မောင်လူရေး – ဆိုရှယ်မီဒီယာ သို့မဟုတ် ပုဂ္ဂလိကနှင့် အလုံးစုံလွှမ်းခြုံမှုသဘော

November 12, 2017

 

မောင်လူရေး – ဆိုရှယ်မီဒီယာ သို့မဟုတ် ပုဂ္ဂလိကနှင့် အလုံးစုံလွှမ်းခြုံမှုသဘော

(မိုးမခ) နိုဝင်ဘာ ၁၂၊ ၂၀၁၇ဆိုရှယ်မီဒီယာသည် ယုံကြည်မှု အမျိုးမျိုး ရှိကုန်သော လူအများအား ကိုယ့်သဘောဆန္ဒတွေကို တကမ္ဘာတစ်ခုလုံးအား တင်ဆက်ခွင့်ပေးသည့် ဘုရားတို့၏ဧကရာဇ် နည်းပညာခေတ်ကြီး၏လက်ဆောင်မွန်ဖြစ်သည်။

နည်းပညာအားနည်းသော ဒီမိုကရေစီတွင် လူတိုင်းအဖို့ ၎င်းတို့ ဆန္ဒများကို တင်ပြခွင့် မရှိပေ။ ထို့ကြောင့် စင်ရှိသူများ၊ ပလ္လင်ရှိသူများ၊ မီဒီယာပိုင်ရှင်များ၊ မိုက်ခွက်ကိုင်များ၏ လူပေါ်လူဇော်လုပ်သမျှ ခံကြရပေသည်။ ယခုမူ လူတိုင်းအဖို့ မိမိအကောင့်သည် မိမိ၏ နိုင်ငံရေး၊ လူမှုရေး၊ စီးပွားရေး၊ အိမ်ထောင်ရေး၊ ပေါင်းသင်းဆက်ဆံရေး၊ ကုစားရေးစင်တာ၊ ဟောပြောဆွေးနွေးရာ၊ သတင်းဌာနများ ဖြစ်နေကြပြီ။ ကောင်းစွ။
တပြိုင်နက်တည်းမှာပင် ရွေးချယ်မှု စိစစ်မှု တင်ဆက်မှု စည်းရုံးမှု လှုံ့ဆော်မှုအရည်အသွေးများလည်း ကျွဲကူးရေပါ တတ်မြောက်လာကြသည်။ ထို့အပြင် လူ့အဖွဲ့အစည်းကို ပါဝင်ထိမ်းကျောင်းခွင့်၊ ဆွေးနွေးဆုံးဖြတ်ခွင့်လည်း ရှိလာကြပြီး ကိုယ်ရည်ကိုယ်သွေးမြင့်မားရေးလည်း အပိုအဖြစ်ရရှိပြန်သည်။

အဆိပ်အတောက် အဖျက်အမှောင့်များအတွက်တော့ ပရိုဖိုင်အစစ်မရှိသူ၊ နာမည်အစစ်မသုံးသူတွေကို လက်မခံခြင်း၊ ယင်းအကောင့်များမှ သတင်းပလင်းများကို မလိုက် မရှယ်ခြင်းဖြင့် ထိမ်းချုပ်နိုင်သည့်အတွက် ပြဿနာမရှိချေ။ ယင်းပွင့်လင်းမြင်သာမှုကို အသိအမှတ်ပြု၊ လက်ခံကျင့်သုံးခြင်းဖြင့် တာဝန်ယူမှု တာဝန်ခံမှုထိ အလိုအလျောက်ဖြစ်ပေါ်စေမည်။
ယခုအခါ လူ့ဘောင်၏အယုတ်တမာမှုများကို ဘက်ပေါင်းစုံက စောင့်ကြည့်ပေးသည့်အတွက် ဆိုရှယ်မီဒီယာသည် လောကပါလမီဒီယာပင် ဖြစ်လာချေတော့သည်။ ထို့ပြင် လူတယောက်ကို တကမ္ဘာတည်ထောင်ပေးသည့်အတွက် လူတိုင်းကိုယ့်ကမ္ဘာနှင့်ကိုယ် တန်းတူရည်တူရှိလာပြီး လူတဦးချင်း အပြားသဘော နက်ဝပ်သဘောဆောင်လာပေသည်။ နယ်နိမိတ်ရှိသလို နယ်နိမိတ်လည်း မရှိတော့ပေ။ ဆိုလိုသည်မှာ တဦးတည်းကိုယ်ပိုင်နယ်နိမိတ်ရှိပြီး တပြိုင်နက်တည်းမှာ အခြားသူများနှင့် အကန့်အသတ်မဲ့သောဆက်ဆံရေးရရှိသွားခြင်းဖြစ်သည်။
ဆိုရှယ်မီဒီယာကြောင့် လူတယောက် ဘဝနှစ်ခုဖြစ်သွားသည်။ တဘဝက လူ့အသိုင်းအဝန်း၏ စည်းမျဉ်းခံ မူလဘဝဖြစ်ပြီး၊ ဘဝသစ်က ကိုယ့်ခံစားမှုနှင့် ကိုယ်ပိုင်စံနှုံးကို ကိုယ်တိုင်တည်ဆောက်သည့်ဘဝတမျိုးဖြစ်သည်။ ယင်းဘဝသစ်တွေစုစည်းပြီး အရင်က လူ့အဖွဲ့အစည်းတွင် မရှိဘူးသေးသော ဝါဒသစ် အယူသစ် နိုင်ငံသစ် နယ်မြေသစ် အုပ်ချုပ်မှုသစ်များ ပေါ်လာတော့မည်။ဆိုရှယ် မီဒီယာဆိုသည့် ချိမ်းစောက (chain-saw) ယခင်က လူ့အဖွဲ့အစည်းအတွင်း ကိုယ့်နေရာ ကိုယ့်ကဏ္ဍအလိုက် ဗိုလ်ကျလွှမ်းမိုးထားမှုမှန်သမျှကို တိုက်ဖြတ်ချနေသည်။ ဆိုရှယ်မီဒီယာကို အသုံးပြုခြင်းဖြင့် ခွဲခြားကန့်သတ်ပိတ်ဆို့ထားမှုများလျော့ကျလာပြီး အခြားသူများ၏ပါဝင်ခွင့်ကို လေးစားအသိအမှတ်ပြုလာရပြီ။ လူတန်းစားအလိုက် လူလည်ကျနေသောဖြစ်ရပ်များ အားပျော့လာပြီ။ လူ့အသိုင်းအဝန်းက စီရင်သော လူမှုရေးပြစ်ဒဏ်များ အသက်ဝင် အားကောင်းလာသည်။ ဆိုရှယ်မီဒီယာကြောင့် လူထုအပေါ် ကျရောက်နေသော မလျော်သြဇာများကို တိုက်ဖျက်နိုင်လာသည်။

ဆိုရှယ်မီဒီယာသည် လူ့အဖွဲ့အစည်း၏ ဒေါင့်တဒေါင့်က အလွန်သေးငယ်သည့် အလွဲသေးသေးလေးတခုကိုဘဲဖြစ်ဖြစ်၊ ပြုံးစရာလေးကိုဘဲဖြစ်ဖြစ် လူ့အဖွဲ့အစည်းတခုလုံးဆီ တမုဟုတ်ခြင်းဖြန့်ချီနိုင်သည့်အတွက် လူ့အဖွဲ့အစည်းကောင်းအောင် အရသာရှိအောင် လူတိုင်းပါဝင်ခံစားကူပံ့လုပ်ဆောင်နိုင်စွမ်းရှိသည့် တခုတည်းသော စနစ်ဖြစ်သည်။

ကိန်းကြီးခန်းကြီးနိုင်မှုများနှင့် အချိန်ကုန် ငွေကုန်ဖြစ်နေသော လူ့အဖွဲ့အစည်းကို အဆုံးသတ်ပေးပြီး တကယ့်လိုအပ်မှု လိုလားမှုများကို ဖြည့်ဆည်းမှုများဖြင့် ချိတ်ဆက်ပေးမည့် လူ့ဘောင်အသစ်ကို ထူထောင်နေသည့် ဆိုရှယ်မီဒီယာ၏အစွမ်းကို မြင်နေရသည်။ မကြာမီကာလတွင် လာဘ်ပေးလာဘ်ယူမှုစသည့် မကောင်းမှုများ ဆိတ်ကွယ်ရာမရှိယုံသာမဟုတ်၊ အားနည်းချက်များပင် ဆိတ်ကွယ်ရာမဲ့သွားတော့မည်။ ဆိုးရွားသော နိူင်ငံရေး ဘာသာရေးအယူအဆများနှင့် အစိုးရဆိုးများကိုပါ ဖယ်ရှားရှင်းလင်းပေးသွားတော့မည်။ လူ့ဘောင်အဖွဲ့အစည်းအသီးသီးက လက်ဝါးကြီးအုပ်ထားမှုများကိုလည်း ဖယ်ရှားပစ်တော့မည်။ နည်းပညာက လူ့ဘောင်တခုလုံးကို စောင့်ကြည့်နိုင်သောစနစ်ကို မွေးဖွားပေးသည်။

ဆိုရှယ်မီဒီယာမှာ ပရိုဖိုင်အစစ်သုံးဆွဲခြင်း၊ အချက်အလက်မှန် ဖော်ပြခြင်းဖြင့် လူ့ဘောင်တခုလုံးက အသိအမှတ်ပြုသောလူသားအဖွဲ့ဝင်ဖြစ်လာမည့်အပြင် လူ့ဘောင်ကောင်းရာကောင်းကြောင်း လူသားထုတရပ်လုံးချိပ်ဆက်လုပ်ဆောင်နိုင်စွမ်းရှိလာခြင်းက လူ့ဘောင်၏မကောင်းဆိုးရွားမှုမှန်သမျှ အလိုလိုဖယ်ရှားပြီးဖြစ်လာမည်။ ဘာသာတရားအဆုံးအမအပါအဝင် လူသားများဖော်ထုတ်ခဲ့သည့် အကောင်းအမွန်မှန်သမျှ လူသားဆိုင်ဖြစ်လာပေမည်။ အသိဉာဏ်မြင့်မားရေးအပါအဝင် အမြဲတန်း အာသာဆန္ဒ ပင်လယ်ဝဖြစ်နေသောလူသားအဖို့ နည်းပညာမှတပါး ဖြည့်စွမ်းပေးနိုင်သောအခြားအရာရှိမည်မဟုတ်ချေတကား။

မောင်လူရေး

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:အတွေးအမြင်, မောင်လူရေး

စာဖတ်သူတွေရဲ့ ပြောရေးဆိုခွင့်

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ

By

  ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ (မိုးမခ) နိုဝင်ဘာ ၁၅၊ ၂၀၁၇ ယခုစာအုပ်မှာ...

Read more »

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်