အိချယ်ရီအောင် (Myanmar Now) ● နိုင်ငံရေးမှာ အမျိုးသမီးတွေပါဝင်ဖို့ ဆွဲခေါ်ပါ (အင်တာဗျူး)

March 7, 2017

● နိုင်ငံရေးမှာ အမျိုးသမီးတွေပါဝင်ဖို့ ဆွဲခေါ်ပါ (အင်တာဗျူး)
(မိုးမခ) မတ် ၇၊ ၂၀၁၇

ဟားခါး (Myanmar Now) – အမျိုးသမီးတွေ နိုင်ငံရေးမှာ ပါဝင်နိုင်ဖို့ ပတ်ဝန်းကျင်ရဲ့အားပေးမှုလိုအပ်တယ်လို့ ချင်းပြည်နယ်  ဟားခါးမြို့အခြေစိုက် ချင်းအမျိုးသမီးများအဖွဲ့ရဲ့ ညွှန်ကြားရေးမှူးတစ်ဦးဖြစ်တဲ့ ဒေါ်ဆာရာမန်အီယန်နော်န်ဆုန်က ပြော လိုက်ပါတယ်။ သူက ချင်းခရစ်ယာန်တက္ကသိုလ် အင်္ဂလိပ်စာဌာနရဲ့ လက်ထောက်နည်းပြလည်း ဖြစ်ပါတယ်။

မကြာသေးခင်က Myanmar Now နဲ့ တွေ့ဆုံစဉ်မှာ သူက အမျိုးသမီးကဏ္ဍ၊ ချင်းဓလေ့ထုံးတမ်း ဥပဒေ၊ ဒေသတွင်း စိုက်ပျိုး ရေးအခြေအနေတို့အကြောင်း ပြောပြထားပါတယ်။

မေး – ချင်းအမျိုးသမီးများအဖွဲ့မှာ  စတင် ပါဝင်ခဲ့ပုံအကြောင်း ပြောပြပေးပါ။
ဖြေ –  ဟားခါးမြို့ကို ရောက်တဲ့အချိန်မှာ ကျွန်မလည်း တက္ကသိုလ်မှာဆရာမလုပ်နေတော့ တွေ့မိတာတွေက ကျွန်မတို့ အမျိုးသမီးတွေက ကျောင်းပညာရေးမှာ ဘယ်လောက်ပဲတော်နေနေ အမျိုးသားတွေလောက် ဦးစားပေးမခံရတာတွေကို တွေ့မိတယ်။  ကျွန်မတို့ ချင်းအမျိုးသမီးတွေက ပညာရေးမှာလည်း ယောက်ျားလေးထက်စာရင် ဦးစားပေးမခံရဘူး။ သူက မိန်းကလေးပဲ ကျောင်းလည်းမတက်နဲ့တော့၊  တချိန်ကျရင် သူများဇနီးဖြစ်မယ့်ဟာ ပညာအရမ်းတတ်နေစရာမလိုဘူး ဆိုတဲ့ အဲ့ဒီအတွေးတွေကိုလည်း ကျွန်မ မကြိုက်ဘူး။ မိန်းကလေးတွေကိုပဲ ဒီကိစ္စနဲ့ပတ်သက်ပြီး ဟောပြောတာမျိုးမဟုတ်ဘဲ မိဘတွေကိုလည်း သိစေချင်ပါတယ်၊ အမျိုးသမီးပညာတတ်တွေ အများကြီးရှိမှပဲ ကျွန်မတို့ချင်းပြည်တိုးတက်မယ် ဆိုတာကို မျှဝေချင်ပါတယ်။ ချင်းအမျိုးသမီးများအဖွဲ့မှာ သုတေသနနှင့် ဖွံ့ဖြိုးတိုးတက်ရေး ညွှန်ကြားရေးမှူးအနေနဲ့ ရွေးချယ်ခံခဲ့ရပါ တယ်။ ဘာကြောင့်မို့လို့ အမျိုးသမီးတွေ ခွဲခြားခံနေရတာလဲဆိုတာကို ဖော်ထုတ်မယ်၊ အဲ့ဒါနဲ့ပတ်သက်ပြီး သုတေသနလည်း လုပ်ချင်တာပေါ့။ သူတို့ပေးတဲ့ရာထူးနဲ့ ကျွန်မလုပ်ချင်တာနဲ့က ကွက်တိပဲဆိုတော့ တော်တော်လေးကို အဆင်ပြေပါတယ်။

မေး –  ဘယ်လိုမျိုး သုတေသနလုပ်ငန်းတွေ လုပ်ကိုင်ပြီးပြီလဲ။
ဖြေ – ကျွန်မတို့မြို့နယ်မှာ တောင်တွေပြိုတုန်းက   အစိုးရက ဟားခါးထာရ်ရပ်ကွက် အမှတ် (၁)၊ အမှတ် (၂) ဆိုပြီးတော့ မြို့သစ်ရပ်ကွက်ဖော်ပြီး နေရာချပေးပါတယ်။ အဲ့ဒီနေရာကိုသွားပြီး ကျွန်မ အမျိုးသမီးတွေနဲ့ စကားပြောဖြစ်ပြီးတော့ သူတို့ ဘာတွေခံစားနေရလဲဆိုတာကို သုတေသနလုပ်ဖြစ်ပါတယ်။ သဘာဝဘေးအန္တရာယ်ကြောင့် အခက်အခဲကြုံနေတဲ့ အမျိုး သမီးတွေက အရင်တုန်းက တောင်သူလုပ်ငန်းလုပ်ကိုင်တဲ့သူတွေပဲ များတယ်။ တောင်ပြိုသွားတော့ မြေနေရာတွေလည်း ပျက်ကုန်ပြီး သူတို့အသက်မွေးဝမ်းကျောင်းအတွက် ချင်းရက်ကန်းအထည်တွေကို ရက်နေရတယ်။ ဒါပေမဲ့ အရမ်းခက်ခဲတာ ကို တွေ့ရတယ်။ တချို့မိဘတွေကတော့ သားသမီးကျောင်းထုတ်လိုက်တာမျိုးတွေ ရှိတယ်။ တချို့လည်း နိုင်ငံတကာ အဖွဲ့အစည်း အကူအညီတွေနဲ့ ကျောင်းဆက်တက်နေတာကို တွေ့ရတယ်။

တချို့ကလေးတွေက ပညာရေးမှာ အားနည်းသွားတာ၊   ကျောင်းမတက်နိုင်တာမျိုးတွေ တွေ့ရတယ်၊ အမျိုးသမီး၊ ကလေး ငယ်တွေက အဲ့ဒီမြေပြိုမှုဖြစ်စဉ်နဲ့ပတ်သက်ပြီး စိတ်ဓာတ်ကျနေတာ တွေ့ရတယ်။ လူဦးရေအရလည်း အမျိုးသမီးတွေက အမျိုးသားတွေထက် များနေတယ်။ သူတို့ကို စိတ်ပိုင်းဆိုင်ရာ ရုပ်ပိုင်းဆိုင်ရာ အများကြီးကူညီပေးရမယ်၊ ဒါက ကျွန်မရဲ့ တွေ့ ရှိချက်ပါ။ ၂ဝ၁၆ ခုနှစ် စက်တင်ဘာလတုန်းက ကောက်ထားတဲ့စာရင်းအရပါ။ လောလောဆယ်တော့ အစိုးရ အကူအညီ ပေးမှုကြောင့် စားဖို့သောက်ဖို့တော့ ရှိပါတယ်။ သူတို့က တောင်သူပဲလုပ်တတ်တာ။ ပိုက်ဆံပေးမယ် ဈေးရောင်းဆိုရင်လည်း ရောင်းတတ်မှာ မဟုတ်ဘူး။  ဘယ်သူပဲဖြစ်ဖြစ် ကိုယ်ကျွမ်းကျင်ရာ ကျွမ်းကျင်ကြောင်းပဲ တတ်နိုင်ကြတာ။ ထောက်ပံ့တယ် ဆိုပေမယ့် အစိုးရရော နိုင်ငံတကာအဖွဲ့ အစည်းတွေရောက သူတို့ကန့်သတ်ထားတဲ့ အချိန်အတောတွင်းမှာပဲ ကူညီမှာပေါ့၊ အဲ့ဒီနောက်ပိုင်းတော့ ကိုယ့်ဘာသာကိုယ်ပဲ ပြန်ပြီးတော့ရုန်းကန်ကြရမှာ။ အခုက စိုက်ပျိုးရေးလုပ်တဲ့သူက စိုက်ပျိုးစရာ နေရာလည်းမရှိတော့  ဘဝအာမခံချက်မရှိတော့တာ တွေ့ရပါတယ်။

မေး – ဒီဒေသမှာ အမျိုးသမီးတွေအပေါ်ခွဲခြားဆက်ဆံမှုအခြေအနေ ဘယ်လိုရှိလဲ။
ဖြေ – အခုက ပွင့်လင်းမြင်သာမှုရှိနေပြီဆိုတော့ အရင်ကထက်စာရင် ပြောင်းလဲတာမျိုးတွေ ရှိတာပေါ့။ မပြောင်းလဲသေးတာက … ချင်းဓလေ့ထုံးတမ်းဥပဒေမှာပါတဲ့ အမျိုးသမီးက အမွေဆက်ခံခွင့်မရှိဘူး။ ပညာရေးပိုင်းမှာ ခွဲခြားဆက်ဆံမှုရှိတယ်။ အိမ် ထောင်ရေးပိုင်းမှာလည်း ဒီအတိုင်းပဲ၊ အစည်းအဝေးတခုလုပ်တော့မယ်ဆို မိန်းကလေးကအောက်မှာထိုင်ရတာမျိုးတွေ ရှိ တယ်၊ ယောက်ျားလေးက ထိုင်ခုံမှာ ထိုင်ရတယ်။ မိန်းကလေးတွေကိုယ်တိုင်လည်း မပြောင်းလဲနိုင်သေးတာပါ။ အဲ့ဒါတွေက ရှေးရိုး အစဉ်အလာတွေအရပါ။ မိန်းကလေးနဲ့ယောက်ျားလေး တန်းတူအခွင့်အရေးရှိတယ်ဆိုတာ တချို့ကတော့ သိကောင်း သိမယ်။ ဒါပေမဲ့ အိမ်ထောင်သည်အမျိုးသမီးဆို ထမင်းချက်ရမယ်။ အဲ့ဒါ မိန်းကလေးအလုပ်ဆိုပြီး တသမှတ်တည်း ယူဆ ခဲ့တာမျိုးတွေက လူ့အခွင့်အရေးနဲ့ကြည့်မယ်ဆိုရင် ယောက်ျားလေး မိန်းကလေး တန်းတူညီမျှခွင့်တော့ မရှိသေးဘူးပေါ့။ နိုင်ငံရေးမှာ၊ လူမှုရေးမှာ၊ ဘာသာရေးမှာ ခွဲခြားဆက်ဆံမှုက ရှိနေတုန်းပါပဲ။

မေး – ချင်းဓလေ့ထုံးထမ်းဥပဒေထဲက ဘယ်လိုအချက်တွေပြင်သင့်လဲ။
ဖြေ – ချင်းဓလေ့ထုံးထမ်း ဥပဒေမှာပါတဲ့ တခြားအချက်တွေက လယ်ယာမြေဥပဒေနဲ့ဆိုင်တော့ ကျွန်မအနေနဲ့ မကျွမ်း ကျင်တော့ ပြောရခက်တာပေါ့။ အမျိုးသမီးက အမွေဆက်ခံခွင့်မရှိဘူးဆိုတဲ့ဥပဒေကိုတော့ လက်မခံချင်ဘူး၊ ပြင်စေချင် တယ်။  အိမ်ထောင်တခုမှာ သားသမီးတွေရှိမယ်။ ယောက်ျားလေးက မိဘကို ဒီတိုင်းပဲပစ်ထားတယ်။ သမီးမိန်းကလေး ကကျတော့ မိဘတွေကိုဂရုစိုက်တယ်။ အဲ့ဒီလိုအခြေအနေမှာ မိန်းကလေးကိုမပေးဘဲ ယောက်ျားလေးပဲပေးရင် တရားပါ့မ လား။ ယောက်ျားလေးမှ အမွေရမယ်ဆိုတာ မဖြစ်သင့်ဘူး။ ယောက်ျားပဲဖြစ်ဖြစ် မိန်းမပဲဖြစ်ဖြစ် တန်းတူအခွင့်အရေး ရှိရ မယ်။ အမျိုးသမီးပဲဖြစ်ဖြစ်၊ အမျိုးသားပဲဖြစ်ဖြစ် အမွေရပိုင်ခွင့်ရှိတဲ့ အခြေအနေမျိုးကို ဖြစ်စေချင်ပါတယ်။

ချင်းဥပဒေမှာ အမျိုးသမီးတွေ နိုင်ငံရေးမှာ ပါဝင်ခွင့်ရှိဖို့ကိုလည်း ပြဋ္ဌာန်းထားပါတယ်။  သီအိုရီအတိုင်းရှိတာမျိုး မဟုတ်ဘဲ၊ နိုင်ငံရေးမှာ အမျိုးသမီးတွေပါဝင်ဖို့ကို ဆွဲခေါ်ဖို့လိုပါတယ်။ ဆွဲခေါ်ပြီးတော့ တွန်းအားပေးတာမျိုးတွေ ဖြစ်စေချင်ပါတယ်။ အမျိုးသမီးတွေဆိုရင် အိမ်မှုကိစ္စပဲလုပ်ရမယ်ဆိုပြီးတော့ နိုင်ငံရေးမှာပါလာတဲ့ အမျိုးသမီးတွေကိုတော့ တကယ်အထူးအဆန်း လို ဖြစ်နေတာမျိုးတွေတော့ မဖြစ်သင့်ဘူး။ အမျိုးသမီးက နိုင်ငံရေးမှာပါဝင်တယ်ဆိုရင် သူ့ပတ်ဝန်းကျင်ကလည်း အားပေး ကူညီဖို့ လိုပါတယ်။ မိန်းကလေးအလုပ်လည်း မဟုတ်ဘဲနဲ့ သူလုပ်နေတယ်ဆိုပြီးတော့ ရှုတ်ချဝေဖန်တာမျိုးလည်း မဖြစ် စေချင်ဘူး။ ပါဝင်လာနိုင်အောင်လည်း တာဝန်ရှိတဲ့သူတွေက နေရာပေးဖို့ လိုပါတယ်။

မေး – ချင်းဓလေ့ထုံးတမ်း ဥပဒေအရ အမျိုးသမီးက အမွေ ဆက်ခံခွင့် မရှိဘူးဆိုတော့  မိဘကရော ကိုယ့်ကို အမွေပေးမယ်လို့ ထင်လား။
ဖြေ –   ချင်းမှာလည်း အမျိုးမျိုးကွဲတယ်၊ တချို့ လူမျိုးက အငယ်ဆုံးသားက ရတာမျိုး၊ အကြီးဆုံးသားက ရတာမျိုး ဆိုပြီးတော့ မတူညီကြဘူး။  ကျွန်မ မိဘကလည်း ချင်းလူမျိုးပဲဖြစ်တဲ့အခါကျတော့ ချင်းယဉ်ကျေးမှု အစဉ်အလာနဲ့ပဲသွားကြတာ များ တယ်။ အဲ့ဒီကိစ္စနဲ့ပတ်သက်ပြီး ကျွန်မကိုယ်တိုင် ယုံကြည်စိတ်ချမှုမရှိပါဘူး။

မေး –   ချင်းအမျိုးသမီးတွေ နိုင်ငံရေးမှာ ပါဝင်မှုအကြောင်း နည်းနည်း ပြောပြပေးပါ။
ဖြေ – အမျိုးသမီးတွေ ခံစားချက်နဲ့ပတ်သက်ပြီးထုတ်ဖော်ပေးမယ့်သူ မရှိဘူး။ ချင်းအမျိုးသမီးတွေက နိုင်ငံရေးမှာပါဝင်မှု နည်းပါတယ်။ ဘာကြောင့် နည်းပါးလဲဆိုတော့ အကုန်လုံးနဲ့ဆိုင်သွားပြီ၊ နေရာမပေးတာရော၊ ခွဲခြားဆက်ဆံတာတွေကြောင့် ရော။ အမျိုးသမီးတွေ ကိုယ်တိုင်က အိမ်တွင်းပုန်းလုပ်နေတာ။ ကိုယ်ကိုယ်တိုင်စူးစမ်းလေ့လာမှုမရှိဘဲနဲ့ ငါမဖြစ်လောက်ပါဘူး ဆိုတဲ့ ယုံကြည်စိတ်ချမှုမရှိတာကြောင့်လည်း ပါပါတယ်။ အဲ့ဒါကြောင့် အောက်ခြေမှာဖြစ်နေတဲ့ ခံစားချက်တွေကို ဖော်ထုတ် လို့ မရဘူးပေါ့။ နိုင်ငံတော်အစိုးရကရော လူမှုအသိုင်းအဝိုင်းကရော အမျိုးသမီးတွေရဲ့ အရေးပါမှုကို နားလည်စေချင်တယ်။ မိသားစုမှာပဲဖြစ်ဖြစ် အပြင်လောကမှာပဲဖြစ်ဖြစ် အမျိုးသမီးဆိုပြီး နှိမ်တာမျိုး၊ ခွဲခြားဆက်ဆံတာမျိုး မဟုတ်ဘဲနဲ့ သူ့ကိုနေရာ ပေးမယ်၊ သူ့ကို အားပေးစေချင်တယ်။ အမျိုးသမီးတစ်ယောက်သာ နိုင်ငံရေးမှာပါခဲ့မယ်ဆိုရင် ငြိမ်းချမ်းမှုကိုလည်း ပိုရနိုင် မယ်လို့ ထင်ပါတယ်။ အမျိုးသမီးတွေက စိတ်သဘောထား နူးညံ့တယ်၊ စေ့စေ့စပ်စပ်တွေးတတ်တဲ့ အလေ့ရှိတယ်။ အမျိုး သမီးကဏ္ဍကို နားလည်ပေးပြီးတော့ နေရာပေးဖို့၊ ခံစားချက်ကိုနားထောင်ပေးဖို့။ ချင်းသာမကဘူး အမျိုးသမီးတွေ ဘဝ ကဏ္ဍအရေးပါလာပြီး သူတို့ကိုယ်တိုင်လည်း ယုံကြည်မှုတွေရှိလာပြီးတော့မှ ဒီနိုင်ငံအတွက် ကောင်းတဲ့အကျိုးကိုလည်း ရစေမယ်။

မေး – ဒေသခံ တောင်သူတွေ ဘယ်လိုအခက်အခဲနဲ့ ရင်ဆိုင်နေရလဲ။
ဖြေ – မြေပြန့်မှာအသုံးပြုနေတဲ့ စိုက်ပျိုးရေးစက်တွေကို အစိုးရအနေနဲ့ အားလုံးမပံ့ပိုးနိုင်ရင်တောင် အရစ်ကျ ရောင်းပေးသင့်ပါ တယ်။ ပညာရှင်တွေခေါ်ပြီး စိုက်ပျိုးရေးသင်တန်းတွေ သေချာပို့ချသင့်ပါတယ်။ မုန်ညင်းစိုက်တဲ့သူကလည်း အမြဲ မုန်ညင်းပဲ စိုက်တယ်၊ ပြောင်းဖူးစိုက်တဲ့သူကလည်း ပြောင်းဖူးပဲစိုက်တတ်တယ်၊ ပြောင်းဖူးကနေ အားလူးပြောင်းစိုက်ရင် ဝင်ငွေ ပိုရနိုင် သလားဆိုပြီးတော့လည်း သူတို့အနေနဲ့ မချိန်ဆတတ်ဘူး။ အစိုးရအနေနဲ့ ဟားခါးမြို့ရာသီဥတုနဲ့ ကိုက်ညီတဲ့ သီးနှံတွေရှိ မလားဆိုတာကိုလည်း အသိပညာရှင်တွေ၊ အတတ်ပညာရှင်တွေနဲ့ သေချာလေ့လာပြီး ဒေသခံတွေ ဝင်ငွေ တိုးတက်လာ အောင် အလေးပေးဆောင်ရွက်စေချင်ပါတယ်။ တယောက်က စပျစ်စိုက်လို့ နောက်တယောက်က စပျစ်လိုက်စိုက်တာ ရှိတယ်။ ဒါပေမဲ့ ဈေးကွက်ရှာလို့မရတော့ ဗုံးပေါလအော ဖြစ်သွားတယ်။ အစိုးရအနေနဲ့ ဈေးကွက်ကိုလည်း ရှာပေးစေ ချင်ပါတယ်၊ ဈေးကွက်ရှိမှလည်း ဝင်ငွေရမှာလေ။ အခုဆိုရင် ချင်းပြည်နယ်မှာ ဝ ဥတွေကို စိုက်ကြတယ်။ ဝဥက တရုတ်နိုင်ငံ ကိုသွင်းရတာမျိုးဆိုတော့ ဒီမှာသာ စက်ရုံ အလုပ်ရုံတွေ ကုန်ချောထုတ်နိုင်မယ့်အဆင့်မျိုးသာရှိမယ်ဆိုရင် တောင်သူလယ် သမားတွေ အတွက်သာမကဘူး၊ ချင်းပြည်နယ်အတွင်း နေထိုင်သူအားလုံး စီးပွားရေး၊ လူမှုရေးတိုးတက်မယ်လို့ ထင်ပါတယ်။     ။

ပုံစာ – ဖေဖော်ဝါရီလက တွေ့ရတဲ့ ဒေါ်ဆာရာမန်အီယန်နော်န်ဆုန် (ဓာတ်ပုံ – ဖြိုးသီဟချို/Myanmar Now)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:အင်တာဗျူး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ်

By

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ် (မိုးမခစာအုပ်စင်) သြဂုတ် ၁၇၊ ၂၀၁၈...

Read more »

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်