ရိုးတံ (ပုလဲနယ်) ● ကုန်လွန်နာရီများ

January 5, 2018

● ကုန်လွန်နာရီများ
(မိုးမခ) ဇန်နဝါရီ ၅၊ ၂၀၁၇

(၁)
အချိန်ကို
လူတွေခဏချင်းဝါးလို့
အမှားမရှိ သက်သေရှိတယ်
ပြယ်ပျောက်တဲ့အရောင်ရွေးထားတယ်
စနစ်တစ်ခုလုံး
ကိုယ့်မျက်လုံးကို ကိုယ်ပြန်ကြည့်တော့
လူကြိုက်နည်းတယ်…

(၂)
သံပတ်တွေပြန်ရစ်ကြည့်ကြ
သစ္စာတရားက
အမှန်တရားပေါ်မှာရှိတယ်ပြောတာပဲ
ငါ့ကိုယ်ပေါ်မှာလည်း မတွေ့ရ
သူ့ကိုယ်ပေါ်လည်း မတွေ့ရ
ဘုရားနဲ့ နီးနီးလေး
ဝေးတယ်…

(၃)
လက်တံပေါ်
တစ်ကမ္ဘာလုံး တွဲခိုထားလျက်
အိပ်မက်ချင်းကွာတယ်
ဒီနေရာ
ညတာပိုရှည်လို့များလား
အလင်းဟာ လူပြောများသလောက်
ရှာရတာခက်တယ်ဆိုတာ
ပျောက်လို့မှမဟုတ်ဘဲ
ဖျောက်ထားတာပဲ ဖြစ်မယ်…

(၄)
နာကျင်တိုင်း
ရယ်စရာတွေ ပြောတတ်ကြ
ရှိစုမဲ့စုလေးတွေ
သံသရာကြွေး ခွဲဝေယူကြ
ဘာသာဗေဒနဲ့ပညာမကွဲဘူး
ဘွဲ့တွေ လွန်လာတယ်
ပြင်စရာရှိတာ ဖာထေးလို့
သုံးလို့ရသလောက်
ပြန်ကြည့်ပြန်ကြည့်နဲ့
ပြန်မကြည့်ခဲ့ကြပါဘူး…

(၅)
အချက်ပြသံကြားရ
အချိန်ကိုက်ဖို့လည်းမဟုတ်ဘူး
အချိန်တိုက်ဖို့လည်းမဟုတ်ဘူး
ရင်ဘတ်ထဲက ချိန်ကိုက်ဗုံး
အကြောက်တရားတွေ
အကြာကြီးဖုံးထားတော့
မျက်လုံးတွေ
ပုန်းခိုကျင်ရှိရာ အသိတာဖြစ်ခဲ့…

(၆)
ရေမြောင်းတွေ
မြစ်ဖြစ်အောင်လွှဲတယ်
မြစ်တွေက ရေမြောင်းလောက်ဖြစ်သွားတယ်
မြစ်လား
မြောင်းလား
သမိုင်းအထောက်အထား
ထားခဲ့သလောက် သမိုင်းအမှားတွေနဲ့
စီးဆင်းမှုလားရာအတိုင်း စီးဝင်လျက်…

(၇)
အလွန်တွေ လွန်လာပြီ
လွန်လာတာကို လွမ်းလို့လွမ်း
ကန်းနေတဲ့နား
မကြားရတဲ့မျက်စိ
နှာစေးတဲ့ အမှုပေါင်းများတယ်
သင်ပုန်းပေါ်က လက်ရေးမူအတိုင်း
ခပ်စိမ်းစိမ်းနဲ့
ခပ်သိမ်းသောသတ္တဝါတို့
မာတိကာကို ကျော်ဖတ်ပေးပါ
အမှာစာမပါလို့မို့…

ရိုးတံ (ပုလဲနယ်)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကဗျာ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ်

By

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ် (မိုးမခစာအုပ်စင်) သြဂုတ် ၁၇၊ ၂၀၁၈...

Read more »

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်