ဇင်လင်း ● ဒီမိုကရေစီ နိုင်ငံရေး အရွေ့သစ် အစပြုနိုင်တော့မည်လား …

April 22, 2018

ဇင်လင်း ● ဒီမိုကရေစီ နိုင်ငံရေး အရွေ့သစ် အစပြုနိုင်တော့မည်လား …
(မိုးမခ) ဧပြီ ၂၂၊ ၂ဝ၁၈

မြန်မာတို့၏ ပြက္ခဒိန်အရ နှစ်ဟောင်းတစ်ခု ကုန်ဆုံး၍ နှစ်သစ်တစ်ခုသို့ ကူးပြောင်းခဲ့ပြန်ပြီ။ နှစ်သစ်တစ်ခုသို့ ကူးတိုင်း ပြည်သူလူထု လိုလားတောင့်တမှုအရှိဆုံးဆန္ဒတစ်ခုမှာ တရားဥပဒေစိုးမိုးရေးနှင့် ငြိမ်းချမ်းရေးဖြစ်သည်။ ယခုနှစ်သစ်တွင် ယင်းဆန္ဒကို အပြည့်အဝ မဟုတ်သည့်တိုင် ရာခိုင်နှုန်းငါးဆယ်အထက် ရရှိနိုင်မည်ဆိုလျှင် ကောင်းလေစွဟု မျှော်လင့်မိ သည်။ သမ္မတအသစ်၏ နှစ်သစ်ကူး နှုတ်ခွန်းဆက်စကားကို ကြားရသောအခါ ယခင်နှစ်များကထက်တော့ အားရစရာဟု ဆိုရမည်။ မြန်မာသက္ကရာဇ် ၁၃၈ဝ ခုနှစ်၊ နှစ်ဆန်း ၁ ရက်နေ့ (၂ဝ၁၈ ခုနှစ်၊ ဧပြီလ ၁၇ ရက်) မြန်မာ့ရိုးရာ နှစ်သစ်ကူး အခါ သမယတွင် နိုင်ငံတော်သမ္မတ ဦးဝင်းမြင့်က  နှစ်သစ်ကူး နှုတ်ခွန်းဆက်စကား ပြောကြားခဲ့သည်။ နိုင်ငံတော်သမ္မတအဖြစ် ကတိသစ္စာပြုခဲ့သော မတ်လ ၃ဝ ရက်နေ့က ပြည်ထောင်စုအစိုးရ အနေဖြင့် ဦးစားပေးဆောင်ရွက်သွားမည့် ရည်မှန်းချက် ပန်းတိုင်များကို ထုတ်ဖော်ကြေညာခဲ့ပြီးနောက် ထိုရည်မှန်းချက်များအပေါ်မှာ ပြည်သူလူထု၏ မျှော်လင့်ယုံကြည်မှု မြင့်မား လာခဲ့ကြသကဲ့သို့၊ ၎င်းရည်မှန်းချက် ပန်းတိုင်များကို ဘယ်ပုံဘယ်နည်း အကောင်အထည်ဖော်ဆောင်ရွက်သွားမည်နည်း ဆိုသည်ကိုလည်း လူထုက သိလိုစိတ်ပြင်းပြ နေကြကြောင်း ကြားသိထားပါသည်ဟု နိုင်ငံတော်သမ္မတ ဦးဝင်းမြင့်က နိဒါန်း ချီကာ နှစ်သစ်ကူး နှုတ်ခွန်းဆက်စကား ပြောကြားခဲ့သည်။

မတ်လ ၃ဝ ရက်က ကျင်းပခဲ့သည့် ပြည်ထောင်စုလွှတ်တော် အစည်းအဝေး၌ သမ္မတသစ် ဦးဝင်းမြင့်က – “ဒီနေ့၊ ဒီအချိန် အခါဟာ ဒီမိုကရေစီကျင့်စဉ်နဲ့အညီ ခေတ်ပြောင်းစနစ်ပြောင်းကာလ ဖြစ်ပါတယ်။ ဒီမိုကရေစီအသွင်ကူးပြောင်းရေး ကာလ ရဲ့အစပဲ ရှိပါသေးတယ်။ ဒီပြောင်းလဲမှုဖြစ်စဉ်ကြီး  အောင်မြင်ချောမွေ့ စေရန်၊ ပြည်သူ၊ ပြည်သားများနဲ့ နိုင်ငံ့ဝန်ထမ်းများ၊ ပြည်သူ့ဝန်ထမ်းများအားလုံးရဲ့ ပုံစံကျနေတဲ့ အတွေးအမြင်တွေ၊ ပုံသေကားကျ အလေ့အထတွေအားလုံးကို ပြုပြင် ပြောင်း လဲပေးကြရန် အထူးလိုအပ်လှပါတယ်။ ပြုပြင်ပြောင်းလဲမှု နှောင့်နှေးနေတဲ့ ဌာနဆိုင်ရာအဖွဲ့ အစည်းများကို ကြပ်မတ်ရပါ လိမ့်မယ်။ ယိမ်းယိုင်နေတဲ့ တရားစီရင်ရေးကို တည့်မတ်ရပါလိမ့်မယ်။ အဂတိလိုက်စားမှုကို ပိုမို တိုက်ဖျက်ရ ပါလိမ့်မယ်။ လူ့အခွင့်အရေးချိုးဖောက်ခံရခြင်းများကို မြှင့်တင်ကာကွယ်ရပါလိမ့်မယ်။ မူးယစ်ဆေးဝါးကို ပိုမို နှိမ်နင်းရပါလိမ့်မယ်။ ပြည်သူ့ဘဏ္ဍာငွေများ အလေအလွင့် ဆုံးရှုံးမှုမရှိစေရန် စီမံခန့်ခွဲရပါလိမ့်မယ်။ ဥပဒေမဲ့ သိမ်းဆည်းခံခဲ့ရတဲ့ လယ်ယာမြေ များ ပြန်လည်ရရှိရေး၊ လျော်ကြေး၊ နစ်နာကြေးရရှိရေးကို ဥပဒေနဲ့အညီ ဆောင်ရွက်ရပါလိမ့်မယ်။ တောင်သူလယ်သမား များရဲ့   လူနေမှုဘဝ မြင့်မား တိုးတက်ရေး၊ အလုပ်သမားများရဲ့ဘဝ  သာယာစိုပြည်ရေး၊ ကျောင်းသားလူငယ်များ အဆင့်မြင့်ပညာရပ်များ ဆည်းပူးခွင့်ရရှိရေး စသည်တို့ကို ဖော်ဆောင်ရပါလိမ့်မယ်။” ဟု  ပြောကြားခဲ့သည်။

သမ္မတအသစ်၏ ပထမ ဦးစားပေး ရည်မှန်းချက်ပန်းတိုင်ဖြစ်သည့် တရားဥပဒေစိုးမိုးရေးနှင့် ပြည်သူများ၏ လူမှု-စီးပွားဘဝ တိုးတက်မြင့်မားရေးကို အကောင်အထည်ဖေါ်မည်ဆိုလျှင် ပြုပြင်ပြောင်းလဲမှု နှောင့်နှေးနေသည့် ဌာနဆိုင်ရာ အဖွဲ့အစည်း များကို စတင်ကြပ်မတ်ရန် လိုပေလိမ့်မည်။ ယင်းတို့အနက် တရားဥပဒေစိုးမိုးရေး ယိုယွင်းနေခြင်းကို အမြန်ဆုံးပြုပြင်သင့် သည်။ တစ်ဆက်တစ်စပ်တည်းဖြစ်သည့် အဂတိလိုက်စားမှုနှင့် အကျင့်ပျက်လာဘ်စားမှုကို ထိထိရောက်ရောက် အရေးယူ နိုင်ရန် အစီအစဉ်တစ်ရပ်လည်း အမြန်ချမှတ် ဖေါ်ဆောင်ရမည်ဖြစ်သည်။ နိုင်ငံတော်သမ္မတ ဦးဝင်းမြင့်အနေဖြင့် မြေပြင် အခြေအနေအချို့ကို အတော်အတန် သိရှိနေပြီးဖြစ်လောက်သည်။ သူ၏ လွန်ခဲ့သည့် ၂ နှစ်တာကာလ လွှတ်တော်ဥက္ကဋ္ဌ တာဝန်ထမ်းစဉ်က အတွေ့အကြုံများအရ အချို့အဂတိလိုက်စားမှုအကြောင်းအရာများကို သိထားခဲ့ပေလိမ့်မည်။ သို့သော် ထိုစဉ်က သူ့တွင် အရေးယူနိုင်သည့် အာဏာမရှိခဲ့။ ယခု အခါ နိုင်ငံတော်သမ္မတတာဝန်ကို ထမ်းရွက်ရတော့မည်ဖြစ်၍ ယခင်က အတွေ့အကြုံများသည် အထောက်အကူဖြစ်လာမည်မှာ သေချာပေသည်။

ထို့ကြောင့် နှစ်သစ်ကူး နှုတ်ခွန်းဆက်စကားပြောရာတွင်-  “ဌာနဆိုင်ရာအတော်များများရဲ့ ဓလေ့သဖွယ် စွဲကပ်နေတဲ့ အဂတိလိုက်စားမှုတွေကို ပိုမို တိုက်ဖျက်ရာမှာ ဝန်ထမ်းတွေရဲ့ ရပိုင်ခွင့်အခွင့်အရေးနဲ့ တာဝန်ကို ဘက်ညီမျှတအောင် ပြန်လည် သုံးသပ်ပြီး ဌာနဆိုင်ရာတစ်ခုချင်းက တာဝန်ခံပြီး အသီးသီးဆောင်ရွက်ကြရပါလိမ့်မယ်။ အဂတိလိုက်စားမှု တိုက်ဖျက်ရေးကော်မရှင်၊ မီဒီယာနဲ့ ပြည်သူတွေက မှန်ကန်စွာ ရှာဖွေဖော်ထုတ်ရေးကို ဆောင်ရွက်ပေးကြရပါလ်ိမ့်မယ်။ လုပ်ပိုင်ခွင့်အာဏာ အရှိန်အဝါရှိသူများရဲ့ ပါဝင်ပတ်သက်မှု၊ ဝင်ရောက်စွက်ဖက်မှုတွေကို တိကျခိုင်လုံတဲ့ အချက်အလက် အထောက်အထားတွေနဲ့ တိုင်ကြား ကြရန် အထူးလိုအပ်ပါတယ်။ အဂတိလိုက်စားမှုတိုက်ဖျက်ရာမှာ အရှိန်အဟုန် မြင့်မားစေဖို့ အဂတိ လိုက်စားမှုတိုက်ဖျက်ရေးကော်မရှင်အနေနဲ့ စီမံချက်ချမှတ်၍ ယခင်ကထက် ပိုမိုကြိုးပမ်း ဆောင်ရွက်ကြရန်ကိုလည်း တိုက်တွန်းနှိုးဆော်ပြီး ဖြစ်ပါတယ်။” ဟု ထည့်သွင်းပြောကြားခဲ့သည်ကို တွေ့ရသည်။

အထူးသဖြင့် ပြည်သူများ၏ နားမျက်စိများဖြစ်သော သတင်းမီဒီယာများ၏ အခန်းကဏ္ဍနှင့် ပြည်သူ့ အကျိုးဆောင် လူမှုအထောက်အကူအဖွဲ့အစည်းများ၊ လူ့အခွင့်အရေးကာကွယ်သည့် အဖွဲ့အစည်းများ၏ အခန်းကဏ္ဍ တို့ကို အသိအမှတ်ပြု ပြောကြားခဲ့သည်မှာလည်း ထူးခြားပေသည်။ လူ့အခွင့်အရေးချိုးဖောက်မှုများ (Human Rights Abuses) ကို ကာကွယ်ပေးရေးအတွက် နိုင်ငံတော်အစိုးရအနေဖြင့် CBOs၊ CSOs များ၊ မီဒီယာများ၊ ပြည်သူများနှင့် ပူးပေါင်းကာ အရှိန်အဟုန်မြှင့်တင် ဆောင်ရွက်မည်ဟု  ဦးဝင်းမြင့်က ဆိုထားသည်။ လူပုဂ္ဂိုလ်တစ်ဦး၏ ဥပဒေအရ အခြေခံ ရပိုင်ခွင့်များ၊ နိုင်ငံသားများ၏ မူလအခြေခံ အခွင့်အရေးများ၊ နိုင်ငံသားများ၏ လွတ်လပ်မှုနှင့် လုံခြုံမှုများကို စစ်ကြောရေး စခန်း၊ ရဲစခန်းအချုပ်၊ တရားရုံးအချုပ်၊ အကျဉ်းထောင်၊ ရဲဘက်စခန်း စသည့် နေရာဒေသမရွေး လူ့အခွင့်အရေးကော်မရှင် က ကာကွယ်ပေးနိုင်အောင် စွမ်းဆောင်မည်ဟုလည်း ဆိုထားသည်။ ဤကိစ္စမှာ အလွန်ထူးခြားသည်။ လူ့အခွင့်အရေး ဆိုသည်ကို အစဉ်တစိုက်ငြင်းဆန်ခဲ့သော အစဉ်အဆက် အာဏာပိုင်ပုဂ္ဂိုလ်များနှင့် လမ်းခွဲထွက်လိုက်သော မူဝါဒဟု ဆို နိုင်သည်။ နိုင်ငံသားများ၏ မွေးရာပါအခွင့်အရေး တစ်နည်းအားဖြင့် နိုင်ငံသားများ၏ မူလအခွင့်အရေးများ မဆုံးရှုံးစေရန် ‘လူ့အခွင့်အရေးကော်မရှင်’ နှင့်လည်း တွေ့ဆုံ ပြောကြားပြီး ဖြစ်သည်ဟု နိုင်ငံတော်သမ္မတဦးဝင်းမြင့်က ဆိုသည်။  လူ့အခွင့်အရေးကာကွယ်စောင့်ရှာက်သည့်အဖွဲ့အစည်းများ ကိုယ်တိုင်ကလည်း မည်သူ့အခြေခံအခွင့်အရေး၊ လူသား ဂုဏ်သိက္ခာကိုမျှ မထိပါးစေဘဲ ဥပဒေနှင့်အညီ မျှတမှန်ကန်စွာ ဆောင်ရွက်ဖို့လည်း တိုက်တွန်းနှိုးဆော်ထားသည်။

ထို့ပြင် NLD ပါတီ၏ မူဝါဒဖြစ်သည့် ပြည်သူတို့နှင့်အတူ ဆိုသည့်အချက်ကိုလည်း လိုက်နာဆောင်ရွက်လျှက်ရှိကြောင်း နှစ်သစ်ကူး နှုတ်ခွန်းဆက်စကားတွင် ထည့်သွင်းပြောဆိုခဲ့သည်။

“ပြည်ထောင်စုအစိုးရ ရှေ့ဆက်လက်လျှောက်လှမ်းမယ့် ပြုပြင်ပြောင်းလဲရေးကို အချုပ်အခြာ အာဏာရဲ့ မူလပိုင်ရှင်ဖြစ်တဲ့ ပြည်သူလူထုနဲ့နီးစပ်တဲ့ အောက်ခြေက စတင်မှာဖြစ်ပါတယ်။ ပြည်သူနဲ့ အတူ၊ စုပေါင်းအင်အားဆိုတဲ့ သဘောတရားနဲ့ ပြုပြင်ပြောင်းလဲရေးကို ချဉ်းကပ်ရမှာဖြစ်ပါတယ်။ ပြည်သူနဲ့အတူဆိုရာမှာ ပြည်သူရဲ့အသံကို နားထောင် ရုံသာမကဘဲ ပြည်သူတွေရဲ့ဆန္ဒသဘောထား တွေကို အလေးအနက်ထားပြီး စုပေါင်းအင်အားကို တည်ဆောက်ရမှာ ဖြစ် ပါတယ်။ ပြုပြင်ပြောင်းလဲမှုနဲ့ အံမဝင်ခွင်မကျတဲ့နေရာတွေမှာ သွက်လက်ထက်မြက်ပြီး အရည်အသွေးရှိတဲ့ လူစားလဲမှုတွေ လုပ်သင့်ရင်လည်း လုပ်ဆောင်ရမှာဖြစ်ပါတယ်။ အထူးသဖြင့် အနာဂတ်မှာ ပေါ်ထွန်းလာမယ့် ဖက်ဒရယ်ပြည်ထောင်စု အုပ်ချုပ်ရေးစနစ်အတွက် ကြိုတင်စီမံ ဆောင်ရွက်တဲ့အနေနဲ့ ဗဟိုချုပ်ကိုင်မှု လျှော့ချပြီး တိုင်းဒေသကြီးနဲ့ ပြည်နယ်တွေရဲ့ တင်ပြချက်တွေကို အခြေခံပြီး ပြောင်းလဲ သင့်တာတွေ ပြောင်းလဲဖို့လည်းရှိပါတယ်။” ဟု နိုင်ငံတော်သမ္မတ က ဆိုသည်။

စိတ်ဝင်စားစရာ အလွန်ကောင်းသည့်အချက်မှာ အချုပ်အခြာ အာဏာ၏ မူလပိုင်ရှင်ဖြစ်သည့် ပြည်သူလူထုနှင့် နီးစပ်သော အောက်ခြေမှ စတင်ကာ ပြုပြင်ပြောင်းလဲရေးစတင်မည်ဆိုထားခြင်းဖြစ်သည်။ ပြည်သူလူထု၏ စုပေါင်းအင်အားဖြင့် ပြုပြင် ပြောင်းလဲရေးဖြစ်ပေါ်စေရန် ချဉ်းကပ်မည်ဟု ဆိုသည်။ စိတ်ဝင်စားစရာကောင်းရုံမက၊ ဘယ်တုံးကမျှ ပြည်သူကို လူရာ မသွင်းချင်သော အာဏာရှင်အစိုးရများနှင့် ခြားနားချက်ဟု ဆိုလျှင်လည်း ရသည်။ ထို့ပြင် လူ့အခွင့်အရေးနှင့် လူသား ဂုဏ်သိက္ခာကိုလည်း ပြန်လည်မြှင့်တင်သွားမည်ဟု ဆိုထားသဖြင့် အစိုးရအမှုထမ်း အရာထမ်းများအနေဖြင့် ဤနှစ်သစ်မှ စတင်၍ ပြည်သူတစ်ဦးချင်းအား လေးလေးစားစား ဆက်ဆံကြဖို့လိုပေမည်။ အစိုးရရုံးများသို့အကြောင်းအားလျော်စွာ ရောက်ရှိလာကြသော သာမန် ပြည်သူတို့အပေါ် အစိုးရဝန်ထမ်းများ (တစ်နည်းအာဖြင့် ပြည်သူ့ဆန်စားနေကြသူများ) အနေဖြင့် ယဉ်ကျေးပျူငှာ ဆက်ဆံကြရန် သမ္မတရုံးမှ ညွှန်ကြားချက်များ ဖြန့်ဝေထားဖို့လိုမည်ဟု ထင်သည်။ အထူး သဖြင့် ပြည်သူကို ငေါက်ငန်းဆက်ဆံလေ့ရှိသော ဌာနများအား တာဝန်ခံအရာရှိများက သေသေချာချာ လမ်းညွှန်မှုများ ဖြန့်ဝေ အသိပေးထားစေချင်သည်။ အမှန်မှာ ပြည်သူကို ငေါက်ငန်းခြင်းသည် ခြိမ်းခြောက်၍ လာဘ်တောင်းခြင်းဖြစ်သည်။

“ကျွန်တော်တို့ပြည်သူတွေအတွက်  ဝန်ထုပ်ဝန်ပိုးဖြစ်စေတဲ့ ကြိုးနီစနစ်တွေ၊  ကျွန်တော်တို့လူ့အဖွဲ့အစည်း အတွင်း လှိုက်စားနေတဲ့ အဂတိလိုက်စားမှုတွေကို စနစ်တကျ  တိုက်ဖျက်သွားပြီး ကျွန်တော်တို့နိုင်ငံသူနိုင်ငံသား တွေရဲ့ စာရိတ္တ မဏ္ဍိုင်ကို ခိုင်မာအောင် ကြိုးပမ်းဆောင်ရွက်သွားကြရမှာ ဖြစ်ပါတယ်။” ဟု မတ်လ ၃ဝ ရက် မိန့်ခွန်း၌ နိုင်ငံတော်သမ္မတ က ပြောထားခဲ့သည်။ ထို့ကြောင့် အစိုးရဝန်ထမ်းအဖွဲ့အစည်းများအတွင်းရှိ အကျင့်ပျက်လာဘ်စားမှု လုပ်လေ့ရှိသူများ ဤနှစ်သစ်မှစတင်ကာ မိမိတို့ကိုယ်တိုင် ပြုပြင်ပြောင်းလဲကြဖို့ စဉ်းစားကြစေလိုသည်။ လူထုအနေဖြင့် တရားဝင် အခွန် များထမ်းဆောင်နေရသည့်အပြင် တရာမဝင် လာဘ်ငွေဆက်ကြေးများပေးနေရသဖြင့် မလိုလားအပ်သော ဝန်ထုပ်ဝန်ပိုး ကို ထမ်းနေရသည်။ ဝန်ထမ်းများအနေဖြင့် နိုင်ငံသားအချင်း ကိုယ်ချင်းစာနာစိတ်ထား၍ လာဘ်တောင်းသည့် ဓလေ့ ကို စွန့်ပစ်ကြစေလိုသည်။  အဂတိလိုက်စားမှုများအနက်  အန္တရာယ်အကြီးဆုံး/စာနာမှုအကင်းမဲ့ဆုံးမှာ  တရားရုံးများ၏ အဂတိလိုက်စားမှုများဖြစ်သည်။ တရားစီရင်ရေးကဏ္ဍတွင် အဂတိလိုက်စားမှု ထူပျောပါက တရားဥပဒေစိုးမိုးရေး ကျဆုံးရ ပေလိမ့်မည်။ အဂတိလိုက်စားမှု တိုက်ဖျက်ရေး သည် တိုင်းပြည်နှင့် လူမျိုး၏ ဂုဏ်သိက္ခာကို ပြန်လည်မြှင့်တင်ရန်အတွက် လည်း အလွန်အရေးပါသော တာဝန်ဖြစ်သည်။ ထို့ကြောင့် မြန်မာနိုင်ငံ ဘက်ပေါင်းစုံ ဖွံ့ဖြိုးမှု နိမ့်ကျကာ ဆင်းရဲမွဲတေ ရ သည့် အဓိကအချက်များတွင် (တရားစီရင်ရေး အပါအဝင်) အစိုးရယန္တရားအတွင်း အကျင့်ပျက်ခြစားမှုသည် အဆိုးဆုံးကိစ္စ ဖြစ်ပေသည်။ နိုင်ငံတော်၏ စာရိတ္တမဏ္ဍိုင် ကြံ့ခိုင်ရေးစေရန် တရားရုံးများ၏ အဂတိလိုက်စားမှုကို စံနမူနာထား တိုက်ဖျက် ရမည်ဖြစ်သည်။ ကောင်းမွန်သန့်ရှင်းသော အစိုးရတစ်ရပ်ထူထောင်ရန် သန္နိဋ္ဌာန်ချထားပါက ဥပဒေပြုလွှတ်တော် အဆင့် ဆင့်က နိုင်ငံတ်ာသမ္မတ အသစ်၏ အဂတိလိုက်စားမှု တိုက်ဖျက်စီမံကိန်းကို လက်တွဲကူညီဖို့လိုပေသည်။

အထူးသဖြင့် မူးယစ်ဆေးဝါးကိစ္စ အဓိက ထုတ်လုပ်ဖြန့်ဖြူးသိုလှောင်သူများနှင့် မူးယစ်ဆေးနှင့် စိတ်ကိုပြောင်းလဲစေသော ဆေးဝါးများ ရောင်းဝယ်ဖောက်ကားနေသည့် လက်ကြီးသမားများကို မသိချင်ယောင်ဆောင်ကာ လွှတ်ပေးထား ဖြစ်စဉ်များ သည်  တာဝန်ရှိသူများ အဂတိလိုက်စားခြင်းကြောင့် ဖြစ်သည်။ ထို့ကြောင့် အဓိကတာဝန်ရှိသူများကို စုံစမ်းအရေးယူမှု ပြုလုပ်ရ မည်ဖြစ်၍ ကွင်းဆက်ပျောက်နေသော ပိုင်ရှင်မဲ့ မူးယစ်ဆေးဖမ်းဆီးရမှုများကို တင်းတင်းကျပ်ကျပ် တာဝန်ယူမှု တာဝန်ခံမှုဖြင့် ဖေါ်ထုတ်ရမည်ဖြစ်ပေသည်။ လွန်ခဲ့သော နှစ် ၅ဝ ကျော် အာဏာရှင်စနစ်အောက်က မြန်မာနိုင်ငံ အခြေ အနေကို ပြန်လည်သုံးသပ်လျှင် စီးပွားရေးနှင့်တကွ ဘက်ပေါင်းစုံတွင် ယိုယွင်းကျဆင်းခဲ့ရသည်ကိုတွေ့နိုင်မည်ဖြစ်၍၊ အကြောင်းရင်းမှာ အစိုးရ၏ တရားစီရင်ရေးနှင့်တကွ စာရိတ္တမဏ္ဍိုင် ယိုယွင်းကျဆုံးခဲ့သောကြောင့် ဖြစ်သည်။

နိုင်ငံတ်ာသမ္မတ အသစ်၏ “ပြုပြင်ပြောင်းလဲရေးကို အချုပ်အခြာ အာဏာရဲ့ မူလပိုင်ရှင်ဖြစ်တဲ့ ပြည်သူလူထုနဲ့နီးစပ်တဲ့ အောက်ခြေက စတင်မှာဖြစ်ပါတယ်။” ဟု ပြောကြားချက်အရ ပြည်သူကို အခြေပြု၍ နိုင်ငံရေးပြုပြင်ပြောင်းလဲရေး ခြေလှမ်း သစ်စတင်ဖွယ်ရှိပါသည်။ “ပြုပြင်ပြောင်းလဲမှုနဲ့ အံမဝင်ခွင်မကျတဲ့နေရာတွေမှာ သွက်လက်ထက်မြက်ပြီး အရည်အသွေး ရှိတဲ့ လူစားလဲမှုတွေ လုပ်သင့်ရင်လည်း လုပ်ဆောင်ရမှာဖြစ်ပါတယ်။” ဟု ပြောဆိုထားချက်အရ ပြည်သူအများ မျှော်လင့် လျှက်ရှိသည့် အကျင့်ပျက်ခြစား အရာထမ်း အမှုထမ်းများကို ဖယ်ရှားကာ၊ လူမှန်နေရာမှန် ဖြစ်ရေးကိစ္စကို ကြပ်မတ် လုပ်ဆောင်မည်ဟု ယုံကြည်ပါသည်။  ကျွန်တော်တို့လိုက်နာရမယ့် အခြေခံမူကတော့ “တည်ငြိမ်မှု ကိုလည်းမထိခိုက်စေ၊ အပြောင်းအလဲတွေလည်းဖြစ်ပေါ်စေ” တဲ့ နည်းလမ်းနဲ့ ဆောင်ရွက်ဖို့ ဖြစ်ပါတယ်ဟုလည်း သမ္မတ ဦးမြင့်က ဆိုထား သဖြင့် ကာလ ဒေသ ပရောဂနှင့်အညီ လူထုအကျိုးကို မထိခိုက်စေရန် မူဝါဒချမှတ် လုပ်ဆောင်မည် ထင်ပါသည်။

မည်သို့ ဆိုစေ အဓိကအားဖြင့် နိုင်ငံတော်သမ္မတ ဦးဝင်းမြင့်က အဂတိလိုက်စားမှုတိုက်ဖျက်ရေးကို အားကြိုးမာန်တက် ဆောင်ရွက်လိမ့်မည်ဟု ယုံကြည်သည်။ နိုင်ငံတော် သမ္မတသစ်က ပြည်သူအများ မျှော်လင့်နေသည့် အပြောင်းအလဲများ ကို မျက်ဝါးထင်ထင် တွေ့မြင်နိုင်စေရန် ကိုယ်ရောစိတ်ပါမြှုပ်နှံ၍ှံ ကြိုးပမ်းဆောင်ရွက်မည်ဟု ဆိုသည်။ ထို့ကြောင့် ဒီမိုကရေစီ ဖက်ဒရယ် ပြည်ထောင်စု တည်ဆောက်ရေး၌ နိုင်ငံသူ နိုင်ငံသားများကလည်း မိမိတို့ကျရာကဏ္ဍ အသီးသီးမှ၊  ပါဝင် ဆောင်ရွက် ရပေလိမ့်မည်။ နိုင်ငံတော်သမ္မတ ဦးဝင်းမြင့်၏ နှုတ်ခွန်းဆက်စကား၌ ငြိမ်းချမ်းရေးကိစ္စကို ထည့်သွင်း ပြောကြား သွားခြင်း မရှိသဖြင့်  ပြည်သူအတော်များများ ဘဝင်မကျ ဖြစ်နေကြသည်ကို ကြားသိနေရသည်။ အချိန်အခါ အခြေအနေအလျောက် ထိုကိစ္စကို သူ့အနေဖြင့် ထည့်သွင်းပြောကြားခဲ့ခြင်း မရှိသော်လည်း၊ ဆုကောင်းတောင်းရာ တွင်မူ “ကျွန်တော်တို့ရဲ့ ပြည်ထောင်စု နိုင်ငံတော်ကြီး ငြိမ်းချမ်း သာယာဖွံ့ဖြိုးတိုးတက်ပါစေ” ဟု ဆုတောင်းခဲ့ပုံကို ထောက်၍ နိုင်ငံတော်သမ္မတ အနေဖြင့် နိုင်ငံငြိမ်းချမ်းစေရန် ဆောင်ရွက်ရမည့် ပဓါန တာဝန်ကို မမေ့မလျော့ရှိနေလိမ့်မည် ဟု ယူဆပါသည်။“တည်ငြိမ်မှု ကိုလည်းမထိခိုက်စေ၊ အပြောင်းအလဲတွေ လည်းဖြစ်ပေါ်စေ”ဆိုသော နည်းလမ်းကို ကျင့်သုံး မည်ဟု ဆိုထားသောကြောင့် “ငြိမ်းချမ်းရေးကိစ္စ” ဆောင်ရွက်ရာတွင် လွှတ်တော်အဆင့်ဆင့်၊ တတ်သိပညာရှင်များ၊  အရပ်ဘက်လူ့အဖွဲ့အစည်းများ၊ သတင်းမီဒီယာများနှင့် ပြည်သူလူထု၏ စုပေါင်းအင်အားဖြင့် နိုင်ငံတော်သမ္မတအား ဝန်းရံထောက်ခံ ကူညီကြမှသာ နိုင်ငံရေးအရွေ့သစ် တစ်ခုကို ဖန်တီးနိုင်ဖွယ်ရာ ရှိပေမည်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ဇင်လင်း, သူတို့အာဘော်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း

By

  မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း ထွက်တော့မယ် (မိုးမခ) စက်တင်ဘာ...

Read more »

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments