကဆိုရင် ကျွန်တော် သစ်ပင်တွေ ဘယ်လောက်ခုတ်ခဲ့သလဲ ဆိုတာ မပြောပြနိုင်လောက်အောင်ပါပဲ” ဟု အသက်၂ဝ အရွယ်က စတင်ပြီး တောင်ယာ လုပ်ကိုင်ခဲ့သူ ဦးဆွေးဒုမှုန်းက ပြောသည်။

ထလန်ရောင်တွင် မိရိုးဖလာ  ရွှေ့ပြောင်းတောင်ယာစိုက်ပျိုးရေး စနစ်ကို အသုံးပြုခဲ့ကြသည်မှာ နှစ်ပေါင်း များစွာ ကြာခဲ့ပြီဖြစ်သည်။  အမြဲတမ်းစိုက်ပျိုးနိုင်သည့် လှေကားထစ်စိုက်ခင်းများ မရှိခဲ့သည့် အချိန်က  ဒေသခံတို့သည် ကျေးရွာ အုပ်ချုပ်သူတို့ သတ်မှတ်ပေးထားသည့်   လုပ်ကွက်များတွင် နှစ်စဉ် ဧက ၂ဝဝ ထိ ခုတ်ထွင် ရှင်းလင်းပြီး လုပ်ကိုင်ကြရသည်။
ယခုအခါတွင်တော့ အစိုးရနှင့်အရပ်ဖက်အဖွဲ့အစည်းများ၏ အကူအညီဖြင့် အမြဲတမ်းအသုံးပြုနိုင်သည့် လှေကားထစ်စိုက်ပျိုးရေး စနစ် ဖော်ဆောင်နေသည့် ထလန်ရောင်ရွာသည် ရွေ့ပြောင်း တောင်ယာ ခုတ်ထွင်မှု ထက်ဝက်ခန့် လျှော့ချနိုင်ပြီဖြစ်သည်။

● ကျေးလက် အလှည့်အပြောင်း
ဟားခါး-ဖလမ်း ကားလမ်းပေါ်မှ မြင်တွေ့နေရသည့် လှေကားထစ်စိုက်ခင်းများတွင် အတန်းလိုက် စိုက်ထားသည့် ကြက်သွန်ပင်များကြောင့်  စိမ်းစိုလှပနေသည်။ လှေကားထစ်စိုက်ခင်းများ၏ အထက်တောင်ကုန်းပေါ်မှ အဖြူရောင် လက်ဝါးကပ်တိုင်ရှိသည့် နေရာတွင်  ရွာသူ၊ ရွာသားများ စိုက်ပျိုးရေးကောင်းမွန်ရန်၊ ချင်းတောင်တန်း ငြိမ်းချမ်းသာယာ စေရန်အတွက် အစာရှောင် ဆုတောင်းကြကြောင်း သိရသည်။

ဤဒေသတွင် အမြဲတမ်း လှေကားထစ်စိုက်ခင်း အတွက် ကူညီနေသည့်အဖွဲ့မှာ ချင်းဒေသခံ စိုက်ပျိုးရေး ဝန်ထမ်းဟောင်းများဖြင့် စုစည်းထားသည့် Chokhlei Organization foor Rural and Agricultural Development (CORAD) အဖွဲ့ ဖြစ်သည်။

ထိုအဖွဲ့မှ ဖလမ်းမြို့နယ် မန်နေဂျာ ဦးတလောင်ဇမန်းက ရွေ့ပြောင်းတောင်ယာစိုက်ပျိုးရေး စနစ်ကို လျှော့ချရန်၊  ဒေသခံတောင်သူများ လူမှုစီးပွားစနစ် အဆင်ပြေစေရန် ရည်ရွယ်ပြီး အမြဲတမ်းစိုက်ခင်းစနစ်ကို ဖော်ဆောင်ရန် ကြိုးစားခဲ့ခြင်းဖြစ်သည်ဟု ပြောသည်။

“တချို့နေရာတွေက အပင်တောင်မရှိတော့ဘူး။ တောင်ကတုံးတွေဖြစ်သွားတယ်။ တချို့လုပ်ကွက်တွေက အပင်တော့ရှိတယ်။ ဒါပေမယ့် ဒီမြေက သုံးစားလို့မရတော့ဘူး။ မြေက အရမ်းညံ့ဖျင်းလာတယ်” ဟု သူက ရှင်းပြသည်။

CHORDအဖွဲ့က အကူအညီပေးပြီးနောက်  ထလန်ရောင်တွင် လှေကားထစ်စိုက်ပျိုးမြေဧက ၈ဝ ကျော်အထိ ရှိလာခဲ့ပြီ ဖြစ်သည်။ ထိုအထဲတွင် တောင်သူဦးဆွေဒုမှုန်း၏ ၂ ဧက စိုက်ခင်းလည်း ပါဝင်သည်။ ယခင်က ဦးဆွေဒုမှုန်းမှာ ရွှေ့ပြောင်းတောင်ယာ လုပ်ကိုင်ရန်အတွက် နံနက်၆နာရီမှ ညနေ၆နာရီအထိလုပ်ကိုင်ခဲ့ရသည်။ ကျေးရွာလူကြီးကသတ်မှတ်ပေးသည့် နေရာတွင် ရွေ့ပြောင်းတောင်ယာလုပ်ကိုင်ရန်အတွက် အပင်များကိုခုတ်လှဲခြင်း၊ မြေရှင်းခြင်း၊ မီးရှို့ခြင်းတို့ကို ပင်ပင်ပန်းပန်း လုပ်ကိုင်ရသည်ဟု သူက ဆိုသည်။ 

“အမြဲတမ်းစိုက်ပျိုးရေးမရှိခဲ့တဲ့အချိန်တုန်းကဆိုရင် တစ်နှစ်မှာ ၃ဧက၊ ၄ဧကလုပ်တာတောင်မှ ဝမ်းစာစားဖို့တောင် မလောက်ငတဲ့အခါမှာ ဝင်ငွေဆိုတာ မရှိသလောက်ပါပဲ။ ကြက်မွေးတယ်၊ ဝက်မွေးတာနဲ့ ရောင်းပြီး လုပ်ကိုင်စားသောက်ရပါတယ်” ဟု သူက ပြောသည်။

“အမြဲတမ်းလုပ်ကွက်လုပ်ပြီးတဲ့အခါမှာတော့ မိုးတွင်း၊ ဆောင်းတွင်းမှာ စိုက်ပျိုးနိုင် တာကြောင့် ဝမ်းစာဖူလုံတဲ့ အပြင် အပိုဝင်ငွေလည်းရလာပါပြီ။ ဒါကြောင့်ကျွန်တော့်သားသမီးတွေကိုလည်း ကျောင်းပြန်ထားနိုင်ပါပြီ” ဟု သူက သူ့ကြက်သွန်ဖြူခင်းကို ကြည့်ပြီး ရှင်းပြသည်။

● ရွေ့ပြောင်းတောင်ယာနှင့် သဘာဝပတ်ဝန်းကျင်
ရွေ့ပြောင်းတောင်ယာလုပ်ကိုင်ခဲ့သည့် အကျိုးဆက်ကြောင့် မိုးခေါင်ရေရှားမှု၊ မြေဆီလွှာခန်းခြောက်မှု၊ သဘာဝ ပတ်ဝန်းကျင် ပျက်စီးမှုများနှင့်ရင်ဆိုင်နေရသည်။

စိုက်ပျိုးရေးအရာရှိကြီးတစ်ဦးက ချင်းပြည်နယ်တွင် စိုက်ပျိုးမြေ ၂ဝဝ,၆ဝ၆၃ ဧက ရှိပြီး ရွေ့ပြောင်း တောင်ယာ လုပ်ကိုင်ရန် အတွက် နှစ်စဉ် ဧကတစ်သိန်းခန့် တောင်ယာ ခုတ်ထွင်နေကြသည်ဟု ခန့်မှန်းသည်။

“ဒီအတိုင်းပဲ ဆက်ခုတ်သွားမယ် ဆိုရင်တော့ ရေ၊ မြေ၊ သယံဇာတ ဆုံးရူံးမှုနဲ့ ရင်ဆိုင်ရမှာ အမှန်ပါပဲ” ဟု ချင်းပြည်နယ် စိုက်ပျိုးရေးဦးစီးဌာန ဒုတိယပြည်နယ်ဦးစီးမှူး၊ လက်ထောက်ညွန်ကြားရေးမှူး ဆလိုင်းဒမ်နီရယ် ထွန်းတင်က   မှတ်ချက်ပေးသည်။

ရွှေ့ပြောင်းတောင်ယာစနစ်ကို တစ်ဖြည်းဖြည်းလျှော့ချနိုင်ရန်အတွက်  စိုက်ပျိုးရေးဦးစီးဌာနကလည်း တောင်စောင်းစိုက်ပျိုးရေး နည်းပညာဖြင့် ချင်းပြည်နယ်အတွင်းရှိမြို့နယ်တိုင်းတွင် အမြဲတမ်း စိုက်ပျိုးမြေ ပေါ်ပေါက်ရေး လုပ်ဆောင်လျက်ရှိသည်။

“မြို့နယ်တိုင်းမှာ ၂ ဧက ကနေ ၃ ဧကအထိ ဖော်ဆောင်ပေးနေပါပြီ။ နှစ်စဉ်တိုးချဲ့ပြီးတော့ ဖော်ဆောင်သွားဖို့ကိုလည်း ဌာနက ညွန်ကြားထားပါတယ်” ဟု သူက ဆက် ပြောသည်။

ယခုအခါတွင်တော့ CHORD အဖွဲ့၏ အကူအညီပေးမှုကြောင့် ရွှေ့ပြောင်းတောင်ယာခုတ်ထွင်မှု ထက်ဝက်ခန့် လျှော့ချနိုင်ခဲ့သည်ဟု သိရသည်။

ထလန်ရောင်တွင် ရာသီဥတုဖောက်ပြန်မှုကို ရင်ဆိုင်နေရပြီး မိုးလုံလုံလောက်လောက် မရသည်မှာ ဆယ်နှစ်ခန့်ရှိနေပြီဟု ဆိုသည်။

“ရွာနားမှာရှိတဲ့ လုံပီး (ရွေ့ပြောင်းတောင်ယာလုပ်ကွက်) ရဲ့ သုံးပုံနှစ်ပုံလောက်မှာ အပင် မရှိတော့ဘူး။ ရေရှားလာပြီး။ မြေကြီးက ညံ့ညံ့လာတယ်” ဟု သူက   ရှင်းပြသည်။

ကျေးရွာ တောင်သူအစုအဖွဲ့ဥက္ကဋ္ဌ ဦးငွန်သောင်က  အိမ်ထောင်စု ၉၃ စု ရှိသော ဤရွာတွင် ရွှေ့ပြောင်းတောင်ယာ လုပ်ကိုင်ရန်အတွက် အိမ်ထောင်စုတစ်စုလျှင် ၃ဧကခန့် နှစ်စဉ်ခုတ်ထွင် ရှင်းလင်းခဲ့ကြသည်ဟု ပြောသည်။

CHORD ၏ စီမံကိန်းမန်နေဂျာ ဦးကီးတူက ရွှေ့ပြောင်းတောင်ယာ စနစ်ကိုလျှော့ချ နိုင်ရေး ရည်ရွယ်ချက်ဖြင့် ၂ဝဝ၈  မှ ၂ဝ၁၄ အထိ အမြဲတမ်း စိုက်ပျိုးမြေ ဧက ၆၅ဝကျော်ကို ဖော်ဆောင်ပေးနိုင်ခဲ့သည်ဟု  ဆိုသည်။  သို့သော်လည်း သူတို့အဖွဲ့က ဖော်ဆောင်ပေးနေသည့် အမြဲတမ်းစိုက်ပျိုးမြေ ဧကမှာ ပြည်နယ် တစ်ခုလုံးအတွက် လုံလောက်မှု မရှိနိုင်သည့်အတွက် အစိုးရ၏ အကူအညီ လိုအပ်နေသည်ဟု သူက ပြောသည်။

ပြည်နယ်အတွင်း စိုက်ပျိုးရေးလုပ်ငန်းလုပ်ကိုင်သူများ၏ ၈၅ ရာခိုင်နှုန်းမှာ ရွေ့ပြောင်းတောင်ယာ လုပ်ကိုင်နေကြသည်ဟု သူတို့ပြုလုပ်ထားသည့် စစ်တမ်းများက ဆိုသည်။ ဤဒေသတွင် လွန်ခဲ့သည့် ၂ နှစ်က မြေပြိုမှု၊ ရေကြီးမှု၊ သစ်တောပြုန်းတီးမှု အကြီးအကျယ် ဖြစ်ပွားခဲ့သည်။  သစ်တောပြုန်းတီးမှုမှာ ရွှေ့ပြောင်းတောင်ယာ စိုက်ပျိုးမှုနှင့်လည်း ဆက်စပ်နေခြင်းကြောင့် အမြဲတမ်းစိုက် ပျိုးနိုင်သည့် စိုက်ပျိုးမြေ လုံလုံလောက်လောက် ဖော်ဆောင်ပေးရန်မှာ ပြည်နယ်အတွက် အရေးတကြီးလိုအပ်နေသည့် အချက်ဖြစ်သည်ဟု သူက ဆိုသည်။

“သစ်တောတွေပြုန်းတီးသွားတဲ့ နေရာတွေမှာ မြေပြိုမှုတွေ ဖြစ်ပေါ်တဲ့ နေရာတွေမှာ ပိုပြီးတော့ ဖြစ်တာများတယ်။ သစ်တောတွေ ရှိတဲ့နေရာမှာ မြေပြိုတာ နည်းပါးတယ် ဆိုတာကို တွေ့ရပါတယ်”ဟု သူက ရှင်းပြသည်။

CORAD အဖွဲ့မှ  ဖလမ်းမြို့နယ် မန်နေဂျာ ဦးတလောင်ဇမန်းက ချင်းတောင်တန်းသည် နှစ်၂ဝအတွင်း သဘာဝပတ်ဝန်းကျင် ဆိုးရွားစွာ ထိခိုက်လာခြင်း၊ ရာသီဥတုဖောက်ပြန်မှုများနှင့် ကြုံနေရခြင်းတို့အတွက် ရွှေ့ပြောင်းတောင်ယာလုပ်ကိုင်မှုကိုလျှော့ချပြီး အမြဲတမ်းစိုက်ပျိုးမြေဧကများ ဖော်ဆောင်ပေးရန် လိုအပ်နေသည်ဟု ဆိုသည်။

“ဖလမ်းမြို့နယ်ထဲမှာ  နှစ်၂ဝ အတွင်း စိမ်းစိမ်းစိုစိုတောင်တန်းတွေအဖြစ် မြင်ခဲ့ရတဲ့နေရာတွေက အခု တောင်ကတုံးတွေ ဖြစ်နေပြီ။ ရွှေ့ပြောင်းတောင်ယာစနစ်ကို တစ်နှစ်ထက်တစ်နစ် မလျှော့ချနိုင်ဘူး ဆိုရင်တော့ နောက် ၃ဝ နှစ်တွေ ၄ဝနှစ်တွေကို ပြန်စဉ်းစားမယ် ဆိုရင်တော့ အင်မတန်ကိုမှ စိုးရိမ်စရာရှိပါတယ်” ဟု CORAD မှ မြို့နယ် မန်နေဂျာက ညှို့မှိုင်းနေသည့် ချင်းတောင်တန်းများအကြား  တွေ့နေရသည့် အကျည်းတန် တောင်ကတုံးများကို ကြည့်ရင်း ပြောလိုက်လေသည်။      ။

 

ဓာတ်ပုံ –  ဟားခါးမြို့၊ သီဖူးလ်ကျေးရွာရှိ အမြဲတမ်းစိုက်ပျိုးနိုင်သည့်လှေကားထစ်တောင်ယာ မုံညင်းစိုက်ခင်းဖြစ်ပြီး ကျေးရွာရှိ လှေကားထစ်တောင်ယာ ဧက၂၀ တွင် ဆောင်းသီနှံအဖြစ် မုံညင်း၊ ဂေါ်ဖီ၊ ကြက်သွန်ဖြူ၊ ကြက်သွန်နီတို့ကို အဓိကထားစိုက်ပျိုးကြသည်။ (Myanmar Now)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
MoeMaKa English Site

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းဆောင်းပါး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခကို အိမ်အရောက် ပို့ပေးမည်

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ

By

 မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ (မိုးမခ) ဧပြီ ၂၊ ၂၀၁၇ ကမ္ဘာဟာအကြမ်းပညာနဲ့...

Read more »

မိုးမခ မတ်၊ ၂၀၁၇ ထွက်ပါပြီ

By

  မိုးမခ မတ်၊ ၂၀၁၇ ထွက်ပါပြီ (မတ် ၉ ၊ ၂၀၁၇)...

Read more »

မိုးမခ ဖေဖော်ဝါရီကို အိမ်အရောက် မှာယူနိုင်ပါပြီ

By

မိုးမခ ဖေဖော်ဝါရီကို အိမ်အရောက် မှာယူနိုင်ပါပြီ (မိုးမခ) ဇန်နဝါရီ ၄၊ ၂၀၁၇ တရားမျှတဖို့ အတွက်...

Read more »

မိုးမခမဂ္ဂဇင်းကို မြန်မာပြည်အနှံ့ အိမ်အရောက် ပို့ဆောင်ပေးနေပါတယ်

By

မိုးမခမဂ္ဂဇင်းကို မြန်မာပြည်အနှံ့  အိမ်အရောက် ပို့ဆောင်ပေးနေပါတယ် (မိုးမခ) ဇန်နဝါရီ ၆၊ ၂၀၁၇ ၂၀၁၆...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး ချမ်းမြ စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်