အေးငြိမ်း – မြန်မာအိမ်အကူလုပ်သားများအတွက် သင်တန်း – ၅ (နိဂုံး)

April 17, 2018

– မြန်မာအိမ်အကူလုပ်သားများအတွက် သင်တန်း – ၅ (နိဂုံး)
အခန်း (၅) – စိတ်ဖိစီးမှုများကို ကုစားခြင်း
(မိုးမခ) ဧပြီ ၁၇၊ ၂၀၁၈

စင်ကာပူသို့ ယခုမှ သင်ရောက်လာရခြင်း ဖြစ်သည့်အတွက် အရာအားလုံး အသစ်အဆန်း ဖြစ်နေပါလိမ့်မည်။

 သင်မသိသေးသည်းအရာများ အများအပြား ရှိနေပါလိမ့်မည်။
 သင်မသိသေးသည့် အရာများကို လေ့လာ သင်ယူပါ။
 စင်ကာပူမှ ယဉ်ကျေးမှုအမျိုးမျိုးကို လေ့လာပါ။ သူတို့နှင့် အံဝင်ခွင်ကျ ဖြစ်အောင် ကြိုးစားပါ။
 သင့်အလုပ်ရှင်နှင့် သူ့မိသားစု၏ နေထိုင်မှုပုံစံကို လေ့လာပါ။ နားလည်အောင် ကြိုးစားပါ။
 ဘာသာရေးအရ ရှောင်ကြဉ်သည်များရှိပါက ပွင့်ပွင့်လင်းလင်း ပြောပြထားပါ။ (ဥပမာ – အမဲသားမစားခြင်း)

 အလုပ်ရှင်၏ ညွှန်ကြားချက်များကို စာနှင့်ရေးမှတ်ထားပါ။
 မရှင်းသည်များကို နားလည်သည်ထိ မေးပါ။
 အမှားလုပ်မိလျှင် ဝန်ခံပါ။ မညာပါနှင့်။
 ဘာကြောင့်မှားရသလဲဆိုတာ သိအောင်လုပ်ပါ။
 အမှားအပေါ်မှ သင်ခန်းစာယူပါ။ နောက်တစ်ခါ ထပ်မမှားရအောင် သတိထားပါ။
 လုပ်စရာရှိသည်များကို စာဖြင့် ချရေးထားပါ။ တစ်ခုပြီးမှ တစ်ခုလုပ်ပါ။
 အလုပ်လုပ်နေစဉ် ပိုက်ဆံ၊ ပစ္စည်းများတွေ့ပါက အလုပ်ရှင်အား ပြန်ပေးပါ။ သင့်ပစ္စည်း၊ ပိုက်ဆံမဟုတ်ပါက သိမ်းမထားပါနှင့်။

အားလပ်ရက်၊ အလုပ်ပိတ်ရက်များတွင် –

ဘုရား၊ ကျောင်းကန် သွားနိုင်သည်။
ဘာသာစကားသင်တန်း၊ အချက်အပြုတ်သင်တန်း၊ ရှေးဦးသူနာပြုသင်တန်း စသည့် သင်တန်းများ သွားတက်နိုင်သည်။

တက်နိုင်သည့် သင်တန်းများ

အိမ်အကူလုပ်သားများအား ကူညီရေးအဖွဲ့တစ်ဖွဲ့ ဖြစ်သည့် FAST တွင် အချက်အပြုတ်၊ ကွန်ပြူတာ၊ သက်ကြီးရွယ်အို စောင့်ရှောက်မှု၊ ကလေးထိန်း၊ အင်္ဂလိပ်စာ၊ ဂီတသင်တန်းများတက်နိုင်သည်။ ဖုန်း – ၆၅ဝ၉ ၁၅၃၅

ဖိလစ်ပိုင် ပင်လယ်ရပ်ခြား အလုပ်သမားများအဖွဲ့ – အချက်အပြုတ်၊ လက်မှုပညာ၊ ကွန်ပြူတာ စသည့်သင်တန်းများ ပို့ချပေးသည်။ ဖုန်း – ၆၂၅၀ ၀၀၁၁

ACMI သင်တန်းကျောင်း – ကွန်ပြူတာ၊ အချက်အပြုတ်၊ သက်ကြီးစောင့်ရှောက်မှု၊ အင်္ဂလိပ်စကားပြော၊ ဆံပင်ညှပ် စသည့် သင်တန်းများ။ ဖုန်း – ၆၂၈၄ ၈၇၉၇

GoForth သင်တန်းကျောင်း – သူနာပြု၊ အင်္ဂလိပ်ဘာသာစကား၊ ကွန်ပြူတာ စသည်။

လူအများနှင့် သဟဇာတဖြစ်အောင် နေခြင်း

 သင့်အိမ်ရှင်မိသားစုနှင့် ရင်းနှီးကျွမ်းဝင်အောင် ပြုပါ။
 အချင်း ယုံကြည်မှုရအောင် လုပ်ယူပါ။ ဤသို့လုပ်ရာတွင် အချိန်ယူရပါမည်။
 သင်ယူလိုစိတ်ကိုမွေးပါ။
 လိုက်လျောညီထွေရှိအောင် လေ့ကျင့်ယူပါ။
 သင့်အကြောင်း၊ မိသားစုအကြောင်း မေးလာပါက ပွင့်ပွင့်လင်းလင်း အမှန်အတိုင်း ပြောပြလိုက်ပါ။
 သင့်အကြောင်း ပိုသိလာရခြင်းဖြင့် သူတို့နှင့် ပိုမိုရင်းနှီးမှု ရလာပါလိမ့်မည်။
 အမှန်အတိုင်းပြောပါ။ ယဉ်ကျေးပါ။ ဖော်ရွေပါ။ ကူညီတတ်ပါစေ။
 တာဝန်များကို မခိုမကပ်ဘဲ ဝီရိယထား လုပ်ပါ။
 အမြဲ အပြုသဘောထားပါ။

စိတ်ဖိစီးမှုကို ဖြစ်စေသည့်အရာများ

 ချစ်ခင်ရသူများ သေဆုံးခြင်း
 အိမ်ပြောင်းရွှေ့နေထိုင်ရခြင်း
 ကြွေးမြီတင်ခြင်း
 ဖျားနာခြင်း
 အိမ်ထောင်ကျခြင်း
 ရည်းစားက အိမ်ထောင်ပြုလိုက်ခြင်း
 အလုပ်ပြုတ်ခြင်း
 အိမ်ထောင်ကွဲခြင်း
 ပတ်ဝန်းကျင်အသစ်တွင် အလုပ်လုပ်ရခြင်း
 အလုပ်ရှင်နှင့် ပြဿနာဖြစ်ခြင်း
 အလုပ်အဆင်မပြေခြင်း

ပြဿနာနှင့်ကြုံတွေ့လာရပါက –

 အသက်ဝဝ ရှူသွင်းလိုက်ပါ။
 စိတ်ကို ငြိမ်ငြိမ်ထားပါ။
 တစ်ယောက်ယောက်နှင့် စကားပြောပါ။

 ပြဿနာတိုင်း၌ ဖြေရှင်းစရာ နည်းလမ်းများစွာရှိသည်။
 သင့်အခက်အခဲများကို တစ်ယောက်ယောက်သို့ ပြောပြ အကူအညီတောင်းပါ။
 အကူအညီတောင်းလိုလျှင် SOS (ဖုန်း – ၁၈၀၀ ၂၂၁ ၄၄၄၄) သို့လည်းကောင်း MOM (1800 339 5505) သို့လည်းကောင်း ဖုန်းဆက်ပါ။
 မိမိ၏ အေးဂျင့်ကို ဖုန်းဆက်ပြီး အကျိုးအကြောင်း ပြောပြပါ။

 သင်သည် တစ်ယောက်တည်းမဟုတ်။ သင့်တွင် မိတ်ဆွေ အပေါင်းအဖော်များရှိသည်။
 သူတို့သည် သင့်ပြဿနာကို ဝိုင်းဝန်းဖြေရှင်းကြလိမ့်မည်။
 သင့်ကို အကူအညီပေးရန် စောင့်ဆိုင်းနေသူများ အများအပြားရှိသည်။
 မည်သည့်အကြောင်းကြောင့်နှင့်မှ ကိုယ့်ကိုယ်ကိုယ် သေကြောင်းကြံစည်ရန် မတွေးပါနှင့်။
 သည်လောကတွင် အသက်ထက် အရေးကြီးတာ ဘာမှ မရှိပါ။
 သင်သေသွားပါက သင်သာမက သင့်မိသားစုကိုပါ ထိခိုက်မည်ကို အမြဲသတိရပါ။
 သင့်မှာ ချစ်သူများစွာရှိသည်။ သူတို့သည် သင့်အတွက် အင်အားများ ဖြစ်သည်။

အလုပ်စဝင်စဉ် –

 ယခုမှ နိုင်ငံရပ်ခြား ရောက်ဖူးသဖြင့် စိတ်အားငယ်နေမည်။
 အိမ်ကိုလွမ်းနေမည်။ အထီးကျန်သလို ခံစားရမည်။
 မြင်မြင်သမျှ အသစ်အဆန်းချည်းဖြစ်နေပြီး မသိတာတွေများနေသည့်အတွက် ငါနဲ့အဆင်မှ ပြေပါ့မလားဟု စိုးရိမ်စိတ်တွေ များနေမည်။
 အိမ်တွင် တစ်ခါမှ သည်လို မလုပ်ခဲ့ရဖူးသည့်အတွက် ပင်ပန်းမည်။
 တာဝန်ကျေအောင် လုပ်ပေးချင်သည့်တိုင် လုပ်နိုင်စွမ်းမရှိသည့်အတွက် စိတ်ဓာတ်ကျမည်။
 မလုပ်တတ်၊ မကိုင်တတ်နှင့် ကယောင်ချောက်ချားဖြစ်နေမည်။
 ကလေးငယ်များကို မကိုင်တွယ်တတ်သဖြင့် ပြဿနာတက်မည်။
 အသက်ကြီးသော လူကြီးများကို ပြုစုရာတွင် မလုပ်တတ်၍ အော်တာငေါက်တာ ခံရမည်။
 အမြဲ ပြဿနာတက်နေတော့ နေ့တိုင်း ဆူပူကြိမ်းမောင်းတာ ခံရမည်။ ထိုအခါ စိတ်ညစ်မည်။

 အိမ်ရှင်ကို အကြောင်းမကြားဘဲ ထွက်သွားခြင်းမျိုး မလုပ်ပါနှင့်။
 အိမ်ရှင်အကြောင်း မဟုတ်မမှန် လိမ်လည် တိုင်ကြားခြင်း လုံးဝ မလုပ်ပါနှင့်။
 ပြဿနာကို ရင်ဆိုင်ဖြေရှင်းပါ။
 မည်သည့်အကြောင်းကြောင့်နှင့်မှ ကိုယ့်အသက်ကိုကိုယ် ရန်မရှာပါနှင့်။

 ပြဿနာ တစ်စုံတစ်ရာဖြစ်လာပါက အိမ်ရှင်နှင့်ပွင့်ပွင့်လင်းလင်းပြော တိုင်ပင်ပါ။
 အိမ်ရှင်နှင့်မပြေလည်လျှင် အေးဂျင့်နှင့်တိုင်ပင်ပါ။
 အေးဂျင့်နှင့်အဆင်မပြေပါက MOM သို့သွားရောက် အကူအညီတောင်းပါ။

 သင်သည် ထိုအိမ်တွင် အလုပ်လုပ်ရန် လုံးဝ ဆန္ဒမရှိတော့ပါက အိမ်ရှင် သို့မဟုတ် အေးဂျင့်သို့ အကြောင်းကြားပါ။
 စာချုပ်ထဲတွင် ချုပ်ဆိုထားသည့် အကြောင်းကြားရက် (Notice) ပြည့်သည်ထိ လုပ်ပေးရပါမည်။

 အိမ်မှ ထွက်ပြေးမည်ကြံပါက ကလေးငယ်များနှင့် သက်ကြီးရွယ်အိုများကို သည်အတိုင်း ပစ်မထားခဲ့ရ။
 မီးဖိုမှမီးများကို ငြိမ်းခဲ့ရမည်။ မီးပူမီးကို ပိတ်ခဲ့ရမည်။
 ထွက်ပြေးခဲ့သည့်နေ့တွင်ပင် MOM သို့ သွားရောက် အကြောင်းကြားပါ။ သို့မှသာ လုပ်စရာရှိသည်များကို အချိန်မီ လုပ်ပေးနိုင်လိမ့်မည်။
 အကယ်၍ မည်ကဲ့သို့မှ ထွက်ပြေးလို့ မရသည့်အဆုံး MOM ကို ဖုန်းဆက်ပါ။

နှိပ်စက်ခံရခြင်း အခြေအနေများ

 လက်သီးဖြင့်ထိုးခြင်း၊ ခြေထောက်နှင့်ကန်ခြင်း၊ ပါးရိုက်ခြင်း၊ လည်မြိုကိုညှစ်ခြင်း၊ တွန်းထုတ်ခြင်း၊ ဒဏ်ရာအနာတရဖြစ်အောင် လုပ်ခြင်း၊
 အစာရေစာ ဝလင်အောင်မကျွေးခြင်း၊ အိပ်ရေးဝအောင် မအိပ်ရခြင်း၊ ဆေးကုသမှုပေးရန် ငြင်းဆန်ခြင်း
 ကြောက်လန့်နေစေရန် ပြုလုပ်ထားခြင်း

စိတ်ပိုင်းဆိုင်ရာ ခံစားရမှုများ

စိတ်ဓာတ်ကျခြင်း၊ စိတ်ဂယောင်ချောက်ချားဖြစ်ခြင်း၊ စိတ်ဖိစီးခြင်း၊ မျက်ရည်လွယ်ခြင်း၊ စိတ်ထိခိုက်ခြင်း၊ စိုးရိမ်ခြင်း၊ ဒေသထွက်ခြင်း၊ စိတ်တိုခြင်း၊ အငြိမ်မနေဘဲ ဂဏာမငြိမ်ဖြစ်ခြင်း၊ စိတ်ရှုပ်ထွေးခြင်း၊ စိတ်ကသိကအောက် ဖြစ်ခြင်း

MOM သို့ ချဉ်းကပ် အကူအညီတောင်းခြင်း

လစာမပေးခြင်း၊ နှိပ်စက်ခြင်း၊ အစာရေစာ ဝလင်အောင် မကျွေးခြင်း၊ အိပ်ချိန်မလုံလောက်ခြင်း၊ စသည်တို့အတွက် MOM ထံ တင်ပြ အကူအညီတောင်းပါ။
အမှုကို စုံစမ်းစစ်ဆေးနေစဉ် အတောအတွင်း အလုပ်လုပ်ချင်သည်ဆိုပါက MOM နှင့် ညှိယူနိုင်ပါသည်။ MOM သည် FDW များအား ကူညီရန် အသင့်ရှိနေပါသည်။

စိတ်ဖိစီးမှုကို ကုစားခြင်း

၁။ မှန်ကန်သော သဘောထား ထားရှိခြင်း – အပြုသဘောထားပါ၊ စိတ်မလှုပ်ရှားပါနှင့်။ `ငါလုပ်နိုင်ရမယ်´ သို့မဟုတ်
`အိမ်ကငါ့မိသားစုအတွက် ငါလုပ်ရမယ်´ `အားလုံးကောင်းသွားမှာပါ´ လို့ ကိုယ့်ကိုကိုယ် အမြဲအားပေးပါ။
၂။ အချိန်ကိုအကျိုးရှိရှိအသုံးချပါ။
၃။ အစားကိုမျှတအောင်စားပါ – တစ်နေ့ထမင်း ၃နပ်စားပါ။ အစာဝအောင်စားရေးသည် အရေးကြီးပါသည်။
၎။ သင့်အလုပ်ရှင်၊ မိသားစုနှင့် မိတ်ဆွေသူငယ်ချင်းများကို စကားပြောပါ။ သူတို့ကို သင်တွေးမိသည်များ သို့မဟုတ်
စိုးရိမ်စိတ်များကို ပြောပြပါ။
၅။ သင်နေမကောင်းပါက ဆေးကုသမှု ခံယူရန်အတွက် သင့်အလုပ်ရှင်ကိုပြောပြပါ။
၆။ ကိုယ်ရေးမှတ်တမ်းစရေးပါ။
• သင့်စိတ်ခံစားမှုများကို စာဖြင့်ချရေးပါ။
• သင်ရေးထားသည်များကို ပြန်ဖတ်ပါက သင်ဘာကြောင့် စိတ်ဖိစီးနေရသည်ကို သိလာပါလိမ့်မည်။
၇။ အိမ်ကိုဖုန်းဆက်ပါ။

အခန်း (၅) ပြီး၏။
အားလုံး ပြီးပါပြီ။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:မှတ်စုမှတ်တမ်း

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်