ဒုရဲမှူးမိုးရန်နိုင်ကို မယုံကြည်ထိုက်သည့်သက်သေအဖြစ် လျှောက်ထားမှုကို တရားရုံးက ပယ်ချ

May 3, 2018
My Friend Tin Moe By Maung Swan Yi - Selection of MoeMaKa Articles



ဒုရဲမှူးမိုးရန်နိုင်ကို မယုံကြည်ထိုက်သည့်သက်သေအဖြစ် လျှောက်ထားမှုကို တရားရုံးက ပယ်ချ

ထက်ခေါင်လင်း/Myanmar Now  ။ (မိုးမခ) မေ ၃၊ ၂၀၁၈

ဧပြီ ၂ ရက်နေ့က တရားရုံးတွင် တွေ့ရသော သတင်းထောက် ကိုဝလုံး

ရန်ကုန် (Myanmar Now) — ရိုက်တာသတင်းထောက် ၂ ဦးအမှုတွင် ဒုတိယရဲမှူး မိုးရန်နိုင်သည် မယုံ ကြည်ထိုက်သည့် သက်သေဖြစ်ကြောင်း တရားလို၏ လျှောက်ထားမှုကို အင်းစိန်မြို့နယ် တရားသူကြီးက မေ ၂ ရက်နေ့ ရုံးချိန်းတွင် ပယ်ချလိုက်ပြီး ဆက်လက်စစ်ဆေးရန် ဆုံးဖြတ်လိုက်သည်။

သတင်းထောက် ၂ ဦးဖြစ်သည့် ကိုဝလုံး (ခ) ကိုသက်ဦးမောင်၊ ကိုကျော်စိုးဦးတို့ကို အရေးယူနိုင်ရန် ထောင်ချောက်ဆင် ဖမ်းခဲ့သည်ဟု ဒုရဲမှူးက တရားခွင်တွင် ထွက်ဆိုခဲ့သူဖြစ်သည်။

“အခုက ဒုရဲမှူးမိုးရန်နိုင်ရဲ့ သက်သေထွက်ချက်သည် ရုံးကနေ မယုံကြည်ထိုက်သည့် သက်သေမဟုတ်ဘူး။ တစ်နည်းဆိုရရင် ဆန့်ကျင်ပြောလိုက်တာ မဟုတ်ဘူး၊ ယုံကြည်လောက်တဲ့သက်သေအဖြစ် ထည့်စဉ်းစားမယ်လို့ ပြောလိုက်တာ ဖြစ်တယ်” ဟု ကိုဝလုံးတို့၏ အကျိုးဆောင်ရှေ့နေ ဦးခင်မောင်ဇော်က တရားရုံးပြင်ပရှိ သတင်းထောက်များကို ပြောကြားခဲ့သည်။

“အခုတိုင်းဆိုရင်တော့ ထပ်စစ်လေ ရှာဖွေလေ တွေ့ရှိလေဆိုသလိုဖြစ်လာပြီ။ ထပ်စစ်လေ ပေါ်လာလေ၊ ကောင်းတဲ့အချက်တွေဖြစ်သွားပါ့မယ်။ သူ့ကို မယုံကြည်ထိုက်တဲ့သက်သေ မဟုတ်တော့ဘဲနဲ့ ထည့်သွင်း စဉ်းစားမယ်ဆိုတော့ ကျွန်တော်တို့အတွက် အကျိုးသက်ရောက်မှုတွေ ရှိပါတယ်” ဟု သူက ဆက်ဆိုသည်။

အစိုးရဘက်မှ သက်သေအဖြစ် တင်ပြခဲ့သည့် ၂၅ ဦးရှိသည့်အနက်မှ ဒုရဲမှူး အပါအဝင် ၁၆ ဦးကို စစ်ဆေးခဲ့ပြီး ဖြစ်သည်။

ဒေသ သတင်းယူနေသည့် သတင်းထောက်ကိုဝလုံးကို တွေ့ဆုံခဲ့သည်ဟုဆိုသော ဒုရဲမှူးကို ယခင်က တရားခွင်တွင် ရဲယူနီဖောင်းဖြင့် တွေ့ခဲ့ကြရသည်။ ကိုဝလုံးတို့ကို ထောင်ချောက်ဆင်ဖမ်းဆီးခြင်းဖြစ်ကြောင်း ထွက်ဆိုရာမှ မထင်မရှား ရဲအရာရှိဘဝမှ လူသိများသည့်သူတစ်ဦး ဖြစ်လာသည်။

ထိုသို့ ထွက်ဆိုပြီးနောက်ပိုင်းတွင် သားသမီး ၂ ဦးနှင့် ဇနီးတို့သည် ရဲ တပ်ဖွဲ့လိုင်းခန်း နေအိမ်မှ ဖယ်ရှားခံခဲ့ရရာ အမှုကို စောင့်ကြည့်လေ့လာသူ အများအပြားက ရဲတပ်ဖွဲ့ကို ဝေဖန်ပြစ်တင်ခဲ့ကြသည်။

ဒုတိယရဲမှူး မိုးရန်နိုင်သည် ပြီးခဲ့သည့်ရက်ပိုင်းအတွင်း ရဲစည်းကမ်းထိန်းသိမ်းရေးဥပဒေ ဖြင့် ထောင်ဒဏ် ၁ နှစ် အပြစ်ပေးခံခဲ့ရကြောင်း သိရသည်။

ကိုဝလုံးက အဆိုပါသတင်းအတွက် စိတ်မကောင်းဖြစ်မိသည်ဟု မေ ၂ ရက်နေ့ တရားရုံးခွင်မှ အပြန်တွင် ပြောသည်။

သတင်းသမားတဦးအနေဖြင့်သာ ဒုတိယရဲမှူး မိုးရန်နိုင်ကို သွားရောက်တွေ့ဆုံခဲ့ခြင်းဖြစ်ကြောင်း၊ ယခုကဲ့ ရဲအရာရှိကို အရေးယူလိုက်ခြင်းသည့် သတင်းသမားများ ရဲတပ်ဖွဲ့ကို ဆက်သွယ်ခြင်း မပြုရန် တားမြစ်လိုက်သည့် သဘော ဆောင်နေကြောင်း ကိုဝလုံးက ပြောသည်။

“ကျွန်တော်တို့ကို မတရားလုပ်ခဲ့တဲ့ကိစ္စတွေ အမှန်တရားတွေက မကြာခင်ပေါ်လာတော့မှာပါ။ ကျွန်တော်တို့လည်း အများကြီးအမှန် တရားတွေအတွက်ဖြစ်လာဖို့ မျှော်လင့်ပါတယ်” ဟု ကိုဝလုံးက ဆိုသည်။

“ကျွန်တော်တို့ကို ထောင်ထဲမှာ တစ်ရက်ထားတာက လက်ရှိ ဒီမိုကရေစီကိုသွားနေတဲ့ အစိုးရအနေနဲ့ ပိုပြီးတော့ တာဝန်ယူရမယ်။ ဒီမိုကရေစီကိုသွားနေတဲ့ သတင်းလွတ်လပ်ခွင့်အတွက် သူတို့ပိုတာဝန်ရှိတယ်၊ တာဝန်ခံရမယ်ဆိုတာ ပိုပြီး သိသာထင်ရှားစေပါတယ်”

ဒုတိယရဲမှူး မိုးရန်နိုင်သည် ရခိုင်ပြည်နယ် မောင်တောမြို့တွင် တာဝန်ကျခဲ့ သူဖြစ်ပြီး ရိုက်တာသတင်းဌာနက ရရှိခဲ့သည့် ၁ဝ ဦးကို လက်ပြန်ကြိုးတုတ်ကွပ်မျက်နေသည့် ဓာတ်ပုံတွင် ပါဝင်နေသည်ဟု ယူဆရသော ရဲအရာရှိတစ်ဦးဖြစ်သည်။

သတင်းထောက် ၂ ဦးကို ထောက်ချောက်ဆင်ဖမ်းရန်အတွက် ရဲမှူးချုပ်တင်ကိုကိုက ညွှန်ကြားခဲ့ကြောင်း၊ ဒီဇင် ဘာ ၁၂ ရက်နေ့ညတွင် ဒုတိယ တပ်ကြပ်နိုင်လင်းက အမှတ် ၈ လုံခြုံရေးတပ်ဖွဲ့ခွဲနှင့် သက်ဆိုင်သော စာရွက်များ ၎င်းတို့၏ လက်ထဲသို့ ထည့်ပေးပြီး အပြန်တွင် စောင့်ဖမ်းရန် စီစဉ်ခဲ့ကြောင်း ဒုတိယရဲမှူးက ဧပြီ ၂ဝ ရက်နေ့ တရားခွင်တွင် ထွက်ဆိုခဲ့ခြင်းဖြစ်သည်။

ဒုတိယရဲမှူး မိုးရန်နိုင်သည် လွန်ခဲ့သော နှစ် ၂ဝ ကျော်က စစ်ကိုင်းတိုင်း၊ ခင်ဦးမြို့ရှိ ကျေးရွာတစ်ရွာတွင် မူလတန်းကျောင်းအုပ်ဆရာဘဝကို စွန့်လွှတ်ပြီး ရဲတပ်ဖွဲ့တွင် ဒုရဲအုပ်အဖြစ် ဝင်ရောက် အမှုထမ်းခဲ့သူဖြစ်သည်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags: , ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းပဒေသာ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း

By

  မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း ထွက်တော့မယ် (မိုးမခ) စက်တင်ဘာ...

Read more »

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments