မောင်လူပေ ● မြန်မာ့ မူးယစ်ရာဇာ (၂)

August 26, 2018

● မြန်မာ့ မူးယစ်ရာဇာ (၂)
(မိုးမခ) သြဂတ်စ် ၂၆၊ ၂၀၁၈


မြန်မာပြည်ရဲ့ နာမည်ကျော် မူးယစ်ရာဇာတွေထဲမှာ ဘိန်းဘုရင်ဟု နာမည်ကျော်သူတစ်ယောက်ရှိသေး၏။ ဦးခွန်ဆာဟု ခေါ်သည်။

ဦးခွန်ဆာက တရုတ်၊ ရှမ်းကပြား။ တရုတ်နာမည်က ဇောင်စီဖူးဟု အမည်ရသည်။ လွယ်မိန်းဇာတိ။ အသက်(၁၆)နှစ်ထဲက နယ်မြေခံ သူပုန်တပ်ထောင်ခဲ့သူ။ ထိုမှစ၍ လားရှိုးအနီးမှ ကာကွယ်ရေးတပ်အမည်ရ ပြည်သူ့စစ်ခေါင်းဆောင်ဖြစ်လာသူ။ သူ့နယ်ရှိ ဗကပများနှင့် ရှမ်းသူပုန်တွေကို တိုက်ဖို့ အကြောင်းပြ၍ အစိုးရတပ်မတော်နှင့် ပူးပေါင်းသည်။ အစိုးရနောက်ခံဖြင့် ဘိန်းကုန်ကူးသည်။ ကိုးကန့်ခေါင်းဆောင် ဘိန်းဘုရင်လော်စစ်ဟန် အဖမ်းခံရပြီးနောက်မှာတော့ သူက ထိပ်တန်း ဘိန်းဘုရင်ကြီး ဖြစ်လာခဲ့သည်။

ကူမင်တန်တရုပ်ဖြူတပ်နှင့် လာအိုစစ်တပ်တို့ကလည်း ရွှေတြိဂံဒေသတွင် မူးယစ်ကုန်ကူးကြတော့ ဦးခွန်ဆာ၏ တပ်နှင့် မကြာခဏ တိုက်ကြရသည်။ သူရှုံးသည့်အခါလည်း ရှိ၏။ ဒီလိုနှင့် နယ်ခံစစ်ဘုရင်တစ်ဦးဖြစ်သူ ဦးခွန်ဆာနှင့် ပြည် တပ်မတော်တို့ ပူးပေါင်းဖို့ ဖြစ်လာခဲ့သည်။ ဒီတော့ မြန်မာ့တပ်မတော်က သူပုန်နှင့်ဆက်သွယ်မှုဖြင့် ၁၉၆၉တွင် သူ့ကိုဖမ်းဆီး တော့၏။ (ဘိန်းကုန်ကူး၍ အဖမ်းခံရခြင်းမဟုတ်။) သူ့ကို မန်းလေးထောင်တွင် ခေတ္တထိမ်းသိမ်းထားခဲ့သည်။ ၁၉၇၃တွင် ဆိုဗီယက်မှဆရာဝန်နှစ်ဦး တောင်ကြီးတွင် ပြန်ပေးဆွဲခံရပြီး ပြန်ပေးဆွဲသူ သူပုန်များက ခွန်ဆာကို လွှတ်ပေးရန် တောင်းဆို သဖြင့် အစိုးရက ၁၉၇၄တွင် သူ့ကို လျှို့ဝှက်စွာ လွှတ်ပေးခဲ့သည်။

ထိုအချိန်၁၉၇၄မှစ၍ ၁၉၉၄ခုနှစ်အထိ အနှစ်နှစ်ဆယ်တိုင်အောင် ရွှေတြိဂံဒေသ၏ ဘိန်းထွက်ကုန်စုစုပေါင်း၏ (၇၀)ရာခိုင်နှုန်းကို ထိန်းချုပ်ခဲ့သူလည်း ဖြစ်၏။ သူ့ဝင်ငွေမှာ ၁၉၉၀ ပတ်ဝန်းကျင်က တစ်နှစ်လျှင် အမေရိကန်ဒေါ်လာ သန်း (၆၀၀) ကျော် ရှိသည်ဟူ၏။ ထိုဝင်ငွေများဖြင့် သူ့တပ်ဖြစ်သော မော်ထိုင်းအာမီမှာလည်း လက်နက်ကိုင်တပ်သား နှစ်သောင်း ကျော်ထိ တိုးပွားခဲ့သည်။ မြန်မာ့တပ်မတော်ထက် ကောင်းသော ခေတ်မှီသော လက်နက်ခဲယမ်းများကိုပါ တပ်ဆင်ပေး ထားနိုင်ခဲ့သည်။

ရှမ်းပြည်တောင်ပိုင်းသို့ ဝင်ရောက်လာသော ဝပြည်တပ်မတော်၏ ထိုးစစ်၊ အမေရိကန်ဖိအားကြောင့် ထိုင်းနှင့်လာအိုရှိ သူ၏ အဆက်အသွယ်များ အဖမ်းခံရပြီး အဆက်အသွယ် ဖြတ်တောက်ခံရမှု၊ လွတ်လပ်သော ရှမ်းပြည်၏ သမ္မတအဖြစ် သူ့ကိုယ် သူ ခန့်အပ်ခဲ့မှုကို ရှမ်းပြည်သူလူထု၏ ထောက်ခံခြင်း မရခဲ့မှု၊ သူကမ်းလှမ်းသော နှစ်စဉ်ထောက်ပံ့ပေးရန် ငွေကြေးများကို အမေရိကန်နှင့် သြစတြေးလျှ အစိုးရတို့မှ ငြင်းပယ်ခံရမှုတို့ကြောင့် သူနှင့် မော်ထိုင်းအာမီမှ တပ်ဖွဲ့ဝင်များ အများစုက မြန်မာ့တပ်မတော်ထံ ၁၉၉၆ တွင် လက်နက်ချခဲ့ရသည်။ ဗိုလ်မှူးကြီးရွက်ဆစ်ဦးဆောင်သော သူ့တပ်မှ တပ်ဖွဲ့ဝင်အချို့ကတော့ ရှမ်းပြည်တပ်မတော် (တောင်ပိုင်း) အမည်ဖြင့် တောတွင်းမှာကျန်ရစ်ခဲ့သည်။ (အခုတော့ NCA လက်မှတ်ထိုးထားတဲ့ အပစ်ရပ်အဖွဲ့ပေါ့)

ဦးခွန်ဆာ၏ မော်ထိုင်းတပ်မတော်ကြီး လက်နက်ချပြီးနောက်တွင်မှ မြန်မာပြည်သည် ကမ္ဘာတွင် ဘိန်းစိုက်ပျိုးထုတ်လုပ်မှု အများဆုံးဖြစ်သည့် ပထမနေရာမှ ဒုတိယနေရာသို့ ဆင်းပေးခဲ့ရသည်။ ပထမနေရာကို အာဖကန်နစ္စတန်က ယူသွားခြင်း ဖြစ်၏။ ယခုတိုင် မြန်မာပြည်က ဒုတိယနေရာမှာ ရှိနေပါသေးသည်။ မကောင်းမှုဖြင့် ကမ္ဘာမှာ နာမည်ကြီးခြင်းထဲမှ တစ်ခုပေါ့။

ဦးခွန်ဆာ၏ ကမ္ဘာကျော်မှုကလည်း မသေးလှ။ အမေရိကန်အစိုးရမှ ဘိန်းဘုရင်ဦးခွန်ဆာကို ဖမ်းဆီးနိုင်ရန် သတင်းပေးပါက ဆုငွေဒေါ်လာနှစ်သန်းပေးမည်ဟု ကြေညာခံခဲ့ရသူလည်း ဖြစ်ခဲ့သည်။ ထိုင်းနိုင်ငံဆိုင်ရာ အမေရိကန်သံအမတ်၏ “ ဦးခွန်ဆာဟာ ကမ္ဘာ့လူသားထုအတွက် အဆိုးဆုံးရန်သူတစ်ယောက်ပါပဲ။” ဟုလည်း ပြောဆိုခံခဲ့ရဖူး၏။

ဘိန်းဘုရင်ကြီး ဦးခွန်ဆာကလည်း သူပိုင်ဆိုင်သော ဒေါ်လာငွေ တစ်ဘီလီယံနီးပါးမျှကို တပ်မတော်အစိုးရ အသက်ဆက် နိုင်ရေးအတွက် ပြန်လည်ကူညီခဲ့ပါ၏။ တိုင်းပြည်တွင်းရှိ အိမ်ခြံမြေများ ဈေးခေါင်ခိုက်အောင် တက်လာခဲ့ခြင်း၏ အဓိက ကျေးဇူးရှင်ကို ပြပါဆိုလျှင်လည်း သူပါပဲ။ ရန်ကုန်မန်းလေး အမြန်လမ်းကြီး ဖေါက်လုပ်နိုင်ရေးအတွက် နောက်ကွယ်က ထောက်ပံ့သူဟုလည်း ဆိုကြသည်။ လွယ်မိန်းကုမ္ပဏီအုပ်စုကြီးသည်လည်း မူးယစ်ငွေများ၏ အသီးအပွင့်များပါပင်။

ဦးခွန်ဆာက မြန်မာပြည်၏ ဆောက်လုပ်ရေးလောကကို တခေတ်ဆန်းစေခဲ့သလို ပတ္တမြားမြေဖြစ်သော မိုးကုတ်၊ မိုင်းရှူး တို့တွင်လည်း သူပိုင်ကုမ္ပဏီက ကျောက်တူးဖေါ်ခွင့် အများအပြားရရှိခဲ့သူ ဖြစ်ပါ၏။ အကျိုးအမြတ်တို့ကို ဗိုလ်ချုပ်ကြီးများနှင့် အကျိုးတူ ခံစားခွင့်ရရှိအောင် စွမ်းဆောင်ပေးခဲ့သူဖြစ်သော်လည်း ဘိန်းဘုရင်ဘဝမှ အနားယူပြီးထဲက ထင်ပေါ်စွာ မနေခဲ့ တော့။

အမေရိကန်တို့၏ ဆုကြေးငွေထုတ်ခံရသည်အထိ နာမည်ကျော်ခဲ့သည့် ရာဇဝတ်သားကြီး ဖြစ်ခဲ့သော ဘိန်းဘုရင်ကြီး ဦးခွန်ဆာသည်လည်း အကျိုးစီးပွားခြင်း ထပ်တူကြနေသော မြန်မာ့တပ်မတော်၏ စောင့်ရှောက်မှုအောက်တွင် အေးချမ်းစွာ နေထိုင်ရင်း ၂၀၀၇ခုနှစ်တွင် ရန်ကုန်မြို့၌ ကွယ်လွန်အနိစ္စရောက်ခဲ့ပါသည်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags: , ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ရသဆောင်းပါးစုံ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)