ဇော်အောင် (မုံရွာ) ● အဂတိ

June 6, 2017

ဇော်အောင် (မုံရွာ) ● အဂတိ

(မိုးမခ) ဇွန် ၆၊ ၂ဝ၁၇

လာဘ်ပေးလာဘ်ယူမှု၊ အကတိလိုက်စားမှု ကျဆင်းရန်အတွက် အစိုးရရုံးများနှင့် ပြည်သူလူထု ဆက်ဆံရေးပြေပြစ်ရန် အစိုးရုံးများက အကြောင်းပြချက်မခိုင်လုံဘဲ ရုံးချိန်းခဏခဏ မပြောင်းရန်အတွက် ထိန်းသိမ်းကြပ်မတ်ပေးရန် လိုအပ်သော အရေးယူမှု၊ အမိန့်၊ ဥပဒေများ ချမှတ်ပေးပါရန် အစိုးရအား တိုက်တွန်းကြောင်း အဆိုကို မေ ၃ဝ ရက်တွင် ပြည်သူ့လွှတ်တော်က မှတ်တမ်းတင်သည်။ သတင်း (Eleven Media)

၎င်းအဆိုကို ကလေးမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါ်အေးအေးမူ (ခ) ဒေါ်ရှားမီးက ပြီးခဲ့သည့် စတုတ္ထ အကြိမ် ပုံမှန်အစည်းအဝေးကာလအတွင်း တင်သွင်းခဲ့ပြီး အဆိုအပေါ် မေ ၃ဝ ရက်က ကျင်းပသည့် အစည်းအဝေး၌ ကိုယ် စားလှယ်ခြောက်ဦးက ထောက်ခံဆွေးနွေး အကြံပြုခဲ့သည်။

အစိုးရဌာနဆိုင်ရာဝန်ထမ်းများ အထူးသဖြင့် ပြည်သူနှင်အများဆုံးဆက်ဆံရသော အုပ်ချုပ်ရေးမှုးရုံးများ၊ လ.ဝ.က၊ ပြည်သူ့ ရဲ၊ က.ည.န၊ မြေစာရင်း၊ အခွန်ရုံး၊ စည်ပင် စသည့်ဌာနများအပြင် လုပ်ငန်းရှင်များအတွက် လိုင်စင်၊ ပါမစ်ရရှိရေး၊ သက်တမ်း တိုးရေး၊ အခွန်ဆောင်ရေးတို့အတွက် ပညာရေး၊ ကျန်းမာရေးအပါဝင် ဌာနဆိုင်ရာအားလုံး ပါဝင်သည်။

ထောက်ခံဆွေးနွေးချက်များအရ
၁။ လုပ်ပိုင်ခွင့်ရရှိထားသောကြောင့် လောဘမသတ်နိုင်သောဝန်ထမ်းများကို အရေးယူရန်၊
၂။ တာဝန်ခံမှုမရှိခြင်း
၃။ အလုပ်နှင့်ဝန်ထမ်းအင်အားမမျှမတ ဖြစ်နေခြင်း .. သုံးချက်ကို တွေ့ရှိရကြောင်း။ နံပါတ် (၁) လောဘမသတ်နိုင်သော ဝန်ထမ်းများကို အရေးယူရန်၊ နံပါတ် (၂) (၃) ဝန်ထမ်းများကို ပံ့ပိုးပေးရန်ဖြစ်သည်။

ဥပမာ ထွေအုပ်ကို ၅ သိန်းသွားပေးရဥိးမယ်၊ ကိုယ်ရေးအရာရှိကို သိန်း ၁ဝ သွားပေးရဦးမယ် ..စသည့် လုပ်ငန်းရှင်များက ပြောကြသည်။ တကယ်တိတိကျကျ မေးကြည့်သောအခါ မပြောကြတော့။ အားလုံး စာရင်းမရှိ၊ အဂတိ လာပ်ပေး၊ လာပ်ယူ လုပ်နေသည်။ မြို့နယ်ဦးစီးမှူးတဦး တနှစ်ဝင်ငွေမှာ သိန်းထောင်ချီ ရှိနေသည်။ ဝန်ထမ်းအချို့က ထိုစနစ်ကို ကြိုက်သည်။ အချို့က ယူပြီးစားဝတ်နေရေးအတွက် ၅ ထောင်၊ ၁ သောင်း ယူနေရသည်ကို မနှစ်မြို့တော့၊

ပြည်သူလူထု၏ ဗဟုသုတနည်းပါးသောကြောင့်လည်းကောင်း၊ ဌာနဆိုင်ရာမှ ကြိုးနီစနစ်ကြောင့်လည်းကောင်း၊  လျှောက် လွှာမရှိ၊ လျှောက်လွှာမရေးတတ်၊ နောက်ဆုံး လာဘ်ပေးမှရမည်ဆိုပြီး ပေးဖို့ပဲစဉ်းစားနေခြင်း စသည်အခက်ခဲများ စွာကြုံ တွေ့နေဆဲဖြစ်ကြောင်း၊ လာဘ်ပေးအောင် အချိန်ဆွဲ၊ ရုံးချိန်းပြောင်း စသည့်လုပ်ရပ်များကြောင့် အဆိုတင်သွင်းရကြောင်း ဆွေးနွေးကြပါသည်။

နောက်ဆုံးတွင် အဂတိတိုက်ဖျက်ရေး ဥက္ကဌ ဦးမြဝင်း လာရောက်ဖြေကြားသည်။ မှတ်တမ်းတင်သင့်ပါသည်ဟု ပြောသည်။ အဆိုရှင် ဒေါ်အေးအေးမူ ကလည်း ဝန်ကြီး၊ ဒုဝန်ကြီးပင် လာမဖြေကြားသော်လည်း၊ ဘာမှမတတ်နိုင်။ သဘောတူရသည်။ အစိုးရအဖွဲ့သို့ (သမတထံသို့) တင်ပြစရာပင် မလိုတော့ပါ။

မြန်မာနိုင်ငံတွင် အခွန်ငွေများတိုးမြင့်ကောက်နိုင်မှု၊ ဂျီဒီပီတိုးတက်လာမှုကြောင့် .. ဘတ်ဂျတ်ငွေ အမြောက်အများ သုံးစွဲလာ နိုင်ပါသည်။ ထိုအခါ ဇီးသီးဗန်းမှောက်မှုများတွင် ယခင်အစိုးရဝန်ကြီးချုပ်နှင့်အဖွဲ့လိုက် အဂတိလိုက်စားသကဲ့သို့ ၊ အဆင့် မြင့် ဝန်ကြီးနှင့်ရင်းနှီးမြှုတ်နှံမှုကော်မတီများတွင် နိုင်ငံရေးလာဘ်စားမှု Political Corruption အမြောက်အများ ဖြစ်ခဲ့သည်။ ဆေးလိပ်၊ အရက်၊ ဘီယာ စက်ရုံများစွာ ခွင့်ပြုခဲ့ကြသည်။

၂ဝ၁၆ မတ်လ ၃၁ ဘဏ္ဍာရေးနှစ်ကုန်ဆုံးချိန် မြန်မာနိုင်ငံ ပြည်တွင်းပြည်ပ ကြွေးမြီ စုစုပေါင်းလက်ကျန်မှာ ၂၇၉၇ဝ ဘီလျံ ဖြစ်ပြီ၊ နိုင်ငံတကာစံနှုန်းဖြစ်သော ဂျီဒီပီ၏ ၃၈ ရာခိုင်နှုန်းထက် ကျော်လွန်ပြီး ၃၈.၁ ရာခိုင်နှုန်း ဖြစ်နေသည်။ ထိုချေးငွေများတွင် ပြည်တွင်းချေးငွေ ၂ဝ.၁ရာခိုင်နှုန်းနှင့် ပြည်ပချေးငွေ ၁၈ ရာခိုင်နှုန်း USD 9 billions ဖြစ်ကြသည်။ (၂ဝ၁၅ တွင် ဂျီဒိပီ၏ ၃ဝရာခိုင်နှုန်း မှာ ၂ဝ၁၆ တွင် ၃၈.၁ ရာခိုင်နှုန်းသို့ တက်သွားခြင်းဖြစ်သည်)။ အစိုးရ စီမံကိန်းများစွာကို အစိုးရငွေ (ပြည် သူ့ဘဏ္ဍာ)ကို နည်းမျိုးစုံဖြင့် နှိုက်ယူ၊ ဘုန်းသုံးစားကာ ကိုယ်ကျိုးရှာခြင်းများ၊ အတွင်းသူခိုးရှိပါက ပြည်ပသူခိုး (ဝိသမ စီးပွားကုမဏီ) များနှင့် ပေါင်းပြီး အကျိုးမရှိသော စက်ရုံပေါင်းများစွာ၊ ဆည်မြောာင်း၊ တံတားပေါင်းများစွာ စက်မှု၊ လယ်ဆည်၊ ဆောက်လုပ်ရေး ဌာနများက ဇီးသီးဗန်းကြီးများ မှောက်ခဲ့ကြပြီ ဖြစ်သည်။

မြန်မာနိုင်ငံ ဌာနဆိုင်ရာများတွင် အဂတိနည်းရန် အစိုးရသစ်တက်လာချိန်မှ ၂ဝ၁၆ တွင် ဒေါ်အောင်ဆန်းစုကြည်မှာ ဝန် ထမ်းများအတွက် အမိန့်စာထုတ်ပြန်ခဲ့ပြီး၊ တိုင်တန်းမှုများ တရားဝင်ပြုလုပ်ခွင့် ပေးထားသောကြောင့် လာဘ်ပေး လာဘ် ယူမှုများ အနည်းငယ် လျော့နည်းသွားသည်ကို ၁ နှစ်အတွင်း တွေ့ရသည်။

အဓိက အားနည်းချက်မှာ ကွန်ပြူတာစနစ်မသုံးပဲ လူအားဖြင့်လုပ်နေသောကြောင့် ဖြစ်သည်။ ကွန်ပြူတာစနစ် သုံးရန် ဥပ မာ နေအိမ်ဆောက်လျှင် စည်ပင်သို့ လျှောက်လွှာတင်၊ ပါမစ်ရရှိဖို့ အဆင့်များစွာလုပ်ရသည်။ လုပ်တတ်ရင် တရက်ထဲနှင့် ပြီး ပါသည်။ ဆောက်ပြီးသောအခါ အခွန်ဆောင်ရန် မြို့နယ်အခွန်ရုံးက ငွေဖြူ၊ ငွေမဲ ၃၅ ရာခိုင်နှုန်း အခွန်ကောက်သည့် ဥပဒေဖြင့် လာဘ်ယူရန်အတွက် ဆင့်ခေါ်ပါသည်။ သိန်း၁ထောင် တိုက်အိမ်ကို သိန်း ၅ဝ ခန့် နည်းမျိုးစုံဖြင့် တောင်းသည်။ မပေးလျှင် အခွန်ဥပဒေဖြင့် အရေးယူခံရမည်ဟု လုပ်လာသည်။ ပေးသောငွေကိုလည်း စာရင်းမပြပဲ ဘုန်းလိုက်၊ ဘာမှမပူနဲ့ ဟုပြောကာ ပြေစာပင် မတောင်းရဲဖြစ်ရသည်။ မှတ်ပုံတင်ဌာန၊ မော်တော်ကားလိုင်စင်ဌာနများတွင်လည်း အလားတူဖြစ် သည်။ တခုခု ပုံမှန်မဟုတ်ပါက လာဘ်ပေးမှ ရမည်။ ရဲစခန်းများတွင်လည်း မသွားရဲလောက်အောင် ဖြစ်သည်။ မိမိပစ္စည်း သူခိုးခိုးခံရ၊ ယုယက်ဓါးပြတိုက်ခံရလျှင်ပင် ရဲစခန်းအမှုဖွင့်ပါက မိမိသည် တရားခံဖြစ်သွားသည်။ အလုပ်ပျက်၊ စီးပွားပျက် မတတ် ပြည်သူကို မေးမြန်းသည်။ နောက်ဆုံး အမှုမဖွင့်တော့ပဲ အသိပေးရုံပြောပြီး ပြန်လာရသည်။

အစိုးရဌာနအားလုံးတွင် ကွန်ပြူတာ တပ်ဆင်လိုက်ပါက၊ မှတ်တမ်းအားလုံး၊ ငွေစာရင်းအားလုံး ဖျောက်လို့မရတော့ပါ။ ချလံ ငွေသွင်းခြင်းကဲ့သို့ ဘိုးတော်ဘုရားခေတ် ငွေပေးစနစ်၊ ငွေထုတ်စနစ်ကလည်း အစိုးရဌာနတိုင်း အသုံးပြုနေဆဲဖြစ်သည်။ အစိုးရဌာနအားလုံး ပုဂ္ဂလိကဘဏ်တွင် ငွေစာရင်းဖွင့်ထားမှာ ပိုမိုလျှင်မြန်လာမည်။

ကွယ်လွန်သူ ဥပဒေပညာရှင် DVB ဆွေးနွေးချက်တွင်၊ လာဘ်ပေး၊ လာဘ်ယူ နှစ်ဦးသဘောတူလုပ်ကြသဖြင့် တိုင် တန်းမှုမရှိကြပါ။ သို့သော် အဂတိဥပဒေအဟောင်းကို ပြင်ဆင်ထားသည့် ဥပဒေအသစ်တွင် တိုင်ကြားစရာမလိုပဲ အရေးယူ၊ ထောင် ၁၂ နှစ်အထိ အပြစ်ဒဏ်ပေး၊ ပိုင်ဆိုင်မှုပြန်သိမ်းနိုင်သည်ဟု ဆိုသည်။ အစိုးရမြို့နယ်မှူးတ ယောက်နှင့် သူ့မိသား စုသည် သူ့လစာနှင့် မတန်မဆပိုင်ဆိုင်မှုများ ရရှိခံစားနေပါက တိုင်စရာမလိုပဲ တရားစွဲအရေးယူနိုင်သည်ဟု ဆိုသည်။ အ မြန်ဆုံး Big Fish လောဘဇောမသတ်သော ဝန်ထမ်းအရာရှိကို စတင်အရေးယူသင့်ပြီ။

● နိဂုံးချုပ် …
ဝန်ထမ်းများကိုလည်း လစာ၊ ဘောနပ်စ်၊ အခွင့်အရေးများ ပံ့ပိုးပေးဖို့ လိုသည်။ ရန်ကုန်တိုင်းအခွန်ဦစီးဌာန အကြီးစား အ ခွန်ထမ်းများဌာန ဝန်ထမ်းများကို စတင်ကျင့်သုံးနေပြီး၊ အခြားအရေးပါသော ဌာနများလည်း ကျင့်သုံးရမည်။

လောဘကြီးသော ဝန်ထမ်း၊ အရာရှိများကို ပြတ်သားစွာ အရေးယူရန် အချိန်တန်နေပြီဖြစ်သည်။

လွယ်နေတာကို ခက်အောင် သမတဦးသိန်းစိန်ခေတ် ၅ နှစ် လုပ်နေခဲ့ကြသည်။ ယခု ဒေါ်အောင်ဆန်းစုကြည် ပထမနှစ်တွင် ဘာမှမပြောင်းလဲသေး။ အလွန်နာမည်ပျက်သော မြို့နယ်ဦးစီးမှူး၊ မြို့နယ်မှူးတယောက်ကို ဌာနပြောင်း အပြစ်ဒဏ်အမြင့်ဆုံး၊ အရေးယူထောင်ချခြင်း PE, DE ဖွဲ့ပြီး စစ်ဆေး၊ ရာထူးချ၊ လစာဝက်ဖြင့် အိမ်ပြန်အနားယူခိုင်းခြင်းများ မကြာခင် ပြုလုပ် လာမည်ဟု မျှော်လင့်ပါသည်။

လက်ရှိ မြန်မာအစိုးရက ဝန်ထမ်းငယ်အချို့၏ လုပ်ငန်းရှင်လေးများအပေါ် လာဘ်စားနေမှု နှင့် အစိုးရထိပ်ပိုင်းအရာရှိကြီးများ၏ ငွေကို ဘုန်းဘောလအော သုံးစွဲပြီး၊ အကျိုးနည်းစေမည့် စက်ရုံ၊ အလုပ်ရုံ၊ နိုင်ငံတော်စီမံကိန်းများကို လွှတ်တော်တွင် ဆွေး နွေးစိစစ်သင့်ပါသည်။

သို့မှာသာ.. နိုင်ငံတော်ပိုက်ဆံဖြင့် ဥပဒေလက်တလုံးခြား အဂတိစနစ် Political Corruption ကိုသာ ဖျက်သိမ်းခြင်း.. တ နည်းအားဖြင့် အဂတိကြီးစိုးသော စနစ်ဟောင်းကို ပြုပြင်ပြောင်းလဲနိုင်ပါမည်။ ပြည်ပ ရင်းနှီးမြှုတ်နှံမှုများကို ဖိတ်ခေါ်ပြိး အလုပ်အကိုင်အခွင့်အလမ်းများစွာ ဖော်ဆောင်ခြင်းဖြင့် ဂျီဒီပီ တဟုန်ထိုးမြင့်မားလာပြီး ကြွေးမြီ ရာခိုင်နှုန်း လျော့ပါးသွားမည် ဖြစ်ပါသည်။

ဇော်အောင် (မုံရွာ)
ဇွန် ၃၊ ၂ဝ၁၇


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ရသဆောင်းပါးစုံ, ဇော်အောင် (မုံရွာ)

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ် ထွက်ပြီ

By

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်