fbpx

ဓမ္မစက်၊ အာဏာစက် ရှင်းရခက်နေသည့် နတ်တလူစခန်းအရှုပ်တော်ပုံ

August 17, 2018


ဓမ္မစက်၊ အာဏာစက် ရှင်းရခက်နေသည့် နတ်တလူစခန်းအရှုပ်တော်ပုံ
ဝင်းနန္ဒာ / Myanmar Now (မိုးမခ) သြဂုတ် ၁၇၊ ၂၀၁၈

ရင်သွေးရလာသည့် ကျေးလက်အမျိုးသမီးတစ်ဦးက ရဟန်းတစ်ပါးကို ကာမလိမ်လည်မှုဖြင့် တရားစွဲထားသည်။ ပြဿနာ အများအပြား ရင်ဆိုင်နေရသည့် ထိုရဟန်းက စွပ်စွဲချက်များကို ငြင်းဆိုသည်။

(ရန်ကုန်) — ဩဂုတ်လမိုးကြောင့် စိုစွတ်နေသော ရန်ကုန်မြို့နှင့်အပြိုင် အသက် ၂၄ နှစ်အရွယ် မအိစန္ဒာ၏ မျက်လုံးများသည်လည်း စိုစွတ်နေသည်။ ဆံပင်ကို အုပ်လုံးသိမ်းထားသော ဖြူဖြူသွယ်သွယ်နှင့် ခပ်ချောချော မိန်းကလေး၏ တစ်ခါလည်သားအရွယ် ဖြူဖြူဖွေးဖွေး သားငယ်လေးက နို့ဆာသဖြင့် ဂျီကျသော်လည်း ချစ်စရာ ကောင်းနေသည်။ သူ့ဇာတ်ကြောင်းကိုပြောနေစဉ် မျက်နှာမကောင်းသော်လည်း သားလေးကိုချော့မြှူ နေစဉ် သူ့မျက်မှာက မေတ္တာပြည့်လျှံလို့နေသည်။

စစ်ကိုင်းတိုင်း ဒေသကြီး ကန့်ဘလူမြို့နယ် ဇီးကုန်းမြို့အပိုင် မင်းကုန်း(ဂ)ကျေးရွာ ဇာတိ ၎င်းသည် သူ့ဇာတ်ကြောင်းကို ပြောပြရန်အတွက် မိုင်ပေါင်းများစွာဝေးသောရန်ကုန်မြို့သို့ ရောက်ရှိနေ ခြင်းဖြစ်သည်။ သူချီထားသည့် ချစ်စဖွယ် ကလေးငယ်သည် သူလိုချင်သဖြင့် ရလာသော ကလေးတော့ မဟုတ်ဘဲ ထို ကလေး၏ ဖခင်က သူ့ကို မတရားပြုကျင့်ခဲ့သဖြင့် ရလာသော ကလေး ဟု သူက ပြောသည်။ သည့်ထက် ပိုဆိုးသည့် အချက်က ထိုကလေး၏ ဖခင်ဟု မအိစန္ဒာ စွပ်စွဲသောသူသည် ၎င်းတို့ မင်းကုန်းရွာမှာပင်ရှိသည့် မဟာဗောဓိမြိုင် ဆရာတော်ကြီး၏ နတ်တလူ သာသနာပြုစခန်းမှ ဦးပဉ္စင်းတစ်ပါး ဖြစ်နေသောကြောင့်ပင်။

ခုနစ်တန်းအထိသာ ကျောင်းနေဖူးသည့် မအိစန္ဒာသည် မိဘပိုင်လယ်လုပ်ငန်းကို ကူလုပ်ရင်းကြီးပြင်းခဲ့သူ ဖြစ်သည်။ ၂၀၁၅ ခုနှစ်တွင် ရွှေဘိုမြို့နယ်ရှိ ကျေးရွာတစ်ရွာတွင် ရက်ကန်းပညာ သွားရောက်သင်ကြားနေစဉ် မိဘများနှင့် ဆရာ-ဒကာ ဆက်ဆံရေးရှိသည့် နတ်တလူသာသနာပြုစခန်းမှ အသက် ၅၀ ဝန်းကျင်အရွယ် ဦးဝရဉာဏ (လူအမည် ဦးဝင်းနိုင်) က ၂၀၁၅ ဒီဇင်ဘာလအတွင်း ဖုန်းဆက်လာပြီး မအိစန္ဒာတို့ အိမ်က ခြုံစောင် လူကြုံပါးလိုက်သဖြင့် လာယူပါ ဟု ဆိုသဖြင့် ၎င်းရက်ကန်းသင်နေသည့် ရွာမှ ရွှေဘိုမြို့ပေါ်သို့ သုံးဘီးစီးကာ ချိန်းထားသည့်နေရာသို့ သွားရောက်ခဲ့သည်ဟု ဆိုသည်။

“သုံးဘီးဂိတ်မှာ သူက လှမ်းခေါ်တော့ မမှတ်မိဘူး။ သူက ခေါင်းတုံးကိုမှ လူဝတ်နဲ့။ ဘောင်းဘီတို ဝတ်ထားတယ်။ မျက်မှန်နဲ့။ ဆိုင်ကယ်စီးရမှာမို့လို့ လူဝတ်ခဏလဲလာတာတဲ့။ ကျွန်မက ‘ဦးပဉ္စင်း၊ စောင်ရော’ ဆိုတော့ ‘တခြားနေရာ သွားယူရမှာ’လို့ပြောပြီး ဆိုင်ကယ်ပေါ်တက်ခိုင်းတယ်။ ကိုယ်ဦးတိုက်နေကျ ဘုန်းကြီးပဲလေဆိုပြီး ယုံယုံကြည်ကြည်နဲ့ လိုက်သွားမိတယ်”ဟု ၎င်းက Myanmar Now ကိုပြောပြ သည်။

ဦးဝရဉာဏသည် မအိစန္ဒာအား ဘူတာတစ်ခုအနီးရှိ ဒကာ၊ ဒကာမများအိမ်ဟုဆိုသော အဆောက်အအုံ တစ်လုံးထဲ ခေါ်သွားပြီး အခန်းထဲလိုက်ခဲ့ဟု ခေါ်သဖြင့် လိုက်ဝင်သွားသည်ဟု ဆိုသည်။ အခန်းထဲ ရောက်သည့်အခါ ထိုဦးပဉ္စင်းကတံခါးပိတ်လိုက်ပြီး ခြုံစောင်လူကြုံပေးလိုက်သည် ဆိုသည်မှာ လိမ်ပြောခြင်း ဖြစ်ကြောင်း၊ သူနှင့် “အိပ်ရမယ်၊ မအိပ်ရင် ပြန်မပို့ဘူး”ဟု ခြိမ်းခြောက်ကြောင်း မအိစန္ဒာက ပြောသည်။

“ကျွန်မလည်း ‘ဦးပဉ္စင်းရယ် ဘယ်လိုကြီးပြောနေတာလဲ၊ တပည့်တော်က ဘာလို့ အရှင်ဘုရားနဲ့ အိပ်ရမှာလဲ’ပေါ့။ သူ့ကို မလုပ်ဖို့ ငိုယိုပြီး တောင်းပန်တာ မရဘူး။ ခြေသလုံးဖက်ပြီး တောင်းပန်ခဲ့သေးတယ်၊ ‘မသင့်တော်ပါဘူး ဘုရား’လို့။ သူက ‘နင်အခုရောက်နေတာ ဒါကုလားတည်းခိုခန်းတဲ့။ နင့်ကိုဘယ်သူမှ ကူညီမှာ မဟုတ်ဘူး တဲ့။ နင့်ကို သတ်ထားခဲ့လည်း ဘယ်သူမှ သိမှာမဟုတ်ဘူး’ဆိုပြီး ပြောတယ်”ဟု ၎င်းက ပြန်ပြောပြသည်။

ဦးဝရဉာဏသည် မအိစန္ဒာကို သားမယားပြုကျင့်ပြီးနောက် ဆေးနှစ်လုံးတိုက်ကာ ရက်ကန်းသင်နေသည့် ရွာသို့ ပြန်ပို့ပေးခဲ့သည်ဟု ဆိုသည်။

တစ်ကြိမ်နဲ့မရပ်

မအိစန္ဒာသည် ၂၀၁၆ ခုနှစ် မေလတွင် မင်းကုန်းရွာသို့ ပြန်လာခဲ့ပြီး ရက်ကန်း ရက်ကြောင်း၊ ယင်းနှစ် နိုဝင်ဘာလခန့်တွင် ဦးဝရဉာဏသည် မအိစန္ဒာ အိမ်မှာ တစ်ယောက်တည်း ရှိနေစဉ် အိမ်ပေါ်သို့ တက်လာပြီး ဒုတိယအကြိမ် ကျူးလွန်ပြန်ကြောင်း ၎င်းက ဆိုသည်။

“ရွာထဲအိမ်မှာဖြစ်နေတော့ ရှက်တာကြောက်တာလည်း ပါတယ်။ လူကြီးတွေကို ပြန်ပြောရင် သတ်ပစ်မယ် လို့ ပြောတာနဲ့ ကြိတ်မှိတ်သည်းခံလိုက်ရတယ်” ဟု ပြောသည်။

နောက်တစ်လခန့်အကြာတွင် မအိစန္ဒာကို ဦးဝရဉာဏက တတိယအကြိမ် ကျူးလွန်ပြန်သည်ဟု ဆိုသည်။ ကျူးလွန်သည့်နေရာမှာ နတ်တလူ သာသနာပြုစခန်းအနီး ၎င်းတို့ လယ်တောရှိ တဲအတွင်း ဖြစ်ပြီး ကောက်လှိုင်းတိုက် သွားရောက်စဉ် ထိုဘုန်းကြီးရောက်လာခြင်း ဖြစ်သည်ဟု ဆိုသည်။

“ ‘ဒီတစ်ခါတော့ ငါလူထွက်ပြီး တကယ်ယူမှာပါ။ နင့်ဘဝကိုလည်း ငါဖျက်ဆီးတာ နှစ်ခါရှိပြီ။ သူက လူထွက် ယူမယ်ပြောနေတော့ ကျွန်မလည်း လက်ခံလိုက်မိတယ်။ ကိုယ့်အပျိုရည်လည်း ပျက်ပြီးမှတော့ နောက် အိမ်ထောင်ပြုဖို့ဆိုတာ မလွယ်တော့ဘူး။ အပျိုစင်လုံးဝမှ မဟုတ်တော့တာ”ဟု မအိစန္ဒာက မျက်ရည်ဝဲရင်း ပြောပြသည်။

ထိုနေ့ ဆက်ဆံပြီးချိန်မှစကာ မအိစန္ဒာတွင် ကိုယ်လေးလက်ဝန်ရှိလာခဲ့မှန်း သတိပြုမိခဲ့သည်။ ဦးဝရဉာဏကလည်း လက်ထပ်ယူမည်ဟု တွင်တွင်ပြောနေသဖြင့် လူထွက်ပြီး လက်ထပ်မည့်နေ့ကို စောင့်ဆိုင်းခဲ့သော်လည်း ကိုယ်ဝန်တဖြည်းဖြည်း လရင့်လာစဉ် အိမ်မှ ယောက်မ ဖြစ်သူက သင်္ကာမကင်းဖြစ်ကာ ဆီးစစ်ကြည့်မည်ဟု ဆိုလာသည့်အခါ မအိစန္ဒာ တစ်ယောက် ထိတ်လန့်ကာ ထွက်ပြေးဖို့ ဦးဝရဉာဏကို ဆက်သွယ်သည်။ ၂၀၁၇ ခုနှစ် ဇွန်လ ၅ ရက်နေ့ မှာ ဖြစ်သည်။

ထိုနေ့ညနေတွင် ဦးဝရဉာဏသည် မအိစန္ဒာကို အခြားလူ သုံး၊ လေးဦးနှင့်အတူ ကားဖြင့်ရွှေဘိုမြို့သို့ လိုက်သွားခိုင်းခဲ့သည်။ ဟိုရောက်မှ သူ့ကိုယ်ဝန်ကိုဖျက်ချဖို့ ခေါ်ခဲ့မှန်းသိရသည်။ ကိုယ်ဝန်က ခုနစ်လရှိပြီဖြစ်သဖြင့် ဖျက်မရဟု လက်သည်က ပြောသလို မအိစန္ဒာ ကလည်း သဘောမတူပေ။ မဟာဗောဓိမြိုင် ဆရာတော်အား လှူထားသော ကားဖြင့် ဦးဝရဉာဏကိုယ်တိုင် နတ်တလူ ကျောင်းမှ ရွှေဘိုသို့ ထိုညတွင် လိုက်လာခဲ့ပြီး မအိစန္ဒာကို မည်သည့် နေရာမှန်း မသိသည့် တောတွင်း တစ်နေရာရှိ နေအိမ်တစ်အိမ်သို့ ခေါ်သွားကာ ၎င်း၏ယောက်ဖအပါအဝင် လူနှစ်ယောက်နှင့် ထားပစ်ခဲ့သည်ဟု ဆိုသည်။

“အဲဒီမှာ လေး၊ ငါးရက်လောက်နေတော့ ဘုန်းကြီးရဲ့ ညီဝမ်းကွဲ အောင်ဖြိုးဝေရောက်လာပြီး သူနဲ့ ဟန်ဆောင် လက်ထပ်ခိုင်းတယ်။ အောင်ဖြိုးဝေနဲ့ လူသိရှင်ကြား ရွာမှာ လက်ထပ်မယ်ဆိုရင် ရွာပြန်ပို့ ပေးမယ်၊ လက်မထပ်ရင် ပြန်မပို့ပေးဘူးတဲ့။ ကျွန်မလည်း ကိုယ်ဘယ်ရောက်နေမှန်းတောင် မသိရဘူး။ ‘နင့်ကို ရောင်းစားပစ်လိုက်လို့ရတယ်’လို့ ပြောတယ်။ ကိုယ်ဝန်လည်း ရင့်ပြီဆိုတော့ တစ်ခုခု လုပ်လိုက်မှာ စိုးရိမ်တယ်လေ။ သူတို့ ပြောတဲ့အတိုင်း လက်ခံခဲ့ရ တယ်”ဟု မအိစန္ဒာက ပြောပြသည်။

ဘုန်းကြီး၏ညီဝမ်းကွဲ အောင်ဖြိုးဝေသည် သူနှင့် ဟန်ဆောင်လက်ထပ်ပေးသဖြင့် ဆိုင်ကယ်တစ်စီးနှင့် ကျပ်သုံးသိန်း ဘုန်းကြီးထံမှရကြောင်း၊ အောင်ဖြိုးဝေနှင့်မအိစန္ဒာတို့သည် ဟန်ဆောင်လက်ထပ်ခြင်းသာ ဖြစ်ပြီး တစ်ကြိမ်မှ ကာမ ဆက်ဆံခဲ့ခြင်း မရှိကြောင်း မအိစန္ဒာက ပြောသည်။ ထို့နောက် မိတ္ထီလာမြို့နယ်ရှိ ညောင်ပင်သာရွာသို့ အောင်ဖြိုးဝေက သူ့ကိုခေါ်သွားပြီး ၎င်း၏မိဘများအိမ်တွင် ထားခဲ့သည်ဟု ဆိုသည်။ ညောင်ပင်သာရွာမှာပင် သားယောက်ျားလေးကို ၂၀၁၇ ခုနှစ် ဇူလိုင်လ ၆ ရက်နေ့တွင် မီးဖွားခဲ့သည်။

“အောင်ဖြိုးဝေက ညောင်ပင်သာကို ပို့ပြီးပြီး နယ်မှာအလုပ်ရှိလို့ဆိုပြီး ထွက်သွားတယ်။ ကလေး နှစ်လ သားရှိမှ ပြန်လာပြီးရွာပြန်ပို့ဖို့စီစဉ်တယ်။ ရွာပြန်ရောက်တော့ နှစ်ရက်နေပြီး သူက မန္တလေးပြန်သွား တယ်”ဟု မအိစန္ဒာက ဆိုသည်။ မိသားစုဝင်များက ၎င်းနှင့်အောင်ဖြိုးဝေတို့ အမှန်တကယ် လင်မယား ဟုတ်မဟုတ် သင်္ကာမကင်း ဖြစ်ပြီး မေးမြန်းရာမှ ဦးဝရဉာဏ၏ ကလေးဖြစ်မှန်း ပြောပြခဲ့သည်။ ဖြစ်ကြောင်း ကုန်စင်ကို ဆွေမျိုး သားချင်းများနှင့် ကျေးရွာအုပ်စု အုပ်ချုပ်ရေးမှူးတို့ကို ပြောပြခဲ့ပြီးနောက်တွင် ကာမ လိမ်လည်မှုဖြင့် ကန့်ဘလူမြို့နယ် တရားရုံးသို့ ယခုနှစ် မေလ ၂၉ ရက်နေ့တွင် ဦးတိုက်လျှောက်ထားခဲ့သည်။

“စစချင်းကတည်းက မတိုင်ခဲ့မိတာ နောင်တရတယ်။ ကိုယ်လည်း အပျိုရည် ဖျက်ဆီးခံခဲ့ရပြီဆိုတော့ မထူးတော့ဘူးလေ”ဟု မအိစန္ဒာက ပြတင်းပေါက်မှတစ်ဆင့် ရန်ကုန်မြို့ကိုကြည့်ရင်း ပြောသည်။ ဦးဝရဉာဏသည် တခြားသော မာတုဂါမများနှင့်လည်း ဖောက်ပြန်သည့် သတင်းများ ထပ်ကြားရသည်ဟု ပြောသည်။

“ကျွန်မတိုင်ပြီးနောက်ပိုင်း ဘုန်းကြီးနဲ့ဖြစ်လို့ဆိုပြီး ရွာထဲမှာ အသံထွက်လာတာတွေရှိတယ်။ သူ့ဒကာမတွေထဲကပဲလို့ ပြောတယ်။ သူတို့ကတော့ ကျွန်မလို မတိုင်ကြဘူး”ဟု မအိစန္ဒာက ပြောသည်။

ယခုအခါ မအိစန္ဒာသည် ၎င်း၏သားငယ်၊ မိခင်ဖြစ်သူတို့နှင့်အတူ ကန့်ဘလူခရိုင် ဇီးကုန်းမြို့ရှိ ဆန်စက် ပိုင်ရှင် ဦးလေးဝမ်းကွဲအိမ်တွင် နေထိုင်နေကြသည်ဟု ပြောသည်။ ဦးဝရဉာဏအပေါ် ကာမလိမ်လည်မှု ဖြင့် ဦးတိုက် လျှောက်ထားသည့် အမှုအတွက် ရုံးချိန်းသုံးကြိမ် သွားရောက်ပြီးပြီဟု ဆိုသည်။ ကာမ လိမ်လည်မှု အတွက် အမြင့်ဆုံးပြစ်ဒဏ်မှာ ထောင်ဒဏ်သုံးနှစ်ဖြစ်သလို ငွေဒဏ်လည်း ချမှတ်နိုင်သည်။

ထိုကိစ္စနှင့်ပတ်သက်ပြီး ဦးဝရဉာဏကို မြို့နယ် သံဃနာယကကလည်း ခေါ်မေးမြန်းခဲ့သည်။ သို့သော် ဦးဝရဉာဏသည် ဓမ္မစက်၊ အာဏာစက်တို့ဖြင့် အရေးယူမခံရသေးဘဲ နတ်တလူကျောင်းမှာပင် ယနေ့ အထိ ဆက်လက် သီတင်းသုံးနေမြဲဖြစ်သည်။

ဦးဝရဉာဏဆိုတာ ဘယ်သူလဲ

မင်းကုန်းရွာ ဇာတိ ဖြစ်သည့် မဟာဗောဓိမြိုင်ဆရာတော်ကြီးနှင့် တစ်ရွာတည်းသား ဦးဝရဉာဏသည် ဆရာတော်ကြီး ရွာတွင်ရှိစဉ်အခါက ရဟန်းဘောင်ဝင်ခဲ့ပြီး ဆရာတော်ကြီး တောရဆောက်တည်စဉ်မှစကာ နတ်တလူ သာသနာပြု စခန်း၏ ကျောင်းစောင့်ဖြစ်လာခဲ့သည်ဟု ကန့်ဘလူမြို့နယ် သံဃနာယက အဖွဲ့ ဥက္ကဋ္ဌ ဆရာတော် ဘဒ္ဒန္တ အာလောကစာရက Myanmar Now ကို ဩဂုတ်လ ၃ ရက်နေ့က မိန့်သည်။

ဦးဝရဉာဏကို မအိစန္ဒာနှင့်စွပ်စွဲသည့်ကိစ္စ ကန့်ဘလူ မြို့နယ် သံဃနာယကအဖွဲ့က ခေါ်တွေ့ မေးမြန်းစဉ် ဦးဝရဉာဏက “ငြင်းလည်းမငြင်း၊ ဝန်လည်းဝန်မခံ”ကြောင်း၊ တခြားကျောင်းသို့ ပြောင်းရွှေ့သီတင်းသုံးရန် တိုက်တွန်းသည့်အခါ ဦးဝရဉာဏက “တပည့်တော် စဉ်းစားပါဦးမယ်” ဟု ပြောကာ ပြန်သွားကြောင်း၊ နောက်ထပ် ခေါ်သည့်အခါ မလာရောက်တော့ကြောင်း ဥက္ကဋ္ဌဆရာတော်က မိန့်သည်။

ရဟန်းဝါ ၂၀ ကျော်ပြီဟုဆိုသည့် ထိုဘုန်းကြီးသည် တပည့်တပန်းပေါများပြီး ဩဇာညောင်းသူဖြစ်သည်ဟု ၎င်းနှင့် နီးစပ်သူများက ပြောသည်။ မအိစန္ဒာနှင့်ဖြစ်သော အမှုအပြင် ဦးဝရဉာဏ သည် ၎င်းသီတင်းသုံးရာ နတ်တလူသာသနာပြုစခန်း၏ ဂေါပကအဖွဲ့နှင့်လည်း တရားတဘောင်ဖြစ်ထားသည်။

အဆိုပါသာသနာပြုစခန်းတွင် မဟာဗောဓိမြိုင်ဆရာတော်ကိုယ်တိုင် ဖွဲ့စည်းပေးခဲ့သည့် နတ်တလူ သာသနာပြုအသင်း အမည်ဖြင့် ဂေါပကတစ်ဖွဲ့ရှိသည်။ နှစ်စဉ် ဘုရားဖူး ၆၀,၀၀၀ ခန့် လာရောက်လေ့ရှိသည့် နတ်တလူ စခန်း၏တပေါင်းပွဲတော်ကာလအတွင်း လွန်ခဲ့သည့်ငါးနှစ်ခန့်မှစပြီး ဦးဝရဉာဏက တရားဟောဆရာတော်များအတွက်ဟု အကြောင်းပြကာ ဘုရားဖူးများထံမှ အလှူငွေကောက်ခဲ့သဖြင့် ၎င်းနှင့် ဂေါပကတို့ အကြား စပြီးအဆင်မပြေဖြစ်ခဲ့ကြောင်း ဂေါပကဥက္ကဋ္ဌ ဦးလှထွန်းဝင်းက ပြောပြသည်။

ကာလရှည်ကြာ အဆင်မပြေဖြစ်ခဲ့ရာမှ ယခုနှစ်အတွင်း ဂေါပက အစည်းအဝေး လုပ်နေစဉ် ဦးဝရဉာဏ၏ ညီဟုဆိုသူ (ဘုန်းကြီးအဆိုအရ ဒကာ) နှစ်ဦးက ပေါက်ပြားကိုင်ကာ ဝင်ရောက်ခြိမ်းခြောက်သည်ဟုဆိုကာ ဂေါပကအဖွဲ့က ထိုနှစ်ဦးကို ရဲစခန်းတွင် အမှုဖွင့်လိုက်သည်။ ကန့်ဘလူ-ဇီးကုန်းရဲစခန်းက အဆိုပါအမျိုးသား နှစ်ဦးကို ၂၂ ရက်ကြာ ထိန်းသိမ်းခဲ့ပြီးနောက် ပြန်လွှတ်ပေးခဲ့သည်။

စစ်မျက်နှာများတဲ့ဦးဝရဉာဏ
ဂေါပကအဖွဲ့သည် ဇူလိုင်လအစောပိုင်းတွင် အလုပ်အမှုဆောင်အဖွဲ့အစည်းအဝေးထိုင်ပြီး ဦးဝရဉာဏကို သာသနာပြုစခန်းမှ နှင်ရန် ဆုံးဖြတ်ခဲ့သည်။ ဦးဝရဉာဏကမူ ထွက်မသွားဘဲ ဆက်နေမြဲနေသည့် အပြင် ဂေါပကအဖွဲ့ဝင် ၂၂ ဦးကိုလည်း ပိုင်နက်ကျူးလွန်မှုဖြင့် အမှုပြန် ဖွင့်ခဲ့သည်။ လက်ရှိတွင် ဂေါပကအဖွဲ့ဝင်များသည် အာမခံဖြင့်တရားရင်ဆိုင် နေကြရသည်။

ထို့ပြင် ပေါက်တူးဖြင့် ဝင်ရောက်ကာ ခြိမ်းခြောက်မှုဖြင့် ရဲစခန်းတွင် ၂၂ ရက်ကြာ ထိန်းသိမ်းခဲ့ရသည့် ၎င်း၏ ဒကာ နှစ်ဦးသည် လူ့အခွင့်အရေး ချိုးဖောက်ခံရခြင်းဖြစ်သည်ဟု ဆိုပြီး ဦးဝရဉာဏက မေလအတွင်းက နိုင်ငံတော်သမ္မတနှင့် အတိုင်ပင်ခံပုဂ္ဂိုလ်တို့ အပါအဝင် ဝန်ကြီး၊ ဝန်ကြီးချုပ်၊ ရဲချုပ်၊ တရားသူကြီးချုပ် စသည့် မဏ္ဍိုင်သုံးရပ်မှ ထိပ်ပိုင်းခေါင်းဆောင် ၁၃ ဦးတို့ထံ တစ်သီတစ်တန်းကြီး တိုင်စာပို့ခဲ့သည်။

ဦးဝရဉာဏ၏ ညီဝမ်းကွဲဟုဆိုသူ အောင်ဖြိုးဝေကလည်း ၎င်း၏ “ဇနီး” မအိစန္ဒာတို့ လက်ရှိ နေထိုင်ရာ ဇီးကုန်းမြို့မှဦးလေးဝမ်းကွဲအပေါ် မယားခိုးမှုဖြင့် အမှုဖွင့်ပေးရန် တိုင်ခဲ့သည်။ ထို့ပြင် ထိုသို့ တိုင်ကြားသည့်အပေါ် မည်သို့မျှ အရေးမယူဟု ဆိုကာ ဇီးကုန်းရဲစခန်း ခေတ္တစခန်းမှူး ဒုရဲအုပ်နေမိုးကို အရေးယူပေးရန် အနောက်မြောက်တိုင်း စစ်ဌာနချုပ်ထံ တိုင်ကြားထားပြန်သည်။

ဘုန်းတော်ကြီး၏ အရှုပ်အထွေးသတင်းများကြောင့် ယခင်ကလူစည်ကားခဲ့သည့် သာသနာပြုနယ်မြေ လူအလာနည်းသွားကြောင်း ဂေါပကအဖွဲ့ အတွင်းရေးမှူး ဦးဝင်းဆွေက ပြောသည်။

“ဒီသတင်းက အကုန်ပျံ့နေပြီ။ တပေါင်းပွဲကြီးဆို အရင်နှစ်တွေလောက်မစည်ဘူး။ တကယ်ကို မ,တည် လှူဒါန်းတဲ့အလှူရှင်တွေလည်း ဒီသတင်းတွေကြားတဲ့အခါ မလှူတော့တာလည်းရှိတယ်” ဟု ၎င်းက ပြောသည်။ ဦးဝရဉာဏကို ယခုအထိ အရေးမယူနိုင်သေးခြင်းမှာ ၎င်းကိုထောက်ခံသူများ ကျန်ရှိနေသေး၍ ဖြစ်သည်ဟု ဦးဝင်းဆွေက ဆက်ပြောသည်။

“ဆင်ဖြူတော်မှီပြီး ကြံစုပ်သလိုပေါ့။ သူက (ဒီအနီးအနားက) ကျောင်းခြောက်ကျောင်းရဲ့ ထောက်ခံချက်ကို ရထားလို့ ဒီလို နေနေတာပေါ့။ နောက်ပြီး ဆရာတော်ကြီးအရှိန်နဲ့ အရင်က မသိလို့ လှူတဲ့ ဒကာတွေ ရှိတယ်။ ခုတော့စဲသွားပြီ”ဟု ၎င်းက ပြောသည်။

ဦးဝရဉာဏကမူ မအိစန္ဒာအပေါ် လိင်ကိစ္စကျူးလွန်ခဲ့သည် ဆိုသော စွပ်စွဲချက်ကိုရော၊ ဂေါပက အဖွဲ့၏ တိုင်တန်းချက်ကိုရော ငြင်းဆိုသည်။ ၎င်းကို စွပ်စွဲနေသည့် ဂေါပကအဖွဲ့သည်လည်း တရားဝင်အဖွဲ့အစည်း မဟုတ်ဟု ဆိုကာ သူ့အပေါ်စွပ်စွဲချက်များကို အပြင်းအထန်ငြင်းဆန်သည်။

“ဘုန်းကြီးကတော့ လုပ်ကြံတယ်လို့ထင်တာပဲ။ သံဃနာယကအဖွဲ့အစည်း စုံစုံလင်လင်နဲ့ လုပ်တယ်လို့ မထင်ဘူး။ နှစ်ပါး၊ သုံးပါးနဲ့တင် ဆုံးဖြတ်တာလို့ပဲထင်တယ်” ဟု စွပ်စွဲခံဆရာတော် ဦးဝရဉာဏက Myanmar Now ကို ဖုန်းဖြင့် ဖြေကြားသည်။

ဦးဝရဉာဏကို ထောက်ခံသည့်ဒကာအချို့ကမူ ၎င်းတို့ကိုးကွယ်သည့်ဘုန်းကြီးသည် မတရားစွပ်စွဲခံရခြင်းသာ ဖြစ်ပြီး “အမှန်တရားပေါ်ပေါက်ရေးအတွက် ကူညီရန်”ဟု ဆိုကာ ဒကာတစ်ဦးဖြစ်သည့် ဦးဇော်ဇော်က Myanmar Now ထံ Viber မှ တစ်ဆင့် စာရွက်စာတမ်းများပေးပို့ခဲ့သည်။ သို့သော် နောက်ပိုင်းတွင် Myanmar Now က ဖုန်းဆက်တိုင်း အသံကြည်လင်စွာ မကြားရကြောင်းသာ ပြောဆိုပြီးဖုန်းချသွားခဲ့သည်။

စစ်ကိုင်းတိုင်းဒေသကြီး သာသနာရေးဦးစီးဌာနက အဆိုပါပြဿနာကို ကြားဝင်ရန်ပြင်ဆင်နေပြီး တိုင်းအဆင့် သံဃမဟာနာယကဥက္ကဋ္ဌကကိုယ်တိုင် ဦးဝရဉာဏကို ခေါ်ယူ “ဩဝါဒပေး”မည်ဟု ကြားကြောင်း၊ မည်သည့်နေ့ဖြစ်မည်တော့ မသိကြောင်း ယင်းဌာန ညွှန်ကြားရေးမှူး ဦးအောင်ဝင်းထွန်းက Myanmar Now ကို ဩဂုတ်လ ၉ ရက်နေ့က ပြောသည်။

ကန့်ဘလူ မြို့နယ် သံဃနာယကအဖွဲ့ ဥက္ကဋ္ဌဆရာတော်ကမူ ရဲအနေဖြင့် ဦးဝရဉာဏကို ရဟန်းအဖြစ်မှ သိက္ခာမချဘဲ သင်္ကန်းချွတ်ကာ ဖမ်းဆီးစစ်ဆေးပိုင်ခွင့်ရှိကြောင်းမိန့်သလို “ဘုန်းကြီးတို့ကတော့ ဥပဒေအတိုင်း ဆောင်ရွက်ဖို့ ထုတ်ပြန်ပြီးသွားပြီ။ အခုထိတော့ (ရဲဘက်က) ဘာမှမလုပ်သေးတာ” ဟုလည်း မိန့်သည်။

ကန့်ဘလူ-ဇီးကုန်းရဲစခန်းမှ ခေတ္တစခန်းမှူး ဒုရဲအုပ်နေမိုးကမူ သံဃာတစ်ပါးကို ရဲက လူဝတ်မလဲနိုင်ကြောင်း ပြောသည်။ “လူဝတ်လဲပေးဖို့ဆိုတာ ရဲအသာထား၊ တရားသူကြီးကတောင်အမိန့်မချရဲဘူး။ ဒီပြစ်မှုကို တကယ် ကျူးလွန်တယ် ဆိုရင် မြို့နယ်သံဃနာယက ကိုယ်တိုင်လူဝတ်လဲပေးရမှာ” ဟု ဆိုသည်။

မဟာဗောဓိမြိုင်ဆရာတော်ကြီး၏ သဘောထား

မြန်မာ ဗုဒ္ဓဘာသာဝင် အများအပြား ကြည်ညိုကြသည့် မဟာဗောဓိမြိုင်ဆရာတော်ကြီးသည် နတ်တလူ သာသနာပြုစခန်းကို နှစ် ၂၀ ကတည်းက အစောင့်ထားခဲ့ပြီး နေရာအနှံ့ တောရဆောက်တည်ကာ တစ်ပါးတည်း တရားဓမ္မကျင့်ကြံနေသူ ဖြစ်သော်လည်း ၎င်း၏ တပည့်ဖြစ်သူ ဦးဝရဉာဏအရှုပ်အထွေးကိစ္စ ကြားသိရသည့်အခါ မြို့နယ် သံဃနာယကထံ လက်ရေးဖြင့် စာတစ်စောင် ဆက်ကပ်ခဲ့သည်။

“ယခု ဘုရားတပည့်တော်များထံ ရောက်ရှိလာသည့် အမှုနှင့်ပတ်သက်လျှင် အမှုထင်ရှားပါက … ဓမ္မစက် အာဏာစက်တို့ဖြင့် လိုအပ်သလို ဆောင်ရွက်နိုင်ပါသည် အရှင်မြတ်ဘုရား”ဟု ထိုစာတွင် ဖော်ပြထားသည်။ ဆရာတော်ကြီး၏ ဒကာဒကာမများက ဤသတင်းကြားသော်လည်း ဆရာတော်ကြီးနှင့် ဦးဝရဉာဏတို့ အပေါ် သပ်သပ်စီမြင်ကြသည်။

“ကြားတယ်ဗျ။ ဒါနဲ့ပတ်သက်လို့ကတော့ ဆရာတော်ကြီးက ဆရာတော်ကြီး အပိုင်းပါပဲ။ သူကတော့ တကယ့် သူတော်စင်ဆိုတော့ ခု ဖြစ်နေတဲ့ကိစ္စမှာ မထိခိုက်နိုင်ဘူးလို့ ထင်ပါတယ်။ မဟုတ်တာ လုပ်တဲ့သူ ကတော့ မဟုတ်တဲ့လမ်းကိုပဲ သွားကြမှာပေါ့နော်။ သီလနဲ့ မပြည့်စုံဘူးဆိုရင် သူ့အပြစ်နဲ့သူ သွားမှာပါပဲ”ဟု ဆရာတော်ကြီးရေးသားခဲ့သည့် စာအုပ်များကို ထုတ်ဝေဖြန့်ချိသည့် မန္တလေးမြို့ မဟာမြိုင် စာပေမှ ဦးခင်မောင်ဝင်းက ပြောသည်။

တရားလို မအိစန္ဒာကမူ အမှန်တရားပေါ်ပေါက်စေချင်နေပြီး သူ့အတွက်တရားမျှတမှုကို လိုလားနေသည်။

“ကျွန်မဆန္ဒမပါဘဲ (အောင်ဖြိုးဝေနဲ့) လက်ထပ်စာချုပ်မှာ လက်မှတ်ထိုးခဲ့ရတာ။ ကလေးလေးမွေးတဲ့အထိ ကျွန်မအနားမှာ ဘယ်သူမှ ရှိတာမဟုတ်ဘူး။ ဒီအမှုလည်း အမှန်အတိုင်းပဲ ဖြစ်စေချင်တယ်။ သူ့ပြစ်ဒဏ်သူ ခံစေချင်တယ်”ဟု ဩဂုတ်လဆန်းပိုင်းက Myanmar Now ကိုပြောသည်။

မအိစန္ဒာ၏မိခင် မုဆိုးမဖြစ်သူဒေါ်သန်းကတော့ မည်သူ့ကိုမှအပြစ်မတင်ဘဲ ကံကိုသာပုံချသည်။

“ကိုယ်တွေလည်း ဒီလို တရားရုံးတွေ၊ ရဲစခန်းတွေ တိုင်ရမယ်ဆိုတာ သိတာ မဟုတ်ဘူးလေ။ ဒီကိစ္စတွေ အခုမှ သိရတာလည်း သူ ဒီလောက်ထိ နုံတာလေ။ အဒေါ်က တရားနဲ့ပဲဖြေတယ်။ သူ့ဟာနဲ့သူ နိဋ္ဌိတံ (ပြီးဆုံး) သွားလိမ့်မယ်”ဟု ရန်ကုန်သို့လိုက်လာသည့် ၎င်းက သမီးနှင့်မြေးကို ငေးကြည့်ရင်း ပြောသည်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းဆောင်းပါး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)