မောင်နောင်မွန် – နှစ်တစ်နှစ်ကိုစတင်ခြင်း

January 1, 2018

နှစ်တစ်နှစ်ကိုစတင်ခြင်း
မောင်နောင်မွန်
(မိုးမခ)၊ ဇန်နဝါရီ ၁၊ ၂၀၁၈

လမ်းမထက်ရှိ ကတ္တရာသားပေါ်တွင် ရေဆေးများဖြင့်ရေးထားသော နှစ်သစ်ကိုကြိုဆိုပါသည်ဟူသော စာသားများကိုတွေ့နေရသည်။ ယနေ့နံနက် ဆိုင်ကယ်မောင်းရသည်မှာ စိတ်ထဲပျော်နေသည်။ မြန်မာနိုင်ငံတွင်ပထမဆုံးနိုင်ငံတကာနှစ်သစ်ကူး ရုံးပိတ်ရက် ပေးထားသောကြောင့် ယနေ့ လမ်းမထက်တွင်ဌာနဆိုင်ရာဝန်ထမ်းကြိုပို့ကားများလည်း ရှင်းလင်းနေသည်။ နှစ်တစ်နှစ်၏အစပထမကို ဤကဲ့သို့တွေ့မြင်ရ သည်မှာ စိတ်ကြည်နူးစရာကောင်းလှသည်။

ညက အစောကြီးအိပ်မိသည်။ နှစ်သစ်ကိုအိပ်ရေးဝဝ စိတ်ရွှင်လန်းစွာဖြင့်စတင်ချင်သောကြောင့်ဖြစ်သည်။ ထူးခြားစွာ တိုက်ဆိုင်သည်မှာ ရွာဦး စေတီဘုရားပွဲနှင့်နှစ်သစ်ကူးညတိုက်ဆိုင်နေသည်။
ရွာဘုရားပွဲတော်သည် မြန်မာပြက္ဒဒိန်အရ ခွာညိုပွင့်သောပြာသိုလပြည့်တွင်ကျင်းပသည်။ ယခုနှစ်သစ်၏ပထမဆုံးရက်သည်လည်း
ပြာသိုလပြည့်ဖြစ်သည်။ ထို့အပြင် ယခုနှစ်သည် စနေ၊ တနင်္ဂနွေနှင့်တိုက်ဆိုင်သောအခါ ရုံးပိတ်ရက်သုံးရက်ဆက်တိုက်မို့ရပ်ဝေးတွင် သွားရောက်ဝမ်းစာရှာနေသောသူများလည်း ရွာဦး ဘုရားပွဲကိုဆင်နွှဲရန်ပြန်လာသောကြောင့် ရွာတွင်လူစုံ လှသည်။ နှစ်စဉ်နှစ်တိုင်းဘုရားပွဲတော်သည် လူစုံသော်လည်း ယခုနှစ်သည် အခြားသောနှစ်ထက်လူပိုစုံသည်ဟု ဆိုရမည် ဖြစ်သည်။
မြို့ကြီးပြကြီးတွင် အလုပ်လုပ်နေသော သူငယ်ချင်းနှင့်ပြန်ဆုံဖြစ်သည်။ ထို့အပြင် တဖက်နိုင်ငံတွင်အချိန်တော်ကြာအလုပ်သွားလုပ်နေသော သူငယ်ချင်းများနှင့်လည်း ဆုံဖြစ်သည်။ 
လခထုတ်ရက်မို့လက်ထဲတွင်ငွေစလေးရွှင်နေတာလည်းပါမည်ထင်သည်။ ရွာပြန်ရောက်နေသော သူငယ်ချင်းများနှင့်အတူ ရွာထိပ်ရှိဘီယာဆိုင်တွင် အချိန်တော်ကြာလွမ်းမောမှုများ ကိုမြည်းနေမိသည်။ တဖက်နိုင်ငံတွင်အချိန်တော်ကြာစွာ သွားရောက်လုပ်ကိုင်နေသော သူငယ်ချင်းမှ မူးမူးနှင့်ပြောသောစကားသည်ကား ရင်ထဲထိလှသည်။ “တို့တတွေဘဝကွာ၊ ငါဟို မှာဖျော်နေတဲ့ မဆလာထဲက ဘိလပ်မြေလိုပဲ၊ ရေနဲ့ထိလေ ကျစ်လေ၊ ရေနဲ့ထိလေကျစ်လေကွာ။ ပြီးတော့ တဖြည်းဖြည်းအသုံးမဝင် ကြတော့ဘူးကွာ။
တို့ တွေလည်း ဘာထူးလဲ၊ လောကဓံနှင့်ထိလေ ပိုပြီးရုန်းကန်လေ။ လောကီအတွက် ကိုယ်လိုဘတွေအတွက် ရှာဖွေလေ။ ပိုရလေ၊ ပိုရှာလေ။ တို့တတွေလူအသိုင်းအဝိုင်းနဲ့ ပိုဝေးလေပဲကွာ” ဟု ဘီယာခွက်ကိုကိုင်ရင်း ခပ်ဆဆပြောနေသည်။ ခေါင်းတွင်းရှိ အာရုံကြောများ မူးယစ်ရီဝေလေ အမှန်တရားကိုပိုကြိုက်လေဖြစ်ကြောင်း ယုံကြည်သည်။
ထိုသူငယ်ချင်းသည် အထက်တန်းအောင်ပြီးကတည်းက တဖက်နိုင်ငံသို့ရေကြည်ရာမြက်နုရာသို့ ရှာဖွေရန် ထွက်သွားခဲ့ သည်။ တဖက်နိုင်ငံရှိ ကမ်းခြေတွင် ဆူနာမီဒဏ်ကိုခံခဲ့ရဖူးသည်။ ဟိုဖက်နိုင်ငံတွင်ပင်အိမ်ထောင်ကျကာ သားသမီးတွေရခဲ့ သည်။ စီးပွားရေးရှာရန်အတွက် လသားကလေးများကို ရွာရှိမိဘများထံတွင်ထိန်းကျောင်းရန်ပို့ထားခဲ့သည်။
ယခုပြန်လာသောအခါ မိဘအရင်းဖြစ်သော သူတို့ကိုမိဘဟုပင်ခေါ်ရန် ဝန်လေးနေကြသည်။ ထို့အပြင်ရှာခဲ့သောငွေကြေးများသည်ကာ အသုံးမခံချေ။
မြင့်မာသောကုန်ဈေးနှုန်းများကြောင့် ရရှိလာသောချွေးနဲစာများသည်ကာ အပျောက်အရှမြန်လှသည်။
နှစ်ပေါင်းများစွာကွဲကွာခဲ့ရသော သားသမီးက မိဘဟုခေါ်ရန်ပင်ဝန်လေးနေသောကြောင့် သားသမီးများကိုအချိန်ပေးရန် ရည်ရွယ်ကာ ပြန်လာသောသူအတွက် မွေးရပ်မြေ တွင် ကြာရှည်စွာနေထိုင်ရန်မဖြစ်နိုင်ချေ။ ထိုကဲ့သို့ နာကြည်းချက်များဖြင့်ဖွင့်ဟလာသော သူငယ်ချင်း၏ရင်တွင်းစကားသည် ကျွန်တော်တို့စကားဝိုင်းကို တဒင်္ဂ တိတ်ဆိတ် စေခဲ့သည်။ ကျွန်တော်တို့သူငယ်ချင်းအနည်းငယ်ပင် ဤကဲ့သို့ အဖြစ်အပျက်ရှိခဲ့လျှင် သန်းပေါင်းများစွာ သောသူများတွင်လည်း ရှိမည်ဟုတွေးမိသည်

မဆုံတာကြာပြီးဖြစ်သောငယ်သူငယ်ချင်းများပြန်ဆုံသော နှစ်သစ်ကူးညသည်ကာ ပျော်စရာကောင်းလှသည်။ ငယ်ကျိုး ငယ်နာရှေးဟောင်း နှောင်းဖြစ်များပြောဖြစ်ကြသည်။ လွမ်းမဝသော ငယ်ဘဝများကိုပြန် တမ်းတကြသည်။ ကျွန်တော်တို့ငယ်စဉ်အထက်တန်းကျောင်းသားဘဝထိ နှစ်သစ်ကူးညသည်ကား သာမန်ညသည်သာဖြစ်သည်။ ပါတီများ၊ နှစ်သစ်ကြိုညများ၊ ဆုမွန်ကောင်းတောင်းခြင်းမျာလုံးဝကို သိနားလည်ခြင်းမရှိချေ။
တကယ့်တောဆန်သောဓလေ့ဖြစ်သည်။ ပုံမှန်ညလေးတညလိုသာ အမှုမဲ့အမှတ်မဲ့နေထိုင်မိသည်။ ယခုခေတ်အခါတွင်မူ နှစ်သစ်ကူးအကြို ညတွင် ပါတီပေးခြင်းများခေတ်စားလာသည်။ နှစ်သစ်ကို ပျော်စရာ နှစ်သစ် (Happy New Year)ဟု အော်ဟစ်ကြိုဆိုကြ သည်။ မီးရှုးမီးပန်းများပစ်ဖောက်ကြိုဆိုကြသည်။ 
ကျွန်တော်တို့ဝိုင်းသည် အစပထမအစီအစဉ်တွင် ထိုကဲ့သို့နှစ်သစ်ကူးမည့်အစီအစဉ်ပါသော်လည်း မည်သူကစလိုက်သော ကြောင့် နှစ်သစ်ကိုအိပ်ရေးဝဝအိပ်ပြီးကြိုဆိုရအောင်ဆိုကာ သူတို့ဝိုင်းခွဲကာ အိမ်ပြန်ခဲ့ကြသည်။ ကျွန်တော်အိမ်ပြန်ရောက်ချိန်တွင် ရေဒီယိုများ၊ တီဗွီအစီအစဉ်များမှနှစ်သစ်ကူးအကြိုအစီအစဉ်များကို ထုတ်လွှင့် နေသည်။ သို့သော် နံနက်စောစောအလုပ်သွားရန်ရည်ရွယ်သောကြောင့် ကျွန်တော် အိပ်ရာဝင် စောခဲ့သည်။ ကျွန်တော်ဘဝအတွက် နှစ်သစ်ကူးညပေါင်းစွာကို နှစ်တစ်နှစ်ထဲတွင် အခါခါဖြတ်သန်းဖူးပြီးသားဖြစ်သည်။ ခရစ်နှစ်၊ တရုတ်နှစ်၊ မြန်မာနှစ်နှင့် ဟိန္ဒူနှစ်သစ်ကူးများစွာကိုဖြတ်ကျော်ဖူးခဲ့ပြီး ဖြစ်သည်။
ယနေ့နံနက်၏ လမ်းမထက်တွင် ခါတိုင်းထက်ပို၍ရှင်းလင်းနေသည်။ ပလက်ဖောင်းဘေးကအုတ်နံရံများတွင် ပျော်စရာနှစ်သစ်ကိုကြိုဆိုပါ သည်ဟူသော စာသားများကိုနေရာအနှံ့ တွေ့ရ သည်။ အသက်တစ်နှစ်ကြီးလာသည်။ ကမ္ဘာမြေပေါ်တွင်အသက်ရှင်သောနှစ်တစ်နှစ်တိုးလာသည်။ ပြက္ခဒိန်အသစ်မှအဟောင်းသို့ ကူးပြောင်းခဲ့လေသည်။ သို့သော် စိတ်ကရောပြောင်းနိုင်မလားဟု ကျွန်တော်တွေးမိသည်။
နှစ်ဟောင်းမှအရှုပ်ထုပ်များကို နှစ်သစ်တွင်ဆက်လုပ်နေသော် အကျိုးရှိမည်မထင်ချေ။ စိတ်ဓာတ်အဟောင်းများကိုစွန့်ပယ်ကာ စိတ်ဓာတ်အသစ်ဖြင့် နှစ်သစ်ကိုစတင်မည်ဟု ကျွန်တော် စိတ်ကူးထားသည်။ လွန်ခဲ့သောတစ်ရက်ခန့်ကဖတ်ခဲ့ရသော ဆရာအော်ပီကျယ် ကာတွန်းလေးတွင် နှစ်ဟောင်းမှ နှစ်သစ်ကိုအကူးအပြောင်းကို လက်ဆင့်ကမ်းပြေး ပြိုင်ပွဲဖြင့် သရုပ်ဖော်ထားသည်။ သို့သော် ဆရာ၏ကာတွန်းတွင်မူ ဇာတ်ဆောင်တွင် လက်ဆင့်ကမ်းရ မည့်အရာမရှိဖြစ်ဖြစ်နေသည်။ ကျွန်တော်သည် ထိုသို့မဖြစ်အောင် စီစဉ်ထားသည်။ လက်ဆင့်ကမ်းမည့်အရာသည် စိတ်လက်ကြည်သာသောအခါ ပိုကောင်းမည်ဟု တွေးမိသည်။ ထို့ကြောင့် ကြိုတင်စီစဉ်ထား သည်။ ထိုအရာမှ ကျွန်တော်ညက အစောကြီးအိပ်ရာဝင်ခဲ့သည်။ ထို့ကြောင့် အိပ်ရေးဝနေသည်။ အိပ်ရေးဝသောအခါ စိတ်လက်ရွှင်လန်း နေသည်။ 
ထိုအခါမြင်သမျှသည်လှပနေသည်။
နှစ်သစ်ကိုစိတ်လက်ရွှင်လန်းစွာစတင်နေသည်။ လမ်းမထက်တွင် အခြားနေ့များထက် မော်တော်ယာဉ်များ ရှင်းလင်းနေ တော့သည်။  ။

မောင်နောင်မွန်


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
Advertise on MoeMaKa
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:စာပဒေသာ, မြန်မာပြည်တွင်း

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

    မိုးမခနဲ့ ပတ်သက်သမျှ

    ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

    By

    ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

    Read more »

    ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

    By

    ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

    Read more »

    မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း

    By

      မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း ထွက်တော့မယ် (မိုးမခ) စက်တင်ဘာ...

    Read more »

    ဒေါ်ခင်မျိူးချစ်၏ သတင်းစာလောက ထွက်ပါပြီ

    By

    ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

    Read more »

    သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

    Donate while shopping on amazon