မောင်အောင်မွန် ● ကျွန်တော်တွေးမိသလို ရေးပါမည် (၃၁၅)

February 13, 2018

မောင်အောင် ● ကျွန်တော်တွေးမိသလို ရေးပါမည် (၃၁၅)
(မိုးမခ) ဖေဖော်ဝါရီ ၁၃၊ ၂၀၁၈
စာရေးဆရာ ဝင်းဦး

(၁)
ရှမ်းတောက် ရှုမဝမဂ္ဂဇင်းတွင် ကျွန်တော်တို့တတွေ စာဝင်ရေးကြသောအခါ အများအားဖြင့် ဝတ္ထုတိုလေးတွေသာ ရေး သားကြ၏။ ဝင်းဦးကမူ အများနှင့်မတူ ထူးခြားသည်။ ဆရာတင့်တယ်ကို ကြိုက်တာချင်းအတူတူ ဝင်းဦးက ဆရာ့လို စာတွေ အများကြီးရေးနိုင်ပြီး ဆရာ့ဝတ္ထုတွေထဲကလို တဝကြီး အီစိမ့်နေအောင်ရေး၏။

သည်လိုနှင့်ပင် ကျွန်တော်တို့၏ ဇာတ်လမ်းဇာတ်ကွက်ကောင်း ဇာတ်ကောင် စရိုက်ပီသသောဝတ္ထုတိုသည် ဝင်းဦးအဖို့ မဂ္ဂဇင်းဝတ္ထုရှည်၊ ကျွန်တော်တို့၏ မဂ္ဂဇင်းဝတ္ထုရှည်သည် ဝင်းဦးအဖို့ လုံးချင်းစာအုပ် ဖြစ်လာနိုင်၏။ စဟေ့ဆိုကတည်းက အားလုံးသတိထားမိသည့် စာရေးဆရာ ဝင်းဦး၏ အစွမ်းအစပါ။

စာရေးဆရာ သူလိုငါလို ခင်မင်ကြသည့်ထဲ ဝင်းဦးကမူ စိတ်ကူးမျှော်မှန်းချက်ကြီးပါဘိ။

(၂)
စာပေလောက၏ အပြင်ဘက်ဆီအထိ ခြေဆန့်စပြုနေချိန် ကျွန်န်တို့နှစ်ယောက်ဆုံကြ၏။

ရှုမဝမဂ္ဂဇင်း မန်နေဂျာ ဦးမြရှင်က ဝင်းဦး၏သီချင်းများ စာအုပ် လက်ဆောင်ပေးရာ၊ ဒီစာအုပ်ကို ကျွန်တော်ကဘာလုပ်ရမှာလဲဟုနောက်လိုက်၏။ ဝင်းဦးက ယူသွားပါ ကိုအောင်မွန်၊  ခင်ဗျားမကြိုက်လည်း ခင်ဗျားနောက်ပိုးနေတဲ့ ကောင်မလေးက ဝင်းဦးကိုကြိုက်နေရင် ခင်ဗျားတောင် မိန်းမရချင်ရသွားမှာ ဟူ၍ပြောဆိုရာ သုံးယောက်သား ရယ်မောကြ၏။

ဦးကျော်တို့ တင့်တယ်တို့ ရုပ်ရှင်ဘက်ကူးနေကြပြီမို့ ဂီတနယ်ဝယ် ကျော်ကြားနေပြီဖြစ်သော စာရေးဆရာဝင်းဦးလည်း ရုပ်ရှင်ဘက်ကူးရေး ငေးနေတွေးနေပေလိမ့်မည်။ မကြာလိုက်ပါ– ရှုမဝထဲက သူ့နှစ်ယောက်ထဲနေချင်တယ် ဝတ္ထုကို ဒါရိုက် တာ မောင်တင်ယုက ဝင်းဦးကို မင်းသားတင်ကာ တင်တင်မူနှင့် ရုပ်ရှင်ရိုက်၏။ သူအောင်မြင်ကျော်ကြား နေရာရထားပြီဖြစ် သောဂီတကိုလည်း အားယူကာ သူ့သီချင်းများ မြိုင်မြိုင်ဆိုင်ဆိုင် ထည့်သွင်းထား၍ ကျွန်တော်တို့တဝကြီးနားထောင်လိုက်ရသည်။

စာရေးဆရာဝင်းဦး၊ အဆိုတော်ဝင်းဦးနှင့် မင်းသားဝင်းဦးတို့ စတင်ပေါင်းမိကြလေပြီ။

စာရေးဆရာဝင်းဦးလည်း ဆရာတင့်တယ်၊ ဦးမြရှင်တို့ကို အပါခေါ်ကာ စန္ဒာမဂ္ဂဇင်းနှင့်စာပေတိုက် တည်ထောင်လိုက်သည်။ ကျွန်တော်က ရှုမဝမှာ ဝတ္ထုတိုရေးသောဘဝက မတက်။ ရန်ကုန်တက္ကသိုလ်မြေ၌ မွေးဖွားကြီးပြင်းသူ ဝင်းဦးက မောင်အောင် မွန်၏ ဘောလုံးသမား၏ချစ်အဘိဓမ္မာ ဝတ္ထုတိုကိုကြိုက်ခြင်းသည် မထူးဆန်းပါ။

(၃)
သိင်္ဂီတဝက်မြတဝက် လုံးချင်းဝတ္ထု ကျွန်တော်ရေးဖြစ်သည်။

ရေးသမျှဖတ်ပေး ဝေဖန်အကြံပေးနေကျ ကျောင်းသားခေါင်းဆောင် ရဲဘော်မောင်မောင်ညွန့် (ညွန့်ကြူး) ထံသွားရာ သူနှင့် မတွေ့ပဲ မင်းကျော်နှင့်သာဆုံ၍ ဖတ်ကြည့်ပေးရန် မေတ္တာရပ်ခံကာပေးခဲ့၏။ ကျွန်တော်တို့ကျောင်းသားဘဝ မင်းကျော်က သမိုင်းကော်မရှင်မှာ အလုပ်လုပ်နေချိန်၊ လက်ဖက်ရည်ဆိုင်၌ မိတ်ဆက်ကာ ခင်မင်မှုရှာလာသူဖြစ်သည်။

မင်းကျော်၏ ဝတ္ထုတိုတပုဒ်လည်း ကျွန်တော်ဦးဆောင်သည့် ပဲခူးမဂ္ဂဇင်း၌ ထည့်ပေးဖူး၏။

ချိန်းသည့်နေ့ သူ့အိမ်သို့ရောက်သွားရာ လျှပ်စစ်မီးဖိုပြင်နေရာကနေ အထဲဝင်သွား၏။ ပြန်ထွက်လာ လက်ထဲကစာမူ စားပွဲ ပေါ်သို့ ပစ်ချလိုက်ပြီး၊ နေစမ်းပါဦး– ခင်ဗျားက အားကစားဝတ္ထုလေးတပုဒ် စွံသွားတာနဲ့ ဗိုလ်အောင်ဒင်ပြန်လာပြီလို ချိုးတာလား–ဟု ပြောပြီးဝင်သွားပြန်သည်။

ပြန်မထွက်လာတော့။

ကျွန်တော်လည်း ထိုင်စောင့်–ငုတ်တုတ်ထိုင်စောင့် အတွင်းဘက်လှမ်းမျှော်ရင်း ထိုင်စောင့် နားစွင့်ရင်း ထိုင်စောင့်နှင့်–အတော်ကြီးကြာတောမှ ဆရာကတော်ဟု ထင်ရသူအမျိုးသမီး ထွက်လာကာ ဆရာမအားဘူး ဆိုကာ ယဉ်ကျေးစွာနှင်တော့မှ ကျွန်တော်ပြန်လာခဲ့ရသည်။ သူကား ပုဂံစာအုပ်တိုက်ပိုင်ရှင် စာအုပ်တွေ ဆက်တိုက်ရေးနေသူကြီး ဖြစ်နေလေပြီ၊ နေက်ပိုင်း တွင် စာပေလုပ်သားဖခင်ကြီး ဖြစ်လာသူ ဆရာကြီးမင်းကျော် ဖြစ်နေပြီကိုး။

ဦးကျိုးသွားပြီမို့ စာမူထပ်ကြီး ရုံးအံဆွဲထဲ ပစ်ထားလိုက်၏။

တနေ့ မြန်မာ့အသံမှာ အသံလာသွင်းသော ဝင်းဦးနှင့်ဆုံ၍ လုံးချင်းဝတ္ထုတပုဒ်ရေးထားကြောင်းပြောရာ အမယ် ကျားသားမိုးကြိုးဟုဆိုသည်။ ဖတ်ကြည့်ပေးပါဆိုတော့ ယူသွားပြီး သူနှင့်လာတွေ့ရမည့် လိပ်စာ၊ နေ့ရက်၊ အချိန်တို့ပေးသွား သည်။

ချိန်းထားသည့်နေ့ ဝင်ဦးအိမ်သို့ရောက်သွား၏။

အစောင့်တံခါးဖွင့်ပေး၍ ဧည့်ခန်း၌ထိုင်နေစဉ် ရှေ့တော်ပြေး ရေးမွှေးနံ့နောက်က မင်းသားလိုက်လာ၏။ မနေ့ညက Shooting က နောက်ကျလိုက်တာ ညဥ့်နက်မှပြန်ရောက်တယ်၊ ဒါပေမယ့် ပြီးအောင်ဖတ်လိုက်တယ် သိင်္ဂီတဝက် မြတဝက် နာမည်လေးကလှလိုက်တာ– ပိတောက်ပန်းပွင့် အောက်ခံအစိမ်းယူပြီး ဇာတ်သိမ်းတဲ့ idea ကိုသိပ်ဘောကျတယ်၊ အားကစား ပါလာတာလည်း ကြိုက်တယ်– ဒါပေမယ့်လို့–။

ထို့နောက် သူမကြိုက်တာတွေကိုလည်း အသေးစိတ် ဆွေးနွေးထောက်ပြပုံမှာ အံ့ဖွယ်ကောင်းပါဘိ။ မပြေချောဘူး–ထစ်ငေါ့ ထစ်ငေါ့ ဖြစ်နေသလိုပဲ၊ ရေးလိုက်ပစ်ထားလိုက်နဲ့များလား–အားမနာတမ်းပြောမယ်ဗျာ၊ ရေးနိုင်တဲ့လက်ရှိရဲ့သားနဲ့ ခင်ဗျား သိပ်အပျင်းကြီးတယ်။

ဟုတ်တယ်ဗျ ဟု ကျွန်တော်ဝန်ခံလိုက်၏။

ပွင့်ပွင့်လင်းလင်းပြောရရင် သိင်္ဂီတဝက် မြတဝက် ဟာ မောင်အောင်မွန်ရဲ့ စံကိုမမီဘူး။ စာဖတ်သူက ဒီ့ထက်ပိုမျှော်လင့်ထားမှာ၊ စန္ဒာတိုက်နဲ့တော့ အဆင်ပြေမယ်မထင်ဘူး၊ First Attempt ဆိုတော့ အလဟသလည်း မဖြစ်စေချင်ဘူး၊ ဒီလိုလုပ်ဗျာ- တခြားတိုက်တွေပြကြည့်– အဆင်မပြေရင်ပြော၊ စာအုပ်ဖြစ်အောင်တော့ ကျွန်တော် စီစဉ်ပေးမယ်ဟု ကိုဝင်းဦးကနိဂုံး ချုပ်သည်။

စာမူထုပ်ကိုင်ပြီး ထအပြန် ကိုဝင်းဦးက တံခါးဝအထိ လိုက်ပို့ဖွင့်ပေး၏။

၁၉၆၅ ခု၊ ဒီဇင်ဘာလတွင် Radio Moscow မြန်မာပိုင်း၌ လုပ်ကိုင်ရန် အစိုးရကရွေးချယ်စေလွှတ်၍ ၃ နှစ်ခန့် ဆိုဗီယက်ယူနီယံတွင် နေနေစဉ် သူငယ်ချင်း ကိုတင်ညွန့်ထံမှ စာရေးသူသို့ မေတ္တလာလက်ဆောင်ဟု လက်မှတ်ရေးထိုးထား သည့် သိင်္ဂီတဝက် မြတဝက် စာအုပ်ရောက်လာသည်။

မောင်အောင်မွန်၏ ပထမဆုံး လုံးချင်းဝတ္ထုရှည် စာအုပ်ထွက်ပြီလေ။

(၄)
၁၉၆၈ ခု၊ဇူလိုင်လတွင် မြန်မာ့အသံသို့ ပြန်ရောက်၏။

စက်မှုလက်ထောက် မဟုတ်တော့ပဲ မြန်မာပိုင်းအစီအစဉ်သို့ ပြောင်းရသည်။ ရုပ်ရှင်မင်းသား မင်းသမီးများ ပါဝင်သရုပ်ဆောင်ပေး၍ အသံလွှင့်ဇာတ်များ လူကြိုက်များနေချိန်ကာလပါ။ မင်းသားဝင်းဦး အထူးကူညီ၍ အဓိကစီစဉ်ထုတ်လွှင့်သူ (Producer) ကိုသစ္စာနှင့် သူရင်းနှီးသွားပြီး အချိန်ရလူရှင်းလျှင် စကားလာပြောသည်။

ကိုဝင်းဦး၊ ကိုသစ္စာ တို့နှင့် အသံလွှင့်ဇာတ်အကြောင်း ဆွေးနွေးဖူး၏။

မြန်မာပြည်သို့အပြန် Tokyo ကိုဝင်ရင်း NHK ဝင်လေ့လာရာ သူတို့ Radio Play အသံသွင်းပုံသိခဲ့၏။ ဧရာမစတူဒီယိုထဲ လမ်းလျှောက်ပြီး အသံနှင့်သရုပ်ဆောင် နေကြသည်ကို မိုက်ကရိုဖုန်းက အထက်ကရွေ့လျား အသံဖမ်းပုံပြောပြသည်။ ကိုဝင်းဦးက သရုပ်ဆောင်တွေ Dialouge အလွတ်ရနေကြမယ် ဆိုရင်တော့ရတယ်၊ ခင်ဗျားတို့ မြန်မာ့အသံက အခြေအနေနဲ့ကတော့ ခုလိုပဲစားပွဲမှာထိုင် စာရွက်ဖတ်သရုပ်ဆောင်နေရမှာပဲဟု ပြောသည်ကို ကျွန်တော်တို့သဘောတူလိုက်ရသည်။

ကျွန်တော်၏ လုပ်ငန်းတာဝန်ထဲတွင် မပါသော်လည်း စိတ်ကူးရလျှင်အသံလွှင့်ဇာတ်ညွှန်းရေး၏။
စာရေးဆရာမင်းရှင် ထွက်သွားကတည်းက အသံလွှင့်ဇာတ်ညွှန်းရေးသူများထဲ စာရေးဆရာများမပါ၊ စာရေးဆရာ၏ ဝတ္ထုကိုသာအခြေခံကြောင်း ကိုယ်တိုင်စာရေးဆရာ ဝင်းဦးသိပါမည်။ မောင်အောင်မွန် နာမည်ကြားလိုက်သည့်အခါများတွင်လည်း သတိထားမိမည်မုချ။ ကျွန်တော့အသံလွှင့်ဇာတ်ညွှန်းနှင့် မင်းသားဝင်းဦး၏ သရုပ်ဆောင်ချက် မြန်မာ့အသံက ထွက်လာသည်ထိ မဆုံလိုက် မကြုံလိုက်ပါ။

နောက်တကြိမ် သုံးယောက်ဆွေးနွေးပွဲက ဆရာတင့်တယ်၊ ကိုဝင်းဦးနှင့် ကျွန်တော်။

ရုရှမလေးတို့နှင့် ဆက်နွှယ်သည့် ဝတ္ထုတိုသုံးပုဒ် စန္ဒမဂ္ဂဇင်းသို့ ပေးလိုက်ရာ သူကိုယ်တိုင်လည်း အင်္ဂလိပ်မလေး ဂျုံးနီအကြောင်း ရေးသားခဲ့သူ ဆရာတင့်တယ်က သဘောကျ၏။ သြစတြေးလျမလေးတွေ ချစ်စရာကောင်းပုံ ရေးနေကျ စန္ဒမဂ္ဂဇင်းပိုင်ရှင် ကိုဝင်းဦးကမူ မထည့်ချင်ဟုဆို၍ သွားပြန်ယူရင်း သုံးယောက်သား ဆုံကြဆွေးနွေးဖြစ်ကြသည်။

ကိုအောင်မွန် ခင်ဗျားက Russia ရောက်သွားတော့မှ စာစရေးတာမှမဟုတ်တာ၊ ခါတိုင်းရေးနေကျလို တပုဒ်ပေးဗျာ၊ စန္ဒမဂ္ဂဇင်းမှာ မောင်အောင်မွန် ပါရမယ်လေ။ ကျွန်တော်ခေါင်းညိတ်လိုက်၍ ဆရာတင့်တယ်က ပြုံးပြီးစာမူများပြန်ပေး၏။ ပြန်ထွက်လာစဉ် ဝင်းဦးက ဟေ့လူကြီး ဖြစ်နိုင်ရင် အားကစားဝတ္ထုနော်ဟု လှမ်းအော်မှာလိုက်သည်။

နှလုံးသားဝယ် စခန်းဝင်လေ့ကျင့်သွားခြင်း ရေးပေး၍ ၁၉၈ဝ ခု၊ ဇူလိုင်လထုတ်၌ပါလာ၏။

(၅)
စာရေးဆရာ မြသန်းတင့် ကိုကိုးကျွန်းမှ ပြန်လွတ်လာချိန်။

သူ့စာတွေပြန်ဖတ်ရတော့မို့ ဝမ်းသာကြ၏။ သူနှင့်ခင်မင်သူများကလည်း လာတွေ့ကြကြိုဆိုကြရာ စာရေးဆရာ ဝင်းဦးလည်းပါသည်။ ကျွန်တော်တို့လည်း စမ်းချောင်းတွင်နေ၍ ကိုမြသန်းတင့်နှင့်သာမက မိသားစုချင်းပါ ခင်မင်ရင်းနှီးလာကြပြီး အဝင်အထွက်များပါဘိ။ သူ့အိမ်သို့ ကိုဝင်ဦးလည်း မကြာခဏလာ၏။ တနေ့ ကိုဝင်းဦးက ကျွန်တော့်ဇနီးအား ညီမကို ဒီလူကြီး ဝင်းဦးသီချင်းစာအုပ်ပေးဖူးသလားဟု မေးလိုက်ရာ သူ့ခမျာ ယောင်အမ်းအမ်းနှင့် ဘာမှန်းမသိဖြစ်သွားပြီး ဟင်အင်း မပေးဖူးပါဘူးဟူ၍သာ ဖြေနိုင်၏။

ကျွန်တော့်ဇနီးသည် သူတကာနည်းတူ ဝင်းဦးရုပ်ရှင်တွေကြိုက်၏။ ဝင်းဦးသီချင်း သူကရွှေမန်းသူမို့ အထူးသဖြင့် မန္တလေးသင်္ကြန်သီချင်းတွေတော့ အသည်းစွဲပေါ့။ အကင်းပါးသော စာရေးဆရာ မြသန်းတင့်က တခြားတစ်ယောက်ကို ပေးတာနဲ့တူတယ်ဟု ဝင်ပြော၍ သုံးယောက်သားရယ်ကြရသည်။

ကျွန်တော်အံ့သြနေမိ၏။

ဟိုနှစ်အတန်ကြာကကိစ္စ၊ သတိရမှတ်မိကာ အချိန်ကိုက်သုံးတတ်သူကြီး။ စာပေလောကမှာပင် ကိုဝင်းဦးအဖို့ ကျွန်တော့်ထက်ပိုခင်သူတွေ ဒုနှင့်ဒေး။ ဂီတ၊ ရုပ်ရှင်နယ်ပယ်တို့တွင်လည်း ထောင်ပေါင်းများစွာ လူစုံအလွှာစုံနှင့် သူဆက်ဆံလုပ်ကိုင်နေရသည်။ ကျွန်တော်ကား ရေးဖက်သာမန်စာရေးဆရာမို့ ဘာအကျိုးမှ မျှော်ကိုးစရာမရှိပါ။ လူတစ်ယောက်အား ဘယ်လောက်အလေးထားသည်ကို ပြသလိုက်ရာလည်းကျ၏။

ထို့ကြောင့်လည်း စာရေးဆရာဝင်းဦးသည် စန္ဒလိုမဂ္ဂဇင်းကြီးကို အောင်မြင်စွာ ဦးစီးထုတ်နိုင်လာသည်၊ အဆိုတော် ဝင်းဦးသည် ဂီတလုပ်ငန်းကြီးကို ကြီးကြပ်နိုင်သည်၊ မင်းသား ဝင်းဦးသည် ရုပ်ရှင်ဇာတ်ညွှန်းရေး ဒါရိုက်တာလုပ် ကမ္ပဏီထောင် စသဖြင့် လူစုံနှင့်ဆက်ဆံ လုပ်ကိုင်နိုင်ခြင်း ဖြစ်ပေလိမ့်မည်။ အောင်မြင်သော လုပ်ငန်းရှင် (Business man) ဖြစ်နေသည်ကိုကြည့်ပါ။

ဝင်းဦး၏ ပေါင်းသင်းဆက်ဆံရေး စွမ်းပကားနှင့် အဝန်းအတာ။

စန္ဒမဂ္ဂဇင်းတွင် ကလောင်ခွဲများနှင့်လည်း စာအများအပြား လစဉ်ရေးနေသေ စာရေးဆရာ မြသန်းတင့်နှင့်အတူ– မောင်နေဝင်း၊ နတ်နွယ်၊ မင်းကျော်တို့နှင့်ပါ ဝင်းဦးတွဲလာသည်။ ထိုစာရေးဆရာ လေးယောက်အပြင် ဦးဝင်းတင် (ဟံသာဝတီ) ကိုပါခေါ်ကာ ငပလီသို့ အပန်းပြေခရီး ထွက်ကြောင်းသိရ၏။ မင်းသားဝင်းဦး၏ ပရိသတ်ဒေသခံများ တည်ခင်းသော ညစာစားပွဲသို့ရောက်သွားကြ၏။ သူတို့ချက်အရက်နှင့် ဧည့်ခံရာ ဝင်းဦးရယ် နောက်တစ်ယော်ကရယ်သာသောက်ကြောင်း စာပေလောကတွင် သတင်းပြန့်သွားသည်။

အခြေအနေပေးလာလျှင် ကိုဝင်းဦးတစ်ယောက် သတင်းစာတောင်ထုတ်လေမလားဟု ကျွန်တော်တွေးမိ၏။
ကျွန်တော်လည်း ကိုယ့်အလုပ်နှင့်ကိုယ် ချာလပတ်လည်နေ၍ စန္ဒသို့စာမူထပ်မပေးဖြစ် မဂ္ဂဇင်းလည်း သွားမယူဖြစ် စာအုပ်အငှါးဆိုင်သို့လလည်း မသွားဖြစ်နှင့်မို့ အလှမ်းဝေးကင်းကွာနေခဲ့သည်မှာ ကြာလေပြီ။

(၆)
လူချစ်လူခင်များသူ ကိုဝင်းဦးသည် သတင်းစာတိုက်များနှင့်လည်း ရင်းနှီး၏။

တကြိမ်မတော့ စန္ဒရားဆရာတစ်ယောက် လင်မယားရန်ဖြစ်ပြီး ဖဲသွားရိုက်သည်။ မယားသတင်းပေး၍ ရဲကဝင်ဖမ်း ဂတ်တဲရောက်ပြီ၊ ဝိုင်းကြီးမို့ဟိုးလေးတကျော်နှင့် သတင်းထောက်များ ဓတ်ပုံရိုက်ကြသည်။ စန္ဒရားဆရာက အစိုးရအမှုထမ်းမို့ သတင်းစာထဲပါလာလျှင် ဖိုစဉ်ကဥပဒေကြောင့် အလုပ်ပြုတ်မည်မုချ။ ထိုသတင်းကြားရ၍ ကိုဝင်းဦးသည် ညတွင်းချင်း သတင်းစာတိုက်များသို့ သွာရောက်ရှင်းပြ တောင်းပန်၍သာ သတင်းစာထဲလည်းမပါ၊ အလုပ်လည်းမပြုတ်လိုက်။
နောက်တစ်ခုက ဝင်းဦးသီချင်းဆိုနေသော သတင်းစာထဲကဓာတ်ပုံပါ။

ထိုနှစ်က အာရှလူငယ် ဘောလုံးပြိုင်ပွဲတွင် မြန်မာအသင်း ဒိုင်းရသည်။ မကြာခဏ ရနေကျမို့မဆန်းပါ။ ထူးခြားပုံက ရှေ့တန်းတိုက်စစ်မှူး John Tint ခေါ် ခင်မောင်တင့် (ရန်ကုန်တက္ကသိုလ်) ဂိုးအများဆုံးသွင်းသူဆု ဂိုးသမား မောင်မောင်ညွန့်(အကောက်ခွန်)က ပြိုင်တလျှောက် တစ်ဂိုးမှအဝင်မခံရသူ(Clean Sheet)ဆုတို့ ရရှိကြခြင်းပါ။ ကျန်းမာရေးဋ္ဌာန ဝန်ကြီးကညစာတည်ခင်း ဂုဏ်ပြုပွဲသတင်းမှ ဓာတ်ပုံကိစ္စ ကျွန်တော်တို့ အားကစားကလောင်များ ဘဝင်မကျကြ။

မေးသင့် မမေးသင့် အကြိမ်ကြိမ် ချိန်ဆ၊ မဝံ့မရဲနှင့် နောက်ဆုံးတော့ မေးဖြစ်သွားပြီ။

သူက အေးဗျာ၊ ကျွန်တော်လည်း ဝင်းဦးမဟုတ်ရင် ခင်ဗျားတို့လိုခံစားရမှာပဲ၊ သီချင်းလာဆိုပေးပါလို့ ဆိုတာနဲ့သွားဆိုတယ်၊ ပိုက်ဆံပေးပြီးငှါးတာမဟုတ်ဘူး၊ ဘောလုံးအသင်း ဂုဏ်ပြုပွဲဆိုတော့ ဝင်ဂုဏ်ပြုတာလေ My contribution ပေါ့။ ဒီအခြေအနေမှာ ဒီဓာတ်ပုံကြောင့် ဝင်းဦးက တိုးပြီးကျော်ကြားလာမှာလား၊ သတင်းစာ တွေအကြောင်းတော့ ကိုအောင်မွန်က ပိုသိနိုင်ပါတယ်ဟု ခပ်အေးအေးဖြေဖူး၏။

မေးဖြစ်လိုက်သည့်အတွက် ကျွန်တော်ကျေနပ်၍ ယခုထည့်ရေးလိုက်ပါပြီ။
ဆရာတင့်တယ် ကွယ်လွန်သွားတော့ စန္ဒမဂ္ဂဇင်းလည်း လိုက်ပါသွားမည်လော။ ရုပ်ရှင်၊ ဂီတ ကိစ္စရပ်များနှင့် အလုပ်များနေသူကြီး စာရေးဆရာ ဝင်းဦးက ဖြစ်အောင်ဆက်ထုတ်၍ ဝမ်းသာကျေးဇူးတင်ရ၏။

၁၉၈၈ ခု၊ အစောပိုင်မှာ ကိုဝင်းဦး ဆေးရုံတက်နေကြာင်း သတင်းများထွက်လာသည်။ နောက်တော့ သူ့အစ်မရှိရာ လန်ဒန်သို့ထွက်ခွါသွားပြီး Cromwell Private တွင် ခွဲစိတ်ပြီး သက်သာကြောင်း၊ သူ့ပရိသတ်က ဧည့်ခံလို့ လည်ပတ်နေကြောင်း ကြားရပြန်သည်။ တင့်တယ်တို့ ကြည်အေးတို့ လုပ်ကိုင်ခဲ့သည့် BBC မြန်မာပိုင်း၌ သူ့နှမဝမ်းကွဲလည်း လုပ်နေသည်။ အင်္ဂလိပ်မလေးများနွှယ်သည့် ဝတ္ထုတွေ ဖတ်ရတော့မည်ဟု စိတ်ကူးမျှော်လင့်ထား၏။

သူပြန်လာပြီ။

စာရေးဖြစ်ပုံမရ၊ ကျန်းမာရေး ထင်သလောက်မကောင်း၍ လန်ဒန်သို့ထပ်သွားရဦးမည်တဲ့။ ဟိုကဒီက ကြားရခြင်းပါ။ တိုင်းပြည်အခြေအနေက ရှုပ်ထွေးဆူပူအုံကြွနေပြီး ကျွန်တော်လည်း ရန်ကုန်တွင်နေမဖြစ်၍ တော၌သွားရှောင်နေရချိန် ဒီဇင်ဘာလ (၁၄) ရက်နေ့က ကိုဝင်းဦးကွယ်လွန်သွားကြောင်း သတင်းစာဖတ်ရ၏။

စန္ဒာမဂ္ဂဇင်းက ရပ်မသွား။

ကိုမြသန်းတင့်က အယ်ဒီတာချုပ်အဖြစ် တာဝန်ယူကာ ဆက်ထုတ်သည်။ ရန်ကုန်ပြန်လာပြီးနောက် အမြည်း ဆိုသည့်ဝတ္ထုတိုလေး ရေးပေးလိုက်၏။ ပထမ ဝတ္ထုပါလာပြီး (၉)နှစ်တိတိအကြာ ၁၉၈၉ ခု၊ ဇူလိုင်လ စန္ဒာမဂ္ဂဇင်း၌ ပါလာသည်။ ကိုဝင်းဦး မသိတော့သော်လည်း သူ့ဂူပေါ် နှင်းဆီပန်းတစ်ပွင့် တင်ပေးထားသလို ကျွန်တော်စိတ်ကူးခံစားရပါသည်။

(၇)
ကိုဝင်းဦးကွယ်လွန်ပြီးနောက် ပြောသံဆိုသံ ထင်ကြေးပေသံများ ခပ်များများထွက်လာ၏။

လူသိများကျော်ကြားသူမို့လည်း ပြောချင်နားထောင်ချင်ကြမည်။ ကျွန်တော်ကမူ လူတစ်ယောက်၏ ကိုယ်ပိုင်ဘဝ (Private Life) ကိုယ်ရေးကိုယ်တာ (Personal Affairs) ကို အထူးသဖြင့် သူ၏နောက်ကွယ်၌ မပြောသင့်ဟု ယုံကြည်သူပါ။ ထို့ပြင်စာရေးသူချင်း ခုခံရှင်းလင်း ချေပနိုင်ခြင်းမရှိသူ အကြောင်းမရေးသင့် ဟူသောကလောင် ကျင့်ဝတ်ကိုလည်း လေးစားစွကျင့်သုံးချင်ပါ၏။

၁၉၉၂ ခု၊ မေလတွင် ကျွန်တော်မြန်မာပြည်မှ ထွက်ခဲ့သည်။

သင်္ချိုင်းတွေဖျက် ဂူတွေပြောင်းလုပ်၍ RIP မဟုတ်ပြန်၊ ကျွန်တော့်နှင်းဆီပွင့်လေး ကိုဝင်းဦးနှင့် ပါသွားလေစ၊ မိုင်ထောင်ပေါင်း ဝေးသည့်အရပ်က လှမ်းကြည့်လို့မရနိုင်ပါ။ သူကွယ်လွန်သွားပြီးနောက် နှစ်(၃ဝ) လောက်ကြတော့မှ ရေးဖြစ်၏။ မရှိကြတော့၊ အားလုံးလိုလိုမရှိတော့၊ စန္ဒမဂ္ဂဇင်းပင်လျှင် မရှိတော့။ သို့သော်လည်း—၊

အံ့သြဖွယ်ရာ ဓာတ်ပုံတစ်ပုံ သွားတွေ့သည်။

ဟိုတုန်းက သတင်းခပ် သဲ့သဲ့သာကြားခဲ့သော သူ့ဖခင်အပါအဝင် ဦးဖေမောင်တင်၊ ဇော်ဂျီ၊ မင်းသုဝဏ်၊ ဟံသာဝတီ ဦးဘရင် စသည့်ပညာရှင်ကြီးများအား ကန်တော့အပြီးရိုက်ထားသောဓာတ်ပုံပါ။ ထိုလောက်စုံလင် စုစည်းနေပုံ အမှန်တကယ် မမြင်ရလျှင် ယုံနိုင်ချစ်စရာမရှိ။

နေ့မြင်ညာပျောက် ဖျက်လွယ်ပျောက်လွယ် မြန်မာပြည်တွင် စာရေးဆရာ ဝင်းဦး၏ မဟာအောင်မြင်မှု ထိုဓာတ်ပုံသည် ကမ္ဘတည်သရွေ့ အဓွန့်ရှည်ပါစေသောဝ်ဟု တွေးမိကြောင်းပါ။

၂ဝ၁၈ ခု၊ ဖေဖေါ်ဝါရီလ (၈) ရက်နေ့။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags: , ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ရသဆောင်းပါးစုံ, ခေတ်ပြိုင်အတွေ့အကြုံ, မောင်အောင်မွန်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း

By

  မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း ထွက်တော့မယ် (မိုးမခ) စက်တင်ဘာ...

Read more »

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments