fbpx

စိုးခိုင်ညိန်း ● ဘဝ၏ ခံတပ်

July 3, 2018

● ဘဝ၏ ခံတပ်
(မိုးမခ) ဇူလိုင် ၃၊ ၂၀၁၈

အခုထိ မသေသေးတဲ့ ကိုယ့်အဖြစ်ကို အံ့သြနေမိသေးသည်။ သေမယ်ဆို သေခဲ့သင့်တဲ့ အဖြစ်ပါလားဟု အတွေးက မကြာ ခဏ စိတ်ထဲ ရောက်ရောက်လာသည်။ ပြီးခဲ့သည့် တလကျော်လောက်က ဆိုင်ကယ်မတော်တဆဖြစ်ခဲ့သည့်ကိစ္စသည် သေခြင်းတရားနဲ့ အတော်ကိုပဲ နီးနီးကပ်ကပ် တွေ့ခဲ့ရသည့်အဖြစ်ပဲဟု သဘောပေါက်ထားမိသည်။ အဲဒီတုန်းက တကယ် လို့များ သေခဲ့ရင် အခုချိန် ငါ ဘယ်ဘဝရောက်လို့ ငါ ဘယ်လိုများဖြစ်နေမှာပါလိမ့်လို့ သေခြင်းတရားကို အောက်မေ့ဆင်ခြင် နေမိသည်။ အဲဒီတုန်းက မသေရင်တောင် ကြီးကြီးမားမား ထိခိုက်မှုနဲ့ ကျိုးခဲ့ပဲ့ခဲ့မယ်ဆိုရင်လည်း အခုချိန်မှာ ဘဝကို သေ တာနဲ့မခြား စိတ်ပျက်နေမိလိမ့်မည် ထင်ပါသည်။ ကံကောင်းထောက်မ၍ ပြင်းပြင်းထန်ထန် ထိခိုက်မှုမဖြစ်ခဲ့။ မေးမှာ ခြောက် ချက်ချုပ်၊ လက်မောင်းမှာ ငါးချက်ချုပ်ရရုံလောက်သာ ဒဏ်ရာရခဲ့သည်။

အတွင်းဒဏ်ရာအချို့က အခုချိန်ထိ မပျောက်ချင်သေး။ အထိုင်အထလောက်မှာ လက်ပြင်ကြောနဲ့ ရင်ဘတ်ဆီက အောင့် အောင့် နေသေးသည်။ လည်ပင်းကလည်း ဘယ်ဘက်ကိုစောင်းကြည့်သည့်အခါမှာ အပြည့်အဝ စောင်းလို့မရသလို အောင့် သလိုမျိုး နာကျင်ခံစားနေရသေးသည်။

ထိုအဖြစ်အပျက်ကို ပြန်စဉ်းစားကြည့်မိတိုင်း သေတောင်သေခဲ့သင့်တဲ့အဖြစ်ပဲလို့တွေးမိပြီး အခုလို ဒဏ်ရာလောက်နဲ့ပဲ ပြီးခဲ့တာကိုပဲ ဝမ်းသာရမှာပဲလို့ ဖြေတွေးမိကာ မသေခဲ့တဲ့ ဘဝ၏ကံတရားကို အံ့သြနေမိသည်။ ဒါဟာ အဲသည်နေ့ရက်မှာ သေရမဲ့ကံ မပါလာသေးလို့ပဲဟု နားလည်လိုက်မိသည်။ သေခြင်းတရားသည် နေရာမရွေး၊ အချိန်မရွေး အလစ်ငိုက် ဝင် ရောက်လာတတ်သောအရာဖြစ်သည်။

သတိတရား၊ ဉာဏ်ပညာတို့ဖြင့် ရှင်သန်နေရခြင်းကို တည်ဆောက်ကာ အချိန်မရွေး ဝင်ရောက်တိုက်ခိုက်တတ်သော ရန်သူ ၏ ရန်ကို ခံတပ်ကောင်းကောင်းဖြင့် တည်ဆောက်ကာ စောင့်ကြည့်နေပါမှ တော်ကာကျပေလိမ့်မည်။ ထိုကဲ့သို့ ကျွန်တော်က စဉ်းစားနေမိသည်။

အခုလို သေရမည့်အဖြစ်မှ ပွတ်ကာသီကာလေးလွတ်လာကာမှပဲ ကျွန်တော်သည် သေခြင်းတရားကို အထိတ်ထိတ်အလန့် လန့်ဖြင့် အဖန်ဖန်အထပ်ထပ် စဉ်းစားနေမိခြင်း ဖြစ်သည်။ အခုအရွယ်အထိ ကျန်းမာရေးနဲ့ပတ်သက်လျှင် ကျွန်တော့်မှာ ဘာမှ ဆိုးဆိုးရွားရွား တခါမှမဖြစ်ခဲ့ဘူး။ ဆေးရုံ၊ ဆေးခန်းတွေဆီ မရောက်ခဲ့ရ၊ ကြီးကြီးမားမား ရောဂါစသည်တွေလည်း မဖြစ်ခဲ့ဘူးတော့ သေခြင်းတရားကို မေ့မေ့လျှော့လျှော့ ဖြစ်ခဲ့တာ ဖြစ်သည်။ ချောင်းဆိုး၊ နှာဆေးတာလောက်ကိုဖြင့် ကျွန် တော်က ရောဂါလို့ပင်မထင် ဘာဆေးမှ မသောက်ဖြစ် ဒီအတိုင်း ပေနေလိုက်ကာ သူ့ဟာသူ ပျောက်သွားတာပဲ ဖြစ်သည်။ အနည်းငယ် ဖျားတာလောက်ကိုတော့ ဆေးဝယ်သောက်လိုက်တာနဲ့ ပျောက်သည်။

အခုကတော့ဖြင့် ပေါ့ပေါ့ဆဆ မနေရဲတော့၊ ခန္ဓာကိုယ်က ထိခိုက်ထားသည့် ဒဏ်တွေဖြင့် နဂိုမူလ အတိုင်း မဖြစ်သေးဟု စိတ်က ထင်နေသည်။ ဒါဟာ သတိတချက် လွတ်သွားတာကနေ ဖြစ်သွားရတာပဲဟု ကိုယ့်ဟာကိုယ် အပြစ်ဖို့နေမိသည်။ အဲသည် လွတ်သွားသည့် သတိတချက်လေးက သေသွားနိုင်သည်။ မသေတောင် ကြီးကြီးမားမား ထိခိုက်ကျိုးကြေ သွားနိုင်သည်။ အခုတော့ အရာရာကို သတိတရားဖြင့်သာ စောင့်ကြည့်နေမိတော့သည်။ အသက်ကို ဥာဏ်စောင့်သည်ဟု ဆိုပါသည်။ စောင့်လည်း စောင့်သင့်ပါသည်။ တန်ဖိုးအကြီးဆုံးဆိုသည့်အရာများကို ခံစားဖို့ သုံးဆောင်ဖို့အတွက် အသက် ရှင်သန်နေဖို့ လိုအပ်ပါသည်။ ထိုကြောင့် အသက်သည် တန်ဖိုးအရှိဆုံးဟု ဆိုရမည်။ ဘဝတခု၊ အသက်တခု ရှင်သန်နေလျှင် လိုချင်တာကို ကြိုးစားဖန်တီးယူ၍ ရနိုင်သည်။ အသက်မှ မရှိ၊ ဘဝမှ မရှိတော့လျှင်တော့ အရာအားလုံး ဆုံးရှုံးသွားပေပြီ။ ဘာကိုမှ လုပ်ယူ၍ မရနိုင်တော့။

လူဆိုသည်မှာ သေမျိုးပဲ ဖြစ်သည်။ လူမှမဟုတ် သက်ရှိသတ္တဝါအားလုံး တနေ့တော့ သေဆုံးရမည်ပဲ ဖြစ်သည်။ ထာဝရ ရှင်သန်နေသူဟူ၍ မရှိ၊ စောစောသေရတာနဲ့ နောက်ကျမှသေရတာ ဒါပဲကွာသည်။ အားလုံးကတော့ သေရမည်ပင်။ တနေ့ သေရမည့်အတူတူ အသက်ကို ဘာစောင့်ရှောက်နေစရာလိုမလဲဟူ၍ စောဒက တက်၍ မရနိုင်။ လူတိုင်းက အသက်ရှည်ရှည် နေချင်ကြသည်။ ဖြစ်နိုင်လျှင် ဘယ်သူမှပင် မသေချင်ကြ။ ဒါကြောင့်ပင် အသက်ကို ငွေကုန်ကြေးကျခံ၍ နည်းလမ်းပေါင်းစုံဖြင့် ကယ်တင် စောင့်ရှောက်ဖို့ ကြိုးစားကြရတာ ဖြစ်သည်။

တတ်နိုင်သော သူတွေက အချိန်မရွေးဝင်ရောက်လာနိုင်တဲ့ သေမင်း၏ရန်ကို ခံတပ်ကောင်းကောင်းတည်ဆောက်ကာ အသက်ကို မပင်မပန်းထားကာ မွေးဖြူစောင့်ရှောက်ကြသည်။ မတတ်နိုင်တဲံ အဆုံး လက်မြောက်လိုက်ရတောင် နောက် ဘဝအတွက် နေရာကောင်းကောင်းတခု ရဖို့အတွက် ပြင်ဆင်ထားကြသူတွေလည်း ရှိသည်။ ထိုသူများကတော့ အခုဘဝမှာ ကောင်းကောင်းမွန် ရှင်သန်သည်။ မကောင်းမှု ဆိုတာတွေ မလုပ်၊ ကောင်းမှု ဆိုတာတွေကို ကြိုးစားလုပ်ရင်း အသက်ကို မွေးမြူသည်။ ဒါက နောက်တဘဝအတွက် ခံတပ်တခု တည်ဆောက်ခြင်းဖြစ်သည်။ မတတ်နိုင်ကြသော ဆင်းရဲသားများ အဖို့တော့ အသက်ကို ခဲရာခက်ဆစ် ရှင်သန်မွေးဖြူရသည်။ ထိုကဲ့သို့ အသက်ရှင်သန်ဖို့ ကြိုးစားနေရင်းကနေ အသက်ထွက် သွားကြရသည့် အဖြစ်တွေလည်း များစွာရှိလေသည်။

ဘဝတခု ရှင်သန်နေရဖို့အတွက် စား ဝတ် နေရေးဆိုသည့် အရေးသုံးပါးသည် ပဓာနကျသည်ဟု ဆိုရပေမည်။ စားစရာ၊ ဝတ်စရာ၊ နေစရာမှ မရှိတော့လျှင် လူသည် သေဆုံးဖို့ပဲ ရှိတော့သည်။ ရှင်သန်ခြင်း၏ အသက်ဖြစ်သော စားဝတ်နေရေး အတွက် လူတိုင်း အလုပ်လုပ်ကြရသည်။ တချို့ကတော့ သက်သက်သာသာလေး လုပ်ရသည်။ တချို့ကတော့ ခဲရာခက်ဆစ် ပင်ပင်ပန်းပန်း လုပ်ရသည်။ တချို့ကတော့ စွန့်စွန့်စားစားပင် လုပ်ရသည်။ ထိုအထဲတွင် တချို့က လုပ်ရင်း ကိုင်ရင်းနဲ့ အသက်စွန့် သွားရတတ်သည်။ ဘဝရှင်သန်ဖို့အတွက် လုပ်ကိုင်နေရင်းက ဖားကန့်မှာ မြေပိ၍ သေဆုံးသွားကြသော လူတွေ ကို မြင်ယောင်လိုက်မိသည်။ အသက်ကို မွေးမြူဖို့ကြိုးစားရင်းက အသက်ကိုစွန့်လွတ်လိုက်ရတဲ့ အဖြစ်တွေပါလားဟု စဉ်းစားနေမိသည်။

သူတို့အဖို့မှာတော့ ဘဝအတွက် စောင့်ကြည့်စရာ ဘာခံတပ်မှ တည်ဆောက်မထားနိုင်၊ အသက်ကို အသက်နဲ့ရင်းပြီး တည် ဆောက်ယူနေရသည့်အဖြစ်ဟု ဆိုရမည်။ ကျွန်တော်သည်လည်း သူတို့လိုပင် သေခြင်းတရားအတွက် ဘာခံတပ်မှ ကောင်း ကောင်း တည်ဆောက်မထားနိုင်ပါ။ ခံတပ်မရှိတော့ ရန်သူလာလျှင် တတ်နိုင်သမျှ ပြေးရုံပဲရှိသည်။ မပြေးနိုင်လျှင်တော့ ခံ လိုက်ရုံပဲ ရှိသည်။ ရန်သူ၏ အရိပ်အယောင်မြင်ရပြီဆိုတာနဲ့ ဖိနပ်ချွတ်ကာ အသင့်ပြင်ထားရသည်။ အခုလိုဆိုတော့ ကိုယ့် ဖိနပ်ဟာ ကိုယ့်ရဲ့ခံတပ်ပဲ ဖြစ်သည်။ ကိုယ့်ဖိနပ်ဟာ ကိုယ့်ခံတပ်ပါပဲ။ ဒါဟာ ကဗျာတပုဒ်ဖြစ်သည်။

ကိုယ့်ဖိနပ်ဟာ ကိုယ့်ခံတပ်ပါပဲ

ကျန်းမာရေး မကောင်းလို့
ဝင်ငွေမကောင်းလို့
မိုးလေဝသမကောင်းလို့ အခုလို အခက်အခဲတွေထဲမှာ
ဖိနပ်သဲကြိုးကို သတိထားနေရ
ခုံကလည်းလှုပ်လှုပ်
မြင်းကလည်းလှုပ်လှုပ်
ပြုတ်ကျသွားချင်လည်း သွား
ဒုက္ခဆိုတာ သစ္စာတရား
ကျွန်တော့်ရဲ့ မိုက်မဲမှုများ
လောကကြီးက အလိုက်သိပါ့မလား
ရေပြင်ရဲ့ မာယာကို မုန်းတယ်
ပိုက်ကွန်ထဲက ငါးတွေကို သနားတယ်
ထောင်ချောက်ကို လိုက်ရှာနေတဲ့ သားကောင်ဆိုတာ ရှိပါ့မလား
ပျော်ရွှင်မှုဆိုတာ လှောင်အိမ်ထဲမှာ မမွေးဖွားဘူး
ပြိုင်ကားတစီးလို ဓာတ်ဆီကို ဖြုန်းခဲ့ပြီးပြီ
လူနာတင်ယာဉ်တစီးလို အသုံးဝင်ချင်တယ်
ရော့ခ်အင်ရိုးလ် တခေတ်လုံးကို နားထောင်ခဲ့တယ်
ပွင့်လင်းတဲ့ လူ့ဘောင်ကို မျှော်လင့်မိတယ်
ကဗျာနဲ့ ဘဝကို ချည်နှောင်ထားခဲ့တယ်
သူငယ်ချင်းရယ် ဒီဇာတ်လမ်းမှာ
လူဆိုးတွေ တယောက်မှ မသေသေးဘူးလား
လူကောင်းတွေမှာ ဒုက္ခများလှပါပြီကွယ်
အသက်တချောင်းလုံး ဆုံးရှုံးမယ်ဆိုရင်
နာမည်တလုံးတော့ အဖတ်တင်ချင်တယ်
ချောက်ကမ်းပါးက လူကို
တွန်းအားတွေ မပေးကြပါနဲ့
ပြေးစရာ မြေမရှိတော့တဲ့အခါ
ကိုယ့်ဖိနပ်ဟာ ကိုယ့်ခံတပ်ပါပဲ။

(လှသန်း)


ပြန်စဉ်းစားကြည့်လိုက်တော့ ကျွန်တော့်ဘဝမှာ ဖိနပ်သဲကြိုးပြတ်မှာ ကြောက်ရသောနေ့ရက်တွေ ရှိခဲ့ဘူးပါသည်။ ဖိနပ်စီး နေရင်းကနေ ဘယ်တော့များ သဲကြိုးပြတ်သွားမလဲ တထိပ်ထိပ်ဖြင့် ဖိနပ်ကို ခပ်ဖွဖွ သတိအနေအထားဖြင့် စီးကား အသာ အယာ သွားနေခဲ့ရသောကာလတခုပဲ ဖြစ်သည်။ ထိုအသက်အောင့်ကာ စီးနေခဲ့ရသောဖိနပ်ကလည်း ချက်ကောင်းစောင့်၍ နေပါသည်။ ကျွန်တော့်မှာ ပိုက်ဆံပြတ်လိုက်တာနဲ့ ဖိနပ်သဲကြိုးကလည်း တခါတည်းပြတ်သွားပါတော့သည်။ နောက်ဆုံး အားကိုးရာ ခံတပ်သည်ပင် ပြိုပျက်သွားခဲ့ရသည့်အဖြစ်ပါလားဟု ထိုအချိန်က အဖြစ်အပျက်လေးကို ပြန်စဉ်းစားနေမိသည်။

အခုလိုအချိန်မှာ ရန်သူက မထင်မှတ်ပဲဝင်လာမည်ဆိုလျှင်တော့ ကျွန်တော့်မှာ ခံလိုက်ရဖို့ပဲရှိသည်။ ကျွန်တော့်မှာ ပြေးဖို့ ပင် ကောင်းကောင်းမတတ်နိုင်သေး။ ပြေးနိုင်သည်ဆိုဦးတော့ ဝေးဝေး မပြေးနိုင်သေး။ ကောင်းကောင်း အမောမခံနိုင်သေး။ ခန္ဓာကိုယ်က နာနေသေးသည်။ ခါးကလည်း အလှည့်အပြုမှာ နာနေသေးသည်။ ဂုတ်က ကောင်းကောင်းလှည့်လို့ မရချင် သေး။ နောက်ဆုံး ကိုယ့်ရဲ့ခံတပ်ဖိနပ်ပေါ်မှာပဲ ခြေစုံရပ်ကာ ကြံကြံခံကာ ရင်ဆိုင်လိုက်ဖို့ပဲ ရှိသည်။ အကယ်၍များ လက် မြောက် အရှုံးပေးရမည်ဆိုလျှင်လည်း ကြည်ကြည်ဖြူဖြူ  ပြုံးပြုံးလေးနဲ့ပဲလိုက်ပါသွားဖို့ ပြင်ဆင်လိုက်ရုံပဲ တတ်နိုင်ပါတော့ သည်။

စိုးခိုင်ညိန်း
၂၂၊ ၆၊ ၂၀၁၈


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags: , ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:၀တ္ထုတို

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)