ကျော်ကျော် (မြရည်စမ်း) ● အုတ်​နီရောင် ခပ်​ညံ့ညံ့ လက်​ဖက်​ရည်​များ

August 2, 2017

ကျော်ကျော် (မြရည်စမ်း) ● အုတ်​နီရောင် ခပ်​ညံ့ညံ့ လက်​ဖက်​ရည်​များ

(မိုးမခ) သြဂတ်စ် ၂၊ ၂ဝ၁၇

 

လမ်းထိပ်​လက်ဖက်​ရည်​ဆိုင်​​လေးသို့ ကျ​နော်​​ရောက်​သွား​သော​အခါ စားပွဲသုံးလေးဝိုင်းတွင်​ လက်ဖက်ရည်​​သောက်​သူများ ​ရောက်​​နေကြပြီဖြစ်​သည်​။ ပလာတာ၊ ထပ်​တရာ​ကြော်​သည့်​ တာဝါးဟု ခေါ်ကြ​သော သံပြားကြီးမှ​ညှော်​နံ့သည်​ ​မွှေးသည်​လား၊ နံသည်​လား ​ဝေခွဲရခက်​လှသည်​။ သို့​သော်​ ထိုအနံ့ကို ကျ​နော်​ မနက်​ခင်းတိုင်း ရှူရှိုက်​​နေရပါသည်​။

လွန်​ခဲ့​သော ကာလများကလည်း ထိုအနံ့ကို ရင်းနှီးကျွမ်းဝင်​စွာ ​နေ့စဉ်​နှင့်​အမျှ ရှူရှိုက်​ခဲ့ရဖူးသည်​။ ထိုစဉ်​က​တော့လက် ဖက်ရည်​​​ဆိုင်​က​လေးတဆိုင်​၏ ပိုင်​ရှင်​ဖြစ်​ခဲ့ဖူးသည်​။

ပိုင်​ရှင်​ဖြစ်​သည်​ဟုဆိုခြင်းမှာ ကြွားဝါလို​သော​ကြောင့်​ သုံးနှုန်းခြင်းမဟုတ်​ပါ။ မြို့နယ်​စည်​ပင်ဌာနမှ ​ခေါင်းစဉ်​အမျိုးမျိုးတပ်​၍ ​ကောက်​ခံ​သော အခွန်​​ပြေစာများ၊ ရပ်​ကွက်​လူကြီးများ၏ အလှူခံဖြတ်​ပိုင်းစာရွက်​များတွင်​ ဆိုင်​ပိုင်​ရှင်​အမည်​ဟူ၍ ရိုက် နှိပ်ထားေ​​သာ စာသားနှင့်​ ကျ​နော့်​နာမည်​အား ညီမျှခြင်းထိုးထား​သော​ကြောင့်​ ဆိုရခြင်းဖြစ်​ပါသည်​။ တနိုင်​တပိုင်​မျှသာ ​ရောင်းချ​သောဆိုင်​​လေးဖြစ်​၍ လက်ဖက်​​ရည်​​ဖျော်​ခြင်းမှစ၍ စားပွဲထိုးသည့်​ကိစ္စများ၊ အမှိုက်​ပစ်​၊ ပန်းကန်​​ဆေးသည့်​ ကိစ္စ များအဆုံး ကျ​နော်​ကိုယ်​တိုင်​ လုပ်​ကိုင်​ခဲ့ဖူးပါသည်​။

ဆယ်​စုနှစ်​တခုနီးနီး ထိုလုပ်ငန်းကိုလုပ်ကိုင်​​​​ကာ မိသားစုဝမ်း​ရေး ရှာ​ဖွေခဲ့​သော ကျ​နော့်​အဖို့ မနက်​လင်းလျှင်​ လက်ဖက်​​ရည်​​ကောင်း​ကောင်း​လေးတခွက်​ကို​တော့ ​သောက်​လိုက်​ရမှ ဘဝင်​ကျသည်​။ ကိုယ်​တိုင်​​ဖျော်​​ပြီးသောက်ရေ​သာ လက်ဖက်​​​ရည်​ကိုသာ စိတ်​တိုင်းကျသော်လည်း​​ ဖြစ်​ခြင်း ၊ပျက်​ခြင်းများဖြင့်​ သံသရာလည်​​နေ​သော ​လောကသဘာဝကို   အ​လေးအမြတ်​ပြု​သောအားဖြင့်​ စိတ်​တိုင်းကျခြင်း၊ မကျခြင်းများကို  အ​သေးအဖွဲကိစ္စရပ်​များထဲသို့ ထည့်​ထားလိုက်​သည်​မှာ ကြာပါပြီ။​​

ယခုအချိန်တွင် ​​ကျ​နော်လည်း လက်ဖက်ရည်မေ​​​​ရာင်း​တာကြာေ​လပြီ။ ​​​​​ကောင်းေ​ကာင်းဆိုးဆိုး ​လက်ဖက်​​ရည်​သည်​ လက် ဖက်​​ရည်​သာဖြစ်​၏ဟူ၍ သ​ဘောထားကာ ဝတ္တရား​ကျေ အာသာ​ပြေ​သောက်​​နေမိသည်​မှာ​တော့​ နေ့စဉ်​နှင့်​အမျှ။

လက်ဖ​က်​ရည်​​ကောင်း​ကောင်း​လေးတခွက်​​ဖျော်​ဖို့ကိစ္စသည်​  ဖုတ်​ပူမီးတိုက်​လုပ်​၍ မရစ​ကောင်းပင်​။  မည်​မျှ သန့်​ရှင်း​သော ကရားအိုးကြီးဖြစ်​လင့်​ကစား ညံ့ဖျင်း​သော အချို​ခြောက်​များထည့်​ပြီး ပွက်​ပွက်​မဆူ​သေး​သော ​ရေ​နွေးဖြင့်​  နှပ်​​သောနှပ်​ရည်​သည်​ အချိန်​မည်​မျှ​ပေး​ပေး စံချိန်​မီလာသည်​ မရှိ​တော့။ အ​ကောင်းဆုံးအကြံ​ပေးလိုသည်​မှာ ထိုအခါမျိုးတွင်​ စားသုံးသူကို ​လေးစား​သောအားဖြင့်​ နှပ်​ရည်​အသစ်​​ဖောက်​မည့်​အ​ကြောင်း ပွင့်​ပွင့်​လင်းလင်း ပြောပြပြီး မျက်​မြင်​တွင်​ သွန်​ချပစ်​ခြင်းမှာ အ​ကောင်းဆုံးလုပ်​​ဆောင်​မှုတခုဖြစ်​​ပေမည်​။ စားသုံးသူကို​​​တော့ ​အား​ပေးလာခဲ့ကြ​သော ​ကျေးဇူးတရားများကို အသိအမှတ်​ပြု​သောအားဖြင့်​ လက်​ဖက်​ရည်​​ကောင်း​ကောင်းတခွက်​ရရှိနိုင်​ရန်​ ​စောင့်​ဆိုင်းရမည့်​အချိန်​ကို ကြိုတင်​​ပြောထားရပါမည်​။ ကျ​နော့်​အ​တွေ့အကြုံအရ အစွန်း​ရောက်​အရွဲ့တိုက်​တတ်​သူများမှအပ လူ​တော်​​တော်​များများသည်​ ​ကောင်း​ကောင်း​သောက်​ရ မည်​ဆုိုပါလျှင်​ ​ကျေ​ကျေနပ်​နပ်​ပင်​ ​စောင့်​ဆိုင်း​ပေးတတ်​ကြပါသည်​။ ​ပြောထားသည့်​အချိန်​ကို လိုနည်းနည်း၊ ပိုနည်းနည်းဖြင့် လွဲ​ချော်​ခဲ့လျှင်​လည်း ကိစ္စမရှိ​သေး။ ​စောင့်​ဆိုင်းခဲ့ရပြီးသည့်​အတူတူ၊ အစွန်းထွက်​ စက္ကန့်​​လေးများအတွက်​ ​စောဒကမတက်​ကြရှာပါ။ အချိန်​အကြာကြီး​စောင့်​ဆိုင်းသည့်​တိုင်​ ​ပြောထားသလို လုပ်​မ​ပေးနိုင်​လျှင်​​တော့ စားသုံးသူ၏ ငြူစူအပြစ်​တင်​မှုကို ခံရ​ပေမည်​။ တကယ်​​တော့ ကတိမတည်​မှုအတွက်​ အပြစ်​တင်​စကားကို သည်းခံနိုင်​ရ​ပေမည်​။

လက်ဖက်​​ရည်​​ကောင်း​ကောင်းတခွက်​ဆိုသည်​မှာ ပန်းကန်​​လေး လှပသန့်​ရှင်း​နေရုံနှင့်​ ပြီးပြည့်​စုံသည်​ဟု ဆိုနိုင်​မည်​မထင်​။ ပန်းကန်​ဆိုသည်​မှာ လက်ဖက်​ရည်​ကို ထည့်​ထား၍သာ လက်ဖက်​ရည်​ပန်းကန်​ဖြစ်​​နေရသည်​။ ​ဆေးခါးကြီးများထည့်​ထားခဲ့ သည်​ရှိ​သော်​ ​ဆေးခါးကြီးပန်းကန်​လှလှ​လေးသာ ဖြစ်​​ပေမည်​။

လက်ဖက်​ရည်​​ဖျော်​ခြင်းသည်​ အနုပညာကိစ္စတရပ်​လည်း ဖြစ်​​နေနိုင်​​သေးသည်​။ လက်ဖက်​​ရည်​ခွက်​​လေးကို  လက်​ညှိုးနှင့်​ လက်​မအားကိုအသုံးပြု၍ ကိုင်းက​လေးမှ ကိုင်​လိုက်​မည်​။ လက်​ခလယ်​​လေးသည်​ ကိုင်းက​လေးကိုပင့်​ထား​သေးသည်​။ ညာဘက်​လက်​သည်​ နို့ဆီမှုတ်​ဖြင့်​ နို့ဆီကို ​ကော်​ခပ်​လိုက်​မည်​။ ဘယ်​ဘက်​လက်​တွင်​ပါလာ​သော လက်ဖက်​​​​ရည်​ခွက်​​လေး ထဲသို့ နို့ဆီများကို ဆတ်​ခနဲထည့်​လိုက်​မည်​။ ထိုအခိုက်​ ဘယ်​နှင့်​ညာ လက်​​ကောက်​ဝတ်​နှစ်​ခုစလုံးသည်​ ဟန်​ချက်​ညီစွာ ကစားသွားကြပါသည်​။ တဖက်​ဖက်​ ဟန်​ချက်​ပျက်​ခဲ့​သော်​ လက်ဖက်​ရည်​ပန်းကန်​​လေးပင်​ ​ပေပွသွားနိုင်​​သေးသည်​။ ဘယ်​ညာပြိုင်​တူ​လောင်းထည့်​လိုက်​​သော နို့စိမ်းနှင့်​ နှပ်​ရည်​သည်​  လက်ဖက်​​ရည်​တခွက်​၏ ​ကောင်းခြင်း၊ သင့်​ခြင်းနှင့်​ ညံ့ဖျင်း ခြင်းတို့ကိုဖြစ်​​ပေါ်​စေ​သော အ​ကြောင်းအရာများစွာထဲမှ တခုအပါအဝင်​လည်း ဖြစ်​​နေနိုင်​​သေးသည်​။ စိတ်​ကူးယဉ်​လွန်း သည်​ပဲဆိုဆို  လက်ဖက်​ရည်​တခွက်​​ဖျော်​ရခြင်းကို​ ပန်းချီကား​လေးတချပ်​​ရေးရသလို၊ ကဗျာ​လေးတပုဒ်​​ရေးရသလို  ထင်​မိခဲ့ ဖူးသည်​။

‘လက်ဖက်​​​ကောင်းစားချင်​လျှင်​ ပ​လောင်​​တောင်​တက်​​နှေးရသည်​’ ဟူ​သောစကားပုံကို ငယ်​စဉ်​ထဲက သင်​ကြားခဲ့ရဖူးပါ သည်​။ သို့​သော်​  ကျ​နော်​​အသုံးပြုခဲ့​သော လက်ဖက်​​ခြောက်​များအ​ကြောင်းကို ကိုယ်​စားလှယ်​ထံ စပ်​စုမိ​လေတိုင်း တရုတ်​ပြည်​မှ ပီနန်အိတ်ကြီးများဖြင့်​​​လာ​သော လက်ဖက်​​ခြောက်​များကို  ပြင်​ဆင်​ထုပ်​ပိုးပြီး တံဆိပ်​ကပ်​ထား​ကြောင်းသာ သူ့ထံမှ အ​ဖြေရ၏။ သူ၏ အ​ဖြေသည်​ ​သေ​သေချာချာ ​တွေး​တောကြည့်​ပါက ရာနှုန်းပြည့်​နီးပါး မှန်​ကန်​လိမ့်​မည်​ ထင်​ပါ၏။ ပ​လောင်​​တောင်​သူများ၏ လက်ဖက်​​စိုက်​ခင်းများသည်​ တိုးတက်​လာသည်​လား၊ ဆုတ်​ယုတ်​သွားပြီလားဆိုသည်​ကို မျက်​မြင်​ကိုယ်​​တွေ့ပင်​ သွားကြည့်​ချင်​လှပါသည်​။ သို့​သော်​ အသွားမ​တော်​တလှမ်း၊ အစားမ​တော်​တလုတ်​ဟူသည့်​ ​ရှေးရိုးစွဲစကားပုံသည်​ ယ​နေ့တိုင်​ ဒက်​ထိမှန်​ကန်​​နေသဖြင့်​ အ​ဝေးခရီးကိုဖြင့်​ မလှမ်းဝံ့ပါ။ တရုတ်​ပြည်​မှ ဝင်​​ရောက်​လာ​သော အချို​ခြောက်​များ၏ ဝင်းပ​နေသည့်​ အ​ရောင်​ရဲရဲကိုသာ အားကိုး​နေခဲ့ရဖူးသည်​။ အ​ရောင်​သည်​ ကျ​နော့်​လက်ဖက်​​ရည်​ဆိုင်​​လေးတွင်​ ပါဝါတခုအ​နေဖြင့်​  မားမားမတ်​မတ်​ရပ်​ပြီး အချိန်​ကာလတခုအထိ အ​ထောက်​အပံ့​ပေးခဲ့ဖူးသည်​။

လက်ဖက်​​ရည်​အ​ရောင်​လှလှကို တပ်​မက်​သူများနှင့်​လည်း ဆုံခဲ့ ကြုံခဲ့ရဖူးသည်​။ သူတို့သည်​ အဖန်​ဓာတ်​၏ အနှစ်​အရသာ ကို မသိကြ။ အ​ရောင်​ကိုသာ ကြည့်​ကြသည်​။ နီရဲသည့်​ဖက်​သို့လု​နေ​သော အဖန်​ရည်​​ရောင်​ကိုမှ ပိုမိုနှစ်​သက်​ကြသည်​။ လျှာဖြင့်​အရသာမခံဘဲ မျက်​စိဖြင့်​သာ အရသာခံကြသည်​လား မ​ပြောတတ်​ပါ။ တချို့ဆိုလျှင်​ ​အောက်​ခံပန်းကန်​ပြား​လေး ထဲသို့ အဖန်​ရည်​ကို ငှဲ့ပြီး လက်​ညှိုးဖျား​လေးနှင့်​ တို့ထိကြည့်​​သေးသည်​။ ပန်း​ကန်​ပြားဖြူဖြူ​ပေါ် အဖန်​ရည်​​ရောင်​ထင်းထင်း​လေးစွန်းကျန်​မှ ​ကျေနပ်​ကြသည်​။

အနှစ်​သာရ မပါဝင်​​သော ထိုအ​ရောင်​သည်​ လုပ်​ကြံဖန်​တီးထား​သောအရာမှန်း သူတို့မသိကြ။ ​ရေရှည်​တွင်​ ​ဘေးဥပါဒ်​ ​ပေးမည့်​အရာမှန်း သူတို့မစဉ်းစားမိကြ။

ထိုနှပ်​ရည်​အနီရဲကို ​နေ့စဉ်​အသုံးပြုရ​သောအခါ ကျ​နော့်​လက်​သည်း​လေးများ၌ပင်​ အ​ရောင်​များစွဲထင်​ခဲ့ဖူးသည်​။ အင်္ကျီဖြူ တွင်​ စွန်းကွက်​​သော​ကြောင့်​ အစွန်းချွတ်​​ဆေးနှင့်​ ခွာချရ​သော အကြိမ်​အဖန်​များလည်း မနည်းလှ။ ထိုသို့​သောကိစ္စရပ်​များ​ကြောင့်​ စားသုံးသူအ​ပေါ်စာနာစိတ်​ဝင်​ပြီး  သဘာဝစစ်​စစ်​အချို​ခြောက်​ကို အသုံးပြုခဲ့ရသည်​။ အသုံးပြုခဲ့သည်​ဆိုခြင်း၌ ကံ အလျဉ်းသင့်​ကာ အသုံးပြုခွင့်​ရခဲ့ခြင်းလည်း ဖြစ်​ပါသည်​။

တခု​သောမနက်​ခင်းတွင်​ တိုင်းရင်းသားဝတ်​စုံများဆင်​မြန်းထားကြ​သော ပ​လောင်​အမျိုးသမီးတစု၊ ပလိုင်းများဖြင့်​ ကျ​နော့် လက်ဖက်​​ရည်​ဆိုင်​​လေးထဲ ဝင်​​ရောက်​လာကြကာ သူတို့ထံပါလာ​သော လက်ဖက်​​ခြောက်​များဝယ်​ရန်​ စပ်​ဟပ်​ကြသည်​။ လက်​ဟန်​၊ ခြေဟန်​ဖြင့်​ စကား​ပြောကြသည်​။ ​ဈေးနှုန်းကို​တော့ ဂဏန်း​ပေါင်းစက်​​လေး နှိပ်​ပြရှာသည်​။ သူတို့ထံတွင်​ပါလာ​သော အချို​ခြောက်​များကို စမ်းသပ်​စစ်​​ဆေးကြည့်​ပြီး ဝယ်​ယူထားဖို့ ဆုံးဖြတ်​လိုက်​သည်​။ ဧည့်​ဝတ်​ပြုရန်​အတွက်​ သူတို့ကို လက်ဖက်​ရည်​တိုက်​ရာ သူတို့မ​​သောက်​ကြ။ ရဲရဲနီ​နေ​သော လက်ဖက်​​ရည်​​ရောင်​ကို သူတို့​ကြောက်​​နေကြပုံမှာ အထင်း သားကြီး​ပေါ်​နေ၏။ သူတို့​ဒေသတွင်​ အ​ရောင်းအဝယ်​ ​ကောင်းသလားဟု လက်​ဟန်​ပြ၍ ကျ​နော်​​မေး​လေ​သောအခါ၌လည်း သူတို့​ရှေ့မှ လက်ဖက်​ရည်​ခွက်​ကိုသာ ​မေး​ငေါ့ပြကြသည်​။ ခွက်​​လေးထဲမှ လက်ဖက်​ရည်​တစက်​၊ နှစ်​စက်​ကို လက်​ညှိုးနှင့်​ တို့ပြပြီး ​ကြောက်​လန့်​သည့်​ဟန်​ လုပ်​ပြကြသည်​။ ဘာကို​ကြောက်​ကြသနည်းဟူ၍ ​တွေးမရ။ လက်​ညှိုးထိပ်​ဖျား​လေးများ နီရဲ​နေသည်​ကိုသာ ကျ​နော်​ကြည့်​​နေမိသည်​။

လက်​ဟန်​​ခြေဟန်​ပြပြီး စကား​ပြောဆိုကြသည့်​ နည်းစနစ်​သည်​ နှစ်​ဦး နှစ်​ဘက်​အတွက်​ သိပ်​အခက်​ကြီး​တော့ မဟုတ်​လှပါ။ အချိန်​တိုအတွင်းပင်​ သူတို့မိသားစုဘဝများကိုပါ သိခဲ့ရသည်​။ သူတို့သည်​ မုဆိုးမများသာ ဖြစ်​ကြသည်​။ သူတို့၏ ခင်​ပွန်း သည်​များဖြစ်​ကြ​သော အိမ်​​ထောင်​ဦးစီးများသည်​ ယုံကြည်​ရာလုပ်​​ဆောင်​ကြရင်း အချိန်​မတိုင်​မီ ​လေသရမ်း​ကြောင့်​ ငြိမ်း ရရှာ​သော ဆီမီးတိုင်​​လေး ဟုတ်​ခနဲငြိမ်းသလို၊ ဖြုတ်​ခနဲ​ကြွေသွားခဲ့ကြသည့်​အ​ကြောင်းကိုပါ စိတ်​မ​ကောင်းစရာ​နောက်​ဆက်​တွဲဇာတ်​လမ်းအဖြစ်​ သိခဲ့ရ​သေးသည်​။

ပ​လောင်​အမျိုးသမီးများထံမှ ဝယ်​ယူထား​သော လက်ဖက်​​ရည်​အချို​ခြောက်​များသည်​ အဆင်းအားဖြင့်​ ရဲရဲမနီ၊ အ​ရောင်​မလှ​သော်​လည်း သဘာဝအရသာကို​တော့ အပြည့်​အဝ​ပေးသည်​ဟု ကျ​နော်​ယုံကြည်​ပါသည်​။ လက်ဖက်​ရည်​ဆိုင်​လုပ်​ငန်း ရပ်​နားသည့်​အချိန်​အထိ ထိုအချို​ခြောက်​ကို စွဲစွဲမြဲမြဲ သုံးခဲ့ဖူးသည့်​အပြင်​၊ သူတို့နှင့်​​တွေ့ပြီးမှ စိတ်​ကူးရ၍ ကျ​နော်​နှစ်​သက်​​သော ကဗျာဆရာ ​မောင်​​လေး​အောင်​၏ ကဗျာ​လေးတပုဒ်​ကိုပါ ဆိုင်​နံရံတွင်​ ​ရေးထားခဲ့ဖူး​သေးသည်​။

အင်္ဂလိပ်​ဘာသာစကားဖြင့်​ ကာလာဟု​ခေါ်ဆို​သော အ​ရောင်​သည်​ ​နေရာတကာတွင်​ အ​ရေးပါအရာ​ရောက်​သည်​ အဓိက ကျသည်​ဆိုငြားအံ့ ကျ​နော့်​အတွက်​​တော့ မဖြစ်​နိုင်​ပါ။ လက်ဖ​က်​ရည်​ဆိုလျှင်​ အ​ရောင်​လှလှမှ နီနီရဲရဲ​လေးမှ ​ကောင်းသည်​ဆိုငြားအံ့၊ ကျ​နော်​က​တော့ ငြင်းမိမည်​။ လက်ဖ​က်​ရည်​ကို မျက်​စိဖြင့်​​သောက်​​သောကာလများကို ကျော်​လွန်​ဖြတ်​သန်း ခဲ့ပြီးပါပြီ။ သူ၏ အရသာစစ်​စစ်​ကို လျှာဖျား​လေးဖြင့်​ အရသာခံကာ နှလုံးသားဖြင့်​​သောက်​မှသာ သိနိုင်​မည်​ဟု ယုံကြည်​ထား သည်​။ ထို​နီနီရဲရဲကာလာကို   ဆွဲ​ဆောင်မှုတခုအဖြစ်​အသုံးချကာ လူသူပရိတ်​သတ်​ကို အတင်းကြိုက်​ခိုင်းလျှင်​ဖြင့်​ လူပြိန်း များသာ ​သောက်​ကြမည်​။ ကျ​နော်​အ​နေဖြင့်​မူ အတင်းတိုက်​လျှင်​ပင်​ ငြင်းဆန်​မိ​ပေမည်​။  အမှန်​စင်​စစ်​​သောက်​သုံးမည့်​သူ များ၊ အနှစ်​သာရစစ်​စစ်​ကို လိုချင်​သူများအတွက်​ အနီရဲရဲကာလာသည်​ ပါဝါတခုမဖြစ်​နိုင်​ပါ။

တကယ်​​တော့လည်း တခြား​သောအရာများတွင်​ နီရဲခြင်းသည်​ အပြင်​ပန်း၊ အ​ပေါ်ယံသာ အ​ရေးပါအရာ​ရောက်​​ပေလိမ့်​မည်​။ လူသားနှင့်​သက်​ရှိသတ္တဝါများအတွက်​ အ​ရေးကြီးသည်​မှာ ​သွေးသည်​ ​သွေးပီသစွာ ရဲရဲနီ​နေရန်​သာ အ​ရေးကြီးလိမ့်​မည်​ဟု ကျ​နော်​ထင်​ပါသည်​။

အလယ်​တန်း​ကျောင်းသားဘဝ၊ အထက်​တန်း​ကျောင်းသားဘဝများတွင်​၊ နှစ်​စဉ်​ ဇန္နဝါရီနှင့်​​ ဖေ​ဖော်​ဝါရီလများ၌ ​ကျောင်း တွင်းစာစီစာကုံးပြိုင်​ပွဲ ကျင်းပ​လေ့ရှိရာ ကျ​နော်​တို့ ဖြေဆိုရ​သော ခေါင်းစဉ်​မှာ၊ အ​ပြောင်းအလဲသိပ်​မရှိလှ။ “အ​ခြေခံဥပ​ဒေ သည်​ ​သွေး၊ လွတ်​လပ်​​ရေးသည်​ အသက်​” ဟူ၏။ မှန်​ရာဝန်​ခံရလျှင်​ အလယ်​တန်း​ကျောင်းသားဘဝတွင်​​တော့ ​နေ့ထူး​နေ့ မြတ်​ အထိမ်းအမှတ်​စာစီစာကုံးပြိုင်​ပွဲများတွင်​ ကျက်​​ဖြေသည်​သာများ​၏။

အထက်​တန်း​ကျောင်းသားဘဝတွင်​​တော့ အနည်းငယ်​စဉ်းစားမိသည်​မှာ “အ​ခြေခံဥပ​ဒေသည်​​ သွေး၊ လွတ်​လပ်​​ရေးသည်​အသက်​” ဟူသည့်​ နှစ်​စဉ်​​နှစ်​တိုင်း ပြိုင်​ပွဲဝင်​ခိုင်း​သော ​ခေါင်းစဉ်​အ​ကြောင်းပင်​ဖြစ်​​လေသည်​။ အင်္ဂလိပ်​စာ သင်​ခန်းစာတွင်​လည်း ​သွေးလှည့်​ပတ်​ပုံအ​ကြောင်းကို အ​ခြေခံအားဖြင့်​ သင်​ကြားရ​သေးရာ ​ဆက်​စပ်​​တွေး​တောစရာများ ရှိလာပါသည်​။ နှိုင်း ယှဉ်​စရာများကို မြင်​တတ်​လာပါသည်​။

ရဲရဲ​တွေးပြီး၊ ရဲရဲမြင်​တတ်​ကြ​သော်​လည်း ရဲရဲ​တော့ မဆိုသာခဲ့ကြပါ။ သွေးလွှတ်​​ကြော၊​ သွေးပြန်​​ကြောများသာမက နှလုံး သားကိုပင်​ ဒုက္ခအ​ပေးခံထားရ​သော ဖြူ​ဖျော့နုံး​ချည့်​​နေသည့်​ နာတာရှည်​လူမမာတ​ယောက်​၏ အသက်​ရှင်​မှုအ​နေအထားကို​​တော့ဖြင့်​ တီးတိုး​ပြောဆိုခဲ့ကြဖူးပါသည်​။ Assembly ပြုလုပ်​သည့်​ တနင်္လာ​နေ့များတွင်​ ​ကျောင်းအုပ်​ဆရာကြီးမိန့်​ကြားသည့် မကြားတချက်​၊ ကြားတချက်​သာဖြစ်​​သော မိန့်​ခွန်းများကို ဟုတ်​ပါတယ်​ဗျ။ မှန်​ပါတယ်​ခင်​ဗျ။ ခေါင်းညိတ်​နာခံရင်းဖြင့့်သာ ​အေးချမ်းစွာ ​ကျော်​ဖြတ်​ရပါသည်​။ တန်းဖြုတ်​ကာနီးတွင်​ ​ကျောင်းသား​ခေါင်း​ဆောင်​မှ တိုင်​​ပေးသည့်​ ​လေးချက်​၊ ငါးချက်​ခန့်​ ရှိမည်​ထင်​​သော သစ္စာအဓိဌာန်​ဟူ၍ ​ခေါင်းစဉ်​​တပ်​ထား​သော အချက်​တို့ကို လိုက်​ဆိုကြရပါသည်​။ ထို့​နောက်​ စာစီစာကုံးဆုရ သည့်​ သူငယ်​ချင်းများကို လက်​ခုပ်​သြဘာ​ပေးပြီး ​ကျောင်းစိမ်းပုဆိုး အ​ရောင်​မွဲမွဲ​လေးများကိုယ်​စီနှင့်​ စာသင်​ခန်းသို့ ​အေးချမ်း စွာပြန်​ခဲ့ကြရပါသည်​။

ကျ​နော့်​အ​တွေးများ ဟိုတစသည်​တစ လွှင့်​​မျော​နေချိန်​တွင်​ စားပွဲထိုးက​လေးငယ်​မှ လက်​ဖက်​ရည်​ခွက်​​လေး လာချသည်​။ ကျ​နော်​အံ့သြတကြီးဖြစ်​ခဲ့ရပြီ။ ​ကြွေရည်​သုတ်​ လက်​ဖက်​ရည်​ပန်းကန်​လှလှ​လေးထဲမှာ နီနီရဲရဲလက်​ဖက်​ရည်​များ။ ခွက်​က​လေးကိုမပြီး   နှုတ်​ခမ်းဝကပ်​ကာ လျှာဖျားစွတ်​ရုံမြည်းစမ်းမိသည်​။ ထို့​နောက်​ အသာအယာပြန်​ချထားလိုက်​သည်​။ ​ပြောင်း လဲသွားပုံသည်​ လျင်​​မြန်​လွန်းသဖြင့်​ မယုံကြည်​နိုင်​စွာဖြင့်​ ဆိုင်​ရှင်​ဖြစ်​သူကို လှမ်းကြည့်​မိသည်​။ သူသည်​ ကျ​နော့်​ကို တည့်​ တည့်​ကြီးထိုင်​​နေပါ​သော်​လည်း မြင်​ဟန်​မတူ။ လူတစုနှင့်​သာ အားပါးတရစကား​ပြော​နေသည်​။ ထိုလူများသည်​ လက်​ဖက်​ရည်​နှစ်​ခြိုက်​သူများ မဖြစ်​နိုင်​ပါ။ မနက်​​စော​စောစီးစီး ဖြစ်​လင့်​ကစား သူတို့​ရှေ့၌ ဘလက်​​ကော်​ဖီခွက်​များချထားကြသည်​။

ထိုလက်​ဖက်​ရည်​ကို ကျ​နော်​မ​သောက်​​တော့ဘဲ ပိုက်​ဆံရှင်းကာ ထပြန်​လာခဲ့သည်​။ ဆိုင်​ရှင်​ဖြစ်​သူ၏ အ​ပြောတမျိုး၊ အလုပ်​တမျိုးစကားကို ဆန္ဒပြသည့်​အ​နေအထားမျိုးဖြစ်​သွား​သော်​လည်း မတတ်​နိုင်​​တော့။ သူသည်​ ဆိုင်​ဖွင့့်စက ​ဆေးဆိုးလက်​ဖက်​​ခြောက်​များကို ၎င်းတို့၏ အန္တရာယ်​​ကြောင့်​ ဘယ်​​သောအခါမှမသုံးပါဟု ကတိစကား​ပြောခဲ့ဖူးသည်​။ ကျ​နော်​ကလည်း နှစ်​ရှည်​လများ လက်​ဖက်​ရည်​ဆိုင်​ဖွင့်​ခဲ့ဖူးသူဖြစ်​​သော​ကြောင့်​ တတ်​သိသမျှ ဗဟုသုတ​လေးများကို  ​စေတနာအပြည့်​ဖြင့်​ ​ပြောပြခဲ့ဖူးသည်​။ နှပ်​ရည်​မ​ဖောက်​ခင်​ ကရားအိုးကြီးကို မီးအပူ​ပေးရပုံမှအစပြု၍၊ အချို​ခြောက်​က​လေးများ လွတ်​လပ်​စွာ ​ပြေးလွှားနိုင်​​စေရန်​ အိုးထဲသို့ ကျစစ်​အိတ်​မသုံးပဲ ထည့်​ရန်​၊ ထို့​နောက်​မှ အနီးအနားမှာ အရှိန်​ပြင်းပြင်းနှင့်​ ဆူပွက်​​နေ​သော ​ရေ​နွေးကို အချိန်​မဆိုင်းဘဲ ​လောင်းထည့်​ရန်​ကိစ္စမျိုးအထိ ​အ​သေးစိတ်​ကာ ​ပြောပြခဲ့ခြင်း ဖြစ်​ပါသည်​။

ကိုးတန်း၊ ဆယ်​တန်း​ကျောင်းသားဘဝက ​ကျောင်းမှ​ကျောင်းအုပ်​ကြီးအပါအဝင်​ ဆရာ၊ ဆရာမများ ​ပြောသမျှ ဆိုသမျှတို့ကို မှားသည်​ဖြစ်​​စေ မှန်​သည်​ဖြစ်​​စေ ညာဝါးဖြန်းသန်းကာ အလိုလိုက်​အကြိုက်​​ဆောင်​ခဲ့ရ​သော်​လည်း ​အချိန်​ကာလ​ရွေ့လျား ခြင်းနှင့်​အတူ ​ခေတ်​သည်​လည်း ​ပြောင်းလဲ​နေခဲ့ပြီ။ ဟိုး.. ကျ​နော်​ ကိုးတန်း၊ ဆယ်​တန်းဘဝက အစိုးရကိုဖြစ်​​စေ၊ အုပ်​ချုပ်​​နေသူလူတန်းစားများကိုဖြစ်​​စေ ​ဝေဖန်​အပြစ်​တင်​၍ မရ​သော​ခေတ်​။ ​ဝေဖန်​အပြစ်​​ပြောမိပါက မိသားစုလိုက်​ အနှိပ်​ကွပ်​ခံ​ရ​သော အ​မှောင်​​ခေတ်​။ ယခုမူ လင်းလာပြီဟု တချို့ကဆိုကြသည့်​ ပွင့်​လင်းမြင်​သာ​သော ဒီမိုက​ရေစီအစိုးရ​ခေတ်​။ အချို့က​တော့ မင်းလိုလိုက်​၊ မင်းကြိုက်​​ဆောင်​ခြင်းသည်​ ​ဆွေစဉ်​မျိုးဆက်​ ​ဘေးဥပါဒ်​ကင်းပသည်​ဟူ​သော ​ရှေးရိုးစွဲဖြစ်​သည့်​ အာဏာ ရှင်​​ခေတ်​က ထုံးကို နှလုံးမူထားကြဆဲပင်​ဖြစ်​၏။ သူတို့အသိတရားသည်​လည်း မှားသည်​ဟု မဆိုသာ။ ထို​ခေတ်​အခါက လူ တို့၏ ​မွေးရာပါအခွင့်​အ​ရေးဖြစ်​​သော လွတ်​လပ်​စွာ​ပြောဆိုခွင့်​၊ လွတ်​လပ်​စွာ​ရေးသားခွင့်​ အပါအဝင်​ ကိုယ်​၊ စိတ်​၊ နှလုံး၊ သုံးပါးစလုံးကို အကျဉ်းချခြင်းခံခဲ့ရသည်​။ ထို့​ကြောင့်​ မင်းအလိုလိုက်​၍၊ မင်းအကြိုက်​​ဆောင်​ခြင်းပညာရပ်​ကို ​ဆွေစဉ်​မျိုး ဆက်​ လက်​ဆင့်​ကမ်းသယ်​​ဆောင်​လာကြခြင်းသာ ဖြစ်​ချိမ့်​မည်​။ ယခု​ခေတ်​ကာလသည်​ကား   ပြည်​သူတို့တင်​​မြှောက်​ထား​ သော ဒီမိုက​ရေစီအစိုးရ ခေတ်​ဖြစ်​သည်​။ ဒီမိုက​ရေစီ၏ အနှစ်​သာရပြည့်​ဝ​အောင်​​တော့ ကျ​နော်​တို့​ဖော်​​ဆောင်​​ပေးရမည်​ဖြစ်​သည်​။

လက်​ဖက်​ရည်​ဆိုင်​က​လေးမှ အိမ်​သို့ပြန်​လာရာ လမ်းတ​လျှောက်​လုံးတွင် ကျ​နော့်​အ​တွေးများ လူးလွန့်​​နေကြပုံမှာ ​ပြောပင်​မပြတတ်​​တော့။ ​နောက်​တ​နေ့ဖြစ်​​သော မနက်​ဖြန်​တွင်​လည်း ထိုလက်​ဖက်​ရည်​ဆိုင်​က​လေးသို့သွားကာ  လက်​ဖက်​ရည်​တ ခွက်​မှာဦးမည်​။ စားပွဲထိုး​လေးက ​ဆေးဆိုးနှပ်​ရည်​ အနီရဲဖြင့်​ ​ဖျော်​ထား​သော လက်​ဖက်​ရည်​တခွက်​ကို လာချ​ပေးလိမ့်​ဦး မည်။ ထိုအခါ ကျ​နော်​က မ​သောက်​ပဲ ထပြန်​လာခဲ့မည်​။ အသိနှင့်​သတိကပ်​​သော ဆိုင်​ရှင်​ဖြစ်​ပါက ကျ​နော့်​အား အ​ကြောင်း တစုံတရာ​တော့ ​မေးမြန်းလိမ့်​မည်​ဖြစ်​သည်​။ ထိုအခါ ကျ​နော်​မှ​နေ၍ နီရဲရဲနှပ်​ရည်​များ၏ အဆင်းသာရှိပြီး အနံ့နှင့်​အရသာ ကင်းမဲ့ပုံကို ​ပြောပြမည်​။ သူ့ ဆိုင်​က​လေး ​ရေရှည်​ရပ်​တည်​နိုင်​ဖို့ ထိုကဲ့သို့ အချိုးမ​ပြောင်းသင့်​​ကြောင်း အကြံပြုမည်​။ ကျ​နော်​ပေးသည့်​အကြံကို သူလက်​မခံပါက သူ့ဆိုင်​သို့ ထပ်​မံ၍ ကျ​နော်​မသွား​တော့ပါ။ ကျ​နော်​​တွေးသလိုမဟုတ်​ပဲ သူ့အ​နေဖြင့်​ ကျ​နော့်​ကို ဥပ​က္ခာပြုသလိုလို၊ လျစ်​လျူရှုသလိုလို ပုံစံမျိုးလည်း ရှိ​နေနိုင်​​သေးသည်​။ ကိစ္စမရှိပါ။ ကျ​နော်​က သူ့​ရှေ့သို့ မား မားရပ်​၍ပင်​ လက်​ဖက်​ရည်​၏ အပြစ်​အနာအဆာများအ​ကြောင်း အားမနားတမ်း​ပြောမည့်​သူဖြစ်​၏။ လက်​ဖက်​ရည်​ဆိုင်​က​လေးကို ​ရေရှည်​တည်​တံ့​စေရန်​ အကြံပြုခဲ့၊ အား​ပေးခဲ့သလိုပင်​ သူ့ ရပ်​တည်​မှုပုံစံမှားယွင်းလာပါက ​ဝေဖန်​မည်​ဟု ​ရှေးမဆွ ကတည်းက ရည်​ရွယ်​ထားခဲ့ဖူးပါသည်​။

အဓိကအားဖြင့်​ ဆိုင်​ဖွင့်​စအချိန်​က သူ​ပြောခဲ့သည့်​စကားများဖြစ်​​သော အ​ရောင်​အဆင်းကိုအားမကိုးဘဲ အရည်​အချင်းဖြင့် သာ ရပ်​တည်​နိုင်​​အောင်​ကြိုးစားပါမည်​ဟူ​သောစကားကို ​မေ့​နေပြီလားဟု ကျ​နော်​​မေးမည်​။ သူ ​မေ့ချင်​​ယောင်​​ဆောင်​​နေပါ က ထို​နေ့က သူ့စကားကို ကြားခဲ့ကြသည့်​သူများကိုပါ သက်​​သေအဖြစ်​ တင်​သင့်​လျှင်​လည်း တင်​ရ​ပေလိမ့်​မည်​။ အုတ်​နီခဲ​ရောင်​ ခပ်​ညံ့ညံ့ လက်​ဖက်​ရည်​တခွက်​သည်​ အရည်​အချင်းစစ်​စစ်​နှင့်​ အနှစ်​သာရပြည့်​ပြည့်​ကို စားသုံးသူအ​ပေါ် မ​ပေးစွမ်း နိုင်​​ကြောင်းကို​တော့ဖြင့်​ စိတ်​ရှည်​လက်​ရှည်​ ရှင်းပြဖြစ်​မည်​ ထင်​ပါသည်​။

အနီရဲရဲကာလာကို ​နေရာတကာ အားမကိုးသင့်​​ကြောင်းလည်း ​ပြောပြမည်​။ ကျ​နော့်​လက်​ဖက်​ရည်​ဆိုင်​​လေးသို့ ပ​လောင်​အမျိုးသမီးများ လက်​ဖက်​​ခြောက်​လာ​ရောင်းကြသည့်​​နေ့က ဆိုင်​နံရံတွင်​​ရေးထိုးခဲ့​သော ကဗျာ​လေးကိုလည်း ရွတ်​ဖတ်​ပြ ချင်​​သေးသည်​။ ထိုကဗျာ​လေးသည်​ ကျ​နော်​မ​မွေးဖွားမီ ၁၉၆၉ ခုနှစ်​ စက်​တင်​ဘာလကတည်းက မိုး​ဝေမဂ္ဂဇင်း ​ဖော်​ပြခဲ့​သော ကဗျာဆရာ​မောင်​​လေး​အောင်​၏ကဗျာတပုဒ်​ ဖြစ်​သည်​။ “နီရဲခြင်း၏ ဖွင့်ဆိုချက်”​​ ဟူ​သော ကဗျာ​ခေါင်းစည်းသည်​ ယခု​ခေတ်​တိုင်​ ​လေးနက်​​သောအဓိပ္ပါယ်​ကို ​ဆောင်​​နေသည်​။ စိတ်​အားငယ်​တတ်​သူတို့အတွက်​ တက်​ကြွအားဖြစ်​စရာ၊ အ​ရောင်​အဆင်းကို တလွှဲအားကိုးသူများအတွက်​ ရှက်​တတ်​လျှင်​ ရှက်​ချင်​စရာဟု ကျ​နော်​ခံစားရသည်​။

 

”နီရဲခြင်း၏ ဖွင့်ဆိုချက်”

နီတယ်ဆိုတာ  ဒါပါဘဲ။
မင်နီအိုးကို
ဂျွမ်းထိုးလန်ကျ မှောက်ချစရာ
မလိုပါချေ။
နှုတ်ခမ်းနီဗူး
ခြယ်သလူး၍  နီဖူးစရာ
မလိုပါချေ။
အုတ်နီခဲကို
ရိုက်ခွဲမွကြေ  အမှုန့်ချေ၍
ရေဖျော်စရာ  မလိုပါချေ။
ပန်းနီသီးကို
ခူးပြီးလက်ထဲ  ဆုတ်ကိုင်ခွဲ၍
နီရဲစရာ  မလိုပါချေ။
လက်မောင်းသွေးကို
ဓားရေးဟန်ပြ  မာန်ကြွကြွနှင့်
ဖေါက်ပြစရာ  မလိုပါချေ။

ဒါမှအနီ
ပြည်သူ့ဘက်မှ ခုခံရမည်
ပြည်သူ့ဘက်မှ တော်လှန်ရမည်
ပြည်သူ့ဘက်မှ ရဲရင့်ရမည်
ဒါမှ တကယ့်အနီ
နီ နီ နီ နီ  နီသောအနီ။
အေး နီတယ်ဆိုတာ ဒါဘဲဟေ့။


ထိုကဗျာ​လေးကို သူ့အ​နေဖြင့်​ ပြက်​ရယ်​ပြုခဲ့ပါမူ အ​လေးမထားခဲ့ပါမူ သူနှင့်​ကျ​နော်​ ရာသက်​ပန်​လမ်းခွဲရန်​သာ ဖြစ်​​တော့ သည်​။

 

ကျော်​​ကျော်​ (မြရည်​စမ်း)
ဇူလိုင်​ ၂၊ ၂ဝ၁၇
ညဉ့်​သန်း​ခေါင်​ယံ


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:၀တ္ထုတို

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း သြဂတ်စ် ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

မိုးမခနဲ့ ပတ်သက်သမျှ

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း OKKW ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်