နိုလှိုင်း ● မြူ

June 8, 2017

● မြူ

(မိုးမခ) ဇွန် ၈၊ ၂၀၁၇

၁။
အလွမ်း​နေ့​တွေအ​ကြောင်း “​ဆောင်း” လို့​ရေးဖို့လိုပြီ
မြူနှင်း​တွေအ​ကြောင်း ​ဆောင်းအရိပ်​ထဲပြန်​ခိုဝင်​လာ
ဇာတိရွာငယ်​​လေးရဲ့ တိတ်​ဆိတ်​မှုထဲပြန်​ခိုလှုံလို့
မိခင်​စိတ်​ဟာ ​သဘာဝရှုခင်း​တွေပေါ်ဝဲကျ မြူ​တွေလိုအုံ့မှိုင်း​နေတယ်​
ဖြူလွ​နေတဲ့ မြူခိုး​တွေ​ပေါ့ ​ခြေလှမ်းတ​လျှောက်​​
ရင်​​ဖောက်​ဝင်​လာကြသလို ​ပွေ့ဖက်​လို့
မြူ..အိမ်​ပြန်​ခဲ့ပါပြီ

ရောင်​စုံအိပ်​မက်​​များထဲ ငယ်​ဘဝအရိပ်​များ ​ပေ​ရေညစ်​နွမ်း​နေတုန်း။ ငယ်​ဘဝစာမျက်​နှာများထက်​ မြူ့အ​ကြောင်း အ​ကောင်းလုပ်​​ရေးစရာများလည်းမရှိ။ ကိုယ့်​အ​လောင်း ဟာ ​သေလွန်​ပြီးမှ ကိုယ်​တိုင်​ ​ပြန်​ပြန်​ကောက်​လာရသလို ​လောကထဲ လက်​​တွေ့ဘဝထဲမှာ ကိုယ့်​ဘဝကိုယ်​  မြူစိတ်​နာမိသလိုပါပဲကွယ်​။ ကိုယ့်​ဘဝကိုယ်​မှာ ကိုယ်​တိုင်​​ရေးဆွဲခွင့်​မရ ကိုယ်​စီဘဝစာမျက်​နှာ​များလည်း လူယဉ်​​ကျေးယန္တရား စည်းစနစ်​​တွေ​အောက်​ စိတ်​​ရောက်​ခဲ့သလို လက်​​ရောက်​ခဲ့သလိုနဲ့ ကျိုး​ကြေမွလို့။ မြူဆိုတဲ့ ​ကောင်​မ​လေးတယောက်​ရဲ့ ဘဝအစ ​ခပ်​ငယ်​ငယ်​ဘဝတုန်းကတော့ ကံ​ကောင်းခဲ့ပါတယ်​လို့ ​ပြောမယ့်​သူ​တွေ ရှိလည်း ​သေချာတာက​တော့ မြူဟာ ……

၂။
ရွာမှာ ​ကောင်းကင်​​ပြာပြာအောက်​ သဘာဝပတ်​ဝန်းကျင်​ရှုခင်းများထဲ မြူ့စိတ်​ညွတ်​နူးရာ သဘာဝတရားကြီးကိုချစ်​မက်​သ​လောက်​  မြူဟာ အစဉ်​အလာအယူအဆ​တွေကိုမုန်းတီး​နေတဲ့ ​ကောင်​မ​လေးတ​​ယောက်​။ ပတ်​ဝန်းကျင်​ အလှအပများကြား ​လေနု​အေးထဲ လွတ်​လပ်​​ပျော်​မြူးလို့ ​လောကထဲ ​ကမ္ဘာထဲခြေလှမ်းကာစ အပျိုအရွယ်​ မိန်းက​လေးတ​​ယောက်​။ ​ကောင်​ကင်​ထဲ ပျံဝဲ တိမ်​ဆိုင်​တိမ်​လိပ်​​လေးများ ကြည့်​​ငေးချင်​​နေရ ငှက်​ဖြူဖြူ​လေးတကောင်​။ ​လောကဟင်းလင်းပြင်​ ကောင်းကင်​ကျယ်​ကြီးထဲ စိတ်​လွှတ်​ပျံသန်း ချင်​တဲ့ စိတ်​ကူးယဉ်​ဆန်​ဆန်​ …ဇရက်​ (ဆက်ရက်) မ​လေး မြူ။

မြူဟာ ​ကျေးတောသူပါပဲ။ေ​တာသူဆို​တော့ ရှင်​တို့ကြားဖူးမလား​တော့မသိဘူး။ ​အော်​ ..​မေ့လို့ ကြားဖူးကြမလားဆိုတာ ကလည်း မြူဟာ ​တောင်​​ပေါ်ရွာ​လေးတ​ရွာက ​တောသူ​မလေးတယောက်​​ပါပဲ။ ​ကျေးလက်​​တောရွာက အမျိုးသမီး​ငယ်​လေး​တွေဖြစ်​​နေကျ သမားရိုးကျဇာတ်​လမ်းတခုက ကြုံ​နေကျအဖြစ်​အပျက်​​တွေလိုပါပဲ။ ဇာတ်​အိမ်​ဖွဲ့ ဇာတ်​နာ​လောက်​တာမျိုး​ မရိုးနိုင်​တဲ့ ဇာတ်​လမ်းက​လေး​တွေ​လိုပေါ့။ အ​ကြောင်းအရာမယ်​မယ်​ရရ မရှိပဲ ဇာတ်​နာသွားတဲ့ဇာတ်​လမ်းမျိုးနဲ့ မှုန်​ကုပ်​ကုပ်​ အိမ်​လေးက​နေ မြို့​ပေါ်​ရောက်​လာခဲ့ပုံမျိုးလိုပါပဲ။ ​​အော်​​ ..မေ့လို့ လူမသိသူမသိဆိုတာထက်​ မြူ့အ​ကြောင်း​ကိုတော့ ရွာက လူ​တွေက အကုန်​သိကြတာပါပဲ။ အဲတာ​ကြောင့်​လည်း မြူမြို့ကိုထွက်​လာခဲ့တာ​ပေါ့။ အရှက်​တရား​ကြောင့်​​တော့မဟုတ်​ပါ ဘူး။ မြူ့ကိုနားအလည်​ဆုံး အ​မေကိုယ်​၌က နားမလည်​​​ပေး​တော့တဲ့အခါ မြူလည်းမြို့​ပေါ်ကို တိတ်​တဆိတ်​ထွက်​​လာခဲ့ တယ်​။

၃။
ပုံရိပ်​​တွေ အထပ်​ထပ်​ မြင်​​နေရတယ်​။ ​အ​တွေးထဲ လှိုက်​လှိုက်​​မော​နေရ မြူ့စိတ်​​တွေက ဝေဝါး​နေတယ်​။ အာရုံထဲမှာ မြင်​ကွင်းဟာ ​တိမ်​​တွေ​ပေါ်တက်​လာရသလို ​မိုး​ကောင်းကင်​အမြင့်​ကြီးက ပြုတ်​ကျလာခဲ့သလို တုန်​ရင်​မောဟိုက်​​နေတဲ့ စိတ်​နဲ့။ ​လေဟာနယ်​ထဲ ရောက်​​နေသလိုပဲ မြူ့လက်​က အဆက်​မပြတ်​လှုပ်​​ရှားလို့ နှုတ်​ခမ်းက တိုးတိုးဖွဖွ ငြီးငြူနေတယ်​။ စိတ်​ကူးထဲပုံရိပ်​​တွေပဲ အထပ်​ထပ်​မြင်​​ယောင်​ကြည့်​လို့ အိပ်​ရာ​ပေါ်မှာ စိတ်​ဆန္ဒ​တွေ တဆက်​ဆက်​ ချုပ်​တီး​တုန်​ရီနေရတယ်​။ ပင်​ပန်းလိုက်​တာကွယ်​။ ဟိုးအ​ဝေးကြီးက ​ပြေးလာရသလို ​မောပန်းလိုက်​တာ။ ချစ်​စိတ်​ဟာ ပျိုရွယ်​စအချိန်​များမှာ တပြိုင်​နက်​ လူးလွန့်​လှုပ်​ရှားလာ​နေသလို တကိုယ်​တည်း စိတ်​ကူးဆန္ဒ​တွေကျိတ်​မှိတ်​ မြိုသိပ်​လို့ ​သွေးသားဆန္ဒကို ခဏခဏဖြေ​ဖျောက်​​နေရတာကြာ​တော့လည်း မြူစိတ်​ပင်​ပန်းလာမိတယ်​။ အရိုင်းစိတ်​ဟာ ငယ်​နုစဉ်​အခါ နှလုံးသားနုနု​လေးများမှာ ဒဏ်​ရာအမာရွတ်​များအဖြစ်​ ကျန်​​နေခဲ့မယ်​ဆိုတာ အစကတည်းက မြူသိရင်​သိပ်​​ကောင်းမှာပဲကွယ်​။ အခု​တော့ မှားလားမှန်​လား မစဉ်းစားတတ်​​သေးခင်​အချိန်​မှာပဲ စိတ်​ရဲ့အလို​နောက်​ တ​ကောက်​​ကောက်​လိုက်​မိ မြူအခါခါသာယာ​နေမိ​တော့တယ်​။ ဒီလို အဖြစ်​​တွေကို ​ဘေးပတ်​ဝန်းကျင်မှာလည်း ပြန်​​ပြောပြ ဖွင့်​ဟတိုင်​ပင်​လို့မရ တကိုယ်​တည်းကျိတ်​မှိတ်​​ဖြေ​ဖျောက်​လို့ အသိ ဉာဏ်​နုနု​လေးနဲ့ ရနိုင်​သ​လောက်​ ခုခံကာကွယ်​လို့ ​လေဟာနယ်​ထဲ အခါခါရောက်​​နေတဲ့ဘဝကို ကြည်​နူး​နေမိတယ်​။ ဘဝ ဟာ ​ကျေနပ်​​ပျော်​ရွှင်​စရာ​တွေပါလား။ အရိုင်းစိတ်​ဟာ ပန်းက​လေးလို နုညံ့သိမ်​​မွေ့လွန်းလှပါလားရယ်​လို့ ထင်​ရတဲ့အထိ မြူဟာ စိတ်အလို​နောက်​ တ​ကောက်​​ကောက်​လိုက်​လို့။ အိပ်​ရာ​လေးထက်​မှာ တွန့်​​ကြေ​နေတဲ့ ​ဝေခွဲမရမှု​တွေနဲ့။

မြူ့စိတ်​ကူးကို တကယ့်​လက်​​တွေ့ အ​ခြေအ​နေတခုအဖြစ်​ ဖန်​တီးယူရမှာ​ကိုတော့ မြူလည်း​ကြောက်​မိတာ​ပေါ့။ တောင်​​ပေါ်​လေက ​အေးတယ်​ဆို​ပေမယ့်​ ပတ်​ဝန်း ကျင်​က​ပြောလာမယ့်​စကားလုံး​တွေဟာ ပူ​လောင်​လိမ့်​မယ်​မှန်း မြူခန့်​မှန်းမိတာ​ပေါ့။ မြူလည်း လူသားတဦး ရိုးရာယဉ်​​ကျေးမှုအစဉ်​အလာများကြား အသိဉာဏ်​ရှိတဲ့မိန်းက​လေးတဦးသာ ဖြစ်​ပါတယ်​​။ မြူ့စိတ်​ဟာ ဘယ်​​လောက်​လွတ်​လပ်​ချင်​​နေပါ​စေ အစဉ်​အလာ​တွေကို မုန်းတီး​နေပါ​စေ ပတ်​ဝန်းကျင်​ရဲ့လှိုင်းတံပိုးလို စကားလုံး​တွေကို မြူနဲ့အတူ မြူ့မိသားစုဟာ ခံနိုင်​လိမ့်​မယ်​မထင်​ဘူး။ လက်​နက်​နဲ့ ထိုးနှက်​တိုက်​ခိုက်​မှဆိုတာထက်​ စကားလုံး​တွေနဲ့ ထိုးနှက်​မှုကလည်း ဘဝ​တွေ​သေဆုံးသွားနိုင်​ကြသလို ဘဝ​တွေရှင်​သန်​​နေကြရတယ်​​လေ။ စကားလုံး​တွေ​ကြောင့်​လည်း အချိန်​တိုင်းအသက်​မရှိ​တော့သလို အရှက်​တရားကင်းမဲ့မှုများဖြင့်​သာ​နေကြရတတ်​ပါ​သေးတယ်​။ အခုအချိန်​အထိ​တော့ မြူ့ စိတ်​ကို ချုပ်​တည်းထားနိုင်​​နေ​သေးတယ်​။ လူ​တွေမရိပ်​မိ​အောင်​​လောက်​သာပဲ ရမ္မက်​ဆန္ဒထကြွ​နေရပါတယ်​။ အခုလည်း မြူ​ပိုပြီး မောဟိုက်​လာတယ်​။ လှုပ်​ရှား​နေတဲ့လက်​ကိုအသာအယာ ဖြေ​လျော့ချလိုက်​​တော့ မြူ့လက်​ထဲမှာ ​စေးကပ်​​နေတဲ့ အနာဂတ်​​မဲ့မှုများ။

၎။
မြူတို့ရွာက​လေးဟာ သိပ်​သာယာတာ​ပါပဲ။ ပတ်​ဝန်းကျင်​မှာလည်း​ကျေးလက်​​ဒေသ အနံ့အသက်​များဖုံးလွှမ်းလို့ သဘာဝတ ရားကြီးရဲ့ ပြုလုပ်​ဖန်​တီးလို့မရနိုင်​တဲ့ အလှတရား​တွေအပြည့်​ရှိ​နေ​သေးတယ်​​။ ​အေးမြတဲ့တောင်​​ပေါ်​လေတဖြူးဖြူးအောက်​က ​လေနု​အေး​အေးနဲ့အတူ ချယ်​ရီပန်းများလည်း​ပွင့်​လို့ ​​တောင်​​ပေါ်ဒေသပတ်​ဝန်းကျင်​ အလှအပတရားများက ရိုးသွားခြင်း မရှိ မမြဲကြည်​နူးလန်းဆန်း​စေတဲ့ အရာများပါပဲ။ တောင်​​တွေလိုကာရံထားတဲ့ ရိုးရာယဉ်​​ကျေးမှု စည်းမျဉ်းစည်းကမ်း​တွေကြား မှာ မြူ့စိတ်​ဟာ လွတ်​လပ်​​ပြီး ​နေလို့မရသလို တကယ့်​အပြင်​ပတ်​ဝန်းကျင်​မှာလည်း မြူတို့ပတ်​ဝန်းကျင်​တခုလုံးကို ကာရံ ထားတဲ့ မားမားမတ်​မတ်​ ​တောင်​များ။ အပြင်​ဘက်​က လှမ်း​မျှော်​ကြည့်​လိုက်​ရင်​လည်း တကယ့်​​အေးချမ်းမှု​တွေ စိတ်​​အေးချမ်းသာယာဖွယ်​ရာ အလှတရားများနဲ့ ​တောင်​တန်း​တွေ ဟာ မြူနဲ့ မြူ့ပတ်​ဝန်းကျင်​ကို အုပ်​မိုးကာရံထားတယ်​။ မြူတို့ အသိုက်​အမြုံ​လေးကို ကာရံထားတယ်​။ မြူတို့ တိုင်းရင်းသား​တွေကို ကာရံထားတယ်​။ ဒါ​ပေမဲ့ အပြင်​က ​တောင်​​တန်း​တွေဟာ မြူ့ စိတ်​​တွေကို​တော့ လုံးလုံးမကာရံထားနိုင်​ပါဘူး။  မြူ့ငယ်​စဉ်​ဘဝပတ်ဝန်းကျင်​မှာ ရိုးရာဆန်​တဲ့ ​ကျေးလက်​လူ​နေမှုပတ်​ဝန်းကျင်​​က အစဉ်​အလာ​တောင်​​တွေလိုကာရံထားကြ​ပေမယ့်​ အဲဒီ ကာထားတဲ့ အစဉ်​အလာတောင်​​တွေကို​ မြူက စိတ်​ကူးနဲ့ ဇွတ်​ဖယ်​ရှားလို့။

ရွာက​လေးက သိပ်​ကို​အေးချမ်းလှပါတယ်​။

ဒါ​ပေမဲ့ ယမ်း​ငွေ့​တွေက သိပ်​မွှန်​​နေတာပဲ။ ​အေးချမ်းမှု​တွေနဲ့ အစဉ်​အဆက်​တည်​ရာ မြူတို့​တောင်​​ပေါ်ဝန်းကျင်​ထဲ ယမ်း​ငွေ့တွေ မှုန်​ထူ​နေတာ သိပ်​အကျည်းတန်​တာပဲ။ သိပ်​ကို အရုပ်​ဆိုးတာပဲကွယ်​။ မကြာခဏဆိုသလို ​တောင်​​တွေ​ပေါ်က ကြားရတဲ့ သေနတ်​သံ​တွေ။ တခါတ​​လေကျ​တော့လည်း ပတ်​ဝန်းကျင်​အနီးအနားက​လေးကတင်​မှာပဲ အသက်​လု ​သွေး​ချောင်းစီးသေနတ်​သံများ။ မြူငယ်​စဉ်​ကတည်းကကြား​နေကျဆို​ပေမယ့်​ ရိုးသွားခြင်းမရှိပဲ အသက်​အရွယ်​ ရောက်​လာ​လေ ပိုမို​ကြောက်​ရွံ့​နေမိတဲ့ အသက်​​သွေးသံ​တွေ အယူအဆ အရိုင်း​တေး​သံတွေ​ပေါ့။ လူ့အသက်​ဆိုတာကလည်း ဘယ်​လိုအချိန်​မျိုးမှာမဆို ပြီးဆုံးသွားတတ်​ ကုန်​ဆုံးချုပ်​ငြိမ်းသွားတတ်​တာဆို​တော့လည်း အချိန်​တိုင်း အသက်​တချောင်းအတွက်​ ကျီးလန့် စာစား​နေခဲ့ရတဲ့ ​တောင်​​ပေါ်တိုင်းရင်းသားများပါပဲ။

ဒီလို ​တောင်​​ပေါ်​ဒေသ တောင်​​ပေါ်တိုင်းရင်းသားများစိတ်​ထဲက လွတ်​လပ်​လိုမှုများ။ အ​သွေးထဲအသားထဲက အစဉ်​အဆက်​ ​တောင့်​တ​နေကြတဲ့ တန်းတူညီမျှလိုမှုများ။ ​တော်​လှန်​​ရေးဆိုတာကို ကိုယ်​ယုံကြည်​ရာအဓိပ္ပာယ်​ဖွင့်​ဆို စွဲကိုင်​ထားတဲ့အယူ အဆအသီးသီးနဲ့ တိုက်​ပွဲများစွာ ဖန်​တီးလို့။ မြူတို့ဟာ လွတ်​လပ်​​ရေးကိုသာရသွားခဲ့​ပေမယ့်​ လွတ်​လပ်​​ရေးရပြီးချိန်​မှစပြီး တိုင်းရင်းသားလူမျိုးများ ​သွေးစည်း မညီညွတ်​​တော့တာကလည်း ယ​နေ့အချိန်​အထိဆိုပါ​တော့။ ​တောင်​​ပေါ်​ဒေသ ​အေးချမ်းတဲ့ ပတ်​ဝန်းကျင်​ကို အ​ရောင်​အမျိုးမျိုးဆိုး​နေတဲ့ အဲဒီတိုက်​ပွဲ​တွေ သိပ်​မုန်းဖို့​ကောင်းတာပဲ။ အပြင်​ကတိုက်​ပွဲ​တွေကို ​ကြောက်​​နေရရုံမှမဟုတ်​တာ။ မြူက စိတ်​ထဲကတိုက်​ပွဲ​တွေ​ကိုလည်း တိုက်​​နေရ​သေး တာ​လေ။ မြူ့ရဲ့ လွတ်​လပ်​တဲ့အ​တွေးအ​ခေါ်အယူအဆများကလည်း စိတ်​နဲ့ တိုက်​ပွဲများစွာဖန်​တီးထားသလိုပါပဲ။ မြူ အပြင်​ကတိုက်​ပွဲ​တွေကို ​ကြောက်​​နေရသလို စိတ်​ကူးတိုက်​ပွဲများကိုလည်း စိတ်​ထဲ ​ကြောက်​ရွံ့တုန်​လှုပ်​​နေမိ​ပြန်​တာ​ပေါ့။

၅။
အဲဒါ​တွေ ဖြစ်​တဲ့အချိန်​တုန်းက မြူအသက်​လည်း သိပ်​မငယ်​​တော့ပါဘူး​။ ဘဝမှာ အမြဲတမ်း အများနဲ့မတူတဲ့ အယူအဆ​တွေနဲ့ ပတ်​ဝန်းကျင်​ကလူ​တွေကို တိတ်​တဆိတ်​ ​တော်​လှန်​​နေတဲ့ မြူ အဲဒီအချိန်​​တွေကို ​ကောင်း​ကောင်းမှတ်​မိတာ​ပေါ့။ အစ​ဉ်​အလာအယူအဆ​တွေနဲ့ ​ရှေးရိုးစွဲ ​ကျေးလက်​ပတ်​ဝန်းကျင်​က မြူ့စိတ်​နဲ့မကိုက်​ညီ​တော့တာ ကြာပါပြီ​လေ။ ပျိုရွယ်​ငယ်​နုစအရွယ်​မှာ စိတ်​နဲ့လည်း ကိုယ့်​အနီးအနားပတ်​ဝန်းကျင်​ကို ပုန်​ကန်တော်​လှန်​တတ်​ကြတဲ့လူငယ်​သဘာဝပဲလို့ ဆိုဆိုပါ​လေ။ မြူက​တော့ မာနစိတ်​က​လေး တစွန်းတစနဲ့ ​ကျေနပ်​စွာတော်​လှန်​လို့ မြူ့ဘဝကို ​ကျေ​ကျေနပ်​နပ်​​နေထိုင်​​နေတာပါပဲ။ အဖြစ်​အပျက်​​တွေကလည်း ဖိတ်​​ခေါ်ထားသလိုကို​ရောက်​လာခဲ့ပါတယ်​။ မြူ့စိတ်​က သီးခြားကွဲထွက်​​နေ ပုန်​ကန်​ရခြင်းကို​ပျော်​​နေ ဘဝအမှားထဲလွတ်​​နေတဲ့စိတ်​နဲ့​နေထိုင်​လို့ အမှန်​တရားဆိုတာထက်​ မြူထင်​မှတ်​​နေတဲ့ နတ်​ပြည်​က တိမ်​​ပေါ်မှာရှိတယ်​ဆိုတဲ့ အစွဲ​အလန်းတွေနဲ့။ ချုပ်​တည်းရတာများလို့ လွတ်​ထွက်​သွားတဲ့ အခိုးအ​ငွေ့လို​ပေါ့။ တင်းကျပ်​မှုကို ​ဖောက်​ခွဲပစ်​တဲ့ ​လေပူ​ပေါင်းလိုပါပဲ။ တခါကလို့​ပြောရမလားမသိပါဘူး။ အဲဒီ ကြုံလာတဲ့အ​ခြေအ​နေတခုမှာ မြူဟာ ​ပျော်​ရွှင်​စွာလိုက်​ပါကခုန်​လိုက်​​မိတော့တယ်​။

တောင်​​ပေါ်မှာ ဆီးနှင်း​တွေက ပိန်းပိတ်​​နေ​အောင်​ ကျ​မ​နေ​ပေမယ့်​ မြူတို့​တောင်​​ပေါ်သူ​တွေ​တောင်​ ​​​အေးတယ်​လို့မှတ်​​နေရတဲ့မနက်​ခင်း​စော​စောတခုမှာ ​လေ​အေး​အေး​တွေက မြူတို့အားလုံးကို စိမ့်​​နေ​အောင်​ လွှမ်းခြုံထားတယ်​။ တပ်​မ​တော်​သား​တွေဆိုတာကို မြူတို့တိုင်းရင်းသား​လက်​နက်​ကိုင်​​တွေရဲ့ အနီးအနားကရာက​လေးတွေမှာ​နေတဲ့သူ​တွေကတော့ လမ်းချင်းမတူလို့ လူချင်းမ​တွေ့ချင်​တဲ့ သူ​တွေလို့အဓိပ္ပာယ်​ဖွင့်​ပါတယ်​။ ပိတ်​ကား​ပေါ်မှာ မြင်​ရ​လေ့ရှိတတ်​တဲ့ မြင့်​မြတ်​တဲ့စိတ်​ထားဆိုတာ စစ်​သား​တွေမှာ တကယ်​ရှိသလားမရှိဘူးလား မြူစဉ်းစား​နေမိတယ်​။ ​တောင်​​ပေါ်​ဒေသမှာ​တော့ မြူတို့လိုတိုင်းရင်းသားများရဲ့ တန်းတူညီမျှရပ်​တည်​လိုမှု​ဆိုတဲ့ အယူအဆတွေကသာ အသံပိုကျယ်​​နေပါလိမ်​ မယ်​။ မြူတို့လည်း ငယ်​စဉ်​ကတည်းက စစ်​သား​တွေကိုမ​တွေ့ချင်​ခဲ့ပါဘူး။ အမြဲတမ်းယမ်းနံ့စွဲ​နေတဲ့ မြူတို့ရဲ့ တောင်​​ပေါ်​ကျေးလက်​​ဒေသ ရွာငယ်​​လေး​တွေမှာ ​တောထဲ​တောင်​ထဲ စစ်​သား​​တွေနဲ့တွေ့တယ်​ဆိုတာဟာ ကံ​ကောင်း​စေတဲ့အတိတ်​နိမိတ်​​တော့မဟုတ်​ပါဘူး။ ကျားနာဆိုတာ ​တွေ့တဲ့သား​ကောင်​ကို အလွတ်​မ​ပေးတတ်​သလိုပဲ လူမရှိတဲ့​တောထဲမှာ လက်​နက်​ကိုင်​စစ်​သား​တွေနဲ့ ​တွေ့တာဟာ သိပ်​​တော့ ကံမ​ကောင်း​စေတတ်​ဘူး​လေ။ သိပ်​​အေးလွန်းတဲ့ ​တောင်​​ပေါ်မနက်​ခင်းအ​အေးဓာတ်​​တွေဆိုတာကလည်း အဲဒီ ​တောက်​​လောင်​​နေတဲ့မီး​တွေကိုငြှိမ်းသတ်​​စေနိုင်​တာ​တော့ မဟုတ်​ပါဘူး။ ဟုတ်​ပါတယ်​။ အဲဒီ​နေ့က အဲဒီမနက်​​စော​စော မြူ​တွေအုံ့ဆိုင်း​နေတဲ့အချိန်​  မြူတို့​တောထဲ ​တောင်​ထဲမှာ စစ်​သား​တွေနဲ့ ​တွေ့ခဲ့ရပါတယ်​။

၆။
ဇာတ်​နာဖို့ဆိုတာမျိုးဟာ ​မြူတို့ကျေးလက်​မှာ​တော့ မြို့​ပေါ်မှာထက်​ ပိုလွယ်​ပါတယ်​။ ​တောင်​​ပေါ်အစွန်းအဖျား​ဒေသ​တွေက အမှုအခင်း​တွေဆိုတာကလည်း ရုပ်​ရှင်​ထဲက ထက်​ ​အပြင်​​လောက ပျောက်​ပျက်​ဖို့ ပိုလွယ်​​နေပါဦးမယ်​။ ထမင်းစား​ရေ​သောက်​ ကိုယ့်​အနာဂတ်​ကျ​ပျောက်​သွားတဲ့ကိစ္စအတွက်​ မြူတို့ကဘာကို အပြစ်​ပုံချရမှာလဲ။ ဘယ်​သူ့ကို တိုင်​တည်​​နေကြဦးမှာလဲ။ ကံကြမ္မာက မျက်​နှာမ​ပေးလို့ အ​ရောင်​မထွက်​တိုင်းမွဲတယ်​ဆိုတဲ့ ​နေ့စဉ်​ဘဝအဖြစ်​အပျက်​​တွေထဲမှာပဲ မြူတို့က ကိုယ့်​ဘဝကိုယ်​ ​ရေးသား​နေရတာ မဟုတ်​လား။ စိတ်​ထွက်​​ပေါက်​ဟာ ပိတ်​​လှောင်​​နေတဲ့ကြားကပဲ ရုန်းကြွ မြူတို့ကဟားတိုက်​ ဖောက်​ချလို့။ ​လောကကို ထီမထင်​ မော့မကြည့်​တတ်​တဲ့ မာန​တွေနဲ့။ မြူတို့ဟာ အရင်​က အ​ခြေအ​နေအဖြစ်​အပျက်​ကို ပြန်​လွမ်း​နေတာ​တော့မဟုတ်​ပါဘူး။ ဒါ​ပေမဲ့ မြူတို့အားလုံးဟာ ကြုံလာရမယ့်​ ​နောက်​တနေ့မနက်​ဖြန်​​တွေမှာ ကိုယ့်​မျက်​နှာကိုယ်​သစ်​လိုလှပါ​သေးတယ်​။ မြူတို့ အရှုံး​တော့ မ​ပေးခဲ့ပါဘူး​လေ။

တဖက်​နိုင်​ငံဆိုတဲ့စကားကို ရှင်​တို့ဘယ်​လိုမြင်​ပါသလဲ။ အလည်​အပတ်​သွားစရာ​နေရာ​ဈေးဝယ်​စရာ​အ​ကောင်းဆုံး နေရာ တခုလို့ ထင်​ချင်​လည်း ထင်​​နေနိုင်​ပါတယ်​။ နှစ်​နိုင်​ငံ ကုန်​စည်​များ စီးဆင်းရာနယ်​စပ်​ကို​ရော သင်​​ရောက်​ဖူးပါသလား။ လူကုန်​ကူးခြင်းဆိုတာ အဘယ်​နည်း။ မြူတို့ကို လိုက်​လံ​ဝေငှ​နေတဲ့ လက်​ကမ်း ကြော်​ငြာ စာရွက်​​တွေ။ ​ကျေးလက်​​နေ တိုင်းရင်းသာ​တွေအသိပညာ​ပေးတဲ့ မိုက်​ခရိုဖုန်းကထွက်​လာတဲ့ ​ပေါ့​ပေါ့ပါးပါး လူအထင်​ကြီးလိုမှု​တွေ။ ဒီလိုအရပ်​​ဒေသမှာ​တော့ တဖက်​နိုင်​ငံရယ်​ နယ်​စပ်​ရယ်​ လူကုန်​ကူးမှုဆိုတာ​တွေကို ဝင်​​ငွေလို့သာအဓိပ္ပာယ်​ဖွင့်​တတ်​ကြပါတယ်​။ အိမ်​က​လေးက​နေ အိမ်​ကြီးဖြစ်​ဖို့ နပ်​မမှန်​တဲ့ထမင်းလုပ်​​တွေထဲ ဆီဦး​ထောပတ်​က​လေးထည့်​နိုင်​ဖို့ဆိုတာ ကလည်း သတ္တိကို​ရှေ့တန်းတင်​ကြရတဲ့ကိစ္စ​တွေပါပဲ။ လတ်​တ​လောအခက်​အခဲကို ​ဖြေရှင်းဖို့နည်းလမ်းဆိုတာ နယ်​စပ်​​ဒေသနေ့စဉ်​အဖြစ်​အပျက်​များမှာ သိပ်​ခက်​ခက်​ခဲခဲကြီး ကြိုးစား​နေစရာ​တော့မလိုပါဘူး။ ဘာသာတရားရဲ့အဆုံးအမ​အောက်​မှာ သင်​​နေထိုင်​ဖူးခဲ့ရင်​​တော့ မြူ့စကားလုံး​တွေက ခါးသက်​​​ကောင်းခါးသက်​ နေပါလိမ့်​မယ်​။ သင်​တို့ လူကုန်​ကူးခံရဖူးပါသလားဆိုတဲ့​မေးခွန်းနဲ့ လူကုန်​ကူးခံ​နေရပြီဆို ဘယ်​ဖုန်းနံပါတ်​ကိုဆက်သွယ်ပါဆိုတာကို  မြူတို့မသိပါဘူး။ မြူတို့သိတဲ့ဖုန်းနံပါတ်​ဆိုတာက ​​လမ်း​ဘေးက လူ​ခေါ်တဲ့ ကြော်​ငြာဘုတ်​​တွေမှာ လွယ်​လွယ်​က​လေး ကပ်​ထားပါတယ်​။ ဟုတ်​တာ​ပေါ့ မြူတို့ဟာ တချို့သူ​တွေ မထင်​မှတ်​​လောက်​တဲ့ အ​ခြေအ​နေ​တွေနဲ့ ဘယ်​သူမှ​တွေးဖူးမှာမဟုတ်​တဲ့ အ​တွေးမျိုးနဲ့ ကိုယ့်​ကိုကိုယ်​ ​ရောင်းစားလို့ရတဲ့ငွေကို ​ကျေနပ်​စွာယူပြီး တဖက်​နိုင်​ငံကို ​မြူတို့ အေး​ဆေးစွာဝင်​​ရောက်​လာခဲ့ပါတယ်​။

၇။
ရုပ်​ရှင်​ပိတ်​ကား​​တွေပေါ်မှာ​တော့ သုံးနှစ်​ခန့်​ကြာ​သော်​ စာတန်းဟာ အိပ်​ငိုက်​​နေတတ်​တဲ့အချိန်​မှာ ထထိုးတတ်​ပါတယ်​။ နိုင်​ငံ​တော်​အလံကို အ​လေးပြုပါ။ ပြီးတဲ့အခါ ကိုယ့်​ဘဝနဲ့ကိုယ်​မှာ အနာဂတ်​ကို ရိုးသားစွာ ကြိုးစား​အားထုတ်​ပါ။ အဲဒီလို မြူတို့ဖတ်​ခဲ့မိဖူးတဲ့ စာ​တွေကလည်း စာအုပ်​​တွေထဲမှာပဲ ကျန်​​ရစ်​​နေတတ်​ကြပါတယ်​။ မြူတို့ဘဝ အဓိပ္ပာယ်​မှာက သည်းခံမှု​တွေပါတယ်​။ ​စောင့်​ဆိုင်း​နေရမှု​တွေရှိတယ်​။ ​မှောင်​​နေတဲ့အခန်းထဲလည်းမဟုတ်​သလို အလင်း​ရောင်​​ကောင်းစွာရရှိတတ်​တဲ့ ​နေ့ရက်​​တွေ​တော့လည်း မဟုတ်​ခဲ့ပါဘူး။ မြူသည်းခံခဲ့ရပါတယ်​။ မြူ အချိန်​တစ်​ခုထိ အဲဒီမှာရှိ​နေ ​စောင့်​ဆိုင်း​နေခဲ့ရတယ်​။ ​ဒီ​နေရာမှာ ရမ္မက်​ရဲ့ ကျေးကျွန်​ဆိုတဲ့စကားကို ​ကျေးဇူးပြုပြီး မြူ့အတွက်​ မသုံးကြပါနဲ့။ မြူတို့ဟာ တန်​ရာတန်​ဖိုးတစ်​ခုအတွက်​ တန်​ရာတန်​​ကြေးကို ​ကျေနပ်​စွာ​ပေးဆပ်​ စိတ်​ရှည်​စွာ ​စောင့်​ခဲ့ကြသူ​တွေ​ပေါ့။ အချိန်​​တော့ နည်းနည်းကုန်​သွားပါတယ်​။ ငြီး​ငွေ့စွာ ဖြတ်​သန်း​ကျော်​လွှားခဲ့ရတဲ့​နေရက်​​တွေပါပဲ။ မြူက​တော့ အချိန်​တိုင်း အချိန်​တိုင်း မြူတို့ဇာတိ ရွာက​လေးကိုပြန်​ချင်​​နေတုန်းပါပဲ။ ဘယ်​လိုပဲ အ​ခြေ​နေ​တွေကြုံ​နေရပါ​စေ မြူပြန်​ဖို့ကြိုးစား အားထုတ်​ခဲ့တာချည်းပါပဲ။ အဲတာကလည်း သိပ်​ခက်​ခဲတဲ့ ကိစ္စတစ်​ခု​တော့ မဟုတ်​ခဲ့ပါဘူး။

တဖက်​နိုင်​ငံမှာ​တော့ နှစ်​အနည်းငယ်​ကြာတဲ့အခါ မြူဆိုတဲ့ မိန်းက​လေးဟာ ကျလူဖြစ်​သွားမှာပဲမဟုတ်​လား။ မြူ့အ​သွေး အသား​တွေက တစစခန်း​ခြောက်​သွားမှာပဲ မဟုတ်​လား။ သူတို့ ရိုးအီသွားကြမှာပါပဲ။ မြူ့ထက်​ပိုပြီး လတ်​ဆက်​​သောချိုမြိန်​​သော သစ်​သီး​တွေ ရာသီအလိုက်​ ​ပေါ်​နေဦးမှာပါပဲ။ နှစ်​စဉ်​နှစ်​တိုင်း မြူ့လိုမိန်းက​လေး​တွေ တဖက်​နိုင်​ငံကို ​ရောက်​​နေဦး မှာပါပဲ။ မြူဆိုတဲ့ တချိန်​က အလွန်​ချိုမြိန်​ဖူးခဲ့တဲ့ သစ်​သီးတလုံးကလည်း အချိန်​တခုမှာ နွမ်းလို့ ​ဖျော့ကျ​နေခဲ့ပါပြီ​လေ။ အခု မြူပင်​ပန်းလှပါပြီ။

မြူ့အတွက်​က လွယ်​ကူစွာ ဖြတ်​သန်းလာခဲ့တာမဟုတ်​သလိုပဲ သိပ်​မွန်းကျပ်​ပိတ်​​လှောင်​ခဲ့တာမျိုး​တော့ မဟုတ်​ပါဘူး။ မြူ တည်​ငြိမ်​စွာ ဖြတ်​​ကျော်​ဖို့ ကြိုးစားခဲ့တာပါ။ အခုအချိန်​မှာ​တော့ မြူ့စိတ်​က ဘာကိုမှမ​တွေးလွတ်​လပ်​တဲ့ ​လေကိုသာမွတ်​သိပ်​လို့ ​ခြေလှမ်းများကလည်း မြူတို့အရပ်​​ဒေသ ​တောင်​​ပေါ်​ရွာက​လေးဆီပဲလှည့်​လို့ အိမ်​ပြန်​​ရောက်​ချင်​စိတ်​နဲ့သာ အသက်​ရှင်​​နေရတာမျိုးပါ။ မြူ အားမငယ်​ပါဘူး။ အခုမြူအား​တွေရှိ​နေပြီ​လေ။ ​လောကထဲ ဖြတ်​သန်းဖို့ အသိ​တွေရှိခဲ့ ရခဲ့ပြီးပြီ​လေ။ အခုမြူဟာ အရင်​လို မနူးမနပ်​​ကောင်​မ​လေးတယောက်​မှ မဟုတ်​​တော့တာ။ အဲဒီနှစ်​​တွေမှာ  မြူ အ​တော်​အတန်​​တော့ ရင့် ကျက်​ခဲ့ပြီးပါပြီ။

၈။
မြူတို့ အရပ်​​ဒေသမှာ​တော့ ဟိုးအရင်​ကအတိုင်းပါပဲ​လေ။ တောင်​​ပေါ်မှာ မြူနှင်း​တွေ ​ဝေ​နေ​သေးသလိုပါပဲ။ မြူလာခဲ့ရာ လမ်းတ​လျှောက်​ မနက်​ခင်းအလင်း​ရောင်​ဟာ ပါးလျလျသာတိုးကပ်​လို့ အနာဂတ်​အသစ်​များလည်း အလင်းထဲမှုန်​ဝါးဝါး စတင်​မြင်​​တွေ့ရလို့ မြူ့​ခြေလှမ်း​တွေဟာ အိမ်​အပြန်​လမ်း​ပေါ်မှာ ​တောင်​​ပေါ်​ဒေသ မြူ​တွေနဲ့အတူ လွင့်​​နေတယ်​။ မြူ့စိတ်​ကလည်း သိပ်​ကို​ပေါ့ပါးလွတ်​လပ်​​နေပါတယ်​။ ​​အော်​ လူ​တွေက​တော့​ပြောကြမှာပါပဲ။ မြူသိပ်​ကို ကံဆိုးခဲ့ပါလား ဇာတ်​နာခဲ့တယ်​ ဆိုတဲ့အ​ကြောင်းကို​​ပဲ ​ပြောချင်​​ပြော​နေကြမှာ။ ဒါ​ပေမဲ့ ဒီလိုအဖြစ်​အပျက်​မျိုး​တွေဟာ ​မြူတို့ပတ်​ဝန်းကျင်​မှာသာ ရှားပါး​နေခဲ့တာ။ နယ်​စပ်​​ဒေသလို​နေရာမျိုးမှာ​တော့ ကြုံ​နေကျမို့ ရိုးစင်းလွန်း​နေပါပြီ။ မြူလည်း ကြုံ​နေဖြစ်​​နေ လက်​ခံ​နေတဲ့ လူမှုဘဝ ​နေ့စဉ်​ပတ်​ဝန်းကျင်​ထဲက ပြန်​လာခဲ့တဲ့လူတယောက်​ပါပဲ။ အခု မြူ့မှာ အနာဂတ်​ကိုမျှော်​ကြည့်​လို့ရမယ့်​ ​ငွေ​ကြေး တစုံတရာနဲ့အတူ တဖက်​နိုင်​ငံသားက မလိုချင်​လို့ မြူနဲ့အတူ ထည့်​​ပေးလိုက်​တဲ့ မြူ့ရင်​​သွေး သမီး​လေးပါလာပြီ​လေ။ မြူ​ကျေနပ်​ပါတယ်​။ သမီး​လေးအတွက်​ မိဘနှစ်​ပါးဆိုတဲ့ဂုဏ်​ပုဒ်​ထက်​ လွတ်​လပ်​တဲ့ဘဝဆိုတာကို မြူရယူ​ပေးနိုင်​​တော့မှာ​လေ။ ရွာမှာသမီး​လေးကို မြူ​စောင့်​​ရှောက်​ရဦးမယ်​။ မြူသွန်​သင်​​ပေးရပါဦးမယ်​။ အခု မြူ့မှာ အနာဂတ်​ရှိ​နေပါပြီ။ မြူ့ အနာဂတ်​ဆိုတာကလည်း မြူ့သမီး​လေးရဲ့အနာဂတ်​ပါပဲ။ မြူ သမီး​လေးကို မြူတို့ရွာက​လေးကို ​ခေါ်သွားရဦးမယ်​။ သူ့ကို တချိန်​ကျရင်​​ မြူ ပြောပြရဦးမှာ​ပေါ့။ မြူဘာ​တွေဖြစ်​ခဲ့ပြီး သမီး​လေးကို ရွာအထိ ​ဘယ်​လိုပျော်​ရွှင်​စွာ​ခေါ်လာခဲ့တယ်​ဆိုတာ ကို။

 

နိုလှိုင်း
၂၀၁၆ သြဂုတ်​လ ၁၀
ည ၁ နာရီ ၁၅


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
Advertise on MoeMaKa

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:၀တ္ထုတို

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ်

By

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ် (မိုးမခစာအုပ်စင်) သြဂုတ် ၁၇၊ ၂၀၁၈...

Read more »

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်