ကိုသန်းလွင် ● ဆော်ဒီအာရေးဗီးယား ခေတ်ပြောင်းချိန်

November 14, 2017

ကိုသန်းလွင် ● ဆော်ဒီအာရေးဗီးယား ခေတ်ပြောင်းချိန်
(မိုးမခ) နိုဝင်ဘာ ၁၄၊ ၂ဝ၁၇

(၁)
ဆော်လမွန်ဘုရင်ကြီးနှင့်နီးစပ်သော  ဆွေမျိုးသားချင်းများမှာ ဆော်ဒီအာရေးဗီးယားနိုင်ငံကို အုပ်ချုပ်ရုံ သာမက သူတို့၏စီးပွားရေးလုပ်ငန်းများမှာလည်းဖွံ့ဖြိုးဝေဆာလျက်ရှိပါသည်။ သားတဦးတည်ထောင်သော ရင်းနှီးမြှုပ်နှံသောလုပ်ငန်းတခုကို အခြားသားတဦးက ဥက္ကဌလုပ်ပြီး ၎င်းတို့ကကြီးမားသော ကုမ္ပဏီကြီးတခုကိုပိုင်ပါသည်။ သူတို့သည် အစိုးရစီမံကိန်းများစွာလုပ်ဆောင်နေပြီးပြင်သစ်ကာကွယ်ရေး ကုမ္ပဏီတခုနှင့်ပူးပေါင်းကာ သင်္ဘောများတည်ဆောက်ရေးကို လုပ်ပါသည်။ အခြား မင်းသားတယောက်ကလည်း ကျန်းမာရေးလုပ်ငန်းနှင့် ဆက်သွယ်ရေးကရိယာများ၊ ပညာရေးနှင့် အခြားနိုင်ငံတော်က ရင်းနှီးမြှုပ်နှံသောလုပ်ငန်းများကိုလုပ်ဆောင်ပါသည်။

တခုနှင့်တခုအကျိုးအမြတ်ငွေ ရောထွေးနေသော်လည်း (Conflict of Interest) တခုမှ ဥပဒေနှင့် ငြိစွန်းသည်ဟုမရှိပါ။

သို့သော် အသက် (၃၂) နှစ်ရှိ အိမ်ရှေ့မင်းသားဖြစ်သော MBS- Mohamnad Bin Salman က အခြား သားတော် ၁၁ ဦးနှင့် ကက်ဘိနက်ဝန်ကြီးများ ပါဝင်သည့်လူအချို့ကို ခြစားသည် (Corruption) ဟူ သောစွတ်စွဲချက်ဖြင့် လွန်ခဲ့သော စနေနေ့ (နိုဝင်ဘာ ၅ ရက်) က ဖမ်းဆီးလိုက်ပါသည်။ မီဒီယာပိုင်ရှင်များပါသည်။ ဘီလီယံနာလုပ်ငန်းပိုင်ရှင်ကြီးတွေ ပါပါသည်။

(၂)
ဆော်ဒီအာရေးဗီးယားတွင် အသုံးပြုသော နိုင်ငံတော်ဥပဒေသို့မဟုတ် အစ္စလာန်ဥပဒေဆိုသည်မှာ တော်ဝင်မိသားစုအဖို့ လိုက်နာရန်မလိုသော ဥပဒေဖြစ်သည်။ နိုင်ငံတော်၏ မြောက်များစွာသော ဆီရောင်းချ၍ရသည့်ငွေကို ဘယ်လိုသုံးစွဲသည်ကို လည်း စာရင်းရှင်းပြစရာမလိုပါ။ သူတို့အဖို့ စာရင်းမရှိ အင်းမရှိ အစိုးရစီမံကိန်းများမှ ဝင်ငွေရနေသည်။ အလွန်အကျွံသုံးစွဲ မှုများကိုလည်း ရှင်းလင်းပြသစရာ မလိုခဲ့ပါ။

ဆော်လမွန်ဘုရင်အဖို့ လန်ဒန်မြို့မှာ ဒေါ်လာ၂၈ သန်းတန်အိမ်ဝယ်ရာတွင် မည်သည့်ဝင်ငွေဖြင့် ဝယ်ပါသည်ဟု စာရင်းပြ စရာမလိုသည့်အပြင် သားဖြစ်သူက ပြင်သစ်ပြည်တောင်ပိုင်းသို့ အားလပ်ရက်သွားရင်း ပေ ၄ဝ ကျော်ရှည်သည့် ဒေါ်လာ သန်း ၅ဝဝ တန်လှေတစီးဝယ်ရာ၌လည်း မေးမြန်းမည့်သူ မပေါ်ပေါက်ခဲ့ပါ။

နိုင်ငံတော်တွင် လွတ်လပ်စွာရပ်တည်နိုင်သော တရားစီရင်ရေးမရှိသည့်အပြင် အငြင်းပွားစရာကိစ္စများကိုလည်း ဖြေရှင်း မပေးခဲ့ပါ။ အလွဲသုံးစားလုပ်ခြင်းမှာ အများပြည်သူပိုင်သည့်ငွေကို မိမိကိုယ်ပိုင်ပစ္စည်းကဲ့သို့ သုံးစွဲခြင်းသာဖြစ်သဖြင့် ဤလုပ် ရပ်မှာ အမြဲလုပ်နေကျလုပ်ငန်းဖြစ်နေသဖြင့် မထူးဆန်းတော့ပါ။

ယခုအခါ လူပေါင်း ၅ဝဝ ကျော်ကို ဖမ်းဆီးထားပြီးဖြစ်သည်။ စနေနေ့ကကြေညာချက်အရ အကျဉ်းသားအချို့ကို Ritz Carlton ဟော်တယ်တွင် ထိမ်းသိမ်းထားခြင်းဖြစ်ရာ ကမ္ဘာတွင် ဈေးအကြီးဆုံး အကျဉ်းထောင်ကြီး ဖြစ်သွားတော့သည်။

ဆော်ဒီဝန်ကြီးများကောင်စီ၏ ကြေညာချက်အရ ယခုဖမ်းဆီးမှုများသည် တရားမဝင်သောနည်းလမ်းများကို အသုံးပြု၍ တရားမဝင်အကျိုးအမြတ်ရမှုများအတွက်ဖမ်းဆီးရခြင်းဖြစ်သည်ဟု ဆိုသည်။ အဖမ်းဆီးခံရသူများ၏ ရပိုင်ခွင့်များအားလုံး အညီအမျှရရှိအောင် ဆောင်ရွက်ပေးမည်ဟု ကြေညာသည်။ သို့သော်အစိုးရအနေဖြင့် မည်သည့်တရားမဝင်လုပ်ငန်းဟူ၍ သေချာ မကြေညာသည့်အပြင် မည်သူ့ကို ဖမ်းသည်ဟု တရားဝင်ထုတ်ပြန်ခြင်းမရှိပေ။ MBS ဦးဆောင်သည့် အကျင့် ပျက်မှုစုံစမ်းရေး ကော်မရှင်ဖွဲ့စည်းကြောင်း ကြေညာအပြီးတွင် စတင်လုပ်ဆောင်ခြင်းဖြစ်သည်။ တရားရုံးနှင့်တရားစီရင် ရေးသည် ဘုရင်နှင့်အိမ်ရှေ့မင်းသား၏ လက်အောက်မှာပင်ထားရှိသဖြင့် ဤအမှုတွဲများကို မည်သူက ဦးဆောင်၍ စစ်ဆေး မည်ဟု မကွဲပြားပေ။

ဆော်ဒီတွင် လုပ်ဆောင်သင့်သည်များကို တော်ဝင်မိသားစုကရှေ့မှဦးဆောင်လုပ်ကိုင်ပြီး နောက်မှ တရားဝင်ဖြစ်အောင် လိုက်၍လုပ်ရသည်မှာ မဆန်းတော့ပေ၊ ဆော်ဒီနိုင်ငံသားများအဖို့မှာ ဤလုပ်ရပ် ကိုလက်ခုပ်တီး၍ အားပေးရန်သာရှိသည်။ လူများစု ၇ဝ ရာခိုင်နှုန်းမှာ အသက် ၃ဝ နှင့်အောက်အရွယ် လူငယ်များဖြစ်ကြပြီး ၎င်းတို့၏ ၂၅ ရာခိုင်နှုန်းမှာ အလုပ်အကိုင် မရှိကြပေ။ လူအချို့မှာသာ မတရားချမ်းသာပြီး အာဏာရှိသူများ ယခုလိုဖြစ်ခြင်းအတွက် ဝမ်းသာကြသည်။

စုံစမ်းစစ်ဆေးမှုပြုလုပ်လိုသည့်အမှုတခုမှာ ဂျီဒါး (Jidda) မြို့တွင် ရေလွှမ်းမိုးခံရခြင်းနှင့်သက်ဆိုင်သည်။ ဆော်ဒီလုပ်ငန်း ရှင်တဦးက မြို့ကိုရေကြီးခြင်းဘေးမှကာကွယ်ရန် ပိုက်နှင့်အခြားကရိယာများ တပ်ဆင်ရန်အတွက် ငွေအမြောက်အများကို ထုတ်ယူသွားပြီးဖြစ်သည်။ ငွေသာပျောက်သွားပြီး ဘာမှဖြစ်မလာသည့်အတွက် လူ ၁ဝဝ ကျော်သေဆုံးရသော ဤဖြစ်ရပ်မှာ ဆော်ဒီလူအများအဖို့ ဤကိစ္စမှာ မမေ့နိုင်သေးပေ။

နောက်အရေးကြီးသောအမှုတခုမှာ ယခင်ဘုရင်ကြီး၏သားဖြစ်သူ Mutaib Bin Abdulla သည် အမျိုးသားကာကွယ်ရေးဌာနအကြီးအကဲတဦးဖြစ်ပြီး ရန်ပုံငွေအမြောက်အများကို အလုပ်သမားအတု၊ လက်မှတ်အတု၊ ပြေစာအတုများဖြင့် ထုတ်ယူ သည်ဟု စွတ်စွဲခံရသည်။ သူတို့က ငှားရမ်းသည်ဟု တကယ်မရှိသည့် ကုမ္ပဏီများအတုလုပ်ခြင်းသည်လည်း ပါဝင်သည်။

သူ၏ညီဖြစ်သူ Turki Bin Abdullah  မှာ ရီရဒ် (Riyadh) မြို့တော်ဝန်ဖြစ်ပြီး သူပိုင်ကုမ္ပဏီတခုသို့ မြို့တော်၏ မြေအောက် ရထား (Subway) လုပ်ငန်းအတွက် ငွေအမြောက်အများကို တရားမဝင် လွှဲပြောင်းပြီး အလွဲသုံးစားလုပ်ခဲ့သည်ဟု စွတ်စွဲခံရ သည်။

အုပ်ချုပ်သောတော်ဝင်မိသားစုအမည်ကို အစွဲပြု၍တည်ဆောက်ထားသော နိုင်ငံတော်ကြီးတွင် အများပိုင်ငွေနှင့် မိမိပိုင်ငွေ ဟူ၍ ခွဲခြားမှုမှာ အားနည်းလှသည်။ အိမ်ရှေ့မင်းသားအဖို့ လူတိုင်းကို ခြစားနေပါသည်ဟုပြော၍ ဖမ်းပိုင်ခွင့်ရှိသည်။

အဖမ်းခံရသူများတွင် ကျော်ကြားသူတဦးမှာ မင်းသားကြီး Alwaleed Bin Talal ဖြစ်သည်။ သူသည် အပြည်ပြည်ဆိုင်ရာ Stock Exchange တွင် ထင်ရှားသူတဦးလည်းဖြစ်သည်။ ကမ္ဘာ့အချမ်းသာဆုံး လူများစာရင်းဝင်ဖြစ်ပြီး သူ၏ဝင်ငွေမှာထင်သာ မြင်သာ ရှိသည်။ ၎င်းမှာ နိုင်ငံတော်၏ ပိတ်စို့ထားသော စီးပွားရေးစနစ်နှင့် နေရာတကာရှိနေသော ခြစားမှုများကို မရှုစိမ့်နိုင် သူဖြစ်သည်။ ၁၉၉၆ ခုနှစ်  အမေရိကန်သံအမတ်က ရေးခဲ့သောစာတစောင်တွင် အချို့သောစီနီယာမင်းသားများသည် ဘီ လီယံချီသောငွေများကို အလွဲသုံးစားလုပ်ကြောင်းရေးသားခဲ့သည်။ မင်းသားကြီးမှာ ဗလီနှစ်ခုနှင့် ကာကွယ်ရေး ဂိုဒေါင်တခု ဆောက်လုပ်ရာတွင် ရန်ပုံငွေများကို အလွဲသုံးစားလုပ်သည်ဟု စွတ်စွဲခံရသည်။

လွန်ခဲ့သော ၇ နှစ်ကလည်း  ဝီကီလိခ်က တော်ဝင်မိသားစုအတွင်း ငွေပေးငွေယူလုပ်ငန်းများ၊ နိုင်ငံတော်ပိုင်ရန်ပုံငွေနှင့် ပရိုက်ဗိတ်လုပ်ငန်းများမှ ရန်ပုံငွေအရှုပ်တော်ပုံများကို ဖွင့်ချခဲ့သည်။

သံရုံးဝန်ထမ်းတယောက်၏ ၁၉၉၆ ခုနှစ်က မှတ်တမ်းတခုတွင် ဘဏ္ဍာရေးဝန်ကြီးဌာနမှ စတိုင်ပင် ထုတ်ပေးနေပုံများ ပါဝင် သည်။ အချို့မင်းသားများမှာ တလလျင် အမေရိကန်ဒေါ်လာ ၂၇ဝဝဝဝ အထိ ရရှိကြသည်။ သားများ သမီး၊ မြေးမြစ်အထိ ဒေါ်လာရှစ်ထောင် ရရှိသူများရှိသည်။ အချို့မှာ ဘောနပ်ဆုငွေအဖြစ် ဒေါ်လာ ၁ သန်းမှ ၃ သန်းအထိ ရရှိကြသည်။

မင်းသားများမှာ အစိုးရဆီမှ ချေးငှားသည်လည်းရှိသည်။ ချေးငွေများကို ပြန်လည်ပေးဆပ်သည်ဟူ၍ မရှိပေ။ National Commercial Bankမှာ ပိတ်ပစ်ရသည်အထိ အခြေအနေဆိုးရွားခဲ့သည်။

အစိုးရကနိုင်ငံပိုင်မြေယာများကို မင်းသားများထံ လွှဲပေးသည်။ မင်းသားများကအဆမတန်အမြတ်ငွေနှင့် လက်လွှဲရောင်း ချကြသည့် သံတမန်တဦးကပြောပြသည်မှာ မင်းသားကြီး Bandar Bin Sultan နှင့် Abdulaziz Bin Fahd တို့မှာ ဂျီဒါး မြို့မြောက်ဘက် မီဂါစီတီပရောဂျက်မှ အမြတ်ငွေသန်းချီ၍ရရှိသည်ဟု ဆိုသည်။

စစ်လက်နက်ပစ္စည်းရောင်းဝယ်သူတို့မှာလည်း ကာလကြာရှည်စွာသော ချမ်းသာမှု၏အကြောင်း ဖြစ်သည်။ ဗြိတိသျှမီဒီယာ များက ရေးသားကြရာတွင် မင်းသားဘန်ဒါမှာ ဗြိတိသျှမှ စစ်လက်နက် (BAE System) တခု အတွက်ဆယ်နှစ်အတွင်း ဒေါ်လာ ၁ ဘီလီယံအထိ ရပြီးပြီဟု ဆိုသည်။ ပထမဘုရင်ကြီး၏ ဆရာဝန်ဖြစ်သူ၏သား (Adnan Khashoggi) မှာ လက် နက်များရောင်းချရာတွင် ဝင်ရောက်အကျိုးဆောင်သူတဦးဖြစ်ပြီး ဘီလီယံချီ၍ချမ်းသာခဲ့သည်။

အခြားနိုင်ငံများတွင် မဖြစ်စလောက်ငွေကလေးနှင့်ခြစားသည်ဟု ပြောဆိုကြသော်လည်း ဆော်ဒီအာရေးဗီးယား၏ ခြစား မှုမှာ ပမာဏကြီးထွားသည်။

(၃)
ယနေ့ ဆော်ဒီအာရေးဗီးယားတွင် ဖြစ်ပျက်နေသည်တို့ကို နားလည်နိုင်ရန်မှာ လွန်ခဲ့သောနှစ်အနည်းငယ်အတွင်း ဆော်ဒီ နိုင်ငံတွင် ဖြစ်ပျက်နေသည်များကို နားလည်ရန်လိုသည်။

နိုင်ငံ၏ယခုဘုရင်မှာ ၈၁ နှစ်ရှိပြီး သူက အစားထိုးလိုက်ရသော ဘုရင်မှာ အသက် ၉ဝ အရွယ်တွင်ကွယ် လွန်သွားခဲ့သည်။ သူကအစားထိုးရသည်မှာ ၈၄ အရွယ်တွင် ကွယ်လွန်သောဘုရင်ဖြစ်သည်။ ဤအသက်အရွယ်မှာ အယ်ဇိုင်းမား (Alzheimer) ဖြစ်တတ်သည့်အရွယ်ဖြစ်သည်။ ထိုမျှ အိုမင်းနေပြီ ဖြစ်သော ဘုရင်ကြီးတို့မှာ (Reform) ပြုပြင်ပြောင်းလဲရေးလုပ်ငန်းများကို မလုပ်သည်မဟုတ်၊ သူတို့ တတ်မီသမျှ သူတို့နှုန်း သူတို့ခံယူချက်ဖြင့် ပြုပြင်ပြောင်းလဲရေးလုပ်ငန်းများကို လုပ်ကြသည်သာဖြစ်သည်။

သို့ပါသော်လည်း သူတို့ပြုပြင်ကြသည်မှာ တနာရီ ၁ဝ မိုင်နှုန်းသာဖြစ်သည်။ ယနေ့ခေတ်က အရှိန်အဟုန်နှင့် ဒလစပ်ပြောင်း လဲနေသည်။ ပညာရေး၊ စက်မှုအတတ်ပညာ၊ ဆက်သွယ်ရေး အဖက်ဖက်မှ အင်တိုက်အားတိုက်ပြောင်းလဲနေခြင်းဖြစ် သည်။ ဟိုတချိန်ကတော့ ရေနံဈေးကောင်းနေစဉ်တွင် ရရှိသော ငွေတွေနှင့် ဖိထားခဲ့သည်။

ယခုတိုးတက်လာသော လူငယ်ထုကတောင်းဆိုလာချိန်တွင် MBS မင်းသားက ပြုပြင်ပြောင်းလဲရေးလုပ်ငန်းကို လုပ်နေ သည်။ သူမရှိလျင် သူ့လိုလူကို စနစ်ကြီးက တီထွင်ပေးရမည်ထင်သည်။

မိန်းခလေးများကို ကားမောင်းခွင့်ပေးခြင်း၊ ဘာသာရေးပုလိပ်ကို ဖယ်ရှားပေးခြင်း စသည်တို့မှာ ထင်ရှားသောပြောင်းလဲရေးလုပ်ငန်းများပင်ဖြစ်သည်။ သူကအစိုးရကိုအကဲဖြတ်ရာတွင်ဘာသာရေးကို မရောရှက်စေလို၊ “ကိုရမ်” ပေါ်တွင်မူမတည်ဘဲ KPIS –Key performance Indicators ခေါ် အလုပ်လက်မဲ့ပြဿနာ၊ စီးပွားရေးတိုးတက်မှု၊ နေစရာအိမ်၊ ကျမ်းမာရေး အစ ရှိသည့် အချက်များပေါ်တွင် အခြေခံစေလိုသည်။  MBS က ကာတာနိုင်ငံကို အီရန်နှင့် ရင်းရင်းနှီးနှီးဆက်ဆံနေခြင်းအတွက် ဖိအားပေးရန်ကိစ္စကို ပင်လယ်ကွေ့ နိုင်ငံများအား ဦးဆောင်နိုင်စွမ်းရှိသည်။

တနည်းဆိုသော် ဆော်ဒီအာရေးဗီးယားကို တဖြေးဖြေးသေသွားခြင်း (Slow Death) မှကာကွယ်ပေးနေခြင်းဖြစ်သည်။

ကိုသန်းလွင်

Ref: Saudi Arabia shows Signs of Selective Crackdown, Nicholas Kulish New York Times November 9 2017


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကိုသန်းလွင်, ရသဆောင်းပါးစုံ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ် ထွက်ပြီ

By

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်