ဖြိုးသီဟချို (MyanmarNow) ● မောင်တောမှ အပြန် (ခရီးသွားအက်ဆေး)

October 31, 2017

● မောင်တောမှ အပြန် (ခရီးသွားအက်ဆေး)
(မိုးမခ) အောက်တိုဘာ ၃၁၊ ၂၀၁၇
မေယု တောင်တန်းနှင့်
မျဉ်းပြိုင် ရခိုင်ကမ်းရိုးတန်းတို့က လှပစွာ ပြေပြေလေး သွယ်တန်းနေကြသည်။ ဘင်္ဂလားပင်လယ်အော်ကို
ဖြတ်သန်းတိုက်ခတ်လာသည့် ပင်လယ်ရနံ့ပါသည့် လေပြေညှင်းလေးများကြောင့် တစ်ကိုယ်လုံးအေးမြသွားသော်လည်း
စိတ်ထဲမှာတော့ မကြည်နူးနိုင်။ စိမ်းညို့နေသော အရိုင်းဆန်သည့်ပင်လယ်ရေပြင်နှင့် ထိုလှပသော
ကမ်းရိုးတန်းတို့ကိုမှ အားမနာ၊ ကမ်းရိုးတန်းတစ်လျှောက်ရှိ မီးလောင်ပြင်ရွာတန်းရှည်တို့က
ကြည်နူးသည့်စိတ်ကို ဖျက်ဆီးပစ်နေကြ၍ ဖြစ်သည်။
ထိုမီးလောင်ပြင်ရွာတန်းရှည်တို့မှာ
နိုင်ငံတကာက ရိုဟင်ဂျာဟုခေါ်ဆိုပြီး မြန်မာနိုင်ငံသားအများစုက ဘင်္ဂါလီဟု ခေါ်သည့် ဒေသနေ
မွတ်စလင်တို့ နေထိုင်ကြသည့် ကျေးရွာများဖြစ်သည်။



မျက်စိရှေ့တွင်
ဆန့်ကျင်ဘက် မြင်ကွင်းနှစ်ခုရှိသကဲ့သို့ ကျွန်တော့်အဇ္ဈတ္တတွင်လည်း အမြင်နှစ်ရပ်က လွန်ဆွဲနေသည်။
နိုင်ငံသားတစ်ယောက်အနေဖြင့် နိုင်ငံနယ်နိမိတ်နှင့် အချုပ်အခြာအာဏာကို တန်ဖိုးထားသော
စိတ်ရှိနေပြီး၊ အခြားတစ်ဖက်တွင်တော့ လူသားတို့၏ ဘဝဖြစ်တည်မှုအပေါ် ကိုယ်ချင်းစာ တန်ဖိုးထားမှု
လူသားတစ်ယောက်၏လူသားဆန်မှု အမြင်ကလည်း ရှိနေသည်။

မေယုတောင်တန်းသည်
အလွန်လှပ၏။ တောင်တန်းနှင့်အပြိုင် ဆင်းလာပြီး ဘင်္ဂလားပင်လယ်အော်ထဲ စီးဝင်သွားသည့် နတ်မြစ်ကို
ကျွန်တော်ထိုင်နေသည့် တောင်ကုန်းပေါ်မှ မထင်မရှားမြင်တွေ့နေရသည်။ ဘင်္ဂလားပင်လယ်အော်၏
ကမ်းခြေလမ်းအတိုင်း မောင်တောမှ စစ်တွေတစ်ဖက်ကမ်း အငူမော်ထိ ကားလမ်း ဖောက်လုပ်ထားသည်။
ပင်လယ်၏ ဟိုမှာဘက်ကမ်းမှာတော့  ဘင်္ဂလားဒေ့ရ်ှနိုင်ငံက
မှုန်ပျပျ။



● မီးလောင်ပြင်ကျေးရွာများ

ဘူးသီးတောင်၊
မောင်တောဒေသတွင် မွတ်စလင်ကျေးရွာပေါင်း ၂၃၉ ရွာ၊ တိုင်းရင်းသားနှင့်မွတ်စလင်များ ရောနှောနေထိုင်သည့်ကျေးရွာ
၁၆ ရွာရှိပြီး  ဩဂုတ်လနှောင်းပိုင်း ပဋိပက္ခများအပြီးတွင်
ကျေးရွာ ထက်ဝက်ကျော်ခန့်ကို မီးလောင်ပြင်အဖြစ်သာ မြင်တွေ့ရတော့မည် ဖြစ်သည်။

ဗဟိုအစိုးရ၊
ပြည်နယ်အစိုးရတို့က  ထိုမီးလောင်ပြင်များမှာ
၂၀၁၃ ခုနှစ် သဘာဝဘေးအန္တရာယ် ဥပဒေအရ အစိုးရက စီမံ ကိုင်တွယ်သွားမည်ဟု တရားဝင် ထုတ်ဖော်ပြောထားသည်။
ပြည်နယ်ဝန်ကြီးချုပ် ဦးညီပုနှင့်ပြီးခဲ့သည့်ရက်များက ပြည်နယ် အစိုးရရုံးတွင် တွေ့ဆုံခွင့်ရခဲ့သည်။
ထိုမီးလောင်ပြင်များကို ၂၀၁၃ ခုနှစ် သဘာဝဘေးအန္တရာယ် ဥပဒေအရသာ စီမံခန့်ခွဲသွားမည်၊ မွတ်စလင်များကို
ပြန်လည် နေရာချထားရေးအတွက်မူ စီးပွားရေးဇုန်နှင့် ပြန်လည် နေရာချထားရေးဆိုင်ရာ အချက်များ
ပါဝင်သည့် ပင်မစီမံကိန်းတစ်ခု ကိုရေးဆွဲနေသည်၊ ထိုစီမံကိန်းတွင် ကိုဖီအာနန်အစီရင်ခံစာနှင့်  ဒုသမ္မတဦးမြင့်ဆွေတို့၏ အစီရင်ခံစာပါ အကြံပြုချက်များပါဝင်မည်ဟု
၎င်းကပြောသည်။



စစ်ဗိုလ်ချုပ်ဟောင်းများ၊
၎င်းတို့နှင့်နီးစပ်သူများသာ လက်ဝါးကြီးအုပ်ထားသည့် မြန်မာ့စီးပွားရေးစနစ်၏ ထုံးစံအတိုင်း
သိပ်မကြာသည့်အချိန်တွင် ထိုဒေသများမှာ ယခင်စစ်အာဏာရှင်ခေတ်တစ်လျှောက်လုံး ခရိုနီဟုခေါ်ဆိုခဲ့ကြသူတို့သာ  နှစ်ရှည်ငှားရမ်းလုပ်ကိုင်ခွင့်ရရှိမည့် အပန်းဖြေကမ်းခြေများ
ဖြစ်လာနိုင်သလို  ၎င်းတို့ အကျိုးအမြတ်အများဆုံးရရှိမည့်
စီးပွားရေးဇုန်များလည်း ဖြစ်လာနိုင်ပါသည်။



● မောင်တော-စစ်တွေလမ်းတစ်လျှောက်

ကျွန်တော်
မောင်တောမှ ငှားရမ်းလာခဲ့သည့် လိုက်အေ့စ်ကားလေးမှာ မေယုတောင်ခြေတစ်လျှောက် ဖောက်လုပ်ထားသည့်
ဖုန်တစ်ထောင်းထောင်းထနေသည့် ကားလမ်းလေးအတိုင်း တအိအိသွားနေသည်။  မောင်တော မြောက်ပိုင်းတွင် မွတ်စလင်ကျေးရွာတချို့ကို
မြင်တွေ့ရနိုင်သော်လည်း မောင်တောတောင်ပိုင်း မောင်တော-အငူမော် လမ်းတစ်လျှောက်တွင်တော့
လူသူကင်းမဲ့နေပြီး မီးလောင်ထားသော အိမ်နှင့် မော်တော်ယာဉ်များကသာ နေရာယူထားသည်။

မောင်တောမြို့အလွန်
မြို့သူကြီးကျေးရွာမှ စတင်မြင်တွေ့ရသည့် မီးလောင်ပြင်ရွာတို့မှာ တစ်ခုပြီးတစ်ခု ဆက်လာသည်။
ဒုချီးရားတန်း၊ အလယ်သံကျော်၊ ညောင်ပင်ကြီး၊ ချိန်ခါလီ၊ မြင်းလွှတ်၊ အင်းဒင်၊ ကိုးတန်ကောက်
…ရှည်လျားသည့်ရွာနာမည်စာရင်း။

မောင်တောမှ
စစ်တွေတစ်ဖက်ကမ်း အငူမော်အထိ လေးနာရီကြာ ကားစီးရပြီး မေယုမြစ်ကို ဖြတ်လျှင် စစ်တွေမြို့သို့ရောက်ရှိမည်ဖြစ်သည်။
ကားလမ်းဟုဆိုသော်လည်း နွားလှည်းသွားရန်သာ သင့်တော်သည့်လမ်းမျိုးဖြစ်သည်။ ကျွန်တော်၏
ယာဉ်မောင်းဖြစ်သူကတော့ လပေါ်တွင် ကားမောင်းနေရသကဲ့သို့ ခံစားရသည်ဟု ခပ်နောက်နောက်ပြောသည်။

မော်တော်ယာဉ်မောင်းမှာ
အသက် ၄၀ အရွယ်ရှိ ရခိုင်လူမျိုးဦးရွှေကျော်ဖြစ်သည်။ ပဋိပက္ခများပြင်းပြင်ထန်ထန် ဖြစ်ပွားခဲ့သည့်
မီးလောင်ပြင်များကို သွားရောက်ကြည့်ရှုရန် တစ်ယောက်တည်းရောက်ရှိလာသည့် သတင်းထောက်ကို
လိုက်ပို့ရဲသူ  ယာဉ်မောင်းမှာလည်း မောင်တော
တစ်မြို့လုံးတွင် များများစားစားမရှိနိုင်။
မောင်တော-အငူမော်လမ်းကို
ပြင်ဆင်လိုက်ပါက စစ်တွေမှ မောင်တောအထိ နှစ်နာရီအတွင်းရောက်ရှိနိုင်မည်ဖြစ်ပြီး မြန်မာ-ဘင်္ဂလား
ကုန်သွယ်ရေးတွင် အရေးပါသည့် လမ်းမကြီးဖြစ်လာနိုင်သည်ဟု ကျွန်တော်က သုံးသပ်သည့်အခါ သူ့မျက်လုံးတွေက
တောက်ပ လာသည်။

သို့သော်လည်း
မီးလောင် ပျက်စီးနေသော အိမ်များ၊ ပိုင်ရှင်မဲ့ ကျွဲနွားများကို ဆွဲခေါ်လာသူများ အစရှိသည့်
မြင်ကွင်းများကို မြင်တွေ့သော အခါတွင်တော့ သူ့စိတ်ကပြောင်းလဲသွားသည်ထင်၏။ သူက မောင်တောမြို့ကို
စွန့်ခွာသွားမည့်အကြောင်း ဖွင့်ဟလာခဲ့သည်။ မောင်တောမြို့ကို စွန့်ခွာဖို့အတွက် သူလက်ရှိမောင်းနှင်နေသည့်
လိုင်စင်မဲ့ မော်တော်ယာဉ်ကို ရောင်းချသွားရမည်ဟု ခပ်တိုးတိုးညည်းသည်။
ဒီဒေသမှာ မွတ်စလင်တွေက ၉၇ ရာခိုင်နှုန်းလောက်ရှိတယ်။ ပြဿနာက
ဘယ်အချိန်ဖြစ်လာမလဲဆိုတာ မှန်းဆလို့မရဘူးဗျ
ဟု သူက ချိုင့်ခွက် တစ်ခုကို ရှောင်မောင်းလိုက်ရင်းကျွန်တော့်ကို
လှမ်းပြောလိုက်သည်။

 

● မောင်တောသို့အသွား

စစ်တွေမှမောင်တောသို့ အလာခရီးတွင် မေယု မြစ်ကြောင်းအတိုင်း သင်္ဘောဖြင့် ဘူးသီးတောင် မြို့အထိ
ဆန်ခဲ့ပြီး ထိုမှတစ်ဆင့် မော်တော်ယာဉ်ဖြင့် မေယုတောင်တန်းကို ဖြတ်ကျော်ပြီး မောင်တောသို့ရောက်သည်။
မေယုမြစ်က မေယုတောင်၏ အရှေ့ဘက်ခြမ်းတွင် ပတ်ခွေ စီးဆင်းနေသည့်မြစ်ဖြစ်သည်။ စစ်တွေမှ
မနက် ၇ နာရီခွဲ ထွက်သည့် သင်္ဘောသည် ဘူးသီးတောင်မြို့ရှိ သင်္ဘောဆိပ်သို့ ညနေ ၃ နာရီ ကျော်တွင်
ရောက်သည်။ ဘူးသီးတောင်မှ မောင်တောသို့ မော်တော်ယာဉ်ဖြင့် တစ်နာရီနီးပါး ထပ်မံ မောင်းနှင်ရသည်။

မေယုမြစ်ကြောင်းတစ်လျှောက်ရှိ ရသေ့တောင်နှင့်ဘူးသီးတောင်မြို့အနီးတွင် မွတ်စလင်ကျေးရွာ အများအပြားရှိသည်။
မေယုမြစ်ထဲတွင်  လှေဖြင့် ငါးဖမ်းထွက်နေသည်မွတ်စလင် တံငါသည် အများအပြားတွေ့နိုင်သည်။


မောင်တောဒေသသို့
သတင်းထောက်တစ်ဦး တရားဝင်သွားရောက်ရန်မှာ အလွန်ခက်ခဲသည်။ မောင်တောသို့ မသွားခင် မောင်တောမြို့ခံ
အဆက်အသွယ်ကို ရှာဖွေရင်း စစ်တွေတွင် သုံးရက်ကြာသွားသည်။ မောင်တောသို့ အစိုးရ အစီအစဉ်ဖြင့်
မဟုတ်ဘဲ သွားရောက်မည် ဆိုပါက သတင်းထောက် တစ်ဦး အနေဖြင့် ပေါ်ပေါ်တင်တင် သွားရောက်၍ မဖြစ်နိုင်။
ထို့ကြောင့် စစ်တွေမှမောင်တောသို့ အလာ သင်္ဘောပေါ်တွင် ခရီးသွားများနှင့် မိတ်ဆွေဖွဲ့သည့်အခါ
ဦးလေးဖြစ်သူထံ အလည်ပြန်လာသူ တစ်ဦးအဖြစ်သာ ပြောဆိုရသည်။

ယခင်က အတော်အသင့်စည်ကားမည်ဟု
ယူဆရသော မောင်တောဈေးကို ပိတ်ထားသည်။ မောင်တော ဒေသခံ မိတ်ဆွေကတော့ မောင်တောဈေးကို အဓိက
ကြီးစိုးနေသည်မှာ မွတ်စလင်များဖြစ်သည်ဟု မချိတင်ကဲ ဆိုသည်။ မောင်တောဒေသရှိ မွတ်စလင်နှင့်တိုင်းရင်းသားတို့ကြား
ဖြစ်ပွားလာခဲ့သည့် ပဋိပက္ခ အရင်းခံတွင် စီးပွားရေး ပြဿနာတချို့လည်းပါဝင်သည်။ ဒေသတွင်း
စီးပွားရေးလုပ်ငန်း၏ ၈ဝ ရာခိုင်နှုန်းခန့်ကို မောင်တောနေ မွတ်စလင် လုပ်ငန်းရှင်များက
လုပ်ကိုင်နေကြသည်။ ရခိုင်တိုင်းရင်းသားအများစု နေထိုင်သော မောင်တောမြို့ပတ်ပတ်လည်တွင်
မွတ်စလင်ရွာများက ဝန်းရံတည်ရှိ နေခြင်းကလည်း ဒေသခံရခိုင် တိုင်းရင်းသားတို့အတွက် မလုံခြုံမှု
သံသယစိတ်ကို ကြီးထွားစေသည့် အချက်တစ်ချက် ဖြစ်သည်။
 မောင်တောမြို့ကို မြောက်ဘက်တွင်
ရွှေဇားရွာ၊ တောင်ဘက် မောင်တော-ဘင်္ဂလားဒေ့ရှ် ကုန်သွယ်ဌာနအနီး ဘင်္ဂလားဒေ့ရှ်-မြန်မာ နယ်စပ်ခြံစည်းရိုးအနီးတွင်
ဖင်စီရွာ၊ မောင်တောမှ အထွက် ဘူးသီးတောင် ဘက်သို့ အသွားတွင် မြို့မကညင်တန်းရွာ စသည့်
လူဦးရေ သောင်းနှင့်ချီရှိသည့် မွတ်စလင် ကျေးရွာကြီးများက ဝန်းရံထားသည်။ 


● ပထဝီနိုင်ငံရေးနှင့် စီးပွားရေးအလားအလာ

မြန်မာနိုင်ငံသည်  အာရှ ပစိဖိတ်ဒေသတွင် ပထဝီနိုင်ငံရေးအရ အရေးပါသောဒေသဖြစ်သည်။
အင်အားကြီးနိုင်ငံဖြစ်သည့် တရုတ်နိုင်ငံကို
အာဆီယံနိုင်ငံများ၊ ဒေသတွင်း အင်အားကြီးမားသော အိန္ဒိယတို့နှင့် ဆက်သွယ်ပေးထားသည့် မြေတံတားတစ်ခုဖြစ်နေသည်။

ထို့ပြင်
တရုတ်၏ အနာဂတ်အိပ်မက်ဖြစ်သည့် ကျော့ကွင်းတစ်ကွင်း၊ လမ်းတစ်စင်း (One Belt One
Road) စီမံကိန်းနှင့်လည်း ဆက်စပ်နေသည်။ တရုတ်နိုင်ငံက လွန်ခဲ့သည့် ၂၀၁ဝ ပြည့်ဝန်းကျင်ကပင်
ဗဟိုအာရှ၊ အရှေ့တောင်အာရှ၊ တောင်အာရှဒေသများရှိ ပထဝီနိုင်ငံရေးအရ အချက်အချာကျသည့် နိုင်ငံများတွင်
ရင်းနှီးမြှုပ်နှံမှုများ တိုးပြီး လုပ်ဆောင်လာခဲ့ရင်း ၎င်း၏ဩဇာအကို ပိုမိုထူထောင်လာခဲ့သည်။

အထူးစီးပွားရေးဇုန်များကို
သီရိလင်္ကာ၊ အိုမန်၊ မြန်မာ၊ မလေးရှားတို့တွင် တည်ဆောက်လျက်ရှိသကဲ့သို့ ဘင်္ဂလားဒေ့ရ်ှနှင့်ပါကစ္စတန်ရှိ
ဆောက်လုပ်ရေးလုပ်ငန်းများတွင်လည်း ရင်းနှီး မြှုပ်နှံမှုများ ပိုမိုပြုလုပ်နေသည်။ ရေနံနှင့်သဘာဝဓာတ်ငွေ့ပိုင်လိုင်းများကိုလည်း
ဗဟိုအာရှ၊ ရုရှနှင့်အရှေ့တောင်အာရှတို့ကို ဖြတ်သန်းပြီး တရုတ်နိုင်ငံ အနောက်ဘက်ခြမ်းသို့
ဆက်သွယ်မည့် စီမံကိန်းများကို ဆောင်ရွက်လျက်ရှိသည်။
မောင်တောဒေသအတွင်းဖြစ်ပွားနေသည့်
လူမျိုးရေး ပဋိပက္ခမှာ ဒေသတွင်း အင်အားကြီးနိုင်ငံဖြစ်သည့် တရုတ်နိုင်ငံနှင့်ဆက်စပ်မှုရှိနေနိုင်သည်
ဆိုသည့် သုံးသပ်ချက်များကလည်း ထွက်ပေါ်လာသည်။ ရခိုင်ပြည်နယ် မြောက်ပိုင်း၌ ပဋိပက္ခများပြင်းထန်နေချိန်တွင်
တရုတ်ရင်းနှီးမြှုပ်နှံမှု အမြောက်အများရှိရာ တောင်ပိုင်းတွင်တော့ တည်ငြိမ်နေသည်။

ပြည်နယ်တောင်ပိုင်းတွင်
ကျောက်ဖြူရေနက်ဆိပ်ကမ်း၊ မဒေးကျွန်းရှိ ရေနံလှောင်ကန်များမှ တရုတ်နိုင်ငံ အနောက်ဘက်
ယူနန်ပြည်နယ်အထိ သွယ်တန်းထားသည့် ရေနံနှင့်သဘာဝဓာတ်ငွေ့ပိုက်လိုင်းတို့ တည်ရှိနေသည်။
တရုတ်က ကျောက်ဖြူရေနက်ဆိပ်ကမ်းနှင့်အထူးစီးပွားရေးဇုန်တို့ တွင် ဒေါ်လာ ၉ ဘီလီယံ ရင်းနှီးမြှုပ်နှံထားသည်။
ထို့အတူ သဘာဝဓာတ်ငွေ့ပိုက်လိုင်းတွင်လည်း ၂ ဒသမ ၄၅ ဘီလီယံရင်းနှီး မြှုပ်နှံထားသည်။
 

● တိုက်တေနီယမ်က ဆွဲဆောင်မှုတစ်ခုဖြစ်မလား

မောင်တော-အငူမော်
လမ်းတစ်လျှောက်ရှိ ကမ်းခြေများမှာ တိုက်တေနီယမ်သတ္တုဓာတ် ထွက်ရှိသည်ဟု နာမည်ကြီးနေသည့်
ဒေသဖြစ်သည်။ လွတ်လပ်သောအာရှအသံ သတင်းဌာန၏ ၂၀၁၃ ခုနှစ်သတင်းများအရ ထိုကမ်းခြေတစ်လျှောက်တွင်
တိုက်တေနီယမ် ကုန်ကြမ်းများကို ရှာဖွေတွေ့ရှိပြီး တရုတ်နိုင်ငံသို့ တင်ပို့မည်ဟု ပါရှိသည်။
ထိုသတင်းအရ အငူမော်ကမ်းခြေနှင့်အလယ်သံကျော် ကမ်းခြေတို့တွင် ၄၉ ဧက ကျယ်ဝန်းသည့် လုပ်ကွက်
ပေါင်း ၁ဝ ကွက်ကို ပြည်တွင်းကုမ္ပဏီတစ်ခု ဖြစ်သည့် Gold Finder က လုပ်ကိုင်ခွင့်ရရှိထားသည်ဟု
ပါရှိသည်။



ပဋိပက္ခကြောင့်
မီးလောင်သွားသော ရွာများကို စီမံခန့်ခွဲမည်ဟု  ဗဟိုအစိုးရ၊ ပြည်နယ် အစိုးရ တို့က  ထုတ်ပြန်ကြေညာထားသည်။ ထိုဒေသမှ နေရပ်စွန့်ခွာ ထွက်ပြေးနေရသည့်
မွတ်စလင်များကို ပြန်လည် နေရာချထားရေးမှာမူ မရှင်းလင်းသေး။
နိုင်ငံတော်ပိုင်အဖြစ်သိမ်းယူမည့်
မီးလောင်ပြင် ကျေးရွာများမှာ ဒေသခံရခိုင်တိုင်းရင်းသားတို့ အမှန်တကယ် အကျိုးစီးပွားရှိစေမည့်
ဒေသများ ဖြစ်လာ မလား၊ လက်ဝါးကြီးအုပ်စီးပွားရေးသမားများနှင့် တရုတ်နိုင်ငံ၏ အကျိုးစီးပွားများဖြစ်လာမလား
ဆိုသည်ကို တွေးတောရင်း လှပသည့် ကမ်းရိုးတန်းနှင့်ဆန့်ကျင်ဘက် ရုပ်ဆိုးအကျည်းတန် နေသည့်
မီးလောင်ပြင် ကျေးရွာများကို ငေးကြည့်နေမိပါတော့သည်။  

 


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
My Friend Tin Moe By Maung Swan Yi - Selection of MoeMaKa Articles

Tags: , ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ခရီးသွား ဆောင်းပါး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ

By

  ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ (မိုးမခ) နိုဝင်ဘာ ၁၅၊ ၂၀၁၇ ယခုစာအုပ်မှာ...

Read more »

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်