ယောဟန်အောင် ● သူခိုးတွေကြားထဲ ငါပြုတ်ကျတဲ့အခါ

August 16, 2017

● သူခိုးတွေကြားထဲ ငါပြုတ်ကျတဲ့အခါ
(မိုးမခ) သြဂတ်စ် ၁၆၊ ၂၀၁၇

ညက ဘယ်မှာခေါင်းချခဲ့ပါလိမ့်
မိုးလင်းနိုးထတော့ မြေကဖုန်းဆိုး
သူခိုးတွေကြားထဲ ငါပြုတ်ကျနေခဲ့တယ်။

ငါကျောချမ်းသွားပေါ့
အသွင်မတူလို့ကတော့ ဒီနေရာက ပြန်လမ်းမရှိဘူး
ဂျက်လန်ဒန် ပြုတ်ကျတဲ့ ချောက်ကမ်းပါးမျိုးလား
သတိတရားကို ပြန်မွေး
ငါဟာ တွေးခေါ်တတ်သူပါ
ငါဟာ ပညာတတ်ပါ…
အသွင်ယူနေထိုင်ရင်း သူတို့အရပ်ကို ကျမ်းပြုဖို့ဖြစ်ခဲ့တယ်။

ဒီအရပ်မှာ အထာထားလို့ မရဘူး
ငါလစ်ရင် ငါ့ဟာ သူခိုးမယ်
သူလစ်ရင် သူ့ဟာ ငါခိုးမယ်
စောရနက္ခတ်နိုးကြား
မျိုးရိုးဗီဇမှာ မင်ကြောင်ထိုးထားတဲ့ အရပ်။

ဒီအရပ်မှာ သူခိုးပြေးစရာမလို
ထိုးကွင်းထစရာမလိုဘူး
တခါတလေ ပြူးပြဲပြီး “လူ.. လူ… လူ”
ထဟစ်ပေးရသေးတယ်
ဂျပိုးက တကယ်ကြီးလာတော့ သူခိုး
ရန်သူမျိုး ၅-ပါးမှာ တပါး ဆိုသမို့။

မျက်စေ့လျှင်တယ်၊ လက်ယဉ်တယ်
အပြင်ပန်းလည်း မင်သေသေပဲ
ဘယ်သူပဲဖြစ်ဖြစ် အပြစ်သား မထင်ရဘူး
ရုပ်တည်ကြီးတွေနဲ့ သွားနေကြ လာနေကြ
သေချာကြည့်မှ
အချို့ဗိုက်တွေက ဟိုင်းဝေးနဲ့ဖောင်းကား
အချို့ပါးစပ်တွေ ဒီဇယ်နဲ့ပြောင်ရောင်
အချို့လည်ချောင်းတွေမှာ တံတားရိုးတွေ ထိုးထိုးထောင်ထောင်
အချို့မောင်တွေက ဘတ်စကားစင်းလုံး မြိုချ
ခြေဖျားလက်ဖျား အေးစရာမလို
မြေကြီးကို တရားဝင် နေရာရွှေ့ကြ
အချို့က ဆည်မြောင်းကြီး ထမ်းချလာကြတယ်။

Open Sasame!
ဒီလိုဂါထာနဲ့ အလီဘာဘာရဲ့ သိုက်တံခါး မပွင့်နိုင်ဘူး
တချို့တံခါးတွေ မြောင်းဖောက်ရေပေးရတယ်
တချို့တံခါးတွေ အတွင်းလူမွေးရတယ်
ဆွေမျိုးတွေ ဖွင့်ပေးတာလည်း ရှိရဲ့
မိုးလားကဲလား… သူခိုးတွေ မပွင့်တဲ့တံခါးဆိုတာ မရှိဘူးဆိုပဲ

ခိုးမှု (ပုဒ်မ-၃၇၈)
လူတစ်ယောက် (လက်ရှိဖြစ်တဲ့) (ရွှေ့ပြောင်းနိုင်တဲ့ ပစ္စည်း) ကို
(လက်ရှိဖြစ်သူ သဘောမတူဘဲ)
(မရိုးဖြောင့်သဘောနဲ့ ယူရန်ကြံရွယ်ပြီး)
(ထိုပစ္စည်းကို ရွှေ့စေရင်) ခိုးမှုမြောက်တယ်
ဒီလောက်တော့ ကြည်ကြည်ဖြူဖြူ ပေးယူနေကြကိစ္စပါ။

လုယက်မှု မှန်သမျှဟာ ခိုးမှုပဲ
ခြောက်လှန့်တောင်းယူမှု မြောက်ရမယ်
ငါးယောက်နဲ့ အထက်ဖြစ်ရင် ‘ဓါးပြ’၊
ဘက္ကဒက်က သူခိုးအာမက်လို
ဓါးကောက်တွေ လွယ်ထားဖို့ မလိုဘူး
‘ဟောက်’ ရုံလောက်နဲ့ စားရမယ်
ရင်မှာပန်းတွေ ဖူးပွင့်နေတာ မဟုတ်ဘူးနော်
နမိတ်တော်ရုံ ပြတာနဲ့
ဆရာ… ဘာလိုချင်သလဲ ဖြစ်သွားစေရမယ်။

ထေယျာဝဟာရော= ချိန်လိမ်၊ တင်းလိမ်၊ အသပြာလိမ်ဖြင့် ခိုးခြင်း၊
ပသယှာဝဟာရော= နိုင်ထက်စီးနင်း အတင်းဗလက္ကာရ ခိုးခြင်း၊
ပဋိစ္ဆန္နာဝဟာရရော = ဖုံးဝှက်ပြီးမှ ခိုးခြင်း၊
ပရိကပ္ပါဝဟာရော = ဥစ္စာနေရာကို ကြံစည်၍ ခိုးခြင်း၊
ကုသာဝဟာရော = စာ၊ စာရင်းကို လိမ်၍ ခိုးခြင်း *
ခိုးဆိုးနှိုက်ခြင်း၊ စဉ်းလဲဗေဒ
ဒီအရပ်မှာ နှုတ်အတတ်၊ လက်အတတ်၊ ဆန်းသစ်ကြံဆ
သူခိုးတို့ရဲ့ နိဗ္ဗာန်ခေါ်ရလောက်ပေရဲ့။

အိမ်တိုင်းဟာလည်း သူတို့ စားကျက်မြေပေါ့
ဌာနတိုင်းဟာလည်း သူတို့ စားကျက်မြေပဲ
ပျော်ပျော်နေ သေခဲတယ်
ဒါပေမယ့်၊
ရေမြေကုန်းခြား ခရီးသွား၊ ပင်လယ်ဓားပြလောက်လည်း
တကောင်မှ ဖြစ်ဖြစ်မြောက်မြောက် မရှိပြန်ဘူး။
“နင့်ကိုမိပြီ…
ရဲတင်း၊ ပုဆိန်၊ ဓားလှံ တံကျင် ဘာလိုချင်လဲ”
သတိုးမင်းဖျား ငတက်ပြားသူခိုးကို အမေးမှာ
“ငါ့ကိုမိပြီ၊ ကွပ်လိုရာ ကွပ်လော့၊
ငါ့အလိုသော်ကား မိဖုရားစောဥမ္မာ” ဆိုတဲ့
သူခိုး သဘာလည်း မတွေ့သေးဘူး။

ဒီလိုနဲ့
ငါ့ကျမ်းဋီကာ ရှည်ရှည်လာ
အသွင်ယူလာတာလည်း ဂိုဏ်းဆရာကြီး ဖြစ်လုလု
နောက်ဥတု သုံးပါးများတော့
ဒီလူတွေကြား ဆက်နေဖြစ်သွားဖို့ များနေပြီ။ ။

သြဂုတ် ၁၄၊ ၂၀၁၇

* မြဝတီ ဆရာတော်ဘုရားကြီး၏ ဓမ္မစကြာ မဟာဋီကာသစ်ကျမ်းကြီးမှ ခိုးခြင်းအကြောင်း


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကဗျာ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)