ဆောင်းယွန်းလ ● ကျက်သရေမရှိတဲ့အကြောင်း သောင်းပြောင်းထွေလာ

September 8, 2018

 

ဆောင်းယွန်းလ ● ကျက်သရေမရှိတဲ့အကြောင်း သောင်းပြောင်းထွေလာ
(မိုးမခ) စက်တင်ဘာ ၈၊ ၂၀၁၈

အေးကွာ
မင်းတို့ပဲ ခန့်ခန့်ကြီးတွေထိုင်လို့ 
မဆန့်မပြဲ စားထားတဲ့ ဖားရုပ်တွေ

ဗိုလ် ကျား သေနတ်ဆွဲဆုံးဖြတ်လည်း
သေနတ်ကိုင်ထားသူ ဗိုလ်ကအနိုင်

လူနည်းစုဆွဲထားတဲ့ စည်းမျဉ်းထဲမှာ
လူအများစုက
ကျားရှေ့ လည်စင်းထိုင်ပေးနေရသလိုမျိုး

မိုးကောင်းတုန်း ရွာထားလိုက်
နေကောင်းတုန်း ခြစ်ခြစ်ထအောင်ပူလိုက်နဲ့
မြူနှင်းကွဲတယ်ရယ်လို့ကိုမရှိခဲ့

စိမ်းပုပ်ပုပ်အရောင်တွေနဲ့ 
အမှောင်သမ်းနေတဲ့ ခေတ်ကြီးထဲ
မာကျူရီမီးတွေထွန်းပြပြီး
လင်းလှချည်ရဲ့လို့ ဆိုလိုဆို

ကျက်သရေတပြားသား
လားလားမှမထိုက်တဲ့ မျက်နှာထားတွေနဲ့ 
ခြေပလ္လင်ခွေချိတ် လွှတ်တော်အရိပ်ထဲ
အရိပ်ကိုခိုးပြီး အခက်ကိုလည်းချိုးနေခဲ့ကြတုန်း

ကျောက်သင်ပုန်းကြီးပေါ်
စာအတူအံခဲ့ဖူးသူတွေကိုလည်း မေ့ထားခဲ့ကြ

နိုင်ငံ့မျက်နှာကို အိုးမဲသုတ်
သေနတ်ကို ရဟတ်လုပ်စီးပြီး
ကိုယ့်အတ္တအတွက် ပုတီးစိတ်သူတွေ

လျှပ်စီးတွေလက်နေလည်း မမှုဘူး
မုန်တိုင်းတွေတိုက်နေလည်း မမှုဘူး
ဘယ်ကိုဗဟိုပြုပြီး ဘာငလျင်လှုပ်လှုပ်
သူတို့ အလုပ်မဟုတ်ဘူး
ကိုယ့်သား ကိုယ့်မယား
ဖူးဖူးမှုတ်ထားရင်း
တိုင်းပြည်တန်ဆာနဲ့ အချင်းဆေးသူများ

အတိတ်နဲ့ ပစ္စုပ္ပန်ကို
ရှေ့တန်းပို့ထားလေတော့
အနာဂတ်ဟာ
ပေါင်တဖက်ပြတ် ချိုင်းထောက်ကြီးကိုထောက်လို့
အဲဒီ အနာဂတ်ဟာပဲ
နောက်တန်းတနေရာမှာ မျက်စိတဖက်လပ်နဲ့ 

အေးကွာ
မင်းတို့မျက်နှာတွေကို
ခပ်ဝေးဝေးတနေရာကနေ
တခါတခါ ဖန်သားပြင်ပေါ်မှာတွေ့ ရမြင်ရသူ
ငါက ကံကောင်းပါတယ်
မင်းတို့မျက်နှာတွေကို အမြဲမြင်နေရသူတွေမှာသာ
ကံဆိုးမသွားရာ မိုးလိုက်လို့ ရွာဆိုသလိုမျိုး။

ဆောင်းယွန်းလ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကဗျာ, ဆောင်းယွန်းလ

Comments are closed.

ကြော်ငြာ … ကြော်ငြာ …

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags