မောင်စွမ်းရည် – ကျွန်တော်သိဖူးတဲ့ ဦးလွင်နှစ်ယောက်

August 19, 2017


မောင်စွမ်းရည် – ကျွန်တော်သိဖူးတဲ့ ဦးလွင်နှစ်ယောက်

(မိုးမခ) သြဂုတ် ၁၉၊ ၂၀၁၇

ဦးလွင်နှစ်ယောက်ကို ကျွန်တော်သိဖူးပါတယ်။ တစ်ယောက်က ဒီမိုကရေစီ ဦးလွင်ဖြစ်ပါတယ်။ တစ်ခြားတစ်ယောက်က ကွန်မြူနစ် ဦးလွင်ဖြစ်ပါတယ်။ တစ်နည်းပြောရရင် စစ်သားလူထွက် ဦးလွင်နဲ့ သူပုန်လူထွက် ဦးလွင်ပါ။ ဒီမိုကရေစီ ဦးလွင်ကို သူပုန်ဦးလွင်ထက် လူသိများပါလိမ့် မယ်။ ဒီမိုဦးလွင်ကို ကျွန်တော်ဆရာကြီး ကဗျာဆရာကြီး မင်းသုဝဏ်နဲ့ခမည်းခမက်တော်လို့ သိရှိ ခဲ့ရခြင်းပါ။ ဆရာကြီး မင်းသုဝဏ်ရဲ့သားက ပြည်ထောင်စုသမ္မတမြန်မာနိုင်ငံတော် လက်ရှိသမ္မတ ကြီး ဦးထင်ကျော်ဖြစ်ပါတယ်။ သမ္မတကြီးကတော် ဒေါ်စုစုလွင်က ဗိုလ်ချုပ်မောင်လွင်(ဦးလွင်)ရဲ့ သမီးဖြစ်ပါတယ်။ ကျွန်တော်တို့ အခြေခံပညာဦးစီးဌာန ကျောင်းသုံးစာအုပ်အဖွဲ့မှာ အင်္ဂလိပ်စာ ကျောင်းသုံးစာအုပ်များပြုစုရေးအတွက် ပါဝင်ဆောင်ရွက်သွားခဲ့သူလည်းဖြစ်ပါတယ်။

ဗိုလ်ချုပ်မောင်လွင်ကို ဗိုလ်ချုပ်တင်ဦးရဲ့ နာမည်နဲ့တွဲပြီး အထူးလေးစားခဲ့ရပါတယ်။ ဗိုလ်ချုပ် ကျော်ဇောကိုယ်တိုင်ရေး အတ္ထုပ္ပတ္တိနဲ့ဆောင်းပါးတွေမှာ သူတို့ဟာဗမာပြည်ရဲ့ပြည်ပရန်သူဖြစ်တဲ့ တရုတ်ဖြူတွေကို ရွံ့ရွံ့ချွန်ချွန်တွန်းလှန်မောင်းထုတ်ခဲ့တဲ့သူရဲကောင်းတွေ ဖြစ်ပါတယ်။ ရန်ကုန်မြို့ တော်ကို သူပုန်ရန်ကကယ်တင်ခဲ့တဲ့ သူရဲကောင်းတစ်ဦးလည်းဖြစ်ပါတယ်။ ရှစ်လေးလုံးအရေး တော်ပုံကြီးအပြီးမှာ ဒေါ်အောင်ဆန်းစုကြည်က အမျိုးသားဒီမိုကရေစီအဖွဲ့ချုပ်ကို ဖွဲ့စည်းတည် ထောင်တော့ ဦးအောင်ရွှေ၊ ဦးလွင်၊ ဦးတင်ဦး၊ ဦးကြည်မောင်၊ ဦးချစ်ခိုင်စတဲ့ တပ်မတော်ထိပ်တန်း အရာရှိ အငြိမ်းစားပုဂ္ဂိုလ်ကြီးများဟာ ရှေ့ဆုံးတန်းကဦးဆောင်ပါဝင်ခဲ့ကြပါတယ်။

ဒီမိုကရေစီအရေးမှာ တပ်မတော်ထိပ်တန်းပုဂ္ဂိုလ်ကြီးများ ရှေ့တန်းကဦးဆောင်ပါဝင်ခဲ့ကြ သလို စာပေ၊ ပန်းချီ၊ ဂီတ၊ ရုပ်ရှင်စတဲ့ အနုပညာလောက ကအကျော်အမော်ပုဂ္ဂိုလ်ကြီးများလည်း ရှေ့တန်းက ရင်ဘောင်တန်းပါဝင်ခဲ့ကြပါတယ်။ အမျိုးသားဒီမိုကရေစီအဖွဲ့ချုပ် ဖွဲ့စည်းဆဲကာလ မှာ ဗမာပြည်အနယ်နယ်အရပ်ရပ်က နိုင်ငံရေးသမားတွေလည်း နေ့စဉ်၊ ညစဉ် တဖွဲဖွဲလာရောက် စုဝေးနေကြတဲ့အတွက် အဖွဲ့ချုပ်ရုံးမှာကျွေးမနိုင်အောင်စည်းကားနေခဲ့ပါတယ်။ ထမင်းထုပ်တွေက လည်း ထောင်ပုံရာပုံ(တောင်ပုံ-ယာပုံ)ဆိုပါစို့။ ကြုံလို့ပြောရရင် မင်းသိင်္ခနဲ့ကျွန်တော်လည်း ထမင်း လက်ဆုံ စားခဲ့လိုက်ရဖူးပါတယ်။ ကျွန်တော်က သူ့ရဲ့အစောပိုင်းဝတ္ထုတွေကို ဆရာကြီးရွှေဥဒေါင်း၊ ဆရာကြီးဒဂုန်ရွှေမျှား၊ ဆရာကြီး စစ်ကိုင်းဦးဖိုးသင်းတို့ဝတ္ထုတွေက ယူခဲ့တာတွေကို ထောက်ပြခဲ့ဖူး ပါတယ်။ (ဆရာကြီးများကလည်း သူများနိုင်ငံက၀တ္ထုတွေကို ဘာသာပြန်ကြ၊ မှီးခဲ့ကြတွေပါပဲ)။ အဲ သလို မျက်ကြောတင်းခဲ့ကြတဲ့စာသမားနှစ်ဦးဟာ ဒီမိုကရေစီအရေးမှာ အပြုံးချင်းဖလှယ်ပြီး ထမင်း လက်ဆုံစားခဲ့ကြဖူးပါတယ်။ ဇော်ဇော်အောင်နဲ့မောင်စွမ်းရည်တို့လို ရှစ်လေးလုံးမှာ တစင်တည်း ဟောပြောကြပြီး အတူလည်ပင်းဖက်ဆင်းလာခဲ့ပါတယ်။ သူငယ်ချင်းပြန်ဖြစ်သွားပြီး ဘုံရန်သူ စစ်အာဏာရှင်ကို အတူတိုက်ကြစို့လို့ အဓိဌာန်ပြုခဲ့ကြပါတယ်။ ဒါတွေကတော့ ရှစ်လေးလုံးရဲ့ ကျေးဇူးတွေအဖြစ် ဖော်ပြလိုက်တာပါ။

အဖွဲ့ချုပ်ရုံးမှာ ဦးဝင်းတင်၊ ဗိုလ်သော်က၊ ဦးချမ်းအေး၊ မောင်စူးစမ်း၊ ကဗျာဆရာတင်မိုး၊ ပန်းချီ တင်မိုး၊ ဘာသာပြန်ဆရာ ရုပ်ရှင်ဒါရိုက်တာ မောင်မိုးသူ၊ သတင်းစာဆရာမောင်ဝံ့သ၊ မုံရွာတင်ရွှေ၊ မင်းသားအောင်လွင် စတဲ့စာပေပန်းချီရုပ်ရှင်လောကသားများလည်း နေ့စဉ်လိုဆုံတွေ့ကြပါတယ်။ အမျိုးသမီးတွေထဲမှာတော့ စမ်းစမ်းနွဲ့(သာယာဝတီ)၊ ရွှေကူမေနှင်း၊ ကြူကြူသင်းစတဲ့ စာရေး ဆရာမတွေလာကြပါတယ်။ (တစ်ချို့ကို ကျွန်တော်မေ့နေပါပြီ)

တစ်နေ့တော့ ဦးဝင်းတင်က ကျွန်တော့ကို “ကိုစွမ်းရည် ခဏ” ဆိုပြီး လူကြားထဲကဆွဲထုတ် ခေါ်ယူသွားခဲ့ပါတယ်။ စားပွဲတစ်ခုမှာ ကလောင်ကိုင်ပြီးအလုပ်ရှုပ်နေရှာတဲ့ ပုဂ္ဂိုလ်တစ်ဦးရှေ့ကို ခေါ်သွားပြီး မိတ်ဆက်ပေးပါတယ်။

“ ကိုစွမ်းရည် ဒါ ဦးလွင် ပါ။ အဖွဲ့ချုပ်မှာ ဘဏ္ဍာရေးတာဝန်ယူထားတဲ့ ဗိုလ်ချုပ်မောင်လွင်ပါ”၊

“ ဦးလွင် ဒါက ကဗျာဆရာ မောင်စွမ်းရည် ပါ။ အမည်ရင်း ဦးဝင်းဖေ တဲ့။ မန္တလေး လူထုကပါ။ အခု ရန်ကုန်မှာပဲ နေပါတယ်” စသည်ဖြင့် မိတ်ဆက်ပေးပါတယ်။ ဦးလွင်က အလုပ်ရှုပ်နေလို့ အားနာတာနဲ့ ကျွန်တော်တို့ စကားများများမပြောဘဲ ပြန်ထွက်လာခဲ့ကြပါတယ်။ ဦးဝင်းတင် က

“ဘယ့်နှယ်လဲ ဘယ်သူနဲ့တူတယ်ထင်သလဲ၊ မောင်စွမ်းရည်နဲ့ တူတယ်ဆိုပြီး ခဏခဏ လူမှားကြတယ်ဗျ” လို့ ပြောပြတော့မှ-

“ဟုတ်လား။ ကျွန်တော်က ဒီပုဂ္ဂိုလ်ကြီးကိုကြည့်ပြီး ခန့်ချောကြီးပဲလို့တွေးနေတာ” လို့ ပြန်နောက်လိုက်ခဲ့ပါသေးတယ်။ သြော်..ရဲဘော်ကြီး ဦးလွင်၊ သူရဲကောင်းကြီး ဦးလွင်။ အသက်တို ခဲ့ရှာတယ်။

သူပုန်ဦးလွင်ကလည်း မူလက ဗမာ့တပ်မတော်ကပဲလို့ ရေးတေးတေးမှတ်မိပါတယ်။ တပ်မ တော်ကနေ သွားတာလား၊ ကွန်မြူနစ်ပါတီကနေ သွားတာလား သေချာမမှတ်မိတော့ပါ။ (သူ့မြေး မိုးမခ မောင်ရစ်သိရင်ပြင်ပေးပါလိမ့်မယ်။ ကြိုတင်ကျေးဇူးတင်လိုက်ပါတယ်)။ သူက ဆိုရှယ်လစ် နိုင်ငံတွေကို သွားရတာပါ။ စာရေးဆရာမင်းလတ်(ရဲခေါင်)လိုပါပဲ။ မင်းလတ်ရဲခေါင်ကတော့ ဘာ သာသိပ္ပံကိုစူးစိုက်လေ့လာသူဖြစ်ခဲ့ပြီး ဦးလွင်ကတော့ စာနယ်ဇင်းပညာကိုစူးစိုက်လေ့လာခဲ့ပါ တယ်။ ဟံသာဝတီဦးဝင်းတင် နိုင်ငံခြား(နယ်သာလန်)မှာ သင်ယူခဲ့ရပုံနဲ့ အတူတူပဲဖြစ်မယ်ထင်ပါ တယ်။ ရုရှားနဲ့တရုတ်သဘောကွဲလွဲကြတော့ ဗမာပြည်ကွန်မြူနစ်ပါတီက တရုတ်ဘက်ပါခဲ့ပါ တယ်။ ဒါ့ကြောင့် ဥရောပရောက်ဗမာပြည်ကွန်မြူနစ်များလည်း တရုတ်ပြည်ကိုကူးပြောင်းခဲ့ကြရပါ တယ်။

ဗမာပြည်ကွန်မြူနစ်တွေက တောခိုကွန်မြူနစ်တွေမဟုတ်လား။ ဥရောပနိုင်ငံတွေက “မြို့ခိုကွန်မြူနစ်” တွေနဲ့ အနေအစားမတူနိုင်ကြဘူးပေါ့။ တွေးခေါ်ယူဆပုံတွေမှာလည်း မတူနိုင်ကြ ဘူး။ မင်းလတ်ရဲခေါင်လည်း နေလို့မရလို့ ဗမာပြည်ဘက်ကိုပြန်လာရင်း လမ်းများကဖြစ်ကညစ်နဲ့ အသေဆိုးသေခဲ့ရရှာပါတယ်။ ဦးလွင်ကတော့ လူငယ်အဖော်တွေ ၄-၅ယောက်ပါလာခဲ့ပါတယ်။ မအိတို့၊ သန်းစိုးနိုင်တို့ ပါလာခဲ့ကြာတမှတ်မိပါတယ်။ သန်းစိုးနိုင်က မကြာခင် အဖိုးမှိုင်းရဲ့ မြစ် သမက်ဖြစ်လာခဲ့ပါတယ်။

ဦးလွင်က ပန်းချီဝါသနာပါသတဲ့။ လူပျိုကြီး တစ်ကိုယ်တည်းနေတဲ့အခန်းထဲမှာ သူ့ပန်းချီကား တွေချိတ်ဆွဲထားပြီး အရိပ်တကြည့်ကြည့်နေတတ်သတဲ့။ တစ်ခါတစ်လေလည်း အခန်းထဲမှာ ပန်း ချီဆွဲလေ့ရှိတယ်။ အဲသလို အနုပညာမွေ့လျော်ပြီး သပ်သပ်ရပ်ရပ်ဝတ်စားနေထိုင်တာကို တောခို ကွန်မြူနစ်တစ်ချို့က ဓနရှင်ပေါက်စလူတန်းစား၊ ဘူဇွာဆန်တယ်လို့ ယူဆခဲ့ကြသတဲ့။ တစ်ချို့က စုတ်စုတ်ပြတ်ပြတ်နေမှ ပစ္စည်းမဲ့ဆန်တယ်ဆိုပြီး တမင်စုတ်စုတ်ပြတ်ပြတ် နေတတ်ကြသတဲ့။ ဦးလွင် အနုအလှကို ဥက္ကဋ္ဌကြီးသခင်သန်းထွန်းလည်းကြိုက်တာပဲ။ ကွန်မြူနစ်ဆိုတာ အလှအပ ကြိုက်ရတယ်လို့ ပြန်ပြောလေ့ရှိသတဲ့။ ကျွန်တော်တို့ မောင်သာနိုးဟာ အိပ်ယာခမ်းနား၊ အ၀တ်အစား သပ်သပ်ရပ်ရပ်နေတတ်တယ်။ မီးပူတိုက် ကြွေတင်အကျီင်္၊ လုံခြည်ကို ၀တ်လေ့ရှိ တယ်။ ဒါ့ကြောင့် တစ်ချို့သူ့ရဲဘော်တွေက “ ဗိုလ်နိုးက ဘူဇွာဆန်တယ်။ တယ်ပြီး အလှအပ၊ အသန့်အပြန့် ကြိုက်တာကိုး” လို့ မကြာခဏဝေဖန်ခံခဲ့ရဖူးတယ်။ “ကွန်မြူနစ်လဲ ဆိုသေးရဲ” လို့ တစ်ချို့နောက်ဆက်တွဲ မှတ်ချက်ထည့်လိုက်ပါသေးတယ်။ ကိုသားနိုးက “ ကျုပ်က အကောင်း ကြိုက်လို့ ကွန်မြူနစ်ဖြစ်တာ” “ ကျုပ် ကွန်မြူနစ်မို့ အလှကြိုက်တာ” စသဖြင့် ဖြေတတ်ပါတယ်။ တစ်ချို့က ကွန်မြူနစ်ဂိုက်ဖမ်းတယ်ဆိုပြီး ခုံဖိနပ်နဲ့ ဖျင်ကြမ်းလုံခြည်၊ အကျီင်္နဲ့ မဖွတ်မလျှော်နေလေ့ ရှိတယ်။ “ပစ္စည်းမဲ့” ဆိုတာကို “စုတ်စုတ်ပြတ်ပြတ်” လို့ အဓိပ္ပါယ်ကောက်ကြလို့ ဖြစ်ရတာပါ။ ကွန် မြူနစ်က ကွန်မြူနစ်ကိုအထင်သေးတဲ့သဘောပါပဲ။ ဒီလိုလူမျိုးတွေဟာ “ အကောင်း၊ အလှ” နဲ့ ကြုံရင် ကွန်မြူနစ်လူထွက်ဖြစ်သွားတော့တာပါပဲ။

ဦးလွင်က ကျန်းမာရေးလည်းသိပ်မကောင်းလို့ အနားယူဆေးကုဖို့လိုအပ်နေပါတယ်။ ဒါ့ကြောင့် ဗမာပြည်ရှိသူ့ရဲ့အစ်မအရင်းရှိရာကို ပြန်လာခဲ့ပါတယ်။ အစ်မအရင်းက ဒေါ်ခင်မျိုးချစ် ပါ။ ဦးခင်မောင်လတ်၊ ဒေါ်ခင်မျိုးချစ်ပါ။ သူတို့က ဗိုလ်ချုပ်အောင်ဆန်း၊ သခင်သန်းထွန်း၊ သခင်စိုး တို့နဲ့ အတူနေခဲ့ကြလို့ မူလကကွန်မြူနစ်နဲ့နီးစပ်ခဲ့ဖူးပေမယ့် ဦးလွင် ပြန်လာချိန်မှာတော့ “ ဒီမို” တွေဖြစ်နေကြပါပြီ။ ဦးလွင်ရဲ့ အမည်ရင်းက ဦးသိန်းအောင်တဲ့။ ဦးလွင်ဆိုတာ ကွန်မြူနစ်ပါတီ တွင်း နာမည်ပါ။ ကျွန်တော်တို့က ဒေါ်ခင်မျိုးချစ်မှာ မောင်ငယ်တစ်ယောက်ရှိတယ်ဆိုတာကို လုံးဝမသိဖူးပါ။

ကျွန်တော့်အိမ်နဲ့ ဒေါ်ခင်မျိုးချစ်တို့အိမ်နဲ့ နီးပါတယ်။ မကြာမီ လူတစ်ယောက ကျွန်တော့် အိမ်ရှေ့ရောက်လာပါတယ်။ ကွန်မြူနစ် ယူနီဖောင်းနဲ့ပဲတူပါရဲ့။ ကာကီစိမ်းဝတ်စုံနဲ့၊ တရုတ်ကွန်မြူ နစ်တွေစောင်းလေ့ရှိတဲ့ လျှာထိုးဦးထုပ်နဲ့။ ဦးထုပ်မှာ ကြယ်နီ နဲ့ပါ။ ပိန်ပ်ိန်ရှည်ရှည် ဒေါ်ခင်မျိုးချစ် တို့ပုံစံပါပဲ။ ကျွန်တော် အိမ်ကထွက်တွေ့တော့ သူ့ကိုယ်သူမိတ်ဆက်ပါတယ်။ “မောင်လွင်” တဲ့။ မြင်းခြံက ကျွန်တော့်ညီ၊ ကျွန်တော့တူ၊ ကျွန်တော့အပေါင်းအသင်းတွေနဲ့ တရုတ်ပြည်မှာတွေ့ဆုံ ခဲ့ ကြဖူးတယ်လို့ ပြောပြပါတယ်။ ရောက်လျှင် ရောက်ချင်း တမ်းကတဲ့ပုံစံပါပဲ။ စာသမား၊ ပန်းချီသမား ဆိုတော့ ကျွန်တော်နဲ့ချက်ချင်းခင်မင်သွားကြပါတယ်။ ကျွန်တော်တို့ နိုင်ငံရေးစကား မပြောကြပါ။ စာကြောင်း၊ ပေအကြောင်း၊ ပန်းချီအကြောင်းတွေပဲ ပြောကြပါတယ်။ သူ့အစ်မဖို့ လက်ဆောင်ယူလာတဲ့ သူ့ပန်းချီကား တစ်ကား၊ နှစ်ကားကိုလည်း ပြပါတယ်။ သူရေးတဲ့ မြန်မာစာ စာတမ်းတစ်ခုကိုလည်း ပြပါတယ်။ မိုးမခမောင်ရစ်တို့က စာအုပ်ထုတ်ဖို့ကောင်းပါတယ်။ မိုးမခ မှာ တင်ပြရင်လည်း အများဖတ်ရတာပေါ့။

ကျွန်တော်တို့ ချက်ချင်းရင်းနှီးခင်မင်သွားကြတယ်။ ဒေါ်ခင်မျိုးချစ်တို့အိမ်ကိုလည်း အသွားစိတ် သွားခဲ့ပါတယ်။ ဒေါ်ခင်မျိုးချစ်က ကျွန်တော်သွားရင် “ ဟဲ့ကောင် … နင် ငါ့ဆီလာတာလား။ နင့် အဖေဆီ လာတာလား။ ငါ့ဆီလာတာမဟုတ်ရင် အပေါ်မတက်ခဲ့နဲ့။ အောက်မှာပဲ နင့် အဖေနဲ့ စကားပြောချေကြ” လို့ မောင်းချလေ့ရှိပါတယ်။ ကျွန်တော်တို့လည်း ခြံထဲကသစ်ပင်တွေကြားထဲ မှာ ခုံလေးများနဲ့ထိုင်ပြီး စကားပြောကြပါတယ်။ ဦးလွင်မှာ ကျွန်တောကလွဲပြီး ဧည့်သည်မရှိပါ။ ဆရာတက်တိုးဆီသွားချင်တယ်ဆိုလို့ လိုက်ပို့ရဖူးပါတယ်။ ပန်းသီးတွေ ထင်ပါရဲ့။ ၀ယ်ပြီး အိတ်နဲ့ ထည့်လာခဲ့ပါတယ်။

ဆရာတက်တိုးဆီရောက်သွားတော့ အံ့ကြရပါတယ်။ ဆရာတက်တိုးက “ ဟဲ့ မောင်သိန်း အောင်လား” လို့ ငယ်နာမည်ခေါ်ပြီး ဦးလွင်ကိုဆီးနှုတ်ဆက်ပါတယ်။ ဦးလွင်နဲ့ကျွန်တော်က သစ်သီးတွေ ဆရာ့ရှေ့ချပြီး ကန်တော့ကြပါတယ်။ ဆရာက ဆုပေးပြီး “ ကွန်မြူနစ်လူငယ်တွေထဲ မှာတော့ ဒီကောင် အတော်ဆုံး” ကွလို့ ကျွန်တော့်ကိုပြောလို့ “ဓနရှင်လူကြီးတွေမှာလည်း ဒီဆရာ အတော်ဆုံး” လို့ ကျွန်တော်က ပြန်ပြောလို့ အားလုံး ရယ်ကြ၊ မောကြရပါတယ်။ ကျွန်တော်က ကွန်မြူနစ် မဖြစ်ဖူးပေမယ့် ကွန်မြူနစ်သဘောတရားတွေနဲ့ စာပေဝေဖန်ခဲ့လို့ ကွန်မြူနစ်အခေါ်ခံခဲ့ ရပါတယ်။

မကြာခင် ဦးလွင် ဆေးရုံတက်ရပါတယ်။ အစကတည်းက ကျန်းမာရေး မကောင်းရှာလို့ပါ။ တစ်နေ့တော့ မောင်ငယ်ရဲ့ လက်ကလေးကိုကိုင်ပြီး အစ်မကြီးက ဘုရားစာတွေရွတ်တော့ မောင်ငယ်က သူ့လက်ကို ဆတ်ခနဲရုတ်ပြီးငြင်းဆန်လုိ့ မောင်နှမနှစ်ယောက် ရန်ဖြစ်ကြသတဲ့။ ဆွေမျိုးထက် ကွန်မြူနစ်ကို ချစ်တယ်တဲ့။ ခု သေခါနီးမှ ငါ့ကို ဒုက္ခလာပေးတယ်လို့လည်း ဆိုသတဲ့။ ဆေးရုံကဆင်းလာပြီးတော့ ဦးလွင်က အိမ်မှာသိပ်မကပ်တော့ဘူး။ ဦးခင်မောင်လတ်ရဲ့ တူ (ရဲအရာရှိ ဦးဘသော်ရဲ့သား) ခင်မောင်စီ(ခင်မောင်ရီရဲ့ညီ)အိမ်မှာ သွားနေလေ့ရှိပါတယ်။ အနောက်နားမှာ သိပ်မဝေးပါဘူး။ တစ်ခါတစ်လေ ဦးခင်မောင်လတ်က ထမင်းပို့ပေးပါတယ်။ ကြက်ပေါင်း လာပို့တာပါ။ တစ်ခါတစ်လေ ကွန်မြူနစ်ဟောင်း ဦးကြီးမြင့်ဆိုသူကလည်း စားစရာ အထုပ်ကလေးနဲ့ လူမမာလာမေးသလိုလာလေ့ရှိလို့မိတ်ဆွေဖြစ်ခဲ့ရဖူးပါတယ်။ ဗိုလ်ချုပ်ကျော်ဇော ရဲ့ ပဲခူးတပ်ရင်းအိမ်မှာ ဗိုလ်ချုပ်အောင်ဆန်းနဲ့သခင်စိုးတို့ ဖက်ဆစ်တော်လှန်ရေးကိစ္စ ဆွေးနွေးရ အောင်စီစဉ်ပေးဖို့ သခင်သန်းထွန်းကတာဝန်ပေးခဲ့တဲ့ရဲဘော်ကြီးလို့ စာတွေထဲမှာဖတ်ရဖူးပါတယ်။

တစ်နေ့တော့ ကျွန်တော်စာပေဟောပြောပွဲခရီးတွေက ပြန်အလာမှာ အိမ်နီးချင်း ရွှေကူမေနှင်း က ဦးသိန်းအောင် ဆုံးပြီ။ ခုပဲ ဆရာ့အိမ်ရှေ့က ကြံတောကိုသွားပြီး သဂြိဟ်ခဲ့ကြတယ်။ ကျွန်မ ခုပဲ ပြန်လာခဲ့တယ်။ လိုက်သွား…..လိုက်သွား…….. အလောတကြီးပြောတာနဲ့ ကျွန်တော်လည်း ချက်ချင်းလိုက်သွားခဲ့ပါတယ်။ အဲဒီမှာ ဦးလွင်ရဲကတူ ဒေါက်တာခင်မောင်ဝင်းနဲ့ ဇနီးရွှေရီဝင်းတို့ နှစ်ယောက်ပဲ မီးသင်္ဂြိုဟ် တဲ့နေရာကထွက်လာကြတာတွေ့ရပါတယ်။ ဒါနဲ့ ကျွန်တော်လည်း တစ်ယောက်တည်းသွားပြီး ဂါရ၀ပြုလိုက်ရပါတယ်။ လက်အုပ်ချီရင် သူက ကြိုက်မယ်မထင်ဘူး။ ဒါနဲ့ လက်သီး ဆုပ်ပြီး ကိုယ့်နဖူးအနီးမြှောက်ပြီး အလေးနီ ပြုခဲ့လိုက်ပါတယ်။ ရဲဘော်ကြီး ဦးလွင် ရောက်ရာဘ၀မှာ (နောင်ဘ၀ကို သူမယုံတောင်၊ ကျွန်တော်က ယုံလို့) သူ ဒီဘ၀ဖြစ်ချင်ရှာတဲ့ ပန်းချီဆရာ၊ စာရေးဆရာဖြစ်ပါစေလို့ ကျွန်တော် ဆုတောင်းလိုက်ပါတယ်။

မောင်စွမ်းရည် (၂၀၁၇ ၊ သြဂုတ် ၂)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
MoeMaKa English Site

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:လူများ၊ ရုပ်ပုံလွှာများ, မောင်စွမ်းရည်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း စက်တင်ဘာ ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း OKKW ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်