ကိုသန်းလွင် ● ရုရှားပြည်မှ ဆန္ဒပြပွဲများ

April 11, 2017

ကိုသန်းလွင် ● ရုရှားပြည်မှ ဆန္ဒပြပွဲများ

(မိုးမခ) ဧပြီ ၁၁၊ ၂၀၁၇

(၁)
လွန်ခဲ့သောရက်သတ္တတပတ် မတ်လ ၂၆ရက် တနင်္ဂနွေနေ့က ရရှားနိုင်ငံမြို့တော်မော်စကိုနှင့် မြို့ကြီးတရာခန့်တွင် တပြိုင် နက်တည်း လူထုဆန္ဒပြပွဲများဖြစ်ပွားခဲ့ရာ ရုရှားအစိုးရအဖို့ အကြီးအကျယ်အံ့အားသင့်သွားရသလိုပင် တပြည်လုံးတွင် ရုတ်ရုတ်သဲသဲ ဖြစ်ခဲ့ကြရပါသည်။ ပိုမို၍အံ့သြကြရသည်မှာ ဆန္ဒပြသူလူအုပ်ထဲတွင် အဓိကပါဝင်သူများမှာ ငယ်ရွယ်သူများဖြစ်နေသောကြောင့်ပင်။ လူအုပ်ထဲတွင် ယခင်ကွန်မြူနစ်အစိုးရများ၏ လူထု ဆန္ဒပြပွဲများကို ရက်စက်စွာ ဖြိုခွင်းနှိမ်နင်းခြင်းကို ကိုယ်တိုင်တွေ့ကြုံရခြင်းမရှိသော၊ မစ္စတာပူတင် (Vladimir Putin) အုပ်ချုပ်သည့် ၁၇ နှစ်တာကာလကိုသာ အတွေ့ အကြုံရှိကြသော အသက် ၂ဝ ဝန်းကျင်လူငယ်များက အများစုဖြစ်နေကြပါသည်။

(၂)
ရရှားအတိုက်အခံအင်အားစုများအတွက် ယခုလူငယ်လှုပ်ရှားမှုသည် အားဆေးသွင်းလိုက်သလို ဖြစ်မည်လား၊ ခေတ်တ ခေတ် ဆန်းသစ်ချိန်ကို ဦးတည်နေခြင်းလား၊ ကောက်ရိုးမီးသဘွယ် ချက်ခြင်းအရှိန်သေသွားမည်လား၊ သေသေချာချာ ဆုံးဖြတ်ရန်မူ စောနေပါသေးသည်။

ဆန္ဒပြပွဲများသည် အကြမ်းမဖက်၊ အချို့မြို့ရွာများတွင် လမ်းများပေါ်၌ ယဉ်အသွားအလာကိုပင် မထိခိုက်၊ မပြောပလောက် သည့်တိုင် ပူတင်အစိုးရ၏ ကိုင်တွယ်အရေးယူမှုများမှာ ပြင်းထန်လှပါသည်။ လူငယ်ပေါင်းများစွာ အဖမ်းခံကြရပါသည်။

လူငယ်များ၏ခံစားချက်မှာ အစိုးရအရာရှိများ၏ ဗြောင်ကျကျလာဒ်စားနေကြခြင်း၊ အစိုးရ ယန္တရားကြီးယိုယွင်း ပျက်စီးနေ ခြင်း၊ အစိုးရအနေဖြင့် ပြည်သူလူထု၏ခံစားချက်နှင့်အသံများကို ကြားသိသည့်အရိပ်အရောင် မတွေ့ရခြင်းတို့သည် ဆန္ဒပြပွဲ များ၏အဓိကအကြောင်းရင်း ဖြစ်ပါသည်။

နိုင်ငံတိုင်းတွင် အုပ်ချုပ်သည့်အစိုးရကို မကျေနပ်ကြသောကြောင့်အစိုးရဆန့်ကျင်ရေးလှုပ်ရှားမှုများတွင် လူငယ်များမှာ အဓိကနေရာမှ ပါဝင်ခဲ့ကြပါသည်။ သမိုင်းတလျှောက် ဥပမာပေါင်းများစွာ ရှိခဲ့ပါသည်။ ဤ လူငယ်လှုပ်ရှားမှုက အစိုးရတည် ငြိမ်ရေးကို ထိခိုက်စေသည်ဟု မဆိုနိုင်သည့်တိုင် တတိုင်းပြည်လုံးက အစိုးရအပေါ် စိတ်ပျက်လက်ပျက် ဖြစ်နေကြသော အချက်မှာ ထင်ရှားလှပါသည်။ အစိုးရက လူနည်းစု၏လုပ်ရပ်ဟု ကောက်ချက်ချလိုကြသော်လည်း ပြည်သူတရပ်လုံးပါလာ မည့် လူမှုတော်လှန်ရေးတခုဖြစ်လာနိုင်သည့် အခြေအနေကလည်း ရှိနေပါသည်။

မစ္စတာအလက်စီနာဗာလင်မှာ (Aleksei Navalny) ရုရှားပြည်တွင် ခြစားမှုပပျောက်ရေးဆောင်ရွက်သူ အတိုက်အခံ ခေါင်း ဆောင်တဦးဖြစ်ပါသည်။ တနိုင်ငံလုံးလှုပ်ရှားမှုဖြစ်ပွားအောင် စည်းရုံးဆော်သြသူလည်းဖြစ်ပါသည်။ သူ့ကို မတ်လ ၂၇ ရက် တနင်္လာနေ့က အဖမ်းခံရန် ငြင်းဆန်ခုခံမှုဖြင့် ထောင် ၁၅ ရက် အပြစ်ပေးလိုက်ပါသည်။

အစိုးရ၏ ပုံပျက်ပန်းပျက်ခြစားနေမှုများကိုတိုက်ဖျက်မည့်ခေါင်းဆောင်သစ်ကို လူငယ်ထုကရှာဖွေနေကြချိန်တွင် ဤအရေးအခင်းပေါ်လာခဲ့ခြင်းဖြစ်ပါသည်။ သို့ပါသော်လည်း မစ္စတာနာဗာလင်မှာ ဖေဖေါ်ဝါရီလက အမှုဆင်ခံရသည့် လိမ်လည်မှုတခု အတွက် ပြစ်ဒဏ်ကျခံခဲ့ရသဖြင့် မဲအရွေးခံပိုင်ခွင့် မရှိတော့ပေ။

ဆန္ဒပြသူအများစုကမူ ယိုယွင်းနေသောစနစ်သည် နိဂုံးချုပ်ချိန်ရောက်ပြီ၊ မစ္စတာပူတင်မရှိတော့သောကာလကို ပြည်သူတွေ က လိုလားနေကြပြီဟု သုံးသပ်ကြပါသည်။

ကရင်မလင်နန်းတော်တွင်းမှ ဝန်ထမ်းများသည်လည်းကောင်း၊ တိုင်းပြည်၏ ၈ဝ ရာခိုင်နှုန်းမျှရှိသော လူထုကြီးကလည်း ကောင်း၊ သမ္မတပူတင်အစိုးရသည် ဖြိုချနိုင်ဘွယ်မရှိ၊ အခြေခိုင်မာလွန်းသည်ဟု ယူဆကာ အခြားရွေးစရာမရှိ ကြသဖြင့် သူ့ကို မဲပုံပေးခဲ့ကြခြင်းလည်း ဖြစ်ပါသည်။ ယခုလို အစိုးရ၏လုပ်ရပ်များကို လူထုက မနှစ်သက်ကြတော့ကြောင်းကို တိုင်း ပြည်က ထင်ထင်ရှားရှား ပြသလိုက်ခြင်းကြောင့် ပြည်သူ့အင်အားဖြင့် အစိုးရကိုဖယ်ရှားလျင် ဖြစ်နိုင်သည်ဟု မျှော်လင့်နေကြပါသည်။

မစ္စတာနာဗာလင်က မစ္စတာပူတင်၏အနီးကပ်ဆုံး လက်ထောက် (Dmitry Medvedev) မီဒဲဒက်မှာ ဘယ်လို ခြစားပျက်စီးနေ ကြောင်း အသေးစိတ်ဖွင့်ချထားသည့် ဗွီဒီယိုတခုကို ယူကျူ့ (Youtube) တွင် ထုတ်လွှင့်ခဲ့ပါ သည်။ ရရှားဘာသာဖြင့် ဗွီဒီယိုကို ပြည်သူ ၁၃ သန်းကျော်က ကြည့်ရှု့ခဲ့ကြပါသည်။

မစ္စတာပူတင်ကို တိုက်ရိုက်တိုက်ခိုက်ခြင်းမဟုတ်ဘဲ သူ့လက်ထောက်ကို တိုက်ခိုက်ခြင်းမှာ နာဗာလင်၏ ဗျူဟာနည်းစနစ်တခု ဖြစ်ပါသည်။ အစိုးရအရာရှိကြီးများ၏အိမ်များတွင် ဘဲမွေးကန်များ အပြိုင်အဆိုင် တည်ဆောက်နေကြပုံများကို ရှုံ့ချရန်အ တွက် ဆန္ဒပြသူမျာက ပလပ်စတစ်ဘဲရုပ်ကလေးများကိုကိုင်ဆောင် ဝှေ့ရန်း သွားလာနေကြပါသည်။ အစိုးရက ဘဲရုပ်ကိုင် ဆောင်သူအားလုံးကို ဖမ်းဆီးပါသည်။

မစ္စတာပူတင်အစိုးရ၏ အုပ်ချုပ်စဉ်ကာလအတွင်း ကြီးပြင်းခဲ့ကြသော ကလေးငယ်များကိုရည်ရွယ်၍ ဆန္ဒပြသူများကို ပူတင် ၏ သားသမီးများဟု သတင်းစာများကရေးကြပါသည်။ ထိုကလေးငယ်ကလေးများသည် အစိုးရ၏ တီဗွီနှင့် သတင်းစာများကို ကြည့်သူ၊ ဖတ်ရှု့သူများမဟုတ်ကြ၊ သူတို့သည် အချင်းချင်း အင်တာနက်မှ အစိုးရ၏ အကျင့်ပျက်ခြစားမှုသတင်းများကို ဆက်သွယ်သတင်းဖြန့်ချိခြင်း ပြုလုပ်ကြသည်။ ဒေသတခုမှကျောင်းဆရာတဦးက ဆန္ဒပြကြမည့်လူငယ်တစုကို ရိုင်းပြစော် ကားစွာ မိန့်ခွန်းခြွေနေပုံအသံဖိုင်မှာ အင်တာနက်မှတဆင့် ပြန့်နှံ့ပြီး ဆန္ဒပြသူများ၏ဒေါသကိုဆွပေးခဲ့ပါသည်။

“ကျွန်တော်တို့ဟာ ပြင်ပကမ္ဘာကကျောင်းသားတွေလို၊ ဥပမာ ဥရောပတိုက်ကကျောင်းသားတွေလို လွတ်လွတ် လပ်လပ် ပညာသင်ချင်ကြတာပါ” ဟုဆိုသည်။

လူငယ်ကျောင်းသား အများစုမှာ ယခင်က ပူတင်၏ဝါဒဖြန့်ချိရေးအစီအစဉ်၊ အမျိုးသားရေးဝါဒဖြန့်ချက်များ ကိုသာ နား ထောင်ခဲ့ကြပါသည်။ အစိုးရက စီစဉ်ပေးသော Nashi ခေါ် ထိုအစီအစဉ်တွင် လူငယ်အများအပြား စာရင်းပေးပါဝင်ခဲ့ကြသည်။

သို့ပါသော်လည်း အစိုးရက ထိုအစီအစဉ်များအား ထောက်ပံ့မှုများရပ်ဆိုင်းလိုက်သောအခါ ထိုလူငယ်လှုပ်ရှားမှု များမှာ လည်း ရပ်တန့်သွားရပါသည်။

ထို့ကြောင့် ဟိုယခင်ရှေးကာလများကဲ့သို့ ဆန္ဒပြသူအများစုမှာ ပင်စင်စားများ အဝတ်အစား စုတ်ပြတ်နေသည့် စက်ရုံလုပ်သားကြီးများမဟုတ်တော့ဘဲ စာသင်ခန်းတွေထဲမှ အိုင်ဖုန်းကိုင်ထားကြသည့်ကျောင်းသားများ၊ စက္ကူ ကော်ဖီခွက်ကိုင် ထား ကြသူ လူငယ်လေးများ ဖြစ်လာခဲ့ကြပါသည်။

၂ဝ၁၄ ခုနှစ်က ယူကရိန်းဒေသ ခရိုင်မီးယားနယ်ကိုသိမ်းပိုက်ခြင်းကိစ္စအပါအဝင် တိုက်ပွဲများဖြစ်ရခြင်းကြောင့် ပြည်သူများက မျိုးချစ်စိတ်ကို အခြေခံ၍ သမ္မတ ပူတင်ကို ဝိုင်းပြီးထောက်ခံခဲ့ကြဖူးပါသည်။ ထိုကာလမှာကြာပြီဟု မဆိုနိုင်သေးပါ၊ သို့တစေ တိုင်းပြည်၏ အခြေအနေမှန်ကို သုံးသပ်တတ်ကြသော လူငယ်အများစုက အစိုးရ၏ ပြည်သူလူထုကိုဂရုမစိုက်သော လုပ် ရပ်များကို တစစ တွေ့မြင်နားလည်ခဲ့ကြဟန်တူပါသည်။

၂ဝ၁၁-၁၂ ခုနှစ်က ရုရှားနိုင်ငံတွင် ဆန္ဒပြပွဲများဖြစ်ပွားခဲ့ရာ ပူတင်က သမ္မတအိုဘားမားနှင့် သူ၏နိုင်ငံခြားရေးဝန်ကြီး ဟီက ရီကလင်တန်တို့က မြှောက်ထိုးပင့်ကော်လုပ်ပေးသည်ဟု စွပ်စွဲခဲ့ဖူးသည်။ ကလင်တန်မဲရှုံးပြီး ထရမ့်သမ္မတဖြစ်လာခြင်း အပေါ် ပြည်သူလူထုက ပူတင်အပေါ်တွင်အမြင်မရှင်းခဲ့ကြပေ။

ပြည်သူလူထု၏ လိုလားချက်များမှာ အထွေထွေ လူနေမှုအဆင့်နှင့် ပညာရေးအဆင့်အတန်း မြင့်မားလာရေးတို့ဖြစ်ပါသည်။ မစ္စတာ ပူတင်သို့ပြည်သူလူထုထောက်ခံမှုမှာ ၂ဝ၁၅ ခုနှစ်က ၈၆ ရာခိုင်နှုန်းရှိခဲ့ပြီး ယခုနှစ် ဖေဖော်ဝါရီ လတွင် ၈၄ ရာခိုင်နှုန်း မျှရှိသေးရာသူ၏ အခြေအနေမှာ များစွာဆိုးရွားနေပြီဟုကား မဆိုနိုင်သေးပါ။

(၃)
အလယ်အလတ်လူတန်းစားနှင့် လူငယ်အများစုကအစိုးရကို စိတ်ပျက်နေကြသည်မှ ပိုမိုထင်ရှားလာပါသည်။ သူတို့က လမ်းဘေး ပလက်ဖေါင်းတွေကျယ်လာခြင်း၊ ပန်းခြံတွေပိုကောင်းလာခြင်ကြောင့် ကျေနပ်နေမည့်သူများ မဟုတ်ကြပါ။ အစိုး ရကို ပြည်သူ၏ဆန္ဒနှင့်အသံကို နားထောင်ကြစေလိုသည်။ သူတို့က မိမိကိုယ်တိုင်မချမ်းသာ ရခြင်းကို မကျေနပ်ကြခြင်း မဟုတ်၊ ပို၍သန့်ရှင်းသော၊ ပို၍မြင်သာထင်သာရှိသော အစိုးရတခုကို အလိုရှိနေကြခြင်းသာဖြစ်သည်။

 

ကိုသန်းလွင်
Ref: In Protests, Kremlin Fears a Young Generation Stirring, New York Times 27 March 2017


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
My Friend Tin Moe By Maung Swan Yi - Selection of MoeMaKa Articles
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကိုသန်းလွင်, ရသဆောင်းပါးစုံ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်