ဖြိုးသီဟချို (Myanmar Now) ● မြန်မာပြည်မြောက်ပိုင်းမှ အမေ့ခံ မိခင်များ

August 23, 2017

● မြန်မာပြည်မြောက်ပိုင်းမှ အမေ့ခံ မိခင်များ
(မိုးမခ) သြဂတ်စ် ၂၃၊ ၂၀၁၇

တနိုင်း (Myanmar Now) – ခရစ်ယာန်ဘုရားကျောင်းဟူသည်မှာ တစ်ပတ်တစ်ခါ သွားရောက်ဝတ်ပြုကြသည့်နေရာဟု အများက သိထားကြသည်။ ဒေသ ဘုရားကျောင်း အများအပြားမှာမူ ထိုဓလေ့ထက် ပိုနေသည်။

ကချင်ပြည်နယ်၊ တနိုင်းမြို့ရှိ ကချင် နှစ်ခြင်းခရစ်ယာန်အသင်းတော် (KBC) ဘုရားကျောင်းတွင် ခိုလှုံနေကြသူများအနက်မှ ၂၂ နှစ် အရွယ် မထွယ်လျှား ဖျားနာနေသည်မှာ ၅ ရက် ကြာပြီ ဖြစ်သည်။ ပြီးခဲ့သည့်ရက်ပိုင်းအတွင်းတွေ့ရစဉ် စခန်းအတွင်း အသက်အငယ်ဆုံး မိခင်များထဲမှ တစ်ဦးဖြစ်သည့် မထွယ်လျှားက မြို့ဆေးရုံတွင် သွားရောက်ကုသမှုခံယူရန် ပြင်ဆင်နေသည်။   

 

နန့်ပျိုကျေးရွာမှ  ၄၈ နှစ်အရွယ် ဒေါ်အားနီသည် တနိုင်းမြို့ရှိ  ဧဝံဂေလိအသင်းတော်တွင် ခိုလှုံလျက်ရှိသည်

၃၆ နှစ်အရွယ် မရီနွိုင်းကတော့ သုံးလအတွင်း မြို့ဆေးရုံသို့ နှစ်ကြိမ်ရောက်ခဲ့ပြီးဖြစ်သည်။ ကျန်းမာရေးကောင်းပြီး ဝင်ငွေရှိ သည့် အလုပ်အကိုင်ရလျှင်  ၎င်းနှင့်ကလေးအတွက်  လိုအပ်သည်များကို ဝယ်ယူနိုင်မည်ဟု နို့ထွက်နည်းနေသည့် နို့တိုက် မိခင်က မျှော်လင့်နေသည်။

ဤအမျိုးသမီးနှစ်ဦးသည် KBC စခန်းတွင် ခိုလှုံနေသူ ၄၂၅ ဦးထဲတွင် ပါဝင်သည်။ စခန်းတွင်နေထိုင်သူတို့ အာဟာရချို့တဲ့ သဖြင့် ၎င်းတို့၏ ကျန်းမာရေးအခြေအနေနှင့်ပတ်သက်ပြီး စခန်းတာဝန်ရှိသူတစ်ဦးဖြစ်သည့် သင်းအုပ်ဆရာ ဦးတူးရှန်က စိုးရိမ်မကင်း ဖြစ်နေသည်။

“လူများတော့ တစ်ယောက်ဖျားရင် နောက်ထပ် လေးငါးယောက်လောက်က ဆက်တိုက်ကူးသွားတာပေါ့။ တစ်ယောက် ဝမ်း ပျက်တယ်ဆိုရင်လည်း ထပ်ပြီးကူးကုန်တာပေါ့” ဟု သင်းအုပ်ဆရာက ပြောသည်။

အမျိုးသမီး ၅ဝ ခန့် ဆေးရုံတက်နေရရာ ထက်ဝက်ကျော်မှာ ကလေးမိခင်များဖြစ်သည်ဟု သင်းအုပ်ဆရာက ပြောသည်။

နန့်ပျိုကျေးရွာမှ  ၄၃ နှစ်အရွယ် ဒေါ်အလေးမီးသည် တနိုင်းမြို့ရှိ ဧဝံဂေလိအသင်းတော်တွင် ခိုလှုံလျက်ရှိသည်

မြန်မာပြည်မြောက်ပိုင်း စစ်ရေးပဋိပက္ခကြောင့် နေရပ်မှတိမ်းရှောင်လာကြသူများ ကျန်းမာရေးထိခိုက်လာကြခြင်းမှာ အာ ဟာရချို့တဲ့မှု၏ နောက်ဆက်တွဲအခြေအနေဖြစ်သည်ဟု စခန်းတွင်နေထိုင်သူတို့က ယူဆနေကြသည်။ ဒုက္ခသည်စခန်း များတွင် ကျန်းမာရေးစောင့်ရှောက်မှု လိုအပ်လျက်ရှိရာ နို့တိုက်မိခင်တို့သည် အထူးဂရုစိုက်ပြီး စောင့်ရှောက်မှု လိုအပ်လာ သူများ ဖြစ်လာသည်။

ဤအတောအတွင်း ကူညီမှု အမှန်တကယ်လိုအပ်နေသူများထံသို့ရောက်လာသည့် ပြင်ပလှူဒါန်းမှုတချို့က လမ်းတွင် ဟန့်တား ပိတ်ဆို့မှုနှင့် ရင်ဆိုင်နေရသည်။

● ဟင်းရည်၊ ငါးပိနှင့် ဆန်ပြုတ်
တနိုင်းရှိ ခရစ်ယာန်ဘုရားကျောင်းများတွင် ခိုလှုံနေကြသူ စုစုပေါင်း ၉၃၇ ဦး ရှိရာ ၎င်းတို့မှာ အင်းဂါးဂါး၊ နမ်းခမ်း၊ နမ်းပျို ရွာတို့မှ ထွက်ပြေးတိမ်းရှောင်လာရသူများ ဖြစ်ကြောင်း သိရသည်။

တုံမရီ (COC) ဒုက္ခသည်စခန်းတွင် ရောက်နေသည့်  နောင်ပျိုကျေးရွာမှ ၄၈ နှစ် အရွယ် မအားနီက အလုပ်အကိုင်နှင့်ဝင်ငွေ မရှိခြင်း၊ မှီခိုနေရခြင်းတို့ကြောင့် စိတ်အားငယ်ရသည်ဟု ပြောသည်။

“ကလေးအတွက်ကတော့ အဟာရဓာတ် ပြည့်စုံအောင် မကျွေးနိုင်ဘူး။  ဆန်ပြုတ်ကျိုပြီးမှပဲ ကျွေးနိုင်တယ်။ နို့က သူ့အတွက် ဝအောင်တော့ မထွက်ဘူး။ အဆာပြေသဘောလောက်ပဲ ထွက်တယ်” ဟု  ကလေးငယ်ကို ကြည့်ရင်း ပြောပြသည်။

ကလေးငယ်များနှင့်မိခင်များအတွက် ဆေးဝါး၊ နို့မှုန့်နှင့် အာဟာရရှိမည့် အစားအသောက်များလိုအပ်နေသော်လည်း  စစ် ရှောင်သူ ရာနှင့်ချီ ခိုလှုံနေသော စခန်းများတွင် ထမင်း၊ ငါးပိနှင့်ဟင်းရည်ကိုသာ ကျွေးမွေးနိုင်ကြောင်း ပြီးခဲ့သည့် ရက်ပိုင်း အတွင်း တွေ့ရသည်။  အစားအသောက် မပြည့်စုံမှုဒဏ်ကို အကြီးအကျယ်ခံရသူများထဲတွင် ရင်ခွင်ပိုက်ကလေးများ ပါဝင် သည်။

ဧဝံဂေလိ အသင်းတော် ပရဝုဏ်သို့ရောက်ရှိနေသူ   နန့်ပျိုကျေးရွာမှ  ၄၈ နှစ် အရွယ် ဒေါ်အားနီက ၈ လအရွယ် ကလေးငယ် ကို နို့ချိုတိုက်ကျွေးနေရသူဖြစ်သည်။

“နို့က သူ့အတွက် ဝအောင်တော့ မထွက်ဘူး။ အဆာပြေသဘောလောက်ပဲ ထွက်တယ်” ဟု ကလေးပွေ့ချီထားသည့် ဒေါ် အားနီက ဆိုသည်။

● စစ်ရှောင်စခန်းများ
စစ်ဘေးဒုက္ခသည်များ တနိုင်းမြို့ ဒုက္ခသည်စခန်းများသို့ရောက်ရှိနေသည်မှာ သုံးလနီးပါးရှိနေပြီးဖြစ်ပြီး ကနဦးတွင် အစိုးရ အာဏာပိုင်များထံမှ ဖိအားပေးမှုများရှိခဲ့သည်ဟု ကချင်နှစ်ခြင်းအသင်းတော် KBC က သိက္ခာတော်ရ ဆရာတော် ဦးဒါ့ဘန် ဂျယ်ဒီက ပြောသည်။

အစိုးရအာဏာပိုင်တို့က စစ်ဘေးဒုက္ခသည်များကို တနိုင်းမြို့တွင် မထားရှိဘဲ မြစ်ကြီးနားမြို့ သို့ပို့ဆောင်ရန် ပြောဆိုခဲ့သော် လည်း  ထပ်မံဖိအားပေးခြင်းမရှိတော့ဟု ဆိုသည်။

မြစ်ကြီးနား၊ ဗန်းမော်၊ မန်စီ စသည့် ကချင်ပြည်နယ်မြို့များတွင် စစ်ရှောင်စခန်းများ ပေါ်ပေါက်လာသည်မှာ နှစ်အတန်ကြာ ပြီဖြစ်သည်။

ကချင်ဒေသ တကျော့ပြန်စစ်ပွဲ ၄ နှစ်အကြာတွင်  နေရပ်စွန့်ခွာထွက်ပြေးရသူ အရပ်သားအရေအတွက် တစ်သိန်းကျော်ရှိ လာကြောင်း၊ ၎င်းတို့ထဲမှ ထက်ဝက်ခန့်သည် မြို့ကြီးမြို့ငယ်များအနီးရှိ ဒုက္ခသည်စခန်းတို့တွင်  နေထိုင်ကြပြီး ကျန်ထက်ဝက် သည် ကချင်လက်နက်ကိုင်အဖွဲ့ ထိန်းချုပ်နယ်မြေရှိ စခန်းများတွင်  ခိုလှုံနေကြသည်ဟု ရန်ကုန်မြို့ ကုလသမဂ္ဂ လူသားချင်း စာနာ ထောက်ထားမှုဆိုင်ရာ ညိနှိုင်းဆောင်ရွက်ရေးရုံး (UNOCHA) ၏စာရင်းများအရ သိရသည်။ ဤခန့်မှန်းချက်မှာ လွန် ခဲ့သော ၃ နှစ် ထွက်ရှိထားခြင်း ဖြစ်ပြီး ယခု နောက်ဆုံးရကိန်းဂဏန်း မဟုတ်သေးပေ။

တနိုင်းမြို့စခန်းများသို့ လာရောက်လှူဒါန်းသူများရှိသော်လည်း  အလှူပစ္စည်းတင် မော်တော်ယာဉ်တို့သည် သြဂုတ် ၂၁ ရက်နေ့အထိ ဝင်ရောက်ခွင့်မရသေးပေ။

ပဋိပက္ခနယ်မြေ ဖြစ်သောကြောင့် လုံခြုံရေးတင်းကျပ်ထားခြင်းကို နားလည်သော်လည်း အမှန်တကယ် လိုအပ်နေသူများထံ သို့ အလှူပစ္စည်းများ ရောက်ရှိသွားမည်ဟု မျှော်လင့်ကြောင်း ဒေသတွင်း ဘာသာရေးခေါင်းဆောင်များထဲတွင် ပါဝင်သည့် သိက္ခာတော်ရ ဆရာတော် ဦးဒါ့ဘန်ဂျယ်ဒီက ပြောသည်။

 

တနိုင်းမြို့မှ အသက် ၂ဝ အရွယ် စစ်ရှောင်ဒုက္ခသည် လီဆူးတိုင်းရင်းသူ မအာတူးဆာ

ဤအလှူပစ္စည်းများမှာ ဧဝံဂေလိ အသင်းတော်နယ်မြေရောက် ၄၃ နှစ်အရွယ် ဒေါ်အလေးမီးကဲ့သို့ ကလေးအမေများအတွက် အထူး အကျိုးဖြစ်မည်ဖြစ်သည်။ နန့်ပျိုကျေးရွာသူ ဒေါ်အလေးမီးက မကြာခင်ကမှ နာလန်ထလာသူဖြစ်သော်လည်း အများ နည်းတူ ထမင်း၊ ငါးပိ၊ ဟင်းရည်တို့ကိုသာ အားထားနေရသူဖြစ်သည်။

ကလေးအတွက် အာဟာရမှာ မိခင်နို့ပြီးလျှင် ဆန်ပြုတ်သာ ရှိသည်။

“လူကြီးလည်း ဘာမှ ဝယ်မစားနိုင်သလို ကလေးကိုလည်း ဘာမှမကျွေးနိုင်ဘူး” ဟု ဒေါ်အလေးမီးက ဆိုသည်။

● အိမ်ပြန်ချင်ပြီ
ဘုရားကျောင်းနယ်မြေများတွင် ခိုလှုံနေရသူများထဲမှ ရင်ခွင်ပိုက်ကလေးမိခင်များ၏ တူညီသောအချက်များထဲတွင် ရင်သွေး ငယ်အတွက် ရုန်းကန်လိုခြင်း၊ အိမ်လွမ်းစိတ်တို့ ပါဝင်သည်။

တုံမရီ နှစ်ခြင်း အသင်းတော်တွင် တွေ့ရသည့် လီဆူတိုင်းရင်းသူလည်း မကြာသေးခင်ကမှ ဆေးရုံဆင်းလာသူဖြစ်သည်။   အသက် ၂ဝ အရွယ် မအာတူးဆာ သာမက သူ၏ ရင်ခွင်ပိုက်သားငယ်လည်း တနိုင်းဆေးရုံတွင် ကုသမှုခံယူခဲ့ရသည်။ တ နိုင်း၊ နမ့်ပျိုကျေးရွာတွင် နေထိုင်ခဲ့သည့် လီဆူတိုင်းရင်းသူက အလှူရှင်များကိုသာ အားကိုးနေရသည့်အတွက်  စိတ်အားငယ် ရသည်ဟု ပြောသည်။ ရွာပြန်ရန် အခြေအနေမပေးသည့်အခြေအနေတွင် သူက ဝင်ငွေရှိသည့် အလုပ်အကိုင်တစ်ခုကို လုပ် ကိုင်လိုသူဖြစ်သည်။  

 

၃၆ နှစ်အရွယ် ရင်ခွင်ပိုက်ကလေးမိခင် မရီနွိုင်းသည် သုံးလအတွင်း ဆေးရုံ နှစ်ကြိမ်တက်ပြီးနောက် အစားအသောက် ဆင်းရဲသော  စစ်ရှောင်စခန်းသို့ ပြန်ရောက်လာသည်

သူနှင့် အသက် မတိမ်းမယိမ်းရှိသူ  မထွယ်လျှားကလည်း မိရိုးဖလာ ရွေ့ပြောင်းတောင်ယာလုပ်ငန်းကိုပစ်ပြီး စခန်းတွင် ခို လှုံစဉ် ကျန်းမာရေးမကောင်းသဖြင့် အားငယ်စိတ်က ပိုမိုကြီးထွားလာသည်။

လူက စစ်ရှောင်စခန်းအတွင်း ရောက်နေသော်လည်း သူ့စိတ်က  နမ်းခမ်းကျေးရွာသို့ ရောက်နေသည်။

“ဆေးရုံတက်ရမယ်လို့ ပြောပါတယ်။ ဖျားတဲ့အချိန် အိမ်မှာလည်း မဟုတ်တော့ စိတ်ဓာတ်ကျပါတယ်။  ရွာကိုပြန်ချင်တယ်၊ ရွာက အိမ်ကိုလွမ်းတယ်” ဟု နမ်းခမ်းကျေးရွာမှ ထွက်ပြေးလာသူ ငယ်ရွယ်သည့်နို့တိုက်မိခင် မထွယ်လျှားက ငိုရှိုက်ပြီး ပြောလိုက်လေသည်။  ။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းဆောင်းပါး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ

By

  ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ (မိုးမခ) နိုဝင်ဘာ ၁၅၊ ၂၀၁၇ ယခုစာအုပ်မှာ...

Read more »

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်