fbpx

Myanmar NOW – ဟာဂျီယာစင်၏ ဘဏ်အပ်ငွေအကြောင်း တွေ့ဆုံမေးမြန်းခြင်း

June 24, 2018

– ဟာဂျီယာစင်၏ ဘဏ်အပ်ငွေအကြောင်း တွေ့ဆုံမေးမြန်းခြင်း

(မိုးမခ) ဇွန် ၂၄၊ ၂၀၁၈
မလေးရှားမူးယစ်အမှု ထိပ်တန်း သံသယ တရားခံက ငွေပမာဏများစွာ အပ်နှံခဲ့ကြောင်း၊ ဗဟိုဘဏ်က ချမှတ်ထားသည့် စည်းကမ်းအတိုင်း လုပ်ဆောင်ခဲ့ကြောင်း ဧရာဝတီဘဏ်က ပြောသည်Myanmar Now

မကြာသေးမီက မလေးရှားတွင် စံချိန်တင် သိမ်းဆည်းရမိသည့် မူးယစ်ဆေးအမှုနှင့် ပတ်သက်၍ အဓိကတရားခံဟု ယူဆရသူ မောင်မောင် (ခ) ဟာဂျီယာစင်သည် ဧရာဝတီဘဏ်တွင် သိန်းပေါင်းများစွာ အပ်နှံထားသည်ဟု စုံစမ်း သိရှိရသည်။

မောင်မောင် ဖမ်းဆီးခံရစဉ် ပိတ်သိမ်းခံရသည့် သူ၏ ငွေစာရင်း၊ ငွေမည်းခဝါချမှု အလားအလာ တို့နှင့် ပတ်သက်ပြီး တိကျခိုင်မာ မှန်ကန်သည့် သတင်း အချက်အလက်များ ရရှိရန် Myanmar Now က ဇွန် ၁၂ ရက်နေ့တွင် ရန်ကုန်မြို့၊ ဧရာဝတီဘဏ်ရုံးချုပ်သို့ သွားရောက်ပြီး Enterprise Risk Management ဌာန တာဝန်ခံ ဦးအောင်ကိုကိုဦးနှင့် တွေ့ဆုံမေးမြန်းခဲ့သည်။

မေး – ဟာဂျီယာစင်ရဲ့နီးစပ်သူတွေရဲ့ အဆိုအရ သူဟာ ဧရာဝတီဘဏ်ရဲ့ ဖောက်သည် ဖြစ်တယ်၊ ဘဏ်က ဘာမှ စစ်ဆေး မေးမြန်းတာမျိုး မရှိဘဲ သူ့အပ်ငွေ လက်ခံခဲ့တယ် လို့ သိရပါတယ်။ စစ်ဆေးမေးမြန်းတာ မရှိဘူး ဆိုတော့ ငွေကြေးခဝါချဖို့ အခွင့်အလမ်းတွေ ဖွင့်ပေးထားသလို မဖြစ်ဘူးလား။

ဖြေ – ကျွန်တော်တို့ ဘဏ်အနေနဲ့ ၂ဝ၁၆ ခုနှစ် ငွေရေးကြေးရေးဆိုင်ရာ အဖွဲ့အစည်းအများ ဥပဒေအရ customer (ဖောက်သည်)ရဲ့ သတင်းအချက်အလက်ကို ထုတ်ဖော်ပြောဆိုလို့ မရပါဘူး။ ဒါပေမယ့် အခု Myanmar Now က မေးမြန်းလာတဲ့ ကိစ္စက တရားမဝင် ငွေကြေးခဝါချမှုတွေနဲ့ ပတ်သက်ပြီး စွပ်စွဲမှုတွေ ရှိလာတဲ့အတွက် ဘဏ်အနေနဲ့ ဗဟိုဘဏ်ရဲ့ စည်းမျဉ်းစည်းကမ်းအတိုင်း အတိအကျ လိုက်နာပြီး ဆောင်ရွက်ထားတဲ့အပြင်၊ customer နဲ့ ပတ်သက်တဲ့ ဆောင်ရွက်စရာ ရှိတာတွေကို မှန်မှန်ကန်ကန် ဆောင်ရွက်ထားတယ် ဆိုတာ သက်သေပြနိုင်ဖို့ အတွက် ဖြေကြားခြင်း ဖြစ်ပါတယ်။

ငွေစာရင်း စတင်ဖွင့်စဉ်ကတည်းက စာရင်းဖွင့်လှစ်သူတိုင်းအတွက် Know Your Customer Reference အတွက် CBM Law, AML ဥပဒေ နဲ့ FIU ညွှန်ကြားချက်များအရ ကိုယ်ရေးအချက်အလက်၊ သတင်း အချက်အလက် အပြည့်အဝ အားလုံးယူရပါတယ်။ နာမည်၊ ဖုန်းနံပါတ်၊ လိပ်စာ၊ မှတ်ပုံတင်၊ မွေးနေ့ သက္ကရာဇ်၊ အလုပ်အကိုင်၊ အဖ အမည်၊ သူ့ကို မိတ်ဆက်ပေးသူနှစ်ဦးရဲ့ အချက်အလက်တွေကအစ ယူပါတယ်။ အချက်အလက်တွေ မယူဘဲနဲ့ အကောင့်ဖွင့်ပေး၊ ငွေသွင်း၊ ငွေထုတ် လုပ်ပေးတယ် ဆိုတာတော့ မရှိပါဘူး။ customer က ကုမ္ပဏီလုပ်ငန်း လုပ်ဆောင်တယ်ဆိုတဲ့ အချက်အလက်ကို ပြပါတယ်။ ၎င်းအတွက် DICA Registration (ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာန မှတ်ပုံတင်စာရင်း) နဲ့ တိုက်ဆိုင် စစ်ဆေးပြီး မှန်ကန်တဲ့အတွက် သူ့ရဲ့ငွေစာရင်းဖွင့်ခြင်းကို လက်ခံခဲ့ပါတယ်။

မေး – သူပြတယ်ဆိုတဲ့ အသေးစိတ်အချက်အလက် ရနိုင်မလား။
ဖြေ – မရနိုင်ပါဘူး။ ဘဏ်ဆိုတာ သတင်းပို့ အဖွဲ့အစည်း ဖြစ်တဲ့အတွက် ကျွန်တော်တို့ အနေနဲ့ စာရင်းပိုင်ရှင်ရဲ့ အသေးစိတ်အချက်အလက်ကို ဥပဒေအရ ဗဟိုဘဏ်နဲ့ FIU (ငွေကြေးဆိုင်ရာ စုံစမ်းထောက်လှမ်းရေးအဖွဲ့ – Financial Intelligence Unit) ဥပဒေများအရ အဆိုပါဌာနရဲ့ ညွှန်ကြားချက်အရသာ ပေးပိုင်ခွင့် ရှိပါတယ်။ အဆိုပါ ဌာနများရဲ့ ခွင့်ပြုချက်ရရင်တော့ ကျွန်တော်တို့ ပေးပါမယ်။

မေး – ဟာဂျီယာစင်က ပြည်နယ်မြောက်ပိုင်းက လို့ သိရပါတယ်။ ဘဏ်စာရင်းဖွင့်တဲ့အချိန်မှာ သူက နိုင်ငံသား စိစစ်ရေးကတ် ပြနိုင်သလား။ ဘယ်အထောက်အထား ပြနိုင်လို့ သူ့ကို ငွေစာရင်းဖွင့်ပေးတာလဲ။

ဖြေ – စဖွင့်စဉ်တုန်းကတော့ သုံးခေါက်ချိုးမှတ်ပုံတင်ကတ်ကို ကိုင်ဆောင်ထားပါတယ်။ ဗဟိုဘဏ်ရဲ့ ညွှန်ကြားချက်အရ White Card မဟုတ်ရင် ကျွန်တော်တို့ ငွေစာရင်း ဖွင့်ပေးနိုင်ပါတယ်။ ဒါ့အပြင် သူသည် ပန်းရောင် နိုင်ငံသားကတ်ကို ၂ဝ၁၈ မတ်လမှာ ရထားတာကို သူလာအကြောင်းကြားတယ်။ ဒါကြောင့် ပန်းရောင် နိုင်ငံသားကတ် ကျွန်တော်တို့ဆီမှာ ကော်ပီရှိပါတယ်။

မေး – သူက ဘဏ်စာရင်း ဘယ်နှစ်ခုဖွင့်ထားတာလဲ။ ဘယ်အချိန်မှာ ငွေစတင် အပ်နှံပြီး စုစုပေါင်း အပ်နှံငွေ အခုချိန်အထိ ဘယ်လောက်ရှိပါသလဲ။

ဖြေ – ဘဏ်မှာ အကောင့်အမျိုးအစားကတော့ အများကြီး ဖွင့်လို့ ရတယ်။ သူကတော့ Saving Account (ငွေစုဘဏ်အပ်ငွေစာရင်း)၊ Fixed Deposit Account (စာရင်းသေ အပ်ငွေစာရင်း) နှစ်မျိုးဖွင့်ထားပါတယ်။ ငွေသွင်း၊ ငွေထုတ်လုပ်နိုင်တဲ့ ငွေစုဘဏ် အပ်ငွေစာရင်းကို ၂ဝ၁၇ ခုနှစ်၊ ၁ လပိုင်းက ဖွင့်ခဲ့ပြီး၊ စာရင်းသေအကောင့်ကိုတော့ ၂ဝ၁၈ ခုနှစ် ၂လပိုင်းမှာ ဖွင့်ခဲ့ပါတယ်။

Saving Account ကတော့ ငွေသွင်း၊ ငွေထုတ်တွေ လုပ်တဲ့ အကောင့်အနေနဲ့ သုံးတယ်။ စာရင်းသေ အကောင့်ကတော့ အတိုး လိုချင်လို့ သူဖွင့်ထားတာ။ ၃ လ၊ ၆ လ၊ ၉ လ တစ်ကြိမ်စီ အတိုးပေးတာ။ သူ့ရဲ့ ကုမ္ပဏီက trading company, အိမ်ခြံမြေ လုပ်တယ် ဆိုတာကို ဖြည့်ထားတယ်။ သူ့ကုမ္ပဏီအနေနဲ့ ငွေအသွင်း အထုတ်ကို ကျွန်တော်တို့ဆီ လာအပ်ပါတယ်၊ လက်ခံ ဆောင်ရွက်ပေးပါတယ်။ လုပ်ဆောင်စရာ ရှိတဲ့ အချက်အလက်ယူဖို့ မေးတဲ့ ဖြေတဲ့ အပိုင်း အားလုံး မှတ်တမ်းတင် ဆောင်ရွက်ခဲ့ပါတယ်။

ငွေပမာဏကိုတော့ ပြောမပြနိုင်ပါဘူး။

မေး – သူ့ရဲ့ ငွေပမာဏက မကြာသေးခင်ကမှ ရုတ်တရက် များလာတာလား။ သူက ဧရာဝတီဘဏ်မှာ တစ်လကို ငွေသွင်း၊ ငွေထုတ် ဘယ်နှခါလောက်လုပ်သလဲ။

ဖြေ – ရုတ်တရက်များလာတာတော့ မဟုတ်ပါဘူး။ ကုမ္ပဏီလုပ်ငန်း လုပ်တဲ့သူနေနဲ့ကတော့ အရင်ကတည်းက များတယ်။ သူက အပ်တဲ့ ပမာဏလည်း များတယ်၊ ငွေလွှဲငွေသွင်းလည်း ခဏခဏ လုပ်တဲ့သူဖြစ်တာကြောင့် ကျွန်တော်တို့ ဘဏ်ရဲ့ Big Customer ထဲမှာ ပါပါတယ်။ ဒီလိုသတ်မှတ်လို့လည်း သူ့ရဲ့ အချက်အလက်တွေကို ကျွန်တော်တို့ ပိုစောင့်ကြည့်ပါတယ်၊ သေချာ ရယူတယ်။ သူက တစ်လကို ငွေလွှဲ၊ ငွေသွင်း အနည်းဆုံး သုံးကြောင်း၊ အများဆုံးခြောက်ကြောင်းလောက်တော့ လုပ်တယ်။ ပြည်တွင်းပါပဲ။

မေး – နိုင်ငံခြားငွေအကောင့်ရော ဧရာဝတီဘဏ်မှာ သူ ဖွင့်ခဲ့ဖူးသလား။
ဖြေ – သူကကျွန်တော်တို့ ဘဏ်မှာတော့ နိုင်ငံခြားငွေစာရင်း မရှိပါဘူး။ မြန်မာကျပ်ငွေစာရင်းပဲ ရှိပါတယ်။ ပြီးတော့ သူငွေအလွှဲအပြောင်းအားလုံးက တခြားနိုင်ငံကို သွားတာ မဟုတ်ပါဘူး။ ပြည်တွင်းမှာပဲ လှည့်ပတ်နေတာ ဖြစ်ပါတယ်။ ဒေါ်လာအကောင့် ဖွင့်ရင် ကျွန်တော်တို့က ငွေဝင်လမ်းကြောင်းကို သေချာ စစ်ဆေးပါတယ်၊ အထောက်အထားတွေ ပိုပြရတယ်၊ မြန်မာငွေအကောင့်ထက် ပိုပြီးတော့ တင်းကျပ်ပါတယ်။

မေး – လုပ်ထုံးလုပ်နည်းတွေအတိုင်း လုပ်ခဲ့တယ်၊ ငွေတွေဟာလည်း ငွေမည်း မဟုတ်ဘူး ဆိုရင် အခုလို ငွေကြေးများစွာ သိမ်းဆည်းခံရတော့ ဖောက်သည်ဘက်က မနစ်နာဘူးလား။
ဖြေ – လုပ်ထုံးလုပ်နည်းတွေနဲ့ သေချာစိစစ်ပြီးသားငွေတွေ ဆိုရင် ငွေမည်း မဟုတ်ဘူးလို့ လက်ခံလို့ရပေမယ့် အခုလို အသိမ်းခံရတော့ customer နစ်နာလားဆိုတော့ သူက ကျွန်တော်တို့ဆီ လာအပ်တုန်းကတော့ ဘဏ်အပိုင်းက လက်ရှိဥပဒေအရ သေချာယူတယ်၊ customer က ငွေအထုတ်အသွင်း အရမ်းများတယ် ဆိုရင် သူ့ရဲ့ အချက်အလက်ကို သေချာ ထပ်ယူရတဲ့အဆင့်ကို ထပ်လုပ်ပါတယ်၊ သူ့ကို အဲဒီလိုလည်း လုပ်ထားပါတယ်၊ အဲဒီတော့ ဘဏ်ဘက်ကတော့ လုပ်ဆောင်ရမယ့် အရာတွေ သေချာ လုပ်ဆောင်ထားပြီးသားပါ။ ဒီတော့ အခုလို ဖမ်းမိသွားတဲ့ အခါကျတော့ သူ့ရဲ့ ပိုက်ဆံက ဒီကုန်သွယ်လုပ်ငန်းကပဲ ရတာလား၊ ဘယ်က ရတာလဲ ဆိုတာကို သက်ဆိုင်ရာအဖွဲ့အစည်းတွေကပဲ လိုက်စုံစမ်းရမှာပါ။ ငွေဖြူငွေမည်း သတ်မှတ်တာကလည်း အစိုးရနဲ့ပဲ ဆိုင်ပါလိမ့်မယ်။ ဘဏ်ကိုပြတာသည် ပိုက်ဆံက ကုန်သွယ်လုပ်ငန်းကနေ ရတယ်၊ လုပ်ငန်းကနေ ရတယ်လို့ ပြောပြီးတော့ သူ အသွင်းအထုတ် လုပ်တယ်။ ဒါကို ကျွန်တော်တို့က ဝန်ဆောင်မှုလုပ်ငန်း တစ်ရပ်အနေနဲ့ ဝန်ဆာင်မှုပေးတာပေါ့နော်။ စာမျက်နှာ သုံးမျက်နှာလောက် ရှိတဲ့ အချက်အလက် ဖြည့်တာတွေ လုပ်ရပါတယ်။ ရှိသမျှဖောက်သည်ရဲ့ အချက်အလက် အားလုံးကို တစ်နှစ်တစ်ခါ ပြန်ပြီးတော့ စိစစ်တဲ့ လုပ်ငန်းစဉ်ကို ကျွန်တော်တို့ ၂ဝ၁၆ ခုနှစ် ကတည်းက လုပ်ပါတယ်။ ၂ဝ၁၈ မှာ ဆိုရင် ဧပြီလမှာ အားလုံး လုပ်ထားပြီးပါပြီ။

မေး – မလေးရှားမူးယစ်မှုနဲ့ ပတ်သက်နေတယ်ဆိုတဲ့ ဦးမင်းနိုင်၊ သူ့ဇနီး ဒေါ်သီတာမိုးတို့ကရော ဒီဘဏ်မှာ အပ်နှံထားတာရှိလား။ ဒီအမှုနဲ့ပတ်သက်ပြီး တခြားဘယ်သူ တွေရဲ့ စာရင်းတွေ ပိတ်ထားတာ ရှိသလဲ။

ဖြေ – ဦးမင်းနိုင် အကောင့် ကျွန်တော်တို့ ဆီမှာ မရှိပါဘူး။ ဒေါ်သီတာမိုးရဲ့ အကောင့်တော့ ရှိပါတယ်။ FIU ညွှန်ကြားချက်အရ သူ့ဘဏ်အကောင့်လည်း အပိတ်ခံထားရတယ်။ ငွေပမာဏ အများကြီးတော့ မဟုတ်ပါဘူး။ တခြားလည်း အသေးစိတ် မပြောပြနိုင်ပါဘူး။

မေး – အစိုးရက ဘယ်ရက်၊ ဘယ်အချိန်မှာ မလေးမူးယစ်မှုနဲ့ ဆက်စပ်တဲ့ ငွေစာရင်းတွေကို ပိတ်ခိုင်းခဲ့တာလဲ။
ဖြေ – ဗဟိုဘဏ်ကနေ အကောင့်တွေကို ပိတ်ဖို့ အကြောင်းကြားတာကတော့ ဇွန် ၅ရက်နေ့က ဖြစ်ပါတယ်။ စာရောက်တဲ့ နေ့လယ်ကနေစပြီးတော့ ပိတ်တာတွေကို ကျွန်တော်တို့ ဆောင်ရွက်ပါတယ်။ ဗဟိုဘဏ်ကိုတော့ အားလုံး လုပ်ဆောင်ပြီးကြောင်း ၈ ရက်နေ့မှာ အကြောင်းပြန်ခဲ့ပါတယ်။ ဗဟိုဘဏ်အနေနဲ့ နိုင်ငံပိုင်ဘဏ်များ ဆိုပြီးတော့ အားလုံးကို ရည်ညွှန်းထားတယ်။ ဧရာဝတီဘဏ်တစ်ခုတည်း သီးသန့်တော့ မဟုတ်ပါဘူး။ တခြားဘယ်ဘဏ်တွေပါလဲ သေချာ မသိပါဘူး။ လျှို့ဝှက်အဆင့်နဲ့ လာတယ်၊ လျှို့ဝှက် အဆင့်နဲ့ပဲ ပြန်ပို့ရပါတယ်။ ဒါကြောင့် အသေးစိတ်ကို ပြောပြလို့မရပါဘူး။

မေး – အရင်ကရော ဘဏ်ငွေစာရင်းတွေ ပိတ်ခိုင်းခဲ့တာရှိလား။ ဘယ်ကာလမှာ ပိတ်ခိုင်းတာ ပိုများလဲ။ စာရင်းထဲကငွေ သိမ်းရင် ဘယ်သူသိမ်းတာလဲ၊ အစိုးရလား၊ ဗဟိုဘဏ်လား။
ဖြေ – အကောင့်ပိတ်ခိုင်းတာမျိုး အရင်တုန်းကလည်း ရှိပါတယ်။ အဲဒီလိုမျိုးဖြစ်ရင် ဗဟိုဘဏ်က ကျွန်တော်တို့ကို ညွှန်ကြားချက် အကြောင်းကြား စာပို့ပါတယ်။ ဒီဖောက်သည်ရဲ့ ငွေစာရင်းကို ထိန်းသိမ်းထားပေးပါဆိုရင် ကျွန်တော်တို့က ထိန်းသိမ်းထားရပါတယ်။ အကောင့် ရာကျော် အကြောင်းအရာအစုံနဲ့ ပိတ်ထားပါတယ်။ ၂ဝ၁၇ နောက်ပိုင်း မှာတော့ ပိုများပါတယ်။ သူတို့ အမှု ရင်ဆိုင်ပြီးပြီ ဆိုရင်တော့ အစိုးရက နိုင်ငံတော်ဘဏ္ဍာအဖြစ် သိမ်းဆည်းတာ ရှိပါတယ်။ အဲဒီအချိန်ထိ ဘဏ်က ထိန်းသိမ်းထားရပြီး၊ တရားရုံး အမိန့်အရ အမှုပြီးဆုံးတဲ့အခါ အစိုးရကို ငွေလွှဲပေးရပါတယ်။

မေး – မူးယစ်ဆေး၊ တရားမဝင် ကျောက်စိမ်း၊ သစ်တွေ ရောင်းချတဲ့ငွေတွေကို ပြည်တွင်းဘဏ်တွေမှာ အလွယ်တကူ ငွေကြေးခဝါချနိုင်တယ်လို့ သိရတယ်။ ဒါဟာ မှန်ပါသလား။
ဖြေ – တရားမဝင်လုပ်ငန်းတွေရဲ့ ငွေကြေးခဝါချမှုက ပြည်တွင်းဘဏ်တွေမှာ သာမက ပြည်ပနိုင်ငံများမှာလည်း ရှိကောင်း ရှိနိုင်ပါတယ်။ ၎င်းအတွက် FIU, နိုင်ငံဖြတ်ကျော်မှုခင်းရဲတပ်ဖွဲ့၊ ဗဟိုဘဏ်တို့ရဲ့ ညွှန်ကြားချက်များအရ ဘဏ်ဝန်ထမ်းတွေ အားလုံးကိုတော့ ငွေကြေးခဝါချမှုတွေ (ဟန့်တားရေး) အတွက် သင်တန်းတွေ ပေးထားတယ်။ ဗဟိုဘဏ်ရဲ့ ညွှန်ကြားချက်တွေအတိုင်း ကျွန်တော်တို့ လုပ်ပါတယ်။ နောက်တစ်ခု ထိန်းချုပ်တာကတော့ သတ်မှတ်ပမာဏထက် ကျော်ရင် အကြောင်းကြားတဲ့နည်းနဲ့ ထိန်းချုပ်တယ်။ နောက်တစ်ခုကတော့ ကိုယ့်ဖောက်သည်က အရမ်းကို များတဲ့ ငွေပမဏတွေ လွှဲပြောင်းပြီး၊ သံသယရှိနိုင်ဖွယ်ဖြစ်သော ငွေကြေး အပြောင်းအလွှဲလုပ်တယ် ဆိုရင် သံသယဖြစ်ဖွယ် ငွေကြေးလွှဲပြောင်းမှုအဖြစ် FIU ဆီကို မပျက်မကွက် သတင်းပေးပို့ပေးရတာပါ။

မေး – သတ်မှတ်ထားတဲ့ ငွေစာရင်းဆိုတာ ပမာဏ ဘယ်လောက်လဲ။
ဖြေ – သတ်မှတ်ထားတဲ့ ငွေပမာဏတစ်ခုရှိပေမယ့် မပြောနိုင်ပါဘူး၊ ဗဟိုဘဏ်က ခွင့်ပြုရင် ပြောပါမယ်။

မေး – ဟာဂျီယာစင်နဲ့ ပတ်သက်ပြီး အဲဒီလို သတင်းပို့ခဲ့ရတာတွေရှိလား။ ဒေါ်သီတာမိုး ငွေစာရင်းမှာရော ရှိခဲ့လား။
ဖြေ – မောင်မောင်က သတ်မှတ်ငွေကြေးထက် များပြားတာကို သတင်းပို့ပေးခဲ့ရဖူးတယ်။ မသင်္ကာဖွယ် ငွေကြေးခဝါချမှု အဆင့်ကိုတော့ သတင်းမပို့ခဲ့ရပါဘူး။ ငွေကြေးလွှဲပြောင်းမှုက မရိုးသားဘူးလို့ ထင်ရင်တော့ ပို့ကိုပို့ရတယ်။ ဘဏ်က စောင့်ကြည့်တာတော့ အမြဲ လုပ်တယ်။ သတင်းပို့တာက အချက်အလက် အပြည့်အစုံ နှစ်နေရာ၊ ဗဟိုဘဏ်နဲ့ FIU ပါပဲ။ ဒေါ်သီတာမိုး အကောင့် ဖွင့်ထားပေမယ့် ပမာဏ မများပါဘူး။

မေး – ဘာများဖြည့်စွက်ပြောချင်ပါသလဲ။
ဖြေ – ငွေကြေးခဝါချမှုနဲ့ ပတ်သက်ပြီးတော့ ဧရာဝတီဘဏ်က စည်းမျဉ်းစည်းကမ်းအတိုင်း မဟုတ်ဘဲ ငွေကြေး အပ်နှံမှု ပေးခဲ့တယ်ဆိုတာ မှန်ကန်ခြင်း မရှိပါ။ ဘာကိုမှ မစုံစမ်းမစစ်ဆေးဘဲနဲ့ ငွေကြေးတွေကို လက်ခံတယ် ဆိုတာလည်း မဟုတ်ပါဘူး။ အချက်အလက်ကိုတော့ မစစ်ဆေး၊ ကာယကံရှင် ကိုယ်တိုင် လက်မှတ်မထိုးဘဲနဲ့တော့ ဝန်ဆောင်မှုပေးလို့ မရပါဘူး။ ဒါကိုလည်း ဘဏ်ဘက်က စစ်ဆေး စိစစ်တဲ့ အဆင့်ဆင့်ရှိပါတယ်။ လုပ်ဆောင်ရန် အဆင့်ဆင့်ကိုလည်း လုပ်ဆောင်ခဲ့ပါတယ်။ ဗဟိုဘဏ်က ချမှတ်ထားတဲ့ စည်းမျဉ်း စည်းကမ်းတွေ၊ တည်ဆဲ ဥပဒေများကို အတိအကျလိုက်နာပါတယ်၊ မေးလာရင်လည်း အချိန်မဆိုင်းဘဲ ဖြေကြားပေးပါတယ်။ ချမှတ်ထားတဲ့ တည်ဆဲ ဥပဒေများ၊ စည်းမျည်း စည်းကမ်းတို့ကို ကျွန်တော်တို့ ဘဏ်ဝန်ထမ်းတွေ လေးစား လိုက်နာရပါတယ်။ ။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags: , ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:အင်တာဗျူး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

ဒေါက်တာခင်မောင်ဝင်း (သင်္ချာ) – သင်္ချာအတွေးအခေါ်သမိုင်း ၊ ဂိမ်းသီအိုရီနှင့် အတွေးအမြင်ဆောင်းပါးများ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)