ကျော်ထင် ● ကျုပ်သေပြီ

June 3, 2017

● ကျုပ်သေပြီ
(မိုးမခ) ဇွန် ၃၊ ၂ဝ၁၇

(တစ်)
ကျုပ်ကိုယ်ကျုပ် သေတယ်လို့သိလိုက်ချိန်မှာ ကျုပ်ဘေးမှာ ထိုင်နေတဲ့ သာအလတ်ကောင်က ပြတင်း ပေါက်နားမှာထိုင်နေတဲ့အငယ်ကောင်ကို မျက်စပစ်ပြတယ်။ ကျုပ်သေပြီဆိုတဲ့ သဘောပေါ့။ အငယ်ကောင် ပျာယာပျာယာထလာပြီး ကျုပ်ကို ဟိုစမ်းဒီစမ်းလုပ်တယ်။ ဟုတ်တယ်၊ အသက်မရှိတော့ဘူးလို့လည်း တိုးတိုးဖွဖွ ပြောသေးတယ်။ နာ့စ်မလေးတွေကို အ ကြောင်းကြားရအောင်ဆိုပြီး ညီအစ်ကိုနှစ်ယောက်စလုံး ထွက်သွားကြတယ်။ ကျုပ်ကိုယ်ထည်ကြီးကိုထားခဲ့ပြီး ထွက်သွား ကြတာ။ ကျုပ်လည်း သူတို့ဗနာက်က လိုက်သွားတယ်။

နာ့စ်မလေးတွေနဲ့တွေ့တော့ လူမမာဆုံးပြီ လာကြည့်ပါဦးလို့ ပြောတယ်။ ထူးဆန်းတာက မသေခင်ကဆို အဲ့လောက်လေးသံ တိုးတိုးလေးတွေကို ကျုပ်ကကြားတာမဟုတ်ဘူး။ ကျုပ်က တော်တော်နားလေးတယ်။ ခုတော့ သူတို့လေသံတိုးတိုးနဲ့ပြောတာတွေကို အကုန်ကြားနေရတယ်။ န်ာစ်မလေးတွေ အကုန်ပျာယာပျာယာဖြစ်ကုန်ပြီးတော့ ဆရာဝန်လေးတွေကို သွားနှိုး ကြပြန်တယ်။

တယောက်က ကျုပ်သေ မသေစမ်းသပ်ဖို့သွေးခုန်နှုန်းတိုင်းစက်လား၊ ရင်ခုန်နှုန်းတိုင်းစက်လားမသိဘူး။ သယ်သွားပြီးတော့ ကျုပ်ဆီကို ထွက်သွားတယ်။ အလတ်ကောင်က အဲ့ဒီ့နောက် လိုက်သွားတယ်။ အငယ်ကောင်နဲ့ ဆရာဝန်နဲ့က ကောင်တာမှာ ကျန်နေရစ်တာ။ ကျုပ်အလတ်ကောင်နဲ့အတူ ဟိုကိုလိုက်မသွားတော့ဘူး။ ကျုပ်သေပြီဆိုတာ ကျုပ်သိတာပဲ။ လိုက်ကြည့်နေ စရာမလိုပါဘူး။

ကျုပ်သိချင်တာက အငယ်ကောင်နဲ့ဆရာဝန်နဲ့ပြောတဲ့ကိစ္စကိုသိချင်တာ။ သူတိုိ့ပြောနေကြတာက ကျုပ်ကို ချက်ချင်းကြီး အိမ်မြန်သယ်သွားလို့မရဘူးတဲ့။ ဆေးရုံမှာ ၂၄ နာရီပြည့်အောင်ထားရမှာတဲ့။ ဆရာ့ဆုံးဖြတ်လို့ရရင် ပြင်ပြီးတော့ ဆုံးဖြတ် ပေးပါ။ ဆရာခွင့်ပြုမယ်ဆိုရင် ခုညတွင်းချင်းပဲ သယ်သွားချင်ပါတယ်။ ကျေးဇူးမမေ့ပါဘူးလို့ ပြောနေတယ်။ဆရာဝန်က ရင်ခွဲရုံရောက်ရင် အဲ့ဒါကို ညှိကြည့်လိုက်ပါ။ အဆင်ပြေမှာပါ။ ကျနော်ကတော့ လွှဲပြောင်းရမယ့်တာဝန်ပဲရှိတာမို့ လွှဲပြောင်းပေးလိုက်ပါ့မယ်ဆိုပြီး ရင်ခွဲရုံကို အကြောင်းကြားဖို့လုပ်နေတယ်။

အငယ်ကောင်ကလည်း ရင်ခွဲရုံမှာ ညှိလို့ကော အဆင်ပြေပါ့မလား၊ ခုကတည်းက သယ်ခွင့်ပေးလို့မရဘူး လားဆရာနဲ့အားမ လျှော့သေးဘဲ ဆက်မေးတယ်။ ဆရာဝန်လေးကတော့ ပြေမှာပါ။ ညှိလို့ရပါတယ်တဲ့။ ဒီလိုပဲ ညှိကြတာပဲတဲ့။ ကျုပ်စိတ်ထဲ ညှိလို့မရရင်ဆိုတဲ့ အတွေးနဲ့တုန်လှုပ်သွားတယ်။ ကျုပ်စိတ်ထဲ သေတာကိုသိတဲ့အချိန်မှာ အဲ့ဒီ့လောက်မတုန်လှုပ်မိဘူး။ ညှိလို့မရရင် ရင်ခွဲရုံမှာ  ဒီတညနေရမှာကို သွေးပျက်သွားတာ။ ကြောက်လို့ မဟုတ်ပါဘူး။ မသတီတာ။ ရေခဲတိုက်ထဲမှာ နေခဲ့ ရမှာကို အော်ကလီဆန်တာ။

ကျုပ်နဲ့အငယ်ကောင်နဲ့ ကျုပ်ကိုယ်ထည်ကြီးနားပြန်ရောက်တော့ အလတ်ကောင်ကဘာတဲ့လဲတဲ့။ နာရေးအသင်းကကားကို သယ်ဖို့ ခေါ်လိုက်ရတော့မလားလို့ ဆီးမေးတယ်။ အငယ်ကောင်က မသေချာသေးဘူး။ ညှိရဦးမှာ။ မခေါ်သေးနဲ့ဦးလို့ဖြေရင်း၊ ရင်ခွဲရုံကနေ ကျုပ်ကိုလာခေါ်မယ့်ကားကို စောင့်နေကြတယ်။ အဲ့ဒီ့အချိန် အလတ်ကောင်မျက်လုံးကို ကျုပ်ကြည့်လိုက်တော့ ဒီကောင် အိပ်ချင်နေပြီ။ လူက လန်းနေပေမယ့် ဒီကောင့် မျက်လုံးတွေက အလတ်တော့ဘူး။ ဒီကောင်က အိပ်ရေးပျက်တာကို သေတာထက်ကြောက်တဲ့ကောင်။ ကျုပ်သိတာပေါ့။ မွေးထားတာပဲ။ ဒီကောင် အိပ်ရေးပျက်မခံနိုင်ဘူး။

အိပ်ချင်မယ်ဆိုလည်း အိပ်ချင်လောက်ရောပေါ့။ အချိန်က မနက် ၂ နာရီတောင်ခွဲတော့မှာ။ အတော်လေးကြာတော့ အလတ် ကောင်ကော၊ အငယ်ကောင်ကောရဲ့ မိန်းမတွေရောက်လာကြတယ်။ အဲ့ဒီ့အထိ ကျုပ် ရင်ခွဲရုံမရောက်သေးဘူး။ ကျုပ်ကတော့ ရပါတယ်။ ကိစ္စမရှိပါဘူး။ မအိပ်ရလို့လည်း ဘာမှမဖြစ်ဘူး။ အိပ်ချင်စိတ်လည်း မရှိဘူး။ အိပ်လို့လည်း မရပါဘူး။ ဘာလို့လဲ ဆိုတော့ ကျုပ်မှာ အိပ်ချင်စိတ်ဖြစ်ရင်တောင် မှိတ်ပြီးအိပ်ရမယ့် မျက်လုံးတွေမှ မရှိတာ။ ဒါပေမဲ့လည်း အရာရာကို ကျုပ်မြင် နေရတယ်။
ကျုပ်ကိုယ်ထည်ကြီးဘေးမှာ ကျုပ်ချွေးမတွေ ငိုနေတာ မြင်ရသားပဲ။ ဒါကို မငိုနေတော့နဲ့သမီးတို့လို့ပြောဖို့ ကျတော့ ကျုပ်မှာ နှုတ်ခမ်းတွေမှ မရှိတာ။ နှုတ်ခမ်းတွေမှ မဟုတ်ပါဘူး။ ကျုပ်မှာ ဘာခန္ဓာကိုယ်အစိတ်အပိုင်းမှ မရှိတော့ပါဘူး။ ကျုပ်ဟာ ကျုပ်လို့သိနေတာကလွဲရင် ကျုပ်ရဲ့ခြေလက်အင်္ဂါတွေအားလုံးက ဟိုခုတင်ပေါ်မှာ ဆန့်ဆန့်ရန့်ရန့်ကြီးတွေလေ။ ကျုပ်နဲ့ တခြားစီဖြစ်နေပြီ။

(နှစ်)
ရင်ခွဲရုံကနေ ကားနဲ့မောင်းလာတဲ့သူက လောင်းကုပ်အနက်ကြီးနဲ့။ အရက်နံ့တသင်းသင်းနဲ့။ ဆေးရုံအကူရယ်၊ ကျုပ်သား နှစ်ယောက်ရယ်၊ အဲ့ဒီ့လောင်းကုပ်ရယ်က ကျုပ်ကိုယ်ထည်ကြီးကို အခြားလူမမာခုတင်တွေကြားကနေ ဖြတ်မကြပြီး ကား ပေါ်တင်လိုက်ကြတယ်။ ရင်ခွဲရုံကကားပေါ် ဆေးရုံအကူလေးပါသွားတယ်။ ကျုပ်သားတွေစုံတွဲက မလှမ်းမကမ်းကနေ ကား တစီးနဲ့လိုက်သွားတယ်။ ခက်တာက ကျုပ်သားတွေကားပေါ် ကျုပ် တက်လို့မရဘူး။ တခုခုက ဆီးစို့ ထားသလိုပဲ။

ဒါပေမဲ့ သူတို့ ကားဘေးကနေလိုက်ရင်တော့ ရနေတယ်။ ကားတွေကို ကျုပ်မီတယ်။ ကားပေါ်ကိုသာ တက်လို့မရတာ။ ကားနဲ့ယှဉ်လျက်လည်း ရတယ်။ ကျော်တက်လည်း ရတယ်။ ချန်နေရစ်ရင်ကော။ မရဘူး။ ကျုပ် ကိုယ်ထည်ကြီးနဲ့ဝေးသွားရင် ကျုပ်ပတ်ဝန်းကျင်တခုလုံးဟာ မှောင်မှောင်သွားတတ်တယ်။ ဘာမှ မမြင်ရတော့ဘူး။ ဒီတော့ ကျုပ်ကိုယ်ထည်ကြီးနဲ့နီးနီးကပ်ကပ်လောက်မှာနေပြီး ကျုပ်ကိုယ်ကျုပ် သိအောင်လုပ်နေရတယ်။

ရင်ခွဲရုံရောက်တော့ ခွေးတွေက ထအူတယ်။ အဲ့ဒီ့အချိန်မှာ သားနှစ်ယောက်စလုံးက ရင်ခွဲရုံတာဝန်ရှီသူတွေနဲ့ ညတွင်းချင်း ပြန်သယ်သွားရေးကို ညှိနေတာ။ အပြင်ဘက် သရဏဂုံတင်တဲ့ဇရပ်ထဲမှာ ချွေးမလေးနှစ်ယောက် ကြောက်နေရှာတာ တွေ့ နေရတယ်။ ကျုပ်လည်း ဘာမှတော့ မတတ်နိုင်ပေမယ့် သူတို့ နားကစင်မှာ ဝေ့ဝဲနေလိုက်တယ်။

သားနှစ်ယောက်နဲ့တာဝန်ရှိသူတွေ ဆွေးနွေးတာ မပြီးပြတ်ခင်မှာပဲ လောင်းကုပ်သမားက ကျုပ်ကိုယ်ထည်ကြီးကို ကားပေါ် ကနေဆွဲချလိုက်တယ်။ ဂျိုင်းခနဲမြည်ပြီး အောက်ကို ကျုပ်ကျသွားတယ်။ ပြီးတော့ ကျုပ်ကို အအေးခန်းထဲ တွန်းယူသွားတယ်။ ကျုပ်လည်း ချွေးမတွေကိုထားခဲ့ပြီး ကျုပ်ကိုယ်ထည်ရှိရာလိုက်ရတော့တာပေါ့။

အအေးခန်းထဲကိုမဝင်ခင် အခန်းထဲတခုထဲမှာ ကျုပ်သားနှစ်ယောက်ကို တွေ့လိုက်ရတယ်။ မျက်နှာတွေ မကောင်းကြဘူး။ ကျုပ်ကို ညတွင်းချင်း ပြန်သယ်လို့မရဘူး။ မနက်ရှစ်နာရီမှာ အရောက်လာဖို့ မှာနေတာကြားတယ်။ ဘယ်တတ်နိုင်မလဲ။ ကျုပ်လည်း သေပြီပဲ။ သေမှတော့ ဟိုဟာရွံ၊ ဒီဟာ မသတီလုပ်မနေတော့ပါဘူး။ ငါ့သားတို့စိတ်ချလက်ချသာစိတ်အေးအေးထားပြန်ကြကွာ။ အဖေဒီမှာ ဖြစ်ပါတယ်လို့ ကျုပ်ပြောချင်ပေမယ့် ပြောခွင့်မရှိတော့ဘူး။ အငယ်ကောင်က ဒါဆို အအေး သေတ္တာထဲ မထည့်နဲ့ဗျာ။ ရင်လည်း မခွဲပါနဲ့လို့မှာနေတယ်။ ရင်ခွဲ ရုံတာဝန်ခံက စိတ်ချပါတဲ့။

မပြန်ခင်လေးမှာ အလတ်ကောင်က ကျုပ်ကိုယ်ထည်ကြီးကို လာကြည့်သွားသေးတယ်။အဲ့ဒီ့တုန်းကတော့ ကျုပ်က ရေခဲခန်း ကြမ်းပြင်မှာ ပက်လက်ကလေး။ကျုပ်သားတွေမှ အိမ်ပြန်မရောက်လောက်သေးပါဘူး။ ဟို ဘက်ခန်းမှာ အိပ်နေတဲ့လူသုံး ယောက်နိုးလာပြီး ကျုပ်ကို သံခုံရှည်ကြီးပေါ်တင်လိုက်ကြတယ်။ ကျုပ်ကိုယ်က အဝတ်အစားတွေကို ချွတ်လိုက်ကြတယ်။ တသက်လုံးဖုံးသမျှ သေခါမှ ပေါ်တော့တာပဲ။ သိပ်ရှက်တတ်တဲ့ ကျုပ်လည်း မတတ်နိုင်ဘူး။

ကျုပ်ပုဆိုးကို တယောက်က ဆွဲချွတ်လိုက်တယ်။ တယောက်က ကျုပ်ခါးအောင်မှာ ခုထားတဲ့ စောင်နီကျား ကြီးကို ထုတ် လိုက်တယ်။ နောက်တယောက်က ခေါင်းအုံးကိုဖယ်တယ်။ ပြီးတော့မှ ကျုပ်ဗိုက်ကို ခွဲချလိုက်တာ။ ကျုပ်ဖြင့် ယောင်ပြီးတော့ တောင် အော်မိသလားပဲ။ ကျုပ်တသက်နဲ့တကိုယ် ကိုယ့်အူဘယ်နှခွေဆိုတာကို ဒါပထမဦးဆုံး မြင်ဖူးတာပဲ။ပြီးတော့ ကျုပ် ခေါင်းကို ခွဲတော့မယ်။ ဓားရယ်၊သစ်သားတုတ်တချောင်းရယ်ကိုင်လိုက် တာမြင်တယ်။ ကျုပ်မကြည့်ချင်တော့ဘူး။ အဲ့ဒီ့ အခန်းထဲကနေ ကျုပ်ကိုယ်ထည်နဲ့အဆက်မပြတ်လောက်တဲ့ နေရာဆီ အမြန်ဆုံးထွက်သွားလိုက်တယ်။

စောစောက ချွေးမတွေကို စောင့်ရှောက်ပေးခဲ့တဲ့နေရာလေးမှာ နေနေလိုက်တယ်။ ခပ်လှမ်းလှမ်းက ဆင်ဝင်အောက်မှာရယ်၊ကားတွေရပ်နားတဲ့နေရာမှာရယ် လူတွေလေးငါးယောက်လောက်ကို တွေ့ရပြန်တယ်။ ရင်ခွဲရုံက ဝန်ထမ်းတွေလားဆိုပြီး သေချာကြည့်လိုက်တော့မှ မဟုတ်ဘူး။ ကျုပ်လို လူတွေ။

(သုံး)

မနက်ရှစ်နာရီ ချိန်းပေမယ့် ကျုပ်ကို ထုတ်ယူခွင့်ပေးတော့ ဆယ့်တစ်နာရီခွဲပြီးနေပြီ။ လွှတ်တော်အမတ်တ ယောက်ရဲ့ဆွေမျိုး သေတာနဲ့ကြံလို့။ သရဏဂုံတင်တာကိုကြည့်ပြီး တရားနာကြည့်သေးတယ်။ နာလို့မရဘူး။ ထူဆန်းပြန်တယ်။ ဘာမှ မကြား ရဘူး။ အမျှဝေသံတွေက တိုးတိတ်လွန်းတယ်။ တိမ်ဝင်လွန်းအားကြီးတယ်။ ကျုပ်ကပဲ ကြားခွင့်မရှိလို့လားတော့ မသိဘူး။ အဲ့ဒီ့ရင်ခွဲရုံမှာ ကျုပ်ကံကောင်းတာလေး တခုတော့ရှိတယ်။ တမတ်စေ့ဗျ။ သေတ္တာနံပါတ်တစ်ဆယ်ကလူရဲ့ ကျန်ရစ်သူ မိသားစုတွေက ကူးတို့ခအဖြစ် တစ်မတ်စေ့ကိုမရ၊ ရအောင်ရှာလာတာ။ ရင်ခွဲရုံက အလောင်းထုတ်ပေးတဲ့သူကို နံပါတ် တစ်ဆယ်မှာ ထည့်ပေးဖို့ ပြောလိုက်တာ။ ဟိုကနားကြားလွဲပြီး ကျုပ်ထဲကို လာထည့်တယ်။ ကျုပ်က နံပါတ်ဆယ့်တစ်ဗျ။မှားမှန်းသိတော့မှ ပြန်ထုတ်တာ။ ထုတ်လို့မရတော့ဘူး။

ပိုင်ရှင်တွေကလည်း ကဲ-ကဲ- ထုတ်မရရင်လည်း နေပါစေတော့တဲ့။ ထားလိုက်ပါတော့တဲ့။ မတ်စေ့စစ်စစ်နဲ့ ကျုပ်က ဘဝ ကူးရမှာဗျ။ ကျုပ် ပြန်မလာတော့ပါဘူး။ ကျုပ်ကူးတို့ ကျုပ်စီးပြီး အပြီးထွက်သွားတော့မှာပါ။

ကျုပ်ကိုယ်ထည်ကြီးကို ထုတ်တော့ တညလုံး အအေးခန်းထဲမှာ နေခဲ့ရလို့တကိုယ်လုံးဟာ ခဲတောင့်လို့။ ပတ်ထားတဲ့စောင်ကို ဖြေတာတောင် ခဲပြီးကပ်နေလို့ဆွဲလိုက်တာ ဗျစ်ဗျစ်မြည်သံထွက်တယ်။ ကျုပ်ကိုယ်ထည်ကြီး ဗလာဖြစ်သွားတော့ ဗိုက်ခွဲပြီး ချုပ်ထားတဲ့ ချုပ်ရိုးရာ မလှမပကြီးတွေကို အလတ်ကောင်မြင်သွားပြီး မျက်နှာပျက်သွားတယ်။ ပြီးတော့ မျိုသိပ်လိုက်ဟန် တူတယ်။

ကျုပ်ကို သစ်သားခေါင်းထဲထည့်ပြီး အင်္ကျီအပြာနုလေးတထည်နဲ့ ပုဆိုးအပြကွက်လေးတထည်ကို ကျုပ်ကိုယ်ပေါ်မှာ လွှမ်း လိုက်ကြတယ်။ အငယ်ကောင်ဘက်လှည့်ပြီး ချုပ်ရာတွေကို အမေမြင်လို့မဖြစ်ဘူးလို့ တိုးတိုးပြောတယ်။

အိမ်ကို ခဏပြန်ရဦးတော့မယ်။ ကျုပ်ဘယ်ကားနဲ့ကပ်လိုက်မလဲ။ လိုက်မယ်သာပြောတာပါ။ ကျုပ်အနေနဲ့ စီးရတာက ကား တခြား၊ ကျုပ်တခြားပဲ။ ကျုပ်အနေနဲ့ဘေးတွေက ပါလိုက်။ အပေါ်စီးက ဖြစ်လိုက်။ ရှေ့ကို ကြိုရောက်သွားလိုက်နဲ့။ ပေါ့ပေါ့ ဖျတ်ဖျတ်ကြီး။ ဒါပေမဲ့ ကျုပ်ကိုယ်ထည်ကြီးနဲ့ သိပ်ဝေးသွားလို့တော့ မဖြစ်ဘူး။ ဒါကို ရင်ခွဲရုံသွားကတည်းက ကျုပ်သိ လိုက်တာ။ ဝေးသွားရင် ကျုပ်ကိုယ်ကျုပ်တောင် မမြင်ရတော့ဘူး။ တကယ့်အမှောင်ထုကြီးထဲမှာ နေနေရသလိုပဲ။ ကိုယ့် ကိုယ်ကိုယ်သိနေပြီး ကိုယ့်ကိုယ့်ကိုယ် မမြင်ရတဲ့အခြေအနေ။ ငါဆိုပြီး အဲ့ဒီ့ငါကို ပြန်ရှာနေရတာ မှောင်မိုက်လွန်းတယ်။ လပ်ဟာ လွန်းတယ်။

ဒီတော့ လူနာတင်ကားနဲ့ပဲ လိုက်မှဖြစ်မယ်။ အလတ်ကောင်က ကားမောင်းညင်သာတယ်။ မကြမ်းဘူး။ မမြန်ဘူး။ ဒီတော့ သူ့ကားနဲ့လိုက်ရင် ကျုပ်ကိုထည်ကြီးနဲ့ အဆက်ပြတ်သွားလိမ့်မယ်။ ကျုပ်မိုးမှောင်ကျသွားလ်ိမ့်မယ်။ ဒါကြောင့် ကျုပ်ခန္ဓာပါတဲ့ ကားနားမှာပဲ ရစ်ဝဲလိုက်တယ်။

(လေး)
အိမ်ရောက်တော့ မိန်းမက မျက်ရည်လေးစမ်းတမ်းစမ်းတမ်းနဲ့ကျုပ်ကိုယ်ထည်ကြီးကို ကြည့်နေတယ်။ သူလည်း အသက် ၇ဝ ကျော်ပြီဆိုတော့ ထိုက်သင့်သလောက်တော့ တရားတခုရနေပါပြီ။ ရုပ်ပျက်အောင် မငိုပါဘူး။ တနေ့နေ့မှာ ဘယ်သူမဆို ဒီခရီးပါပဲ။ ရှင်သန်နေကြတုန်းသာ သူ့ခရီး၊ ကိုယ့်ခရီးတွေ မတူညီကြတာ။ သေတဲ့အခါကျတော့ ဒီခရီးပဲ။ မသေကြခင်မှာ ယာဉ်အမျိုးစီး၊ ယာဉ်စီးခတွေ အမျိုးမျိုးပေးဆောင်ကြရပေမယ့် သေလမ်းမှာတော့ ကျုပ်တို့ဓလေ့တူတွေအားလုံး ဒီကူးတို့ခ ပါပဲ။

ကျုပ်ကို မျက်နှာလေး၊ ခြေလက်လေးတွေကို စတိသဘောမျိုးနဲ့ရေချိုးပေးကြတယ်။ ရေဝတ်ဖတ်လေးနဲ့ တိုက်ပြီး သန့်ပေးကြ တာ။ တကိုယ်လုံး မချိုးဘူး။ ကျုပ်ရင်ခွဲထားတာတွေ ကျုပ်မိန်းမမြင်ရင် စိတ်မကောင်း ဖြစ်မှာစိုးလို့ ဖုံးတဲ့သဘော။ အဲ့ဒီ့ကျုပ် ကို ရေချိုးပေးတဲ့ရေအိုးလေးကို အပေါက်ဝဘေးမှာ ကပ်ထားလိုက်ပြီး ကျုပ်ကို အအေးသေတ္တာ (cool box) ထဲ ထည့်လိုက်ကြတယ်။ ကူးဘောက်ကြီးက လှချက်။ ရောင်စုံလျှပ်စစ်မီးတွေ လင်းလိုက်၊ လက်လိုက်နဲ့။ ပလပ်စတစ်ပန်းတုလေး တွေပေါ် အရောင်တွေ ဟပ်လိုက်၊ ထင်လိုက်နဲ့။ ခေတ်မီမီသေရတာ။ ကျုပ်အဖေတွေခေတ်တုန်းကတည်းက ဒီလိုဖြစ်ရင် ကောင်းမှာ။ ကျုပ်အဖေခမျာ အပုပ်နံ့တလှိုင်လှိုင်နဲ့ ထွက်ခွာသွားရတာ။

ခုတော့ ကူးဘောက်ကြီးများ ကောင်းလွန်းလို့ ခဏလေးပဲ။ ကျုပ်ခန္ဓာကိုယ်ကြီး ပြန်ပြီးတော့ အေးတောင့်သွားတယ်။ ရေခဲ တွေတောင် ဘေးနဲ့အောက်ခြေမှာ ဖြစ်လို့။ သုံးရက်မြောက် သင်္ချိုင်းပို့မယ့်နေကျတော့ မပုပ်မပွတဲ့ အပြင် ကျုပ်မျက်နှာလေးကို ဝင်းလို့တဲ့။ သယ်လာတဲ့နေ့ကမှ ညိုတိုတိုတွေဖြစ်သေးတယ်။ ခုက ဘာမှမဖြစ်ဘူး။ အိပ်နေသလိုပဲတဲ့။

ကျုပ်ကို နိဗ္ဗာန်ယာဉ်ပေါ် မတင်ခင် ဝိုင်းကန်တော့ကြတော့ သူတို့ တွေ ငိုကြပါသေးတယ်။ ဘဝမှာ နှစ်ပေါင်းအကြာကြီး အတူနေလာကြတာဆိုတော့ ဒါကလည်း တရားရတာ၊ မရတာနဲ့မဆိုင်ပါဘူး။ ဝမ်းနည်းကြမှာပဲ။ ကျုပ်သွားတာကလည်း ခဏမှ မဟုတ်တာ။ အပြီး။ ရာသက်ပန်။ ကျုပ် ဒါကိုခံစားနေတုန်း ကြေးစည်သံ ပြင်းပြင်းက ကျုပ်ကို ဝင်စောင့်လိုက်တယ်။ ကျုပ်ကိုယ်ထည်ကြီးအနေနဲ့ကတော့ ဘယ်လိုမှမနေပေမယ့် ကျုပ်မှာတော့ တော်တော်တုန်လှုပ်သွားရတယ်။ ကျုပ်လေ- ပြိုကွဲသွားတော့ မတတ်ခံစားလိုက်ရတယ်။

ကျုပ်ဟာ ဟိုနည်းနည်းဒီနည်းနည်းဆိုပြီး လွင့်ခါသွားတယ်။ နေရာသုံးလေခုပေါ်မှာ ရောက်နေသလိုပဲ။ ဘယ်ဟာက ကျုပ် မှန်းမသိအောင် ပျားပန်းခတ်သွားတယ်။ ကျုပ်လန့်သွားတယ်။ ပြောရရင် ကျုပ်ပျောက်သွားသလို ဖြစ်သွားတယ်။ နောက်ထပ် တသံ။ ကျုပ် မခံနိုင်တော့ဘူး။ ဒီကြေးစည်သံကိုဆက်ကြားနေရရင် ကျုပ် လုံးလုံးပြိုကွဲသွားလိမ့်မယ်။ ဒါကြောင့် ကြေးစည် သံနဲ့ဝေးရာ လမ်းပေါ်ဆီ ကျုပ်ထွက်လာလိုက်တယ်။ ကြေးစည်သံကို ကြားရသေးပေမယ့် ကြားရတဲ့အသံက စောစောက လောက် ကျုပ်ကို မရိုက်ခတ်တော့ဘူး။ နေသာတယ်။

ကျုပ်ကိုလိုက်ပို့ကြမယ့်သူတွေကို ကျုပ်လျှောက်ကြည့်မိတယ်။ ကျုပ်ရဲ့နောက်ဆုံးခရီးမှာ ကျုပ်အတွက် ကုသိုလ်တဲ့။ ဆပ်ပြာ ခဲတွေ၊ ဆပ်ပြာမှုန့်တွေနဲ့ ရေဘူးတွေ ဝေထားတာကို တွေ့ရတယ်။ အားလုံးဟာ ကျုပ်နောက် ဆုံးခရီးကို လိုက်ပို့ကြဖို့ အ ဆင်သင့်ဖြစ်နေကြပြီ။ ဟိုနောက်မှာတော့ ကျုပ်ကိုယ်ထည်ကြီးကို နိဗ္ဗာန်ယာဉ်ကား ပေါ်တင်လို့။

ကျုပ်ကိုယ်ထည်ကြီး ကားပေါ်လည်း ရောက်ရော ကျုပ်ယောက်ဖငယ်က ကျုပ်ချိုးခဲ့တဲ့ရေအိုးကို ပစ်ခွဲချလိုက်တာ၊ ခွမ်းခနဲပဲ။ အဓိပ္ပာယ်က ကျုပ်နဲ့ကျန်ရစ်သူမိသားစုတွေဟာ အိုးစားခွဲလိုက်ပြီဆိုတဲ့ သဘော။ ဘာမှမပတ်သက်တော့ဘူးဆိုတဲ့အနက်။
စထွက်ပြီး ခဏအကြာကျမှ ကျုပ်လည်း ကျုပ်ကိုလိုက်ပို့ တဲ့ကားတန်းကြီးကို ပြန်ကြည့်မိတယ်။ အများကြီးပဲ။ ကားမျိုးစုံ စုစု ပေါင်း နှစ်ဆယ့်ရှစ်စီး။ ကျုပ်နောက်မှာ ဓမ္မစကြာရွတ်တဲ့အဖွဲ့ဝင်တွေရဲ့ကား။ သူတို့ရွတ်လိုက်တဲ့ ဓမ္မတေးသံတွေက တချက် တချက် ကျုပ်ကို ရိုက်ခတ်တယ်။ ဒါပေမဲ့ ကားအရှိန်ရယ်၊ လေနောက်မှာဖြစ်နေတာရယ်ကြောင့် အသံလှိုင်းတွေဟာ ပါးပါး ပဲ ထိခတ်လာတယ်။

လမ်းတလျှောက်မှာ ဝေ့ဝဲလိုက်လာရတဲ့ကျုပ်တယောက် ဘာကိုမှ မှီတွယ်လို့မရဘူး။ အားလုံးဟာ ကျုပ်သေလို့ လိုက်ပို့ ကြတယ်ဆိုပေမယ့် ကျုပ်ကို သူတို့ ခန္ဓာကိုယ်မှာတော့ မှီတွယ်ခွင့် မပေးကြဘူး။ သူတို့ ခန္ဓာကိုယ်မှာ ရှိတဲ့ဒွါရပေါက်တွေကို ပိတ်ထားကြတယ်။ ဒီအချိန်ကျမှ ကျုပ်ကလည်း နားချင်နေတယ်။ ကျုပ်ဘာသာကျုပ်သိ လိုက်တာက ကျုပ်ပင်ပန်းနေပြီ။ သေတဲ့အချိန်ကတည်းက ကျုပ်မှာ မှီတွယ်စရာမရှိ၊ နားခိုစရာ မရှိနဲ့ရစ်ဝဲနေရတာ။ ကျုပ်တနေရာရာမှာ နားခိုလိုက်ချင်ပြီ။ ဒါပေမဲ့ နားခွင့်က မရှိသေးဘူး။ ကျုပ်မှာ ခရီးဆက်ဖို့ကရှိနေသေး တယ်။

ဟိုမှာ ကျုပ်ကို မီးလောင်တိုက်သွင်းတော့မယ်။ နောက်ဆုံးနှုတ်ဆက်ခြင်းတွေနဲ့ကျုပ်ကိုယ်ထည်ကြီးကို ကြည့်နေကြတယ်။ မိသားစုတွေ ငိုကြပြန်တယ်။ အလောင်းကို မီးရှို့ပေးကြမယ့် ဝန်ထမ်းတွေက ဒါကို စိတ်ရှည် လက်ရှည်စောင့်ပေးနေကြတာတွေ့ ရတယ်။ ကဲ-ရပါပြီ။ သင်္ဂြိုဟ်လိုက်ပါတော့လို့အသံထွက်လာတော့မှ  ကျုပ်ကိုယ်ထည်ကြီးကို လောင်တိုက်ထဲ ဆွဲသွင်းလိုက် တယ်။ လောင်တိုက်သံတံခါးကြီးပိတ်သံက ဆို့နင့်စရာကောင်းတယ်။ ဒါဟာ ကျုပ်နဲ့ပတ်သက်ရင် နောက်ဆုံးအသံလား။

လောင်မြိုက်မှုတွေကြားမှာ ကျုပ်ကိုထည်ကြီး တစတစကျွမ်းမြိုက်သွားတယ်။ ဒါနဲ့အတူ ကျုပ်ရဲ့အမြင်အသိတွေလည်း မိုက်မှောင်လာတယ်။ ကျုပ်ဟာ ကျုပ်ကိုယ်ထည်ကြီးကို မီးရှို့ လို့ထွက်တဲ့ မီးခိုးတွေကြား ရောက်နေတာလား။ အမှောင်ဟာ အမှောင်ပြီးရင် အမှောင်ပဲဖြစ်ဖြစ်လာတယ်။ အမှောင်တွေ တိုးလာတယ်။ သိပ်သည်းလာတယ်။ ကျုပ်ဘယ်ရောက်နေပြီလဲ။ ဘယ်မှ မရောက်သေးဘူးဆိုတာကိုတော့ သိတယ်။ ဒါပေမဲ့ ဘယ်ရောက်နေသလဲဆိုတာကိုတော့ မသိဘူးဖြစ်နေတယ်။

စောစောက မြင်သိကြားသိစိတ်တွေအားလုံးဟာ တကယ့်ကို အလင်းတိတ်၊ အသံတိတ်သွားသလိုပဲ။ မိန်းမ ဘယ်နားရောက် နေပြီလဲ။ အလတ်ကောင်လည်း မမြင်ဘူး။ ချွေးမတွေနဲ့အတူ ငိုနေတဲ့ ကျုပ်ရဲ့တဦးတည်းသော သမီး။ သဂြိင်္ိုဟ်လို့ရပါပြီ လို့ပြောတဲ့ အကြးကောင်ကော။ ရေအိုးခွဲလိုက်တဲ့ယောက်ဖ။ အချစ်တော် မြေးလေး။ ကျုပ်ရဲ့ရပ်ဆွေရပ်မျိုးတွေ။ ပြင်ဦး လွင်ကလာရတဲ့ ကျုပ်နှမလင်မယား။ အားလုံးကို မှောင်နဲ့မည်းမည်းမှာ ရှာနေရသလိုပဲ။ မတွေ့ ဘူး။

မဟုတ်ဘူး။ အဲ့ဒီလို ယတိပြတ် မတွေ့တာမျိုးလည်း မဟုတ်ဘူး။ တွေ့ တာနဲ့ မတွေ့တာ ကြားမှာ ပျောက်ကွယ်နေရတာ။ တွေ့တာနဲ့မတွေ့ တာကို ရောထွေးနေတာ။ အဲ့ဒီ့မှာပဲ အသံတသံကြားလိုက်ရတယ်။ တကယ့်ကို တိုးတိုးညင်ညင်။ ဒါပေမဲ့ ကျုပ်နားမှာ ကပ်ပြောလိုက်သလို။ တကယ့်ကို ပီပီသသ။ ဒီအသံက ကျုပ်ယောက်ဖ အသံမှ ကျုပ်ယောက်ဖအသံပါ။ အစ်ကို တရားနာ အမျှဝေဖို့ ကျနော်တို့နဲ့အတူ အိမ်လိုက်ခဲ့ပါတဲ့။ ကျုပ်တခုလုံး တပြင်လုံး ပြန်မြင်ရသွားတယ်။ ကျုပ်ကို လိုက်ပို့ တဲ့ကားတွေထဲက အချို့ကို ပြန်မြင်လာရတယ်။ အလာတုန်းကလိုတော့ တန်းစီနေတာမျိုးမဟုတ်ဘူပေါ့။ တကွဲတပြား။

အဲ့ဒါ အရေးမကြီးဘူး။ ကျုပ်ကို ဘယ်နေရာကခေါ်နေတာလဲသိဖို့က အရေးကြီးတယ်။ အရင်ဆုံး နိဗ္ဗာန်ယာဉ်ကို ကြည့်လိုက် တယ်။ ဘာမှမထူးဘူး။ ဒါဆို ဓမ္မစကြာကား။ ဒါလည်းမဟုတ်ဘူး။ ဟိုလှမ်းလှမ်းမှာ အမြန်မောင်း သွားတဲ့ကားများလား။ မဟုတ်ဘူး။ အဲ့ဒီ့ကးက ကျုပ်ကိုလိုက်ပို့တဲ့ကား မဟုတ်ဘူး။ ဦးမြသွင်၊ အသက် (၇၈) နှစ်လို့ ရေးထားတာလည်း မတွေ့ဘူး။

ကျုပ်နောက်ပြန်ကြည့်လိုက်တယ်။ အလတ်ကောင်ရဲ့ကား ဇရပ်ရှေ့ ကနေ မောင်းထွက်လာတာ တွေ့ရတယ်။ အဲ့ဒီ့ကားမှာ ကျုပ်ယောက်ဖ။ သစ်ကိုင်းလေးတကိုင်းကိုင်လို့။ ကျုပ်ပျော်သွားတယ်။ ဒီသစ်ကိုင်းမှာ ကျုပ်မှီတွယ်လို့ ရပြီလေ။ ဒီလို မှီ တွယ်လို့ရ၊ မရကို ကျုပ်အလိုလို သိနေတယ်။ ကျုပ်သစ်ကိုင်းပေါ် ခိုမှီလိုက်တယ်။ သစ်ရွက်တွေ လှုပ်ခါသွားတယ်။ ဒါကို ဘယ်သူမှ သတိမထားမိလိုက်ကြဘူး။ သစ်ကိုင်းကို ကိုင်ထားတဲ့ယောက်ဖတောင် မသိလိုက်ဘူး။

အလတ်ကောင်ကို တချက်လှမ်းကြည့်လိုက်တယ်။ ဒီကောင်လည်း သစ်ကိုင်ကို တချက်ဝေ့ကြည့်တာနဲ့ဆုံတယ်။ ပြန်ပို့ရင် ဒီဇရပ်ဘေးကိုပဲ ပြန်ပို့ရအောင်တဲ့။ အလတ်ကောင်အသံက ပြင်းထန်သလိုပဲ။ ကျုပ်မှာ သစ်ကိုင်းပေါ်ကနေ လွင့်ကျမတတ်ဖြစ် သွားတယ်။ ယောက်ဖကပါ ထပ်ပြောလိုက်ရင် ကျုပ်လွင့်သွားမှာ သေချာတယ်။ ကျုပ်စိုးရိမ်နေတယ်။ ကျုပ်အဖြစ်က အသံ ကျယ်ကျယ်တွေကို ခံနိုင်ရည်မရှိဘူး။ ဖရီကွမ်စီနှစ်ထောင်ဆိုရင် ကျုပ်တို့တတွေ ပြိုကွဲတယ်လို့ သိပ္ပံပညာရှင်တွေက ပြောတာ ဟုတ်လောက်တယ်။

ကျော်ထင်


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
MoeMaKa Old Archives

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:၀တ္ထုတို

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း

By

  မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း ထွက်တော့မယ် (မိုးမခ) စက်တင်ဘာ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments