မောင်ရစ် – ကျနော်တို့အတွက် ပုံမှန်အသစ်များ

December 6, 2017
My Friend Tin Moe By Maung Swan Yi - Selection of MoeMaKa Articles


မောင်ရစ် – ကျနော်တို့အတွက် ပုံမှန်အသစ်များ
(ဒီဇင်ဘာ အတွေးအမြင်) မိုးမခ၊ ဒီဇင်ဘာ ၆၊ ၂၀၁၇

ဗိုလိုကတော့ New Normal ပါတဲ့။ အရင်တုန်းက ပုံမှန်ဆိုတာ ကနေ နောက် ပုံမှန်အသစ် အခြေအနေတခုကို ရောက်ရှိသွားတာပါ။ အရင်တုန်းက ဘတ်စကားတွေ ကြပ်တယ်။ အခု ပိုပြီး ကြပ်လာတယ်။ ဆက်ပြီးတော့လည်း ကြပ်နေဦးမှာပဲ ဆိုရင် အခု ပိုဆိုးနေတဲ့ အခြေအနေကို new normal လို့ ပြောလေ့ရှိပါတယ်။ ပြန်ပြီး ကောင်းချင်မှ ကောင်းသွားမယ်၊ ဒီထက် ပိုဆိုးဖို့ ရှိမယ်ဆိုတဲ့ သဘောနဲ့။ ဒါ ပုံမှန်အသစ်ပဲ။ အသားကျအောင် ကျင့်နေကြပေတော့လို့ ဆိုချင်တာ။

အခု ဥတုရာသီ ပြောင်းလဲခဲ့ပြီ။ climate change ဖြစ်နေပြီ။ အရင်တုန်းကထက် ပို ပူမယ်၊ ပိုအေးမယ်၊ ပိုပြီး ရေကြီးမယ်။ အရင်တုန်းကလို အခြေအနေမျိုး ပြန်မရနိုင်တော့ဘူး။ ပြောင်းသွားပါပြီ။ ဒါ ပုံမှန်အသစ် ဖြစ်သွားပြီ။ new normal ဖြစ်နေပြီလို့ ဆိုလိုပါတယ်။ ဥတုရာသီ ပြောင်းသွားပြီမို့ အိမ်တွေကို ပင်လယ်ရေမျက်နှာပြင်ထက် မြင့်အောင် ဆောက်ရမယ်၊ ရေကြီးတာ ပုံမှန်ဖြစ်ပြီမို့ ခြေတံအိမ်ရှည်တွေနဲ့ နေရတေ့ာမယ်။ ဒါကို ဆိုလိုပါတယ်။

အခြေအနေဆိုးတခုကနေ ပြန်လည်ကောင်းမွန်လာဖို့ မျှော်လင့်ချက်တွေနဲ့ ဇွတ်တရွတ်ကြီး အကောင်းမြင်နေတဲ့အခါမှာ လက်တွေ့ဆန်ဆန် အခြေအနေကို သုံးသပ်ဖို့၊ လက်ရှိ အနေအထားကို လက်ခံဖို့ … ” ဒါက new normal ပဲ။ ဒီကနေပြီး ဆက်စဉ်းစားပါ၊ ဆက်သုံးသပ် အဖြေရှာကြပါ” လို့ တိုက်တွန်းလေ့ ရှိပါတယ်။

အမေရိကန်မှာ အလယ်အလတ်ကျတဲ့ အစွန်းမရောက်တဲ့ သမ္မတ အုပ်ချုပ်မင်းလုပ်လိမ့်မယ်။ လူတွေက အဲသလို လူမျိုးကို ရွေးကောက်တင်မြှောက်လိမ့်မယ်လို့ ထင်နေခဲ့ကြတယ်။ ထင်သလို မဖြစ်ခဲ့ဘူး။ လက်ယာစွန်း အမျိုးသားရေးဝါဒီ စီးပွားရေးကိုယ်ကျိုးကြည့်သမား ဒေါ်နယ်ထရန့်ကို ရွေးချယ်ခဲ့ကြတယ်။ အဲသည်လူနဲ့ အပေါင်းအပါတွေ ချယ်လှယ်သမျှ အမေရိကန်တွေကော နိုင်ငံတကာကပါ ခံစားနေကြရတယ်။ အင်အားသုံး ဖြေရှင်းတာ၊ အမိန့်အာဏာသုံးပြီး တဖက်သတ်အုပ်ချုပ်နေတာတွေအပြင် ကိုယ်နဲ့မတူ ကိုယ့်ရန်သူလိုမျိုး ဝေဖန် နှိပ်ကွပ်တာတွေနဲ့ နိုင်ငံရေး အုပ်ချုပ်ရေးမှာ ကျင့်သုံးနေတာ အများအမြင် ဖြစ်ပါတယ်။ ဒါ new normal ပါ။ ထကြွ နိုးကြားလာတဲ့ အစွန်းရောက်တွေ အမျိုးသားရေးဝါဒီတွေ ကိုယ်ကျိုးသက်သက်ကြည့်မှုတွေဟာ ဒီသမ္မတသက်တမ်း ၁ခု ဖြစ်ဖြစ် ၂ ခုဖြစ်ဖြစ် အပြီးမှာ ပြန်ပြီး ပြောင်းလဲ တည်ငြိမ်သွားမယ် ထင်ပါသလား။ မထင်ပါနဲ့ ဒါ ပုံမှန်အသစ် ဖြစ်သွားပါပြီ။

ဒီမိုကရေစီဆိုတာနဲ့ အကုန်လုံးအကောင်းချည်းပဲ ဖြစ်မယ် ထင်ထားတာ မဟုတ်တဲ့အကြောင်း အမြဲတန်း new normal တွေနဲ့ ရင်ဆိုင်နေရတာဖြစ်ကြောင်းကိုလည်း လက်ရှိ မြန်မာပြည်က အခြေအနေနဲ့ ကျနော်တို့တတွေလည်း သဘောပေါက်နေလောက်ပြီ ထင်ပါတယ်။ ဒီလိုဆိုတာနဲ့ အကောင်းမမြင်ရတော့ဘူးလား မမေးပါနဲ့။ အကောင်းမြင်ပါ။ မျှော်လင့်ချက် ထားပါ။ သို့သော်လည်း လက်တွေ့ကျကျ ရင်ဆိုင်ဖို့ စိတ်ကူးသိပ်မယဉ်ဖို့ကို ဆိုလိုပါတယ်။

လက်ရှိအခြေအနေနဲ့ မြန်မာပြည်မှာ ၂၅% သော တပ်မတော်အခန်းကဏ္ဍက ရှိနေဦးမှာ ဖြစ်ပါတယ်။ အစိုးရအဖွဲ့မှာကော အုပ်ချုပ်ရေးမှာကော အရင်တုန်းက ၀န်ထမ်းတွေ ပုဂ္ဂိုလ်တွေ ရှိနေဦးမှာပါပဲ။ ရှင်းလင်းတဲ့ ဥပမာက သတင်းစာနဲ့ ရုပ်မြင်သံကြားဟာ အရင်တုန်းကလို အစီအစဉ်တွေ တင်ပြပုံတွေကနေ တော်တော်နဲ့ ရုန်းထွက်နိုင်ဦးမှာ မဟုတ်ပါ။ ခရိုနီတွေနဲ့ အရင်အစိုးရလက်ထက်က အသိုင်းအ၀ိုင်းတွေ ပတ်ဝန်းကျင်တွေကလည်း ဆက်ပြီး တွင်ကျယ် လုပ်ကိုင်စားသောက်နေကြဦးမှာပါပဲ။ ဒါဆို အရင်အတိုင်းပဲပေါ့။ old normal ပဲပေါ့လို့ စောဒကတက်ချင်စရာပါ။ အခု ဆိုလိုချင်တာက ဒီမိုကရေစီနည်းကျ တက်လာတဲ့ အစိုးရ၊ လွှတ်တော်နဲ့ နိုင်ငံတော်အဆောက်အဦ ဆိုတဲ့ အသစ်ဖြစ်ပေါ် တိုးတက်လာမှုတွေနဲ့အတူ ယခင်က အဆောက်အဦ၊ လူတွေ၊ အစုအဖွဲ့တွေဟာ ဆက်လက်ပြီး အတူ ယှဉ်တွဲ တည်ရှိနေကြတာ ဖြစ်တယ်ဆိုတဲ့ new normal ကို ပြောပြချင်တာပါ။ ငါတို့ခေတ်ရောက်ပြီ သူတို့ခေတ်ကုန်ပြီ ဆိုတဲ့ normal မျိုး မဟုတ်ဘဲ ငါတို့ကော သူတို့ကော အကုန်ပါဝင်နေတဲ့ new normal လို့ ဆိုချင်တာပါ။

နိုင်ငံတော်စီမံကိန်းတွေမှာ ယခင်အစိုးရက စာချုပ်ချုပ်ခဲ့တဲ့အတိုင်း ဆက်ပြီး လိုက်နာ ဆောင်ရွက်နေရဆဲ ဖြစ်ပါတယ်။ ပြောင်းလဲတာကို ချက်ခြင်း မလုပ်နိုင်ကြပါ။ အဲသည်အတွက် ဒေသခံတွေ အရင်းအမြစ်တွေ နစ်နာဆုံးရှုံးရတာတွေကိုလည်း ဆက်လက်ခံစားနေကြရဆဲပါပဲ။ နောက်အသစ်ဖြစ်လာမယ့် နိုင်ငံတော်စီမံကိန်းတွေကို ယခင်ကသင်ခန်းစာကို ယူပြီး ထပ်မမှားကြဖို့ပဲ ဖြစ်ပါတယ်။

ကျောက်မီးသွေးတူးတာမှာ စီမံကိန်း ချို့ယွင်းချက်ကြောင့် ဒေသခံတွေ နစ်နာရတယ်၊ ပတ်ဝန်းကျင် ထိခိုက်နစ်နာနေရတယ်။ သို့သော်လည်း new normal ဆိုပြီးတော့ ကြည့်မယ်ဆိုရင် တိုင်းပြည် လျပ်စစ်စွမ်းအင် ရေတိုမှာ ထုတ်နိုင် သုံးနိုင်ဖို့က အသစ်လုပ်ဆောင်မယ့် ကျောက်မီးသွေးစီမံကိန်းကနေ ဖြည့်ဆည်းပေးနိုင်ဖို့က အလားအလာကောင်းနေပါတယ်။ အဲသည်အတွက် ကျောက်မီးသွေးစီမံကိန်းကို ဒေသခံနဲ့ ပတ်ဝန်းကျင် ထိခိုက်မှု အနည်းဆုံးဖြစ်အောင် အစိုးရက တာဝန်ခံပြီး ဖြည့်ဆည်းပေးနိုင်ရင် မကောင်းဘူးလား။ ဂက်စ်တွေ ရေနံတွေက အယင်အစိုးရ စီမံကိန်းတွေကြောင့် အကုန်လုံး စာချုပ်နဲ့ သူများဆီကို ပါသွားပြီမို့ လက်တွေ့မှာ အသစ်ရှာတွေ့ပြီး အမြန် အကောင်အထည်ဖော်နိုင်တဲ့ ကျောက်မီးသွေးစွမ်းအင်ကို ရေတိုသုံးကြရင် ဥပဒေ နည်းဥပဒေတွေ နဲ့ လုပ်ကြရင် ကောင်းမယ် မဟုတ်လား။ ဒါက ပုံမှန်အသစ်အတွက် တွေးနည်းပါ။

လက်ပံတောင်းတောင်စီမံကိန်းကို ရင်ဆိုင်ရာမှာလည်း new normal နဲ့ ရင်ဆိုင်ရပါလိမ့်မယ်။ အရင် old normal လို သဘာဝပတ်ဝန်းကျင်ကြီးက အကောင်းအတိုင်း ပြန်မရတော့ပါ။ ဂေဟစနစ်တွေက ပျက်သုဉ်းနေပြီ ဖြစ်ပါတယ်။ စီမံကိန်း ရပ်ရပ် နားနား၊ အလျော်ပေးပေး၊ ပြန်လည် တည်ဆောက်ရေး ဘယ်လိုလုပ်လုပ် ပျက်စီးသွားတဲ့ သဘာ၀၀န်းကျင်နဲ့ ဒေသခံတွေ ဘ၀ အရင်လို ပြန်မရနိုင်တော့ပါ။ ဒီလို အပျက်အစီးတွေဟာ new normal ဖြစ်တယ်ဆိုတာ လက်ခံလိုက်ပြီဆိုရင် စဉ်းစားပုံအသစ် ရင်ဆိုင်ပုံအသစ် ပြင်ဆင်ပုံအသစ် ပေါ်ထွက်လာလိမ့်မယ် မျှော်လင့်မိပါတယ်။

မြန်မာပြည်မှာ သံသယတွေ မရှင်းနိုင်သေးသ၍ကတော့ ပြည်တွင်းစစ်ကလည်း တိုက်နေဦးမှာပဲ၊ ဘာသာခြားတွေနဲ့လည်း အထူးသဖြင့် ရခိုင်နယ်စပ်လို ဒေသတွေမှာ ပဋိပက္ခတွေ ဖြစ်နေဦးမှာပဲ။ ဟိုတုန်းကလည်း ဖြစ်ခဲ့တာပဲ၊ ဖြစ်နေတာပဲ။ ဖြစ်အောင် လုပ်နေတဲ့ အင်အားစုတွေ ရှိနေတာပဲ။ သူ့အလိုလိုလည်း ပျောက်ကွယ်သွားမှာ မဟုတ်ဘူး။ ဒါကို အရှိအတိုင်း ရင်ဆိုင်ပြီး ပကတိအတိုင်းမြင်ပြီး မြန်မာပြည်သူတွေကိုယ်တိုင်က စိတ်ကူးထဲမှာ ဖော့ပြီး တွေးမနေဘဲနဲ့ ရင်ဆိုင်ကြတာ ပြင်ဆင်ကြတာ new normal ဖြစ်ပါလိမ့်မယ်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:အတွေးအမြင်, မောင်ရစ်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

http://moemaka.com/archives/57845

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်