ရန်လိုကျွဲ ● ဘုရားအလှူခံ ကန်ထရိုက်

December 19, 2017

● ဘုရားအလှူခံ ကန်ထရိုက်
(မိုးမခ) ဒီဇင်ဘာ ၁၉၊ ၂၀၁၇

ဒုက္ခသီရိမြို့လယ် စီးပွားရေးရပ်ကွက်ရှိ အတိုင်ပင်ခံ ဆရာကျွဲ၏ရုံးခန်းသို့ လူငယ်ခြေတက်လေး နိုဝင်ဘာမိုက်ခဲ ရောက်လာ သည်။

ကြီးပွားတိုးတက်လိုသော နိုဝင်ဘာမိုက်ခဲ ဆရာကျွဲထံ ရောက်လာရခြင်းမှာ စီးပွားရေးလုပ်ငန်းတစ်ခု လုပ်ကိုင်လိုသော ကြောင့်ဖြစ်သည်။ ”ဘယ်လိုလုပ်ငန်းမှာ ရင်းနှီးမြှုပ်နှံရင်ကောင်းမလဲ ဆရာ့ဆီက အကြံဉာဏ်တောင်းချင်ပါတယ်” ဟု နိုဝင် ဘာမိုက်ခဲက ဆိုလာ၏။

သူ့အမေးကို ဖြေဆိုရမည်ဆိုပါက သူ့ငွေထုပ် မည်မျှကြီးမားသနည်း၊ မည်သည့်လုပ်ငန်းများကို တတ်ကျွမ်းနားလည်သနည်းဆိုသည်တို့ကို ဦးစွာပထမ သိဖို့လိုသည်မဟုတ်လော။ သူ၏ငွေထုပ်ကို သူနားလည်သည့်နယ်ပယ်တွင် ရင်းနှီးမြှုပ်နှံပါက ပိုမိုအလုပ်ဖြစ်မည်ဟု ဆရာကျွဲ ယူဆသည်။

”ရင်းနှီးမြှုပ်နှံမှုလုပ်မယ်ဆိုရင် မောင်ရင်ရဲ့ငွေပမာဏက ဘယ်လောက်ရှိသလဲ”

ဆရာကျွဲ၏မေးခွန်းကို နိုဝင်ဘာမိုက်ခဲ မဖြေ။ သူ့မှာ ငွေမည်မျှရှိမှန်း တွက်ချက်မထားသောကြောင့် ချက်ချင်း မဖြေနိုင်ခြင်း လည်း ဖြစ်နိုင်သည်။ ထို့ကြောင့် ဆရာကျွဲက မေးခွန်းတစ်မျိုး ပြောင်းမေးလိုက်သည်။

”မောင်ရင်က ဘယ်နေရာမှာ ကျွမ်းကျင်သလဲ”

”ကျွန်တော်က သတင်းစာ၊ ဂျာနယ်လုပ်ငန်း ကျွမ်းပါတယ်။ သတင်းထောက်လုပ်သက် ငါးနှစ် ရှိပါပြီ”

”သြော်…ကောင်းပါတယ်။ ဂျာနယ်လုပ်ငန်းဆိုတာ အများပြည်သူကို သတင်းအချက်အလက် ပေးတာဆိုတော့ ကုသိုလ်ရပါ တယ်။ အဲ…ဂျာနယ်တော့ ကိုယ်တိုင်မထုတ်သင့်ဘူး။ ရှိတာ အကုန်လုံး တဖြည်းဖြည်းချင်း ပြောင်သွားနိုင်တယ်”

နိုဝင်ဘာမိုက်ခဲလည်း ဆရာကျွဲစကားကို ခေါင်းတညိတ်ညိတ်ဖြင့် အေးစက်စက်နားထောင်၏။

”ကဲ…အရေးကြီးတဲ့ဟာကို ပြန်မေးရမယ်ဆိုရင် မောင်ရင့်မှာ ရင်းနှီးမြှုပ်နှံမယ့်ငွေ ဘယ်လောက်ရှိသလဲ”

”ဟာ…ဆရာရယ်၊ ကျွန်တော်က သတင်းသမားလေဗျာ။ ရင်းနှီးမြှုပ်နှံဖို့ ငွေဘယ်ရှိပါ့မလဲ”

သတင်းထောက်စကားကြောင့် ဆရာကျွဲ ကျွဲမြီးတိုသွားသည်။ ငွေမရှိဘဲ စီးပွားရေးသမားဖြစ်ချင်သော သတင်းထောက်ကို ဘယ်လိုနှင်ထုတ်ရင်ကောင်းမလဲဟု တွေးနေခိုက်…

”ကျွန်တော့် မိတ်ဆွေတွေက ဆရာ့ကိုချဉ်းကပ်ဖို့ ဝိုင်းပြီးတိုက်တွန်းကြပါတယ်။ သူတို့က ဆရာ့အကြောင်းလည်း အတော်များ များ ပြောပြပါတယ်။ ဒါကြောင့် အကြံဉာဏ် ရလိုတဲ့အတွက် အခုလို ရောက်လာရခြင်း ဖြစ်ပါတယ်ဆရာ” ဟု နိုဝင်ဘာမိုက်ခဲက အားကိုးတကြီး ဆိုလာလေ၏။

အားကိုးရာမဲ့ဖြစ်ပြီး ရောက်လာသူကို ဆရာကျွဲ မည်သို့ ငြင်းဆန်နိုင်အံ့နည်း။

● သတင်းသမားနှင့်ငွေ အတူမနေ
”မောင်ရင်က လစာ ဘယ်လောက်ရသလဲ”

”လစာက နှစ်သိန်းခွဲပါ။ အလုပ်ရှင်က ကျွန်တော်ရဲ့ ပြီးခဲ့တဲ့ငါးနှစ် လုပ်ပုံကိုင်ပုံကို သဘောကျတဲ့အတွက် လစာ ငါးရာခိုင်နှုန်း တိုးပေးမယ်လို့ ပြောပါတယ်။ ဒါကြောင့် လာမယ့်လက လစာ  တစ်သောင်းခွဲ တက်တော့မှာပါ”

အိမ်ထောင်မကျသေးသောကြောင့် သားကျွေးမှု၊ မယားကျွေးမှုအတွက် တာဝန်မရှိသော်လည်း ကားခ၊ စားသောက်စရိတ် အထွေထွေတို့ကြောင့် ရသမျှ လစာ မစို့မပို့ကို စုမိဆောင်းမိခြင်း မရှိကြောင်း သတင်းထောက်က ရှင်းပြသည်။ မိဘနှင့်အတူ နေသဖြင့် အိမ်လခအတွက်တော့ ပူစရာမလိုဟု ဆို၏။

”အင်း…မင်းမှာက ငွေမရှိဘူးဆိုတော့”

”ဆရာ၊ ငွေမရှိတာနဲ့ပဲ စီးပွားရေးလုပ်လို့ မရတော့ဘူးလား။ ကျွန်တော့်မိတ်ဆွေတွေကတော့ ဆရာ့မှာ စိတ်ကူးကောင်းတွေ အပြည့်ရှိတယ်လို့ ပြောနေကြတာနော်”

ဆရာကျွဲ၏ဂုဏ်ပုဒ်ကို ထုတ်ဖော်ပြောပြီဖြစ်သောကြောင့် အကူအညီ၊ အကြံဉာဏ် မဖြစ်မနေ ပေးရပေတော့မည်။

”မောင်ရင်၊ ဆရာ့ဆီကို မလာခင် ဘယ်ဝင်ခဲ့သေးလဲ”

”ဘယ်သူ့ဆီမှ မဝင်ပါဘူးဆရာရယ်၊ လပြည့်နေ့ ဆိုတော့ ရွှေစေတီတက်ပြီး ဘုရားပဲဖူးခဲ့တယ်။ ကျွန်တော် ဆရာ့ဆီက အကြံဉာဏ်ကောင်းကောင်းရပြီး စီးပွားရေးလုပ်ငန်းထဲ ခြေစုံပစ်ဝင်တဲ့အခါ အဆင်ပြေပါစေဆိုပြီး ဘုရားမှာ ဆုတောင်းခဲ့ပါ တယ်။ အလှူခံပုံး ရှေ့တည့်တည့်ထိုင်ပြီး ဆုတောင်းတာ၊ ကျွန်တော့်မှာပိုက်ဆံအပိုမရှိတာကြောင့် အလှူငွေ မထည့်လိုက်မိ ဘူး။ မထည့်ရလည်း ပြဿနာတော့ မရှိပါဘူးခင်ဗျာ။ လပြည့်နေ့ဆိုတော့ ဘုရားမှာ လူလည်း များတယ်၊ အလှူခံသေတ္တာထဲမှာ ပိုက်ဆံက အပြည့်နီးပါးရှိပါတယ်”

သတင်းသမား နိုဝင်ဘာမိုက်ခဲက ပိုက်ဆံအပြည့်အလှူခံသေတ္တာပုံးအကြောင်း ပြောပြသည်မှာ စိတ်ဝင်စားဖွယ်ကောင်းသည်။

”မောင်ရင်၊ အဲဒီအလှူခံပုံးကို စိတ်မဝင်စားဘူးလား”

”ဘာလဲ၊ ဆရာက အဲဒီအလှူခံပုံးကြီးကို အမှိုက်သယ်တဲ့ လက်တွန်းလှည်းပေါ်တင်ပြီး ဘုရားပေါ်ကနေ တွန်းပြေးဖို့ အကြံ ပေးမလို့လား”

”တော်ပါတော့ မောင်ရင်ရယ်၊ ဒီလို ခပ်ပေါ့ပေါ့တွေးတာမျိုးအတိုင်းလုပ်တယ်ဆိုရင် ဒါက ရာဇဝတ်မှုမြောက်လိမ့်မယ်။ ပြီး တော့ လုပ်ငန်းအောင်မြင်သွားတယ်ဆိုရင်တောင်မှ အလှူခံပုံးတစ်ပုံးပဲ ရမှာကွ။ ငါ့မှာ အလှူခံပုံးတွေ အကုန်လုံးကို ရယူနိုင် တဲ့ တရားဝင်နည်းလမ်းရှိတယ်။ ငါပြောပြမယ်၊ တရားဝင်တဲ့ နည်းလမ်းနော်”

တရားဝင်နည်းလမ်းဖြင့် အလှူခံပုံးအားလုံးရမည်ဟူသော စကားကြောင့် သတင်းထောက် နိုဝင်ဘာမိုက်ခဲ မျက်နှာဝင်းခနဲ ဖြစ်သွားသည်။

● ပုံးထဲက ပိုက်ဆံ ကိုယ့်ပိုက်ဆံ
ရွှေစေတီ ပတ်ပတ်လည်တွင် အလှူခံပုံးများကို မရေတွက်နိုင်သလောက်နီးပါး တွေ့ရမည်ဖြစ်ကြောင်း၊ ဘုရားဂေါပကအဖွဲ့ ကလည်း ထိုပုံးများကို ဖွင့်ပြီး ငွေရေတွက်၊ စာရင်းသွင်း၊ ဘဏ်သို့ ပို့ဆောင်အပ်နှံသည့်အလုပ်ကို မလုပ်ကိုင်နိုင်ကြောင်း၊ ထိုလုပ်ငန်းကို ဝန်ဆောင်မှုပေးလိုသူက လုပ်ငန်းလုပ်ပိုင်ခွင့် လျှောက်ထားပြီး လုပ်ကိုင်နိုင်ကြောင်း သတင်းထောက်ကို ရှင်းပြလိုက်သည်။

”တစ်နှစ်ကို အလှူခံပုံးတွေက ရငွေ စုစုပေါင်းက သိန်းကိုးထောင်ရှိတယ်လို့ ခန့်မှန်းကြတယ်ကွ။ မင်းက သိန်းရှစ်ထောင်နဲ့ လေလံအောင်တယ်ဆိုပါစို့။ ဒါဆို တစ်နှစ်ကို မင်းက သိန်းတစ်ထောင် အနည်းဆုံး ရပြီ”

”သိန်းတစ်ထောင်ဆိုတော့ မက်စရာပဲနော်”

”မက်စရာပေါ့ကွ။ အဲဒါထက်ပိုပြီး ရအောင်လုပ်တဲ့နည်းလမ်းတွေ ရှိပါသေးတယ်။ ဘုရားရင်ပြင်ပေါ်ကိုသွား၊ ဘယ်နားမှာ ဘုရားဖူးတွေ ကြာကြာနေကြသလဲ လိုက်လေ့လာ၊ အဲဒီနား အလှူခံပုံး များများထား။ သူတို့တွေ လှူရလွယ်ကူအောင် ဝန် ဆောင်မှုပေးတဲ့သဘောပေါ့ကွာ”

”ပြီးတော့ ဘာတွေလုပ်သင့်သေးလဲ ဆရာ”

”လုပ်သင့်တာကတော့ ဘုရားဖူးတွေ အဆင်ပြေရေးပေါ့ကွာ။ အခုခေတ်က ဘဏ်ကတ် အသုံးပြုမှုများလာပြီဆိုတော့ ဘုရား ရင်ပြင်ပေါ်မှာ ATM ငွေထုတ်စက်တွေ လာပြီးထားကြဖို့ ဘဏ်တွေကို တိုက်တွန်းပေါ့ကွာ။ ဒါဆို ဘဏ်တွေလည်း အဆင် ပြေမယ်။ ဘုရားလာသူတွေငွေထုတ်ချင်ရင်လည်း အဆင်ပြေတယ်။ အလှူခံပုံးထဲလည်း အလှူငွေ ပိုရနိုင်ခြေရှိတာပေါ့ကွာ”

နိုဝင်ဘာမိုက်ခဲက စိတ်အားထက်သန်လာပုံရသည်။ အလှူခံပုံးလေလံဆွဲရမည့်အချိန်၊ လေလံချပေးသူတို့ကို ချဉ်းကပ်ပုံ၊ ပြိုင်ဘက်တို့၏ အနေအထားများအကြောင်း အဆက်မပြတ် မေးမြန်း၏။ ဆရာကျွဲလည်း အဆက်မပြတ် ဖြေရလေ၏။ နောက်ဆုံးတွင် ဆင်ပြောင်ကြီးအမြီးကျမှ တစ်ဟူသော အခြေအနေသို့ ဆိုက်ရောက်လာတော့သည်။

”ဆရာ၊ ကျွန်တော် လေလံဆွဲမယ်ဗျာ။ ဆွဲမယ်ဆိုပေမယ့် ပြဿနာကြီးတစ်ခုတော့ ရှိနေတယ်”

”ဟင်…ဘာများလဲကွ”

”ကျွန်တော် လေလံအောင်ရင် ပိုက်ဆံက သိန်းကို ထောင်ချီပြီး သွင်းရမယ်လေဆရာ။ ကျွန်တော် ဒီပိုက်ဆံ ဘယ်က ရနိုင် မလဲ”

”ဒီပြဿနာ ဖြေရှင်းဖို့က မခက်ပါဘူး၊ ဒီခေတ်မှာ စီးပွားရေးလုပ်ဖို့ အခြေအနေမပေးသူတွေက သူတို့ ပိုက်ဆံကို ဘဏ်ထဲသွား ထည့်ကြတယ်။ မင်းက သူတို့နဲ့ ပြောင်းပြန်ဆိုတော့ ဘဏ်ကနေ ငွေချေးပေါ့ကွယ်”

နိုဝင်ဘာမိုက်ခဲလည်း ဆရာကျွဲကို ဦးညွှတ်ပြီး ကျေးဇူးစကား အကြိမ်ကြိမ် ဆိုလေ၏။

”ကဲ…မေးရဦးမယ်။ နိုဝင်ဘာမိုက်ခဲဆိုတဲ့ နာမည်ကို ဘာအဓိပ္ပါယ်နဲ့ မှည့်ထားတာလဲ”

”ဆွေးနွေးပွဲတွေ လုပ်တဲ့အခါ ကျွန်တော်က မိုက်ခရိုဖုန်း အပိုင်စီးပြီး လေများတတ်လို့ ခင်မင်သူတွေက မိုက်ခဲလို့ နာမည် ပြောင် ပေးထားတာပါ။ နိုဝင်ဘာဆိုတာကတော့ ကျွန်တော်မွေးတဲ့လပါ။ သတင်းသမားဖြစ်တော့ နိုဝင်ဘာမိုက်ခဲ ဆိုတဲ့ ကလောင်နာမည် ရွေးပါတယ်။ မိတ်ဆွေတွေကလည်း ဒီနာမည်ကိုပဲ ခေါ်ကြပါတယ်”

ထိုသို့ ရှင်းပြပြီးနောက် လုပ်ငန်းရှင်ဖြစ်လာတော့မည့် နိုဝင်ဘာမိုက်ခဲလည်း ဆရာကျွဲ၏ရုံးခန်းမှ တက်ကြွစွာ ထွက်ခွာသွား လေ၏။

ခြောက်လခန့် ကြာသော် …
ခြောက်လခန့်ကြာသော် ဒုက္ခသီရိမြို့လယ်တွင် ဆရာကျွဲရှိနေခိုက် ခေါင်းငိုက်စိုက်ချပြီး လမ်းလျှောက်လာသော နိုဝင်ဘာ မိုက်ခဲနှင့် တွေ့ ဆုံလေသည်။

”ဟေ့…မောင်ရင်က အလှူခံပုံးကန်ထရိုက် လုပ်ငန်းလုပ်ဖို့ ငါအကြံပေးလိုက်တဲ့ နိုဝင်ဘာမိုက်ခဲမဟုတ်လားကွ။ ပြောစမ်းပါ ဦး၊ အဲဒီလုပ်ငန်း လုပ်ဖြစ်သလား။ အစပိုင်းမှာတော့ ဒီလိုပဲပေါ့ကွာ။ အချိန်တန်ရင် အရင်းကြေပြီး အမြတ်ကြီးကြီးရမှာပါကွ”

နိုဝင်ဘာမိုက်ခဲကအလှူခံပုံး ကန်ထရိုက်လုပ်ငန်း မလုပ်ဖြစ်တော့ကြောင်း ပြောပြ၏။

”မလုပ်ဖြစ်တော့လည်း အရှုံးမရှိ၊ အရင်းပဲပေါ့ကွာ။ စိတ်မညစ်ပါနဲ့”

”မလုပ်ဖြစ်ပေမယ့် အရှုံးကြီးရှုံးပြီး အကြွေးတွေ တင်နေပြီ ဆရာကျွဲရေ။ လေလံဆွဲတဲ့အခါ ပိုက်ဆံအဆင်သင့်ဖြစ်အောင် မိဘအိမ်ကို ဘဏ်မှာအပေါင်ထားပြီး ချေးလိုက်တယ်။ ဆိုင်ရာလူကြီးလို့ ယူဆရသူတွေကို ချဉ်းကပ်ပြီး လက်ဆောင်လေး ဘာလေး ပေးဖြစ်တယ်။ အဲဒီအခြေအနေမှာပဲ ရွှေစေတီရဲ့ အလှူခံသေတ္တာကန်ထရိုက်စနစ် ရပ်ဆိုင်းသွားတယ်ဗျာ။ ကျွန် တော်အခုတော့ ဘဏ်ကိုလည်း အတိုးများများပေးရတယ်၊ သုံးထားတာတွေလည်းများတော့ ပေါင်ထားတဲ့ အိမ်ကို ရွေးဖို့ငွေ မလုံလောက်တော့ဘူး”

အတိုင်ပင်ခံ ဆရာကျွဲလည်း မှားတဲ့အခါလည်း မှားပေမပေါ့ဟု ရေရွတ်ရုံသာ တတ်နိုင်တော့ပြီ။ အကြွေးတင်သဖြင့် ကြေကွဲ နေရသော နိုဝင်ဘာမိုက်ခဲကို ခပ်သုတ်သုတ် နှုတ်ဆက်ပြီး အိမ်သို့ ခပ်ကုပ်ကုပ် ပြန်ခဲ့လေတော့သတည်း။

၂၀၁၇ – သြဂုတ်လထုတ်၊ မော်ကွန်းမဂ္ဂဇင်း အမှတ် (၄၉) မှ သရော်စာ ဖြစ်ပါသည်။

သရုပ်ဖော်ကာတွန်း – သီဟ (စခန်းသစ်) (၂၀၁၇)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သရော်စာ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

ဒေါက်တာခင်မောင်ဝင်း (သင်္ချာ) – သင်္ချာအတွေးအခေါ်သမိုင်း ၊ ဂိမ်းသီအိုရီနှင့် အတွေးအမြင်ဆောင်းပါးများ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ရဲဘော် မောင်တူးရဲ့ သက်ရှိပန်းချီ

By

  ရဲဘော် မောင်တူးရဲ့ သက်ရှိပန်းချီ  (မိုးမခစာအုပ်စင်) မေ ၃၊ ၂၀၁၈ ခေါင်းစဉ်...

Read more »

မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ

By

  မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ...

Read more »

ဂျူနီယာဝင်းရဲ့ မြန်မာနေ့ရက်များနှင့် ပန်းများ စာအုပ် ထွက်ပြီ

By

ဂျူနီယာဝင်းရဲ့ မြန်မာနေ့ရက်များနှင့် ပန်းများ စာအုပ် ထွက်ပြီ (မိုးမခ) မတ် ၂၄၊ ၂၀၁၈...

Read more »

ဇော်အောင်(မုံရွာ) ၏ ပြည်မြန်မာ မီးထိန်ထိန်သာဖို့အရေး မိုးမခဆောင်းပါးများ (ထွက်ပြီ)

By

ဇော်အောင်(မုံရွာ) ၏ ပြည်မြန်မာ မီးထိန်ထိန်သာဖို့အရေး မိုးမခဆောင်းပါးများ (ထွက်ပြီ) မိုးမခစာအုပ်စင်၊ ဖေဖော်ဝါရီ ၂၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်