မောင်အောင်မွန် – လမ်းထိပ်ကဘိုလင်မယား လာနေပြီ

July 23, 2017

 

မောင်အောင်မွန် – လမ်းထိပ်ကဘိုလင်မယား လာနေပြီ

(၀င်းအောင်ကြီး (မောင်အောင်မွန်) ဖေ့စ်ဘွတ်) မိုးမခ၊ ဇူလုိုင် ၂၃၊ ၂၀၁၇(၁)
ကျွန်တော်တို့လို ၀တ္ထုတိုရေးသမားများနှင့် စာဖတ်သူတို့ကြား ပေါင်းကူးတံတားသည် မဂ္ဂဇင်းများပါ။ အခြားသော ဆောင်းပါး၊ ကဗျာ၊ ကာတွန်းစသည်တို့ကြား အတူပါလာသော ၀တ္ထုတိုများကို ဖတ်ကြရသည်။ မာတိကာကြည့်ပြီးမှ မဂ္ဂဇင်းဝယ်ခြင်းမျိုး မဟုတ်၍လည်း ၀တ္ထုတိုသည် ပေါင်းကူးတံတားပေါ်ဝယ် မပီပြင်ဝိုးတ၀ါးဟု ကျွန်တော်ထင်ခဲ့၏။

သို့သော် ၀တ္ထုတိုသည် ကမ္ဘာ့သက်တန်းရင့် စာပေပုံစံမဟုတ်ပါလား။
မြန်မာပေသမိုင်း အစောပိုင်းမှာကတည်းက ၀တ္ထုတိုများရှိခဲ့သည်။ ဥပမာ၊ ဦးပုည၏ ၀တ္ထုတိုများ။ မင်းသုဝဏ်၏ ပြောင်မြောက်သေ ကဗျာများကြား ဘကြီးအောင်ညာတယ် ၀တ္ထုတို ထိုးဖောက်နေရာယူပုံကြည့်။ မြန်မာစာရေးဆရာကြီးငယ်တို့ကြား ၀တ္ထုတိုမရေးဖူးသူရယ်လို့ ခပ်ရှာရှား။ ထို့ကြောင့်ပဲ ဖြစ်ပါလိမ့်မည် မဂ္ဂဇင်းများက ၀တ္ထုတိုများ ထည့်သွင်းဖော်ပြပေးကြရပြီ။
(၂)
မကြာခဏရေးဖူးသည့်အတိုင်း ကျွန်တော်သည် စာဖတ်နာပြီးမှ စာရေးလာသူပါ။ ၀တ္ထုကို ပိုကြိုက်၍ ပိုဖတ်ဖြစ်၏။ လုံးချင်းစာအုပ်များဖတ်ဖို့ ကျောင်းစာတစ်ဖက်နှင့်မို့ အချိန်မပေးနိုင်၊၀တ္ထုတိုတစ်ပုဒ်လောက်တော့ အပြေးအလွှားဖတ်ဖြစ်လိုက်၏။ သည်လိုနှင့်ပင် အချိန်ရပြန်တော့လည်း ၀တ္ထုတိုများသာ ပိုဖတ်ဖြစ်လာ၏။ ဆရာကြီးများ၏ ပင်ကိုရေးဝတ္ထုတိုများသာမက ဘာသာပြန်ဆရာကြီးတို့ ကျေးဇူးကြောင့် ကမ္ဘာ့ဝတ္ထုများလည်း လက်လှမ်းမီလေပြီ။
၁၉၅၃ ခု၊ ရန်ကုန်တက္ကသိုလ်ရောက်လာတော့ မြန်မာစာကလွဲ၍ ကျန်ဘာသာရပ်အားလုံး အင်္ဂလိပ်လို သင်ကြားပို့ချသောကြောင့် အင်္ဂလိပ်ဘသာစကား မကျွမ်းလို့မဖြစ်၊အင်္ဂလိပ်ရုပ်ရှင်ကြည့် အင်္ဂလိပ်ဝတ္ထုဖတ်ပေါ့။ သည်လိုနှင့် အတန်းထဲတွင် သင်ရသော Arthur Conan Doyle ၏၀တ္ထုတိုများသည် ရွှေဥဒေါင်း၏ စုံထောက် မောင်စံရှားအဖြစ် ရင်းနှီးပြီးသားမို့ ပိုနားလည် ပိုအရသာခံလာသည်။
ထို့နောက် O. Henry ၏ အမေရိကန်ဝတ္ထုတိုများ၊ Anton Chekov ၏ရုရှဝတ္ထုတိုများ၊ Guy de Maumpassant ၏ ပြင်သစ်ဝတ္ထုတိုများ၊ အမေရိကန်စာရေးဆရာမကြီး Pearl S. Buck ကမူ တရုတ်၊ ဂျပန်၊ အိန္ဒိယ နောက်ခံဝတ္ထုတိုများ ရေးသားသောကြောင့် ဖတ်ရသည်မှာပိုလွယ် ပိုကြိုက်ဖြစ်ရသည်။
ထိုသို့ဖတ်နိုင်ရေး အကူအညီပေးသည့်သူတွေကလည်း ပေါပေသကိုး။
(၃)
၁၉၅၆ ခု၊ တွင် ပုံနှိပ်စာလုံးများအဖြစ် တွေ့မြင်လိုက်ရသော သိင်္ဂီရယ်မေ့ပါနိုင် သည် မောင်အောင်မွန် ပထမဆုံးရေးသည့် ၀တ္ထုတိုပါ။ ထို့နောက် တက္ကသိုလ်နယ်မြေထုတ် မဂ္ဂဇင်းစာစောင်များ၌ ၀တ္ထုတိုများဆက်၍ ရေးသားဖြစ်သည်။ ချစ်ဖူးတငုံ၊ ရွှေမင်းသားလေး၊ ဘာဘရာနီတွတ်၊ ဆက်စယ်၍မရပါ၊ မေသီတာ၊ ချွတ်ပွဲ၊ တက္ကသိုလ်မြေခြေချ စသည်တို့ရေးဖြစ်သည်။
ထိုအချိန်တွင် ကျနော်သည် ၀တ္ထုတိုအပုဒ် ရာပေါင်းများစွာ ဖတ်ဖူးနေပါပြီ။
စာတစ်လုံးဖတ်မိလျှင်ပင် ခေါင်းထဲပုံစံ တစ်ခုမဟုတ်တစ်ခုနှင့်ဝင်သွားပြီဟု ပညာရေးသုတေသီတို့က ဆိုကြရာ မောင်အောင်မွန် ၀တ္ထုတိုရေးဖြစ်ရန်၊ ရေးနိုင်ရန်၊ ရေးတတ်ရန် ဖတ်ခဲ့သော ၀တ္ထုတိုများမှတဆင့် ဆရာကြီးများက သင်ပေးလိုက်သည်ဟု ကျေးဇူးတင်စွာ တွေးမိပါ၏။ စာရေးချင်သူမို့ ၀တ္ထုတိုဖတ်လျှင် အတုခိုး လေ့လာနေမည်ကလည်း အသေအချာပါ။
တက္ကသိုလ်မှလှိုင်မင်းသမီးလေး ကိုအင်္ဂလိပ်ဘာသို့ ပြန်ဆိုသော ဦးဇော်မြင့်သိန်းက မောင်အောင်မွန်၏ ၀တ္ထုတိုများကိုကြည့်လျှင် ရုရှဆရာကြီး ချက်ကော့ဗ်၏ School of Thought အထင်အရှားမြင်ရသည်ဟု ဖော်ညွှန်းရေးသားဖူးပုံ မှတ်မိနေသေး၏။
ဟုတ်ပါလိမ့်မည်၊ Anton Chekov က ကျွန်တော်၏အကြိုက်ဆုံးကိုး။
(၄)
ဟိုမဂ္ဂဇင်းမှာပါ ဒီစာစောင်မှာရေးနှင့် ပြန့်နေသော ၀တ္ထုတိုများစုပြီး စာအုပ်ဖြစ်လာရေးကို စာရေးသူတိုင်း မျှော်လင့်ကြစမြဲပင်။ စဟေ့ဆိုကတည်းက စာရေးရာတွင် အဆင်ပြေခဲ့သူ ကံကောင်းပြန်ပြီ။ မောင်အောင်မွန် ကလောင်သက် ၁၀ နှစ်မပြည့်တတ်သေး၊ ရှုမ၀စာအုပ်တိုက်က ရူးတုန်းမိုက်တုန်းသည်အရွယ် နာမည်နှင့် ပင်ကိုရေးဝတ္ထုတို (၂၃) ပုဒ်ပါသည့်စာအုပ် ၁၉၆၆ ခု၊မေလ၌ထွက်လာသည်။
ရှုမ၀မဂ္ဂဇင်းပါ ၀တ္ထုတိုများသာမက တက္ကသိုလ်နယ်မြေ၀ယ် ကနဦး ရေးခဲ့သည်များ၊ သောတရှင်၊ မြ၀တီ၊ န၀ဒေး မဂ္ဂဇင်းတို့၌ ရေးခဲ့သော ၀တ္ထုတိုများကိုပါ စုံလင်ဝေဆာရန် ဦးကျော်က ရွေးချယ်စီစဉ်ပေးသည်။ ကျွန်တော်၏ ဆန္ဒသဘောထားကိုလည်းမေးသည်။ အေးအေးဆေးဆေး တိုင်ပင်ဆွေးနွေးခွင့်ရသည်။
တကယ်တော့ ထိုဆယ်နှစ်အတွင်း မောင်အောင်မွန် ရေးခဲ့သောဝတ္ထုတိုက သိပ်မများလှသေးပါ။
(၅)
ဤစာအုပ်အတွက် ပြင်ဆင်ချိန်တွင်မူ မောင်အောင်မွန် ၏၀တ္ထုတိုများက (၁၀၀) ကျော်နေပြီ။ ထိုထဲက အပုဒ်(၂၀) ရွေးထုတ်ဖို့မလွယ်၊ ခက်ခဲပါ၏။ ထို့ပြင် စာရေးသူနေထိုင်ရာ ဗာဂျီးနီးယားပြည်နယ်နှင့် ကိုယ်စားလှယ် ကိုဝင်းကိုကို၊ အယ်ဒီတာ ဦးရဲထွဋ်တို့ကြား မိုင်ထောင်ပေါင်း များစွာဝေးသည့်ကြား၊ ဆက်သွယ်ရေး မကြာခဏ ပြတ်တောက်၍ ပိုပြီးအလှမ်းကွာစေပြန်သည်။
ဖြည့်ရ ပြန်ပြင်ရ အသစ်စီစဉ်ရနှင့် နောက်ဆုံး ထုတ်ဝေသူ မခိုင်မာကပါ ချန်ခဲ့ရသော ၀တ္ထုတိုများလည်း နောက်စာအုပ်များ၌ ပါလာနိုင်ကြောင်း ရှင်းလင်းနားချတော့မှ စိတ်လျှော့သဘောတူလိုက်ရ၏။ တကယ်တော့ သူတို့သုံးယောက်က လက်တွေ့လုပ်ဆောင်ကြရသူတွေ– မောင်အောင်မွန်မှာက စိတ်ကူးမှတပါး အခြားမရှိ။
(၆)
မြန်မာဝတ္ထုတို နှစ်တစ်ရာပြည့်နှစ်တွင် လမ်းထိပ်ကဘိုလင်မယား စာအုပ်ထွက်လာပါပြီ။ အစစအရာရာ အဆင်ပြေပါလျှင်မူ နောက်ထပ်ဝတ္ထုတိုစု စာအုပ်များထွက်လာနိုင်ပါမည်။ ၀တ္ထုတိုရေးလာသည်မှာ နှစ် ၆၀ ကျော် မောင်အောင်မွန်၏ ၀တ္ထုတိုများ Online ပေါ်တွင်မဖော်ပြ၊ E book လည်းမထုတ်၊ မဂ္ဂဇင်းများလည်း ပြန်ရှာဖို့ခက်သမို့ ခုလိုစာအုပ်၌သာ ဖတ်နိုင်ကြပါမည်။
စာပေနှင့်ပတ်သက်လာလျှင် ကံကောင်းမြဲ မောင်အောင်မွန်၏ ကျန်ဝတ္ထုတိုများလည်းယခုကဲ့သို့ပင် စာအုပ်ဖြစ်လာပြီး ဆက်လက်ဖတ်ကြရမည်ဟု သူတို့သုံးဦးအား ကျေးဇူးတင်ရင်း စာဖတ်သူသို့ အစီရင်ခံလိုက်ရကြောင်းပါ။
မောင်အောင်မွန် ဗာဂျီးနီးယားပြည်နယ်
၂၀၁၇ ခု၊ ဇွန်လ (၁၆)ရက်နေ့။

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:၀င်းအောင်ကြီး, စာအုပ်စင်, ရသဆောင်းပါးစုံ, မောင်အောင်မွန်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ် ထွက်ပြီ

By

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်