fbpx

ဖြိုးသီဟချို (Myanmar Now) ● မဘသအသွင်ပြောင်း ဗုဒ္ဓ ဓမ္မ ပရဟိတ ဖောင်ဒေးရှင်းဆိုသည်မှာ မဟနကို မလှိမ့်တစ်ပတ် လုပ်ခြင်းဟု သာသနာရေးဝန်ကြီးဆို

July 3, 2017

● မဘသအသွင်ပြောင်း ဗုဒ္ဓ ဓမ္မ ပရဟိတ ဖောင်ဒေးရှင်းဆိုသည်မှာ မဟနကို မလှိမ့်တစ်ပတ် လုပ်ခြင်းဟု သာသနာရေးဝန်ကြီးဆို
(မိုးမခ) ဇူလိုင် ၃၊ ၂၀၁၇

ရန်ကုန် (Myanmar Now) – အမျိုးဘာသာ သာသနာစောင့်ရှောက်ရေးအဖွဲ့ မဘသ ကို အသစ်ပြန်လည်ဖွဲ့စည်းလိုက်သည့် ဗုဒ္ဓ ဓမ္မ ပရဟိတ ဖောင်ဒေးရှင်းဆိုသည်မှာ နိုင်ငံတော် သံဃာမဟာနာယကအဖွဲ့ ညွန်ကြားချက်များကို မလိမ့်တစ်ပတ် လုပ်ထားသည့် အဖွဲ့အစည်းတစ်ခုသာဖြစ်ပြီး လိုအပ်လာပါက နိုင်ငံတော်သံဃမဟာနယကအဖွဲ့က အရေးယူဆောင်ရွက် သွားမည်ဖြစ်သည်ဟု သာသနာရေးနှင့်ယာဉ်ကျေးမှုဝန်ကြီး သူရဦးအောင်ကိုက ဇူလိုင်လ ၃ ရက်နေ့က ကျင်းပသည့် သတ္တ မအကြိမ် နိုင်ငံတော် သံဃမဟာနယက ၄၇ ပါး စုံညီ စုဒ္ဒသမ အစည်းအဝေးအပြီးတွင် ပြောကြားခဲ့သည်။

“တကယ်တော့ နိုင်ငံတော် သံဃမဟာနယကနာယက အဖွဲ့ကြီးက မဘသအဖွဲ့ကို ဖျက်သိမ်းလိုက်တာပါ။ မဘသအမည်နဲ့ ရဟန်းပုဂ္ဂိုလ်၊လူပုဂ္ဂိုလ် တစ်ဦးတစ်ယောက်ဖြစ်စေ အဖွဲ့လိုက်ဖြစ်စေ မည်သည့် လှုပ်ရှားမှုမျှ မလုပ်ရဆိုတာ ဖျက်သိမ်းလိုက် တာပါပဲ။ အဲဒီတော့ ဖျက်သိမ်းပါမယ်၊ ဆက်မလုပ်တော့ပါဘူးဆိုပြီးတော့ ဗုဒ္ဓဓမ္မ ပရဟိတ ဖောင်ဒေးရှင်းအမည်နဲ့ လူမှုရေး လုပ်ငန်းတွေ ဆက်လုပ်ပါမယ်ဆိုပြီးတော့ မဘသကနေပြီး ဗုဒ္ဓဓမ္မပရဟိတဆိုပြီးဖြစ်သွားတယ်” ဟု သူက Myanmar Now ကို ပြောကြားလိုက်သည်။

“ဒါတွေက နိုင်ငံတော် သံဃမဟာနာယက အဖွဲ့ရဲ့ ညွန်ကြားလွှာတွေအပေါ်မှာ မလိမ့်တစ်ပတ်လုပ်တာဖြစ်ပါတယ်။ ဒီအ တွက် နိုင်ငံတော် သံဃမဟာနာယက အဖွဲ့ကနေပြီးတော့ အခြေအနေစောင့်ကြည့်ပြီးတော့ လိုအပ်တဲ့ အရေးယူဆောင် ရွက်မှုများကို လိုအပ်တဲ့အချိန်မှာ လုပ်ဆောင်သွားမှာဖြစ်ပါတယ်” သာသနာရေးဝန်ကြီးက ပြောဆိုသည်။

အမျိုးဘာသာသာသနာစောင့်ရှောက်ရေးအဖွဲ့ မဘသအမည်ကိုဖျက်သိမ်းပြီး ဗုဒ္ဓဓမ္မပရဟိတ ဖောင်ဒေးရှင်း အမည်သုံးစွဲသွား ရန် မဘသဦးဆောင်ဆရာတော်များက ဆုံးဖြတ်ကြောင်း ကြေညာချက်ကို အင်းစိန်မြို့နယ် အောင်ဆန်းတောရ တပ်ဦး ကျောင်းတွင် မေလ ၂၇ ရက်နေ့နှင့် ၂၈ ရက်နေ့များတွင် ပြုလုပ်သည့် မဘသ ဗဟို အဖွဲ့ဝင်များကို အထူးအသိပေးရှင်းလင်းပွဲ တွင် ထုတ်ပြန်ခဲ့သည်။

ထို့ပြင် သာသနာရေးဝန်ကြီးက နိုင်ငံတော် သံဃမဟာနာယကအဖွဲ့မှာ မြန်မာနိုင်ငံ လူဦးရေ ၈ဝ ရာခိုင်နှုန်းကျော် ကိုးကွယ် သည့် ဘာသာကြီးတစ်ခု၏ ဦးဆောင်အဖွဲ့ အစည်းဖြစ်ပြီး ရဟန်းသံဃာပေါင်း ၅ သိန်းကျော်က ဒီမိုကရေစီ နည်းလမ်းကျ ရွေးချယ်တင်မြောက်ထားသည့် အဖွဲ့အစည်းလည်းဖြစ်သည်ဟု ပြောဆိုလိုက်သည်။

“ဘယ်အဖွဲ့ကမှ သူနဲ့သွားပြီး ပခုံးချင်းယှဉ်လို့ မရပါဘူး။ ကျန်တဲ့ အဖွဲ့စည်းတွေက တရားမဝင် အဖွဲ့အစည်းတွေဖြစ်ပါတယ်။ မဟနရဲ့ ဆုံးဖြတ်ချက် ညွန်ကြားချက်မှန်သမျှသည် မြန်မာနိုင်ငံသား သန်း ၅ဝ ကျော်ရဲ့ ၈ဝ ရာခိုင်နှုန်းကို ကိုယ်စားပြုတာ ကြောင့် မြန်မာနိုင်ငံတစ်ခုလုံးကို ကိုယ်စားပြုတယ်လို့ ပြောလို့ရပါတယ်” ဟု သူက ဆိုသည်။

“သူတို့ လှုပ်ရှားမှုကို ကြည့်ပြီးတော့ နောက်ပိုင်းမှ လိုအပ်တဲ့ အမိန့်ညွန်ကြားချက်တွေ ဆက်ပြီးမှ ထွက်နေဦးမှာကို စောင့်ကြည့်ပါတော့” ဟု သူက ဗုဒ္ဓဓမ္မပရဟိတ ဖောင်ဒေးရှင်းနှင့်ပတ်သက်ပြီး မှတ်ချက်ပြုသည်။

● ဆန္ဒပြမှုများ နောက်ကွယ်

ထို့ပြင် မကြာသေးမီက သာသာနာရေးဝန်ကြီး နုတ်ထွက်ရန် ဆန္ဒပြမှုများတောင်းဆိုမှုများ၏ နောက်ကွယ်တွင် ငွေကြေး အင်အား တောင့်တင်းသည့် အဖွဲ့အစည်းများနှင့် နိုင်ငံရေးပါတီတစ်ချို့ တည်ရှိနေပြီး ဆန္ဒပြမှုများမှာ ဒီမိုကရေစီ အစိုးရသစ် ကို ဦးတည် တိုက်ခိုက်နေသည့် နောက်ကြောင်းပြန်လိုသူများ၏ လုပ်ရပ်ဖြစ်သည်ဟု ဝေဖန်လိုက်သည်။

“ဒီဆန္ဒပြတဲ့ အဖွဲ့အစည်းတွေက အာဏာရှင်စနစ်ရဲ့ လက်ကိုင်တုတ်တွေဖြစ်တယ်။ အာဏာရှင်စနစ်ကို နောက်ပြန်လှည့်သွား ချင်တဲ့သူတွေရဲ့ လုပ်ဆောင်ချက်ဖြစ်ပါတယ်” ဟု သူက ရန်ကုန်နှင့်မန္တလေး မြို့များတွင် သာသနာရေးဝန်ကြီး နုတ်ထွက်ရန် ဆန္ဒပြတောင်းဆိုမှုများတွင် ပါဝင်သူများကို ပြင်းပြင်းထန်ထန် ဝေဖန်လိုက်သည်။

ဇွန်လ ၂၅ရက်နေ့တွင် ရန်ကုန်နှင့်မန္တလေးမြို့များတွင် ပြုလုပ်သည့် သာသနာရေးနှင့်ယဉ်ကျေးမှု ဝန်ကြီး သူရဦးအောင်ကိုကို ရာထူးမှ ဖယ်ရှားပေးရေး၊ ဘာသာရေးလူမျိုးရေးအဓိကရုဏ်းများဖြစ်ပေါ်စေရန် ဟောပြောသောကြောင့် တရားဟောခွင့် ပိတ်ပင်ခံထားရသူ မစိုးရိမ်ကျောင်းတိုက်မှ ဦးဝီရသူ တရားဟောခွင့်ပြန်ပေးရေးတို့အတွက် အမျိုးသားရေး တက်ကြွလှုပ်ရှား သူဟု သူတို့ကိုယ်သူတို့ပြောဆိုလေ့ရှိသူ ရဟန်းသံဃာများနှင့် လူပုဂ္ဂိုလ်အချို့က တောင်းဆိုခဲ့ကြသည်။

“သူတို့က သာသနာရေးနဲ့ယဉ်ကျေးမှုဝန်ကြီးကို ဦးတည်တိုက်ခိုက်နေတာ မဟုတ်ဘူး။ ဒီမိုကရေစီအစိုးရသစ်ကို ဦးတည် တိုက်ခိုက်နေတာပါ” ဟု သာသနာရေးဝန်ကြီးက ဆိုသည်။

=======

ဇူလိုင် ၃ ရက်နေ့တွင်ပြုလုပ်သော နိုင်ငံတော်သံဃမဟာနာယက စုံညီအစည်းအဝေးအပြီးတွင် တွေ့ရသော သာသနာရေးနှင့် ယဉ်ကျေးမှုဝန်ကြီး သူရဦးအောင်ကို (ဓာတ်ပုံ – ဖြိုးသီဟချို/Myanmar Now)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းပဒေသာ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)