ကိုသန်းလွင် ● ဆိုကရေးတီးနှင့် လူ့ဘဝ

November 21, 2017

ကိုသန်းလွင် ● ဆိုကရေးတီးနှင့် လူ့ဘဝ
(မိုးမခ) နိုဝင်ဘာ ၂၁၊ ၂၀၁၇

(၁)
ဘီစီ ၃၉၉ ခုနှစ်က ဆိုကရေးတီးကို သေဒဏ်ချမှတ်လိုက်သောအခါ သူ့မိတ်ဆွေများကသူ့ကို လွတ်မြောက်ရာ လွတ် မြောက်ကြောင်း ထွက်ပြေးဘို့ အကြံပြုကြပါသည်၊ သူတို့တွင် ထောင်အရာရှိများကို လာဘ်ထိုးရန်ငွေကြေး ရှိသည်၊ သူတို့ နားလည်ထားကြသည်မှာ ထောင်အရာရှိများကလည်း ဖီလိုဆိုဖာကြီးကို လွတ်ရာလွတ်ကြောင်း သွားစေချင်ကြသည်၊ သူတို့လိုအပ်နေသည်မှာ ဆိုကရေးတီးက သဘောတူညီဘို့ပင်ဖြစ်သည်။

သူကထွက်ပြေးရန်အကြံပေးခြင်းကိုလက်မခံပါ၊ ဥပဒေအတိုင်း တသက်လုံးနေလာခဲ့သည်၊ ဘယ်သောအခါမှ ဥပဒေကို မချိုးဖောက်ဟု ဆိုသည်။

(၂)
ကျွန်တော့်ဖခင်က ဤအတိုင်းပြောပြခဲ့ပါသည်၊ ကျွန်တော်သည် အသက်အရွယ်ငယ်သေးသဖြင့် ဆိုလိုချက်ကို စေ့စေ့ငုငု နားမလည်ခဲ့ပါ၊ ကျွန်တော်လက်ခံထားခဲ့သည်မှာ အလွန်ကျော်ကြားကြားသော ပုဂ္ဂိုလ်ကြီးများသည် ဥပဒေကိုလိုက်နာရန် အတွက် ‘သေ’ဘို့ကိုပင် အဆင်သင့်ရှိကြသည် ဟူ၍ ဖြစ်ပါသည်၊ ယခု သမ္မတထရန့်လက်ထက်တွင် ဤပြဿနာတွင် အခြားဒိုင်မေးရှင်းတခုကိုမြင်နိုင်ကြပါသည်၊ လူတယောက်၏ ရွေးချယ်ပိုင်ခွင့်သည် သူ၏ လူ့အဖွဲ့အစည်းကို ထိခိုက် မထိခိုက် ဟူ၍ဖြစ်ပါသည်။

သမ္မတကြီးထရန့်သည် ဆိုကရေးတီး၏ အရွယ် (၇ဝ) ဖြစ်ပါသည်။ ဤအသက်အရွယ်တွင် ဆိုကရေးတီးသေသွားခဲ့ပါသည်၊ ထရန့်သည် ဆိုကရေးတီးလို ခေါင်းမာသူဖြစ်သည်၊ သူတို့ တူညီချက်က ဤအချက်နှစ်ချက်သာ ဖြစ်သည်။

ဆိုကရေးတီးသည် ဘဝတခုလုံးအမှန်တရားနှင့်ကောင်းမွန်သောအရာများကို စဉ်ဆက်မပြတ်ရှာဖွေခဲ့သည်၊ အုပ်ချုပ်ရေး နှင့်ရာထူးဂုဏ်ရှိန် ကိုမမက်၊ ပစ္စည်းဥစ္စာကြွယ်ဝချမ်းသာရေးကိုလည်း အလိုမရှိခဲ့ပေ၊ ထရန့်ကမူ ဤသို့မဟုတ် သူသာ အကုန်သိပြီး ကမ္ဘာ၏အမြင့်ဆုံးရုံးကို သူပိုင်သဘွယ် ပြုမူခဲ့သည်၊ ဆိုကရေးတီးသည် နိုင်ငံကလိုအပ်လာသောအခါ စစ်သားအဖြစ် စစ်မှုထမ်းခဲ့သည်၊ ထရန့်မှာမူ စနစ်ကိုလှည့်စားပြီး အပေါက်ရှာကာ စစ်သားအဖြစ် တာဝန်ထမ်းဆောင်ရခြင်းကို ငြင်းပယ်ခဲ့သည်၊ ဆိုကရေးတီးက သူသည် ဘာမှသိသေးသည် မဟုတ်၊ လူတို့သည် တတ်သိနားလည်သူ့ထံမှ အတတ်ပညာ ကို သင်ယူပြီး လူအုပ်စုနောက်မှ လိုက်ပါခြင်းကို လိုအပ်လျင် ရှောင်ရှားရမည်၊ ထရန့်မှာအားလုံးတတ်ပြီး၊ နားလည်ပြီးဖြစ်သဖြင့် လူအုပ်ကိုဆရာလုပ်သည်၊ သူသည်သူ့နိုင်ငံမှ တတ်ကျွမ်းသောပညာရှင်များ၏စကားကိုနားမထောင်၊ နိုင်ငံရပ်ခြားတိုင်းတပါး မှအမြင်၊ အယူအဆကို ကောင်းသည်ဟု ချီးကျူးသည်၊ နိုင်ငံရေးရာများတွင် သူသာလျင်အရေးပါသူတစ်ယောက်အဖြစ် သဘောထားသည်။

ဆိုကရေးတီးကသူ့ကို စစ်ဆေးသော ဂျူရီ လူကြီး ၅ဝ၁ ယောက်၏ ရှေ့မှောက်တွင်ထွက်ဆိုသည်မှာ သူသည် အေသင် မြို့မှလူငယ်တွေကို ဖျက်ဆီးသည်ဆိုခြင်းမှာ မဟုတ်မှန်ကြောင်း၊ ဘုရားသခင်အသစ်ကို ဖန်တီးသည် ဆိုခြင်းမှာ မဟုတ်ရ ကြောင်းကို ထွက်ဆိုခဲ့သည်၊ သူသည်တိုင်းပြည်မှ ထွက်ခွါသွားရေးကို အလိုမရှိကြောင်းနှင့် ထိုပြစ်ချက်များကြောင့်သူ့ကို အပြစ်မပေးထိုက်ကြောင်း ထုချေပါသည်။

မည်သို့ဖြစ်စေ ဂျူရီလူကြီးများက သူ့ကို သေစေရမည်ဟု အမိန့်ချမှတ်သောအခါ  အေးဆေး တည်ငြိမ်စွာ ခံယူသွားရှာသည်၊ သူကအေသင်မြို့သားတစ်ယောက်အနေဖြင့် အေသင်မြို့လူကြီးများက ဆုံးဖြတ်ချက်ကို မည်မျှပင်သူ့အလိုနှင့် ဆန့်ကျင်စေ ကာမူ လက်သင့်ခံသည်ဟုဆိုသည်။

သမ္မတထရန့်ကအမေရိကန်နိုင်ငံက တရားစီရင်ရေးကို ရယ်ဘွယ်သာသဘောထားသည်။ သူ၏အပေါင်းပါ မိတ်ဆွေများကို တရားရုံးကဆင့်ခေါ်ခြင်းကို မခံမရပ်နိုင်၊ နိုင်ငံတော်၏ ဖွဲ့စည်းအုပ်ချုပ်ပုံ အခြေခံဥပဒေကိုလည်း မလေ့လာဘဲနေသည်။
ဆိုကရေးတီးက သူ့အပေါ်စွဲချက်များကို အချက်ကျကျ ဖြေဆိုခဲ့သော်လည်း သူ၏တင်ပြချက်များမှာ တိုင်းပြည် ၏ စွဲဆိုချက်များနှင့်စာသော် ဘာမျှအရေးမကြီး၊ တိုင်းပြည်တွင် ဥပဒေကခိုင်မြဲဖို့ အရေးကြီးသည်၊ တရားရုံး တစ်ခုက ဆုံးဖြတ်ချက်ချပြီးလျင် အေသင် ဥပဒေအရ အယူခံပိုင်ခွင့်မရှိပေ။

စစ်အတွင်းဖြစ်စေ၊ တရားရုံးတော်၌ဖြစ်စေ၊ အခြားဘယ်နေရာမှာဘဲဖြစ်စေ၊ လူတစ်ဦးတစ်ယောက်သည် မြို့တော်၏ဥပဒေကို လိုက်နာရန်လိုအပ်သည်၊ ဆိုကရေးတီးကသူ့မိတ်ဆွေ ‘Crito’ ကိုပြောသည်၊ ထိုအရာများ ကို တပည့်ဖြစ်သူ ပလေတိုက မှတ်တမ်းတင်ထားခဲ့ပါသည်၊ ဥပဒေဆိုသည်မှာ လူတစ်ဦးတစ်ယောက်အတွက် နှစ်မျိုးရွေးချယ် နိုင်ကြောင်း၊ ပဌမအချက်မှာ အသာတကြည် လိုက်နာရန်နှင့် ဒုတိယအချက်မှာ ထိုဥပဒေကို မကြိုက်လျင် ပြုပြင် ပြောင်းလဲပစ်ရမည်ဟု ပြောခဲ့သည်။

ဥပဒေကို သင့်အလိုနှင့်ကိုက်ညီသောအခါ၌သာ လိုက်နာရန်မဟုတ်၊ အေသင်မြို့တွင်နေထိုင်ခြင်း၊ သူ၏ကလေး များကို အေသင်မြို့၌ ပညာသင်စေခြင်းဖြင့် အေသင်မြို့အပေါ်တွင် အယုံအကြည်ရှိကြောင်း သက်သေပြခဲ့ပြီး ဖြစ်သည်၊ ဥပဒေကို ယခုမှဆန့်ကျင်လျင် အပြောတမျိုးအလုပ်တမျိုးဖြစ်သွားနိုင်ပါသည်၊ အသက်သေမှာ ကြောက်သောကြောင့် အပြောတမျိုးအလုပ်တမျိုးလုပ်သည်ဟု အပြောမခံနိုင်ပါ။

ဆိုကရေးတီးနှင့်ယှဉ်ပြိုင်ပြီး မငြင်းနိုင်သောအခါ သူ၏မိတ်ဆွေများအဖို့ သူနှင့်သဘောတူညီလိုက်ရန်သာ ရှိပါ သည်၊ သူ၏ နောက်ဆုံးအချိ်န်အတွင်း သူနှင့်အတူရှိနေကြရန်သာကြိုးပမ်းကြရ တော့သည်၊ ဆိုကရေးတီးက နောက်ဆုံးအချိ်န်တွင် ဆွေးနွေးလိုသောအကြောင်းအရာမှာ ဖီလိုဆိုဖီသာ အဓိကဖြစ်သည်၊ ‘သေချာမဆန်းစစ်ရ ဘဲနှင့် ဘဝတစ်ခုဟာ နေဖို့မကောင်းပါဘူး’ ဟူ၍ ပြောသွားခဲ့သည်။

ဆိုကရေးတီးကွယ်လွန်သွားသောအချိန်မှာ အေသင်မြို့သည် လွန်စွာအန္တရာယ်ကြီးမားသော အချိန်ဖြစ်သည်၊ လွန်ခဲ့သော ၅နှစ်က အေသင်သည် ကြီးမားသောရန်သူဖြစ်သည့်စပါတာတို့နှင့်စစ်ရှုံးခဲ့ရသည်၊ ကျဉ်းမြောင်း သော အာဏာရှင်စနစ်ဖြင့် အုပ်ချုပ်ခြင်းခံရသည်၊ ထိုသူများက ဆိုကရေးတီးနှင့် အဖေါ်၎ဦးကို အခြားလူတစ်ဦး ကိုဖမ်းဆီးအပစ်ပေးရန် အမိန့်ပေးခြင်းခံရသည်၊ ဆိုကရေးတီးတို့က ငြင်းပယ်သောအခါ ထိုငြင်းပယ်သူများကို ဖမ်းဆီးအပြစ်ပေးရန်ကြံစည်သည်၊ ပြည်ပရောက် ဒီမိုကရေစီဘက်တော်သားများက အချိန်မီ ကယ်တင်နိုင် သဖြင့် ဆိုကရေးတီးသေဘေးမှ သီသီလေး လွတ်မြောက်ခဲ့သည်။

ထိုအချိန်က အေသင်မြို့တွင် တည်ရှိခဲ့သော ဒီမိုကရေစီမှာ တည်ငြိမ်မှုမရှိ၊ ဆန်းသစ်သော အယူအဆနှင့် တိုး တက်သော အမြင်တို့မှာ အမြဲသံသယဝင်ခံရသည်၊ ၄၂၃ ဘီစီသို့ ရောက်သောအခါ ‘cloud’ခေါ် ပြဇာတ်ဖြင့် ‘အရစ်စတိုဖိန်း’ က ဆိုကရေးတီးနှင့် အပေါင်းပါတို့ကို လှောင်ပြောင်ခဲ့သည်၊ သူ၏မှားယွင်းသောစွတ်စွဲချက် များကြောင့် နောက်ပိုင်းတရားစွဲစရာတွေဖြစ်ခဲ့ရသည်၊ ဆိုကရေးတီးမှာ နောက်ပိုင်းအာဏာရှင်ဖြစ်လာမည့် ‘critias’ ကို စာသင်ပေးခဲ့ရသည်၊ အချို့က ဤဖြစ်ရပ်ကြောင့် နောက်ပိုင်းတရားစွဲခံရရန်ဖြစ်လာသည်ဟု ဆိုကြသည်။ အခြား ဖီလိုဆိုဖါ ဖြစ်သူ Anaxagoras ဆိုသူမှာ မှားယွင်းစွာ စွပ်စွဲခံရပြီး တိုင်းပြည်မှ ထွက်ခွာသွားရ သည်။

သူ၏ တိုက်ရိုက်ကျသော မေးခွန်းများ၊ အဖြေကို ဒက်ထိရောက်စေနိုင်သော မေးခွန်းများ မေးတတ်ခြင်းကြောင့် ဆိုကရေးတီးမှာ နာမည်ရခဲ့ပါ၏၊ သို့သော် တချိန်တည်းမှာပင် ထိုမေးခွန်းများမေးသောကျင့်ကပင် သူ၏ထာဝရ ရန်သူများကို ဖန်တီးပေးသည်၊ သူသည် လူကြားတွင် အရာရောက်အောင် ရေးကြီးခွင်ကျယ်လုပ်တတ်သူ မဟုတ်၊ နာမည်ကျော်လျင်ပြီးရောလုပ်တတ်သည့်လူမျိုးမဟုတ်ရကားရန်သူများကလည်း မနည်းလှပါ၊ သို့သော် သူသည် အာဏာရှိသူများနှင့် အပေးအယူလုပ်ရန်ကိုမူ စိတ်မကူးခဲ့ချေ။

သူက ဂျူရီလူကြီးများကို ပြောခဲ့သည်၊ တိုင်းပြည်မှာ မကောင်းတာတွေ မဖြစ်ရအောင်၊ မဖြစ်သင့်တာတွေ မဖြစ်ရအောင် အကာအကွယ်ပေးတဲ့လူတွေနဲ့ ဆန့်ကျင်ပြီး နေလို့ကတော့ ဘယ်သူမှ အသက်ရှင်နေထိုင်ရ မည်မဟုတ်ပါ၊ “သေခြင်းကို ရှောင်ရှားရတာလွယ်ပါတယ်၊ ဒါပေမယ့် သေတာထက်ဆိုးတဲ့ မကောင်းမှုက သေခြင်းထက်ပိုပြီး မြန်မြန်ဆန်ဆန် သွားနိုင်တယ်” ဟုပြောခဲ့သည်။

အေသင်က စပါတာစစ်ပွဲတွင် ကျဆုံးသူများ၏ အလောင်းကို ပစ်ထားခဲ့ရကောင်းလားဟုဆိုခါ စစ်ဗိုလ်ချုပ် ၆ ဦးကို တရားစွဲ တင်သည်၊ ထိုသူတို့ကို ကွက်မျက်ဖို့ အမိန့်ချသည်၊ ဆိုကရေးတီးတစ်ဦးတည်းကသာ ဆုံးဖြတ် ချက်ကို ဆန့်ကျင်သည်၊ ဆိုကရေးတီးပါဝင်သော ခုံသမာဓိလူကြီးများ၏ဆုံးဖြတ်ချက်ဖြစ်သောကြောင့်စိတ်ပျက် ဝမ်းနည်းဖွယ်ရာ ကောင်းသည်။

(၃)
မစ္စတာထရန့်မှာ ပေါ်ပြူလာကျသော အမျိုးသားရေးဝါဒကို လက်ကိုင်ထားသည်၊ သူ့ကိုထောက်ခံသော လူတစ်စုနှင့် ပေါင်း၍ ထိုလူတစ်စုကိုသာ ကြည့်တတ်သည်။

မိမိဂုဏ်သိက္ခာကို အထိခိုက်မခံဘဲ သေခြင်းကို ရွေးချယ်ခြင်းမှာ ဆိုကရေးတီးတစ်ဦးတည်းသာ မဟုတ်ပါ၊ လူ့သမိုင်း တလျောက်မှာ လူပေါင်းမြောက်မြားစွာ ရှိကြပါလိမ့်ဦးမည်၊ နိုင်ငံတစ်နိုင်ငံ၏ ဥပဒေကို အသက်ပေး ၍ကာကွယ်ခြင်းမှာ ရှာမှရှားသောဖြစ်ရပ်ပင်၊ ထိုဥပဒေမှာ လူရိုသေ ရှင်ရိုသေ ရှိဘို့တော့ လိုအပ်သည်. သို့ပါသော်လည်း ဥပဒေမှာ မိမိကိုယ် ရေးကိုယ်တာကိစ္စများလောက် အရေးမကြီးဘူးဟု ကမ္ဘာ့အင်အားအကြီး ဆုံးနိုင်ငံကြီး၏ ခေါင်းဆောင်ကြီးက ယူဆနေ သောအခါ အမြင်မလှတော့ပေ၊ ဒေါ်နယ်ထရန့်၏ အမှန်တရားကို မျက်ကွယ်ပြုပြီး နိုင်ငံရှိ လူ့အဖွဲ့အစည်းများကို မယုံကြည် ခြင်းမှာ သူ၏ အဆိုးဆုံး အချက်ဖြစ်သည်။

ထရန့်၏လုပ်ရပ်ကြောင့် နိုင်ငံတွင်းရှိ မိဘပေါင်းများစွာက သူတို့သားသမီးများကို ဘယ်ဟာကိုယူဟု သင်ကြား ကြပါ မည်နည်း။

ကိုသန်းလွင်
Ref: Socrates in the age of Trumpယ Nicos Konstandaras , New Yrok Times November 11 2017


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
MoeMaKa English Site
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကိုသန်းလွင်, ရသဆောင်းပါးစုံ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ်

By

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ် (မိုးမခစာအုပ်စင်) သြဂုတ် ၁၇၊ ၂၀၁၈...

Read more »

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်