Ashin Nanika – As dear as Life …

October 3, 2013

အသက်တမျှ
အရှင်ဉာဏိကာဘိဝံသ၊ အောက်တိုဘာ ၄၊ ၂၀၁၃
“သင်္ကန်း ကထိန်၊ ကျောင်းမှာ သိမ်၊ ဆွမ်းမှာ ပိဏ်”ရယ်လုို့ ကုသုိုလ်နဲ့စပ် အမြတ်ဖြစ်တဲ့အရာများကုို ပြောတတ်ကြတယ်။ သံဃာတော်များဝတ်ရုံသုံးဆောင်နုိုင်ရန်အတွက် ရည်ရွယ်ချက်အမျိုးမျိုးနဲ့ သင်္ကန်း အလှူ လှူတတ်ကြတယ်။ အဲဒီသင်္ကန်းအလှူတွေထဲမှာ ကထိန်သင်္ကန်းဟာ အမြတ်ဆုံးဖြစ်တယ်လုို့ ဆုိုလုိုတာပါ။
သင်္ကန်းချင်းအတူတူ ကထိန်သင်္ကန်းအလှူက ဘာကြောင့်ပုိုပြီးမြတ်တယ်လုို့ ပြောရတာလဲ။ ကထိန် သင်္ကန်းအလှူက သံဃာတော်များအတွက် အချို့သောဝိနည်းသိက္ခာပုဒ်တွေကုို ဖြေလျော့ပေးတာမုို့ သံဃာတော်များအတွက် နေထုိုင်ရတာ ပိုမုိုသက်သောင့်သက်သာဖြစ်စေတယ်။ မပင်မပန်းလွယ်ကူစွာ သွားလာနုိုင်တယ်စတဲ့အကျိုးတရားတွေကုို ဖြစ်စေနုိုင်တယ်။ အခြားသင်္ကန်းများက အဲဒီလုိုအကျိုး အာနိသင်တွေကုို သံဃာတော်တွေမှာ မရစေဘူး။ ဒါကြောင့် သာမန်သင်္ကန်းအလှူများထက် ထူးကဲတဲ့ ကောင်းကျိုးကုိုဖြစ်စေနုိုင်တာမုို့ ကထိန်သင်္ကန်းအလှူကုို အမြတ်ဆုံးလုို့ ဆုိုလုိုတာဖြစ်တယ်။
ဆွမ်းအလှူမှာလည်း အမျိုးမျိုးရှိတယ်။ ဆယ့်ငါးရက်တစ်ကြိမ်၊ တစ်လတစ်ကြိမ်၊ တစ်နှစ်တစ်ကြိမ် လှူဒါန်းတဲ့ဆွမ်းကစလုို့ မွေးနေ့ဆွမ်း၊ မင်္ဂလာဆွမ်း စသဖြင့်ပေါ့။ အဲဒီဆွမ်းအလှူတွေထဲမှာ နေ့စဉ် မပျက် ၀တ်ထားပြီး ရဟန်းတော်သပိတ်ထဲ လောင်းလှူဒါန်းတဲ့ ပိဏ္ဍပါတ်ဆွမ်း အလှူဟာ အမြတ်ဆုံး ဖြစ်တယ်လုို့ ဆုိုလုိုရင်းဖြစ်တယ်။ အမြဲတမ်းကုသုိုလ်ပွားနေစေတဲ့( အာစိဏ္ဏကံ) ကုသုိုလ်မျိုးပေါ့။
ကျောင်းမှာသိမ် ဆိုတာကတော့ သာသနာတော်မှုာ သိမ်ဆုိုတာက မရှိမဖြစ် အရေးအကြီးတဲ့အရာ တစ်ခုပါ။ ရဟန်းခံချင်တယ်ဆုိုရင် သိမ်မရှိက ရဟန်းခံလို့ မရပါဘူး၊ သံဃာတော်များ ဥပုသ်ကံပြုချင် တယ်ဆုိုရင်လည်း သိမ်မရှိပါက ဥပုသ်ကံပြုလုို့ မရနုိုင်ပါဘူး။အချို့သိက္ခာပုဒ်တွေ လွန်ကျူးမိလုို့ ၀ိနည်းနဲ့ အညီ ကုစားလုိုတယ်ဆုိုရင်လည်း သိမ်မရှိက ကုစားလုို့ မရနုိုင်ပါဘူး။ ကထိန်ခင်းချင်တယ်ဆုိုရင် သိမ်မရှိက ကထိန်ခင်းလို့မရပါဘူး။ ဒါကြောင့် သိမ်ဟာ သာသနာတော်မှာ အင်မတန်အရေးကြီးပြီး ကျေးဇူးများတဲ့ အရာဝတ္ထုဖြစ်ပါတယ်။ သိမ်ဆုိုတာ ရဟန်းအသစ်များဖြစ်ပေါ်လာစေဖုို့ အထောက်အကူ ဖြစ်စေသလုို ရဟန်းအပြစ်အချို့ ပြေပျောက်စေရန်အတွက်လည်း ထောက်ကူလုို့ပေးပါတယ်။
တကယ်တော့ ဗုဒ္ဓက ၀ိနည်းကံနဲ့အညီ သိမ်ဆုိုတာကုိုသာ ခွင့်မပြုခဲ့ဘူးဆုိုလျင် ခုဖူးမြော်ခွင့်ရနေတဲ့ သံဃာတော်တွေဆုိုတာကုိုလည်း တွေ့မြင်ရမှာ မဟုတ်ပါဘူး။ သံဃာတော်တွေဆုိုတာ မရှိခဲ့ရင်လည်း သာသနာတော်ကုို အဆင့်ဆင့်လက်ဆင့်ကမ်းမည့်သူဆုိုတာ မရှိနုိုင်လုို့ ဗုဒ္ဓအဆုံးအမ သာသနာတော် ဆုိုတာလည်း ရှိနုိုင်မယ် မဟုတ်ပါဘူး။ ဒါကြောင့် သိမ်ဆုိုတာ သာသနာတော် အသက်ဆက်ရေးမှာ အသက်တမျှ အခရာကျတဲ့ အသက်ဆက် အလှူတစ်ခုသာပါ။ ကျောင်းဆောက်လှူဒါန်းမည်ဆိုလျှင် ရိုးရိုးကျောင်း ဆောက်လုပ်လှူတာထက် သိမ်ကို ဆောက်လုပ်လှူဒါန်းတာက ပိုမိုအသုံးဝင် ကျေးဇူး များလုို့ ကျောင်းမှာ သိမ်လို့ဥဒါန်းစကားဆိုခြင်းဖြစ်ပါတယ်။
မြတ်သောအလှူဆုိုတာ အသာထားပြီး အမှန်တကယ်လုိုအပ်နေတဲ့နေရာမှာ လုိုအပ်တဲ့အလှူ လှူဖြစ် တယ်ဆုိုတဲ့ရှုထောင့်ကစဉ်းစားနုိုင်ဖုို့ အနည်းငယ်ပြောပြချင်ပါတယ်။
အလုပ်က ခွင့်ရခုိုက် မုဒိတာရွှေကျောင်းကုိုလာရောက်ပြီး ဒုလ္လဘရဟန်းဝတ်လုိုကြကြောင်း မကြာခဏ လျှောက်ထားတတ်ကြတယ်။ မုဒိတာရွှေကျောင်းမှာက သိမ်ကမရှိသေးဘူး။ ဒါကြောင့် လျှောက်ထား တတ်ကြတဲ့ သူတုို့တွေကုို သာသနာတွင်း သွတ်သွင်းချီးမြှောက်ပြီး တရားဘာဝနာ ပွားများခွင့်ရနုိုင်စေဖုို့ အကူအညီပေးခွင့် မသာနုိုင်ခဲ့ဘူး။ ကုိုယ့်စိတ်က ဘယ်လုိုပင်ကူညီလုိုပေမယ့် မဖြစ်မနေရှိရမည့်အရာက ရှိမနေတာကြောင့် ကူညီခွင့်မသာခဲ့ပါဘူး။
နောက်ပြီး မြန်မာပြည်က နာမည်ကြီး၊ နာမည်မကြီးတကြီး အကျော်အမော်ဆရာတော်တွေ မကြာခဏ ဆုိုသလုို မုဒိတာရွှေကျောင်းကုို ကြွလာတတ်ပါတယ်။ ဆရာတော်များကြွရောက်လာခုိုက် ဒကာဒကာမ များ အကျိုးများစေဖုို့ရည်ရွယ်ပြီး တရားပွဲများ၊ တရားသင်တန်းများကုို ပြုလုပ်ဖြစ်ပါတယ်။ သုို့ပေမယ့် လက်ရှိဘုရားခန်းက မြန်မာနည်းမြန်မာ့ဟန် ကပ်ကပ်ရပ်ရပ်ထုိုင်တာတောင်မှပဲ လူသုံးဆယ်လောက်ဆုို လျင် ကျပ်ကျပ်တည်းတည်း။ ဒါကြောင့် ဒကာဒကာမတွေ ကျဉ်းကျှုဉ်းကျပ်ကျပ်ဖြစ်နေတာတွေ့ရတုိုင်း သက်သောင့်သက်သာထုိုင်ပြီး တရားနာ တရားမှတ် ပြုလုပ်နုိုင်စေဖို့ ပုိုမုိုကျယ်ပြန့်တဲ့ တရားခန်းမ(ဓမ္မာရုံ) တစ်ခုတည်ဆောက်ဖုို့ စိတ်ကူးရှိနေခဲ့တာ။
ခုတော့ အတန်အသင့်ကျယ်ပြန့်တဲ့ မြေနေရာတစ်ခုကုို ကျောင်းနဲ့ကပ်လျက်မှာ ၀ယ်နုိုင်ခဲ့တယ်။ ဒါဟာ လာရောက်ပြီး တရားဟောတရားပြ ပြုလုပ်ကြမည့် ဆရာတော်များနဲ့ လာရောက်ကာ တရားနာ၊ တရား ထုိုင်ကြမည့် ဒကာဒကာမများရဲ့ ကုသုိုလ်ကံအစွမ်းများကြောင့်ဖြစ်လာတာပါ။
ခု ဒီနေရာမှာ သာသနာအတွက် အကျိုးများမည့် သိမ်နဲ့ ဓမ္မာရုံတွဲလျက် ကျောင်းခန်းမတစ်ခု တည် ဆောက်ဖုို့ စတင်လုပ်ဆောင်နေပါပြီ။ ကျောင်းမှာသိမ်၊ သင်္ကန်းမှာကထိန်ရယ်လုို့ ပြောတတ်ကြလုို့ ကုသုိုလ်နဲ့စပ် အမြတ်ဖြစ်ရေးအတွက်ပဲ ရည်ရွယ်ရည်ရွယ်၊ အမှန်တကယ်လုိုအပ်တဲ့နေရာမှာ လုိုအပ် ချက်ကုိုဖြည့်စွက်မှုတစ်ခုအဖြစ်ပဲ ရည်ရွယ်ရည်ရွယ်၊ မုဒိတာရွှေကျောင်းမှာ အသစ်ဆောက်လုပ်မည့် ရွှေသိမ်တော်အလှူအတွက် ကုသိုိုလ်ပါဝင်ခြင်းဟာ ကုသုိုလ်ရှင်များအတွက်ရော၊ သာသနာတော် အတွက်ပါ ကောင်းကျိုးအမှန် တုိုးပွားစေမှာပါ။
ဇနေတိ သဒိသံ ပါကံ- တူသောအကျိုးပေးတတ်တာ သဘာဝတရားပါ။ မြတ်သောကုသုိုလ်က မြတ်သောအကျိုးပေးလေမှာ၊ သူတစ်ပါး လုိုအပ်ချက်ကုို ဖြည့်စွက်ခြင်းက ကုိုယ့်လုိုအပ်ချက်ကုို အမှန်ပြည့်ဝလာစေမှာ မလွဲနုိုင်တဲ့ နိယာမတစ်ခုသာပါ။ ။

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:Uncategorized

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)