မောင်လူရေး – ဖွတ်ဂါရာမ “ဟဟ” အဟော

October 18, 2017

မောင်လူရေး – ဖွတ်ဂါရာမ “ဟဟ” အဟော
(မိုးမခ) အောက်တိုဘာ ၁၈၊ ၂၀၁၇

ဖွတ်ဂါရာမသည် ဇမ္ဗူဒိပ် နိမိတ်ပေါ်တဲ့ကျွန်း၏ ဗဟိုချက်မဖြစ်ရကား အတိတ်တဘောင်တို့ဖြင့် အရိပ်ဆောင်လေ့ရှိ၏။ အထူးသဖြင့် နိုင်ငံ့အခြေအနေကို သရုပ်ဖော်ရာ၌ အတိတ်တဘောင်စနည်းတို့သည် ဆေးစက်များဖြစ်ချေတော့သည်။ ယင်းဆေးစက်များသည် မှော်ဆန်သော အရုပ်ထင်မှုရှိ၏။
ယခုရောအခါသည် တရံရောအခါနှင့် စနည်းနာပုံ မတူတော့ချေ။ တရံရောအခါက လှေဆိပ် လှည်းဆိပ် ဘုံဆိုင်စသည်တို့၌ ဘယ်သူ ဘယ်လို တွတ်သလဲ စနည်းနာရ၏။ ယခုမှု ခြေတိုအောင် လျှောက်စရာ မလိုတော့ချေ။ ဘေလိုတာ ဖြည့်လိုက်ဖို့သာ။ ကိုယ့်အိပ်ယာပေါ်မှ ဖုန်းကို ပွတ်လိုက်ရုံမျှနှင့် တပြည်လုံးတွတ်သမျှ ကြားရ အဲ ဖတ်ရပေတော့သည်။ ကြားရသမျှထဲက “စနည်း” အရည်မှီသည့် စကားလုံးများကို ဆွဲထုတ်ကြည့်လိုက်လျှင် တိုင်းပြည်၌ ဖြစ်ပေါ်လာမည့်အရာများကို ကြိုတင်မှန်းဆနိုင်ပေသည်။

“ဗရမ်းဗတာတွေပါဟယ်” ဆိုသော စကားသည် ဖေ့ဘွတ်မျက်နှာစာတွင် လောက်ကဲ့သို့ တရွရွတက်လာ၏။ တဖြည်းဖြည်းနှင့် ဈေးအိမ်သာက လောက်များကဲ့သို့ တဖွားဖွားတက်လာပြီးနောက် တိုင်းပြည်သည် တရားစီရင်ရေးဗရမ်းဗတာ၊ ဥပဒေပြုရေးဗရမ်းဗတာ၊ အုပ်ချုပ်ရေးဗရမ်းဗတာ၊ စီးပွားရေးစီမံကိန်းဗရမ်းဗတာ၊ သိမ်းဆည်းမြေယာအရေးဗရမ်းဗတာ၊ မီဒီယာဗရမ်းဗတာ၊ အမတ်ဗရမ်းဗတာ အရပ်ဗရမ်းဗတာ၊ ဇာတ်ဗရမ်းဗတာ၊ နတ်ဗရမ်းဗတာစသဖြင့် ဗရမ်းဗတာပေါင်း သောင်းခြောက်ထောင်နှင့် တလှုပ်လှုပ်တရွရွ ဖြစ်နေရမည်ဟု ဆိုပေသည်။

ဦးကိုနီသတ်သောတရားခံများကို တရားစီရင်မှုအစ ၆၆ဃဥပဒေပြုမှုအလယ် တောင်ပြုံးပွဲပိတ်ခံရခြင်းအဆုံး ဤသုံးခုလောက် ဆင်ခြင်ကြည့်ရုံနှင့် သိသာနိုင်သည်။ သင်္ချာပါမောက္ခ လည်ဆည်ပဝန်ကြီးဖြစ်၊ ဒုဝန်ကြီးစိုက်ပျိုးရေးပညာရှင် ဖြုတ်ခံရတာတွေ ရခိုင်အရေးမှာ မီဒီယာက ပလီတာတွေ ထားပါဦး။

“ဒိုးခ” ဆိုတဲ့ စနည်းကတော့ ခရီးစရိတ်ကို ဆိုလိုသည်။
ဒိုးခဆိုသည့်အတိုင်း သွားရေးလာရေးအဖိုးအခများ ပိုကုန်ကျလာသည်။ ငွေတင်မက အချိန်ကိုပါ ပိုပေးလာရရာ” ပြည့်အင်အားသည် ကားပေါ်မှာသာ ရှိသည် “ဟူသော သဘော အဟောထွက်သည်။

“ဟဟဘဲရမယ်” ဆိုသဟာသည် ဖွတ်ဂါရာမ၏ အဟများကို အထူးဆိုလိုသည်။ သာမန် ဟ သည်သာမက အထူး ဟ သည်ဟု ပြောလိုရင်းဖြစ်သည်။ ဖွတ်ဂါရာမသည် တခါးမရှိ ဒါးမရှိ တိုင်းပြည်ဖြစ်ကြောင်း ဟနှစ်လုံးထပ်၍ ဖော်ပြလိုရင်းဖြစ်သည်။

ဟောသည့်အတိုင်းပင် အနောက်တံခါးသည် ဟ ရုံမက ဟက် ပင် ခံလိုက်ရသည်။ အခုအခါ ကမ္ဘာ့ဆရာကြီးများ မီဒီယာများ၏ ဟဟ လုပ်တာ ဟောက်တာ ဟဲတာပင် ခံနေရချေသေးသည်။ ဟ ရုံမက ဟင်းလင်းပွင့်နေတာကတော့ အရှေ့တံခါး မြောက်တံခါး။ သစ်ရော ကျောက်ရော တလဟော။ တောင်တခါးကလည်း လူတွေ တသောသောထွက်နေသည်။ တချို့ကတော့ ပညာသင်လိုလို ပညာရှင်လိုလိုနှင့် အပေါ်တခါးက ထွက်သွား ဝင်လာ လုပ်နေကြပုံများကို အလင်းပြသည်။

ဖေ့ဘွတ်စနည်းများကား မငြီးစရာ သရုပ်ဖော်ပုံများစွာကို ဆွဲနေပေတော့သည်။ “ငြိမ်းချမ်းရေးရှိုက်သံ” ဆိုသည့် စကားလုံးလည်း ကုန်းကုန်း ကုန်းကုန်းနဲ့ တက်လာပြန်ရာ အဲဒီကထဲက စစ်ပွဲတွေနဲ့ ငိုရှိုက်နေကြရမည်မှာ သိသာလှသည်။ NCA မျှနှင့်ဘဲ မြန်ပြည်ကြေမွသည့်ကိန်းကို လူပိန်းပင် သိစေပြန်သည်။

“သိုက်ကလာတယ်” ဆိုသဟာ တချို့ဆရာများကတော့ မိုးကျရွှေကိုယ် ဌာနဆိုင်ရာ ဗိုလ်ပြုတ်များ၏ ဘနဖူးသိုက်တူးပုံကို အဟောထွက်သည်။
တချို့ဆရာများကတော့ စနည်းထက်မြင့် တဘောင်အဆင့်ပေးတွက်သောအခါ ၂၀၀၈ခြေဥကို ဆိုလိုပါသတဲ့။ သိုက်ကလာသူများက တပြည်လုံးရှိ သတ္ထုသိုက် ရေနံသိုက် ဂက်စ်သိုက် ရွှေသိုက် ကျောက်သိုက် သစ်သိုက် မြေသိုက် ဒီမိုကရေစီသိုက် လူ့အခွင့်အရေးသိုက်များကို ထင်သလိုနှိုက်ကြသည့်အဖြစ်ကို ထုဆစ်ထားခြင်းဖြစ်ပါသတဲ့။

“ဆုတောင်းလေ ဆုတောင်း” ဆိုသည့်စနည်းကတော့ ဖေ့ဘွတ် စနည်းချုပ်တည်း။ သိတော်မူသည့်အတိုင်း အထက်ပါအဖြစ်အပျက်တွေအားလုံးကို စုရုံး အရုပ်ထင်မှုတည်း။
မိမိကိုးကွယ်ရာ ဘာသာအလိုက် မိမိတဦးချင်း မိမိဝတ်ကျောင်း၌ ကုသိုလ်ပြု ဆုတောင်းနေရုံနှင့် ဖွတ်ဂါရာမ နလံထဖို့ မဖြစ်နိုင်တော့။ အနို့သို့မို့ထို့ကြောင့် ဘာသာစုံ လူစုံ မြို့စုံ တရက်တည်းစုပေါင်း၍ ဆုတောင်းပွဲကြီးများပေါ်ရသည့်ပုံကို စနည်းစုတ်တင်ကာ ကမ္ဗည်းရုပ်ထင်ထားခြင်းတဲ့ဗျာ။

“ဂျင်းကောင်”တို့ “ဂျင်းထည့်”တို့ဆိုသဟာကတော့ ဖွတ်ဂါရာမတွင် “ဂျီနိုဆိုက်”အသံများ မိုးလုံးလျှံလာတော့မည်ဖြစ်ကြောင်း ဟောလိုရင်းဖြစ်သည်။

မောင်လူရေး

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သရော်စာ, မောင်လူရေး

Comments are closed.

ကြော်ငြာ … ကြော်ငြာ …

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags