ထက်ခေါင်လင်း (Myanmar Now) ● ကျောက်ဖြူမြို့ ငလပွေ့ရွာအနီး တာကျိုးပေါက်

August 13, 2018

● ကျောက်ဖြူမြို့ ငလပွေ့ရွာအနီး တာကျိုးပေါက်
(မိုးမခ) သြဂတ်စ် ၁၃၊ ၂၀၁၈

(ရန်ကုန်) — ပြည်နယ်၊ ကျောက်ဖြူမြို့နယ်ရှိ ငလပွေ့ကျေးရွာအနီးတွင် ယနေ့နံနက်ပိုင်း ဒီရေမြင့်တက်လာမှုကြောင့် တာတမံ ပေ ၃ဝ ခန့် ကျိုးပေါက်သွားပြီး အနီးပတ်ဝန်းကျင်ရှိ ငါးကန်များ၊ ကန့်စောင့်တဲများ ရေမြှုပ်နေကြောင်း မြို့နယ် ဆည်မြောင်းဦးစီးဌာနထံမှ သိရသည်။

ပျက်စီးသွားသော တာတမံ (ဒေသအခေါ် ကာရီ) ကို အရေးပေါ် ပြုပြင်ရန် တခြား ဌာနများနှင့် ပူးပေါင်း ဆောင်ရွက်နေကြောင်း ဆည်းမြောင်းဦးစီးမှူး ဦးသက်လင်းထွန်းက ပြောသည်။

“အခုဆို ပေသုံးဆယ်လောက်ရှိသွားပြီ။ ဒီရေနောက်တစ်ကြိမ်မတက်ခင် အမြန်ဆုံးပြုပြင်နိုင်ဖို့ လိုပါတယ်။ ဘာ့ကြောင့် တာကျိုးတာတော့ လတ်တလော မသိသေးပါဘူး” ဟု တာကျိုးသည့်နေရာတွင် ရောက်ရှိနေသော ဦးစီးမှူးက ဆိုသည်။

နေ့လယ်ပိုင်း ဒီရေကျချိန်တွင် ဌာနဆိုင်ရာများ၊ ဒေသခံများက ပျက်စီးသွားနေရောတွင် တိုင်များရိုက်ပြီး သဲအိတ်များဖြင့် ကာ့ရံနေကြကြောင်း၊ မြို့ပတ်လမ်းရှိ နေအိမ်များထံသို့ ရေဝင်ရောက်ခဲ့ကြောင်း ကျောက်ဖြူမြို့၊ လေးဝတီကုလရက္ခိတ ပရဟိတအသင်း ဥက္ကဋ္ဌဖြစ်သူ ဦးဂျပန်ကြီးက ပြောသည်။

သေဆုံး ထိခိုက်ဒဏ်ရာရမှု မရှိကြောင်း၊ တာကျိုးပေါက်ရာ ဝန်းကျင်ရှိ ဒေသခံများကို သိမ်တောင်ဘုန်းကြီးကျောင်းသို့ ရွှေ့ပြောင်းထားကြောင်း သူက ဆက်ပြောသည်။

“ရေက လေးမိုင်ကျော်လောက်အထိတော့ ရောက်သွားတယ်။ တာအနီးက အိမ်တွေကတော့ ကြမ်းပြင် ရေထိတဲ့အထိဖြစ် တယ်။ ကျန်တဲ့နေရာတွေကတော့ လမ်းရေမြှုပ်တဲ့အဆင့်ပေါ့။ ကျွန်တော်တို့က သက်ဆိုင်ရာဌာနတွေနဲ့ ပူးပေါင်းပြီး လိုအပ် တာတွေ အကုန်လုပ်နေပါတယ်။ ဒီတာကို ဒီညနေ ဒီရေမတက်ခင် အချိန်မီပိတ်နိုင်ရင်တော့ အဆင်ပြေမှာပါ။ အမီ ပိတ် နိုင်အောင်လည်း လုပ်နေကြပါတယ်” ဟု သူက ဆိုသည်။

ဆက်စပ်ဖတ်ရှုရန် –
ရခိုင်ကမ်းရိုးတန်းတောင်သူတို့အတွက် မရှိမဖြစ် တာတမံများ
http://www.myanmar-now.org/my/news/i/…

ပြုပြင်မွမ်းမံမှု မလုပ်သည်မှာ ကြာပြီဖြစ်သည့်အတွက် ကျိုးပေါက်ရခြင်းဖြစ်မည်ဟု ယူဆကြောင်း၊ ဤအခြေအနေအထိ ပျက်စီးသည့် ဖြစ်ရပ်မျိုး ယခင်က မကြုံဖူးကြောင်း ဒေသခံတချို့က ပြောသည်။

“လွန်ခဲ့တဲ့ နှစ်နှစ်လောက်တုန်းက ဒီတာနဲ့ ဆက်လျက်ရှိတဲ့ တာတချို့ ကျိုးဖူးတယ်၊ ဒါပေမယ့် အများဆုံး ဆယ်ပေလောက်ပဲ။ အခုက အကြီးဆုံးပဲဗျ။ အဓိကကတော့ ဒီတာတွေကို ပြုပြင်ထိန်းသိမ်းမှု မလုပ်ခဲ့ကြတာပဲ” ဟု ကျောက်ဖြူမြို့ခံ ကိုထွန်းထွန်း နိုင်က ပြောသည်။

ယခုကျိုးပေါက်သည့်တာသည် နှစ်ပေါင်း ၄ဝ ကျော် သက်တမ်းရှိနေပြီဖြစ်ကြောင်း ကျောက်ဖြူမြို့နယ် စည်ပင်သာယာရေး ကော်မတီ ဥက္ကဋ္ဌ ဦးသန်းလွင်က ပြောသည်။

ယခုရက်ပိုင်းသည် ဒီရေအမြင့်ဆုံး အနေအထားဖြစ်သည့်အတွက်ကြောင့် ကျိုးပေါက်ခဲ့ရခြင်းဖြစ်ပြီး ဒေသခံများ အခက်အခဲ မရှိစေရေးအတွက် အမြန်ဆုံး ဆောင်ရွက်နေကြောင်း သူက ဆက်ပြောသည်။

“ဒီနေရာက ဟိုးအရင် ပုဇွန်ကန်၊ ငါးကန်တွေအတွက်ဆိုပြီး သင်တန်းသားတွေ လက်တွေ့လုပ်ဖို့ လုပ်ခဲ့တဲ့နေရာဗျ။ တာက အဟောင်းကြီးပါ။ ဒီနှစ်ကလည်း ကျွန်တော်တို့ဒေသမှာ ဆယ်စုနှစ်အတွင်း ဒီရေ အမြင့်ဆုံးဆိုတော့ တာကမခံနိုင်ဘဲ ကျိုး တာပါ” ဟု သူက ဆိုသည်။

ပင်လယ်ကမ်းရိုးတန်းဒေသကျောက်ဖြူ၏ စိုက်ပျိုးရေးလုပ်ငန်းသည် တာတမံတို့ကို များစွာ အားကိုးနေရသည်။ တည် ဆောက်ထားသည့် တာတမံတို့ ပျက်စီးလျှင် ပင်လယ် ဆားငန်ရည် ဝင်ရောက်ပြီး စိုက်ပျိုးရေးလုပ်ငန်းကို အကြီးအကျယ် ထိခိုက်စေမည်ဖြစ်သည်။

##

ကျောက်ဖြူ တာကျိုးပေါက်မှု နောက်ဆက်တွဲ မြင်ကွင်း (ဓာတ်ပုံများ – ထွန်းထွန်းနိုင်)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းပဒေသာ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)