မင်းကိုနိုင် ● ကပ်ခွာစိတ်ထားများ

August 22, 2017

 

● ကပ်ခွာစိတ်ထားများ

(မိုးမခ) သြဂတ်စ် ၂၂၊ ၂၀၁၇

ကိုမင်းကိုနိုင် လူမှုကွန်ရက်စာမျက်နှာပေါ်မှ ပြန်လည်ကူးယူပါသည်။

“လူတွေဟာ ကိုယ့်နိမိတ်ကိုယ် ဖန်တီးနေကြတာ၊ကြည့် နိမိတ်မရှိ နမာမရှိ၊ ကားမှာ ကျည်ပေါက်ရာတွေ ပိုက်ဆံ အကုန်ခံပြီး ကပ်စရာ ဒီလောက်ရှားသလား”

သက်ကြီးတစ်ယောက်၏ မာန်မဲသံနှင့် ညွှန်ပြရာကျနော် ကြည့်မိသည်။ စတစ်ကာ ခေါ်ကပ်ခွာတွေ စိတ်ကူးပေါ်သလို ကား တွေမှာ ကပ်ကြသူတွေ အကြောင်းလည်း တစ်ဆက်တည်းတွေးမိပါ၏။ သာမန်လိုအပ်ချက်ထက် ကျော်လွန်၍ကပ်ကြသော ကပ်ခွာတွေ ကိုယ်စီ အဓိပ္ပါယ်နှင့်။ ကပ်သူတွေကိုယ်တိုင် ဘယ်လိုစိတ်သဘောရှိသည်ကို ပြနေသည်ဟု ကျနော် ထင်သည်။ ကားထဲမှာ ကလေးတွေပါတယ်ဟူသည့် ယေဘုယျအသိပေးချက်မျိုးကို ဘာမှမဆိုလိုပါ။ “ကပ်မလိုက်နဲ့” ၊ “ဖြည်းဖြည်း” စ သည်တို့မှာလည်း မဆန်းပါ။ တချို့စာတမ်းများကတော့ ထူးသည်။

“ခရီးသည်ဘက်က အမြဲမှန်သည်” ဟူသည့် စာတမ်းကပ်ပြီး ထိုအတိုင်း ကျင့်ကြံသော၊ သည်းခံတတ်သော အငှားယာဉ်မောင်း တွကို ကျနော် မကြာခဏ ကြုံဖူးသည်။ မဆန်းသော်လည်း အသိအမှတ်ပြုပါသည်။ တစ်ဦးကတော့ ထူးသည်။ ဘ၀တူ ယာဉ်မောင်းများ အန္တရာယ်ကင်းကြပါစေဟု စာတန်းကပ်ထား၏။

သူ့စာတမ်းနှင့်အညီ သူကိုယ်တိုင်လည်း မှန်မှန် မောင်းသည်။ စိတ်ရှည်ရှည်ထားသည်။ လမ်းကြောင်းပြောင်းလိုလျှင် အနည် ဆုံး ဆယ်စက္ကန့်ကြိုအချက်ပြပြီးမှ ယာဉ်ကြောပြောင်းသည်။ သူ့စိတ်ထားကို သူ့ကားပေါ်ကပ်ပြီး ခရီးသွားနေသူဖြစ်ပါ၏။ သူ့ကပ်ခွာစာတန်းကို မြင်ရုံမျှ လူတွေမှာ စိတ်ချမ်းသာရာရကြရသည်။

ဘတ်စကားကြီးက သူ့ယာဉ်ကြောမှကျော်၍ ၀ဲဘက်ကပ်ကာ လုမောင်းလာသည်။ ပြီးတော့ ယာဘက်ယာဉ် ကြောသို့ ပြန် ၀င်ရန် ယာဉ်အကူက တစ်ကိုယ်လုံးထွက်လာပြီး တစ်စီးလောက် တစ်စီးလောက်ဟုအော်ကာ လမ်းတောင်း၏။

ပေးသူက ပေးလိုက်လျှင် ၀င်သည်။ မပေးလျှင်တော့အင်ဂျင်သံကြီး တဗြဲဗြဲပေးကာ ခေါင်းကို ဇွတ်တိုးဝင်တော့သည်။ ဒါတွေ က ရိုးနေပြီဆိုသော်လည်းနေ့စဉ် ကြုံရတိုင်း တစ်ဖက်လူတွေ သွေးတိုးအောင် စိတ်အနှောင့်အယှက်ဖြစ်ကြရတာ ကြုံသူ တိုင်းသိကြပါသည်။

တစ်မြို့လုံး အလုအယက် မောင်းနေကြသည့် ရန်ကုန်တွင် မိတ်ဆွေတစ်ယောက်ကတော့ သူ့ကားတွင် After You ဆိုသည့် စာတန်းကို ကပ်ထားသည်။ ထိုစာတန်းနှင့်အညီ သူတစ်ပါးကို ဦးစားပေး စောင့်ပေးလေ့ရှိသည်။ မိသားစုမိတ်ဆွေ အတော် များများက သူ့ကားကို မစီးချင်ကြ။ သူကတော့ လေအေးအေးဖြင့် ရှင်းပြလေ့ရှိသည်။

“ကမ္ဘာမှာလည်း တန်းစီစနစ်ဆိုတာ အားလုံးကျင့်သုံးနေကြတာပဲ၊ ဒီစနစ်ကို ကျနော်ကြိုက်တယ်၊ ယုံတယ်၊ တစ်ခါတစ်ရံ ကျတော့ ဦးစားပေးဖို့ လိုအပ်လာတယ်၊ အဲဒီအခါမျိုးမှာ ကျနော်က သူတစ်ပါးကို ဦးစားပေးချင်တယ်လေ၊ ဒါနဲ့ ဒီစာတန်းကပ် ထားတာ”

သူ့စကား နားထောင်ရင်း ကျနော်တို့ဆီမှာ ကားတွေအလုအယက် နိုင့်ထက်စီးနင်းမောင်းကြပုံတွေ မြင်ယောင်လာသည်။ ဥပမာ- လမ်းမပေါ်သို့ လမ်းသွယ်ထဲမှကားတွေတက်ချင်သည်ဆိုပါစို့။ လမ်းမကြီးက ဦးစားပေးလမ်းဖြစ်သည်။ လမ်းမကြီး ပေါ်ရှင်းမှ လက်သွယ်ထဲကကားက တက်ခွင့်ရှိသည်။ ဒါက အားလုံးသိပြီးသားကိစ္စ၊ ထိုအခါမျိုးဆိုလျှင် ထိုမိတ်ဆွေက ဦးစားပေးလမ်းမကြီးပေါ်မောင်းနေပါလျက် လမ်းသွယ်ထဲမှာကားများထွက်နိုင်ရန် ရပ်ပေးစောင့်ပေးလေ့ရှိသည်။

“အဲဒီလိုလုပ်တော့ တုံ့ပြန်မှုတွေ ဘယ်လိုရှိလဲ”

“ကောင်းပါတယ်၊ ကျေနပ်ကြပါတယ်၊ ကျေးဇူးတင်ကြောင်း လက်ပြသွားကြတယ်၊ ပြဿနာက ကျနေ့ာ်မိန်းမပဲ၊ သူ့တုံ့ပြန်မှု ကတော့ မကောင်းလှဘူးပေါ့၊ ကားလမ်းကျပ်ရတဲ့အထဲ နောက်ကျပါပြီ၊ ဝေသန္တရာကြီးရဲ့လို့ သြဘာပေးခံရတာပေါ့”

သူပြုံးနေသော်လည်း ကျနော်ရယ်မိသည်။ ညီလေးရည်ရွယ်ချက်တွေ ဘယ်လောက်အောင်မြင်သလဲဟု တဆက်တည်း မေးကြည့်ပါ၏။

“ကျနော် ယုံကြည်လို့ ကျင့်တယ်၊ တခြား လူတွေလိုက်လုပ်နိုင်ရင် ပိုကောင်းတာပေါ့၊ ဒါမျိုးကအုပ်စုလိုက် ကျင့်ကြံရမှာ မျိုး လို့ ကျနော် ထင်တယ်၊ ဒါက ပရဟိတ တစ်မျိုးပဲလေ”

သူ့စကားကို ကျနော် စူးစိုက်စဉ်းစား ပါသည်။ မြို့ကြီးလမ်းများတွင် ဇွတ်တိုးခေါင်းဝင်၊ ကြိမ်းမောင်း၊ ငေါက်ငမ်း သွေးဆူနေကြ သည့် မြင်ကွင်းများ အသံများကြား သူလိုလူဘယ်နှဦရှိပါ့။ စည်းကမ်းကောင်းသည့်နိုင်ငံများဘက် ဂရုပြုကြည့်မိသည်။ လမ်း သွယ်မှ ကားများထွက်ရန် အခက်အခဲဖြစ်နေ လျှင် ဦးစားပေးလမ်းပေါ်မှ ကားများကလျှော့ပေးကြသည်။ လမ်းသွယ်ထဲမှ ကားများ အခွင့်အရေးကိုရတုန်း အကုန်မယူကြပါ။ တစ်စီးစနှစ်စီးစသာထွက်ပြီး နောက်ကားများက ရပ်စောင့်ကာလမ်းမ ကြီးပေါ်မှ ကားများကိုမောင်းကြရန် ပြန်ဦးစားပေးလေ့ရှိကြပါသည်။ ဆိုလိုသည်ကတော့ တစ်လှည့်စီဦးစားပေးကြသည် ဆိုပါတော့။

မိမိက ဦးစားပေးဖြစ်နေပါလျက် ပြန်ဦးစားပေးနေသောထိုမိတ်ဆွေအတွက် အများ၏ တုံ့ပြန်မှုကို ကျွန်တော်စဉ်းစားနေစဉ် သူ့အား နောက်ကားများက သြဘာပေးကြသည်ကို တွေ့လိုက်ရသည်။ လမ်းမကြီးဖြစ်ပါလျက် လမ်းသွယ်ထွက် ကားတွေကို ဒီလောက် ဦးစားပေးနေရသလားဟု ဒေါသဖြစ်ပြီး နောက်မှနေ၍ ဟွန်းတွေစုပြုံ တီးကြခြင်းပင်ဖြစ်ပါသည်။

အငှားယာဉ်တစ်စီးသည် ရှေ့က အငှားယာဉ်ကိုအတင်းကျော်တက်ကာ ခရီးသည်ကို ၀င်လုလိုက်၏။ လမ်းဘေးချ မရပ်၊ လမ်းလယ်မှာပင်ရပ်ကာ ဈေးစကားပြောနေကြသေး၏။

နောက်ကားများ သည်းမခံနိုင်တော့။ တစ်ခုခု လှမ်းသတိပေးရန် ကြံကြသည်။ ကားဟွန်းများပေါ် လက်များရောက်သွားကြ၏။ ထိုစဉ် ထိုရှေ့ကား နောက်မြီးမှာကပ်ထားသည့် ကပ်ခွာစာတမ်းကို မြင်ကြရလေသည်။ “ဟွန်းမတီးနဲ့ ဖေဖေ သိတယ်” ဟူ သတက်။

မင်းကိုနိုင်
[ပြည်သူ့အရေးဂျာနယ် အပတ်စဉ်ဆောင်းပါးမှ]


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ရသဆောင်းပါးစုံ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ

By

  ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ (မိုးမခ) နိုဝင်ဘာ ၁၅၊ ၂၀၁၇ ယခုစာအုပ်မှာ...

Read more »

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်