ချစ်ချစ်ချိုင်း(ရေနံချောင်း) – နှောင်းတဲ့မုတ်သုံ

May 8, 2017


thinktransatlantic04.blogspot.com

– နှောင်းတဲ့မုတ်သုံ

 (သစ်ခက်သံလွင်) မိုးမခ၊ မေ ၈၊ ၂၀၁၇

ငါ့ဥယ်ာဥ္ထဲမွာ
မိုးခမှပွင့်မယ့်ယုဇနပန်းတွေ
အငုံအဖူးတွေနဲ့ ရူးလောက်အောင် မိုးမျှော်ခဲ့။

ဒီတနှစ်မှာမှ
မုတ်သုံလေအဝင်နောက်ကျခဲ့တယ်
Global warming ကြောင့် ပူနွေးခဲ့တယ်
ဂေဟစနစ်ပျက်စီးခဲ့တယ်
ဒီလိုနဲ့အိုဇုန်းလွှာတွေပေါက်ခဲ့ရပါတယ်။

ကော်ဖီတခွက်ရှေ့မှာချပြီး
အချိန်တန်ရင်မြည်တဲ့ဖုန်းလေးကို
အချိန်တန်ရင်မျှော်မိတယ်
အချိန်တန်ရင်ပျော်တဲ့ Chat room ကို
အချိန်တန်ရင်ဝင်မိတယ်
မသိစိတ်နဲ့နှလုံးသားစိတ်အစာ
ဆာလောင်တမ်းတခဲ့ပါတယ်
အမှန်တရားနဲ့အချစ်စစ်စစ်ဆိုတာ
အချိန်နောက်ကျပြီးမှရောက်လာတဲ့
သူရဲကောင်းတွေပါပဲ။
စောင့်ရကျိုးတော့နပ်ချင်ရဲ့။

နွေခေါင်ခေါင်ရှောင်တဲ့မိုးကို
သံယောဇဉ်တံချူနဲ့ တို့လိုက်တော့
အလွယ်တကူမိုးတွေညို့တက်လာတယ်
နှလုံးသားတဝိုက်စိုက်ဆင်းလာတဲ့
မုန်တိုင်းဟာ မိုးကိုခေါ်လာတယ်
ဆာလောင်တမ်းတသမျှ
တစ်ယောက်ရင်ငွေ့တယောက်လှုံပြီး
အချစ်တွေနဲ့ခမ်းနားခဲ့ကြ
ရာသီကုန်မိုးလွန်ကာလမှာ
မုတ်သုံမိုးတွေစွန့်ခွာသွားတော့
အလွမ်းတွေတနင့်တပိုးနဲ့
ရင်ကျိုးအောင်ငိုခဲ့ရတယ်
တော်ချိန်မှာတော်သင့်ပြီပေါ့ကွယ်
ပျော်သင့်သလောက်ပျော်ခဲ့ပြီပဲ
ပွင့်သင့်သလောက်ပွင့်ခဲ့ပြီပဲ
ဝါကျဆုံးရင်ပုဒ်မချရဲရမယ်
ဆင်ခြင်တုံတရားနဲ့ရောင့်ရဲနိုင်မှ
အလွမ်းလေးတွေသမိုင်းလှမယ်
မျှော်လင့်ခွင့်မရှိတော့ဘူး
ဆုပ်ကိုင်ခွင့်မရှိတော့ဘူး
လွမ်းတယ်ဆိုတဲ့စကားတောင်
လူကြားအောင်မပြောရဲတော့ဘူးဆိုတဲ့အချိန်မှာ
သိက္ခာတွေပွေ့ပိုက်ပြီး
မင်းလည်းမင်းလမ်းမင်းပြန်
ငါလည်း ငါ့ဘဝငါဆန်
အချိန်တန်ရင်အိမ်ပြန်ရမယ်ဆိုတဲ့
အမှန်တရားကရှိပြီးသားပဲ
နှုတ်ဆက်တဲ့အခါမင်းလည်းပြုံးနိုင်ရမယ်
ငါလည်းပြုံးနိုင်ရမယ်
အရှုံးတွေအလွမ်းတွေကိုတော့
ကျစ်ဆံမြီးလေးလိုကျစ်နေအောင်ကျစ်ပြီး
လူမမြင်ရာကျောဖက်ကိုချထားလိုက်တော့မယ်
မုတ်သုံလေလည်း
ဆုတ်ခွာချိန်မှာဆုတ်ခွာရမှာပါပဲ
ရင်ထဲကိုယ်စီသိမ်းထားလိုက်ကြစို့ကွယ်။

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကဗျာ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ရဲဘော် မောင်တူးရဲ့ သက်ရှိပန်းချီ

By

  ရဲဘော် မောင်တူးရဲ့ သက်ရှိပန်းချီ  (မိုးမခစာအုပ်စင်) မေ ၃၊ ၂၀၁၈ ခေါင်းစဉ်...

Read more »

မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ

By

  မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ...

Read more »

ဂျူနီယာဝင်းရဲ့ မြန်မာနေ့ရက်များနှင့် ပန်းများ စာအုပ် ထွက်ပြီ

By

ဂျူနီယာဝင်းရဲ့ မြန်မာနေ့ရက်များနှင့် ပန်းများ စာအုပ် ထွက်ပြီ (မိုးမခ) မတ် ၂၄၊ ၂၀၁၈...

Read more »

ဇော်အောင်(မုံရွာ) ၏ ပြည်မြန်မာ မီးထိန်ထိန်သာဖို့အရေး မိုးမခဆောင်းပါးများ (ထွက်ပြီ)

By

ဇော်အောင်(မုံရွာ) ၏ ပြည်မြန်မာ မီးထိန်ထိန်သာဖို့အရေး မိုးမခဆောင်းပါးများ (ထွက်ပြီ) မိုးမခစာအုပ်စင်၊ ဖေဖော်ဝါရီ ၂၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်