ကျော်ထင် ● ဘူတာ

May 27, 2017

ကျော်ထင် ● ဘူတာ

(မိုးမခ) မေ ၂၇၊ ၂ဝ၁၇

 

ရထားကြီးစီးပြီး ခရီးထွက်ဖို့ ဘူတာရုံကို မနက်အစောကြီး ရောက်သွားတယ်။ သန့်သန့်ပြန့်ပြန့် လင်းလင်းရှင်းရှင်း ဘူတာ ရုံစင်္ကြံ (၁) ကို ကျော်ဖြတ်ပြီးတော့ ခပ်မှောင်မှောင်ခပ်ချောင်ချောင်စင်္ကြံဘက်ကို အဖေက ခေါ်သွားတယ်။ စင်္ကြံ (၃) တဲ့။ အမေပါတယ်။ ကျနော့်ညီ နှစ်နှစ်သားလေးပါတယ်။ သူက ညာဘက်ခါးစောင်း။ ကျနော်က အမေ့လက် ဘယ်ဘက်ကိုဆွဲလို့ သံလမ်းနှစ်ခုကို ကူးရတယ်။

အမေက မြန်မြန်လာလို့ လောဆော်တယ်။ အန္တရာယ်တခုခုရှိလို့နေမှာပဲလို့ဆိုတဲ့ ကြောက်စိတ်နဲ့ သံလမ်းနှစ်ခုကို ဖြတ် ကျော်ခဲ့တယ်။တကယ်ကတော့ သွားတုန်းလာတုန်း ရထားလာမှာကို ကြောက်တာပါ။ ဒါပေမဲ့ ရထားက မလာပါဘူး။ ဟို ဘက်လမ်းတွေမှာသာ သွားလာနေကြတာ။

ပစ္စည်းစ္စယတွေ အများကြီးပုံထားတဲ့ တိုက်ခန်းရှေ့ဖြတ်လျှောက်တယ်။ အဲ့ဒါ တွဲစစ်ရုံးဆိုလား။ အခန်းတွင်းနဲ့ ပြတင်းပေါက် တွေကိုတောင် မမြင်ရတော့ပါဘူး။ ပုံထားတဲ့ကုန်တွေက များလွန်းလို့။ အမေကတော့ အဲ့ဒါ ရန်ကုန်ပို့မယ့်ကုန်တွေတဲ့။ အဲ့ဒီ့ ဘေးမှာ တုံးလုံးပက်ခေါက်အိပ်နေကြတဲ့သူတွေက ကုန်စိမ်းသည်တွေတဲ့။ စောင်တွေ၊ ပုဆိုးတွေခြုံပြီး နှစ်နှစ်ခြိုက်ခြိုက် အိပ်နေလိုက်ကြတာ၊ ကိုယ့်အိမ် ကိုယ့်အိုးလိုပဲ။

အဖေက သူတို့ကိုကျော်ပြီး မလှမ်းမကမ်းမှာရှိတဲ့ ဗာဒံပင်အောက်မှာ နေရာချထားတယ်။ ဌေးအောင်တို့သွား ကြည့်လိုက်ဦး မယ်ဆိုပြီး ထွက်သွားတယ်။ ဌေးအောင်ဆိုတာ အမေ့မောင်။ ကျနော့်ဦးလေး။ သူတို့ လည်းလိုက်မှာ။ သူနဲ့ ကျနော့်အစ်ကိုက သေတ္တာတွေနဲ့လာရမှာဖြစ်လို့ မြင်းလှည်းရပ်လို့ရတဲ့နေရာထိလိုက်သွားပြီး သေတ္တာတွေကို ယူခဲ့ရမှာ။

သေတ္တာတွေက မပါလို့ မဖြစ်ဘူး။  ခဏတဖြုတ်လောက် အလည်အပတ်သွားတာ မဟုတ်ဘူး။ အဖေ ရာထူးတိုးလို့ ပြောင်းရ တာ။ ဘယ်နှနှစ်ကြာကြာ မကွေးမှာနေရမယ် မသိဘူး။ တိုင်းထွာရေးမှူးတဲ့။ မိုးလေဝသနဲ့ ဇလဗေဒ ဦးစီးဌာနမှာ။ ဒါကလည်း နောင်မှသိတဲ့အသိပါ။ အဲ့ဒီ့တုန်းက ဘာသိတာမှတ်လို့။ ငါးနှစ်တောင် မပြည့်တပြည့် ရှိသေးတာ။

ကျနော်တို့ကို နေရာချပေးထားတဲ့ ဗာဒံပင်အောက်ကနေကြည့်ရင် စင်္ကြံအစွန်းမှာ ပျဉ်းမနား-ကျောက်ပန်း တောင်း-ကြေးနီ ဆိုတဲ့ ဆိုင်းဘုတ်တခုကို ခပ်ထောင်ထောင်မြင်ရတယ်။ အဖြူပေါ်မှာ အနက်နဲ့ရေးထားတာ။ ခပ်လှမ်းလှမ်းကကြည့်ရင်ကို မြင်နိုင်တယ်။ ကျနော်တို့နေရာနဲ့ကတော့ နီးတယ်။

အဲ့ဒီ့ခေတ်ရဲ့ ညသင်္ကေတကတော့ အမှောင်ထုပဲထင်တယ်။ ဘူတာဟာ အမှောင်ထဲမှာ ကုပ်နေတယ်။ ထွန်းထားတဲ့ လျှပ်စစ် မီးကဆိုတာကလည်း ဖျဖျရယ်။ ဒါတောင် ဘူတာမို့ဒီလောက်လင်းတာ။ ရပ်ကွက်တွေဆို တော်တော်များများမှာက တကယ့် အမှောင်။ လာတဲ့မီးကလည်း မီးအားမပြည့်ဘူး ထင်တယ်။ အိမ်မှာထွန်းထားတဲ့ (၄ဝ) ဝပ် မီးသီးဆိုတာ လင်းနေတယ်ဆိုရင် ခရမ်းချဉ်သီးလောက်အရောင်။

ဘူတာကတော့ မှောင်တယ်ဆိုပေမယ့် လျှပ်စစ်မီးရောင် မြင်ရပါသေးတယ်။ ဘူတာဆိုတာ မီးမရှိလို့လည်း ဖြစ်မှမဖြစ်တာ။ ရထားနဲ့ပတ်သက်တဲ့ ဆက်သွယ်ရေးတွေက လျှပ်စစ်မီးရှိမှ။ ရွာဘူတာလေးတွေတောင်မှ လျှပ်စစ်မီး မပေးနိုင်လို့ဘက္ကထရီအိုး ထားထားရတာ။ ဘက်ထရီအိုးထဲအားသွင်းတော့ မီးစက်ကြီးနှိုးပြီး သွင်းတာ။ တလ လေးခါလောက် အားသွင်းရတယ်။ အားသွင်းဖို့မီးစက်ကြီးနှိုးပြီဆိုရင် တဘူတာလုံးလင်းပဲ။ သံလမ်းပြောင်းတာကအစ၊ အချက်ပြတာအလယ်၊ ဆက်သွယ်တာအဆုံး လျှပ်စစ်မီးရှိမှ ဖြစ်တာ။

ဒီတော့လည်း ဘူတာဟာ မြို့မှာဆိုရင် လျှပ်စစ်မီးရောင် အမြင်ရဆုံးနေရာဖြစ်တာပေါ့။ လေးပေချောင်းတွေရဲ့ အလင်းအား မရောက်တဲ့နေရာတွေမှာတော့ အမှောင်ထုပေါ့။ ကျနော်တို့စင်္ကြံက အဲ့ဒီ့ အမှောင်အုပ်အုပ်ထဲမှာ ပါတယ်။ ဒီ့ ထက်မှောင် တဲ့နေရာတွေလည်း ရှိသေးတယ်။ ရပ်ထားတဲ့ သစ်တွဲတွေ။ ကြံတွဲတွေ။ တွဲလွတ်တွေ။ တွဲပက်လက်ကြီးတွေ။ တွဲပက် လက်ဆိုတာက အမိုးကော အကာပါမပါတဲ့တွဲတွေပါ။

အဲ့ဒီ့တွဲတွေကြည့်ရတာ ကျနော်အတွက်တော့ ကြောက်လိုက်တာ။ မှောင်ထဲမည်းထဲမှာ၊ တွဲရိပ်တွေကလည်း မည်းမည်းသဲသဲနဲ့။မိန်းမတယောက်ကတော့ အဲ့ဒီ့မည်းမည်းသဲသဲထဲကပဲ ထွက်လာတယ်။ ပေပေစုတ်စုတ်ပါ။ ဘယ်သူ့ကိုမှန်းမသိဘူး ကလော်တုတ်ရင်း ကျနော်တို့နား ရောက်လာတယ်။ သူဆဲနေတာက မိန်းမအင်္ဂါကို လေလံတင်တာကျနေတာပဲ။

အမေက သားနားမထောင်နဲ့တဲ့။ ဘယ်လိုလုပ်ပြီး နားမထောင်ဘဲ နေလို့ရမှာလဲ။ နားမထောင်လည်း အသံတွေက ကြားနေ ရတာ။ အဆဲတွေကတော့ တကယ့်ကို လျှော်လို့ဖွတ်လို့မရတဲ့ ညစ်ပတ်တဲ့အဆဲတွေ။ ပိုက်ဆံမပေးဘဲ ငါ့ကို … ဆိုတာတွေ လည်း ပါတယ်။ ဘယ်သူ့ကိုမှန်းလည်း မသိဘူး။ အဲ့ဒီ့မိန်းမကြီး ထွက်လာတာကတော့ မျက်စေ့ရှေ့ကရပ်ထားတဲ့ တွဲမည်းကြီ တွေထဲကပဲ။

အမေက မကောင်းတဲ့မိန်းမတဲ့။ မကောင်းတဲ့ မိန်းမဆိုတာ ဘာတုန်း။ သေသေချာချာ မသိပါဘူး။ အမေကလည်း ဂဃနဏ မပြောဘူးလေ။ အဆဲပုပ်တဲ့ မိန်းမပဲနေမှာပေါ့။ ရထားကြို ရထားကြားနေတဲ့ မိန်းမပဲနေမှာပေါ့။

တအောင့်ကြာတော့ အဖေ၊ ဦးလေးနဲ့ အစ်ကိုတို့ရောက်လာတယ်။ သေတ္တာတွေကော။ ကျနော်တို့က သေတ္တာ တွေပေါ်တက် ထိုင်ကြတယ်။ တွဲစိုင်းတွေက (၄) နာရီမှာ ထိုးမယ်ပြောတာ၊ ခု လေးနာရီတောင်ခွဲနေပြီ။ မထိုးသေးဘူးလို့လည်း ပြောသံ ကြားတယ်။ တွဲစိုင်းတွေဆိုတာ ဘာတုန်းဆိုတော့ ရထားတွဲတွေပေါ့သားရ။ ဒီလမ်းမှာ လာရပ်မှာ၊ အဲ့ကျမှ အဖေတို့တက်လို့ ရမှာ။ အဖေတို့စီးသွားကြမယ့် ရထားပေါ့တဲ့။

အဲ့ဒီလို အဖေနဲ့စကားပြောနေတုန်း ခေါင်းပေါ်က ဗာဒံပင်ပေါ်ကငှက်တွေ တအုပ်ကြီးရဲ့ ထပျံ၊ ထအော်တာတွေကို မြင်ရကြား ရတယ်။ စာကလေးတွေ။ အရုဏ်ရောင်မြင်လို့နိုးလာတာတဲ့။ ဒါဆို ဘယ်နှနာရီမှာ အရုဏ်ရောင်တွေ့လဲဆိုတော့ နာရီနဲ့အတိ အကျပြောလို့မရဘူးတဲ့။ အရုဏ်ရောင်ဆိုတာ တလနဲ့တလ မတူဘူးတဲ့။ ဒါကို ကျီးတွေ၊ ငှက်တွေက သိတယ်။ မိုးအုံ့နေရင် တောင် သိတယ်တဲ့။

ပြီးတော့ အရုဏ်ရောင်နဲ့ပတ်သက်တဲ့ နာရီမှတ်တခုကို ဆိုပြတယ်။ ကူး-မှာတိမ်နီ။ ဆုန်-ရီပြန်ထပ်။ ယုန်-ဝါယပ်တောင်။ ဆို-ရောင် ညဥ့်နက်။ ခေါင်-ရွက်ရေတိုး။ လင်း-ယိုင်မိုးတေး။ ကျွတ်-မေးထင်ထင်။ မုန်း-ပင်အတိုး။ နတ်-မျိုးကျော်ထင်။ ပြာ-မင်ညနှယ်။ ပို-ဖက်ကူတတ်။ ပေါင်း-ဖက်အိုပေါ့တဲ့။

ကျနော်အနေနဲ့ ဘာတွေမှန်းမသိပေမယ့် အဖေကတော့ အဲ့ဒါကို တနေ့သိအောင်လုပ်တဲ့။ ဥပုသ်စောင့်ရင်ပဲဖြစ်ဖြစ်၊ ဆွမ်း လောင်းရင်ပဲဖြစ်ဖြစ်၊ ကိုရင်၊ ရဟန်းဝတ်ရင်ပဲဖြစ်ဖြစ်တဲ့ အသုံးချရမယ်တဲ့။ ဗုဒ္ဓဘာသာမှန်ရင် သိရမယ်တဲ့။

အဲ့လိုပြောရင်းနဲ့ သား  ဆီထမင်းနဲ့ စာကလေးကြော်စားမလားတဲ့။ ဝမ်းသာအားရ စားမယ်ဖြေလိုက်တော့ အဖေက ခဏ စောင့်တဲ့။ အဖေ သွားဝယ်လိုက်ဦးမယ်တဲ့။ အဖေသွားပြီးမကြာပါဘူး ရထားတွဲတွေအများကြီးကို ခေါင်းတွဲတစင်းက ဆွဲ ယူလာတယ်။ အမေက ပျာပျာယာယာဖြစ်သွားတယ်။ နင်တို့အဖေ ကြာနေမလားပဲတဲ့။ ဦးလေးက ပူမနေပါနဲ့အမရာ၊ ကျနော်တို့ဘာသာတင်ထားလည်းဖြစ်တာပဲကိုဆိုပြီး ချွေးသိပ်တယ်။ ရထားရပ်သွားတော့ ဦးလေးနဲ့အစ်ကိုနဲ့က သေတ္တာတွေ တင်ကြတယ်။ သေတ္တာက နှစ်လုံးထဲပါ။ သေတ္တာတွေတင်ပြီးတော့မှ အမေ့ကိုတက်ခိုင်းတယ်။ ကျနော်တို့ကလေးနှစ် ယောက်ကိုတော့ ပြူတင်းပေါက်ကပဲ တင်ပေးကြတယ်။

ကျနော် ရထားကြီးစီးရတော့မှာမို့ ပျော်တယ်။ အပျော်လေးနဲ့ရင်ခုန်နေတုန်း အဖေ ရောက်မလာသေးဘူးဆို တဲ့အသိနဲ့ စိုးရိမ်စိတ်လေးဖြစ်လိုက်ရသေးတယ်။ ခဏနေတော့ သုတ်သုတ်၊ သုတ်သုတ်နဲ့ အဖေရောက်လာတယ်။ လက်ထဲမှာ ငှက်ပျော ရွက်နဲ့ထုပ်ထားတဲ့ ဆီထမင်းနဲ့ စာကလေးကြော်။ ရထားစီးရမှာရယ်၊ စာကလေးကြော်စားရမှာရယ်၊ အဖေရောက်ပြီဆိုတဲ့ အသိရယ်နဲ့ လွတ်လွတ်ကျွတ်ကျွတ် ပျော်သွားတယ်။

နံနက်ခင်းလေးကလည်း စောစောကလို မှုန်ကုပ်ကုပ်မဟုတ်တော့ဘူး။ ဆီထမင်းက နနွင်းရောင်လေး ဝင်းလို့။ ကြက်သွန်နီ ဆီချက်နံ့လေး သင်းလို့။ စာကလေးဝမ်းထဲခွဲထည့်ကြော်ထားတဲ့ ချင်းနဲ့ ကြက်သွန်ဖြူအနံ့လေးကလည်း ဘူတာနံ့တွေအား လုံးကို ဖုံးသွားတယ်။ ဒါတွေအားလုံး ကျနော်တယောက်တည်း အဝစားရမှာ။ ညီလေးက ဟုတ်ဟုတ်ဟတ်ဟတ် စားတတ် သေးတာ မဟုတ်ဘူး။

စာကလေးခေါင်းလေးကို ကျနော့်သွားသေးသေးလေးတွေနဲ့ တကျွတ်ကျွတ်မြည်အောင် ဝါးနေတော့ ရထားက ဘူတာကနေ စထွက်နေပြီ။ ဘူတာတိုင်တွေ၊ ဗာဒံပင်တွေ၊ သံဇကာတွေ တဖျတ်ဖျတ်ကျန်ရစ်ကုန်ကြပြီ။ ရထားစီးရတဲ့အပျော်၊ စာကလေး ကြော်စားရတဲ့အပျော်တွေကို စုပေါင်းမြိန်နေတုန်း အဖော်အဖြစ် အမေ့ပါ ပျော်နေမှာလားဆိုပြီး ကြည့်လိုက်တယ်။ အမေ မျက်နှာ မကောင်းဘူး။ အိုအိုလေး။ ပျော်ရမှာကို ဘာလို့မပျော်တာပါလိမ့်။

အဲ့ဒီ့တုန်းကတော့ ဝန်ထမ်းတယောက် နယ်ပြောင်းရတဲ့ဒုက္ခဆိုတာကို သိမှမသိသေးတာ။ အမေယူခဲ့တဲ့ အကြွေးအရေအ တွက်ကို သိမှမသိသေးတာ။ အဲ့ဒါကို အမေပျဉ်းမနားကို လွမ်းလို့ဖြစ်နေတာလို့ ထင်ခဲ့တာ။

ကျော်ထင်


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:၀တ္ထုတို

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

MoeMaKa Monthly July 2017 ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ

By

 မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ (မိုးမခ) ဧပြီ ၂၊ ၂၀၁၇ ကမ္ဘာဟာအကြမ်းပညာနဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း OKKW ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်