ဖြိုးသီဟချို (Myanmar Now) ● ပုဒ်မ ၁၄၄ အမိန့်ကြေညာရင် တနိုင်းဒေသခံတွေ ပိုနစ်နာမယ်

September 12, 2017

● ပုဒ်မ ၁၄၄ အမိန့်ကြေညာရင် တနိုင်းဒေသခံတွေ ပိုနစ်နာမယ်
(အင်တာဗျူး)
(မိုးမခ) စက်တင်ဘာ ၁၂၊ ၂၁၀၇

ဇွန်လဆန်းပိုင်းက ပြည်နယ်၊ တနိုင်းမြို့နယ်ရှိ ပယင်းမှော်၊ ရွှေမှော်တို့မှ ဆယ်ရက်အတွင်း ထွက်ခွာကြရန် သတိပေးစာများ ကြဲချသည့် ရဟတ်ယာဉ်အတွင်း ရှိနေသော်လည်း စာကြဲလုပ်ငန်းနှင့် ပတ်သက်ပြီး သက်ဆိုင်ခြင်းမရှိကြောင်း အမျိုးသားဒီမိုကရေစီအဖွဲ့ချုပ်မှ အမတ်တစ်ဦးက ပြောလိုက်သည်။

သတိပေးစာကြဲမည့် အစီအစဉ်ကိုလည်း ကြိုတင် သိခဲ့ခြင်းမရှိဟု ကချင်ပြည်နယ်လွှတ်တော် စီမံကိန်း၊ ဘဏ္ဍာရေးနှင့် ပြည်သူ့ငွေစာရင်းကော်မတီ ဥက္ကဋ္ဌ၊ တနိုင်းမဲဆန္ဒနယ် လွှတ်တော်ကိုယ်စားလှယ် ဦးဇော်ဝင်းက ဆိုသည်။

သြဂုတ်လကုန်ပိုင်းက ပြည်နယ်လွှတ်တော်တွင် တွေ့ဆုံစဉ် ဦးဇော်ဝင်းက တနိုင်းဒေသ အခြေအနေတို့ကို ပြောပြထားသည်။

မေး။ ။ တနိုင်းဒေသ ရဟတ်ယာဉ်ပေါ်ကနေ စာကြဲတဲ့အကြောင်း နည်းနည်း ရှင်းပြပေးပါ။
ဖြေ။ ။ ၆ လပိုင်း ၅ ရက်နေ့ကဆိုရင် ၁ဝ မှော်လုံးကို ၁၅ ရက်နေ့မှာ နောက်ဆုံး ထွက်သွားဖို့ စာတွေကြဲတယ်။ ကြဲတဲ့အခါမှာ သတင်းမီဒီယာတွေက တပ်မတော်၊ လွှတ်တော်ဥက္ကဋ္ဌကြီးရော နယ်မြေခံ လွှတ်တော်ကိုယ်စားလှယ်ရော ပူးပေါင်းပြီး လုပ် တယ်ဆိုပြီးတော့ သတင်းထုတ်ပြန်သွားတယ်။ ဖြစ်စဉ်ကတော့ ရဟတ်ယာဉ်နဲ့ ကျွန်တော်တို့ကို ခေါ်သွားတာ။ စာကြဲမယ်ဆို တာလည်း မတိုင်ပင်ဘူး။ ကျွန်တော့်ကိုတော့ လမ်းကြုံတယ်၊ လိုက်ခဲ့မလား၊ တနိုင်းသွားမယ်၊ နန်းယွန်းဘဏ်ကို ပိုက်ဆံသွား ပို့မယ်ဆိုပြီးတော့ ခေါ်သွားတာ။ မှော်တွေပေါ် စာကြဲတဲ့အချိန်မှာလည်း ဘာစာတွေကြဲတယ်ဆိုတာ ကျွန်တော်တို့က မသိ သေးဘူး။ စာကြဲတာက အလိပ်လိုက်တွေ လုပ်ပြီးတော့ အပေါက်ဖွင့်ပြီးတော့ နောက်ကနေ ပစ်ချတာ။ အောက်ရောက်တော့မှ ဒီလိုစာတွေဆိုတာကို သိရတာ။ ဒါပေမယ့် သူတို့က သတင်းထုတ်ပြန်တဲ့အချိန်မှာတော့ လွှတ်တော်ဥက္ကဋ္ဌကြီးနဲ့အတူ နယ်မြေခံကိုယ်စားလှယ်အပါအဝင် ပူးပေါင်းပြီး လုပ်ဆောင်တယ်ဆိုပြီးတော့ ပြည်သူ့လွှတ်တော်မှာ တရားဝင်ရှင်းတာ၊ အဲဒီ လိုတွေ ဖြစ်သွားတာပါ။

မေး။ ။ ပါတီတာဝန်ရှိသူ အဆင့်ဆင့်ကို တင်ပြခဲ့ပါသလား။
ဖြေ။ ။ မြို့နယ်၊ ခရိုင်အဆင့်ဆင့်ကို တင်ပြတဲ့အခါမှာ ပြည်ထောင်စုကတော့ တပ်နဲ့လုပ်ရင် သတိထားလုပ်ဖို့ဆိုပြီး အကြောင်း ပြန်တာပဲ ရှိပါတယ်။ တခြား ကြီးကြီးကျယ်ကျယ်တော့ ပြောတာ မရှိပါဘူး။

မေး။ ။ ဒီကိစ္စကို ပြည်နယ်လွှတ်တော်မှာရော ရှင်းလင်းခဲ့ပါသလား။
ဖြေ။ ။ တပ်မတော်သား ကိုယ်စားလှယ်က ဆွေးနွေးတဲ့အခါမှာ ကျွန်တော် Object (ကန့်ကွက်) လုပ်တဲ့အခါမှာ ရှင်းလင်း ခဲ့ပါတယ်။ ဒီခရီးစဉ်က ကျွန်တော်တို့ ဘုမသိဘမသိနဲ့ လွှတ်တော်ဥက္ကဋ္ဌနဲ့ ကျွန်တော့်ကို ခေါ်သွားပြီးတော့ အသုံးချခဲ့တာ ဖြစ်တယ်။ ပြည်သူတွေက ကျွန်တော်တို့ကို တစ်မျိုးမြင်နေတယ်။ KIA (ကချင်လက်နက်ကိုင်အဖွဲ့) ကလည်း တစ်မျိုးမြင်နေ တယ်ဆိုပြီးတော့ ကျွန်တော် လွှတ်တော်ထဲမှာ တရားဝင်ပြန်ရှင်းခဲ့ပါတယ်။

မေး။ ။ ဘယ်လို ဂယက်ရိုက်မှုတွေ ရှိခဲ့သလဲ။
ဖြေ။ ။ ဖြစ်ချင်တော့ အဲဒီအချိန်က လွှတ်တော်ဥက္ကဋ္ဌက ပင်နီအင်္ကျီ ဝတ်မထားဘူး။ ကျွန်တော်က ပင်နီဝတ်ထားတော့ ကျွန် တော်နဲ့ တိုင်းမှူး လက်ဆွဲ နှုတ်ဆက်နေတဲ့ ပုံတွေနဲ့ သူတို့က ရှင်းတာ။ ကျွန်တော်တို့ ကောင်းကောင်း အသုံးချခံလိုက်ရတယ်လို့ ထင်ပါတယ်။ ဒေါ်အောင်ဆန်းစုကြည် နိုင်ငံခြားသွားတဲ့အခါမှာ တနိုင်းက လွှတ်တော်ကိုယ်စားလှယ်ကိုယ်တိုင် တပ်နဲ့ပေါင်း ပြီးတော့ မှော်တွေကို စာကြဲတယ်၊ အခု ထိုးစစ်တွေလည်း ဆင်နေတယ်၊ အဲဒါ ဒေါ်အောင်ဆန်းစုကြည်သိပါသလားဆိုပြီး မေးခံရတယ်။ ဒေါ်အောင်ဆန်းစုကြည်က သူမသိပါဘူးဆိုပြီးတော့ မီဒီယာမှာ ဖြေခဲ့ပါတယ်။ တကယ်လည်း သူသိမှာ မ ဟုတ်ဘူးလေ။ ပြည်သူက အမြင်စောင်းသွားတာပေါ့။ လွှတ်တော်မှာ ကျွန်တော်က မေးခွန်းတွေလည်း အများကြီးမေးခဲ့တယ်။ Object လုပ်စရာရှိရင်လည်း ကျွန်တော်က အများဆုံးလုပ်ခဲ့ပါတယ်။ ပါတီကိုရော၊ လူကိုရော ဦးတည်ပြီး တိုက်ခိုက်တယ်လို့ ကျွန်တော့်အနေနဲ့ သုံးသပ်ပါတယ်။

မေး။ ။ လက်ရှိ တနိုင်းဒေသမှာ နှစ်ဖက်တပ်တွေရဲ့ အခြေအနေကရောဘယ်လိုရှိပါသလဲ။
ဖြေ။ ။ တပ်မတော်ဘက်က တရားဝင်ပြောလာတာကတော့ KIA/KIO (ကချင်လက်နက်ကိုင်အဖွဲ့) ရိက္ခာရရှိရေးအတွက် ထောက်ပံ့နေတဲ့ ဒေသဆိုပြီးတော့ ၂ဝ၁၆၊ ၁ဝ လပိုင်း၊ ၂၆ ကနေ စပြီးတော့ ကျွန်တော်တို့ ဘက်ကို ရိက္ခာတွေဖြတ်တယ်။ ဆန်နဲ့စက်သုံးဆီတွေ ဖြတ်တယ်။ Cabinet (အစိုးရအဖွဲ့) မှာလည်း အကြိမ်ကြိမ်သူတို့ ဆွေးနွေးတယ်လို့ပြောတယ်။ လွှတ်တော်မှာလည်း သက်ဆိုင်ရာ ဝန်ကြီးတွေနဲ့ ကျွန်တော် အကြိမ်ကြိမ် ညှိတယ်။ ကျွန်တော်တို့ဘက်မှာ ဒီလိုစက်သုံးဆီနဲ့ ရိက္ခာတွေ ဖြတ်လို့မရဘူးဆိုတာကို ညှိတယ်။ ညှိရင်းညှိရင်းနဲ့ ဘယ်လိုမှမရတာနဲ့ ၃ လပိုင်းမှာ ဆန်နဲ့ စက်သုံးဆီနဲ့ ပတ် သက်ပြီး (လွှတ်တော်မှာ) ကျွန်တော် အရေးကြီးအဆိုတင်ပါတယ်။ အဆိုက အောင်မြင်ပါတယ်။ ဒါပေမယ့်လည်း ခုချိန်ထိ၊ ယနေ့အချိန်ထိ ဒီအရေးကြီးအဆိုနဲ့ ပတ်သက်ပြီး (ကချင်ပြည်နယ်) အစိုးရဘက်က အကောင်အထည်ဖော် တာမျိုးတော့ မရှိသေးပါဘူး။

မေး။ ။ အရေးကြီးအဆိုနဲ့ပတ်သက်ပြီး နည်းနည်း ထပ်ရှင်းပြပေးပါဦး။
ဖြေ။ ။ ကျွန်တော် အရေးကြီးအဆိုတင်တဲ့အခါမှာ တနိုင်းမြို့နယ်၊ နောက်တစ်ခုက ရှင်ဘွေယန်မြို့နယ်ခွဲ၊ ထွေအုပ်ကနေပြီး တော့ ထောက်ခံချက်နဲ့၊ ဒီမှာ လူဦးရေ ဘယ်လောက်ရှိတယ်၊ ဆန်ဘယ်လောက် လိုပါတယ်၊ စက်သုံးဆီဘယ်လောက်လိုတယ် ဆိုတဲ့ တွက်ချက်နှုန်းနဲ့ ပေးနေပါတယ် ဆိုပြီးတော့ နယ်လုံဝန်ကြီးက လွှတ်တော်မှာ တရားဝင်ဖြေသွားပါတယ်။ ဒါပေမယ့် တနိုင်းမှာတော့ ဘယ်လောက်ပေးတယ်၊ ရှင်ဘွေယန်မှာတော့ ဘယ်လောက်ပေးတယ်၊ အဲဒီနှုန်းထားအတိုင်း မလောက်တဲ့ အကြောင်း အရေးကြီးအဆို တင်တယ်။ အဆိုလည်း အောင်တယ်။ အရေးကြီးအဆို တင်လိုက်တော့မှ တနိုင်းမြို့က ဆန် ရော စက်သုံးဆီရော မပေးတော့ဘူး၊ ရှင်ဘွေယန်မှာတော့ ပေးနေတယ်။ လက်ရှိ ပေးနေတဲ့ နှုန်းနဲ့ဆိုရင်တော့ မလောက်င ပါဘူး။ ကုန်ဈေးနှုန်းကြီးမြင့်တဲ့ ဒဏ်ကို ပြည်သူတွေ အလူးအလဲ ခံနေရတာပေါ့။ တနိုင်းမှာတော့ တရားဝင် ဟိန်းအောင်ဆီဆိုင် ဆိုတာတော့ ရှိတယ်။ သူ့ကိုလည်း နည်းနည်းတော့ ထိန်းချုပ်တာမျိုးတော့ရှိတယ်။ တစ်လကို ဘယ်လောက်ပဲ သယ်ရ မယ်ဆိုတာမျိုးပေါ့။ ဆီကလည်း သူတစ်ဦးတည်း ရထားတာ ဆိုတော့ သူ့ဈေးအတိုင်း ဖြစ်နေတာ။

မေး။ ။ တနိုင်းဒေသကို ပုဒ်မ ၁၄၄ အမိန့်ထုတ်ဖို့ ပြည်နယ်လွှတ်တော်မှာ အဆိုတင်တာနဲ့ ပတ်သက်ပြီး ရှင်းပြပေးပါ။
ဖြေ။ ။ သူတို့ ရည်ရွယ်ချက်ကတော့ ကချင်ပြည်နယ် ဟူးကောင်းချိုင့်ဝှမ်းဒေသ ပယင်းတွေ၊ ရွှေတွေ တရားမဝင် တူးနေတယ်၊ သဘာဝပတ်ဝန်းကျင်လည်း ပျက်စီးနေပြီ၊ ဂေဟစနစ်တွေလည်း ပျက်စီးနေပြီ၊ ဒါကြောင့် ဟူးကောင်းချိုင့်ဝှမ်းဒေသ တနိုင်းမြို့နယ်ကို ၁၄၄ ထုတ်ပြီးတော့ ကန့်သတ်နယ်မြေအဖြစ် ပြုလုပ်ပေးဖို့ ပြည်နယ်လွှတ်တော် အဋ္ဌမပုံမှန်အစည်းအဝေး၊ ပဉ္စမနေ့မှာ အဆိုတင်ပါတယ်။ ဒါပေမယ့် အဲဒီနေ့မှာပဲ ကျွန်တော်ကိုယ်တိုင်ပဲ ကန့်ကွက်လိုက်တော့ နောက်နေ့မှာ ဆွေးနွေး ခွင့်ကို မရခဲ့ပါဘူး။ ရှင်ဘွေယန်နဲ့ တနိုင်းဝန်းကျင်က တရားမဝင်ရွှေမှော်တွေကို နယ်မြေရှင်းလင်းမယ် ဆိုပြီးတော့ အခု စီစဉ်နေပါတယ်၊ အဲဒါရဲ့ အကျိုးဆက်ပေါ့။

မေး။ ။ ပုဒ်မ ၁၄၄ အမိန့်ထုတ်ရင် ဘာတွေ ဖြစ်သွားနိုင်ပါသလဲ။
ဖြေ။ ။ ကျွန်တော်တို့က လက်ရှိ ဆန်နဲ့စက်သုံးဆီတောင်မှ အကန့်အသတ်နဲ့ သွားနေရတဲ့ ကြားထဲ တစ်ဆင့်တိုးပြီးတော့ တနိုင်းဒေသကို ကန့်သတ်နယ်မြေသာလုပ်မယ် ဆိုရင်တော့ တနိုင်းပြည်သူတွေကတော့ ဒီထက်ပိုပြီးတော့ အခက်အခဲ ဖြစ်မှာပေါ့။ တပ်မတော်သား ကိုယ်စားလှယ်တင်တဲ့ အဆိုကို ဥပဒေကြောင်းအရ လက်ခံပါတယ်။ ဘာကြောင့်လဲဆိုတော့ တရားမဝင်ရွှေမှော်၊ တရားမဝင် ပယင်းမှော် လို့ ပြောထားတဲ့အတွက် လက်ခံနိုင်ပါတယ်။ တနိုင်းပြည်သူတွေအနေနဲ့ ကြည့်မယ်ဆိုရင်တော့ နယ်မြေရှင်းလင်းရေး လုပ်မယ်၊ ကန့်သတ်နယ်မြေလုပ်မယ် ဆိုရင် အကျိုးဆက် အလွန်ကြီးလွန်းပါ တယ်။ ဥပမာအားဖြင့် တောင်သူဆိုရင် တောထဲကို လွတ်လွတ်လပ်လပ် မသွားရတာတို့ ဘယ်နှစ်နာရီကနေ ဘယ်နှစ်နာရီ သွားရတာတို့ ဆိုရင် ခုလက်ရှိတောင်မှ ဒီလောက် ခက်ခဲနေတာကို ကန့်သတ်နယ်မြေသာ ထပ်လုပ်မယ် ဆိုရင်တော့ တနိုင်းပြည်သူတွေက တော်တော် အခက်အခဲ ဖြစ်နိုင်ပါတယ်။ အဲဒါကြောင့် ကျွန်တော် ကန့်ကွက်ခဲ့တာပါ။

မေး။ ။ နယ်မြေရှင်းလင်းရေးကို ဘယ်လောက် အချိန်ယူမယ်လို့ ပြည်နယ်လွှတ်တော်မှာ တင်ပြခဲ့ပါသလဲ။
ဖြေ။ ။ သူတို့ အဆိုတင်တဲ့ ဟာကို ကျွန်တော်နားထောင်ကြည့်တဲ့အခါမှာ တစ်လ အတွင်း ရှင်းမလား၊ တစ်ပတ်အတွင်း ရှင်း မလား၊ သူတို့က time table (အချိန်ဇယား) မပါဘူး။ ထားပါတော့ နယ်မြေ ရှင်းလင်းရေး လုပ်မယ်၊ ကန့်သတ်နယ်မြေ လုပ်မယ် ဆိုရင် ကျွန်တော်တို့က ၂ နှစ်ကျော် ၃ နှစ်သက်တမ်း ကျန်မယ်။ ၃နှစ်လုံးများ လုပ်ထားရင် ကျွန်တော်တို့ ပြည်သူ တွေအတွက် အဆိုလည်း တင်မရဘူး၊ မေးခွန်းလည်း မေးမရဘူး။ ကျွန်တော်တို့အတွက် အများကြီး အကြပ်ရိုက်သွား ပါ မယ်။ ။

————-

ဓာတ်ပုံ – သြဂုတ်လကုန်ပိုင်း ကချင်ပြည်နယ်လွှတ်တော်တွင် တွေ့ရသော တနိုင်းမဲဆန္ဒနယ် လွှတ်တော်ကိုယ်စားလှယ် ဦးဇော်ဝင်း (ဓာတ်ပုံ – ဖြိုးသီဟချို/Myanmar Now)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:အင်တာဗျူး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ်

By

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ် (မိုးမခစာအုပ်စင်) သြဂုတ် ၁၇၊ ၂၀၁၈...

Read more »

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်