ဘာသာပြန် နှင့် ဘကြီးမိုး

May 11, 2017

ဘကြီးမိုးပုံတူပန်းချီကား၊ မိုးမခမေလထုတ် အဖုံး၊ ရေးဆွဲသူ ပန်းချီမမွှေး

ဘာသာပြန် နှင့် ဘကြီးမိုး 
(ကုမုဒြာဂျာနယ်) မိုးမခ၊ မေ ၁၁၊ ၂၀၁၇
ဘကြီးမိုး မေလ ၁၇ ရက်နေ့မှာ အသက် ၈၀ ပြည့်ပါမယ်။ မွေးနေ့ပွဲကိုတော့ သားတို့သမီးတို့က မွေးနေ့ပွဲကျရောက်တဲ့ ၁၇ ရက်နေ့မှာမပြုလုပ်ဘဲ ရန်ကုန်မြို့ ယာဉ်လမ်းကြောင်း အရှင်းဆုံးဖြစ်တဲ့ တနင်္ဂနွေနေ့မှာပြုလုပ်ဖို့ ဆုံးဖြတ်ကြတယ်လေ။ ဘကြီးမိုးရဲ့ထုံးစံအတိုင်း ကလေးများစီစဉ်တာကို လိုက်နာရတာပေါ့။

ကိုစိုးညွန့်ရဲ့ တော်ဝင်နှင်းဆီမှာပြုလုပ်ပါမယ်။ တော်ဝင်နှင်းဆီ ကိုစိုးညွန့်ဟာ ဘ ကြီးမိုးထက် ၁၀ နှစ်ငယ်သူဖြစ်လေတော့ သူလည်း ခု ၇၀ ပေါ့လေ။

အဲ ဘကြီးမိုးမွေးနေ့ရဲ့သဘောသဘာဝလေး ပြောပြပါ့မယ်။ မွေးနေ့မှာအခမ်းအနား မရှိပါဘူး။ စကားပြောတဲ့မိုက်ခွက်မရှိပါဘူး။ မိတ်ဆွေအပေါင်းအသင်းများ ကိုယ့် အဖွဲ့နဲ့ ကိုယ်စုတွေ့ဆုံကြပြီး စားသောက်ကြတာပါပဲ။ မနှစ်တုန်းကဘကြီးမိုးက ဘကြီးမိုး၊ အော်ပီကျယ်တို့ ကုမုဒြာမှာရေးခဲ့ဆွဲခဲ့ကြတဲ့ စာအုပ်ကို ၇၉ ဆိုပြီး ထုတ်ပြီး အဲသည်မွေးနေ့မှာ ဘကြီးမိုးကိုယ်တိုင်လက်မှတ်ထိုးပြီးလက်ဆောင်ပေးပါ တယ်။ ဒါပါပဲ။

သည်နှစ်တော့ ၈၀ ပြည့်အမှတ်တရဆိုပြီး ဘကြီးမိုးရဲ့ဘဝဖြတ်သန်းမှုအကျဉ်းချုပ်နဲ့ ကဗျာနှစ်ပုဒ်၊ တစ်နှစ်ဆိုတဲ့အချိန် ဆောင်းပါးတစ်ပုဒ်ပေါင်းပြီးသားလိုဖြစ်နေတဲ့ ကိုနိုင်ကြီးကစီစဉ်ပေးလို့ မွေးနေ့မှာတက်လာသူများကို လက်မှတ်ထိုးပြီးပေးဖို့ စီစဉ်ထားပါတယ်။ အဲသည်စာအုပ်လေးကို ဘကြီးမိုးအိမ်အမြဲလာနေတဲ့ မိုးမခဝိုင်း တော်သားတွေကတွေ့လို့ မိုးမခကလည်းဘကြီးမိုးမွေးနေ့စာအုပ်ကိုဘကြီးမိုးရဲ့ပုံကို မမွှေးကိုဆွဲခိုင်းပြီး ထုတ်သတဲ့။
သက်တူရွယ်တူ သူငယ်ချင်းတပည့်လေးဖြစ်တဲ့ မောင်ငဝက်(မောင်စွမ်းရည်)က ဘကြီးမိုးမွေးနေ့ဆိုပြီး ဆောင်းပါးရေးတယ်။ မိုးမခမှာပါတဲ့မမွှေးရဲ့ဘကြီးမိုးရဲ့ပုံက လူမှုကွန်ရက်မှာထွက်လာပါလေရော။ မမွှေးရဲ့ပုံက ဘကြီးမိုးအခုအခြေအနေထက် ဆယ့်လေးငါးနှစ်လောက်ငယ်ပြီး ပိန်နေပါတယ်။ ဆံပင်ဖြူုဖြူ၊ နှုတ်ခမ်းမွေးဖြူဖြူ ဆိုတော့ ဘကြီးမိုးတော့သေချာပါတယ်။ ငယ်ပြီးပိန်နေတာပဲရှိတယ်လေ။

ထားပါ။ ဘကြီးမိုးရဲ့မွေးနေ့တွေမှာ ဘာအခမ်းအနားမှမလုပ်၊ ဘယ်သူမှစကားမပြော၊ မိတ်ဆွေအပေါင်းအသင်းတွေစုပြီး စားကြသောက်ကြ စကားပြောကြတာပဲလုပ်တာ ပါ။ မီဒီယာတွေ၊ သတင်းဌာနတွေကိုလည်း သီးခြားမဖိတ်ပါဘူး။ ဘကြီးမိုးပင်တိုင် အပတ်စဉ်ရေးနေတဲ့ မော်ဒန်၊ ကုမုဒြာ၊ သံတော်ဆင့်မှာလည်းမဖော်ပြပါဘူး။ သူတို့တစ်တွေကိုလာပြီးစားကြဖို့ပဲ ခေါ်ထားတာပါ။
ဘကြီးမိုးက အခမ်းအနားတွေရဲ့ ရှေ့ဆုံးက ထိုင်ခုံမှာ အန်ကယ်ဦးတင်ဦး (ဘကြီးမိုးထက်၁၀ နှစ်ကြီးပါတယ်)နဲ့ အတူထိုင်ပြီးစကားပြောစင်ပေါ်တက်ရင် အန်ကယ်က ကြော့လို့မော့လို့တက်နိုင်ပေမဲ့ ဘကြီးမိုးကတော့ တွဲတက် တွဲဆင်းရတာ။ စကားလည်း အန်ကယ်လောက်ရှည်ရှည်မပြောနိုင်တော့ပါဘူး။ ဟိုတယ် အခမ်းအနားတွေမှာ ထိုင်ရတာလည်းသဘောမတွေ့တော့ဘူး။ မောနင်းစတား လက်ဖက်ရည်ဆိုင်ထိုင်ဝိုင်းတွေလောက်ပဲလည်တော့တာပါ။

ဒါကြောင့် ပြန်ကြားရေးကဖိတ်ခေါ်တဲ့ ဘာသာပြန်စာတမ်းဖတ်ပွဲမှာ စာတမ်းလည်း မဖတ်၊ တက်လည်းမတက်ပါ။ တကယ့်တကယ်က ဘကြီးမိုးဟာ ၁၉၆၅ ခုနှစ်က ဆိုင်ကိုကို စိတ္တဇဆိုတဲ့ဘာသာပြန်စာအုပ်ရေးသားထုတ်ဝေခဲ့သူဖြစ်လေတော့ သက်ရှိ ကျန်မိကျန်ရာ ဘာသာပြန်အပေါင်းအသင်းများဖြစ်တဲ့ ၈၀ ကျော်၊ တင်မောင်မြင့်တို့၊ မောင်ပေါ်ထွန်းတို့ လောက်ပဲ ကျန်တော့တာဖြစ်ပါတယ်။ ဘကြီးမိုးတို့၊ မောင်ပေါ်ထွန်းတို့၊ တင်မောင်မြင့်တို့က အန်းတစ်ရှေးဟောင်းတွေပဲ ဖြစ်ခဲ့ကြတာမို့ ခေတ်သစ်စာပေတွေကို ပြန်ကြထုတ်ကြမယ်ဆိုတဲ့မြေမှုန်လွင်တို့ အစည်းအဝေးလည်း နာယကလုပ်ဖို့ဖိတ်ပါတယ်။ ဘကြီးမိုးမတက်ပါ။

တကယ်လည်း ဘကြီးမိုးဖတ်ခဲ့ပြန်ခဲ့တာတွေဟာ ဂန္ထဝင်နဲ့ ခေတ်ပေါ်ဝတ္ထုများ ဖြစ်လေတော့ ၁၉၈၈ မတိုင်မီအထိဖြစ်ပါတယ်။ ၈၈ အရေးတော်ပုံမှာပါခဲ့ပြီး ၂၀ဝ၀ ကျမှထောင်ကလွတ်၊ စာပြန်ရေးခွင့်ရတော့ အင်မတန်မှ စာဖတ်အားကောင်း တယ်ဆိုတဲ့ဘကြီးမိုးဟာ ခေတ်သစ်စာပေများနဲ့ ၁၂ နှစ်ကျော်ကွာဟနေပြီဖြစ်ပါ တယ်။

ဘကြီးမိုးအိမ်က စာပေနဲ့ နိုင်ငံရေးစာအုပ်တွေကို အမြဲငှားရမ်းတဲ့၊ယူဖတ်တဲ့ မောင်စွမ်းရည်ရဲ့ဆောင်းပါးမှာ ဘကြီးမိုးတို့၊ မောင်စွမ်းရည်တို့ဖတ်ခဲ့ကြတာတွေ ပါတယ်။ ထားပါ။ ဘကြီးမိုးတို့တစ်တွေဟာ ကိုနေဝင်းရဲ့ဘဝတက္ကသိုလ်စာပေတိုက် ကနေပြီးခေတ်ပေါ်အရောင်းရဆုံး စာအုပ်များကို အပြည့်အစုံဘာသာပြန်ပြီး ထုတ်ဝေခဲ့ကြဖူးပါတယ်။

ဘဝတက္ကသိုလ်ရဲ့ ပင်တိုင်တိုက်ထိုင်ဘာသာပြန်ဆရာနှစ်ဦးကတော့ မောင်မိုးသူ နဲ့ မောင်ပေါ်ထွန်းဖြစ်ပါတယ်။ မောင်ပေါ်ထွန်း၊ မောင်မိုးသူတို့ဟာ ကိုနေဝင်းရဲ့ ဗလာစာအုပ်မှာ အသုံးစာရင်းလက်မှတ်ထိုးထုတ်ပြီး စာအုပ်ထွက်တော့ ဘာမှ မကျန်တော့ပါ။ နေ့စဉ်ထုတ်ပြီး အရက်သွားသောက်ကြတာကိုး။

အဲသည်လို ဘာသာပြန်စာအုပ်တွေချည်းအားပြုထုတ်ဝေတဲ့ ဘဝတက္ကသိုလ် စာပေတိုက်မှာ ဘကြီးမိုးက စာတော်ဖတ်ရာထူးရပါတယ်။ ခေတ်ပေါ်အရောင်းရဆုံး စာအုပ်တွေကို ရအောင်ရှာဝယ်ရှာစုပြီးသင့်တော်တဲ့ ဘာသာပြန်ဆရာကြီးတွေဆီကို စာအုပ်တွေပေးပြီး ဘာသာပြန်ခိုင်းခဲ့တာဖြစ်ပါတယ်။

ဘကြီးမိုးဟာငယ်ငယ်ကပဲ အင်္ဂလိပ်ဝတ္ထုတွေအားလုံးဖတ်ခဲ့ပြီး စာရေးဆရာ မိတ်ဆွေများကို အဲသည်စာအုပ်တွေပေးခဲ့လှူခဲ့ဖူးပါတယ်။ ယနေ့ သက်ရှိထင်ရှား မရှိတော့ပြီဖြစ်တဲ့ ထင်ရှားတဲ့ဘာသာပြန်ဆရာကြီးများဖြစ်တဲ့ မိုးဝေ၊ ကျော်အောင်၊ မြသန်းတင့်၊ နတ်နွယ် သူတို့အားလုံးကို ဘကြီးမိုးအင်္ဂလိပ်စာ အုပ်တွေအများကြီးပေးခဲ့ဖူးပါတယ်။ ထားပါတော့ ထားပါတော့။

ဘကြီးမိုး ရှစ်လေးလုံးပါခဲ့ပြီး စာပေနဲ့ ၁၂ နှစ်ကျော်ကွာဟသွားလေတော့ ရာဇဝင် ထဲမှာမောင့်ကိုထားခဲ့လို့ပြောရမလိုဖြစ်နေပါပြီ။ ပြတိုက်ထဲကို ပို့ချင်လည်းပို့ကြ ပေတော့။
ဘာသာပြန်နှင့် ဘကြီးမိုးပါ။

ဘကြီးမိုး


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
MoeMaKa English Site
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:မောင်မိုးသူ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်