ညီဆောင်းဦး ● အမှားနှစ်ကြိမ်

July 5, 2018
My Friend Tin Moe By Maung Swan Yi - Selection of MoeMaKa Articles

● အမှားနှစ်ကြိမ်
(မိုးမခ) ဇူလိုင် ၅၊ ၂၀၁၈

ကျွန်တော့်အသက် ၁၂ နှစ်။ စာဖတ်တတ်တယ်ဆိုတဲ့အရွယ်ကတည်းက စာအုပ်မျိုးစုံကိုဖတ်ခဲ့တယ်။ ကာတွန်း၊ ရုပ်ပြ၊ ဝတ္ထု စတဲ့စာပေအမျိုးအစားတွေအပြင် ကျွန်တော့်အသက် ၁၂ နှစ်အရွယ်လောက်ကတည်းက ကျောက်ကွင်းအရေးတော်ပုံစာ အုပ်ကို ဖတ်ဖူးခဲ့တယ်။ သူများကကောင်းတယ်ညွှန်းလို့ဖတ်ကြည့်ရင်း ဖတ်ဖူးတာမျိုးမဟုတ်ပါဘူး။ အဖြစ်က ဒီလိုပါ။

ကျွန်တော်တို့မိသားစုက ဆင်းရဲပါတယ်။ ထမင်းနပ်မမှန်တဲ့အထိ ဆင်းရဲခဲ့ကြတာပါ။ အဲ့ဒီလိုထမင်းနပ်မမှန်တော့ ကျွန်တော် လည်း အလိုအလျောက် အိမ်ခေါင်းရင်းကဘုန်းကြီးကျောင်းကိုရောက်ခဲ့ရတယ်။ ဘုန်းကြီးကျောင်းမှာ ဆွမ်းခံတယ်။ ကျောင်း ဝေယျာဝစ္စလုပ်တယ်။ ကျောင်းမှာပဲစားတယ်။ ဘုန်းကြီးကျောင်းကနေပဲ စာသင်ကျောင်းတက်တယ်။ ကျောင်းအိပ် ကျောင်း စားဘဝနဲ့ ကျွန်တော်က ဝမ်းရေးကိုဖြေရှင်းတယ်။ တခါတလေ ကျောင်းကပိုတဲ့ထမင်းကျန်ဟင်းကျန်လေးတွေကို အိမ်က ပြေးပေးရင်း မိသားစုကိုလည်း ကူညီနိုင်ခဲ့တယ်။ ထူးထူးခြားခြား ဆရာတော်ခိုင်းတာတခုရှိတယ်။ ဗီဒိုထဲကစာအုပ်တွေ ကိုထုတ်ပြီး နေ့တိုင်းလှမ်းရတယ်။ ဗီဒိုထဲပြန်ထည့်ပြီးသိမ်းရတယ်။ အဲ့ဒီအလုပ်ကို ဆရာတော်က ကျွန်တော့်တယောက်တည်း ကိုပဲခိုင်းခဲ့တယ်။ စာဖတ်တာဝါသနာပါတဲ့သူပီပီ စာအုပ်တွေကိစ္စကိုလုပ်နေရင်း ဟိုစာအုပ်လှန်ဖတ်၊ ဒီစာအုပ်လှန်ဖတ်ရင်း ကနေ ကျောက်ကွင်းအရေးတော်ပုံစာအုပ်ကို ဖတ်မိတာပါပဲ။ ကြိုက်လွန်းတာကတကြောင်း၊ ပိုပြီးမှတ်မိချင်တာကတကြောင်း ဆိုတော့ ဘုန်းကြီးကျောင်းမှာနေရင်း သုံးကြိမ်လောက်အထိ ဖတ်ဖူးခဲ့တယ်။ ခရီးသွားဟန်လွဲဖတ်ရင်း သိပ်ကြိုက်ခဲ့ရတဲ့စာအုပ်တအုပ်ပါပဲ။

နောက်တော့ စာအုပ်ကိုကြိုက်လွန်းလို့ “ပြန်စွန့်ပါဘုရား” လို့ ဆရာတော့်ကိုလျှောက်လိုက်တယ်။ ဆရာတော်ကလည်း “ရှား ပါးစာအုပ်မို့ မစွန့်နိုင်ဘူး” လို့ ပြန်ပြောတယ်။ နောက်ဆုံး ဘယ်လိုမှတောင်းလို့မရတော့ ကျွန်တော် ကျောက်ကွင်းအရေး တော်ပုံစာအုပ်ကို ခိုးယူလာခဲ့တယ်။ ဆရာတော်က ရိပ်မိဟန်မရှိပါဘူး။ အသက် ၁၂ နှစ်အရွယ်မှာပဲ ပထမဦးဆုံး သူတပါး ဥစ္စာကိုခိုးယူမိခြင်းပါပဲ။ အဖေကတော့ ဖတ်ပြီးရင် ကျောင်းမှာသွားပြန်ထားဖို့ ပြောပါတယ်။ သူများဥစ္စာကို သူများမသိအောင် ယူတယ်ဆိုတာ ခိုးမှုမြောက်ကြောင်း၊ ခိုးတယ်ဆိုတာမကောင်းကြောင်း၊ ဒီဘဝမှာ ဒီလောက်စားရမဲ့မဲ့ သောက်ရမဲ့မဲ့ဖြစ်နေ တာကို သူများဥစ္စာခိုးယူဦးမယ်ဆိုရင် သံသရာမကောင်းနိုင်ကြောင်း ဆုံးမပါတယ်။

ဆုံးမစကားတွေ ဘယ်လောက်ပြောပြော ကျွန်တော်ပြန်မထားခဲ့ပါဘူး။ ပြန်ထားလိုက်တဲ့ပုံစံနဲ့ အဖေမသိအောင် ကျွန်တော် သိမ်းထားလိုက်တယ်။ သူတပါးဆီကခိုးယူထားလို့လား မသိဘူး။ နာဂစ်ဖြစ်တဲ့အထဲ အဲ့ဒီစာအုပ်လည်းပါသွားခဲ့ပါတယ်။

“မင်းကျောက်ကွင်းအရေးတော်ပုံကြီးရောကွ” လို့ အဖေမေးတော့ ကောင်းမွန်တဲ့တုံ့ပြန်အဖြေ ကျွန်တော့်နှုတ်ဖျားဆီ ကပ် မလာခဲ့ဘူး။ ကျွန်တော် ကြောင်အမ်းအမ်းဖြစ်နေခဲ့တယ်။ ဒီစာအုပ်ကို ငါပြန်မပို့တာ အဖေသိနေပါလားဆိုတဲ့အတွေးကြောင့် အဖေ့စကားကိုနားမထောင်မိလို့ အဖေ့ကိုလည်း အားနာသွားရပါတယ်။
□□□

ကျွန်တော့် အသက် ၁၉ နှစ်။ နာဂစ်ဖြစ်တာ နှစ်ပတ်လောက်ရှိနေပြီဆိုပေမယ့် ကျွန်တော်တို့ရွာကို ဘယ်ဝေခြမ်းရေးအဖွဲ့ တွေမှ ရောက်မလာသေးပါဘူး။ စားစရာဆန်မရှိ၊ သောက်စရာရေမရှိ၊ နေစရာအိမ်မရှိကြဘဲ နာဂစ်ဒဏ်ခံစားခဲ့ကြရသူတွေ ဖြစ်သလို နေထိုင်စားသောက်နေခဲ့ကြရပါတယ်။ နောက်ရက်အနည်းငယ်အကြာမှာတော့ ကျွန်တော်တို့ရွာနဲ့ မလှမ်းမကမ်း နားကရွာကို အလှူရှင်တွေရောက်လာတယ်ဆိုတဲ့အသံကြားပါတယ်။ ပြီးတော့ အနီးနားကရွာတွေကိုလည်း ဝေခြမ်းပေးမယ် ဆိုတော့ ကျွန်တော်တို့ညီအကိုနှစ်ယောက်နဲ့ရွာသားတွေ ဝေမယ့်ရွာဆီကို သွားခဲ့ကြပါတယ်။ အလှူရှင်တွေဝေပေးဖို့ပါလာတဲ့ပစ္စည်းတွေကို အဲ့ဒီရွာက လူကြီးအိမ်ကို ထမ်းတင်ပေးကြတယ်။ ကိုးနာရီထိုးမှ ဝေပေးမယ်တဲ့။

အချိန်တစ်နာရီလောက်လိုသေးပေမယ့် ကျွန်တော်တို့ရွာလူကြီးအိမ်ရှေ့မှာပဲ ထိုင်စောင့်နေကြတယ်။ အချိန်ကျလို့ ပစ္စည်း ဝေမယ်လုပ်တော့ လူတွေ အလုအယက်နေရာယူကြတယ်။ တန်းစီကြတယ်။ ကျွန်တော့်ရှေ့မှာ လူ ၁၅ ရောက်လောက်။ ကျွန်တော့်အနောက်မှာက ကျွန်တော့်ညီလေး။ အရှေ့ကလူတွေပြီးသွားတော့ ကျွန်တော့်အလှည့်ယူလိုက်တယ်။ ပစ္စည်းပေး ပြီး ကျွန်တော့်လက်ကို မာကာမှင်နဲ့ တယောက်ကခြစ်တယ်။ နောက်ဝင်လာမှာစိုးလို့နေမှာပေါ့။ ပြီးတော့ ကျွန်တော့်ညီ ယူ လိုက်တယ်။ အဲ့ဒီနောက် လူတန်းနဲ့ ခပ်ဝေးဝေးလေးမှာသွားပြီး ရတဲ့ဝေစုတွေကို ဖြည်ကြည့်လိုက်တယ်။ ဆန်က နို့ဆီ ဗူးနှစ်လုံး၊ ဆီလေးနည်းနည်း၊ ဆေးလိပ်၊ဆေး၊ အသားတု၊ကြက်သွန်၊ငြုပ်တောင့် စတဲ့အတိုအစလေးတွေ နည်းနည်းပါတယ်။ ကျွန်တော် အင်မတန်စ်ိတ်ပျက်သွားမိပါတယ်။ မိသားစုကရှိတာ ကိုးယောက်။ ညီကိုနှစ်ယောက်ပေါင်းမှရတဲ့ဆန်က နို့ဆီဗူး လေးလုံး။ ဘယ်လိုမှ မလောက်ပါဘူး။

ကျွန်တော့်မျက်နှာကိုကြည့်ပြီး သဘောပေါက်တဲ့ညီလေးက ကျွန်တော့်လက်ကိုဆွဲပြီးခေါ်သွားတယ်။ ကျွန်တော် ကားယား ကားယားနဲ့ ဘုမသိဘမသိ ပါသွားတယ်။ လူတန်းကြီးနားရောက်မှ ကျွန်တော်သဘောပေါက်သွားတော့တယ်။ နောက်တခါ ပြန်တိုးရမယ့်သဘော။ ဘဝမှာ တခါမှမလုပ်ဖူးတဲ့အလုပ်ပါ။ လက်မှာပေနေတဲ့မာကာမှင်တွေကို ကျွန်တော်တံတွေးနဲ့ပွတ်ပြီး ဖျက်လိုက်တယ်။ ပထမတခေါက် တိုးပြီးယူတယ်။ ညီလေးကိုလည်း မကြည့်ရဲသလို ဝေပေးနေတဲ့လူကိုလည်း မကြည့်ရဲပါ ဘူး။ လက်တွေခြေတွေ တုန်တုန်ရီရီနဲ့ပါပဲ။ ဒုတိယတခေါက် တိုးယူတယ်။ လက်တုန်နေပါသေးတယ်။ ခြေထောက်တော့ မတုန်တော့ပါဘူး။ တတိယတခေါက် အေးဆေးပါပဲ။ ကျွန်တော် ဘာမှမဖြစ်တော့ပါဘူး။ စတုတ္ထတခေါက် ကျွန်တော် အရှက်မရှိတော့ပါဘူး။ လေလေးတောင် ချွန်လိုက်သေးတယ်။ အေးအေးဆေးဆေးကို ယူလိုက်နိုင်ပါတယ်။ မကောင်းမှုမှာ အရေထူသွားတဲ့ ကျွန်တော်ပါပဲ။

ဒီလိုနဲ့ ကျွန်တော်တို့ညီကိုနှစ်ယောက် ရှစ်ကြိမ်အထိ အရှက်တရားကင်းမဲ့စွာ တိုးယူခဲ့ပါတယ်။ မာကာမှင်ပေတာကို ဖျက်ရပါ များတော့ မဲနေတဲ့အသားပေါ်မှာတောင် အရေခွံကွာပြီး သွေးခြေဥလာတဲ့အထိပါပဲ။ အိမ်မှာလည်း သုံးလေးရက်စာ ဖူဖူလုံလုံ စားနိုင်ခဲ့ပါတယ်။ ငါးရာ့ငါးဆယ်ဇာတ်နိပါတ်တော်ထဲက ကျွန်ယုံ နန္ဒဇာတ်မှာလို နန္ဒက ရွှေအိုးမြှုပ်ထားတဲ့တောင်ကုန်းပေါ် ခြေချမ်ိရုံရှိသေး သူ့သခင်ကိုပြန်ဟောက်သလို သုံးလေးရက်စာ စားနပ်ရိက္ခာက ကျွန်တော့်ကို မာန်တက်စေပါတယ်။ ဒါပေမဲ့ ရွာသားတချို့ဝေခြမ်းရေးမလောက်လို့ ပစ္စည်းမရကြဘူးဆိုတဲ့သတင်းကြားတော့ စိတ်မကောင်းဖြစ်ခဲ့ရပါတယ်။ အနည်းငယ် စိတ်မကောင်းဖြစ်ရုံလောက်ပါပဲ။ မပြောင်းလဲခဲ့ပါဘူး။

အခု ကျွန်တော့်အသက် ၂၉ နှစ်။ စာဖတ်တာတွေများလာတော့ မကောင်းမှုကို ရှောင်နိုင်လာခဲ့တယ်။ ကျောက်ကွင်းအရေး တော်ပုံစာအုပ်ကို ဘုန်းကြီးကျောင်းကခိုးယူလာခဲ့တာ၊ ဝေခြမ်းရေးပစ္စည်းတွေကို အကြိမ်ကြိမ်တိုးယူခဲ့တာတွေကိုလည်း ပြန်ပြောင်းနောင်တရမိခဲ့ပါတယ်။ သူများသဒ္ဒါလို့ပေးတာ တစ်ကြိမ်ဆိုရင် ကိုယ့်အခွင့်အရေးကိုယူတာ ရှစ်ကြိမ်အထိဆိုတော့ သူတပါးအခွင့်အရေးကို ကျွန်တော်ဝင်ရောက်စွက်ဖက်တာပါ။ ကြီးမားတဲ့ ကျူးလွန်မှုပါပဲ။ အခုချိန်မှာ သိပ်ကိုရှက်မိပါတယ်။ မကောင်းတဲ့အကျင့်တွေနဲ့ လက်တွဲဖြုတ်တဲ့နေရာမှာ ဘာကြောင်းပြချက်မှ မလိုလောက်ပါဘူး။ နောက်နောင် ဘယ်လိုမ ကောင်းတဲ့အမှုအကျင့်မျိုးကိုမှမလုပ်ဖို့ ကိုယ့်ကိုကိုယ်ကတိပေးရင်း ကိုယ့်အထုတ် ကိုယ်ဖြည်ပြလိုက်ပါတယ်။

ကျွန်တော့်ဘဝမှာ အဲ့ဒီလိုအညှီအဟောက်နဲ့ နှစ်ကြိမ်တိုင်တိုင် အိပ်စက်ခဲ့ဖူးပါတယ်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:၀တ္ထုတို

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ် ထွက်ပြီ

By

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်