fbpx

စိုးခိုင်ညိန်း ● အခု ခင်ဗျားဖတ်နေတဲ့ စာမျက်နှာ

July 22, 2018

● အခု ခင်ဗျားဖတ်နေတဲ့ စာမျက်နှာ
(မိုးမခ) ဇူလိုင် ၂၂၊ ၂၀၁၈

ပထမဆုံး ဒီအကြောင်းနဲ့ ပတ်သက်ပြီး စတင်ခဲ့တာကတော့ အခါတိုင်းလို အေးမြတဲ့ မနက်ခင်း တစ်ခုမှာပဲ ဖြစ်ပါတယ်။ ကျွန်တော် အဲဒီစာမျက်နှာဆီ ရောက်ဖို့ မျက်နှာသစ် ၊ သွားတိုက်၊ ကိုယ်လက် သန့်စင်ရပါတယ်။ ပြီးတာနဲ့ စာအုပ်တစ်အုပ်ဆွဲပြီး ထိုင်နေကျ လက်ဖက်ရည်ဆိုင်ကလေးဆီ ထွက်ခဲ့လိုက်တာ ဖြစ်ပါတယ်။ ဆိုင်မှာ အေးအေးဆေးဆေး လက်ဖက်ရည်ကို မျှင်းသောက်ရင်း ဖတ်နေတဲ့ လက်ထဲက အခုစာမျက်နှာဆီကို ရောက်လာခဲ့တာ ဖြစ်ပါတယ်။

အဲဒါနဲ့ပဲ သင်က ဖတ်နေရင်းနဲ့ ဒီစာအုပ်ထဲက ဘယ်စာမျက်နှာပါလိမ့်လို့ တွေးနေလိုက်ပြီလား။ အဲဒီစာမျက်နှာဟာ တခြားစာမျက်နှာတွေထက် ဘာတွေ ထူးခြားမှုတွေများ ပါနေမှာမို့လဲ လို့ မကျေမနပ်နဲ့ စိတ်ထဲ ကသိကအောက်များ ဖြစ်သွားပြီးလား။ ဒီစာမျက်နှာထဲမှာ တစ်ခုခုတော့ ပါမှာပဲလို့ အလောတကြီးနဲ့ ရှာဖွေ နေလိမ့်မယ် ထင်ပါတယ်။ ဒီအထဲက တစ်ခုခု ရရမယ်လို့တော့ အရမ်းကြီးတော့ မျှော်လင့် မထားစေချင်ပါ ဘူး။ သိပ်ပြီးတော့လည်း မစိုးရိမ်ပါနဲ့ ကိုယ့်မှာ ရှိသလောက်တော့ ရသွားမှာပါ။ ဘယ်လိုပဲ ဖြစ်ဖြစ် တစ်ခုခုကို သိချင်တာနဲ့ ဒီစာမျက်နှာဆီ ရောက်ရှိလာခဲ့တာမို့ တစ်ခုခုကိုတော့ ရအောင် ယူသွားလိုက်ပါ။

အခုရောက်ရှိနေတဲ့ စာမျက်နှာထဲမှာ တခြားစာမျက်နှာတွေနဲ့ ဘာကွာသလဲ စဉ်းစားကြည့်လို့ ရပါတယ်။ ဒီစာမျက်နှာထဲမှာလည်း တစ်ခြားစာမျက်နှာတွေထဲမှာလို စာလုံးတွေ၊ ၀ါကျတွေ၊ ကံတွေ၊ ကြိယာတွေ၊ ပြုလုပ်ပုံတွေ၊ အပြုခံတွေ၊ စာသားတွေ ပါနေတာမို့ အတူတူပဲလို့တော့ သတ်မှတ်လို့တော့ မရ ပါဘူး။

သေချာတာက အခု ခင်ဗျားဖတ်နေတဲ့ ဒီစာမျက်နှာထဲမှာ လူကိုသေစေတတ်တဲ့ အန္တရာယ်ရှိတဲ့ အရာဝတ္ထုတွေ ဘာတစ်ခုမှ မပါပါဘူး။ လူတွေကို ထိပ်လန့် တုန်လှုပ်စေတဲ့ ငါးလောင်းပြိုင် လူသတ်မှု၊ သုံးလောင်းပြိုင် လူသတ်မှု၊ ငါးနှစ် ခြောက်နှစ်အရွယ်ကလေးတွေကို မုဒိန်းကျင့် သတ်ဖြတ်မှုတွေ၊ ဖောက်ထွင်း ခိုးဆိုးလုယက်မှုတွေ စတဲ့ ဒီအကြောင်းအရာတွေ မပါပါဘူး။ တခြား လူတွေကို စိတ်ပျက်စေတဲ့ တစ်နိုင်ငံနဲ့ တစ်နိုင်ငံ ပစ်ခတ်နေတဲ့ စစ်ပွဲအကြောင်းတွေ၊ လူတွေ မြောက်များစွာ သေကြေ အတိဒုက္ခရောက်ရတဲ့ သဘာဝဘေး၊ ရေဘေး ၊ မီးဘေး၊ မြေငလျင်ဘေး၊ အစာရေစာငတ်မွှတ်နေတဲ့ ဆင်းရဲသား ဒုက္ခသည်တွေ စတဲ့ သတင်းအကြောင်းအရာတွေလည်း မပါဝင်ပါဘူး။ သင်ကြည့်ချင်တဲ့ ချောချောလှလှပုံတွေ၊ ဟာသတွေ၊ ရယ်စရာတွေလည်း မပါပါဘူး။

အမှန်တော့ ဒီစာမျက်နှာကို ဖတ်နေတဲ့ သင်ကိုယ်တိုင်ဟာ ဒီစာမျက်နှာရဲ့ ဇာတ်ကောင်ပဲ ဖြစ်ပါတယ်။ ဒါကြောင့် ဖတ်သူရဲ့ စိတ်ခံစားမှုအပေါ် မူတည်ပြီး ဒီစာမျက်နှာထဲမှာ အပြောင်းအလဲတွေဟာ ဖြစ်ပေါ်နေမှာပါပဲ။ လူတိုင်းဟာ ကိုယ့်အထုပ္ပတ် ကိုယ့်ဇာတ်မှာတော့ အားလုံးဟာ ဇာတ်လိုက်တွေချည်းပဲ ဖြစ်ပါတယ်။ ကိုယ်ဇာတ်ကို ကိုယ်နိုင်အောင် က ဖို့နဲ့ ကိုယ်က ဘယ်လို ဇာတ်အိမ်ဖွဲ့ လှပတဲ့ ဇာတ်လမ်း တစ်ခုနဲ့ ပျော်ရွှင်စရာကောင်းတဲ့ ဇာတ်သိမ်းဖြစ်ဖို့ဆိုတာ ကိုယ်တိုင်ပဲ ကြိုးစားကပြရမှာ ဖြစ်ပါတယ်။

ဒီစာမျက်နှာမှာ တခြားစာမျက်နှာတွေဆီက အဖြစ်အပျက်တွေကို ပုံတူကူးချလို့ မရပါဘူး။ အခုစာမျက်နှာဟာ သီးသန့် ကိုယ်ပိုင်စာမျက်နှာပဲ ဖြစ်တာမို့ လိုနေတဲ့ ၀ါကျတွေ၊ ကြိယာတွေ၊ ကတ္တားတွေ၊ ကံတွေ၊ အဓိပ္ပါယ်တွေ၊ အကြောင်းအရာတွေကို ကိုယ်တိုင်ပဲ ဖန်တီးဖြည့်သွင်းရမှာ ဖြစ်ပါတယ်။

ဒီစာမျက်နှာထဲကို သင်စိတ်ကူးစိတ်သန်း ရှိသလောက်၊ သင်ဖြစ်စေချင်တာတွေ၊ အိပ်မက်တွေကို ဖြည့်စွက်နိုင်ပါတယ်။ ဥပမာ သင်ဖြစ်ချင်တဲ့ ချမ်းမြေ့ပျော်ရွှင်တဲ့ ဘ၀တစ်ခု၊ ငြိမ်းချမ်းပြီး ဖွံ့ဖြိုးတိုးတက်နေတဲ့ နိုင်ငံတစ်ခု၊ ချမ်းသာတဲ့ မိသားစုတစ်ခု၊ သစ်ပင်၊ တောတောင်၊ စိမ့်စမ်းရေနဲ့ ပန်းပွင့်အလှအပတွေနဲ့ ယှက်ဖြာနေတဲ့ သဘာဝပတ်ဝန်းကျင်တစ်ခု၊ လူ့အချင်း လှည့်ပတ်ခြင်းကင်းတဲ့ ယုံကြည်စိတ်ချဖွယ်ရာ ကောင်းလှတဲ့ လူမှုဝန်းကျင်တစ်ခု စသဖြင့် သင်ဆန္ဒရှိသလို ဖြည့်စွက်ပြီး လိုသလို အလှဆင်နိုင်ပါတယ်။

ဒီအထဲမှာ ကျွန်တော်က ကကြီးလို့ ပြောလိုက်တာနဲ့ သင်တို့က အ အထိ ဆက်လက်ယူဆောင် သွားရမှာပါ။ ကျွန်တော်က ၁ လို့ပြောလိုက်တာနဲ့ သင်တို့က ၁၀၀ ၊ ၁၀၀၀ စသည် ဆက်လက်ပြီး လိုသလို ရေတွက်သွားရမှာ ဖြစ်ပါတယ်။ အဲဒါဟာ ဒီစာမျက်နှာက သင်တို့ကို စွဲဆောင်သွားမဲ့ အချက်တွေပဲ ဖြစ်ပါတယ်။

အခုချိန်အထိ ဒီစာမျက်နှာကနေ ဘာတစ်ခုမှ မရသေးဘူးလို့ တွေးနေမိပြီလား။ အဲဒါဟာ သင်တို့ ဒီစာမျက်နှာကနေ ရရှိသွားတဲ့ အရာပဲလို့ ဆိုရမှာ ဖြစ်ပါတယ်။ တစ်ယောက်နဲ့ တစ်ယောက်ဟာ ဒီစာမျက်နှာကနေ ရရှိပုံချင်းတော့ တူမှာ မဟုတ်ပါဘူး။ တစ်ချို့က ဒီစာမျက်နှာကနေ ဖြတ်ခနဲ့ လင်းပွင့်မှုလိုမျိုး ဉာဏ်အလင်းပွင့်မှု ရသွားပါလိမ့်မယ်။ တစ်ချို့က ဘယ်တုန်းကမှ မတွေ့ဘူးတဲ့ အရာတစ်ခု တွေ့လိုက်ရသလို အံ့သြမှုမျိုး ရသွားနိုင်ပါတယ်။ တစ်ချို့က ဒါဟာ အရင်က တစ်ခါမှ မစဉ်းစားဘူးသေးတဲ့ အရာပဲလို့ စဉ်းစားမိပါလိမ့်မယ်။

သင်ဟာ ဒီအထိ ရောက်လာပြီဆိုတော့ သင်ဟာ ဒီအထဲက တစ်ခုခု ရသွားတဲ့သူပဲ ဖြစ်ပါတယ်။ ဒီအထိ ရောက်မလာပဲ လှည့်ပြန်သွားတဲ့ သူဆိုရင်တော့ သူ ဘာမှ ရယူသွားနိုင်မယ် မထင်ပါဘူး။ သင်ဟာ ကမ္ဘာပေါ်မှာ မြောက်များလှစွာသော လူတွေထဲက ကံကောင်းလှတဲ့ သူတစ်ယောက်လို့ ဆိုရပါမယ်။ သင်ကံ ကောင်းလွန်းလို့သာ အခုလို သင်ဟာ အခုစာမျက်နှာ ကို ဖတ်ရှုနေရတာ ဖြစ်ပါတယ်။ ဒီစာစောင်ဟာ သင့်လက်ထဲ ရှိနေတယ်ဆိုဦးတော့ ဒီစာမျက်နှာကို ကျော်လွှားသွားနိုင်တာမို့ အခုတော့ သင်ဟာ ဒီစာမျက်နှာမှာ ကြုံတောင့်ကြုံခဲ ရောက်ရှိနေခဲ့ပြီ ဖြစ်ပါတယ်။

ဒီအထဲမှာ သင်ကိုယ်တိုင် ဇာတ်ကောင်တစ်ယောက်မို့ မနက်ဖြန်မှာ ဘာဖြစ်သွားမလဲလို့ ကြိုမသိနိုင်သလို ရှေ့မှာ ဘာဆက် ဖြစ်မလဲလို့ ကြိုတွေး မနေစေချင်ပါဘူး။ လူ့ဘ၀ဟာ မျှော်လင့်မထားတဲ့ အရာတွေ ဖြစ်တတ်သလို အကွေ့အကောက်၊ သည်းထိပ်ရင်ဖို၊ ပျော်ရွှင်ဖွယ်ရာစသည်တွေ ဖြစ်လာနိုင်တာပဲလို့ မျှော်လင့်ထားပေမဲ့လည်း ဘာတစ်ခုမှ ဖြစ်မလာပဲ ဒီ အတိုင်းပဲ ပြီးဆုံးသွားနိုင်တာပါပဲ။

အဲဒါကိုပဲ ကဗျာဆရာလင်းလွင်က ၂၀၀၅ ခုနှစ် ဇွန်းလထုတ် ပိတောက်ပွင့်သစ် မဂ္ဂဇင်းမှာ ခင်ဗျား အခုရောက်နေတဲ့ စာမျက် နှာဆိုတဲ့ ခေါင်းစဉ်နဲ့ ကဗျာတစ်ပုဒ် ရေးပါတယ်။ ကဗျာက …

အစ ဆိုတာ
ခင်ဗျားရဲ့ အားထုတ်မှုပဲ
ဒီစာအုပ်ကို ယူကိုင်တာကနေစခဲ့လို့
ခင်ဗျား ဒီစာမျက်နှာကို ရောက်နေပြီ
ကျွန်တော်သိပါတယ်
ဒီစာမျက်နှာကို
တွေ့နေကျ၊ မြင်နေကျ၊ ကြုံနေကျ စာမျက်နှာတွေနဲ့
ချိန်ကြည့် တိုင်းကြည့် တိုက်ကြည့်ပြီး
ခင်ဗျား အကဲဖြတ်လိုက်မယ်ဆိုတာ
ခင်ဗျား အလောတကြီး ဖွင့်ဖွင့်လှန်နေတဲ့
စာမျက်နှာတွေထက်
ဒီစာမျက်နှာက ‘သာ’ တယ်
ဒီလိုပြောတော့ တစ်လမ်းမောင်းအတွေးနဲ့
ခင်ဗျား ကသိကအောက် ဖြစ်သွားတယ် မဟုတ်လား
ကျွန်တော်သိပါတယ်
အဲဒီ ‘သာ’ ဟာ
သာမန်တို့ သာမန်ကာလျှံကာတို့က လာတဲ့ ‘သာ’ လို့
ခင်ဗျား မတွေးဘူးဆိုတာ
ဒီစာမျက်နှာမှာ ‘ကြိယာ’ တစ်ခုတည်း ရေးထားတော့
ဘီကီနီဝတ် စာမျက်နှာတွေလို ပြည့်ပြည့်၀၀
မဆွဲဆောင်နိုင်ဘူးလို့ ခင်ဗျားထင်တော့မယ်
ကျွန်တော်သိပါတယ်
လိုနေတဲ့ ကံ၊ ကတ္တားတွေကို ဖြည့်စွက်ဖို့
ခင်ဗျား စိတ်မကူးဘူးဆိုတာ
ခင်ဗျားက ၁ ၊ ၂ လို့ ကြားတာနဲ့
၃ ၊ ၄ လို့ပဲ အော်ချင်ပုံ
ကဗျာဆိုတာနဲ့ ကပြီး ဗျာ ထူးဖို့ပဲ ပြင်နေပုံ
ကကြီးအကြောင်းကို
သုံးလုံးလောက်သာ ကျော်ခဲ့တဲ့
‘င’ က ပြောတာနဲ့
ကကြီးအကြောင်းကို
သုံးဆယ့်တစ်လုံးလောက်ကျော်ခဲ့တဲ့
‘အ’ က ပြောတာ
တူမလား
ကကြီးဆို ကကြီးမှာပဲ ရပ်နေတယ်
ခင်ဗျားကိုင်ထားတဲ့ စာအုပ်ထဲက ဒီစာမျက်နှာမှာ
ပုထုဇဉ်က ဇာတ်ကောင်ပါ
ခင်ဗျားကို တစ်ခုခုပေးချင်မှလည်း ပေးခဲ့မယ်
ခင်ဗျားလည်း တစ်ခုခု ရချင်မှလည်း ရလိမ့်မယ်
အဆုံးဆိုတာ
ဒီစာမျက်နှာကို ကျော်လှန်ပစ်ဖို့ပဲ။ ။


အခုဆိုရင် ဒီစာမျက်နှာကို ဖတ်နေတဲ့ သင်ဟာ ကဗျာတစ်ပုဒ်ကိုတော့ ဖတ်လိုက်ရပြီမို့ အကျိုးအမြတ် တစ်ခုခုတော့ ရသွားပြီ လို့ ထင်ပါတယ်။ ကဗျာတစ်ပုဒ်ကြောင့် နိုင်ငံတစ်ခု ပြောင်းလဲသွားခဲ့ ဘူးသလို ကဗျာတစ်ပုဒ်ကြောင့်ပဲ လူတစ်ယောက် ကို သတ်တော့မဲ့ ခက်ထန်ကြမ်းထမ်းတဲ့ စိတ်တွေပြောင်းလဲသွားပြီး နုညံ့သိမ်မွှေ့သွားခဲ့ဘူးတာမို့ ဒီစာမျက်နှာထဲကနေ တစ်ခုခု တော့ ရအောင်ယူသွားလိုက်ပါ။ ယူလို့ ရလို့ သင်ကျေနပ်သွားပြီ ဆိုရင် ဒီစာမျက်နှာက ပြီးဆုံးသွားပါပြီ။ နောက်စာမျက်နှာမှာ သင်ဘာတွေ တွေ့မြင်ရမလဲဆိုတာ ကျွန်တော် မသိနိုင်တာမို့ အကောင်းအဆိုးတွေကိုလည်း ကျွန်တော် တာဝန်မယူနိုင် ပါဘူး။ ဘာပဲဖြစ်ဖြစ် သင့်အပေါ်မှာပဲ မူတည်ပါတယ်။ အခု သင် နောက်စာမျက်နှာတစ်ခုကို လှန်လိုက်လို့ ရပါပြီ။

စိုးခိုင်ညိန်း


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:စာစုတို

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)