အောင်သူငြိမ်း ● ခရီးရှည် အိမ်အပြန်လမ်း

November 7, 2017

● ခရီးရှည် အိမ်အပြန်လမ်း

(မိုးမခ) နိုဝင်ဘာ ၇၊ ၂၀၁၇

● လူငယ်တယောက်ရဲ့ ဘဝချည်ထွေး (၂)
ကျနော်တို့ နောက်ဆုံးနှစ် ကာကွယ်ရေးနဲ့ လူမှုရေး ဆေးပညာ ကွင်းဆင်းလေ့လာကြရတဲ့ ရေနံချောင်းမြို့ရဲ့ မတ်လက ပူလှတယ်။ ကျနော်တို့က ‘အညာ’ လို့ထင်ပေမယ့် ဒေသခံတွေကတော့ ဒီဒေသကို မြေလတ်ပိုင်းလို့ပဲ ခေါ်ကြတယ်။ ရေနံချောင်းနဲ့ပတ်သက်လာရင် မှတ်မှတ်ထင်ထင်ရှိတဲ့အကြောင်းတွေ ရှိနေတယ်။ စာတွေ့တွေပါ။ မောင်သိန်းဆိုင်ရေးတဲ့ “ရေနံ့သာ ခင်ခင်ကြီး” ဝတ္ထုရှည်ကြီးပဲ။ အရင်ကာလ ရေနံချောင်းဒေသက တွင်းစားသူဌေးတွေ၊ ရေနံတွင်းတူး လုပ်သားတွေနဲ့ ရေနံချောင်းဒေသအကြောင်းကို ဝတ္ထုဖွဲ့ထားတယ်။ ရေနံချောင်းမြို့တည်နေပုံက လွမ်းမောစရာ၊ ခြောက်သယောင်းနေတဲ့ တောင်ပူစာတွေ ရှိတယ်။ သစ်ပင်ကလည်း ရှိလှ ကျိုးတိုးကျဲတဲ။ အဲဒီမှာမှ နာရီလက်တံတွေလို တချက်ချက် လှုပ်နေတဲ့၊ စည်းဝါးကျ သူ့ဘာသာမောင်းနှင်နေတဲ့ ရေနံတူး စင်တွေကို ဟိုနားသည်နား တွေ့ရတယ်။ ဒီဒေသဟာ ရေနံထွက်လို့ အရင် တချိန်တည်းက ဘီအိုစီ (British Oil Corporation) လို ရေနံကုမ္ပဏီကြီးတွေ လက်ဝါးကြီးအုပ် အခြေစိုက် အမြတ်ထုတ်ခဲ့တဲ့ ဒေသ။ ဒုတိယကမ္ဘာစစ်ကြီး ဖြစ်လို့ အင်္ဂလိပ်တွေအဆုပ်မှာ ရေနံတွင်းတွေကို ပိတ်ဆို့ဖျက်ဆီးခဲ့ကြတယ်။ မစားရတဲ့အမဲ သဲနဲ့ပက်ခဲ့ကြတယ်ဆိုတဲ့ သမိုင်းမျိုးလည်း ကျနော်တို့ သင်ခဲ့ရဖူးတယ်။ ရေနံမြေ သခင်ဖိုးလှကြီးတို့လို မဝရေစာစားပြီး၊ ရေနံတွင်းမှာ အလုပ်လုပ်နေကြရတဲ့၊ နောက်ဆုံး “ဖောင်စီးရင်း ရေငတ်” မခံမရပ်နိုင်လို့ ထကြွပုန်ကန်ကြတဲ့ သူရဲကောင်း တွေရဲ့သမိုင်းလည်း ကျနော်တို့ သမိုင်းမှာ သင်ခဲ့ကြရဖူးတယ်။ နောက်တခု ကျနော်စာအုပ်တွေထဲက မှတ်မှတ်ရရဖြစ်နေ တာက စာရေးဆရာမ ဂျူးရဲ့ဝတ္ထုတွေထဲက ရေနံချောင်းပဲ။ ဆရာမက ရေနံချောင်းသူ။ သူကြီးပြင်းရာ အရပ်ကို တနည်းတဖုံ စာအုပ်တွေထဲ ထည့်ရေးဖွဲ့တယ်။ အဲသည် ဝတ္ထုတို၊ စာအုပ်တွေထဲက ရေနံချောင်းကို ကျနော်မြင်ချင်နေမိတယ်။ “အဝေး ကြည့် မှန်ပြောင်း” ဝတ္ထုတိုထဲကလို တဖက် တောင်ကုန်းကို လှမ်းမြင်နေရတယ်။ သူ့ဝတ္ထုထဲက ဇာတ်ကောင်အမျိုးသမီးကတော့ အဝေးကြည့် မှန်ပြောင်းတလက်နဲ့ ရေနံချောင်းတဖက်က တောင်ကုန်းတွေကို လှမ်းမျှော်ငေးမောနေမလားပဲ။

ရေနံချောင်း တကယ်ရောက်တော့ ပူတယ်။ ဖြတ်သန်းတိုက်ခတ်လာတဲ့ လေထုကစလို့ ပူလောင်နေတယ်။ ရွက်ကြွေတွေ က ခြောက်သယောင်းလို့၊ အပင်ပေါ်မှာ မကျန်လောက်အောင် ကြွေကျကုန်ကြပြီ။ ပေါက်ပင်၊ လဲပင်တွေက ပန်းနီနီတွေ မီး တောက်သလို ဖူးပွင့်နေကြတာကိုပဲ နွေအလှလို့ မှတ်ယူရတော့မယ်။ ချွေးစေးတွေထွက်တယ်။ အင်္ကျီနဲ့ကိုယ် မကပ်ချင် လောက်အောင် ပူသယောင်းပေမယ့်၊ ဖုန်တထောင်းထောင်းကြားထဲမှာ ကပ်ညိလာတဲ့ဖုန်တွေကို ချွေးတွေရောပြီး ပြန်ပြန် သုပ်နေရတယ်။ ကျနော်ကတော့ ကျနော်တို့တည်းခိုရာ အဆောင်တခုနောက်က သစ်ခြောက်ပင်ကြီးကို အခုတိုင် ပြန် အ မှတ်ရနေသေးတယ်။ ဆေးရုံနောက်ကျောက တက်သွားရင် တောင်ကုန်းလေးတခုနဲ့အပေါ်မှာ စေတီတဆူရှိတယ်။ နည်း နည်းတက်လိုက်ရင် အင်မတန်ဆွေးမြေ့ဖွယ် သစ်ခြောက်ပင်တပင်ကို မြင်ရတယ်။ အဲဒီသစ်ခြောက်ပင် ခြေရင်းမှာ ဘယ်သူ မှန်းမသိရတဲ့သူတဦးရဲ့အုတ်ဂူငယ်တခုကိုလည်း မြင်ရတယ်။ ညနေ နေကျချိန် နီကျင်ကျင်မှာ ဒီသစ်ခြောက်ပင်နဲ့ အုတ်ဂူ ငယ်ဟာ ဇာတ်လမ်းတခုခုကို ပြောနေသလိုပဲ။ ဘာရယ်လို့မဟုတ်ဘူး။ ဒီမြင်ကွင်းက ဆွေးမြေ့ဖွယ်အလွမ်းဓာတ်ကို ရစေ တယ်။

ကျနော်တို့ ကွင်းဆင်းအဖွဲ့တွေအတွက်တော့ ဒီခရီးစဉ်ဟာ အတော့်ကို ပျော်ရွှင်စရာခရီးစဉ်ပါ။ ကျနော်တို့ကို ဧည့်ခံရတဲ့ မြို့ နယ် ကျန်းမာရေးအရာရှိဆရာဝန်ကလည်း ဖော်ရွေလှတယ်။ လူငယ်သဘောကိုသိတော့လည်း ပေါင်းလို့သင်းလို့ အဆင်ပြေ လှတယ်။ ဒီခရီးတိုလေးအတွင်းမှာ အားလုံးဟာ မောင်နှမတွေလို ရင်းနှီးသွားတယ်။ စကြ နောက်ကြတယ်။ ရယ်မောကြ တယ်။ သူမသိသေးတဲ့၊ ကိုယ်မသိသေးတဲ့ ဘဝနောက်ကြောင်းတွေကို ပြောပြဖြစ်ကြတယ်။ ကျနော်တို့အထဲက ကျောင်းသူ တယောက်က လမ်းဘေးဆိုင်တွေဆို သူမစားတတ်ဘူး။ မြို့မှာကလည်း စားသောက်ဆိုင်နည်းလှတယ်။ ဒီလိုနဲ့ မြို့ရဲ့အ ကောင်းဆုံး စားသောက်ဆိုင်တခုမှာ မနက်စာလည်း အဲဒီမှာ၊ ညစာလည်း အဲဒီမှာ ဖြစ်ကြရတယ်။

ကျနော်တို့ မြင်ရတဲ့ ကျေးရွာလူထုတွေကတော့ ဆင်းရဲလှတယ်။ ပူခြောက်တဲ့ဒေသဖြစ်တော့ ရေရှားတယ်။ မျက်ခမ်းစပ် ရောဂါသည်တွေပေါတယ်။ နူနာရောဂါသည်တွေလည်း ရှိတယ်။ ရာသီဥတုကြောင့် အချို့ဒေသခံလူထုတွေ အသားအရေ က မွဲခြောက်နေသလို ထင်ရတယ်။

ကျနော်တို့ ရေနံချောင်းကို အလာ၊ ရထားခရီးမှာ စိတ်ထိခိုက်စရာ အဖြစ်အပျက်တခုလည်း ကြုံရတယ်။ ကျောက်ပန်း တောင်း-ကြေးနီ ရထားလမ်းတိုကလေးတခုကို လမ်းခွဲစီးကြရတယ်။ အာဏာပိုင်တွေ စီစဉ်ထားတဲ့ ဆေးကျောင်းသားတွေ က ရထားတွဲတဝက်စာကို ခုံနံပါတ်နဲ့ရတယ်။ ရထားလမ်းတိုဖြစ်တော့ တွဲလည်းနည်းတယ်။ အဲဒီမှာကျန်တဲ့ လူထုတွေက တွဲတဝက်မှာ ပြွတ်သိပ်ကျပ်ညှပ်ပြီး ရထားတိုးစီးနေကြရတယ်။ ကျနော်တို့ကတော့ တွဲကျန်တဲ့တဖက်ခြမ်းမှာ ခုံကိုယ်စီနဲ့ ဇိမ်ကျနေကြ တယ်။ ကျနော်တို့ ချုပ်လာကြတဲ့ ဆေးကျောင်းဘက်တံဆိပ်တွေနဲ့ ကုတ်အင်္ကျီတွေကလည်း သစ်သစ်လွင်လွင်။ ခရီး အစဆိုတော့ စကားတွေလည်း တဖောင်ဖောင်။ အခွင့်ထူးခံ ဗွီအိုင်ပီဆန်ဆန်နဲ့ ခရီးစလာကြတယ်။ ရထားတွဲ တခြမ်းကို တဖက်ကသူတွေ မလာရအောင် အိပ်တွေနဲ့ ပိတ်ဆို့ကာထားကြတယ်။ ရထားတွဲ တဖက်ကနေ ကျပ်ညှပ်စီးလာရတဲ့ သူတွေ ရဲ့အကြည့်တွေကတော့ စိမ်းကားလှတယ်။ ဒီကျောင်းသားအုပ်ကြောင့် သူတို့ ရထားပိုကျပ်နေသလိုမျိုး၊ ပိုဒုက္ခရောက်ရ သလိုမျိုး ကြည့်နေတာလည်း ဖြစ်နိုင်တာပဲ။ နောက်တော့ ကျနော်တို့ထဲက ကျောင်းသူတယောက်က တဖက်က အသက်ကြီး လွန်းတဲ့ အဖိုးအိုတယောက်ကိုသနားလို့ ကျနော်တို့ဖက်ကိုခေါ်ပြီး ထိုင်စေတယ်။ ဒီအထိ ပြဿနာမဟုတ်သေးပါဘူး။

ကျနော်ကတော့ စာရေးဆရာ နိုင်ဝင်းဆွေရဲ့နွေတညဝတ္ထုကို သတိရနေမိတယ်။ ဒီဇာတ်လမ်းထဲမှာ ဇာတ်လိုက်က ရထား ဘူတာရုံငယ်တခုက အလံချိုးတဲ့ စာရေးကလေး၊ မင်းသမီးဖြစ်သူက ဒီရထားပေါ် ထန်းလျက်မှောင်ခိုသယ်ရတဲ့ ဈေးသည်မ ကလေး မခင်ဝေ။ အဲဒီဆိုရှယ်လစ်ခေတ်က ကျပ်တည်းပင်ပန်းပုံများ ထန်းလျက်ကိုတောင် တနယ်နဲ့တနယ် လွတ်လပ်စွာ သယ်ဆောင်စီးဆင်းခွင့် မပေးဘူး။ မှောင်ခိုသယ်ကြရတယ်။ မှောင်ခိုလုပ်ငန်းဖြစ်တဲ့အလျှောက် သယ်ဆောင် ရောင်းဝယ်ကြ သူတွေမှာ အန္တရာယ် အထိုက်အလျောက် စွန့်စားကြရတယ်။ ဒီလို ဇာတ်လမ်းနဲ့ ဘဝတွေကို စဉ်းစားနေမိတယ်။ ဒီအချိန်မှာပဲ စီကနဲ ပြဿနာတွေက စဖြစ်လာတယ်။ ကျောင်းသူတယောက်က ပိုက်ဆံအိပ် ပျောက်တယ်ဆိုပြီး ထလုပ်တယ်။ ဟိုအဖိုး အိုမှာ မျက်နှာသွေးမရှိတော့ဘူး။ တုန်ယင်နေတယ်။ “သူ…. ခိုးတာမဟုတ်ပါဘူး” လို့ အကြိမ်ကြိမ် ငြင်းနေတယ်။ ကျန်တဲ့ ကျောင်းသား၊ ကျောင်းသူတွေကလည်း ပြန်ရှာပါဦး၊ အထားမှားသလား။ ဟိုနား ရှာပါ။ သည်နားရှာပါ ပြာယာခတ်ကုန်ကြတယ်။ ပိုက်ဆံအိပ်ကလည်း ရှာလို့မတွေ့ဘူး။ ရထားက တာဝန်ခံအစောင့်တွေကို သတင်းပေးကြတယ်။ အစောင့်တွေလည်း ပြာ ယာခတ်ကုန်ကြတယ်။ ရထားတွဲရဲ့ကျနော်တို့ဖက်အခြမ်းကို အခြား လာတဲ့သူလည်း မရှိခဲ့ဘူး။ ရှိတာကလည်း ခုန သနားလို့ ခေါ်ထိုင်စေတဲ့ အဖိုးအိုတယောက်ပဲ။ သူ့ကိုလည်း ရထားတွဲစောင့်တွေက ရှာဖွေကြတယ်။ ပိုက်ဆံအိပ်ပျောက်တဲ့ ကျောင်း သူကိုလည်း ဒီလောက် နမော်နမဲ့နိုင်ရသလား ဝိုင်းဆူကြတယ်။ သူကလည်း ငိုနေတယ်။ ရထားတွဲရဲ့တဖက်ခြမ်းက ကျပ် ညှပ်ပြီးစီးလာတဲ့ လူထုရဲ့အကြည့်တွေက ပိုစိမ်းကားလာတယ်။ ဒီလို သာမန်ရထားခရီးသည်တွေအကြားမှာလည်း ရထား တွဲစောင့်တွေက အိပ်တွေဖွင့် လှန်လှောစစ်ကြောကြတယ်။ ဒီရထားရဲ့လေထုဟာ ပိုသိပ်သည်းလာသလိုပဲ။ ဘယ်လောက် တင်းကျပ်လိုက်ပါသလဲ။ အားလုံးကလည်း တိတ်ဆိတ်တင်းမာနေတယ်။ ကျနော်တို့က ဘာမှမဆိုင်ပေမယ့် အပြစ်ရှိနေသ လိုလို ခံစားလာရတယ်။ ဘယ်လိုဆက်ဖြစ်ကြတယ် မသိဘူး။ ကျနော်တို့က လမ်းတဝက် ဘူတာမှာဆင်းရတော့ စိတ်သက် သာရာ ရခဲ့တယ်။

ကျနော်တို့ ကွင်းဆင်းခရီးပြီးတော့ မေမြို့ (ပြင်ဦးလွင်)၊ မန္တလေးတို့ ဆက်လည်ပတ်ကြတယ်။ ဒီခရီးစဉ်တလျောက်မှာ အား လုံး မောင်နှမလို ခင်ခင်မင်မင်ပါပဲ။ ဒါပေမယ့် စုလှိုင်က ကျနော့်ကို ကပ်တယ်လို့ ထင်မိတယ်။ သူငယ်ချင်းတွေကလည်း စ နောက်ကြတယ်။ သူကလည်း အခွင့်အရေးပေးသလို ထင်နေမိတယ်။ ကျနော်တို့ အချို့လေ့လာရေးကိစ္စတွေမှာ နှစ်ယောက် တတွဲ၊ သုံးယောက်တတွဲ အုပ်စုဖွဲ့ လုပ်ဆောင်ကြရတာမျိုးတွေ ရှိတယ်။ ဒီလိုကိစ္စမျိုးတွေမှာ ကျနော် သူ့ကို ရှောင်နေမိတယ်။ စုလှိုင်က ပွင့်လင်းတယ်။ ခင်စရာကောင်းပါတယ်။ သိပ်ဟန်ဆောင်တတ်တာမျိုး မရှိဘူး။ ဒါပေမယ့် အချောကြီးထဲကတော့ မဟုတ်ဘူး။ ညိုချောပဲပေါ့။ သူ့ကို ရှောင်ချင်တဲ့စိတ်နဲ့ပဲ ကျနော်တို့အဖွဲ့ထဲက မျိုးမျိုးနဲ့ ကျနော် ပိုလို့တွဲမိတယ်။ မျိုးမျိုးကတော့ ဆံပင်တိုတို၊ ကလေးဆန်ဆန်၊ ပိုပြီး ယောက်ျားလေးဆန်သလိုလို ပုံစံမျိုး။ ဒီခရီးစဉ်တခုလုံး ကျနော် သူ့ကို ရှောင်ချင်လေလေ၊ မျိုးမျိုးနဲ့ ပိုပြီးနီးစပ်လာလေလေ ဖြစ်လာခဲ့တယ်။

ပြောရရင် စုလှိုင်ကို ကျနော်ရင်မခုန်မိဘူး။ အကြောင်းကတော့ ကျနော့်ရင်ထဲမှာ ‘နွယ်နီ’ တယောက် ရှိနေခဲ့တယ်။ ကျနော့် ငယ်ချစ်ပေါ့။ ကျနော် ဟိုက်စကူးကျောင်းသား ဘဝကတည်းက ရင်ထဲကြိတ်ပြီး တမ်းတခဲ့ရတဲ့သူ။ ဒါပေမယ့် ကျနော်တို့က ဘာဆိုဘာမှ မဖြစ်ခဲ့ကြဘူး။ ကျနော်က ဆေးတက္ကသိုလ်ရောက်တော့၊ သူက ရန်ကုန်တက္ကသိုလ် (RASU) ရောက်သွား တယ်။ အစောပိုင်းနှစ်တွေမှာ ကျနော်သူရှိရာ ရန်ကုန်တက္ကသိုလ်ကို သွားသွားလည်တယ်။ ကျနော် ဖွင့်ပြောဖို့၊ တိတိ ကျကျ ပြောရရင် မေတ္တာစာပေးဖို့ ကြိုးစားခဲ့တယ်။ စာက လမ်းကြောင်းမှား မျက်စေ့လည် ကျနော့်ဆီပြန်ရောက်လာတယ်။ ကျနော် တို့ မပွင့်လင်းခဲ့ကြဘူး။ ဒီကြားထဲ ပြဿနာတခု ဖြစ်လာခဲ့သေးတယ်။ ကျနော် သူ့ဆီမသွားဖြစ်တဲ့ ကာလတွေရှိခဲ့။ လူငယ် တယောက်ပီပီ ကိုယ့်အရှုပ်အထွေးတွေနဲ့ ကိုယ်ပွေလီနေခဲ့။ နောက်တော့ ကျနော်တို့ တတိယနှစ် MBBS လောက်မှာ၊ ရန် ကုန်တက္ကသိုလ်ထဲက သူတို့ အတန်းတွေက ၄-နှစ်မှာ သူကျောင်းပြီးသွားခဲ့တယ်။ အဆက်အသွယ်လည်း ပြတ်သွားခဲ့တယ်။ ကျနော့်ရင်ထဲမှာ နွယ်နီကို မျှော်လင့်နေတုန်း။ တချိန် ပြန်တွေ့ဖို့ ကျနော်စိတ်ကူးရှိနေတုန်း။

အိမ်အပြန်ရက် နီးလာလေလေ၊ စုလှိုင်က မရွှင်မပြ ဖြစ်လာတယ်။ ကျနော်လည်း စိတ်မကောင်းမိဘူး။ ကျနော်တို့ ရထားနဲ့ ပြန်လာကြတော့ သူ ရန်ကုန်အထိ လိုက်မလာခဲ့ဘူး။ လမ်းတဝက် ပဲခူးဘူတာမှာ ဆင်းသွားခဲ့တယ်။ အမှန်က ပဲခူးဘူတာ မှာ ရထားမရပ်ပါဘူး။ ဘူတာအဝင်မှာ အရှိန်လျှော့ပြီး ဖြည်းဖြည်းခုတ်တယ်။ ဒီအချိန်မှာ စုလှိုင်က ခုန်ဆင်းသွားတယ်။ ကျနော်တို့ ကျန်အဖွဲ့သားတွေက အန္တရာယ်များတယ်ဆိုပြီး တားကြသေးတယ်။ သူနားမထောင်ဘူး။ ဇွတ်ဆင်းသွားတယ်။ ကျန်တဲ့သူတွေက အထုပ်အပိုးတွေကို နောက်ကလိုက်ပြီး ချပေးရတယ်။ သူ ဘယ်လိုခံစားနေရသလဲ။ သူ သိပ်ပြီးများ ရှက် သွားလေသလား။ ကျနော့်စိတ်ထဲမှာလည်း တနုံ့နုံ့နဲ့ မကောင်းလှဘူး။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ခေတ်ပြိုင်အတွေ့အကြုံ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ် ထွက်ပြီ

By

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်