မောင်လူပေ ● ထရန့်၊ အီရန်ပြဿနာနှင့် အမျိုးသားရေး

May 9, 2018

● ထရန့်၊ အီရန်ပြဿနာနှင့် အမျိုးသားရေး
(မိုးမခ) မေ ၉၊ ၂၀၁၈

လက်ယာစွန်းရောက် အမျိုးသားရေးဝါဒီတွေအကြိုက် စကားတွေနဲ့ မဲဆွယ်ပွဲဂတိတွေပေးခဲ့တာ ထရန့်ပါ။ အမျိုးသားရေးဝါဒီ ပီပီ အသားအရောင်ကွဲသူတွေကို နှိမ်ချတယ်။ အယူဝါဒမတူသူတွေကို တိုက်ခိုက်တယ်။ လူဖြူအစွန်းရောက်တွေ အား ကောင်းလာတယ်။ ငြိမ်းချမ်းစွာအတူယှဉ်တွဲနေထိုင်လိုတဲ့ လူ့အဖွဲ့အစည်းတွေကြားမှာ မယုံကြည်မှုတွေ ပိုများလာခဲ့တယ်။

သူ့ရဲ့ဂတိတွေထဲမှာ အီရန်နဲ့ချုပ်ဆိုခဲ့တဲ့ နြူကလီယားစာချုပ်ကို ပြန်ရုပ်သိမ်းမယ်ဆိုတာပါတယ်။ သူ့စကားကို အကောင် အထည်ဖေါ်တဲ့အနေနဲ့ ဒီနေ့ပဲ အဲဒီစာချုပ်ကို ဖျက်လိုက်ပါပြီ။ ကိုးရီးယားကျွန်းဆွယ်ဒေသ ငြိမ်းချမ်းဖို့ အရိပ်အယောင်လေး မြင်ရလို့မှမကြာမီ (တကယ်တောင် မငြိမ်းချမ်းခင်) အရှေ့အလယ်ပိုင်းရဲ့တည်ငြိမ်မှုကို ချိမ်းခြောက်ခံရမှုပဲ။

အီရန်နဲ့ချုပ်ခဲ့တဲ့ ဒီစာချုပ်ဟာ သမ္မတအိုဘားမားလက်ထက်က ချုပ်ခဲ့တဲ့စာချုပ်မို့ အိုဘားမားလက်နဲ့ရေးခဲ့သမျှ သူက ခြေနဲ့ ဖျက်တာဆိုလည်းမမှား။ အိုဘားမားကလည်း ဒီစာချုပ်ဖြုတ်သိမ်းမှုကို မှားယွင်းတဲ့ဆုံးဖြတ်ချက်ပဲလို့ ပြောထားလေရဲ့။ ထ ရန့်ကတော့ နိုင်ငံတကာက ဒီစာချုပ်ကိုမဖျက်ဖို့ မေတ္တာရပ်ခံကြပေမဲ့ ဂရုမစိုက်။ သူ့သဘောနဲ့သူ ဖျက်လိုက်တယ်။ သူ့စကား အရတော့ သူနဲ့အတူ အနောက်ကမ္ဘာရဲ့ထိပ်သီးတွေ ဆွေးနွေးပြီးမှ အလိမ်အညာတွေပြည့်နေတဲ့ အညံ့ဆုံးသဘောတူ စာ ချုပ်ကို ဖျက်လိုက်တယ်။ နောက်စာချုပ်တစ်ခု ထပ်ချုပ်မယ်။ အဲဒါကို သဘောမတူရင် ပြင်းထန်တဲ့ စီးပွားရေးပိတ်ဆို့မှုတွေ ထပ်လုပ်မယ်။ အီရန်နဲ့ဆက်ဆံသူမှန်သမျှကို အပြစ်ပေးမယ်ဘာညာပေါ့လေ။

သမ္မတထရန့်ဟာ လူအများကြိုက်တဲ့ အမျိုးသားရေးစကားတွေနဲ့ မဲမပေးတဲ့လူဖြူတွေမဲပေးအောင် စည်းရုံးပြီးတက်လာခဲ့တဲ့ သမ္မတ။ သူမဲဆွယ်စဉ်က ဂတိတွေထဲမှာ အိုဘားမားကျန်းမာရေးစောင့်ရှောက်မှုဥပဒေကို ဖျက်မယ်ပြောပေမဲ့ ဒီနေ့အထိ မဖျက်နိုင်တာကလွဲရင် ကျန်တာတွေကို သူ့နည်းသူ့ဟန်နဲ့ရအောင် ကြိုးစားနေတယ်။ အမျိုးသားရေးဝါဒီတွေကလည်း သူ့ကို ထောက်ခံနေဆဲ။ အမေရိကန်ပြည်က ဖက်ဒရယ်ပြည်ထောင်စုမို့ ဒီမိုကရက်တွေကြီးစိုးတဲ့ပြည်နယ်တွေကတော့ သူ့ရဲ့အမျိုး သားရေးဝါဒတွေကို ပြင်းထန်စွာ ဆန့်ကျင်နေကြဆဲပါပဲ။ သူတက်လာမှ အမေရိကားကြီးလည်း အယူအဆမတူသူတွေ နှစ်ခြမ်းကွဲပြီး ညှိမရတော့။

တကယ်တော့ ဒီသဘောတူညီချက်စာချုပ်ဆိုတာ အီရန်နဲ့ရော၊ အပြည်ပြည်ဆိုင်ရာအနုမြူအေဂျင်စီနဲ့ပါ အကြိမ်ကြိမ်ဆွေး နွေးပြီးမှ ရခဲ့တဲ့သဘောတူညီချက်၊ အီရန်ရဲ့ နြူကလီးယားစမ်းသပ်မှုမှန်သမျှက ဒီအေဂျင်စီရဲ့အောက်မှာ လုပ်ဖို့ သဘော တူခဲ့ကြတာ။ ဒီစာချုပ်ကို လက်မှတ်ထိုးလို့ အမေရိကားဘဏ်တွေက ထိမ်းချုပ်ထားခဲ့တဲ့ အီရန်ပိုင်ငွေ ဒေါ်လာဘီလီယံပေါင်း (၁၄၀) ကို ပြန်ပေးခဲ့တယ်။ စီးပွားရေးပိတ်ဆို့မှုကြောင့် ယိမ်းယိုင်နေတဲ့ အီရန်ရဲ့စီးပွားရေးကို ဒီငွေတွေနဲ့ အသက်ဆက်ခဲ့ရ တယ်။ ခုတော့ ထရန့်အလိုအရ သဘောတူညီချက်စာချုပ်မရှိတော့။

အမေရိကားနဲ့အီရန် ဘယ်လိုပတ်သက်ပါသလဲ။ နိုင်ငံခြင်းကလည်းအဝေးကြီး။ အင်အားခြင်းလည်း မမျှ။ စီးပွားရေးဆက်စပ် မှုလည်း မရှိသလောက်။ ဟုတ်ကဲ့။ တိုက်ရိုက်ပတ်သက်မှုမရှိပေမဲ့ နောက်ကွယ်က လက်မဲကြီးတွေက အီရန်နဲ့ အကြီးကြီးကို ပတ်သက်နေပါတယ်။ အဲဒီနောက်ကွယ်က လက်မဲတွေကတော့ ဆော်ဒီနဲ့အစ္စရေးတို့ပါပဲ။

အမေရိကားနဲ့အီရန်ဟာ တချိန်က နွေးထွေးစွာပတ်သက်ခဲ့တာပေါ့။ အီရန်ဘုရင်ရှားရဲ့လက်ထက်မှာ အီရန်ဟာ အရှေ့ အလယ်ပိုင်းရဲ့ အနောက်တိုင်းကမ္ဘာလေးပေါ့။ ရှားဘုရင်ပြုတ်ကျပြီး ရှီယားဘာသာရေးခေါင်းဆောင် အယာတိုလာခိုမေနီ တက်လာတော့မှ ရန်သူတွေဖြစ်ကုန်ကြတာ။

ဒါတွေအားလုံးရဲ့အဓိက အကြောင်းကတော့ အရှေ့အလယ်ပိုင်းမွတ်စလင်ကမ္ဘာရဲ့ ကျောင်းတော်ကရန်စတွေကြောင့်ပါ။ အီရန်ဟာ ရှီယားမွတ်စလင်ကမ္ဘာရဲ့ခေါင်းဆောင်။ ဒါကြောင့် ရှီယားတွေနဲ့အမေရိကန်ရဲ့ နွေးထွေးတဲ့ဆက်သွယ်မှုကို သ ဘောမကြတဲ့ ဆွန်နီကမ္ဘာက အီရန်အမျိုးသားရေးအစွန်းရောက်တွေကို နောက်ကွယ်ကမြှောက်ပေးပြီး ရှားဘုရင်ကို ဖြုတ်ချ စေခဲ့ကြတယ်။ အဲဒီအချိန်ထဲက အီရန်မှာ အမျိုးသားရေးဝါဒီတွေကြီးစိုးလာတာ ဒီနေ့အထိ။

အီရန်ဟာ အမေရိကားနဲ့ အဆက်အသွယ်ပြတ်သွားပေမဲ့ အာရပ်တွေထင်သလို မပြိုလဲခဲ့ဘူး။ သန်းရှစ်ဆယ်သော ပြည် သူ့အားနဲ့ ဆင်းရဲစွာရုန်းကန်ရင်း အကျပ်အတည်းတွေအောက်မှာ ရှင်သန်နေတာ ဒီနေ့အထိ။ သူ့မှာ ရေနံနဲ့ သဘာဝ ဓါတ်ငွေ့က အလျှံပယ်။ တရားဝင်ရောင်းလို့မရတော့ မှောင်ခိုထုတ်။ အနီးဆုံးဖြစ်တဲ့ဥရောပနိုင်ငံတွေကလည်း ဈေးပေါပေါ နဲ့ရတော့အကြိုက်ပေါ့။ ရေနံဈေးတွေ အောက်ဆုံးရောက်နေစဉ်ကတောင် တောင့်ခံခဲ့ကြလေတယ်။

အီရန်ကိုပြိုလဲသွားမယ်လို့ ထင်ခဲ့ကြတဲ့ ဆော်ဒီခေါင်းဆောင်တဲ့အာရပ်ကမ္ဘာလည်း ထင်တိုင်းမပေါက်ဖြစ်။ ဆွန်နီနဲ့ရှီယားရဲ့ သွေးကြွေးကလည်း ကမ္ဘာမကြေဆိုတော့ အီရန်က ဆော်ဒီကို ပိုလို့မုန်း။ ရှီယားအင်အားမကျသွားရေးအတွက် အီရန်က  ဆင်းရဲတဲ့ကြားကနေ သူ့အဖေါ်တွေကို ထောက်ပံ့ခဲ့တယ်။ ပါလက်စတိုင်းက ဟစ်ဘိုလာတို့၊ အီရပ်နဲ့ ဆီးရီးယားက အစိုးရ တွေတို့၊ ယီမင်ပြည်တွင်းစစ်က ဟူသီသူပုန်တွေတို့ကို နောက်ကွယ်က ထောက်ပံ့ရင်း ဆော်ဒီကိုအပြုတ်နှံဖို့ နြူကလီးယား စမ်းသပ်တဲ့အထိ ဖြစ်ကုန်တော့တာပါပဲ။ အီရန်ရဲ့ ဒုံကျည်နည်းပညာကလည်း အတော်ခရီးရောက်နေလေတော့ သူသာ နြူကလီးယားပိုင်သွားရင် မလွယ်ဘူးလို့ စိုးရိမ်နေသူကတော့ သူ့ရဲ့အဓိကရန်သူ ဆော်ဒီအာရေဗျပေါ့။ ဘုရင်စနစ်ပြုတ် မကျရေးအတွက် အာဏာရှင်စနစ်ဆက်လက်လည်ပတ်ဖို့ အမျိုးသားရေးကို အားပေးနေသူ။ ဒီလိုနဲ့ပဲ နိုင်ငံနှစ်ခုလုံးမှာ အမျိုး သားရေးဝါဒီတွေ အားကောင်းနေကြလေရဲ့။

နောက်ထပ်လက်မဲကြီးတစ်ယောက်ကတော့ အစ္စရေး။ သူက အာရပ်ကမ္ဘာအလယ်မှာ တစ်ယောက်ထဲ။ ဒါပေမဲ့ခြင်္သေ့။ ပထမဆုံး အာရပ်တွေနဲ့စစ်ဖြစ်တယ်။ လက်နက်အသာစီးယူကာ အနိုင်နဲ့ပိုင်းတယ်။ မွတ်စလင်ကမ္ဘာရဲ့ ဆွန်နီရှီယားအမုန်း တရားကို လှလှလေးသုံးလိုက်တယ်။ ကြားဝင်စေ့စပ်ပေးတဲ့ အမေရိကန်ရဲ့အကူအညီယူပြီး စစ်ဖြစ်နေတဲ့ အာရပ်နိုင်ငံတွေနဲ့ တည့်အောင်ပေါင်းလိုက်နိုင်တယ်။ အစ္စရေးကို ဒုက္ခလှလှပေးနိုင်တဲ့နိုင်ငံဆိုလို့ အရင်က လေးနိုင်ငံပဲရှိခဲ့တယ်။ အီဂျစ်၊ ဆီးရီးယား၊ အီရပ်နဲ့ အီရန်တို့ပေါ့။ ခုတော့ သုံးနိုင်ငံက သူ့ပြဿနာနဲ့သူ ပြုတ်သွားကြပြီ။ နောက်ဆုံးရန်သူဆိုလို့ အီရန်ပဲကျန် တော့တယ်။

အီရန်ကလည်း အစ္စရေးက ဆွန်နီခေါင်းဆောင်ဆော်ဒီနဲ့ မဟာမိတ်ဖွဲ့ပြီး သူ့ကိုရန်ရှာနိုင်တာကြောင့် အစ္စရေးနိုင်ငံ အရှေ့ အလယ်ပိုင်းမြေပုံကနေ ပျောက်သွားစေရမယ်လို့ ခဏခဏကြိမ်းဝါးနေသူ။ ဂျူးလူမျိုးတုန်း သတ်ဖြတ်မှုကို လက်မခံသူ။ အစ္စရေးက လူသန်းရှစ်ဆယ်ကျော်ရှိပြီး အင်အားကြီးတဲ့ အီရန်ဟာ တစ်နေ့မှာ သူ့ကို ဒုက္ခလှလှပေးမှာကြောက်တယ်။ ဒါ ကြောင့် ဒီပြဿနာကို အပြတ်ရှင်းချင်တယ်။ အခုတော့ အစ္စရေးမှာလည်း အမျိုးသားရေးဝါဒီ ဝန်ကြီးချုပ်။ သမ္မတအိုဘားမားကို ဆန့်ကျင်သူ။ ထရန့်ကို ကြိုဆိုသူ။ (အစ္စရေးတပ်ချုပ်ကတော့ အရှေ့အလယ်ပိုင်းဒေသတည်ငြိမ်ရေးအတွက် ဒီစာချုပ်ကို ဆက်လက်ထားရှိဖို့ ပြောခဲ့ပါသေးတယ်။)

အီရန်ကို ဘုံရန်သူအဖြစ် ရှုမြင်ကြတဲ့ လက်မဲနိုင်ငံတွေက အမေရိကန်နဲ့စီးပွားရေးအကျိုးစီးပွားတွေများစွာ ရှိကြတယ်။ သမ္မတအိုဘားမားလက်ထက်မှာ အီရန်နဲ့ ဆက်သွယ်ဖို့ကြိုးစားတဲ့အခါ အပြင်းအထန်ကန့်ကွက်ကြတာလည်း ဆော်ဒီနဲ့ အစ္စရေးတို့ပဲ။ အဖြူနဲ့အမဲမှာ တဖက်မှာပဲနေလို့ရမယ်၊ နှစ်ဖက်လုံးနဲ့ ပြေလည်လို့မရဘူး။ ဒါကြောင့် တဖက်ကိုပဲ ပြတ်ပြတ် သားသားရပ်ရမယ်တဲ့။ ကွယ်လွန်သူဆော်ဒီဘုရင်က အမေရိကန်သမ္မတကိုဖုန်းဆက်တဲ့အထဲက လျှို့ဝှက်စကား တွေ ဝီကီလိမှာ ဖတ်ရတော့ “မြွေကို ခေါင်းဖြတ်မှရမယ်၊ အရှင်မထားပါနဲ့” လို့ ပြောခဲ့တာတွေ့ရပါတယ်။ သူပြောလိုတဲ့မြွေဆိုတာ အီရန်ပေါ့။

ဒီလိုနဲ့ အမျိုးသားရေးဝါဒီတွေအားကောင်းလာတဲ့နိုင်ငံတွေ ရန်စောင်ကြတဲ့အထဲမှာ အင်အားကြီးအမေရိကားကြီးလည်း ပါဝင်ပတ်သက်လာခဲ့တာပါ။ အရှေ့အလယ်ပိုင်းဒေသ မတည်ငြိမ်ရင် ရေနံဈေးတွေတက်မယ်။ ကုန်ဈေးနှုန်းတွေက်တက်မှာမို့ အမေရိကန်ပြည်သူတွေအတွက်တော့ သတင်းကောင်းလို့မယူဆပါ။ တည်ငြိမ်မှုမရှိပဲ စစ်ရိပ်သန်းရင် စတော့ဈေးတွေ ကမောက်ကမဖြစ်၊ စီးပွားရေးတွေပါထိခိုက်တတ်ပါတယ်။ အခုပဲတက်လာတဲ့သတင်းတွေအရ ဘိုးရင်းကုမ္ပဏီတစ်ခထဲကပဲ လေယာဉ်ရောင်းမဲ့အစီအစဉ်ပျက်သွားပြီမို့ ဒေါ်လာဘီလီယံနှစ်ဆယ် နစ်နာခဲ့ပြီ။  အမေရိကန်စစ်လက်နက်တွေကတော့ ပို ရောင်းကောင်းမဲ့သဘောရှိပါတယ်။ မကြာမီကပဲ ဆော်ဒီအိမ်ရှေ့မင်းသားက အမေရိကားလာလည်ပြီး ဒေါ်လာဘီလီယံ ရာနဲ့ချီတဲ့ စစ်လက်နက်ပစ္စည်းတွေအပါအဝင် ပစ္စည်းမျိုးစုံဝယ်ခဲ့သေးတယ်။ အီရန်ကလည်းလွယ်လွယ်နဲ့တော့ ဖိအားကို လက်ခံမယ်မထင်။

ကျွန်တော့်အမြင်ပြောရရင်တော့ အမျိုးသားရေးဆိုတာ သကြားနဲ့တူတယ်။ သကြားဟာ စားလို့ချိုတယ်၊ အရသာရှိတယ်။ လူကြိုက်လွယ်တယ်။ ဒါပေမဲ့များများစားရင် သွေးချိုဆီးချိုဖြစ်ပြီး ရောဂါစုံဝင် ဒုက္ခတွေ့တတ်ပါတယ်။ ဒီလိုပဲ နားဝင်ချိုပြီး လူကြိုက်လွယ်တဲ့ အမျိုးသားရေးဝါဒဟာလည်း အလွန်အကျွံဖြစ်လာတဲ့အခါ ပြသနာပေါင်းစုံဖြစ်တတ်တာပါပဲ။

မြန်မာနိုင်ငံမှာလည်း စစ်အာဏာရှင်တွေခေတ်အဆက်ဆက် အာဏာတည်မြဲရေးအတွက် အမျိုးသားရေးဝါဒကို ရှေ့တန်း တင်ခဲ့ကြတယ်။ အာဏာရှင်စနစ်နဲ့ အမျိုးသားရေးဝါဒဟာ ခေတ်ပြိုင်ထွန်းကားခဲ့တာမို့ လူတွေလည်းအများအပြားစုမိခဲ့တယ်။ ဒီလူတွေကလည်း အမျိုးသားရေးခေတ်မှာ လက်ကိုင်တုတ်လုပ်ရင်း ချမ်းသာခဲ့ကြတယ်။ အခုလိုခေတ်မှာတော့ စား ခွက် ပျောက်နေကြတဲ့ ဒီအုပ်စုက လက်ရှိအစိုးရကို အမြန်ပြုတ်ကြစေရေးအတွက် စစ်အာဏာရှင်လက်ကျန်တွေနဲ့ပူးပေါင်းပြီး နည်းမျိုးစုံနဲ့ ဒုက္ခပေးနေကြလေရဲ့။

ဒါကြောင့် အမျိုးသားရေးဝါဒီတွေ ရှိသင့်တာထက်ပိုအားမကောင်းလာစေရေးအတွက် နိုင်ငံသားတွေအားလုံးက သတိရှိရှိနဲ့ ကာကွယ်နိုင်ကြပါစေလို့ နိုးဆော်အပ်ပါတယ်ဗျာ။

ကမ္ဘာကြီးငြိမ်းချမ်းပါစေ။

ချစ်တဲ့
မောင်လူပေ


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ရသဆောင်းပါးစုံ

စာဖတ်သူတွေရဲ့ ပြောရေးဆိုခွင့်

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ရဲဘော် မောင်တူးရဲ့ သက်ရှိပန်းချီ

By

  ရဲဘော် မောင်တူးရဲ့ သက်ရှိပန်းချီ  (မိုးမခစာအုပ်စင်) မေ ၃၊ ၂၀၁၈ ခေါင်းစဉ်...

Read more »

မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ

By

  မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ...

Read more »

ဂျူနီယာဝင်းရဲ့ မြန်မာနေ့ရက်များနှင့် ပန်းများ စာအုပ် ထွက်ပြီ

By

ဂျူနီယာဝင်းရဲ့ မြန်မာနေ့ရက်များနှင့် ပန်းများ စာအုပ် ထွက်ပြီ (မိုးမခ) မတ် ၂၄၊ ၂၀၁၈...

Read more »

ဇော်အောင်(မုံရွာ) ၏ ပြည်မြန်မာ မီးထိန်ထိန်သာဖို့အရေး မိုးမခဆောင်းပါးများ (ထွက်ပြီ)

By

ဇော်အောင်(မုံရွာ) ၏ ပြည်မြန်မာ မီးထိန်ထိန်သာဖို့အရေး မိုးမခဆောင်းပါးများ (ထွက်ပြီ) မိုးမခစာအုပ်စင်၊ ဖေဖော်ဝါရီ ၂၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်