သားကြီး မောင်ဇေယျ ● ကျွန်တော်ဖတ်မိတဲ့ စာအုပ်များ

April 16, 2017

သားကြီး မောင်ဇေယျ ● ကျွန်တော်ဖတ်မိတဲ့ စာအုပ်များ
(မိုးမခ) ဧပြီ ၁၆၊ ၂၀၁၇

‘ဟင့်အင်း’ ကိုဖြတ်ကျော်ခြင်း (ခက်ခဲသောသူများနှင့် ညှိနှိုင်းခြင်း)
ဘာသာပြန်ဆိုသူ – အောင်ဆန်းစုကြည်
GETTING PAST ‘NO’ (Negotiating with Difficult People)
Written by William Ury
ပုံနှိပ်ခြင်း – ပထမအကြိမ်၊ အုပ်ရေ (၃၀၀၀)
ထုတ်ဝေသည့်ကာလ – ၂၀၁၂ ခုနှစ်၊ နိုဝင်ဘာလ
တန်ဖိုး – ၂၀၀၀ ကျပ်
ထုတ်ဝေသူ – ဦးအောင်ခိုင်မြင့် (ယာယီ ၁၅၃၂)  မဇ္ဈိမ စာပေ။ အမှတ် (၄၇) ၊ ၁ လမ်း (၁၁) ရပ်ကွက်၊ တောင်ဥက္ကလာပမြို့နယ်၊ ရန်ကုန်မြို့။
မျက်နှာဖုံး Idea – လင်းဝဏ္ဏနှင့် မဇ္ဈမဝိုင်းတော်သားများ
စာမျက်နှာ – ၁၇၆
အရွယ် – ၁၃ စင်တီ x ၂၀ စင်တီ


ဖတ်ကြည့်စေချင်ပါတယ်။ ကျွန်တော် အိပ်ယာဘေးမှာထားပြီး မကြာခဏဖတ်ဖြစ်တဲ့စာအုပ်ပါ။

စာအုပ်ကို စကိုင်ဖြစ်လိုက်တုန်းကတော့ ဘာရယ်မဟုတ်ပါဘူး။ အောင်ဆန်းစုကြည်ဆိုတော့ စာရေးကောင်းမယ်၊ သူရေးတဲ့ စာအုပ်ဆိုတော့ ဖတ်ရသူအဖို့ တခုခုတော့ အကျိုးရှိမှာဆိုတာလောက်ပဲ တွေးမိတာပါ။

ဖတ်မိလိုက်တော့ စာအုပ်ကပေးလိုက်တဲ့ အတွေးအမြင်တွေဟာ ဦးနှောက်ထဲကို အလင်းသစ်တွေရသလို နှလုံးသားကိုလည်း အင်အားအသစ်တွေဖြစ်စေတာ သတိပြုမိပါတယ်။

သူ့စာအုပ်အထဲကအတိုင်း လိုက်လုပ်ကြည့်တော့ ပြဿနာတွေကို သိမ်သိမ်မွေ့မွေ့နဲ့ အောင်အောင်မြင်မြင် ဖြေရှင်းနိုင်တာ တွေ့ရပါတယ်။ စာအုပ်ထဲမှာ ဘာတွေရေးထားပါသလဲ။

ဖြန့်ကျက်ကြည့်ရှုခြင်းဆိုတဲ့အခန်း၊ အစာမျက်နှာ (၁၅) မှာ သံတမန်ပရိယာယ်ဆိုသည်မှာ “သင်လုပ်လိုသည့်အလုပ်ကို တ ဖက်သားအား လုပ်ခွင့်ပေးလိုက်ခြင်းပင်ဖြစ်၏” လို့ အီတလီသံတမန် ဒန်နီရယ်ဝါးရဲ့ အဆိုအမိန့်နဲ့ စဖွင့်ထားပါတယ်။

သင့်စကားကို လုံးဝနားမထောင်ဘဲ သူပြောလိုရာ ပြောနေသူနဲ့ ဘယ်လိုဆွေးနွေးရမလဲ။ သူလိုချင်တဲ့အချက်ကိုမရလျှင် စိတ်ဆိုး၊ စိတ်ကောက်တတ်သူနဲ့ ဘာဆက်လုပ်မလဲ။ ငါပြောသလိုလုပ် မလုပ်နိုင်လျှင် သွားတော့လို့ဆိုလျှင် တကယ်ပဲ ထ ပြန်ရတော့မလား။ ဒါမှမဟုတ် သင်ဆွေးနွေးနေစဉ်တလျှောက်လုံး သင်ပြောသမျှကို ကြားဖေါက်ပြီး နှောက်ယှက်တတ်သူများ၊ သင့်ကိုစိတ်မချရ အရည်အချင်းမမီဟု စွပ်စွဲနေသူများ၊ ဆွေးနွေးနေရသည်ပင် သင့်အပြစ်ကြောင့်ဖြစ်သည်လို့ ထင်အောင် လုပ်နေသူများ၊ သင်ကသာ အလျှော့မပေးလျှင်တော့ ပြဿနာအကြီးအကျယ်တက်ပြီလို့ ခြိမ်းခြောက်နေသူများကို ဘယ်လို ကိုင်တွယ်ရမလဲ။

အချက်အလက်အမှားတွေ ဒါမှမဟုတ် လိမ်လည်ထားတဲ့ အထောက်အထားတွေကိုသုံးနေသူ၊ သဘောတူညီချက်တခုခုရ ခါနီးမှ မဖြစ်နိုင်တဲ့တောင်းဆိုချက်တွေကို တင်ပြသူ၊ အဓိပ္ပါယ်မရှိ အချိန်ဆွဲသူ ဒါမှမဟုတ် ဆွေးနွေးဖို့ မျက်စိမှိတ်ငြင်းဆန် နေသူများနဲ့ ဘယ်လိုဆွေးနွေးရမလဲ။ စတဲ့ မေးခွန်းတွေရဲ့အဖြေတွေကို ရှာဖွေဖို့ အထောက်အကူအများကြီးရပါတယ်။

တစုံတယောက်က ကိုယ်ကိုတိုက်ခိုက်လာလျှင် ပြန်လည်တိုက်ခိုက်တတ်တာဟာ လူ့သဘာဝဖြစ်ပါတယ်။ ဒီလိုတုန့်ပြန်မှုကို မထိမ်းနိုင်လျှင် အချီအချ စိန်ခေါ်မှု၊ အော်ဟစ်ဆူပူမှု၊ တွေတဆင့်ပြီးတဆင့်တက်ခါ နောက်ဆုံး တယောက်ကို တယောက် စစ်ကြေညာတဲ့အထိ ဖြစ်သွားတတ်ပါတယ်။ တုန့်ပြန်မှုကြောင့် အဲဒီလို စစ်ပွဲငယ်မှာ အနိုင်ရလျှင်လည်း စစ်ပွဲကြီးတခုလုံးမှာ ဆုံးရှုံးတတ်ပါတယ်။

ကျွန်တော်တို့သတိပြုရမှာက အဲဒီလိုတိုက်ခိုက်လေ့ရှိသူတွေဟာ တဦးကိုတဦး ချေမှုန်းလိုစိတ် ပြင်းပြကြသလို အတိုက်အ ခိုက် အတို့အထောင်ကျွမ်းကျင်သူတွေဖြစ်တတ်တယ်လို့ ဆိုပါတယ်။ သူတို့ဟာ တိုက်ခိုက်လာမှာကို မျှော်လင့်ထားသူတွေ ဖြစ်တတ်ပြီး သူတို့ကို ပြန်လည်တိုက်ခိုက်တာနက်တပြိုင်ထဲ သူတို့အကွက်ထဲဝင်သွားတတ်တယ်။ ဒါကြောင့် ပြန်မတိုက်ဖို့ တနည်းပြောရရင် မတုန့်ပြန်တဲ့နည်းလမ်းကိုရွေးဖို့ အကြံပြုထားပါတယ်။

သို့သော် တုန့်ပြန်ခြင်းရဲ့ဆန့်ကျင်ဘက် အလျှော့ပေးခြင်းကို သုံးလိုက်လျှင် တဖက်လူက ပိုမိုကန်းတက်လာတတ်ပါတယ်။ ကျားတကောင်ကို အစာကြွေးမိသလို နောက်ဆုံး မိမိကိုယ်တိုင် ကျားစာဖြစ်တတ်ပါတယ်။

အဲဒီလိုအခြေအနေမျိုးရောက်တဲ့အခါ နောက်ထပ်နည်းလမ်းတခုဖြစ်တဲ့ အဆက်ဖြတ်ခြင်းနည်းလမ်းကို သုံးကြည့်သင့်ပါ တယ်။ မကြာခဏ တိုက်ခိုက်ရတဲ့အခြေအနေမှာ ဒီနည်းလမ်းဟာ အကောင်းပါ။ ဒါပေမယ့် အဲဒီနည်းလမ်းမှာလည်း အား နည်းချက်ရှိပါတယ်။ တခြားမဟုတ်ပါဘူး။ အဲဒီနည်းလမ်းကိုသုံးလျှင် မကြာခဏ အစကနေပြန် ပြန်စနေရတတ်ပါတယ်။ အရေးကြီးတာက မိမိရဲ့မူလရည်မှန်းချက်ကို ပျောက်မသွားဖို့ပဲ ဖြစ်ပါတယ်။

ကျွန်တော်အခုရေးပြနေတာတွေဟာ အဲဒီစာအုပ်ကရတဲ့ အကြံဉာဏ်တွေဖြစ်ပြီး လက်တွေ့သုံးရာမှာ အလွန်ထိရောက်ပါ တယ်။ ဒီစာအုပ်ဟာ အနိုင်ယူရေးနည်းလမ်းတွေကို ညွှန်ပြထားတာမဟုတ်ပါဘူး။ အရှုံးပေးရေးလမ်းကြောင်းကိုလည်း လိုက်ဖို့ အကြံပြုထားတာမဟုတ်ပါဘူး။

လာရာလမ်းမတူတဲ့သူတွေ ဦးတည်ချက်မတူတဲ့သူတွေ၊ စရိုက်မတူတဲ့သူတွေ၊ အကျိုးစီးပွားမတူတဲ့သူတွေ ဘယ်လိုညှိနှိုင်း အဖြေရှာမလဲဆိုတာကို ညွှန်ပြကူညီတဲ့ စာအုပ်တအုပ်သာဖြစ်ပါတယ်။ မှန်ကန်တဲ့နည်းလမ်းနဲ့ မှန်ကန်တဲ့ပန်းတိုင်ကို ဘယ် လိုသွားမလဲဆိုတာ အကြံပြုထားတဲ့စာအုပ်ပါ။

ဒီစာအုပ်ဟာ သာယာတဲ့အိမ်ထောင်ရေးတည်ဆောက်ရာမှာ အသုံးဝင်သလို ပျော်ရွှင်အောင်မြင်တဲ့ လုပ်ငန်းခွင်တည်ဆောက် ရာမှာလည်း အသုံးတည့်ပါတယ်။ ဒါတင်မကသေးပါဘူး။ ငြိမ်းချမ်းတဲ့ နိုင်ငံတော်တည်ဆောက်ရေးမှာလည်း အရေးပါတဲ့ စာ အုပ်တအုပ်ပါ။

လက်ရှိမြန်မာ့ နိုင်ငံရေးလေ့လာသူ တစ်ယောက် ဖြစ်မယ်ဆိုရင် ဒီစာအုပ်ကိုဖတ်ရင်း ဒေါ်အောင်ဆန်းစုကြည်ရဲ့ နိုင်ငံရေး နည်းဗျူဟာတွေကို ရိပ်စားမိနိုင်ပါတယ်။ စာအုပ်ရဲ့နောက်ဆုံး စာမျက်နှာ (၁၇၆) က ဆန့်ကျင်ဖက်မှ မိတ်ဖက်သို့ ဆိုတဲ့ အခန်းမှာ ‘ကျွန်တော်ရဲ့ရန်သူတွေကို မိတ်ဆွေဖြစ်အောင်လုပ်နိုင်ရင် ကျွန်တော့်ရန်သူတွေ ကျေပျက်သွားတာပဲ မဟုတ်လား’ ဆိုတဲ့ အမေရိကန်သမ္မတကြီးလင်ကွန်းရဲ့ မိန့်ခွန်းနဲ့ အဆုံးသတ်ထားပါတယ်။

ဖတ်ဖြစ်အောင်ဖတ်စေချင်ပါတယ်။ ကျွန်တော်ကတော့ ခဏ ခဏ ဖတ်ဖြစ်တယ်။ ဖတ်တိုင်းလည်း အတွေးသစ် အမြင်သစ် တွေ နည်းလမ်းကောင်းအသစ်တွေရပါတယ်။

သားကြီးမောင်ဇေယျ
(၁၅-၄-၂၀၁၇)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:စာအုပ်စင်, သားကြီးမောင်ဇေယျ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း စက်တင်ဘာ ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်