ဧရာ(မန္တလေး) – ဒစ်ဂျစ်တယ်ငွေကြေးက disruptive technology (တော်လှန်တဲ့ နည်းပညာ) လား

December 6, 2017

– ဒစ်ဂျစ်တယ်ငွေကြေးက disruptive technology (တော်လှန်တဲ့ နည်းပညာ) လား
(မိုးမခ) ဒီဇင်ဘာ ၆၊ ၂၀၁၇

ဒစ်ဂျစ်တယ် ငွေကြေးရောဂါက အမေရိကန်ဗဟိုဘဏ်အထိ ကူးစက်လာပြီဆိုတဲ့ သတင်းတပုဒ်ကို ဒီနေ့ ဖတ်လိုက်ရတယ်။ အမေရိကန်ဗဟိုဘဏ်ကနေ ဒစ်ဂျစ်တယ်ငွေကြေး ထုတ်မယ်လို့ ပြောဖို့ အချိန် စောလွန်း နေသေးပေမယ့်၊ ဒါဟာ သူတို့ စဉ်းစားနေတဲ့ ကိစ္စဖြစ်တယ်လို့ ဆိုပါတယ်။ ဒစ်ဂျစ်တယ်ငွေကြေး စနစ်ကို ပြောင်းသုံးဖို့ တိုက်တိုက်တွန်းတွန်းလုပ်နေကြတဲ့ အဖွဲ့အစည်း တွေလည်း ရှိပါတယ်။ ဆွီဒင်နိုင်ငံ Riksbank ကဆိုရင်တော့ ငွေစက္ကူတွေ အသုံးနည်းသွားပြီ ဆိုတာနဲ့ သူတို့ဘဏ်က ကမ္ဘာမှာ ပထမဆုံးဘဏ်အဖြစ် ဒစ်ဂျစ်တယ်ငွေကြေးကို စတင် ထုတ်ဝေသွားမယ်လို့တောင် ကျေညာထားတယ်။

တကယ်တော့ အစိုးရနဲ့ ဗဟိုဘဏ်တွေကနေ ထုတ်မယ့် ဒစ်ဂျစ်တယ်ငွေကြေးနဲ့ Bitcoin ရဲ့ သဘောက ကွာခြားပါလိမ့်မယ်။ အရင်ပို့စ်မှာ ရေးခဲ့သလိုပဲ Bitcoin ဆိုတာက အစိုးရနဲ့ ဘဏ်ကြီးတွေရဲ့ ဗဟိုချုပ်ကိုင်မှုကို ဆန့်ကျင်တဲ့ သူပုန်စိတ်နဲ့ စိတ်ကူးယဉ်ဆန်ဆန် စခဲ့ကြတာပါ။ အခုဆိုရင် လက်ရှိ ငွေကြေးစနစ်ကို စတင် စိန်ခေါ်စပြုလာပြီ။ အကယ်၍သာ ဗဟိုဘဏ်တွေကနေ ဒစ်ဂျစ်တယ် ငွေကြေးတွေ ထုတ်လာမယ်ဆိုရင် Bitcoin လို public distributed network မျိုးကို အခြေခံတာထက် private centralized network ကို အခြေခံဖို့ပဲ များပါတယ်။

စီးပွားရေး နိုဘယ်ဆုရှင်တွေဖြစ်တဲ့ Joseph Stiglitz နဲ့ Robert J. Shiller တို့ကတော့ Bitcoin က လက်ရှိငွေကြေးစနစ်ကို ပျက်ပြားအောင်လုပ်နိုင်တဲ့ အတွက် သိပ်သဘောတွေ့ဟန် မတူပါဘူး။ Bitcoin က “ဘယ်လောက်အထိ ဆက်တက်ဦးမယ်တော့ မသိဘူး။ ၁၉၂၀-ခုနှစ်တွေတုန်းက စတော့ဈေးကွက်လို တက်ဦးမှာပေါ့။ နောက်ဆုံးတော့ ၁၉၂၉ ခုနှစ်ကလို အခြေနေမျိုး ပြန်ရောက်သွားမယ်” လို့ Shiller ကဆိုပါတယ်။ အဲဒီလို တနေ့ရောက်ရင်တော့ Bitcoin နဲ့ အခြား distributed cryptocurrenies တွေကို အစိုးရတွေကနေ ဥပဒေနဲ့ ပိတ်ပစ်လိုက်နိုင်တယ်လို့ ဆိုပါတယ်။

စီးပွားရေးပညာရှင်တွေ ခန့်မှန်းသလို Bitcoin ဈေးကွက်က ပူပေါင်းပေါက်သလို ပေါက်ပြီး ပျက်စီးသွားနိုင်တယ် ဆိုပေမယ့်၊ Bitcoin ကို ဖန်တီးပေးခဲ့တဲ့ Blockchian ဆိုတဲ့ နည်းပညာကတော့ disruptive technology အဖြစ် ဆက်ရှိသွားပါလိမ့်မယ်။ အစိုးရနဲ့ ဗဟိုဘဏ်တွေကလည်း ဒစ်ဂျစ်တယ် ငွေကြေးစနစ်ဖက်ကို တဖြည်းဖြည်း ဦးတည်သွားပါလိမ့်မယ်။

မှတ်ချက်။ disruptive technology (တော်လှန်တဲ့ နည်းပညာ) ဆိုတာက လက်ရှိ နည်းပညာတွေကို နလန်မထူနိုင်အောင် ရိုက်ချိုးလိုက်တဲ့ နည်းပညာမျိုးပါ။ ဥပမာအားဖြင့်ဆိုရင် စီဒီနဲ့ MP3 တွေကြောင့် ကက်စက်တိတ်ခွေတွေ ခေတ်တုန်းသွားရတယ်။ LCD (Liquid Crystal Display) ပေါ်လာတော့ ရှေးတုန်းက CRT (Cathode Ray Tube) ဖန်သားပြင်တီဗီကြီးတွေ မျိုးတုန်းသွားတယ်။ လက်ကိုင်ဖုန်းတွေပေါ်လာတော့ Pager တွေကို မျိုးတုန်းသွားတယ်။

Ref:
https://www.wsj.com/…/digital-currency-fever-may-spread-to-…
https://www.cryptocoinsnews.com/nobel-economists-dont-like…/
https://www.wsj.com/…/dudley-says-fed-has-started-thinking-…


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:အတွေးအမြင်, လောကဓာတ်ခန်း

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်