ဘာတေးလစ်တနာ – ၂၀၁၁ မှ ယနေ့ ကာလအထိ

June 9, 2017

 ဘာတေးလစ်တနာ – ၂၀၁၁ မှ ယနေ့ ကာလအထိ

မြန်မာနှင့် အမေရိကန်ပြည်ထောင်စု ဆက်ဆံရေး။ မိတ်ဆွေလည်းမက ချစ်သူလည်းမကျ။

တရုပ်ပြည်သူ့သမ္မတနိုင်ငံနှင့် ဗမာ(မြန်မာ)နိုင်ငံ – ဆွေမျိုးပေါက်ဖော် တင်မကသော – (၇)

(သိန်းမြင့် ဘာသာပြန်) မိုးမခ၊ ဇွန် ၉ ၊ ၂၀၁၇

နိုင်ငံခြားမှစောင့်ကြည့်လေ့လာသူများစွာငြင်းဆိုကြသလိုပြောရလျင် အနောက်နိုင်ငံများ၏ စီးပွားရေးပိတ်ဆို့မှုက မြန်မာ့စီးပွားရေးနှင့် နိုင်ငံရေးဗျူဟာ ကို တရုပ်လက်ထဲသို့ ကျရောက်သွားအောင်တော့  မလုပ်ဆောင်ခဲ့ပါ။ သို့သော်လည်း မြန်မာအပေါ် တရုပ်စိတ်ကြိုက်ပုံစံ ချမှတ်ရန်အနောက်နိုင်ငံများ၏ပေါ်လစီ များကပိုမို လွယ်ကူစေခဲ့တာကတော့ သေချာ ပါတယ်။ အပြန်အလှန်အားဖြင့် ဤအချက် မြန်မာကို အထီးကျန်ဖြစ်စေပြီး တရုပ်လက်အပ်လိုက်တဲ့ ပေါ်လစီ ကို အနောက်နိုင်ငံများမှာ အချို့သောသူများက ဝေဖန်စရာဖြစ်လာစေပါတယ်။

 ဤပူပန်မှုများကို အစောပိုင်း ၁၉၉၇ ဇွန်တွင်ထုတ်ဝေတဲ့”လော့စ်အင်ဂျလိစ်တိုင်းမ်” စာစောင်မှ ဆောင်းပါးတွင်တွေ့နိုင်ပါတယ်။ ဆောင်းပါးရှင် မာဗင်အော့တ် ဟာ အမေရိကန် လုံခြုံရေးကျွမ်းကျင်သူ ၊ စီအိုင်အေမှ ဆန်းစစ်သူဟောင်း ဖြစ်တယ်။

” ဝါရှင်တန် ဟာ မြန်မာပြည်ရဲ့ လူ့အခွင့်အရေးအလွဲသုံး မှုများကို မကွယ်မဝှက် ဝေဖန်နိုင်တယ်၊ဝေဖန်သင့်တယ်။ ဒါပေမယ့် တဘက်မှာ  လုံခြုံရေးနဲ့ အမျိုးသားအကျိုးစီးပွားအတွက် လုပ်သင့်တာတွေ ရှိနေပြန်တယ်။ အခုအချိန်ဟာ အခြားနည်းလမ်းတခုကို အလေးအနက်စဉ်းစားသင့်တဲ့ ကာလဖြစ်တယ်။ ” လို့ အော့တ် က ကောက်ချက်ချခဲ့ပါတယ်။

ဒါပေမယ့် အလှည့်အပြောင်းမှာ အတော်ဂရုစိုက် လုပ်ဆောင်စရာ အချို့လိုပါတယ်။ ၂၀၀၀ခုနှစ်နဲ့ ၂၀၀၈ခုကြားမှာ ဂျော့ခ်ျ ဒဗလျူဘုရှ် အစိုးရအဖွဲ့ရဲ့ပါတီနှစ်ခု ( ရီပါဘလစ်ကန် နှင့် ဒီမိုကရက် )က ချမှတ်ထားတဲ့ မြန်မာပေါ်လစီမှာ ကလင်တန်အစိုးရလက်ထက် ကွန်ဂရက်က ဆုံးဖြတ်ခဲ့တဲ့ပိတ်ဆို့မှု ကို ဆက်လက်ထားရုံမက မြန်မာ ဒီမိုကရေစီ အင်အားစုများ ကို ပံပိုးဖို့ ကြိုးစားမှု အနေနဲ့ ပိတ်ဆို့မှုအသစ်များကိုပါ ထပ်ဖြည့်ပါတယ်။

 ၂၀၀၇ခုနှစ် လူများစု ထောက်ခံခဲ့တဲ့ ရွှေဝါရောင်တော်လှန်ရေး နဲ့ ၂၀၀၈ ခုနှစ် ဆိုင်ကလုန်းမုန်တိုင်း နာဂစ် တိုက်ခတ်ပြီးချိန်အစိုးရရဲ့ ဆိုးရွားတဲ့ တုန့်ပြန်ဆောင်ရွက်မှုတွေ အပြီး နောက်ပိုင်းအကျိုးဆက်အနေနဲ့၊ဘုရှ် အစိုးရ ဟာ ထပ်ဆောင်း ရလာတဲ့ နေရာ ကို အကျိုးရှိအောင်ရှာဖွေ အသုံးချခဲ့ပါတယ်။ မြန်မာနိုင်ငံအတွင်းမှာ လူသားချင်းစာနာထောက်ထားမှုဆိုင်ရာ အထောက်အပံ နဲ့ အခြားအစီအစဉ်များ လုပ်ဆောင်ပေးခြင်းဖြင့် မြေပြင်မှာ လက်တွေ့လုပ်ဆောင်နေကြတဲ့ အရပ်ဘက်လူ့ အဖွဲ့အစည်းများကို ထောက်ပံ့ ကူညီခဲ့ပါတယ်။ ဒါပေမယ့် တခုလုံးခြုံ ကြည့်ရင်တော့ စစ်အစိုးရရဲ့ အုပ်ချုပ်မှု အပေါ် သဘောထား တင်းမာစွာ ရပ်တည်ခဲ့တာပါ။

၂၀၀၀ ခုနှစ် မှာ မြန်မာ နဲ့ မြောက်ကိုရီးယား အကြားမဟာဗျူဟာပူးပေါင်းဆောင်ရွက်မှု ရှိနေပြီ ဆိုတဲ့ သတင်းပွင့်ကျလာခြင်းက ဝါရှင်တန် အစိုးရ ကို အလှည့်အပြောင်းလုပ်အောင်တွန်းအားပေးခဲ့ပါတယ်။ မြောက်ကိုရီးယား ဟာ မြန်မာ ကို ဥမင်လှိုဏ်ခေါင်းတူး ကျွမ်းကျင်သူများ၊ စစ်လက်နက်ကြီးများ၊ ရေဒါ နဲ့ လေကြောင်းရန် ကာကွယ်ရေးစနစ်များ ပေးအပ်ခဲ့တယ်လို့ ဆိုပါတယ်။ ဒါဟာ အနောက်နိုင်ငံများ နဲ့ အာရှ က ထောက်လှမ်းရေး အဖွဲ့များက စွပ်စွဲတာပါ။ တိုက်ချင်းပစ်ဒုံး နဲ့ ဆက်စပ်နည်းပညာများပင် ပါဝင်တယ် ဆိုပါတယ်။အထက်လွှတ်တော် အမတ် ဂျင်မ်ဝက် ကဲ့သို့ အမေရိကန် နိုင်ငံခြားရေး မူဝါဒ ကို ဦးဆောင်ဝေဖန်လေ့ရှိသူများက အမေရိကန်ဟာ လမ်းကြောင်းပြောင်းပြီး မြန်မာအစိုးရ နဲ့ တေ့တေ့ဆိုင်ဆိုင် စပြောဖို့ အခါသင့်အခွင့်ကောင်းပဲ လို့ ပြောလာကြပါတယ်။ မြန်မာအစိုးရ ဟာဘယ်လိုအကျိုးဆက်ပဲလာလာ အာဏာ ကို ဆက်လက်ဖက်တွယ်ထားမယ့် သဘောရှိနေပုံရတယ်လို့ဆိုပါတယ်။ ဘုရှ် ခေတ် ရဲ့ နိုင်ငံခြားရေးမူဝါဒ ကို ပြောင်းမယ်ဆိုတဲ့ကတိ နဲ့ အိုဘားမား အစိုးရ အာဏာရလာချိန်မှာ မြန်မာ အတွက်လည်း အပြောင်းအလဲတစ်ခုပဲ လို့ အများကရှုမြင်ကြပါတယ်။

၂၀၁၀ နိုဝင်ဘာ မှာ ကျင်းပခဲ့တဲ့ မြန်မာပြည် ရွေးကောက်ပွဲ က ဗိုလ်ချုပ်မှူးကြီးသန်းရွှေ ရဲ့ စစ်အစိုးရအုပ်ချုပ်ရေး ကို တရားဝင် ရပ်နား ပေးလိုက်ပြီး ဦးသိန်းစိန် အစိုးရ အာဏာရလာပါတယ်။ ဒီရွေးကောက်ပွဲ ကို ပေါ်ပေါ်ထင်ထင် အကွက်ဆင်ထားတဲ့ လှည့်ဖြားမှု လို့ မြင်ကြပါတယ်။ ဘယ်လိုပဲဖြစ်ဖြစ် မြန်မာခေါင်းဆောင်ပိုင်း နဲ့ အနောက်နိုင်ငံများ တွေ့ဆုံဆွေးနွေး နိုင်မယ့် အခွင့်ကောင်းပဲလို့ သုံးသပ်ကြပါတယ်။ မြန်မာ နိုင်ငံဟာ မျက်နှာစာသစ်ရယ်၊ အပြင်ပန်းအားဖြင့် စစ်အစိုးရမဟုတ်ပဲ ဖွဲ့စည်းအုပ်ချုပ်ပုံ အခြေခံဥပဒေ နဲ့ အုပ်ချုပ်တဲ့ နိုင်ငံတစ်ခုရယ်အဖြစ် ချက်ချင်းရောက်သွားပါတယ်။

ဝါရှင်တန် မှာလည်း အစိုးရသစ် တက်ပြီဆိုတော့ မြန်မာဗိုလ်ချုပ်ဟောင်းများအတွက်အနောက်နိုင်ငံများကိုညှိူ့ငင်ဆွဲဆောင်နိုင်မယ့် အချိန်ကောင်းဖြစ်သလို၊ ဝါရှင်တန် နဲ့ အနောက်နိုင်ငံများ အတွက်လည်း တင်းမာမှုလျော့ပါးရေးလုပ်ငန်းစဉ် စတင်နိုင်တဲ့ အချိန်ကောင်းလည်းဖြစ်ပါတယ်။ မြန်မာ နဲ့ အမေရိကန် ကခေါင်းဆောင်နှစ်ဘက်လုံး က မြန်မာ ကို တရုပ်နဲ့ စိတ်မသက်မသာပေါင်းဖက်နေရာ က ဆွဲထုတ်ယူဖို့၊ မြောက်ကိုရီးယား နဲ့ ပါတ်သက်နေမှုကနေ ပြန်ဆွဲယူဖို့တွေဟာ ဒီခေတ်သစ်ရဲ့ အဓိက အရေးပါချက်တွေပဲလို့ ရှုမြင်ပါတယ်။

၂၀၁၁ ဒီဇင်္ဘာ အစောပိုင်းမှာ အမေရိကန် နိုင်ငံခြားရေးဝန်ကြီး၊ ဟီလာရီကလင်တန်ဟာ လူအများစုကြီးစိတ်ဝင်တစားရှိခဲ့ကြတဲ့ မြန်မာခရီးစဉ် ကိုသွားခဲ့ပါတယ်။ နှစ်ငါးဆယ်ကျော် အတွင်းမှာ  အမေရိကန် ထိပ်တန်းခေါင်းဆောင်တစ်ဦး ရဲ့ ပထမဆုံးမြန်မာပြည် ခရီးစဉ်ဖြစ်ပါတယ်။ ကလင်တန် ရဲ့ မြန်မာခရီးစဉ် နောက်ကလိုက် လာတာကတော့ ၂၀၁၂ခု နိုဝင်္ဘာ သမ္မတ အိုဘားမား ရဲ့ မြန်မာခရီးစဉ်ပါ။ နောက်နှစ်နှစ်အကြာမြန်မာ အာဆီယံ ရဲ့ အလှည့်ကျဥက္ကဋ္ဌ ဖြစ်ချိန်မှာလည်း အိုဘားမား မြန်မာပြည် ကိုတခေါက် ထပ်သွားပါသေးတယ်။ ၂၀၁၃ မေ မှာ သမ္မတဦးသိန်းစိန် အမေရိကန်ကို သွားပါတယ်။ ၁၉၆၆ခု ဗိုလ်ချုပ်နေဝင်း အမေရိကန်ပြည်ထောင်စု ကိုသွားခဲ့ပြီးနောက်ပိုင်း ပထမဆုံး သွားရောက်တဲ့ မြန်မာခေါင်းဆောင် မှတ်တမ်းဝင်သွားပါတယ်။

၂၀၁၆ခုနှစ်မှာ ဒေါ်အောင်ဆန်းစုကြည် နိုင်ငံတော်အတိုင်ပင်ခံပုဂ္ဂိုလ်အနေနဲ့ ဝါရှင်တန် ကို ရောက် လာချိန်မှာတော့ မြန်မာ အမေရိကန်ဆက်ဆံရေး ဟာ လုံးဝနီးပါး ပုံမှန်ပြန်ဖြစ်နေပါပြီ။ သူ့ ရဲ့ ခရီးစဉ်အတွင်း ဒေါ်အောင်ဆန်းစုကြည် နဲ့ သမ္မတ အိုဘားမား တို့ဟာမြန်မာ အပေါ်မှာ ကျန်နေသေးတဲ့ ပိတ်ဆို့မှုအားလုံး ဖြေလျော့ကြောင်း ကြေငြာခဲ့ပါတယ်။

မြန်မာရဲ့ ထူးခြားတဲ့ ပေါ်လစီအပြောင်းအလဲ ကို နားလည်သဘောပေါက်ချင်ရင် ၂၀၀၀ပြည့်နှစ်များ အစောပိုင်းက စစ်တပ် ရဲ့ အတွင်းစည်းမှာ ဘာတွေဆွေးနွေးခဲ့ကြသလဲဆိုတာကို စေ့စေ့စပ်စပ် ကြည့်ခဲ့မယ်ဆိုရင် ပိုနားလည်သဘောပေါက်လွယ်ပါလိမ့်မယ်။ထိုကာလက နိုင်ငံတကာအသိုင်းအဝန်းက ပြစ်တင်ရှုတ်ချပြီး ဖယ်ကျဉ်ခံထိထားတဲ့ စစ်အစိုးရ ဟာ ၂၀၀၃ ဩဂုတ် မှာစည်းကမ်းပြည့်ဝသော ဒီမိုကရေစီစံနစ်သို့ သွားမယ့် အဆင့် ခုနစ်ဆင့်ပါတဲ့ လမ်းပြမြေပုံကို ကြေငြာခဲ့ပါတယ်။ ဒီ အစီအစဉ်အရ ဖွဲ့စည်းပုံအခြေခံဥပဒေ အသစ်ရေးဆွဲခြင်း၊အထွေထွေ ရွေးကောက်ပွဲကျင်းပခြင်း၊ လွှတ်တော်အစည်းအဝေးကျင်းပ ပြီးခေတ်မီဖွံဖြိုးတိုးတက်တဲ့  နိုင်ငံတော်သစ်ကြီး တည်ဆောက်ဖို့ တာဝန်လွှဲပြောင်းပေးရမယ့် နိုင်ငံခေါင်းဆောင်များ ကို ရွေးကောက်တင်မြှောက်မှာဖြစ်ပါတယ်။

လမ်းပြမြေပုံ ကိုတော့ လူသိရှင်ကြား ထုတ်ဖေါ်ပြောဆိုခဲ့ပေမယ့်၊ တချိန်တည်းမှာနိုင်ငံတကာအသိုင်းအဝန်း၊အထူးသဖြင့်အမေရိကန်ရယ်၊ ပြည်တွင်းအတိုက်အခံများရယ်ကို ဘယ်လိုကိုင်တွယ်ဆက်ဆံကြမလဲ ဆိုတဲ့လှို့  ဝှက် မဟာဗျူ ဟာအစီအစဉ် တစ်ခုကိုလည်း ဆွဲနေခဲ့ပါတယ်။ ဒီဗျူ ဟာကို ရေးဆွဲသူများဟာဘယ်သူလဲဆိုတာကိုတော့ မသိရပါဘူး။ ဒါပေမယ့် စစ်တပ်အတွင်းမှာတော့ နာမည်ကြီး စစ်တက္ကသိုလ် က သုတေသန အရာရှိ တစ်ယောက်လို့ သတ်မှတ်ကြတဲ့ ဒုဗိုလ်မှူးကြီး အောင်ကျော်လှ ဆိုသူ ရေးသားပြုစုတဲ့ စာတမ်းတစ်စောင်ကတော့ အစောပိုင်းကာလ၂၀၀၄ခုနှစ် ဩဂုတ်ကတည်းက ပြုစုပြီးစီး လို့ ပြန့်နှံနေပါပြီ။ ” တရုပ်လူ “ဒုတိယဗိုလ်ချုပ်ကြီးခင်ညွန့် မပြုတ်ခင် နှစ်လ လောက်အချိန်ကတည်းကပါ။

မြန်မာဘာသာ နဲ့ ရေးထားတဲ့ စာတမ်းကို ဤစာရေးသူ( ဘာတေးလစ်တနာ ) လက်ခံရရှိပြီး၊ လေ့လာ ဆန်းစစ်ကြည့်ပါတယ်။  ဒီ မဟာဗျူ ဟာ နောက်ကွယ် က အတွေးအခေါ်တွေ ၊ နည်းပရိယာယ်တွေကို အကြမ်းဖျင်းခွဲခြမ်းကြည့်ပါတယ်။ ဒါပေမယ့်”အောင်ကျော်လှ” ဆိုတာလူပုဂ္ဂိုလ် တစ်ဦးလား၊ စစ်တပ်အဖွဲ့အစည်း တခုက သုံးတဲ့  လှို့ဝှက်အမည်လား ဆိုတာတော့ မသဲကွဲပါဘူး။ ပုံပြင်ဆန်တဲ့ သဲလွန်စ တွေအရ ဆိုရင်တော့ ဒုတိယ အချက်ဖြစ်ဖို့များပါတယ်။

” မြန်မာ( ဗမာ ) – အမေရိကန် ဆက်ဆံရေး ” လို့ ခေါင်းစည်းတပ်ထားတဲ့ စာမျက်နှာ ၃၄၆မျက်နှာ ရှိတဲ့ စာမူတွဲကြီးရဲ့ အဓိက စာတမ်းကတော့ တရုပ် အပေါ် မြန်မာနိုင်ငံ က သံတမန်ရေးမဟာမိတ် နဲ့ စီးပွားရေး ဖောက်သည် အဖြစ် မကြာသေးမီက မှီခိုအားထားခဲ့ခြင်းဟာ မြန်မာရဲ့ လွတ်လပ်ရေး ကိုချိန်းခြောက်နေတဲ့ နိုင်ငံလုံးဆိုင်ရာ အရေးပေါ်အခြေအနေ ဆိုတာပါပဲ။ စာတမ်း ရဲ့ အလိုအရ မြန်မာ ဟာလမ်းပြမြေပုံအတိုင်းဖေါ်ဆောင်ပြီးလို့ အစိုးရတစ်ရပ်ရွေးချယ်ပြီးရင် အနောက်နိုင်ငံများနဲ့ ဆက်ဆံရေး ကို ပုံမှန်ဖြစ်အောင် လုပ်ရပါမယ်။ ဒါမှသာ တင်မြှောက်လိုက်တဲ့ အစိုးရဟာ ပြင်ပကမ္ဘာ က ပိုမို လက်ခံနိုင်တဲ့အခြေအနေများနဲ့လုပ်သာကိုင်သာရှိမှာ ဖြစ်တယ်။

အောင်ကျော်လှ ဆက်လက်ပြီး အတိုက်အခံလုပ်ပြောထားတာက လူ့အခွင့်အရေး ဟာ အနောက်နိုင်ငံများ အလေးထားပူပင်တဲ့ အကြောင်းအရာ ဖြစ်ပေမယ့် ၊ အမေရိကန်ကတော့ သူ့ရဲ့ ” မဟာဗျူ ဟာ အကျိုးစီးပွား” နဲ့ ယှဉ်ရင် သူ့ပေါ်လစီ ကို ပြောင်းဖို့ ဝန်မလေးဘူးဆိုတဲ့ အချက်ပါ။ စာတမ်းရေးသူ က ထို အကျိုးစီးပွား ဆိုတာ ဘာလဲလို့ တိတိကျကျရေးမထားပေမယ့်၊ သူ့ရဲ့ စာတမ်းအရ ထင်ရှားတဲ့ အချက်က တရုပ် နဲ့နှိုင်းယှဉ်ကြည့်ပြီး အမေရိကန်နဲ့ ဘုံ အကျိုးစီးပွားတူ ရပ်တည်နိုင်ရေးပါ။ စာရေးသူ က ဗီယက်နမ် နဲ့ အာဏာရှင်ဟောင်းဆူဟာတို လက်အောက်က အင်ဒိုနီးရှား ဥပမာတွေကိုပြပါတယ်။ အမေရိကန် ရဲ့ မဟာဗျူ ဟာ အကျိုးစီးပွား နဲ့ ချိန်ထိုးရင် ဒိမိုကရေစီရေး ကို မျက်ကွယ်ပြုတတ်တဲ့ အမေရိကန် နိုင်ငံခြားရေး ဝါဒ ရဲ့ ပြောင်းညွှတ်လွယ်မှု ကိုပါ။

အမေရိကန်ပြည်ထောင်စုနဲ့ နှစ်နိုင်ငံဆက်ဆံရေးများသာ တိုးတက်လာရင် မြန်မာဟာ သူအရမ်းလိုအပ်နေတဲ့ ဘဏ္ဍာငွေတွေကို  ကမ္ဘာ့ဘဏ်၊ နိုင်ငံတကာငွေကြေးရံပုံငွေအဖွဲ့ နဲ့ အခြားကမ္ဘာလုံးဆိုင်ရာ ဘဏ္ဍာရေး အဖွဲ့အစည်းများကနေ ရနိုင်လိမ့်မယ်လို့ စာတမ်း က သုံးသပ်ထားပါတယ်။ထိုအခါမှသာ အိမ်နီးချင်းနိုင်ငံများဖြစ်တဲ့  တရုပ် စတဲ့ နိုင်ငံများရဲ့ စိတ်ကောင်းရှိမှု နဲ့ ကုန်သွယ်မှု အပေါ်မှီခို အားထားနေရတဲ့ ” ဒေသတွင်းဝါဒ ” ကနေ မြန်မာ ရုန်းထွက်နိုင်ပြီး ဂလိုဘယ်လိုက်ဇေးရှင်း ခေတ်သစ်ထဲ ကို ဝင်နိုင်မှာ ဖြစ်တယ် လို့ ရေးထားပါတယ်။

မြန်မာ ဟာ တရုပ် အပေါ်မှီခိုအားထားမှုတွေကိုလျှော့နိုင်ပြီး၊  အနောက်ကမ္ဘာ ရဲ့ ယုံကြည်စိတ်ချရတဲ့ မဟာမိတ်ဖြစ်မလာခင်မှာ ဖြေရှင်းရမယ့် ပြသနာတွေရှိတယ်လို့ဒီ ဗျူ ဟာ အစီအစဉ် က  ရှင်းရှင်းလင်းလင်း ပြောထားပါတယ်။ ထိုစာတမ်းရေးခဲ့တဲ့ အချိန်က အဓိက အရေးအကြီးဆုံး အချက်က ဒိမိုကရေစီရေး လှုပ်ရှားမှုပြယုဂ် ဒေါ်အောင်ဆန်းစုကြည် ကို ထိန်းသိမ်းထားတဲ့ အချက်ပါပဲ။ အခရာ အကျဆုံး ဗဟိုချက်မ လို့ အောင်ကျော်လှ က ရေးခဲ့ပါတယ်။

” သူ(ဒေါ်အောင်ဆန်းစုကြည် ) ကို ထိန်းသိမ်းထားတဲ့ အခါတိုင်း ဖိအားက များလာလေ့ရှိပြီး၊ သူ့ ကို ထိန်းသိမ်း မထားတဲ့ အခါ ဖိအား က လျှော့သွားတတ်ပါတယ်။ ”

အစီရင်ခံစာ က စုကြည်ကို လွှတ်ပေးရင်အနောက်နဲ့ ဆက်ဆံရေး တိုးတက်လာလိမ့်မယ်လို့ သွယ်ဝိုက်ညွှန်းဆိုထားပေမယ့်၊ ဒီကြံစည်ချက် ရဲ့ အဆုံးသတ်ရည်မှန်းချက်ကတော့ အတိုက်အခံများကို “ချေမှုန်းပစ်ရေး” ပဲဖြစ်ပါတယ်။

စာတမ်း က သုံးသပ်ချက်ချထားတာကတော့ အစိုးရ ဟာ သတင်း မီဒီယာတွေ ပြည်ပရောက်မြန်မာများ ဖွဲ့စည်းထားတဲ့ အစိုးရမဟုတ်တဲ့ အရပ်ဘက်အဖွဲ့အစည်းတွေနဲ့ မပြိုင်နိုင်ပေမယ့် ၊ အမေရိကန် နိုင်ငံရေးသမားတွေ ဥပဒေပြု အမတ်တွေကို နိုင်ငံထဲကိုအလည်အပတ် ဖိတ်ခေါ်နိုင်ရင်၊ နိုင်ငံတကာရဲ့အမြင်ကို အစိုးရဘက်  အလေးသာအောင် ယိုင်နှဲ့ နိုင်တယ် လို့ ဆိုပါတယ်။ မကြာသေးမီက ပေါ်လစီပြောင်းချိန်အထိ နှစ်များ အတွင်းမှာ လွှတ်တော်အမတ်အချို့အပါအဝင် အမေရိကန်အတော်များများဟာ မြန်မာပြည်ကိုလာလည်ခဲ့ကြပြီး၊ သူတို့ရဲ့ အစိုးရအပေါ် ဝေဖန်မှု ဟာ ဟိုအရင်ကလောက် မပြင်းထန် ကြတော့ပါဘူး။ အဆုံးမှာတော့ မြန်မာစစ်ခေါင်းဆောင်များဟာ အမေရိကန်နဲ့ အတိုက်အခံလုပ်တာထက် စာရင်၊ ရင်းနှီးစွာ ဆက်ဆံရေးကို အောင်မြင်စွာ လုပ်ဆောင်သွားနိုင်ပုံရပါတယ်။

အကျိုးဆက်အနေနဲ့ အမေရိကန်နဲ့ ဆက်ဆံရေးဟာ လျင်မြန်စွာ တိုးတက်လာနေပါတယ်။ ၂၀၀၄ က အောင်ကျော်လှ အကြံပြုခဲ့တဲ့ လမ်းကြောင်းအတိုင် အတိအကျပါပဲ။ ကလင်တန် ၂၀၁၁ ဒီဇင်္ဘာ မှာ မြန်မာပြည်လာတုန်းက ဆွေးနွေးမယ့် အစီအစဉ်ထဲမှာ တရုပ်နဲ့ မြောက်ကိုရီးယား ကိစ္စ က ထိပ်ဆုံးမှာပါပါတယ်။ စိးပွားရေး နဲ့ စစ်ရေးမဟာဗျူ ဟာ ကိစ္စများ က သူတို့နောက်မှ လာပါတယ်။ လူ့ အခွင့်အရေး နဲ့ ဒီမိုကရေစီ ရေး များကတော့ အလေးထားမှု တဖြည်းဖြည်း လျော့နည်းလာပါတယ်။

ယနေ့မှာတော့ တချိန်က ရန်ဘက်ဟောင်းများဖြစ်ကြတဲ့ မြန်မာ နဲ့ အမေရိကန်ဟာ အရှေ့တောင်အာရှ အင်အားချိန်ခွင်လျှာ တိုက်ပွဲမှာ၊ အကျိုးစီးပွားတူတဲ့ ဘက်တဘက်ထဲ ကို ပိုတိုးရောက်ရှိလာပါပြီ။  အနာဂတ် တရုပ်မြန်မာ ဆက်ဆံရေးမှာ အကွဲအပြဲများသာမက၊ ရန်လိုမှုများပင်ဖြစ်လာနိုင်ဖို့ ကျိန်းသေ မျော်လင့် နိုင်ပါတယ်။  ဒါပေမယ့် ကြိုမသိနိုင်တဲ့ အချက်များကို ဖယ်ရှား လိုက်ရင်၊ အမေရိကန် နဲ့ အနောက်ခြမ်းဘယ်နိုင်ငံကမဆို မြန်မာ ကို ရှုတ်ချရမယ့် အထီးကျန်ထားရမယ့်အပစ်ပယ်ခံနိုင်ငံအဖြစ် ရှေ့လျောက် မြင်ကြတော့မှာ မဟုတ်ပါဘူး။

(ဆက်လက်ဖေါ်ပြပါမည်)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ဘာသာပြန်ကဏ္ဍ, မှတ်စုမှတ်တမ်း, အခန်းဆက်များ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ

By

 မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ (မိုးမခ) ဧပြီ ၂၊ ၂၀၁၇ ကမ္ဘာဟာအကြမ်းပညာနဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး ချမ်းမြ စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်